Chapter 22: Kuntī’s Decision to Send Bhīma Against Baka to Save Their Brahmin Host
जनमेजय उवाच॥
janamējaya uvāca॥
Janamejaya said:
[PV-KDV:01_029_1] (Bharata)
एकचक्रां गतास्ते तु कुन्तीपुत्रा महारथाः । अतः परं द्विजश्रेष्ठ किमकुर्वत पाण्डवाः ॥BORI: ०१-१४५-१॥
ēkacakrāṁ gatāstē tu kuntīputrā mahārathāḥ । ataḥ paraṁ dvijaśrēṣṭha kimakurvata pāṇḍavāḥ ॥BORI: 01-145-1॥
After those mighty warriors, the sons of Kunti, had gone to Ekachakra, what did the Pandavas do next, O best of brahmins? (BORI: 01-145-1)
[PV-KDV:01_029_2] (Bharata)
वैशम्पायन उवाच॥
vaiśampāyana uvāca॥
Vaiśampāyana said:
[PV-KDV:01_029_3] (Bharata)
एकचक्रां गतास्ते तु कुन्तीपुत्रा महारथाः । ऊषुर्नातिचिरं कालं ब्राह्मणस्य निवेशने ॥BORI: ०१-१४५-२॥
ēkacakrāṁ gatāstē tu kuntīputrā mahārathāḥ । ūṣurnāticiraṁ kālaṁ brāhmaṇasya nivēśanē ॥BORI: 01-145-2॥
After reaching Ekacakrā, Kuntī’s sons, the great chariot-warriors, stayed for a short time in a Brahmin’s house. (BORI: 01-145-2)
[PV-KDV:01_029_4] (Bharata)
चेरुर्भैक्षं तदा ते तु सर्व एव विशां पते । बभूवुर्नागराणां च स्वैर्गुणैः प्रियदर्शनाः ॥BORI: ०१-१४५-४॥
cērurbhaikṣaṁ tadā tē tu sarva ēva viśāṁ patē । babhūvurnāgarāṇāṁ ca svairguṇaiḥ priyadarśanāḥ ॥BORI: 01-145-4॥
Then they all went about begging alms, O king, and through their virtues became pleasing to the townspeople. (BORI: 01-145-4)
[PV-KDV:01_029_6] (Bharata)
निवेदयन्ति स्म च ते भैक्षं कुन्त्याः सदा निशि । तया विभक्तान्भागांस्ते भुञ्जते स्म पृथक्पृथक् ॥BORI: ०१-१४५-५॥
nivēdayanti sma ca tē bhaikṣaṁ kuntyāḥ sadā niśi । tayā vibhaktānbhāgāṁstē bhuñjatē sma pr̥thakpr̥thak ॥BORI: 01-145-5॥
Each evening they would present the alms they had collected to Kunti, and then eat separately the portions she allotted to them. (BORI: 01-145-5)
[PV-KDV:01_029_7] (Bharata)
अर्धं ते भुञ्जते वीराः सह मात्रा परन्तपाः । अर्धं भैक्षस्य सर्वस्य भीमो भुङ्क्ते महाबलः ॥BORI: ०१-१४५-६॥
ardhaṁ tē bhuñjatē vīrāḥ saha mātrā parantapāḥ । ardhaṁ bhaikṣasya sarvasya bhīmō bhuṅktē mahābalaḥ ॥BORI: 01-145-6॥
Those heroic subduers of their foes ate half of it together with their mother, while the mighty Bhima ate the other half of all the alms. (BORI: 01-145-6)
[PV-KDV:01_029_8] (Bharata)
तथा तु तेषां वसतां तत्र राजन्महात्मनाम् । अतिचक्राम सुमहान्कालोऽथ भरतर्षभ ॥BORI: ०१-१४५-७॥
tathā tu tēṣāṁ vasatāṁ tatra rājanmahātmanām । aticakrāma sumahānkālō’tha bharatarṣabha ॥BORI: 01-145-7॥
Thus, O king, as those great souls dwelt there, a very long time passed, O bull of the Bharatas. (BORI: 01-145-7)
[PV-KDV:01_029_9] (Bharata)
ततः कदाचिद्भैक्षाय गतास्ते भरतर्षभाः । सङ्गत्या भीमसेनस्तु तत्रास्ते पृथया सह ॥BORI: ०१-१४५-८॥
tataḥ kadācidbhaikṣāya gatāstē bharatarṣabhāḥ । saṅgatyā bhīmasēnastu tatrāstē pr̥thayā saha ॥BORI: 01-145-8॥
Then one day those bulls of Bharata went out to seek alms, while Bhimasena happened to remain there with Pritha. (BORI: 01-145-8)
[PV-KDV:01_029_10] (Bharata)
अथार्तिजं महाशब्दं ब्राह्मणस्य निवेशने । भृशमुत्पतितं घोरं कुन्ती शुश्राव भारत ॥BORI: ०१-१४५-९॥
athārtijaṁ mahāśabdaṁ brāhmaṇasya nivēśanē । bhr̥śamutpatitaṁ ghōraṁ kuntī śuśrāva bhārata ॥BORI: 01-145-9॥
Then Kunti heard a great and terrible cry of anguish arise loudly in the Brahmin’s dwelling, O Bharata. (BORI: 01-145-9)
[PV-KDV:01_029_11] (Bharata)
रोरूयमाणांस्तान्सर्वान्परिदेवयतश्च सा । कारुण्यात्साधुभावाच्च देवी राजन्न चक्षमे ॥BORI: ०१-१४५-१०॥
rōrūyamāṇāṁstānsarvānparidēvayataśca sā । kāruṇyātsādhubhāvācca dēvī rājanna cakṣamē ॥BORI: 01-145-10॥
O king, out of compassion and her own goodness, the noble lady could not bear to hear them all wailing and lamenting. (BORI: 01-145-10)
[PV-KDV:01_029_12] (Bharata)
मथ्यमानेव दुःखेन हृदयेन पृथा ततः । उवाच भीमं कल्याणी कृपान्वितमिदं वचः ॥BORI: ०१-१४५-११॥
mathyamānēva duḥkhēna hr̥dayēna pr̥thā tataḥ । uvāca bhīmaṁ kalyāṇī kr̥pānvitamidaṁ vacaḥ ॥BORI: 01-145-11॥
Then the noble Pritha, her heart wrung with sorrow, compassionately spoke these words to Bhima: (BORI: 01-145-11)
[PV-KDV:01_029_13] (Bharata)
वसामः सुसुखं पुत्र ब्राह्मणस्य निवेशने । अज्ञाता धार्तराष्ट्राणां सत्कृता वीतमन्यवः ॥BORI: ०१-१४५-१२॥
vasāmaḥ susukhaṁ putra brāhmaṇasya nivēśanē । ajñātā dhārtarāṣṭrāṇāṁ satkr̥tā vītamanyavaḥ ॥BORI: 01-145-12॥
My son, we live very comfortably in this Brahmin’s house, unknown to the sons of Dhritarashtra, treated with honour, and free from fear. (BORI: 01-145-12)
[PV-KDV:01_029_14] (Bharata)
सा चिन्तये सदा पुत्र ब्राह्मणस्यास्य किं न्वहम् । प्रियं कुर्यामिति गृहे यत्कुर्युरुषिताः सुखम् ॥BORI: ०१-१४५-१३॥
sā cintayē sadā putra brāhmaṇasyāsya kiṁ nvaham । priyaṁ kuryāmiti gr̥hē yatkuryuruṣitāḥ sukham ॥BORI: 01-145-13॥
I am always considering, son, what kindness I might do for this Brahmin, as those who have lived comfortably in his house ought to do. (BORI: 01-145-13)
[PV-KDV:01_029_15] (Bharata)
एतावान्पुरुषस्तात कृतं यस्मिन्न नश्यति । यावच्च कुर्यादन्योऽस्य कुर्यादभ्यधिकं ततः ॥BORI: ०१-१४५-१४॥
ētāvānpuruṣastāta kr̥taṁ yasminna naśyati । yāvacca kuryādanyō’sya kuryādabhyadhikaṁ tataḥ ॥BORI: 01-145-14॥
A man is one, dear son, in whom a kindness is not wasted: whatever another does for him, he should do still more in return. (BORI: 01-145-14)
[PV-KDV:01_029_16] (Bharata)
तदिदं ब्राह्मणस्यास्य दुःखमापतितं ध्रुवम् । तत्रास्य यदि साहाय्यं कुर्याम सुकृतं भवेत् ॥BORI: ०१-१४५-१५॥
tadidaṁ brāhmaṇasyāsya duḥkhamāpatitaṁ dhruvam । tatrāsya yadi sāhāyyaṁ kuryāma sukr̥taṁ bhavēt ॥BORI: 01-145-15॥
