Chapter 11: Pāṇḍu seeks heirs; Kuntī bears Yudhiṣṭhira, Bhīma and Arjuna, while Mādrī bears Nakula and Sahadeva by invoking deities.
वैशम्पायन उवाच॥
vaiśampāyana uvāca॥
Vaiśampāyana said:
[PV-KDV:01_018_1] (Bharata-Ext)
तत्रापि तपसि श्रेष्ठे वर्तमानः स वीर्यवान् । सिद्धचारणसङ्घानां बभूव प्रियदर्शनः ॥BORI: १-१११-१॥
tatrāpi tapasi śrēṣṭhē vartamānaḥ sa vīryavān । siddhacāraṇasaṅghānāṁ babhūva priyadarśanaḥ ॥BORI: 1-111-1॥
There too, while engaged in the highest austerity, that mighty man became a welcome sight to the hosts of Siddhas and Charanas. (BORI: 1-111-1)
[PV-KDV:01_018_2] (Bharata-Ext)
शुश्रूषुरनहंवादी संयतात्मा जितेन्द्रियः । स्वर्गं गन्तुं पराक्रान्तः स्वेन वीर्येण भारत ॥BORI: १-१११-२॥
śuśrūṣuranahaṁvādī saṁyatātmā jitēndriyaḥ । svargaṁ gantuṁ parākrāntaḥ svēna vīryēṇa bhārata ॥BORI: 1-111-2॥
Eager to serve, free from arrogance, self-controlled, and master of his senses, he strove to reach heaven by his own prowess, O descendant of Bharata. (BORI: 1-111-2)
[PV-KDV:01_018_3] (Bharata-Ext)
केषाञ्चिदभवद्भ्राता केषाञ्चिदभवत्सखा । ऋषयस्त्वपरे चैनं पुत्रवत्पर्यपालयन् ॥BORI: १-१११-३॥
kēṣāñcidabhavadbhrātā kēṣāñcidabhavatsakhā । r̥ṣayastvaparē cainaṁ putravatparyapālayan ॥BORI: 1-111-3॥
To some he became a brother, to others a friend, while still other sages cared for him as a son. (BORI: 1-111-3)
[PV-KDV:01_018_4] (Bharata-Ext)
स तु कालेन महता प्राप्य निष्कल्मषं तपः । ब्रह्मर्षिसदृशः पाण्डुर्बभूव भरतर्षभ ॥BORI: १-१११-४॥
sa tu kālēna mahatā prāpya niṣkalmaṣaṁ tapaḥ । brahmarṣisadr̥śaḥ pāṇḍurbabhūva bharatarṣabha ॥BORI: 1-111-4॥
In the course of a long time, Pandu attained stainless ascetic perfection and became like a Brahmarshi, O bull of the Bharatas. (BORI: 1-111-4)
[PV-KDV:01_018_5] (Bharata-Ext)
स्वर्गपारं तितीर्षन्स शतशृङ्गादुदङ्मुखः । प्रतस्थे सह पत्नीभ्यामब्रुवंस्तत्र तापसाः । उपर्युपरि गच्छन्तः शैलराजमुदङ्मुखाः ॥BORI: १-१११-५॥
svargapāraṁ titīrṣansa śataśr̥ṅgādudaṅmukhaḥ । pratasthē saha patnībhyāmabruvaṁstatra tāpasāḥ । uparyupari gacchantaḥ śailarājamudaṅmukhāḥ ॥BORI: 1-111-5॥
Wishing to reach the farther shore of heaven, he set out northward from Shatashringa with his two wives. There the ascetics said, “As we traveled ever higher over the king of mountains, heading north…” (BORI: 1-111-5)
[PV-KDV:01_018_6] (Bharata-Ext)
दृष्टवन्तो गिरेरस्य दुर्गान्देशान्बहून्वयम् । आक्रीडभूतान्देवानां गन्धर्वाप्सरसां तथा ॥BORI: १-१११-६॥
dr̥ṣṭavantō girērasya durgāndēśānbahūnvayam । ākrīḍabhūtāndēvānāṁ gandharvāpsarasāṁ tathā ॥BORI: 1-111-6॥
We have seen many inaccessible regions of this mountain, which serve as playgrounds for the gods, Gandharvas, and Apsarases... (BORI: 1-111-6)
[PV-KDV:01_018_7] (Bharata-Ext)
उद्यानानि कुबेरस्य समानि विषमाणि च । महानदीनितम्बांश्च दुर्गांश्च गिरिगह्वरान् ॥BORI: १-१११-७॥
udyānāni kubērasya samāni viṣamāṇi ca । mahānadīnitambāṁśca durgāṁśca girigahvarān ॥BORI: 1-111-7॥
Kubera’s gardens, both level and rugged, the banks of great rivers, and inaccessible mountain caverns. (BORI: 1-111-7)
[PV-KDV:01_018_8] (Bharata-Ext)
सन्ति नित्यहिमा देशा निर्वृक्षमृगपक्षिणः । सन्ति केचिन्महावर्षा दुर्गाः केचिद्दुरासदाः ॥BORI: १-१११-८॥
santi nityahimā dēśā nirvr̥kṣamr̥gapakṣiṇaḥ । santi kēcinmahāvarṣā durgāḥ kēciddurāsadāḥ ॥BORI: 1-111-8॥
There are regions perpetually covered in snow, devoid of trees, animals, and birds. Some receive heavy rainfall; some are impassable, and others difficult to approach. (BORI: 1-111-8)
[PV-KDV:01_018_9] (Bharata-Ext)
अतिक्रामेन्न पक्षी यान्कुत एवेतरे मृगाः । वायुरेकोऽतिगाद्यत्र सिद्धाश्च परमर्षयः ॥BORI: १-१११-९॥
atikrāmēnna pakṣī yānkuta ēvētarē mr̥gāḥ । vāyurēkō’tigādyatra siddhāśca paramarṣayaḥ ॥BORI: 1-111-9॥
No bird could cross them, much less any other animal; only the wind, the Siddhas, and the great seers can pass through them. (BORI: 1-111-9)
[PV-KDV:01_018_10] (Bharata-Ext)
गच्छन्त्यौ शैलराजेऽस्मिन्राजपुत्र्यौ कथं त्विमे । न सीदेतामदुःखार्हे मा गमो भरतर्षभ ॥BORI: १-१११-१०॥
gacchantyau śailarājē’sminrājaputryau kathaṁ tvimē । na sīdētāmaduḥkhārhē mā gamō bharatarṣabha ॥BORI: 1-111-10॥
But how could these two princesses, who do not deserve hardship, travel on this king of mountains without becoming exhausted? Do not go, bull of the Bharatas. (BORI: 1-111-10)
[PV-KDV:01_018_11] (Bharata-Ext)
पाण्डुरुवाच॥
pāṇḍuruvāca॥
Pāṇḍu said:
[PV-KDV:01_018_12] (Bharata-Ext)
अप्रजस्य महाभागा न द्वारं परिचक्षते । स्वर्गे तेनाभितप्तोऽहमप्रजस्तद्ब्रवीमि वः ॥BORI: १-१११-११॥
aprajasya mahābhāgā na dvāraṁ paricakṣatē । svargē tēnābhitaptō’hamaprajastadbravīmi vaḥ ॥BORI: 1-111-11॥
O blessed ones, they say that there is no gateway to heaven for a childless man. Being childless, I am tormented by this, and so I tell you of it. (BORI: 1-111-11)
[PV-KDV:01_018_13] (Bharata-Ext)
ऋणैश्चतुर्भिः संयुक्ता जायन्ते मनुजा भुवि । पितृदेवर्षिमनुजदेयैः शतसहस्रशः ॥BORI: १-१११-१२॥
r̥ṇaiścaturbhiḥ saṁyuktā jāyantē manujā bhuvi । pitr̥dēvarṣimanujadēyaiḥ śatasahasraśaḥ ॥BORI: 1-111-12॥
Humans are born on earth in their hundreds and thousands, bound by four debts owed to the ancestors, the gods, the seers, and their fellow human beings. (BORI: 1-111-12)
[PV-KDV:01_018_14] (Bharata-Ext)
एतानि तु यथाकालं यो न बुध्यति मानवः । न तस्य लोकाः सन्तीति धर्मविद्भिः प्रतिष्ठितम् ॥BORI: १-१११-१३॥
ētāni tu yathākālaṁ yō na budhyati mānavaḥ । na tasya lōkāḥ santīti dharmavidbhiḥ pratiṣṭhitam ॥BORI: 1-111-13॥
The experts in dharma have established that a person who fails to recognize these obligations at the proper times has no worlds awaiting him. (BORI: 1-111-13)
[PV-KDV:01_018_15] (Bharata-Ext)
यज्ञैश्च देवान्प्रीणाति स्वाध्यायतपसा मुनीन् । पुत्रैः श्राद्धैः पितृंश्चापि आनृशंस्येन मानवान् ॥BORI: १-१११-१४॥
yajñaiśca dēvānprīṇāti svādhyāyatapasā munīn । putraiḥ śrāddhaiḥ pitr̥ṁścāpi ānr̥śaṁsyēna mānavān ॥BORI: 1-111-14॥
Through sacrifices he pleases the gods; through sacred study and austerity, the sages; through sons and ancestral rites, the ancestors; and through compassion, human beings. (BORI: 1-111-14)
[PV-KDV:01_018_16] (Bharata-Ext)
ऋषिदेवमनुष्याणां परिमुक्तोऽस्मि धर्मतः । पित्र्यादृणादनिर्मुक्तस्तेन तप्ये तपोधनाः ॥BORI: १-१११-१५॥
r̥ṣidēvamanuṣyāṇāṁ parimuktō’smi dharmataḥ । pitryādr̥ṇādanirmuktastēna tapyē tapōdhanāḥ ॥BORI: 1-111-15॥
I have been duly freed from my debts to sages, gods, and human beings, but I am not free from my debt to the ancestors. That is why I grieve, O ascetics rich in austerity. (BORI: 1-111-15)
[PV-KDV:01_018_17] (Bharata-Ext)
तापसा ऊचुः॥
tāpasā ūcuḥ॥
The ascetics said:
[PV-KDV:01_018_20] (Bharata-Ext)
अस्ति वै तव धर्मात्मन्विद्म देवोपमं शुभम् । अपत्यमनघं राजन्वयं दिव्येन चक्षुषा ॥BORI: १-१११-१८॥
asti vai tava dharmātmanvidma dēvōpamaṁ śubham । apatyamanaghaṁ rājanvayaṁ divyēna cakṣuṣā ॥BORI: 1-111-18॥
O righteous king, we know through divine sight that you will indeed have a blessed, godlike, and blameless child. (BORI: 1-111-18)
[PV-KDV:01_018_21] (Bharata-Ext)