This Brahmin has clearly fallen into distress. If we were to help him in this matter, it would be a virtuous deed. (BORI: 01-145-15)
[PV-KDV:01_029_17] (Bharata)
भीम उवाच॥
bhīma uvāca॥
Bhima said:
[PV-KDV:01_029_18] (Bharata)
ज्ञायतामस्य यद्दुःखं यतश्चैव समुत्थितम् । विदिते व्यवसिष्यामि यद्यपि स्यात्सुदुष्करम् ॥BORI: ०१-१४५-१६॥
jñāyatāmasya yadduḥkhaṁ yataścaiva samutthitam । viditē vyavasiṣyāmi yadyapi syātsuduṣkaram ॥BORI: 01-145-16॥
Let it be ascertained what his affliction is and what has caused it. Once I know, I shall act resolutely, even if the task is exceedingly difficult. (BORI: 01-145-16)
[PV-KDV:01_029_19] (Bharata)
वैशम्पायन उवाच॥
vaiśampāyana uvāca॥
Vaiśampāyana said:
[PV-KDV:01_029_20] (Bharata)
तथा हि कथयन्तौ तौ भूयः शुश्रुवतुः स्वनम् । आर्तिजं तस्य विप्रस्य सभार्यस्य विशां पते ॥BORI: ०१-१४५-१७॥
tathā hi kathayantau tau bhūyaḥ śuśruvatuḥ svanam । ārtijaṁ tasya viprasya sabhāryasya viśāṁ patē ॥BORI: 01-145-17॥
As the two were conversing in this way, they once again heard the anguished cries of that Brahmin and his wife, O king. (BORI: 01-145-17)
[PV-KDV:01_029_21] (Bharata)
अन्तःपुरं ततस्तस्य ब्राह्मणस्य महात्मनः । विवेश कुन्ती त्वरिता बद्धवत्सेव सौरभी ॥BORI: ०१-१४५-१८॥
antaḥpuraṁ tatastasya brāhmaṇasya mahātmanaḥ । vivēśa kuntī tvaritā baddhavatsēva saurabhī ॥BORI: 01-145-18॥
Kunti then hurried into the private quarters of that noble Brahmin, like a cow anxious for her tethered calf. (BORI: 01-145-18)
[PV-KDV:01_029_22] (Bharata)
ततस्तं ब्राह्मणं तत्र भार्यया च सुतेन च । दुहित्रा चैव सहितं ददर्श विकृताननम् ॥BORI: ०१-१४५-१९॥
tatastaṁ brāhmaṇaṁ tatra bhāryayā ca sutēna ca । duhitrā caiva sahitaṁ dadarśa vikr̥tānanam ॥BORI: 01-145-19॥
There she saw the Brahmin with a distraught expression, together with his wife, son, and daughter. (BORI: 01-145-19)
[PV-KDV:01_029_23] (Bharata)
ब्राह्मण उवाच॥
brāhmaṇa uvāca॥
The Brahmin said:
[PV-PAN:01_029_24] (Bharata)
धिगिदं जीवितं लोकेऽनलसारमनर्थकम् । दुःखमूलं पराधीनं भृशमप्रियभागि च ॥BORI: ०१-१४५-२०॥
dhigidaṁ jīvitaṁ lōkē’nalasāramanarthakam । duḥkhamūlaṁ parādhīnaṁ bhr̥śamapriyabhāgi ca ॥BORI: 01-145-20॥
Damn this life in the world—burning at its core, futile, rooted in suffering, dependent on others, and constantly subject to what is unpleasant. (BORI: 01-145-20)
[PV-PAN:01_029_25] (Bharata)
जीविते परमं दुःखं जीविते परमो ज्वरः । जीविते वर्तमानस्य द्वन्द्वानामागमो ध्रुवः ॥BORI: ०१-१४५-२१॥
jīvitē paramaṁ duḥkhaṁ jīvitē paramō jvaraḥ । jīvitē vartamānasya dvandvānāmāgamō dhruvaḥ ॥BORI: 01-145-21॥
In life there is the greatest sorrow; in life there is the greatest anguish. For one who lives, the onset of opposing conditions is inevitable. (BORI: 01-145-21)
[PV-PAN:01_029_26] (Bharata)
एकात्मापि हि धर्मार्थौ कामं च न निषेवते । एतैश्च विप्रयोगोऽपि दुःखं परमकं मतम् ॥BORI: ०१-१४५-२२॥
ēkātmāpi hi dharmārthau kāmaṁ ca na niṣēvatē । ētaiśca viprayōgō’pi duḥkhaṁ paramakaṁ matam ॥BORI: 01-145-22॥
For one and the same person does not enjoy duty, wealth, and pleasure; yet separation from these too is regarded as the greatest suffering. (BORI: 01-145-22)
[PV-PAN:01_029_27] (Bharata)
आहुः केचित्परं मोक्षं स च नास्ति कथञ्चन । अर्थप्राप्तौ च नरकः कृत्स्न एवोपपद्यते ॥BORI: ०१-१४५-२३॥
āhuḥ kēcitparaṁ mōkṣaṁ sa ca nāsti kathañcana । arthaprāptau ca narakaḥ kr̥tsna ēvōpapadyatē ॥BORI: 01-145-23॥
Some say that liberation is supreme, but it does not exist at all. And when wealth is acquired, hell in its entirety ensues. (BORI: 01-145-23)
[PV-PAN:01_029_28] (Bharata)
अर्थेप्सुता परं दुःखमर्थप्राप्तौ ततोऽधिकम् । जातस्नेहस्य चार्थेषु विप्रयोगे महत्तरम् ॥BORI: ०१-१४५-२४॥
arthēpsutā paraṁ duḥkhamarthaprāptau tatō’dhikam । jātasnēhasya cārthēṣu viprayōgē mahattaram ॥BORI: 01-145-24॥
The desire for wealth is the greatest misery; obtaining wealth brings still greater misery, and for one who has grown attached to it, losing it brings the greatest misery of all. (BORI: 01-145-24)
[PV-PAN:01_029_29] (Bharata)
न हि योगं प्रपश्यामि येन मुच्येयमापदः । पुत्रदारेण वा सार्धं प्राद्रवेयामनामयम् ॥BORI: ०१-१४५-२५॥
na hi yōgaṁ prapaśyāmi yēna mucyēyamāpadaḥ । putradārēṇa vā sārdhaṁ prādravēyāmanāmayam ॥BORI: 01-145-25॥
For I see no means by which I might escape this calamity, or flee safely together with my wife and children. (BORI: 01-145-25)
[PV-PAN:01_029_30] (Bharata)
यतितं वै मया पूर्वं यथा त्वं वेत्थ ब्राह्मणि । यतः क्षेमं ततो गन्तुं त्वया तु मम न श्रुतम् ॥BORI: ०१-१४५-२६॥
yatitaṁ vai mayā pūrvaṁ yathā tvaṁ vēttha brāhmaṇi । yataḥ kṣēmaṁ tatō gantuṁ tvayā tu mama na śrutam ॥BORI: 01-145-26॥
As you know, Brahmin lady, I tried before to go somewhere safe, but you would not listen to me. (BORI: 01-145-26)
[PV-PAN:01_029_31] (Bharata)
इह जाता विवृद्धास्मि पिता चेह ममेति च । उक्तवत्यसि दुर्मेधे याच्यमाना मयासकृत् ॥BORI: ०१-१४५-२७॥
iha jātā vivr̥ddhāsmi pitā cēha mamēti ca । uktavatyasi durmēdhē yācyamānā mayāsakr̥t ॥BORI: 01-145-27॥
“I was born and raised here, and my father is here”—so you have said, foolish woman, when I repeatedly pleaded with you. (BORI: 01-145-27)
[PV-PAN:01_029_32] (Bharata)
स्वर्गतो हि पिता वृद्धस्तथा माता चिरं तव । बान्धवा भूतपूर्वाश्च तत्र वासे तु का रतिः ॥BORI: ०१-१४५-२८॥
svargatō hi pitā vr̥ddhastathā mātā ciraṁ tava । bāndhavā bhūtapūrvāśca tatra vāsē tu kā ratiḥ ॥BORI: 01-145-28॥
Your aged father has long since gone to heaven, as has your mother, and your relatives too are now a thing of the past. What pleasure can there be in living there? (BORI: 01-145-28)
[PV-PAN:01_029_33] (Bharata)
सोऽयं ते बन्धुकामाया अशृण्वन्त्या वचो मम । बन्धुप्रणाशः सम्प्राप्तो भृशं दुःखकरो मम ॥BORI: ०१-१४५-२९॥
sō’yaṁ tē bandhukāmāyā aśr̥ṇvantyā vacō mama । bandhupraṇāśaḥ samprāptō bhr̥śaṁ duḥkhakarō mama ॥BORI: 01-145-29॥
Because, in your desire for your relatives, you did not heed my words, this destruction of your kin has now come about, causing me great sorrow. (BORI: 01-145-29)
[PV-PAN:01_029_34] (Bharata)
अथवा मद्विनाशोऽयं न हि शक्ष्यामि कञ्चन । परित्यक्तुमहं बन्धुं स्वयं जीवन्नृशंसवत् ॥BORI: ०१-१४५-३०॥
athavā madvināśō’yaṁ na hi śakṣyāmi kañcana । parityaktumahaṁ bandhuṁ svayaṁ jīvannr̥śaṁsavat ॥BORI: 01-145-30॥
Or rather, this will be my own death, for I cannot remain alive and abandon any kinsman like a cruel man. (BORI: 01-145-30)
[PV-PAN:01_029_35] (Bharata)
सहधर्मचरीं दान्तां नित्यं मातृसमां मम । सखायं विहितां देवैर्नित्यं परमिकां गतिम् ॥BORI: ०१-१४५-३१॥
sahadharmacarīṁ dāntāṁ nityaṁ mātr̥samāṁ mama । sakhāyaṁ vihitāṁ dēvairnityaṁ paramikāṁ gatim ॥BORI: 01-145-31॥
my self-controlled partner in dharma, always like a mother to me, a companion ordained by the gods and ever my highest refuge... (BORI: 01-145-31)
[PV-PAN:01_029_36] (Bharata)
मात्रा पित्रा च विहितां सदा गार्हस्थ्यभागिनीम् । वरयित्वा यथान्यायं मन्त्रवत्परिणीय च ॥BORI: ०१-१४५-३२॥
mātrā pitrā ca vihitāṁ sadā gārhasthyabhāginīm । varayitvā yathānyāyaṁ mantravatpariṇīya ca ॥BORI: 01-145-32॥
chosen by my mother and father, ever my partner in household life, whom I duly took as my bride and married with the prescribed rites… (BORI: 01-145-32)
[PV-PAN:01_029_37] (Bharata)
कुलीनां शीलसम्पन्नामपत्यजननीं मम । त्वामहं जीवितस्यार्थे साध्वीमनपकारिणीम् । परित्यक्तुं न शक्ष्यामि भार्यां नित्यमनुव्रताम् ॥BORI: ०१-१४५-३३॥
kulīnāṁ śīlasampannāmapatyajananīṁ mama । tvāmahaṁ jīvitasyārthē sādhvīmanapakāriṇīm । parityaktuṁ na śakṣyāmi bhāryāṁ nityamanuvratām ॥BORI: 01-145-33॥
I cannot abandon you for the sake of my life—you who are of noble family and good character, the mother of my children, virtuous and blameless, my wife, ever devoted to me. (BORI: 01-145-33)
[PV-PAN:01_029_38] (Bharata)
कुत एव परित्यक्तुं सुतां शक्ष्याम्यहं स्वयम् । बालामप्राप्तवयसमजातव्यञ्जनाकृतिम् ॥BORI: ०१-१४५-३४॥
kuta ēva parityaktuṁ sutāṁ śakṣyāmyahaṁ svayam । bālāmaprāptavayasamajātavyañjanākr̥tim ॥BORI: 01-145-34॥
How, then, could I myself abandon my daughter—a child not yet come of age, whose womanly features have not yet developed? (BORI: 01-145-34)
[PV-PAN:01_029_39] (Bharata)
भर्तुरर्थाय निक्षिप्तां न्यासं धात्रा महात्मना । यस्यां दौहित्रजाँल्लोकानाशंसे पितृभिः सह । स्वयमुत्पाद्य तां बालां कथमुत्स्रष्टुमुत्सहे ॥BORI: ०१-१४५-३५॥
bharturarthāya nikṣiptāṁ nyāsaṁ dhātrā mahātmanā । yasyāṁ dauhitrajām̐llōkānāśaṁsē pitr̥bhiḥ saha । svayamutpādya tāṁ bālāṁ kathamutsraṣṭumutsahē ॥BORI: 01-145-35॥
She was entrusted by the great Creator as a trust for her future husband, and through her I hope, together with my ancestors, to attain the worlds won by a daughter’s sons. Having fathered this young girl myself, how could I bring myself to abandon her? (BORI: 01-145-35)
[PV-PAN:01_029_40] (Bharata)
मन्यन्ते केचिदधिकं स्नेहं पुत्रे पितुर्नराः । कन्यायां नैव तु पुनर्मम तुल्यावुभौ मतौ ॥BORI: ०१-१४५-३६॥
manyantē kēcidadhikaṁ snēhaṁ putrē piturnarāḥ । kanyāyāṁ naiva tu punarmama tulyāvubhau matau ॥BORI: 01-145-36॥
Some men think that a father’s affection for a son is greater than for a daughter, but in my view the two are equal. (BORI: 01-145-36)
[PV-PAN:01_029_41] (Bharata)
यस्मिँल्लोकाः प्रसूतिश्च स्थिता नित्यमथो सुखम् । अपापां तामहं बालां कथमुत्स्रष्टुमुत्सहे ॥BORI: ०१-१४५-३७॥
yasmim̐llōkāḥ prasūtiśca sthitā nityamathō sukham । apāpāṁ tāmahaṁ bālāṁ kathamutsraṣṭumutsahē ॥BORI: 01-145-37॥
In him rest the worlds, progeny, and eternal happiness; yet how can I bring myself to abandon that innocent young girl? (BORI: 01-145-37)
[PV-PAN:01_029_42] (Bharata)
आत्मानमपि चोत्सृज्य तप्स्ये प्रेतवशं गतः । त्यक्ता ह्येते मया व्यक्तं नेह शक्ष्यन्ति जीवितुम् ॥BORI: ०१-१४५-३८॥
ātmānamapi cōtsr̥jya tapsyē prētavaśaṁ gataḥ । tyaktā hyētē mayā vyaktaṁ nēha śakṣyanti jīvitum ॥BORI: 01-145-38॥
Even if I give up my own life, I shall suffer once I have fallen under death’s sway, for these, left behind by me, clearly will not be able to survive here. (BORI: 01-145-38)
[PV-PAN:01_029_43] (Bharata)
एषां चान्यतमत्यागो नृशंसो गर्हितो बुधैः । आत्मत्यागे कृते चेमे मरिष्यन्ति मया विना ॥BORI: ०१-१४५-३९॥
ēṣāṁ cānyatamatyāgō nr̥śaṁsō garhitō budhaiḥ । ātmatyāgē kr̥tē cēmē mariṣyanti mayā vinā ॥BORI: 01-145-39॥
To abandon any one of them would be cruel and condemned by the wise; yet if I take my own life, they will die without me. (BORI: 01-145-39)
[PV-PAN:01_029_44] (Bharata)
स कृच्छ्रामहमापन्नो न शक्तस्तर्तुमापदम् । अहो धिक्कां गतिं त्वद्य गमिष्यामि सबान्धवः । सर्वैः सह मृतं श्रेयो न तु मे जीवितं क्षमम् ॥BORI: ०१-१४५-४०॥
sa kr̥cchrāmahamāpannō na śaktastartumāpadam । ahō dhikkāṁ gatiṁ tvadya gamiṣyāmi sabāndhavaḥ । sarvaiḥ saha mr̥taṁ śrēyō na tu mē jīvitaṁ kṣamam ॥BORI: 01-145-40॥
I am in terrible straits and cannot overcome this calamity. Alas, what fate will I meet today together with my kinsmen? It is better to die with them all; life would be intolerable to me. (BORI: 01-145-40)
[PV-PAN:01_029_45] (Bharata)
ब्राह्मण्युवाच॥
brāhmaṇyuvāca॥
The Brahmin woman said:
[PV-PAN:01_029_70] (Bharata)