दैवदिष्टं नरव्याघ्र कर्मणेहोपपादय । अक्लिष्टं फलमव्यग्रो विन्दते बुद्धिमान्नरः ॥BORI: १-१११-१९॥
daivadiṣṭaṁ naravyāghra karmaṇēhōpapādaya । akliṣṭaṁ phalamavyagrō vindatē buddhimānnaraḥ ॥BORI: 1-111-19॥
Bring about through action what fate has ordained here, O tiger among men. An intelligent man, remaining calm, obtains the fruit without hardship. (BORI: 1-111-19)
[PV-KDV:01_018_22] (Bharata-Ext)
तस्मिन्दृष्टे फले तात प्रयत्नं कर्तुमर्हसि । अपत्यं गुणसम्पन्नं लब्ध्वा प्रीतिमवाप्स्यसि ॥BORI: १-१११-२०॥
tasmindr̥ṣṭē phalē tāta prayatnaṁ kartumarhasi । apatyaṁ guṇasampannaṁ labdhvā prītimavāpsyasi ॥BORI: 1-111-20॥
With that result in view, dear one, you should make the effort. Having obtained a virtuous child, you will find joy. (BORI: 1-111-20)
[PV-KDV:01_018_23] (Bharata-Ext)
वैशम्पायन उवाच॥
vaiśampāyana uvāca॥
Vaiśampāyana said:
[PV-KDV:01_018_24] (Bharata-Ext)
तच्छ्रुत्वा तापसवचः पाण्डुश्चिन्तापरोऽभवत् । आत्मनो मृगशापेन जानन्नुपहतां क्रियाम् ॥BORI: १-१११-२१॥
tacchrutvā tāpasavacaḥ pāṇḍuścintāparō’bhavat । ātmanō mr̥gaśāpēna jānannupahatāṁ kriyām ॥BORI: 1-111-21॥
Hearing those words of the ascetics, Pandu became deeply troubled, knowing that the deer's curse had thwarted his ability to beget children. (BORI: 1-111-21)
[PV-KDV:01_018_25] (Bharata-Ext)
सोऽब्रवीद्विजने कुन्तीं धर्मपत्नीं यशस्विनीम् । अपत्योत्पादने योगमापदि प्रसमर्थयन् ॥BORI: १-१११-२२॥
sō’bravīdvijanē kuntīṁ dharmapatnīṁ yaśasvinīm । apatyōtpādanē yōgamāpadi prasamarthayan ॥BORI: 1-111-22॥
In private, he spoke to Kunti, his illustrious lawful wife, justifying a means of obtaining offspring in a time of distress: (BORI: 1-111-22)
[PV-KDV:01_018_26] (Bharata-Ext)
अपत्यं नाम लोकेषु प्रतिष्ठा धर्मसंहिता । इति कुन्ति विदुर्धीराः शाश्वतं धर्ममादितः ॥BORI: १-१११-२३॥
apatyaṁ nāma lōkēṣu pratiṣṭhā dharmasaṁhitā । iti kunti vidurdhīrāḥ śāśvataṁ dharmamāditaḥ ॥BORI: 1-111-23॥
“Offspring is one’s foundation in the worlds, ordained by dharma.” The wise, Kunti, know this as the eternal law from the beginning. (BORI: 1-111-23)
[PV-KDV:01_018_27] (Bharata-Ext)
इष्टं दत्तं तपस्तप्तं नियमश्च स्वनुष्ठितः । सर्वमेवानपत्यस्य न पावनमिहोच्यते ॥BORI: १-१११-२४॥
iṣṭaṁ dattaṁ tapastaptaṁ niyamaśca svanuṣṭhitaḥ । sarvamēvānapatyasya na pāvanamihōcyatē ॥BORI: 1-111-24॥
For one who has no offspring, sacrifices performed, gifts given, austerities practiced, and vows properly observed—all this is said to have no purifying power in this world. (BORI: 1-111-24)
[PV-KDV:01_018_28] (Bharata-Ext)
सोऽहमेवं विदित्वैतत्प्रपश्यामि शुचिस्मिते । अनपत्यः शुभाँल्लोकान्नावाप्स्यामीति चिन्तयन् ॥BORI: १-१११-२५॥
sō’hamēvaṁ viditvaitatprapaśyāmi śucismitē । anapatyaḥ śubhām̐llōkānnāvāpsyāmīti cintayan ॥BORI: 1-111-25॥
Knowing this, O you of pure smile, I foresee, as I reflect, that without offspring I shall not attain the blessed worlds. (BORI: 1-111-25)
[PV-KDV:01_018_29] (Bharata-Ext)
मृगाभिशापान्नष्टं मे प्रजनं ह्यकृतात्मनः । नृशंसकारिणो भीरु यथैवोपहतं तथा ॥BORI: १-१११-२६॥
mr̥gābhiśāpānnaṣṭaṁ mē prajanaṁ hyakr̥tātmanaḥ । nr̥śaṁsakāriṇō bhīru yathaivōpahataṁ tathā ॥BORI: 1-111-26॥
Because of the deer's curse, my power of procreation has indeed been lost, O timid one, for I lacked self-control and acted cruelly; it has been struck down just as described. (BORI: 1-111-26)
[PV-KDV:01_018_30] (Bharata-Ext)
इमे वै बन्धुदायादाः षट्पुत्रा धर्मदर्शने । षडेवाबन्धुदायादाः पुत्रास्ताञ्शृणु मे पृथे ॥BORI: १-१११-२७॥
imē vai bandhudāyādāḥ ṣaṭputrā dharmadarśanē । ṣaḍēvābandhudāyādāḥ putrāstāñśr̥ṇu mē pr̥thē ॥BORI: 1-111-27॥
According to dharma, there are six kinds of sons who are both kinsmen and heirs, and six who are heirs but not kinsmen. Hear about them from me, Pritha. (BORI: 1-111-27)
[PV-KDV:01_018_31] (Bharata-Ext)
स्वयञ्जातः प्रणीतश्च परिक्रीतश्च यः सुतः । पौनर्भवश्च कानीनः स्वैरिण्यां यश्च जायते ॥BORI: १-१११-२८॥
svayañjātaḥ praṇītaśca parikrītaśca yaḥ sutaḥ । paunarbhavaśca kānīnaḥ svairiṇyāṁ yaśca jāyatē ॥BORI: 1-111-28॥
The son begotten by oneself, one begotten by an appointed man, one begotten by a man hired for the purpose, the son of a remarried woman, the son of an unmarried girl, and one born to a promiscuous woman. (BORI: 1-111-28)
[PV-KDV:01_018_32] (Bharata-Ext)
दत्तः क्रीतः कृत्रिमश्च उपगच्छेत्स्वयं च यः । सहोढो जातरेताश्च हीनयोनिधृतश्च यः ॥BORI: १-१११-२९॥
dattaḥ krītaḥ kr̥trimaśca upagacchētsvayaṁ ca yaḥ । sahōḍhō jātarētāśca hīnayōnidhr̥taśca yaḥ ॥BORI: 1-111-29॥
one given as a son, one purchased, one made a son, one who comes of his own accord, one born to a bride who was already pregnant, one who has reached sexual maturity, and one borne by a woman of lower caste... (BORI: 1-111-29)
[PV-KDV:01_018_33] (Bharata-Ext)
पूर्वपूर्वतमाभावे मत्वा लिप्सेत वै सुतम् । उत्तमादवराः पुंसः काङ्क्षन्ते पुत्रमापदि ॥BORI: १-१११-३०॥
pūrvapūrvatamābhāvē matvā lipsēta vai sutam । uttamādavarāḥ puṁsaḥ kāṅkṣantē putramāpadi ॥BORI: 1-111-30॥
In the absence of each preceding kind, one should consider the matter and seek to obtain a son; men inferior to the best seek a son in times of adversity. (BORI: 1-111-30)
[PV-KDV:01_018_34] (Bharata-Ext)
अपत्यं धर्मफलदं श्रेष्ठं विन्दन्ति साधवः । आत्मशुक्रादपि पृथे मनुः स्वायम्भुवोऽब्रवीत् ॥BORI: १-१११-३१॥
apatyaṁ dharmaphaladaṁ śrēṣṭhaṁ vindanti sādhavaḥ । ātmaśukrādapi pr̥thē manuḥ svāyambhuvō’bravīt ॥BORI: 1-111-31॥
The virtuous obtain offspring that yields the fruit of righteousness and is superior even to offspring from their own seed. So Manu Svayambhuva said, O Pritha. (BORI: 1-111-31)
[PV-KDV:01_018_35] (Bharata-Ext)
तस्मात्प्रहेष्याम्यद्य त्वां हीनः प्रजननात्स्वयम् । सदृशाच्छ्रेयसो वा त्वं विद्ध्यपत्यं यशस्विनि ॥BORI: १-१११-३२॥
tasmātprahēṣyāmyadya tvāṁ hīnaḥ prajananātsvayam । sadr̥śācchrēyasō vā tvaṁ viddhyapatyaṁ yaśasvini ॥BORI: 1-111-32॥
Therefore, being unable to procreate myself, I shall now send you to a man equal or superior to me. Obtain a child from him, illustrious woman. (BORI: 1-111-32)
[PV-KDV:01_018_36] (Bharata-Ext)
वैशम्पायन उवाच॥
vaiśampāyana uvāca॥
Vaiśampāyana said:
[PV-KDV:01_018_53] (Bharata-Ext)
एवमुक्ता महाराज कुन्ती पाण्डुमभाषत । कुरूणामृषभं वीरं तदा भूमिपतिं पतिम् ॥BORI: १-११२-१॥
ēvamuktā mahārāja kuntī pāṇḍumabhāṣata । kurūṇāmr̥ṣabhaṁ vīraṁ tadā bhūmipatiṁ patim ॥BORI: 1-112-1॥
Thus addressed, O great king, Kunti then spoke to Pandu—her husband, the heroic lord of the earth and bull of the Kurus: (BORI: 1-112-1)
[PV-KDV:01_018_54] (Bharata-Ext)
न मामर्हसि धर्मज्ञ वक्तुमेवं कथञ्चन । धर्मपत्नीमभिरतां त्वयि राजीवलोचन ॥BORI: १-११२-२॥
na māmarhasi dharmajña vaktumēvaṁ kathañcana । dharmapatnīmabhiratāṁ tvayi rājīvalōcana ॥BORI: 1-112-2॥
O knower of dharma, you should never speak thus to me, your lawful wife, devoted to you, lotus-eyed king. (BORI: 1-112-2)
[PV-KDV:01_018_55] (Bharata-Ext)
त्वमेव तु महाबाहो मय्यपत्यानि भारत । वीर वीर्योपपन्नानि धर्मतो जनयिष्यसि ॥BORI: १-११२-३॥
tvamēva tu mahābāhō mayyapatyāni bhārata । vīra vīryōpapannāni dharmatō janayiṣyasi ॥BORI: 1-112-3॥