न सन्तापस्त्वया कार्यः प्राकृतेनेव कर्हिचित् । न हि सन्तापकालोऽयं वैद्यस्य तव विद्यते ॥BORI: ०१-१४६-१॥
na santāpastvayā kāryaḥ prākr̥tēnēva karhicit । na hi santāpakālō’yaṁ vaidyasya tava vidyatē ॥BORI: 01-146-1॥
You must never grieve like an ordinary person. Indeed, this is no time for you, a physician, to grieve. (BORI: 01-146-1)
[PV-PAN:01_029_71] (Bharata)
अवश्यं निधनं सर्वैर्गन्तव्यमिह मानवैः । अवश्यभाविन्यर्थे वै सन्तापो नेह विद्यते ॥BORI: ०१-१४६-२॥
avaśyaṁ nidhanaṁ sarvairgantavyamiha mānavaiḥ । avaśyabhāvinyarthē vai santāpō nēha vidyatē ॥BORI: 01-146-2॥
All human beings here must inevitably meet their end. There is no cause for grief over what is bound to happen. (BORI: 01-146-2)
[PV-PAN:01_029_72] (Bharata)
भार्या पुत्रोऽथ दुहिता सर्वमात्मार्थमिष्यते । व्यथां जहि सुबुद्ध्या त्वं स्वयं यास्यामि तत्र वै ॥BORI: ०१-१४६-३॥
bhāryā putrō’tha duhitā sarvamātmārthamiṣyatē । vyathāṁ jahi subuddhyā tvaṁ svayaṁ yāsyāmi tatra vai ॥BORI: 01-146-3॥
A wife, a son, and a daughter—all are desired for one’s own sake. Put aside your anguish with sound judgment; I myself shall go there. (BORI: 01-146-3)
[PV-PAN:01_029_73] (Bharata)
एतद्धि परमं नार्याः कार्यं लोके सनातनम् । प्राणानपि परित्यज्य यद्भर्तृहितमाचरेत् ॥BORI: ०१-१४६-४॥
ētaddhi paramaṁ nāryāḥ kāryaṁ lōkē sanātanam । prāṇānapi parityajya yadbhartr̥hitamācarēt ॥BORI: 01-146-4॥
For this is a woman’s highest and eternal duty in the world: to act for her husband’s good, even at the cost of her life. (BORI: 01-146-4)
[PV-PAN:01_029_74] (Bharata)
तच्च तत्र कृतं कर्म तवापीह सुखावहम् । भवत्यमुत्र चाक्षय्यं लोकेऽस्मिंश्च यशस्करम् ॥BORI: ०१-१४६-५॥
tacca tatra kr̥taṁ karma tavāpīha sukhāvaham । bhavatyamutra cākṣayyaṁ lōkē’smiṁśca yaśaskaram ॥BORI: 01-146-5॥
And the deed you performed in that regard brings you happiness here; it is imperishable in the next world and brings fame in this one. (BORI: 01-146-5)
[PV-PAN:01_029_75] (Bharata)
एष चैव गुरुर्धर्मो यं प्रवक्षाम्यहं तव । अर्थश्च तव धर्मश्च भूयानत्र प्रदृश्यते ॥BORI: ०१-१४६-६॥
ēṣa caiva gururdharmō yaṁ pravakṣāmyahaṁ tava । arthaśca tava dharmaśca bhūyānatra pradr̥śyatē ॥BORI: 01-146-6॥
And this is indeed a weighty duty, which I shall explain to you. Here, both your benefit and your duty appear greater. (BORI: 01-146-6)
[PV-PAN:01_029_76] (Bharata)
यदर्थमिष्यते भार्या प्राप्तः सोऽर्थस्त्वया मयि । कन्या चैव कुमारश्च कृताहमनृणा त्वया ॥BORI: ०१-१४६-७॥
yadarthamiṣyatē bhāryā prāptaḥ sō’rthastvayā mayi । kanyā caiva kumāraśca kr̥tāhamanr̥ṇā tvayā ॥BORI: 01-146-7॥
Through me you have attained the purpose for which a wife is desired. There is both a daughter and a son, and you have freed me from my debt. (BORI: 01-146-7)
[PV-PAN:01_029_77] (Bharata)
समर्थः पोषणे चासि सुतयो रक्षणे तथा । न त्वहं सुतयोः शक्ता तथा रक्षणपोषणे ॥BORI: ०१-१४६-८॥
samarthaḥ pōṣaṇē cāsi sutayō rakṣaṇē tathā । na tvahaṁ sutayōḥ śaktā tathā rakṣaṇapōṣaṇē ॥BORI: 01-146-8॥
You are capable of supporting our two children and protecting them as well, but I am not likewise able to protect and support them. (BORI: 01-146-8)
[PV-PAN:01_029_78] (Bharata)
मम हि त्वद्विहीनायाः सर्वकामा न आपदः । कथं स्यातां सुतौ बालौ भवेयं च कथं त्वहम् ॥BORI: ०१-१४६-९॥
mama hi tvadvihīnāyāḥ sarvakāmā na āpadaḥ । kathaṁ syātāṁ sutau bālau bhavēyaṁ ca kathaṁ tvaham ॥BORI: 01-146-9॥
Bereft of you, would not every pleasure be a calamity for me? What would become of my two young sons, and what would become of me? (BORI: 01-146-9)
[PV-PAN:01_029_79] (Bharata)
कथं हि विधवानाथा बालपुत्रा विना त्वया । मिथुनं जीवयिष्यामि स्थिता साधुगते पथि ॥BORI: ०१-१४६-१०॥
kathaṁ hi vidhavānāthā bālaputrā vinā tvayā । mithunaṁ jīvayiṣyāmi sthitā sādhugatē pathi ॥BORI: 01-146-10॥
How can I, widowed and without a protector, my sons still young, keep the pair alive without you while remaining on the path of virtue? (BORI: 01-146-10)
[PV-PAN:01_029_80] (Bharata)
अहङ्कृतावलिप्तैश्च प्रार्थ्यमानामिमां सुताम् । अयुक्तैस्तव सम्बन्धे कथं शक्ष्यामि रक्षितुम् ॥BORI: ०१-१४६-११॥
ahaṅkr̥tāvaliptaiśca prārthyamānāmimāṁ sutām । ayuktaistava sambandhē kathaṁ śakṣyāmi rakṣitum ॥BORI: 01-146-11॥
How will I be able to protect this daughter, when arrogant, conceited men unworthy of alliance with you seek her hand? (BORI: 01-146-11)
[PV-PAN:01_029_81] (Bharata)
उत्सृष्टमामिषं भूमौ प्रार्थयन्ति यथा खगाः । प्रार्थयन्ति जनाः सर्वे वीरहीनां तथा स्त्रियम् ॥BORI: ०१-१४६-१२॥
utsr̥ṣṭamāmiṣaṁ bhūmau prārthayanti yathā khagāḥ । prārthayanti janāḥ sarvē vīrahīnāṁ tathā striyam ॥BORI: 01-146-12॥
Just as birds seek out a piece of meat cast upon the ground, so all men pursue a woman who has no protector. (BORI: 01-146-12)
[PV-PAN:01_029_82] (Bharata)
साहं विचाल्यमाना वै प्रार्थ्यमाना दुरात्मभिः । स्थातुं पथि न शक्ष्यामि सज्जनेष्टे द्विजोत्तम ॥BORI: ०१-१४६-१३॥
sāhaṁ vicālyamānā vai prārthyamānā durātmabhiḥ । sthātuṁ pathi na śakṣyāmi sajjanēṣṭē dvijōttama ॥BORI: 01-146-13॥
Thus, being led astray and solicited by wicked men, I shall not be able to remain on the path cherished by the virtuous, O best of Brahmins. (BORI: 01-146-13)
[PV-PAN:01_029_83] (Bharata)
कथं तव कुलस्यैकामिमां बालामसंस्कृताम् । पितृपैतामहे मार्गे नियोक्तुमहमुत्सहे ॥BORI: ०१-१४६-१४॥
kathaṁ tava kulasyaikāmimāṁ bālāmasaṁskr̥tām । pitr̥paitāmahē mārgē niyōktumahamutsahē ॥BORI: 01-146-14॥
How can I dare to set this sole young, untrained girl of your lineage upon the path of her fathers and forefathers? (BORI: 01-146-14)
[PV-PAN:01_029_84] (Bharata)
कथं शक्ष्यामि बालेऽस्मिन्गुणानाधातुमीप्षितान् । अनाथे सर्वतो लुप्ते यथा त्वं धर्मदर्शिवान् ॥BORI: ०१-१४६-१५॥
kathaṁ śakṣyāmi bālē’sminguṇānādhātumīpṣitān । anāthē sarvatō luptē yathā tvaṁ dharmadarśivān ॥BORI: 01-146-15॥
How shall I be able to instill the desired virtues in this child, now orphaned and bereft of everything, as you could, with your understanding of dharma? (BORI: 01-146-15)
[PV-PAN:01_029_85] (Bharata)
इमामपि च ते बालामनाथां परिभूय माम् । अनर्हाः प्रार्थयिष्यन्ति शूद्रा वेदश्रुतिं यथा ॥BORI: ०१-१४६-१६॥
imāmapi ca tē bālāmanāthāṁ paribhūya mām । anarhāḥ prārthayiṣyanti śūdrā vēdaśrutiṁ yathā ॥BORI: 01-146-16॥
And unworthy men will seek this young, unprotected daughter of yours as well, despising me, just as Shudras seek to hear the Veda. (BORI: 01-146-16)
[PV-PAN:01_029_86] (Bharata)
तां चेदहं न दित्सेयं त्वद्गुणैरुपबृंहिताम् । प्रमथ्यैनां हरेयुस्ते हविर्ध्वाङ्क्षा इवाध्वरात् ॥BORI: ०१-१४६-१७॥
tāṁ cēdahaṁ na ditsēyaṁ tvadguṇairupabr̥ṁhitām । pramathyaināṁ harēyustē havirdhvāṅkṣā ivādhvarāt ॥BORI: 01-146-17॥
If I were unwilling to give her away, endowed as she is with your virtues, they would seize her by force, like crows carrying off an oblation from a sacrifice. (BORI: 01-146-17)
[PV-PAN:01_029_87] (Bharata)
सम्प्रेक्षमाणा पुत्रं ते नानुरूपमिवात्मनः । अनर्हवशमापन्नामिमां चापि सुतां तव ॥BORI: ०१-१४६-१८॥
samprēkṣamāṇā putraṁ tē nānurūpamivātmanaḥ । anarhavaśamāpannāmimāṁ cāpi sutāṁ tava ॥BORI: 01-146-18॥
Seeing your son as though unworthy of you, and this daughter of yours fallen into the hands of an unworthy man... (BORI: 01-146-18)
[PV-PAN:01_029_88] (Bharata)
अवज्ञाता च लोकस्य तथात्मानमजानती । अवलिप्तैर्नरैर्ब्रह्मन्मरिष्यामि न संशयः ॥BORI: ०१-१४६-१९॥
avajñātā ca lōkasya tathātmānamajānatī । avaliptairnarairbrahmanmariṣyāmi na saṁśayaḥ ॥BORI: 01-146-19॥
Despised by the world and not knowing myself, I shall die at the hands of arrogant men, O Brahmin—there is no doubt. (BORI: 01-146-19)
[PV-PAN:01_029_89] (Bharata)
तौ विहीनौ मया बालौ त्वया चैव ममात्मजौ । विनश्येतां न संदेहो मत्स्याविव जलक्षये ॥BORI: ०१-१४६-२०॥
tau vihīnau mayā bālau tvayā caiva mamātmajau । vinaśyētāṁ na saṁdēhō matsyāviva jalakṣayē ॥BORI: 01-146-20॥
My two young sons, deprived of both you and me, would undoubtedly perish like fish when the water dries up. (BORI: 01-146-20)
[PV-PAN:01_029_90] (Bharata)
त्रितयं सर्वथाप्येवं विनशिष्यत्यसंशयम् । त्वया विहीनं तस्मात्त्वं मां परित्यक्तुमर्हसि ॥BORI: ०१-१४६-२१॥
tritayaṁ sarvathāpyēvaṁ vinaśiṣyatyasaṁśayam । tvayā vihīnaṁ tasmāttvaṁ māṁ parityaktumarhasi ॥BORI: 01-146-21॥
Thus, without you, all three of us will certainly perish in every way. Therefore, you ought to abandon me. (BORI: 01-146-21)
[PV-PAN:01_029_91] (Bharata)
व्युष्टिरेषा परा स्त्रीणां पूर्वं भर्तुः परा गतिः । न तु ब्राह्मणपुत्राणां विषये परिवर्तितुम् ॥BORI: ०१-१४६-२२॥
vyuṣṭirēṣā parā strīṇāṁ pūrvaṁ bhartuḥ parā gatiḥ । na tu brāhmaṇaputrāṇāṁ viṣayē parivartitum ॥BORI: 01-146-22॥
For a woman, this is the highest fulfillment, the highest destiny: to die before her husband. But, Brahmin, you must not waver where the children are concerned. (BORI: 01-146-22)
[PV-PAN:01_029_92] (Bharata)
परित्यक्तः सुतश्चायं दुहितेयं तथा मया । बान्धवाश्च परित्यक्तास्त्वदर्थं जीवितं च मे ॥BORI: ०१-१४६-२३॥
parityaktaḥ sutaścāyaṁ duhitēyaṁ tathā mayā । bāndhavāśca parityaktāstvadarthaṁ jīvitaṁ ca mē ॥BORI: 01-146-23॥
For your sake, I have abandoned this son and this daughter as well, along with my relatives and my own life. (BORI: 01-146-23)
[PV-PAN:01_029_93] (Bharata)
यज्ञैस्तपोभिर्नियमैर्दानैश्च विविधैस्तथा । विशिष्यते स्त्रिया भर्तुर्नित्यं प्रियहिते स्थितिः ॥BORI: ०१-१४६-२४॥
yajñaistapōbhirniyamairdānaiśca vividhaistathā । viśiṣyatē striyā bharturnityaṁ priyahitē sthitiḥ ॥BORI: 01-146-24॥
A woman’s constant devotion to what is pleasing and beneficial to her husband surpasses sacrifices, austerities, religious observances, and gifts of every kind. (BORI: 01-146-24)
[PV-PAN:01_029_94] (Bharata)
तदिदं यच्चिकीर्षामि धर्म्यं परमसंमतम् । इष्टं चैव हितं चैव तव चैव कुलस्य च ॥BORI: ०१-१४६-२५॥
tadidaṁ yaccikīrṣāmi dharmyaṁ paramasaṁmatam । iṣṭaṁ caiva hitaṁ caiva tava caiva kulasya ca ॥BORI: 01-146-25॥
What I wish to do, then, is righteous and highly approved, as well as pleasing and beneficial to you and your family. (BORI: 01-146-25)
[PV-PAN:01_029_95] (Bharata)
इष्टानि चाप्यपत्यानि द्रव्याणि सुहृदः प्रियाः । आपद्धर्मविमोक्षाय भार्या चापि सतां मतम् ॥BORI: ०१-१४६-२६॥
iṣṭāni cāpyapatyāni dravyāṇi suhr̥daḥ priyāḥ । āpaddharmavimōkṣāya bhāryā cāpi satāṁ matam ॥BORI: 01-146-26॥
Children, possessions, beloved friends, and a wife are all cherished as means of deliverance from adversity—such is the view of the good. (BORI: 01-146-26)
[PV-PAN:01_029_96] (Bharata)
एकतो वा कुलं कृत्स्नमात्मा वा कुलवर्धन । न समं सर्वमेवेति बुधानामेष निश्चयः ॥BORI: ०१-१४६-२७॥
ēkatō vā kulaṁ kr̥tsnamātmā vā kulavardhana । na samaṁ sarvamēvēti budhānāmēṣa niścayaḥ ॥BORI: 01-146-27॥
On one side is the entire family, and on the other oneself, O perpetuator of the family. They are not equal at all—such is the considered judgment of the wise. (BORI: 01-146-27)
[PV-PAN:01_029_97] (Bharata)
स कुरुष्व मया कार्यं तारयात्मानमात्मना । अनुजानीहि मामार्य सुतौ मे परिरक्ष च ॥BORI: ०१-१४६-२८॥
sa kuruṣva mayā kāryaṁ tārayātmānamātmanā । anujānīhi māmārya sutau mē parirakṣa ca ॥BORI: 01-146-28॥