But you yourself, mighty-armed Bharata, shall lawfully beget upon me children endowed with heroic strength, O hero. (BORI: 1-112-3)
[PV-KDV:01_018_56] (Bharata-Ext)
स्वर्गं मनुजशार्दूल गच्छेयं सहिता त्वया । अपत्याय च मां गच्छ त्वमेव कुरुनन्दन ॥BORI: १-११२-४॥
svargaṁ manujaśārdūla gacchēyaṁ sahitā tvayā । apatyāya ca māṁ gaccha tvamēva kurunandana ॥BORI: 1-112-4॥
May I go to heaven together with you, O tiger among men; and you alone must approach me to beget offspring, O delight of the Kurus. (BORI: 1-112-4)
[PV-KDV:01_018_57] (Bharata-Ext)
न ह्यहं मनसाप्यन्यं गच्छेयं त्वदृते नरम् । त्वत्तः प्रतिविशिष्टश्च कोऽन्योऽस्ति भुवि मानवः ॥BORI: १-११२-५॥
na hyahaṁ manasāpyanyaṁ gacchēyaṁ tvadr̥tē naram । tvattaḥ prativiśiṣṭaśca kō’nyō’sti bhuvi mānavaḥ ॥BORI: 1-112-5॥
For even in my thoughts I would not go to any man but you. What other man on earth is more distinguished than you? (BORI: 1-112-5)
[PV-KDV:01_018_58] (Bharata-Ext)
वैशम्पायन उवाच॥
vaiśampāyana uvāca॥
Vaiśampāyana said:
[PV-KDV:01_018_92] (Bharata-Ext)
एवमुक्तस्तया राजा तां देवीं पुनरब्रवीत् । धर्मविद्धर्मसंयुक्तमिदं वचनमुत्तमम् ॥BORI: १-११३-१॥
ēvamuktastayā rājā tāṁ dēvīṁ punarabravīt । dharmaviddharmasaṁyuktamidaṁ vacanamuttamam ॥BORI: 1-113-1॥
Thus addressed by her, the king, who knew dharma, again spoke to the queen these excellent words, in keeping with dharma: (BORI: 1-113-1)
[PV-KDV:01_018_93] (Bharata-Ext)
भर्ता भार्यां राजपुत्रि धर्म्यं वाधर्म्यमेव वा । यद्ब्रूयात्तत्तथा कार्यमिति धर्मविदो विदुः ॥BORI: १-११३-२७॥
bhartā bhāryāṁ rājaputri dharmyaṁ vādharmyamēva vā । yadbrūyāttattathā kāryamiti dharmavidō viduḥ ॥BORI: 1-113-27॥
Princess, whatever a husband tells his wife to do, whether righteous or unrighteous, must be done just so—this is what those who know dharma hold. (BORI: 1-113-27)
[PV-KDV:01_018_119] (Bharata-Ext)
विशेषतः पुत्रगृद्धी हीनः प्रजननात्स्वयम् । यथाहमनवद्याङ्गि पुत्रदर्शनलालसः ॥BORI: १-११३-२८॥
viśēṣataḥ putragr̥ddhī hīnaḥ prajananātsvayam । yathāhamanavadyāṅgi putradarśanalālasaḥ ॥BORI: 1-113-28॥
especially when he longs for a son but is himself incapable of procreation, as I am, O flawless-limbed woman, yearning to see a son. (BORI: 1-113-28)
[PV-KDV:01_018_120] (Bharata-Ext)
मन्नियोगात्सुकेशान्ते द्विजातेस्तपसाधिकात् । पुत्रान्गुणसमायुक्तानुत्पादयितुमर्हसि । त्वत्कृतेऽहं पृथुश्रोणि गच्छेयं पुत्रिणां गतिम् ॥BORI: १-११३-३०॥
manniyōgātsukēśāntē dvijātēstapasādhikāt । putrānguṇasamāyuktānutpādayitumarhasi । tvatkr̥tē’haṁ pr̥thuśrōṇi gacchēyaṁ putriṇāṁ gatim ॥BORI: 1-113-30॥
At my behest, O lovely-haired woman, you should bear sons endowed with virtue by a Brahmin eminent in austerity. Through you, O broad-hipped woman, I may attain the destiny of those who have sons. (BORI: 1-113-30)
[PV-KDV:01_018_122] (Bharata-Ext)
एवमुक्ता ततः कुन्ती पाण्डुं परपुरञ्जयम् । प्रत्युवाच वरारोहा भर्तुः प्रियहिते रता ॥BORI: १-११३-३१॥
ēvamuktā tataḥ kuntī pāṇḍuṁ parapurañjayam । pratyuvāca varārōhā bhartuḥ priyahitē ratā ॥BORI: 1-113-31॥
Thus addressed, Kunti, the lovely-hipped woman devoted to her husband’s pleasure and welfare, replied to Pandu, the conqueror of enemy cities: (BORI: 1-113-31)
[PV-KDV:01_018_123] (Bharata-Ext)
पितृवेश्मन्यहं बाला नियुक्तातिथिपूजने । उग्रं पर्यचरं तत्र ब्राह्मणं संशितव्रतम् ॥BORI: १-११३-३२॥
pitr̥vēśmanyahaṁ bālā niyuktātithipūjanē । ugraṁ paryacaraṁ tatra brāhmaṇaṁ saṁśitavratam ॥BORI: 1-113-32॥
As a young girl in my father’s house, I was assigned to attend to guests. There I served a stern Brahmin of strict vows. (BORI: 1-113-32)
[PV-KDV:01_018_124] (Bharata-Ext)
निगूढनिश्चयं धर्मे यं तं दुर्वाससं विदुः । तमहं संशितात्मानं सर्वयत्नैरतोषयम् ॥BORI: १-११३-३३॥
nigūḍhaniścayaṁ dharmē yaṁ taṁ durvāsasaṁ viduḥ । tamahaṁ saṁśitātmānaṁ sarvayatnairatōṣayam ॥BORI: 1-113-33॥
I pleased with every effort that self-controlled man whom people know as Durvasas, whose conviction concerning dharma was profound. (BORI: 1-113-33)
[PV-KDV:01_018_125] (Bharata-Ext)
स मेऽभिचारसंयुक्तमाचष्ट भगवान्वरम् । मन्त्रग्रामं च मे प्रादादब्रवीच्चैव मामिदम् ॥BORI: १-११३-३४॥
sa mē’bhicārasaṁyuktamācaṣṭa bhagavānvaram । mantragrāmaṁ ca mē prādādabravīccaiva māmidam ॥BORI: 1-113-34॥
That blessed one offered me a boon endowed with magical power, gave me a collection of mantras, and said this to me: (BORI: 1-113-34)
[PV-KDV:01_018_126] (Bharata-Ext)
यं यं देवं त्वमेतेन मन्त्रेणावाहयिष्यसि । अकामो वा सकामो वा स ते वशमुपैष्यति ॥BORI: १-११३-३५॥
yaṁ yaṁ dēvaṁ tvamētēna mantrēṇāvāhayiṣyasi । akāmō vā sakāmō vā sa tē vaśamupaiṣyati ॥BORI: 1-113-35॥
Whichever god you invoke with this mantra, whether willingly or unwillingly, will come under your control. (BORI: 1-113-35)
[PV-KDV:01_018_127] (Bharata-Ext)
इत्युक्ताहं तदा तेन पितृवेश्मनि भारत । ब्राह्मणेन वचस्तथ्यं तस्य कालोऽयमागतः ॥BORI: १-११३-३६॥
ityuktāhaṁ tadā tēna pitr̥vēśmani bhārata । brāhmaṇēna vacastathyaṁ tasya kālō’yamāgataḥ ॥BORI: 1-113-36॥
Thus was I told then by that Brahmin in my father’s house, O Bharata. His word is true, and the time for it has now come. (BORI: 1-113-36)
[PV-KDV:01_018_128] (Bharata-Ext)
अनुज्ञाता त्वया देवमाह्वयेयमहं नृप । तेन मन्त्रेण राजर्षे यथा स्यान्नौ प्रजा विभो ॥BORI: १-११३-३७॥
anujñātā tvayā dēvamāhvayēyamahaṁ nr̥pa । tēna mantrēṇa rājarṣē yathā syānnau prajā vibhō ॥BORI: 1-113-37॥
With your permission, O king, I would invoke a god by that mantra, O royal sage, so that we might have a child, O lord. (BORI: 1-113-37)
[PV-KDV:01_018_129] (Bharata-Ext)
आवाहयामि कं देवं ब्रूहि तत्त्वविदां वर । त्वत्तोऽनुज्ञाप्रतीक्षां मां विद्ध्यस्मिन्कर्मणि स्थिताम् ॥BORI: १-११३-३८॥
āvāhayāmi kaṁ dēvaṁ brūhi tattvavidāṁ vara । tvattō’nujñāpratīkṣāṁ māṁ viddhyasminkarmaṇi sthitām ॥BORI: 1-113-38॥
Tell me which god I should summon, O best of those who know the truth. Know that I stand ready to perform this act, awaiting your permission. (BORI: 1-113-38)
[PV-KDV:01_018_130] (Bharata-Ext)
पाण्डुरुवाच॥
pāṇḍuruvāca॥
Pandu said:
[PV-KDV:01_018_131] (Bharata-Ext)
अद्यैव त्वं वरारोहे प्रयतस्व यथाविधि । धर्ममावाहय शुभे स हि देवेषु पुण्यभाक् ॥BORI: १-११३-३९॥
adyaiva tvaṁ varārōhē prayatasva yathāvidhi । dharmamāvāhaya śubhē sa hi dēvēṣu puṇyabhāk ॥BORI: 1-113-39॥
This very day, fair-hipped woman, prepare yourself according to the prescribed rite. Auspicious lady, invoke Dharma, for among the gods he is endowed with righteousness. (BORI: 1-113-39)
[PV-KDV:01_018_132] (Bharata-Ext)
अधर्मेण न नो धर्मः संयुज्येत कथञ्चन । लोकश्चायं वरारोहे धर्मोऽयमिति मंस्यते ॥BORI: १-११३-४०॥
adharmēṇa na nō dharmaḥ saṁyujyēta kathañcana । lōkaścāyaṁ varārōhē dharmō’yamiti maṁsyatē ॥BORI: 1-113-40॥
In this way, our righteousness will never be tainted by unrighteousness, and the world, fair-hipped one, will regard this as righteous. (BORI: 1-113-40)
[PV-KDV:01_018_133] (Bharata-Ext)
धार्मिकश्च कुरूणां स भविष्यति न संशयः । दत्तस्यापि च धर्मेण नाधर्मे रंस्यते मनः ॥BORI: १-११३-४१॥