So let me do what must be done. Save yourself through your own self; give me leave, noble one, and protect my two sons. (BORI: 01-146-28)
[PV-PAN:01_029_98] (Bharata)
अवध्याः स्त्रिय इत्याहुर्धर्मज्ञा धर्मनिश्चये । धर्मज्ञान् राक्षसानाहुर्न हन्यात्स च मामपि ॥BORI: ०१-१४६-२९॥
avadhyāḥ striya ityāhurdharmajñā dharmaniścayē । dharmajñān rākṣasānāhurna hanyātsa ca māmapi ॥BORI: 01-146-29॥
Those who know dharma say, when determining what is right, that women must not be killed. They also say that Rakshasas know dharma, so he may not kill me either. (BORI: 01-146-29)
[PV-PAN:01_029_99] (Bharata)
निःसंशयो वधः पुंसां स्त्रीणां संशयितो वधः । अतो मामेव धर्मज्ञ प्रस्थापयितुमर्हसि ॥BORI: ०१-१४६-३०॥
niḥsaṁśayō vadhaḥ puṁsāṁ strīṇāṁ saṁśayitō vadhaḥ । atō māmēva dharmajña prasthāpayitumarhasi ॥BORI: 01-146-30॥
The death of men is certain, but the death of women is uncertain. Therefore, knower of dharma, you should send me alone. (BORI: 01-146-30)
[PV-PAN:01_029_100] (Bharata)
भुक्तं प्रियाण्यवाप्तानि धर्मश्च चरितो मया । त्वत्प्रसूतिः प्रिया प्राप्ता न मां तप्स्यत्यजीवितम् ॥BORI: ०१-१४६-३१॥
bhuktaṁ priyāṇyavāptāni dharmaśca caritō mayā । tvatprasūtiḥ priyā prāptā na māṁ tapsyatyajīvitam ॥BORI: 01-146-31॥
I have enjoyed life and attained what I cherished, and I have fulfilled my duty. I have had a beloved child by you; death will cause me no grief. (BORI: 01-146-31)
[PV-PAN:01_029_101] (Bharata)
जातपुत्रा च वृद्धा च प्रियकामा च ते सदा । समीक्ष्यैतदहं सर्वं व्यवसायं करोम्यतः ॥BORI: ०१-१४६-३२॥
jātaputrā ca vr̥ddhā ca priyakāmā ca tē sadā । samīkṣyaitadahaṁ sarvaṁ vyavasāyaṁ karōmyataḥ ॥BORI: 01-146-32॥
I have borne a son, I have grown old, and I have always sought to please you. Considering all this, I therefore make this resolve. (BORI: 01-146-32)
[PV-PAN:01_029_102] (Bharata)
उत्सृज्यापि च मामार्य वेत्स्यस्यन्यामपि स्त्रियम् । ततः प्रतिष्ठितो धर्मो भविष्यति पुनस्तव ॥BORI: ०१-१४६-३३॥
utsr̥jyāpi ca māmārya vētsyasyanyāmapi striyam । tataḥ pratiṣṭhitō dharmō bhaviṣyati punastava ॥BORI: 01-146-33॥
Even after casting me off, noble one, you may take another woman; then your dharma will once again be firmly established. (BORI: 01-146-33)
[PV-PAN:01_029_103] (Bharata)
न चाप्यधर्मः कल्याण बहुपत्नीकता नृणाम् । स्त्रीणामधर्मः सुमहान्भर्तुः पूर्वस्य लङ्घने ॥BORI: ०१-१४६-३४॥
na cāpyadharmaḥ kalyāṇa bahupatnīkatā nr̥ṇām । strīṇāmadharmaḥ sumahānbhartuḥ pūrvasya laṅghanē ॥BORI: 01-146-34॥
Nor, noble one, is it unrighteous for men to have many wives; but for women, forsaking a former husband is a very grave sin. (BORI: 01-146-34)
[PV-PAN:01_029_104] (Bharata)
एतत्सर्वं समीक्ष्य त्वमात्मत्यागं च गर्हितम् । आत्मानं तारय मया कुलं चेमौ च दारकौ ॥BORI: ०१-१४६-३५॥
ētatsarvaṁ samīkṣya tvamātmatyāgaṁ ca garhitam । ātmānaṁ tāraya mayā kulaṁ cēmau ca dārakau ॥BORI: 01-146-35॥
Considering all this, and that giving up one’s life is reprehensible, save yourself by means of me, along with your family and these two children. (BORI: 01-146-35)
[PV-PAN:01_029_105] (Bharata)
वैशम्पायन उवाच॥
vaiśampāyana uvāca॥
Vaiśampāyana said:
[PV-PAN:01_029_106] (Bharata)
एवमुक्तस्तया भर्ता तां समालिङ्ग्य भारत । मुमोच बाष्पं शनकैः सभार्यो भृशदुःखितः ॥BORI: ०१-१४६-३६॥
ēvamuktastayā bhartā tāṁ samāliṅgya bhārata । mumōca bāṣpaṁ śanakaiḥ sabhāryō bhr̥śaduḥkhitaḥ ॥BORI: 01-146-36॥
Thus addressed by her, her husband embraced her, O Bharata, and slowly shed tears; together with his wife, he was deeply distressed. (BORI: 01-146-36)
[PV-PAN:01_029_107] (Bharata)
वैशम्पायन उवाच॥
vaiśampāyana uvāca॥
Vaiśampāyana said:
[PV-PAN:01_029_123] (Bharata)
तयोर्दुःखितयोर्वाक्यमतिमात्रं निशम्य तत् । भृशं दुःखपरीताङ्गी कन्या तावभ्यभाषत ॥BORI: १-१४७-१॥
tayōrduḥkhitayōrvākyamatimātraṁ niśamya tat । bhr̥śaṁ duḥkhaparītāṅgī kanyā tāvabhyabhāṣata ॥BORI: 1-147-1॥
Hearing the anguished words of the two, the maiden, her body overwhelmed by intense sorrow, addressed them: (BORI: 1-147-1)
[PV-PAN:01_029_124] (Bharata)
किमिदं भृशदुःखार्तौ रोरवीथो अनाथवत् । ममापि श्रूयतां किञ्चिच्छ्रुत्वा च क्रियतां क्षमम् ॥BORI: १-१४७-२॥
kimidaṁ bhr̥śaduḥkhārtau rōravīthō anāthavat । mamāpi śrūyatāṁ kiñcicchrutvā ca kriyatāṁ kṣamam ॥BORI: 1-147-2॥
Why are you both crying out, so deeply afflicted with grief, like those with no protector? Hear something from me as well, and when you have heard it, do what is fitting. (BORI: 1-147-2)
[PV-PAN:01_029_125] (Bharata)
धर्मतोऽहं परित्याज्या युवयोर्नात्र संशयः । त्यक्तव्यां मां परित्यज्य त्रातं सर्वं मयैकया ॥BORI: १-१४७-३॥
dharmatō’haṁ parityājyā yuvayōrnātra saṁśayaḥ । tyaktavyāṁ māṁ parityajya trātaṁ sarvaṁ mayaikayā ॥BORI: 1-147-3॥
By right, I am to be abandoned by you both; there is no doubt of this. Abandon me, who must be abandoned, and save yourselves entirely through me alone. (BORI: 1-147-3)
[PV-PAN:01_029_126] (Bharata)
इत्यर्थमिष्यतेऽपत्यं तारयिष्यति मामिति । तस्मिन्नुपस्थिते काले तरतं प्लववन्मया ॥BORI: १-१४७-४॥
ityarthamiṣyatē’patyaṁ tārayiṣyati māmiti । tasminnupasthitē kālē tarataṁ plavavanmayā ॥BORI: 1-147-4॥
It is for this purpose that a child is desired: “He will save me.” When that time comes, cross over by means of me as though by a boat. (BORI: 1-147-4)
[PV-PAN:01_029_127] (Bharata)
इह वा तारयेद्दुर्गादुत वा प्रेत्य तारयेत् । सर्वथा तारयेत्पुत्रः पुत्र इत्युच्यते बुधैः ॥BORI: १-१४७-५॥
iha vā tārayēddurgāduta vā prētya tārayēt । sarvathā tārayētputraḥ putra ityucyatē budhaiḥ ॥BORI: 1-147-5॥
Whether here he saves one from adversity, or after death he saves one, a son saves one in every way; therefore the wise call him “putra,” a son. (BORI: 1-147-5)
[PV-PAN:01_029_128] (Bharata)
आकाङ्क्षन्ते च दौहित्रानपि नित्यं पितामहाः । तान्स्वयं वै परित्रास्ये रक्षन्ती जीवितं पितुः ॥BORI: १-१४७-६॥
ākāṅkṣantē ca dauhitrānapi nityaṁ pitāmahāḥ । tānsvayaṁ vai paritrāsyē rakṣantī jīvitaṁ pituḥ ॥BORI: 1-147-6॥
Grandfathers always long for daughters’ sons as well. I myself will save them, while preserving my father’s life. (BORI: 1-147-6)
[PV-PAN:01_029_129] (Bharata)
भ्राता च मम बालोऽयं गते लोकममुं त्वयि । अचिरेणैव कालेन विनश्येत न संशयः ॥BORI: १-१४७-७॥
bhrātā ca mama bālō’yaṁ gatē lōkamamuṁ tvayi । acirēṇaiva kālēna vinaśyēta na saṁśayaḥ ॥BORI: 1-147-7॥
And this young brother of mine, if you pass from this world, would soon perish—there is no doubt. (BORI: 1-147-7)
[PV-PAN:01_029_130] (Bharata)
तातेऽपि हि गते स्वर्गं विनष्टे च ममानुजे । पिण्डः पितृणां व्युच्छिद्येत्तत्तेषामप्रियं भवेत् ॥BORI: १-१४७-८॥
tātē’pi hi gatē svargaṁ vinaṣṭē ca mamānujē । piṇḍaḥ pitr̥ṇāṁ vyucchidyēttattēṣāmapriyaṁ bhavēt ॥BORI: 1-147-8॥
For if you too, Father, go to heaven and my younger brother dies, the ancestral offerings would cease, and that would displease them. (BORI: 1-147-8)
[PV-PAN:01_029_131] (Bharata)
पित्रा त्यक्ता तथा मात्रा भ्रात्रा चाहमसंशयम् । दुःखाद्दुःखतरं प्राप्य म्रियेयमतथोचिता ॥BORI: १-१४७-९॥
pitrā tyaktā tathā mātrā bhrātrā cāhamasaṁśayam । duḥkhādduḥkhataraṁ prāpya mriyēyamatathōcitā ॥BORI: 1-147-9॥
Forsaken by my father, and likewise by my mother and brother, I would undoubtedly suffer misery worse than misery and die, unaccustomed to such hardship. (BORI: 1-147-9)
[PV-PAN:01_029_132] (Bharata)
त्वयि त्वरोगे निर्मुक्ते माता भ्राता च मे शिशुः । सन्तानश्चैव पिण्डश्च प्रतिष्ठास्यत्यसंशयम् ॥BORI: १-१४७-१०॥
tvayi tvarōgē nirmuktē mātā bhrātā ca mē śiśuḥ । santānaścaiva piṇḍaśca pratiṣṭhāsyatyasaṁśayam ॥BORI: 1-147-10॥
But once you are safely delivered, my mother and infant brother, the continuation of our line, and the ancestral offerings will undoubtedly be secure. (BORI: 1-147-10)
[PV-PAN:01_029_133] (Bharata)
आत्मा पुत्रः सखा भार्या कृच्छ्रं तु दुहिता किल । स कृच्छ्रान्मोचयात्मानं मां च धर्मेण योजय ॥BORI: १-१४७-११॥
ātmā putraḥ sakhā bhāryā kr̥cchraṁ tu duhitā kila । sa kr̥cchrānmōcayātmānaṁ māṁ ca dharmēṇa yōjaya ॥BORI: 1-147-11॥
A son is one’s own self, a wife is a companion, but a daughter, they say, is a burden. So free yourself from this burden and unite me with righteousness. (BORI: 1-147-11)
[PV-PAN:01_029_134] (Bharata)
अनाथा कृपणा बाला यत्रक्वचनगामिनी । भविष्यामि त्वया तात विहीना कृपणा बत ॥BORI: १-१४७-१२॥
anāthā kr̥paṇā bālā yatrakvacanagāminī । bhaviṣyāmi tvayā tāta vihīnā kr̥paṇā bata ॥BORI: 1-147-12॥
Without you, Father, I shall be helpless and wretched—a mere girl wandering wherever chance takes me. Alas, how miserable I shall be! (BORI: 1-147-12)
[PV-PAN:01_029_135] (Bharata)
अथवाहं करिष्यामि कुलस्यास्य विमोक्षणम् । फलसंस्था भविष्यामि कृत्वा कर्म सुदुष्करम् ॥BORI: १-१४७-१३॥
athavāhaṁ kariṣyāmi kulasyāsya vimōkṣaṇam । phalasaṁsthā bhaviṣyāmi kr̥tvā karma suduṣkaram ॥BORI: 1-147-13॥
Or I shall deliver this family. Having performed this exceedingly difficult deed, I shall attain its reward. (BORI: 1-147-13)
[PV-PAN:01_029_136] (Bharata)
अथवा यास्यसे तत्र त्यक्त्वा मां द्विजसत्तम । पीडिताहं भविष्यामि तदवेक्षस्व मामपि ॥BORI: १-१४७-१४॥
athavā yāsyasē tatra tyaktvā māṁ dvijasattama । pīḍitāhaṁ bhaviṣyāmi tadavēkṣasva māmapi ॥BORI: 1-147-14॥
Or will you go there, abandoning me, O best of brahmins? I shall be tormented; consider me too. (BORI: 1-147-14)
[PV-PAN:01_029_137] (Bharata)
तदस्मदर्थं धर्मार्थं प्रसवार्थं च सत्तम । आत्मानं परिरक्षस्व त्यक्तव्यां मां च सन्त्यज ॥BORI: १-१४७-१५॥
tadasmadarthaṁ dharmārthaṁ prasavārthaṁ ca sattama । ātmānaṁ parirakṣasva tyaktavyāṁ māṁ ca santyaja ॥BORI: 1-147-15॥
Therefore, for our sake, for the sake of dharma, and for the sake of offspring, O best of men, protect yourself; abandon me, who must be abandoned. (BORI: 1-147-15)
[PV-PAN:01_029_138] (Bharata)
अवश्यकरणीयेऽर्थे मा त्वां कालोऽत्यगादयम् । त्वया दत्तेन तोयेन भविष्यति हितं च मे ॥BORI: १-१४७-१६॥
avaśyakaraṇīyē’rthē mā tvāṁ kālō’tyagādayam । tvayā dattēna tōyēna bhaviṣyati hitaṁ ca mē ॥BORI: 1-147-16॥
Do not let this opportunity pass you by in a matter that must be done. The water offered by you will also benefit me. (BORI: 1-147-16)
[PV-PAN:01_029_139] (Bharata)
किं न्वतः परमं दुःखं यद्वयं स्वर्गते त्वयि । याचमानाः परादन्नं परिधावेमहि श्ववत् ॥BORI: १-१४७-१७॥
kiṁ nvataḥ paramaṁ duḥkhaṁ yadvayaṁ svargatē tvayi । yācamānāḥ parādannaṁ paridhāvēmahi śvavat ॥BORI: 1-147-17॥
What greater sorrow could there be than this: when you have gone to heaven, we shall run about like dogs, begging food from others? (BORI: 1-147-17)
[PV-PAN:01_029_140] (Bharata)
त्वयि त्वरोगे निर्मुक्ते क्लेशादस्मात्सबान्धवे । अमृते वसती लोके भविष्यामि सुखान्विता ॥BORI: १-१४७-१८॥
tvayi tvarōgē nirmuktē klēśādasmātsabāndhavē । amr̥tē vasatī lōkē bhaviṣyāmi sukhānvitā ॥BORI: 1-147-18॥
But with you unharmed and freed from this suffering together with our family, I shall dwell happily in the immortal realm. (BORI: 1-147-18)
[PV-PAN:01_029_141] (Bharata)
एवं बहुविधं तस्या निशम्य परिदेवितम् । पिता माता च सा चैव कन्या प्ररुरुदुस्त्रयः ॥BORI: १-१४७-१९॥
ēvaṁ bahuvidhaṁ tasyā niśamya paridēvitam । pitā mātā ca sā caiva kanyā prarurudustrayaḥ ॥BORI: 1-147-19॥