dhārmikaśca kurūṇāṁ sa bhaviṣyati na saṁśayaḥ । dattasyāpi ca dharmēṇa nādharmē raṁsyatē manaḥ ॥BORI: 1-113-41॥
He will be righteous among the Kurus, without doubt; and since he is bestowed by Dharma, his mind will not delight in unrighteousness. (BORI: 1-113-41)
[PV-KDV:01_018_134] (Bharata-Ext)
तस्माद्धर्मं पुरस्कृत्य नियता त्वं शुचिस्मिते । उपचाराभिचाराभ्यां धर्ममाराधयस्व वै ॥BORI: १-११३-४२॥
tasmāddharmaṁ puraskr̥tya niyatā tvaṁ śucismitē । upacārābhicārābhyāṁ dharmamārādhayasva vai ॥BORI: 1-113-42॥
Therefore, O fair-smiling one, place righteousness foremost, remain disciplined, and propitiate Dharma with due rites and incantations. (BORI: 1-113-42)
[PV-KDV:01_018_135] (Bharata-Ext)
वैशम्पायन उवाच॥
vaiśampāyana uvāca॥
Vaiśampāyana said:
[PV-KDV:01_018_136] (Bharata-Ext)
सा तथोक्ता तथेत्युक्त्वा तेन भर्त्रा वराङ्गना । अभिवाद्याभ्यनुज्ञाता प्रदक्षिणमवर्तत ॥BORI: १-११३-४३॥
sā tathōktā tathētyuktvā tēna bhartrā varāṅganā । abhivādyābhyanujñātā pradakṣiṇamavartata ॥BORI: 1-113-43॥
Thus addressed by her husband, the beautiful woman said, “So be it.” After bowing to him and receiving his permission, she walked clockwise around him. (BORI: 1-113-43)
[PV-KDV:01_018_137] (Bharata-Ext)
वैशम्पायन उवाच॥
vaiśampāyana uvāca॥
Vaiśampāyana said:
[PV-KDV:01_018_180] (Bharata-Ext)
सा बलिं त्वरिता देवी धर्मायोपजहार ह । जजाप जप्यं विधिवद्दत्तं दुर्वाससा पुरा ॥BORI: १-११४-२॥
sā baliṁ tvaritā dēvī dharmāyōpajahāra ha । jajāpa japyaṁ vidhivaddattaṁ durvāsasā purā ॥BORI: 1-114-2॥
The goddess hastily made an offering to Dharma and duly recited the invocation that Durvasas had given her long before. (BORI: 1-114-2)
[PV-KDV:01_018_182] (Bharata-Ext)
सङ्गम्य सा तु धर्मेण योगमूर्तिधरेण वै । लेभे पुत्रं वरारोहा सर्वप्राणभृतां वरम् ॥BORI: १-११४-३॥
saṅgamya sā tu dharmēṇa yōgamūrtidharēṇa vai । lēbhē putraṁ varārōhā sarvaprāṇabhr̥tāṁ varam ॥BORI: 1-114-3॥
Uniting with Dharma, who had assumed a form through his yogic power, the lovely woman obtained a son who was the best of all living beings. (BORI: 1-114-3)
[PV-KDV:01_018_183] (Bharata-Ext)
ऐन्द्रे चन्द्रसमायुक्ते मुहूर्तेऽभिजितेऽष्टमे । दिवा मध्यगते सूर्ये तिथौ पुण्येऽभिपूजिते ॥BORI: १-११४-४॥
aindrē candrasamāyuktē muhūrtē’bhijitē’ṣṭamē । divā madhyagatē sūryē tithau puṇyē’bhipūjitē ॥BORI: 1-114-4॥
When the moon was conjoined with the asterism sacred to Indra, during the eighth muhūrta, Abhijit, at midday when the sun had reached the meridian, on an auspicious and highly honored lunar day... (BORI: 1-114-4)
[PV-KDV:01_018_184] (Bharata-Ext)
समृद्धयशसं कुन्ती सुषाव समये सुतम् । जातमात्रे सुते तस्मिन्वागुवाचाशरीरिणी ॥BORI: १-११४-५॥
samr̥ddhayaśasaṁ kuntī suṣāva samayē sutam । jātamātrē sutē tasminvāguvācāśarīriṇī ॥BORI: 1-114-5॥
At the appointed time, Kunti gave birth to a son destined for abundant fame. As soon as that son was born, a bodiless voice declared: (BORI: 1-114-5)
[PV-KDV:01_018_185] (Bharata-Ext)
एष धर्मभृतां श्रेष्ठो भविष्यति न संशयः । युधिष्ठिर इति ख्यातः पाण्डोः प्रथमजः सुतः ॥BORI: १-११४-६॥
ēṣa dharmabhr̥tāṁ śrēṣṭhō bhaviṣyati na saṁśayaḥ । yudhiṣṭhira iti khyātaḥ pāṇḍōḥ prathamajaḥ sutaḥ ॥BORI: 1-114-6॥
He will undoubtedly be the foremost of those who uphold dharma. Known as Yudhishthira, he will be Pandu’s firstborn son. (BORI: 1-114-6)
[PV-KDV:01_018_186] (Bharata-Ext)
भविता प्रथितो राजा त्रिषु लोकेषु विश्रुतः । यशसा तेजसा चैव वृत्तेन च समन्वितः ॥BORI: १-११४-७॥
bhavitā prathitō rājā triṣu lōkēṣu viśrutaḥ । yaśasā tējasā caiva vr̥ttēna ca samanvitaḥ ॥BORI: 1-114-7॥
He will become a renowned king, famed throughout the three worlds and endowed with glory, splendor, and virtuous conduct. (BORI: 1-114-7)
[PV-KDV:01_018_187] (Bharata-Ext)
धार्मिकं तं सुतं लब्ध्वा पाण्डुस्तां पुनरब्रवीत् । प्राहुः क्षत्रं बलज्येष्ठं बलज्येष्ठं सुतं वृणु ॥BORI: १-११४-८॥
dhārmikaṁ taṁ sutaṁ labdhvā pāṇḍustāṁ punarabravīt । prāhuḥ kṣatraṁ balajyēṣṭhaṁ balajyēṣṭhaṁ sutaṁ vr̥ṇu ॥BORI: 1-114-8॥
Having obtained that righteous son, Pandu again said to her, “They say that the warrior class is preeminent in strength; choose a son preeminent in strength.” (BORI: 1-114-8)
[PV-KDV:01_018_188] (Bharata-Ext)
ततस्तथोक्ता पत्या तु वायुमेवाजुहाव सा । तस्माज्जज्ञे महाबाहुर्भीमो भीमपराक्रमः ॥BORI: १-११४-९॥
tatastathōktā patyā tu vāyumēvājuhāva sā । tasmājjajñē mahābāhurbhīmō bhīmaparākramaḥ ॥BORI: 1-114-9॥
Then, thus addressed by her husband, she invoked Vāyu himself. From him was born the mighty-armed Bhīma, a man of formidable prowess. (BORI: 1-114-9)
[PV-KDV:01_018_189] (Bharata-Ext)
तमप्यतिबलं जातं वागभ्यवददच्युतम् । सर्वेषां बलिनां श्रेष्ठो जातोऽयमिति भारत ॥BORI: १-११४-१०॥
tamapyatibalaṁ jātaṁ vāgabhyavadadacyutam । sarvēṣāṁ balināṁ śrēṣṭhō jātō’yamiti bhārata ॥BORI: 1-114-10॥
A voice also proclaimed of him, born immensely strong and invincible, “This child is the foremost of all strong men,” O Bharata. (BORI: 1-114-10)
[PV-KDV:01_018_190] (Bharata-Ext)
इदमत्यद्भुतं चासीज्जातमात्रे वृकोदरे । यदङ्कात्पतितो मातुः शिलां गात्रैरचूर्णयत् ॥BORI: १-११४-११॥
idamatyadbhutaṁ cāsījjātamātrē vr̥kōdarē । yadaṅkātpatitō mātuḥ śilāṁ gātrairacūrṇayat ॥BORI: 1-114-11॥
And this most astonishing thing happened when Vṛkodara had just been born: falling from his mother’s lap, he shattered a rock with his limbs. (BORI: 1-114-11)
[PV-KDV:01_018_191] (Bharata-Ext)
कुन्ती व्याघ्रभयोद्विग्ना सहसोत्पतिता किल । नान्वबुध्यत संसुप्तमुत्सङ्गे स्वे वृकोदरम् ॥BORI: १-११४-१२॥
kuntī vyāghrabhayōdvignā sahasōtpatitā kila । nānvabudhyata saṁsuptamutsaṅgē svē vr̥kōdaram ॥BORI: 1-114-12॥
Kunti, alarmed by fear of a tiger, is said to have sprung up suddenly, unaware that Vrikodara lay fast asleep on her lap. (BORI: 1-114-12)
[PV-KDV:01_018_192] (Bharata-Ext)
ततः स वज्रसङ्घातः कुमारोऽभ्यपतद्गिरौ । पतता तेन शतधा शिला गात्रैर्विचूर्णिता । तां शिलां चूर्णितां दृष्ट्वा पाण्डुर्विस्मयमागमत् ॥BORI: १-११४-१३॥
tataḥ sa vajrasaṅghātaḥ kumārō’bhyapatadgirau । patatā tēna śatadhā śilā gātrairvicūrṇitā । tāṁ śilāṁ cūrṇitāṁ dr̥ṣṭvā pāṇḍurvismayamāgamat ॥BORI: 1-114-13॥
Then the boy, solid as a thunderbolt, fell upon the mountain. As he fell, his limbs shattered the rock into a hundred pieces. Seeing the rock pulverized, Pandu was astonished. (BORI: 1-114-13)
[PV-KDV:01_018_193] (Bharata-Ext)
जाते वृकोदरे पाण्डुरिदं भूयोऽन्वचिन्तयत् । कथं नु मे वरः पुत्रो लोकश्रेष्ठो भवेदिति ॥BORI: १-११४-१५॥
jātē vr̥kōdarē pāṇḍuridaṁ bhūyō’nvacintayat । kathaṁ nu mē varaḥ putrō lōkaśrēṣṭhō bhavēditi ॥BORI: 1-114-15॥
After Vṛkodara was born, Pāṇḍu reflected again: “How might I have an excellent son, the foremost in the world?” (BORI: 1-114-15)
[PV-KDV:01_018_195] (Bharata-Ext)
दैवे पुरुषकारे च लोकोऽयं हि प्रतिष्ठितः । तत्र दैवं तु विधिना कालयुक्तेन लभ्यते ॥BORI: १-११४-१६॥
daivē puruṣakārē ca lōkō’yaṁ hi pratiṣṭhitaḥ । tatra daivaṁ tu vidhinā kālayuktēna labhyatē ॥BORI: 1-114-16॥
This world rests upon both fate and human effort; of these, fate is secured through a rite performed at the proper time. (BORI: 1-114-16)
[PV-KDV:01_018_196] (Bharata-Ext)
इन्द्रो हि राजा देवानां प्रधान इति नः श्रुतम् ॥BORI: १-११४-१७A॥
indrō hi rājā dēvānāṁ pradhāna iti naḥ śrutam । apramēyabalōtsāhō vīryavānamitadyutiḥ ॥BORI: 1-114-17॥
We have heard that Indra, king of the gods, is foremost (BORI: 1-114-17A)
[PV-KDV:01_018_197] (Bharata-Ext)
अप्रमेयबलोत्साहो वीर्यवानमितद्युतिः ॥BORI: १-११४-१७B॥
indrō hi rājā dēvānāṁ pradhāna iti naḥ śrutam । apramēyabalōtsāhō vīryavānamitadyutiḥ ॥BORI: 1-114-17॥
possessed of immeasurable strength and energy, mighty and of boundless splendor. (BORI: 1-114-17B)
[PV-PAX:01_018_198] (Bharata-Ext)
तं तोषयित्वा तपसा पुत्रं लप्स्ये महाबलम् । यं दास्यति स मे पुत्रं स वरीयान्भविष्यति । कर्मणा मनसा वाचा तस्मात्तप्स्ये महत्तपः ॥BORI: १-११४-१८॥
taṁ tōṣayitvā tapasā putraṁ lapsyē mahābalam । yaṁ dāsyati sa mē putraṁ sa varīyānbhaviṣyati । karmaṇā manasā vācā tasmāttapsyē mahattapaḥ ॥BORI: 1-114-18॥
By pleasing him through austerity, I shall obtain a mighty son. The son he gives me will be preeminent. Therefore, in deed, thought, and speech, I shall undertake great austerity. (BORI: 1-114-18)
[PV-PAX:01_018_199] (Bharata-Ext)
ततः पाण्डुर्महातेजा मन्त्रयित्वा महर्षिभिः । दिदेश कुन्त्याः कौरव्यो व्रतं सांवत्सरं शुभम् ॥BORI: १-११४-१९॥
tataḥ pāṇḍurmahātējā mantrayitvā maharṣibhiḥ । didēśa kuntyāḥ kauravyō vrataṁ sāṁvatsaraṁ śubham ॥BORI: 1-114-19॥
Then the mighty Kaurava Pandu, after consulting the great seers, prescribed for Kunti an auspicious year-long vow. (BORI: 1-114-19)
[PV-PAX:01_018_200] (Bharata-Ext)
आत्मना च महाबाहुरेकपादस्थितोऽभवत् । उग्रं स तप आतस्थे परमेण समाधिना ॥BORI: १-११४-२०॥
ātmanā ca mahābāhurēkapādasthitō’bhavat । ugraṁ sa tapa ātasthē paramēṇa samādhinā ॥BORI: 1-114-20॥
The mighty-armed man himself stood on one foot and undertook severe austerities with perfect concentration. (BORI: 1-114-20)
[PV-PAX:01_018_201] (Bharata-Ext)
आरिराधयिषुर्देवं त्रिदशानां तमीश्वरम् । सूर्येण सह धर्मात्मा पर्यवर्तत भारत ॥BORI: १-११४-२१॥
ārirādhayiṣurdēvaṁ tridaśānāṁ tamīśvaram । sūryēṇa saha dharmātmā paryavartata bhārata ॥BORI: 1-114-21॥
Wishing to propitiate that god, the lord of the gods, the righteous man turned with the sun, O Bharata. (BORI: 1-114-21)
[PV-PAX:01_018_202] (Bharata-Ext)
तं तु कालेन महता वासवः प्रत्यभाषत । पुत्रं तव प्रदास्यामि त्रिषु लोकेषु विश्रुतम् ॥BORI: १-११४-२२॥
taṁ tu kālēna mahatā vāsavaḥ pratyabhāṣata । putraṁ tava pradāsyāmi triṣu lōkēṣu viśrutam ॥BORI: 1-114-22॥
After a long time, Vasava replied to him, “I shall give you a son renowned throughout the three worlds.” (BORI: 1-114-22)
[PV-PAX:01_018_203] (Bharata-Ext)
देवानां ब्राह्मणानां च सुहृदां चार्थसाधकम् । सुतं तेऽग्र्यं प्रदास्यामि सर्वामित्रविनाशनम् ॥BORI: १-११४-२३॥
dēvānāṁ brāhmaṇānāṁ ca suhr̥dāṁ cārthasādhakam । sutaṁ tē’gryaṁ pradāsyāmi sarvāmitravināśanam ॥BORI: 1-114-23॥
I shall give you an eminent son who will further the interests of the gods, the Brahmins, and his friends, and who will destroy all his enemies. (BORI: 1-114-23)
[PV-PAX:01_018_204] (Bharata-Ext)
इत्युक्तः कौरवो राजा वासवेन महात्मना । उवाच कुन्तीं धर्मात्मा देवराजवचः स्मरन् ॥BORI: १-११४-२४॥
ityuktaḥ kauravō rājā vāsavēna mahātmanā । uvāca kuntīṁ dharmātmā dēvarājavacaḥ smaran ॥BORI: 1-114-24॥
Thus addressed by the great Indra, the righteous Kuru king spoke to Kunti, recalling the lord of the gods’ words: (BORI: 1-114-24)
[PV-PAX:01_018_205] (Bharata-Ext)
नीतिमन्तं महात्मानमादित्यसमतेजसम् । दुराधर्षं क्रियावन्तमतीवाद्भुतदर्शनम् ॥BORI: १-११४-२५॥
nītimantaṁ mahātmānamādityasamatējasam । durādharṣaṁ kriyāvantamatīvādbhutadarśanam ॥BORI: 1-114-25॥
Wise in statecraft, great-souled, radiant as the sun, unassailable, energetic, and extraordinarily wondrous in appearance… (BORI: 1-114-25)
[PV-PAX:01_018_206] (Bharata-Ext)
पुत्रं जनय सुश्रोणि धाम क्षत्रियतेजसाम् ॥BORI: १-११४-२६A॥
putraṁ janaya suśrōṇi dhāma kṣatriyatējasām ॥BORI: 1-114-26A॥
Bear a son, fair-hipped one, a repository of Kshatriya splendor. (BORI: 1-114-26A)
[PV-KDV:01_018_207] (Bharata-Ext)
लब्धः प्रसादो देवेन्द्रात्तमाह्वय शुचिस्मिते ॥BORI: १-११४-२६B॥
labdhaḥ prasādō dēvēndrāttamāhvaya śucismitē ॥BORI: 1-114-26B॥
Indra’s favor has been secured; invoke him, bright-smiling one. (BORI: 1-114-26B)
[PV-PAX:01_018_208] (Bharata-Ext)
एवमुक्ता ततः शक्रमाजुहाव यशस्विनी । अथाजगाम देवेन्द्रो जनयामास चार्जुनम् ॥BORI: १-११४-२७॥
ēvamuktā tataḥ śakramājuhāva yaśasvinī । athājagāma dēvēndrō janayāmāsa cārjunam ॥BORI: 1-114-27॥
Thus addressed, the illustrious woman invoked Śakra. Then the lord of the gods came and fathered Arjuna. (BORI: 1-114-27)
[PV-KDV:01_018_209] (Bharata-Ext)
जातमात्रे कुमारे तु वागुवाचाशरीरिणी । महागम्भीरनिर्घोषा नभो नादयती तदा ॥BORI: १-११४-२८॥
jātamātrē kumārē tu vāguvācāśarīriṇī । mahāgambhīranirghōṣā nabhō nādayatī tadā ॥BORI: 1-114-28॥
As soon as the prince was born, a bodiless voice, deep and mighty in its resonance, rang through the heavens and spoke: (BORI: 1-114-28)
[PV-KDV:01_018_210] (Bharata-Ext)
कार्तवीर्यसमः कुन्ति शिबितुल्यपराक्रमः । एष शक्र इवाजेयो यशस्ते प्रथयिष्यति ॥BORI: १-११४-२९॥
kārtavīryasamaḥ kunti śibitulyaparākramaḥ । ēṣa śakra ivājēyō yaśastē prathayiṣyati ॥BORI: 1-114-29॥
O Kunti, he will equal Kartavirya and rival Shibi in valor. Invincible like Shakra in battle, he will spread your fame. (BORI: 1-114-29)
[PV-PAX:01_018_211] (Bharata-Ext)
अदित्या विष्णुना प्रीतिर्यथाभूदभिवर्धिता । तथा विष्णुसमः प्रीतिं वर्धयिष्यति तेऽर्जुनः ॥BORI: १-११४-३०॥
adityā viṣṇunā prītiryathābhūdabhivardhitā । tathā viṣṇusamaḥ prītiṁ vardhayiṣyati tē’rjunaḥ ॥BORI: 1-114-30॥
Just as Aditi’s joy was increased by Vishnu, so Arjuna, Vishnu’s equal, will increase your joy. (BORI: 1-114-30)
[PV-PAX:01_018_212] (Bharata-Ext)
एष मद्रान्वशे कृत्वा कुरूंश्च सह केकयैः । चेदिकाशिकरूषांश्च कुरुलक्ष्म सुधास्यति ॥BORI: १-११४-३१॥
ēṣa madrānvaśē kr̥tvā kurūṁśca saha kēkayaiḥ । cēdikāśikarūṣāṁśca kurulakṣma sudhāsyati ॥BORI: 1-114-31॥
After bringing the Madras under his sway, as well as the Kurus together with the Kekayas, the Cedis, Kasis, and Karushas, he will firmly establish the glory of the Kurus. (BORI: 1-114-31)
[PV-PAX:01_018_213] (Bharata-Ext)
एतस्य भुजवीर्येण खाण्डवे हव्यवाहनः । मेदसा सर्वभूतानां तृप्तिं यास्यति वै पराम् ॥BORI: १-११४-३२॥
ētasya bhujavīryēṇa khāṇḍavē havyavāhanaḥ । mēdasā sarvabhūtānāṁ tr̥ptiṁ yāsyati vai parām ॥BORI: 1-114-32॥
Through the might of his arms, the bearer of offerings will attain supreme satisfaction in the Khandava Forest from the fat of all creatures. (BORI: 1-114-32)
[PV-PAX:01_018_214] (Bharata-Ext)
ग्रामणीश्च महीपालानेष जित्वा महाबलः ॥BORI: १-११४-३३A॥
grāmaṇīśca mahīpālānēṣa jitvā mahābalaḥ ॥BORI: 1-114-33A॥
After conquering chieftains and kings, this mighty hero, (BORI: 1-114-33A)
[PV-KDV:01_018_215] (Bharata-Ext)
भ्रातृभिः सहितो वीरस्त्रीन्मेधानाहरिष्यति ॥BORI: १-११४-३३B॥
bhrātr̥bhiḥ sahitō vīrastrīnmēdhānāhariṣyati ॥BORI: 1-114-33B॥
together with his brothers, will perform three sacrifices. (BORI: 1-114-33B)
[PV-PAX:01_018_216] (Bharata-Ext)
जामदग्न्यसमः कुन्ति विष्णुतुल्यपराक्रमः । एष वीर्यवतां श्रेष्ठो भविष्यत्यपराजितः ॥BORI: १-११४-३४॥
jāmadagnyasamaḥ kunti viṣṇutulyaparākramaḥ । ēṣa vīryavatāṁ śrēṣṭhō bhaviṣyatyaparājitaḥ ॥BORI: 1-114-34॥
O Kunti, equal to Jamadagni’s son and matching Vishnu in valor, he will be the foremost of mighty heroes and remain undefeated. (BORI: 1-114-34)
[PV-PAX:01_018_217] (Bharata-Ext)
तथा दिव्यानि चास्त्राणि निखिलान्याहरिष्यति ॥BORI: १-११४-३५A॥
tathā divyāni cāstrāṇi nikhilānyāhariṣyati । vipranaṣṭāṁ śriyaṁ cāyamāhartā puruṣarṣabhaḥ ॥BORI: 1-114-35॥
He will also obtain all the celestial weapons, (BORI: 1-114-35A)
[PV-KDV:01_018_218] (Bharata-Ext)
विप्रनष्टां श्रियं चायमाहर्ता पुरुषर्षभः ॥BORI: १-११४-३५B॥
tathā divyāni cāstrāṇi nikhilānyāhariṣyati । vipranaṣṭāṁ śriyaṁ cāyamāhartā puruṣarṣabhaḥ ॥BORI: 1-114-35॥
and this bull among men will recover the prosperity that has been lost. (BORI: 1-114-35B)
[PV-PAX:01_018_219] (Bharata-Ext)
एतामत्यद्भुतां वाचं कुन्तीपुत्रस्य सूतके । उक्तवान्वायुराकाशे कुन्ती शुश्राव चास्य ताम् ॥BORI: १-११४-३६॥
ētāmatyadbhutāṁ vācaṁ kuntīputrasya sūtakē । uktavānvāyurākāśē kuntī śuśrāva cāsya tām ॥BORI: 1-114-36॥
At the birth of Kunti’s son, Vayu uttered this most wondrous proclamation from the sky, and Kunti heard it. (BORI: 1-114-36)
[PV-PAX:01_018_220] (Bharata-Ext)
वाचमुच्चारितामुच्चैस्तां निशम्य तपस्विनाम् । बभूव परमो हर्षः शतशृङ्गनिवासिनाम् ॥BORI: १-११४-३७॥
vācamuccāritāmuccaistāṁ niśamya tapasvinām । babhūva paramō harṣaḥ śataśr̥ṅganivāsinām ॥BORI: 1-114-37॥
On hearing that proclamation uttered aloud, the ascetics dwelling on Śataśṛṅga were filled with supreme joy. (BORI: 1-114-37)
[PV-PAX:01_018_221] (Bharata-Ext)
तथा देवऋषीणां च सेन्द्राणां च दिवौकसाम् । आकाशे दुन्दुभीनां च बभूव तुमुलः स्वनः ॥BORI: १-११४-३८॥
tathā dēvar̥ṣīṇāṁ ca sēndrāṇāṁ ca divaukasām । ākāśē dundubhīnāṁ ca babhūva tumulaḥ svanaḥ ॥BORI: 1-114-38॥
Likewise among the divine seers and the heaven-dwellers, including Indra; and in the sky there arose the tumultuous sound of drums. (BORI: 1-114-38)
[PV-PAX:01_018_222] (Bharata-Ext)
उदतिष्ठन्महाघोषः पुष्पवृष्टिभिरावृतः । समवेत्य च देवानां गणाः पार्थमपूजयन् ॥BORI: १-११४-३९॥
udatiṣṭhanmahāghōṣaḥ puṣpavr̥ṣṭibhirāvr̥taḥ । samavētya ca dēvānāṁ gaṇāḥ pārthamapūjayan ॥BORI: 1-114-39॥
A mighty roar arose amid showers of flowers, and the hosts of gods gathered together and honored Partha. (BORI: 1-114-39)
[PV-PAX:01_018_223] (Bharata-Ext)
काद्रवेया वैनतेया गन्धर्वाप्सरसस्तथा । प्रजानां पतयः सर्वे सप्त चैव महर्षयः ॥BORI: १-११४-४०॥
kādravēyā vainatēyā gandharvāpsarasastathā । prajānāṁ patayaḥ sarvē sapta caiva maharṣayaḥ ॥BORI: 1-114-40॥
The descendants of Kadru and Vinata, the Gandharvas and Apsarases, all the lords of creatures, and the seven great seers… (BORI: 1-114-40)
[PV-PAX:01_018_224] (Bharata-Ext)
भरद्वाजः कश्यपो गौतमश्च; विश्वामित्रो जमदग्निर्वसिष्ठः । यश्चोदितो भास्करेऽभूत्प्रनष्टे; सोऽप्यत्रात्रिर्भगवानाजगाम ॥BORI: १-११४-४१॥
bharadvājaḥ kaśyapō gautamaśca; viśvāmitrō jamadagnirvasiṣṭhaḥ । yaścōditō bhāskarē’bhūtpranaṣṭē; sō’pyatrātrirbhagavānājagāma ॥BORI: 1-114-41॥
Bharadvaja, Kashyapa, Gautama, Vishvamitra, Jamadagni, and Vasishtha—and the blessed Atri, who rose when the sun had disappeared—also came there. (BORI: 1-114-41)
[PV-PAX:01_018_225] (Bharata-Ext)
मरीचिरङ्गिराश्चैव पुलस्त्यः पुलहः क्रतुः । दक्षः प्रजापतिश्चैव गन्धर्वाप्सरसस्तथा ॥BORI: १-११४-४२॥
marīciraṅgirāścaiva pulastyaḥ pulahaḥ kratuḥ । dakṣaḥ prajāpatiścaiva gandharvāpsarasastathā ॥BORI: 1-114-42॥
Marichi and Angiras, Pulastya, Pulaha, Kratu, Daksha Prajapati, and likewise the Gandharvas and Apsarases… (BORI: 1-114-42)
[PV-PAX:01_018_226] (Bharata-Ext)
दिव्यमाल्याम्बरधराः सर्वालङ्कारभूषिताः । उपगायन्ति बीभत्सुमुपनृत्यन्ति चाप्सराः । गन्धर्वैः सहितः श्रीमान्प्रागायत च तुम्बुरुः ॥BORI: १-११४-४३॥
divyamālyāmbaradharāḥ sarvālaṅkārabhūṣitāḥ । upagāyanti bībhatsumupanr̥tyanti cāpsarāḥ । gandharvaiḥ sahitaḥ śrīmānprāgāyata ca tumburuḥ ॥BORI: 1-114-43॥
Clad in celestial garlands and garments and adorned with every ornament, the Apsarases sang in praise of Bibhatsu and danced before him, while the glorious Tumburu sang together with the Gandharvas. (BORI: 1-114-43)
[PV-PAX:01_018_227] (Bharata-Ext)
भीमसेनोग्रसेनौ च ऊर्णायुरनघस्तथा । गोपतिर्धृतराष्ट्रश्च सूर्यवर्चाश्च सप्तमः ॥BORI: १-११४-४४॥
bhīmasēnōgrasēnau ca ūrṇāyuranaghastathā । gōpatirdhr̥tarāṣṭraśca sūryavarcāśca saptamaḥ ॥BORI: 1-114-44॥
Bhimasena and Ugrasena, Urnayus and Anagha, Gopati and Dhritarashtra, and Suryavarchas as the seventh... (BORI: 1-114-44)
[PV-PAX:01_018_228] (Bharata-Ext)
युगपस्तृणपः कार्ष्णिर्नन्दिश्चित्ररथस्तथा । त्रयोदशः शालिशिराः पर्जन्यश्च चतुर्दशः ॥BORI: १-११४-४५॥
yugapastr̥ṇapaḥ kārṣṇirnandiścitrarathastathā । trayōdaśaḥ śāliśirāḥ parjanyaśca caturdaśaḥ ॥BORI: 1-114-45॥
Yugapa, Trinapa, Karshni, Nandi, and Chitraratha as well; Shalishiras was the thirteenth and Parjanya the fourteenth. (BORI: 1-114-45)
[PV-PAX:01_018_229] (Bharata-Ext)
कलिः पञ्चदशश्चात्र नारदश्चैव षोडशः । सद्वा बृहद्वा बृहकः करालश्च महायशाः ॥BORI: १-११४-४६॥
kaliḥ pañcadaśaścātra nāradaścaiva ṣōḍaśaḥ । sadvā br̥hadvā br̥hakaḥ karālaśca mahāyaśāḥ ॥BORI: 1-114-46॥
Kali is the fifteenth here, and Narada the sixteenth; Sadva, Brihadva, Brihaka, and the illustrious Karala… (BORI: 1-114-46)
[PV-PAX:01_018_230] (Bharata-Ext)
ब्रह्मचारी बहुगुणः सुपर्णश्चेति विश्रुतः । विश्वावसुर्भुमन्युश्च सुचन्द्रो दशमस्तथा ॥BORI: १-११४-४७॥
brahmacārī bahuguṇaḥ suparṇaścēti viśrutaḥ । viśvāvasurbhumanyuśca sucandrō daśamastathā ॥BORI: 1-114-47॥
Brahmacārī, Bahuguṇa, and the renowned Suparṇa, as well as Viśvāvasu, Bhumanyu, and Sucandra, the tenth. (BORI: 1-114-47)
[PV-PAX:01_018_231] (Bharata-Ext)
गीतमाधुर्यसम्पन्नौ विख्यातौ च हहाहुहू । इत्येते देवगन्धर्वा जगुस्तत्र नरर्षभम् ॥BORI: १-११४-४८॥
gītamādhuryasampannau vikhyātau ca hahāhuhū । ityētē dēvagandharvā jagustatra nararṣabham ॥BORI: 1-114-48॥
And Hāhā and Hūhū, renowned for the sweetness of their singing—these divine Gandharvas sang there in honor of the bull among men. (BORI: 1-114-48)
[PV-PAX:01_018_232] (Bharata-Ext)
तथैवाप्सरसो हृष्टाः सर्वालङ्कारभूषिताः । ननृतुर्वै महाभागा जगुश्चायतलोचनाः ॥BORI: १-११४-४९॥
tathaivāpsarasō hr̥ṣṭāḥ sarvālaṅkārabhūṣitāḥ । nanr̥turvai mahābhāgā jaguścāyatalōcanāḥ ॥BORI: 1-114-49॥
Likewise, the delighted Apsarases, adorned with every ornament, danced and sang—those illustrious, wide-eyed women. (BORI: 1-114-49)
[PV-PAX:01_018_233] (Bharata-Ext)
अनूना चानवद्या च प्रियमुख्या गुणावरा । अद्रिका च तथा साची मिश्रकेशी अलम्बुसा ॥BORI: १-११४-५०॥
anūnā cānavadyā ca priyamukhyā guṇāvarā । adrikā ca tathā sācī miśrakēśī alambusā ॥BORI: 1-114-50॥
Anūnā, Anavadyā, Priyamukhyā, Guṇāvarā, Adrikā, Sācī, Miśrakeśī, and Alambusā… (BORI: 1-114-50)
[PV-PAX:01_018_234] (Bharata-Ext)
मरीचिः शिचुका चैव विद्युत्पर्णा तिलोत्तमा । अग्निका लक्षणा क्षेमा देवी रम्भा मनोरमा ॥BORI: १-११४-५१॥
marīciḥ śicukā caiva vidyutparṇā tilōttamā । agnikā lakṣaṇā kṣēmā dēvī rambhā manōramā ॥BORI: 1-114-51॥
Marīci, Śicukā, Vidyutparṇā, Tilottamā, Agnikā, Lakṣaṇā, Kṣemā, Devī, Rambhā, and Manoramā… (BORI: 1-114-51)
[PV-PAX:01_018_235] (Bharata-Ext)
असिता च सुबाहुश्च सुप्रिया सुवपुस्तथा । पुण्डरीका सुगन्धा च सुरथा च प्रमाथिनी ॥BORI: १-११४-५२॥
asitā ca subāhuśca supriyā suvapustathā । puṇḍarīkā sugandhā ca surathā ca pramāthinī ॥BORI: 1-114-52॥
Asitā, Subāhu, Supriyā, Suvapus, Puṇḍarīkā, Sugandhā, Surathā, and Pramāthinī … (BORI: 1-114-52)
[PV-PAX:01_018_236] (Bharata-Ext)
काम्या शारद्वती चैव ननृतुस्तत्र सङ्घशः । मेनका सहजन्या च पर्णिका पुञ्जिकस्थला ॥BORI: १-११४-५३॥
kāmyā śāradvatī caiva nanr̥tustatra saṅghaśaḥ । mēnakā sahajanyā ca parṇikā puñjikasthalā ॥BORI: 1-114-53॥
Kāmyā and Śāradvatī also danced there in groups. Menakā, Sahajanyā, Parṇikā, and Puñjikasthalā… (BORI: 1-114-53)
[PV-PAX:01_018_237] (Bharata-Ext)
क्रतुस्थला घृताची च विश्वाची पूर्वचित्त्यपि । उम्लोचेत्यभिविख्याता प्रम्लोचेति च ता दश । उर्वश्येकादशीत्येता जगुरायतलोचनाः ॥BORI: १-११४-५४॥
kratusthalā ghr̥tācī ca viśvācī pūrvacittyapi । umlōcētyabhivikhyātā pramlōcēti ca tā daśa । urvaśyēkādaśītyētā jagurāyatalōcanāḥ ॥BORI: 1-114-54॥
Kratusthala, Ghritachi, Vishvachi, and Purvachitti, as well as the one renowned as Umlocha and Pramlocha—these made ten; with Urvashi as the eleventh, these wide-eyed women sang. (BORI: 1-114-54)
[PV-PAX:01_018_238] (Bharata-Ext)
धातार्यमा च मित्रश्च वरुणोंऽशो भगस्तथा । इन्द्रो विवस्वान्पूषा च त्वष्टा च सविता तथा ॥BORI: १-११४-५५॥
dhātāryamā ca mitraśca varuṇōṁ’śō bhagastathā । indrō vivasvānpūṣā ca tvaṣṭā ca savitā tathā ॥BORI: 1-114-55॥
Dhātṛ, Aryaman, Mitra, Varuṇa, Aṃśa, Bhaga, Indra, Vivasvat, Pūṣan, Tvaṣṭṛ, and Savitṛ... (BORI: 1-114-55)
[PV-PAX:01_018_239] (Bharata-Ext)
पर्जन्यश्चैव विष्णुश्च आदित्याः पावकार्चिषः । महिमानं पाण्डवस्य वर्धयन्तोऽम्बरे स्थिताः ॥BORI: १-११४-५६॥
parjanyaścaiva viṣṇuśca ādityāḥ pāvakārciṣaḥ । mahimānaṁ pāṇḍavasya vardhayantō’mbarē sthitāḥ ॥BORI: 1-114-56॥
and Parjanya and Vishnu—the fire-radiant Adityas—standing in the sky and magnifying the Pandava’s glory. (BORI: 1-114-56)
[PV-PAX:01_018_240] (Bharata-Ext)
मृगव्याधश्च शर्वश्च निरृतिश्च महायशाः । अजैकपादहिर्बुध्न्यः पिनाकी च परन्तपः ॥BORI: १-११४-५७॥
mr̥gavyādhaśca śarvaśca nirr̥tiśca mahāyaśāḥ । ajaikapādahirbudhnyaḥ pinākī ca parantapaḥ ॥BORI: 1-114-57॥
Mṛgavyādha, Śarva, the illustrious Nirṛti, Ajaikapād, Ahirbudhnya, and Pinākin, the scorcher of foes... (BORI: 1-114-57)
[PV-PAX:01_018_241] (Bharata-Ext)
दहनोऽथेश्वरश्चैव कपाली च विशां पते । स्थाणुर्भवश्च भगवान्रुद्रास्तत्रावतस्थिरे ॥BORI: १-११४-५८॥
dahanō’thēśvaraścaiva kapālī ca viśāṁ patē । sthāṇurbhavaśca bhagavānrudrāstatrāvatasthirē ॥BORI: 1-114-58॥
Dahana, Ishvara, Kapalin, Sthanu, and the blessed Bhava, O lord of the people—the Rudras took their places there. (BORI: 1-114-58)
[PV-PAX:01_018_242] (Bharata-Ext)
अश्विनौ वसवश्चाष्टौ मरुतश्च महाबलाः । विश्वेदेवास्तथा साध्यास्तत्रासन्परिसंस्थिताः ॥BORI: १-११४-५९॥
aśvinau vasavaścāṣṭau marutaśca mahābalāḥ । viśvēdēvāstathā sādhyāstatrāsanparisaṁsthitāḥ ॥BORI: 1-114-59॥
The two Ashvins, the eight Vasus, the mighty Maruts, the Vishvedevas, and the Sadhyas were also assembled there. (BORI: 1-114-59)
[PV-PAX:01_018_243] (Bharata-Ext)
कर्कोटकोऽथ शेषश्च वासुकिश्च भुजङ्गमः । कच्छपश्चापकुण्डश्च तक्षकश्च महोरगः ॥BORI: १-११४-६०॥
karkōṭakō’tha śēṣaśca vāsukiśca bhujaṅgamaḥ । kacchapaścāpakuṇḍaśca takṣakaśca mahōragaḥ ॥BORI: 1-114-60॥
Karkotaka, Shesha, Vasuki the serpent, Kacchapa, Apakunda, and Takshaka the great serpent... (BORI: 1-114-60)
[PV-PAX:01_018_244] (Bharata-Ext)
आययुस्तेजसा युक्ता महाक्रोधा महाबलाः । एते चान्ये च बहवस्तत्र नागा व्यवस्थिताः ॥BORI: १-११४-६१॥
āyayustējasā yuktā mahākrōdhā mahābalāḥ । ētē cānyē ca bahavastatra nāgā vyavasthitāḥ ॥BORI: 1-114-61॥
Endowed with splendor, fiercely wrathful, and immensely powerful, they came. These and many other Nagas were assembled there. (BORI: 1-114-61)
[PV-PAX:01_018_245] (Bharata-Ext)
तार्क्ष्यश्चारिष्टनेमिश्च गरुडश्चासितध्वजः । अरुणश्चारुणिश्चैव वैनतेया व्यवस्थिताः ॥BORI: १-११४-६२॥
tārkṣyaścāriṣṭanēmiśca garuḍaścāsitadhvajaḥ । aruṇaścāruṇiścaiva vainatēyā vyavasthitāḥ ॥BORI: 1-114-62॥
The sons of Vinata—Tarkshya, Arishtanemi, Garuda, Asitadhvaja, Aruna, and Aruni—were also present. (BORI: 1-114-62)
[PV-PAX:01_018_246] (Bharata-Ext)
तद्दृष्ट्वा महदाश्चर्यं विस्मिता मुनिसत्तमाः । अधिकां स्म ततो वृत्तिमवर्तन्पाण्डवान्प्रति ॥BORI: १-११४-६३॥
taddr̥ṣṭvā mahadāścaryaṁ vismitā munisattamāḥ । adhikāṁ sma tatō vr̥ttimavartanpāṇḍavānprati ॥BORI: 1-114-63॥
Seeing that great marvel, the foremost sages were astonished, and from then on they treated the Pandavas with even greater affection. (BORI: 1-114-63)
[PV-PAX:01_018_247] (Bharata-Ext)
पाण्डुस्तु पुनरेवैनां पुत्रलोभान्महायशाः । प्राहिणोद्दर्शनीयाङ्गीं कुन्ती त्वेनमथाब्रवीत् ॥BORI: १-११४-६४॥
pāṇḍustu punarēvaināṁ putralōbhānmahāyaśāḥ । prāhiṇōddarśanīyāṅgīṁ kuntī tvēnamathābravīt ॥BORI: 1-114-64॥
But the illustrious Pandu, longing for sons, urged the lovely-limbed Kunti once again. Kunti then said to him: (BORI: 1-114-64)
[PV-KDV:01_018_248] (Bharata-Ext)
नातश्चतुर्थं प्रसवमापत्स्वपि वदन्त्युत । अतः परं चारिणी स्यात्पञ्चमे बन्धकी भवेत् ॥BORI: १-११४-६५॥
nātaścaturthaṁ prasavamāpatsvapi vadantyuta । ataḥ paraṁ cāriṇī syātpañcamē bandhakī bhavēt ॥BORI: 1-114-65॥
They say that even in adversity a woman should not bear a fourth child. Beyond that she would be promiscuous, and with a fifth she would become a prostitute. (BORI: 1-114-65)
[PV-KDV:01_018_249] (Bharata-Ext)
स त्वं विद्वन्धर्ममिमं बुद्धिगम्यं कथं नु माम् । अपत्यार्थं समुत्क्रम्य प्रमादादिव भाषसे ॥BORI: १-११४-६६॥
sa tvaṁ vidvandharmamimaṁ buddhigamyaṁ kathaṁ nu mām । apatyārthaṁ samutkramya pramādādiva bhāṣasē ॥BORI: 1-114-66॥
Since you know this rule, which is discernible by reason, how can you speak to me as though heedlessly transgressing it for the sake of offspring? (BORI: 1-114-66)
[PV-KDV:01_018_250] (Bharata-Ext)
वैशम्पायन उवाच॥
vaiśampāyana uvāca॥
Vaiśampāyana said:
[PV-KDV:01_018_294] (Bharata-Ext)
मद्रराजसुता पाण्डुं रहो वचनमब्रवीत् ॥BORI: १-११५-१B॥
madrarājasutā pāṇḍuṁ rahō vacanamabravīt ॥BORI: 1-115-1B॥
The daughter of the king of Madra spoke privately to Pandu: (BORI: 1-115-1B)
[PV-KDV:01_018_296] (Bharata-Ext)
न मेऽस्ति त्वयि सन्तापो विगुणेऽपि परन्तप । नावरत्वे वरार्हायाः स्थित्वा चानघ नित्यदा ॥BORI: १-११५-२॥
na mē’sti tvayi santāpō viguṇē’pi parantapa । nāvaratvē varārhāyāḥ sthitvā cānagha nityadā ॥BORI: 1-115-2॥
I feel no anguish over your incapacity, O scorcher of foes, nor over always having remained in an inferior position though worthy of the highest, O sinless one... (BORI: 1-115-2)
[PV-KDV:01_018_297] (Bharata-Ext)
इदं तु मे महद्दुःखं तुल्यतायामपुत्रता । दिष्ट्या त्विदानीं भर्तुर्मे कुन्त्यामप्यस्ति सन्ततिः ॥BORI: १-११५-४॥
idaṁ tu mē mahadduḥkhaṁ tulyatāyāmaputratā । diṣṭyā tvidānīṁ bharturmē kuntyāmapyasti santatiḥ ॥BORI: 1-115-4॥
But this is my great sorrow: though Kunti and I are equals, I am childless. Fortunately, my husband now has offspring through Kunti. (BORI: 1-115-4)
[PV-KDV:01_018_299] (Bharata-Ext)
यदि त्वपत्यसन्तानं कुन्तिराजसुता मयि । कुर्यादनुग्रहो मे स्यात्तव चापि हितं भवेत् ॥BORI: १-११५-५॥
yadi tvapatyasantānaṁ kuntirājasutā mayi । kuryādanugrahō mē syāttava cāpi hitaṁ bhavēt ॥BORI: 1-115-5॥
If Kunti, the king’s daughter, would provide me with offspring, it would be a favor to me and would also be to your benefit. (BORI: 1-115-5)
[PV-KDV:01_018_300] (Bharata-Ext)
स्तम्भो हि मे सपत्नीत्वाद्वक्तुं कुन्तिसुतां प्रति । यदि तु त्वं प्रसन्नो मे स्वयमेनां प्रचोदय ॥BORI: १-११५-६॥
stambhō hi mē sapatnītvādvaktuṁ kuntisutāṁ prati । yadi tu tvaṁ prasannō mē svayamēnāṁ pracōdaya ॥BORI: 1-115-6॥
For because she is my co-wife, I feel inhibited from speaking to Kunti's daughter. But if you are pleased with me, urge her yourself. (BORI: 1-115-6)
[PV-KDV:01_018_301] (Bharata-Ext)
पाण्डुरुवाच॥
pāṇḍuruvāca॥
Pāṇḍu said:
[PV-KDV:01_018_302] (Bharata-Ext)
ममाप्येष सदा माद्रि हृद्यर्थः परिवर्तते । न तु त्वां प्रसहे वक्तुमिष्टानिष्टविवक्षया ॥BORI: १-११५-७॥
mamāpyēṣa sadā mādri hr̥dyarthaḥ parivartatē । na tu tvāṁ prasahē vaktumiṣṭāniṣṭavivakṣayā ॥BORI: 1-115-7॥
The same thought has always been on my mind, Madri, but I could not bring myself to speak to you, uncertain whether you would welcome it or not. (BORI: 1-115-7)
[PV-KDV:01_018_303] (Bharata-Ext)
तव त्विदं मतं ज्ञात्वा प्रयतिष्याम्यतः परम् । मन्ये ध्रुवं मयोक्ता सा वचो मे प्रतिपत्स्यते ॥BORI: १-११५-८॥
tava tvidaṁ mataṁ jñātvā prayatiṣyāmyataḥ param । manyē dhruvaṁ mayōktā sā vacō mē pratipatsyatē ॥BORI: 1-115-8॥
But now that I know your wish, I shall make the effort from this point on. I believe that, when I speak to her, she will surely heed my words. (BORI: 1-115-8)
[PV-KDV:01_018_304] (Bharata-Ext)
वैशम्पायन उवाच॥
vaiśampāyana uvāca॥
Vaiśampāyana said:
[PV-KDV:01_018_305] (Bharata-Ext)
ततः कुन्तीं पुनः पाण्डुर्विविक्त इदमब्रवीत् । कुलस्य मम सन्तानं लोकस्य च कुरु प्रियम् ॥BORI: १-११५-९॥
tataḥ kuntīṁ punaḥ pāṇḍurvivikta idamabravīt । kulasya mama santānaṁ lōkasya ca kuru priyam ॥BORI: 1-115-9॥
Then, when they were alone, Pandu again said this to Kunti: “Continue my lineage, and do what is pleasing to the world—” (BORI: 1-115-9)
[PV-KDV:01_018_306] (Bharata-Ext)
मम चापिण्डनाशाय पूर्वेषामपि चात्मनः । मत्प्रियार्थं च कल्याणि कुरु कल्याणमुत्तमम् ॥BORI: १-११५-१०॥
mama cāpiṇḍanāśāya pūrvēṣāmapi cātmanaḥ । matpriyārthaṁ ca kalyāṇi kuru kalyāṇamuttamam ॥BORI: 1-115-10॥
To ensure that I, our ancestors, and you yourself are not left without descendants to offer the funeral oblation, and for my sake, blessed lady, perform this supremely good deed. (BORI: 1-115-10)
[PV-KDV:01_018_307] (Bharata-Ext)
सा त्वं माद्रीं प्लवेनेव तारयेमामनिन्दिते । अपत्यसंविभागेन परां कीर्तिमवाप्नुहि ॥BORI: १-११५-१४॥
sā tvaṁ mādrīṁ plavēnēva tārayēmāmaninditē । apatyasaṁvibhāgēna parāṁ kīrtimavāpnuhi ॥BORI: 1-115-14॥
Therefore, blameless woman, rescue this Mādrī as though in a boat; by granting her a share in offspring, attain the highest renown. (BORI: 1-115-14)
[PV-KDV:01_018_311] (Bharata-Ext)
एवमुक्ताब्रवीन्माद्रीं सकृच्चिन्तय दैवतम् । तस्मात्ते भवितापत्यमनुरूपमसंशयम् ॥BORI: १-११५-१५॥
ēvamuktābravīnmādrīṁ sakr̥ccintaya daivatam । tasmāttē bhavitāpatyamanurūpamasaṁśayam ॥BORI: 1-115-15॥
Thus addressed, she said to Madri, “Think of a deity just once. From him you will undoubtedly have a child resembling him.” (BORI: 1-115-15)
[PV-KDV:01_018_312] (Bharata-Ext)
ततो माद्री विचार्यैव जगाम मनसाश्विनौ । तावागम्य सुतौ तस्यां जनयामासतुर्यमौ ॥BORI: १-११५-१६॥
tatō mādrī vicāryaiva jagāma manasāśvinau । tāvāgamya sutau tasyāṁ janayāmāsaturyamau ॥BORI: 1-115-16॥
Then Madri, after due consideration, fixed her mind on the Ashvins. They came and fathered twin sons upon her. (BORI: 1-115-16)
[PV-KDV:01_018_313] (Bharata-Ext)
नकुलं सहदेवं च रूपेणाप्रतिमौ भुवि । तथैव तावपि यमौ वागुवाचाशरीरिणी ॥BORI: १-११५-१७॥
nakulaṁ sahadēvaṁ ca rūpēṇāpratimau bhuvi । tathaiva tāvapi yamau vāguvācāśarīriṇī ॥BORI: 1-115-17॥
Nakula and Sahadeva, unequalled in beauty on earth… A disembodied voice likewise addressed the twins: (BORI: 1-115-17)
[PV-KDV:01_018_314] (Bharata-Ext)
नामानि चक्रिरे तेषां शतशृङ्गनिवासिनः । भक्त्या च कर्मणा चैव तथाशीर्भिर्विशां पते ॥BORI: १-११५-१९॥
nāmāni cakrirē tēṣāṁ śataśr̥ṅganivāsinaḥ । bhaktyā ca karmaṇā caiva tathāśīrbhirviśāṁ patē ॥BORI: 1-115-19॥
The inhabitants of Shatashringa gave them names with devotion, ritual observances, and blessings, O lord of the people. (BORI: 1-115-19)
[PV-KDV:01_018_316] (Bharata-Ext)
ज्येष्ठं युधिष्ठिरेत्याहुर्भीमसेनेति मध्यमम् । अर्जुनेति तृतीयं च कुन्तीपुत्रानकल्पयन् ॥BORI: १-११५-२०॥
jyēṣṭhaṁ yudhiṣṭhirētyāhurbhīmasēnēti madhyamam । arjunēti tr̥tīyaṁ ca kuntīputrānakalpayan ॥BORI: 1-115-20॥
They called the eldest Yudhishthira, the middle one Bhimasena, and the third Arjuna, thus naming Kunti’s sons. (BORI: 1-115-20)
[PV-KDV:01_018_317] (Bharata-Ext)
पूर्वजं नकुलेत्येवं सहदेवेति चापरम् । माद्रीपुत्रावकथयंस्ते विप्राः प्रीतमानसाः । अनुसंवत्सरं जाता अपि ते कुरुसत्तमाः ॥BORI: १-११५-२१॥
pūrvajaṁ nakulētyēvaṁ sahadēvēti cāparam । mādrīputrāvakathayaṁstē viprāḥ prītamānasāḥ । anusaṁvatsaraṁ jātā api tē kurusattamāḥ ॥BORI: 1-115-21॥
Those delighted Brahmins called the elder of Mādrī’s sons Nakula and the other Sahadeva. Although those foremost Kurus were born at one-year intervals… (BORI: 1-115-21)
[PV-KDV:01_018_318] (Bharata-Ext)
कुन्तीमथ पुनः पाण्डुर्माद्र्यर्थे समचोदयत् । तमुवाच पृथा राजन्रहस्युक्ता सती सदा ॥BORI: १-११५-२२॥
kuntīmatha punaḥ pāṇḍurmādryarthē samacōdayat । tamuvāca pr̥thā rājanrahasyuktā satī sadā ॥BORI: 1-115-22॥
Then Pandu again urged Kunti on Madri’s behalf. O king, the ever-virtuous Pritha, addressed by him in private, said to him: (BORI: 1-115-22)
[PV-KDV:01_018_319] (Bharata-Ext)
उक्ता सकृद्द्वन्द्वमेषा लेभे तेनास्मि वञ्चिता ॥BORI: १-११५-२३A॥
uktā sakr̥ddvandvamēṣā lēbhē tēnāsmi vañcitā ॥BORI: 1-115-23A॥
Instructed only once, she obtained a pair; in this way she has deceived me. (BORI: 1-115-23A)
[PV-KDV:01_018_320] (Bharata-Ext)
तस्मान्नाहं नियोक्तव्या त्वयैषोऽस्तु वरो मम ॥BORI: १-११५-२४B॥
tasmānnāhaṁ niyōktavyā tvayaiṣō’stu varō mama ॥BORI: 1-115-24B॥
Therefore you must not ask this of me again; let this be the boon you grant me. (BORI: 1-115-24B)
[PV-KDV:01_018_323] (Bharata-Ext)
विवर्धमानास्ते तत्र पुण्ये हैमवते गिरौ । विस्मयं जनयामासुर्महर्षीणां समेयुषाम् ॥BORI: १-११५-२७॥
vivardhamānāstē tatra puṇyē haimavatē girau । vismayaṁ janayāmāsurmaharṣīṇāṁ samēyuṣām ॥BORI: 1-115-27॥
As they grew up there on the sacred Himalayan mountain, they inspired wonder among the great seers who had assembled. (BORI: 1-115-27)
[PV-KDV:01_018_326] (Bharata-Ext)