Hearing her many-sided lament in this way, the father, the mother, and the maiden herself—all three—burst into tears. (BORI: 1-147-19)
[PV-PAN:01_029_142] (Bharata)
ततः प्ररुदितान्सर्वान्निशम्याथ सुतस्तयोः । उत्फुल्लनयनो बालः कलमव्यक्तमब्रवीत् ॥BORI: १-१४७-२०॥
tataḥ praruditānsarvānniśamyātha sutastayōḥ । utphullanayanō bālaḥ kalamavyaktamabravīt ॥BORI: 1-147-20॥
Then, hearing them all weeping, the couple’s young son, his eyes wide open, spoke indistinctly in a sweet, childish voice. (BORI: 1-147-20)
[PV-PAN:01_029_143] (Bharata)
मा रोदीस्तात मा मातर्मा स्वसस्त्वमिति ब्रुवन् । प्रहसन्निव सर्वांस्तानेकैकं सोऽपसर्पति ॥BORI: १-१४७-२१॥
mā rōdīstāta mā mātarmā svasastvamiti bruvan । prahasanniva sarvāṁstānēkaikaṁ sō’pasarpati ॥BORI: 1-147-21॥
Saying, “Do not cry, Father; do not cry, Mother; and do not cry, Sister,” he seemed to smile as he moved away from each of them in turn. (BORI: 1-147-21)
[PV-PAN:01_029_144] (Bharata)
ततः स तृणमादाय प्रहृष्टः पुनरब्रवीत् । अनेन तं हनिष्यामि राक्षसं पुरुषादकम् ॥BORI: १-१४७-२२॥
tataḥ sa tr̥ṇamādāya prahr̥ṣṭaḥ punarabravīt । anēna taṁ haniṣyāmi rākṣasaṁ puruṣādakam ॥BORI: 1-147-22॥
Then, delighted, he picked up a blade of grass and said again, “With this I shall kill that man-eating Rakshasa.” (BORI: 1-147-22)
[PV-PAN:01_029_145] (Bharata)
तथापि तेषां दुःखेन परीतानां निशम्य तत् । बालस्य वाक्यमव्यक्तं हर्षः समभवन्महान् ॥BORI: १-१४७-२३॥
tathāpi tēṣāṁ duḥkhēna parītānāṁ niśamya tat । bālasya vākyamavyaktaṁ harṣaḥ samabhavanmahān ॥BORI: 1-147-23॥
Even so, when those overwhelmed by grief heard the child’s indistinct words, great joy arose in them. (BORI: 1-147-23)
[PV-PAN:01_029_146] (Bharata)
अयं काल इति ज्ञात्वा कुन्ती समुपसृत्य तान् । गतासूनमृतेनेव जीवयन्तीदमब्रवीत् ॥BORI: १-१४७-२४॥
ayaṁ kāla iti jñātvā kuntī samupasr̥tya tān । gatāsūnamr̥tēnēva jīvayantīdamabravīt ॥BORI: 1-147-24॥
Realizing that the time had come, Kunti approached them and, as if reviving the lifeless with nectar, said: (BORI: 1-147-24)
[PV-PAN:01_029_147] (Bharata)
कुन्त्युवाच॥
kuntyuvāca॥
Kunti said:
[PV-KDV:01_029_151] (Bharata)
कुतोमूलमिदं दुःखं ज्ञातुमिच्छामि तत्त्वतः । विदित्वा अपकर्षेयं शक्यं चेदपकर्षितुम् ॥BORI: १-१४८-१॥
kutōmūlamidaṁ duḥkhaṁ jñātumicchāmi tattvataḥ । viditvā apakarṣēyaṁ śakyaṁ cēdapakarṣitum ॥BORI: 1-148-1॥
I wish to know the true source of this suffering. Once I know it, I will remove it, if it can be removed. (BORI: 1-148-1)
[PV-KDV:01_029_152] (Bharata)
ब्राह्मण उवाच॥
brāhmaṇa uvāca॥
The Brahmin said:
[PV-KDV:01_029_153] (Bharata)
उपपन्नं सतामेतद्यद्ब्रवीषि तपोधने । न तु दुःखमिदं शक्यं मानुषेण व्यपोहितुम् ॥BORI: १-१४८-२॥
upapannaṁ satāmētadyadbravīṣi tapōdhanē । na tu duḥkhamidaṁ śakyaṁ mānuṣēṇa vyapōhitum ॥BORI: 1-148-2॥
What you say is worthy of the virtuous, O ascetic. But this suffering cannot be removed by any human being. (BORI: 1-148-2)
[PV-KDV:01_029_154] (Bharata)
समीपे नगरस्यास्य बको वसति राक्षसः । ईशो जनपदस्यास्य पुरस्य च महाबलः ॥BORI: १-१४८-३॥
samīpē nagarasyāsya bakō vasati rākṣasaḥ । īśō janapadasyāsya purasya ca mahābalaḥ ॥BORI: 1-148-3॥
Near this city dwells a Rakshasa named Baka, a mighty lord over this land and city. (BORI: 1-148-3)
[PV-KDV:01_029_155] (Bharata)
पुष्टो मानुषमांसेन दुर्बुद्धिः पुरुषादकः । रक्षत्यसुरराण्नित्यमिमं जनपदं बली ॥BORI: १-१४८-४॥
puṣṭō mānuṣamāṁsēna durbuddhiḥ puruṣādakaḥ । rakṣatyasurarāṇnityamimaṁ janapadaṁ balī ॥BORI: 1-148-4॥
The powerful, evil-minded man-eater, lord of the Asuras and nourished on human flesh, always protects this district. (BORI: 1-148-4)
[PV-KDV:01_029_156] (Bharata)
नगरं चैव देशं च रक्षोबलसमन्वितः । तत्कृते परचक्राच्च भूतेभ्यश्च न नो भयम् ॥BORI: १-१४८-५॥
nagaraṁ caiva dēśaṁ ca rakṣōbalasamanvitaḥ । tatkr̥tē paracakrācca bhūtēbhyaśca na nō bhayam ॥BORI: 1-148-5॥
Endowed with a Rakshasa’s might, he protects both the city and the countryside. Because of him, we have no fear of enemy armies or other creatures. (BORI: 1-148-5)
[PV-KDV:01_029_157] (Bharata)
वेतनं तस्य विहितं शालिवाहस्य भोजनम् । महिषौ पुरुषश्चैको यस्तदादाय गच्छति ॥BORI: १-१४८-६॥
vētanaṁ tasya vihitaṁ śālivāhasya bhōjanam । mahiṣau puruṣaścaikō yastadādāya gacchati ॥BORI: 1-148-6॥
His payment has been fixed: a cartload of rice for his meal, two buffaloes, and the man who takes it to him. (BORI: 1-148-6)
[PV-KDV:01_029_158] (Bharata)
एकैकश्चैव पुरुषस्तत्प्रयच्छति भोजनम् । स वारो बहुभिर्वर्षैर्भवत्यसुतरो नरैः ॥BORI: १-१४८-७॥
ēkaikaścaiva puruṣastatprayacchati bhōjanam । sa vārō bahubhirvarṣairbhavatyasutarō naraiḥ ॥BORI: 1-148-7॥
Each man in turn provides that meal. His turn comes only after many years, but it is exceedingly hard for men to bear. (BORI: 1-148-7)
[PV-KDV:01_029_159] (Bharata)
तद्विमोक्षाय ये चापि यतन्ते पुरुषाः क्वचित् । सपुत्रदारांस्तान्हत्वा तद्रक्षो भक्षयत्युत ॥BORI: १-१४८-८॥
tadvimōkṣāya yē cāpi yatantē puruṣāḥ kvacit । saputradārāṁstānhatvā tadrakṣō bhakṣayatyuta ॥BORI: 1-148-8॥
And if any men attempt to free themselves from it, that Rakshasa kills them together with their sons and wives and devours them. (BORI: 1-148-8)
[PV-KDV:01_029_160] (Bharata)
वेत्रकीयगृहे राजा नायं नयमिहास्थितः । अनामयं जनस्यास्य येन स्यादद्य शाश्वतम् ॥BORI: १-१४८-९॥
vētrakīyagr̥hē rājā nāyaṁ nayamihāsthitaḥ । anāmayaṁ janasyāsya yēna syādadya śāśvatam ॥BORI: 1-148-9॥
This king at Vetrakīyagṛha has adopted no policy by which these people might now enjoy lasting security. (BORI: 1-148-9)
[PV-KDV:01_029_161] (Bharata)
एतदर्हा वयं नूनं वसामो दुर्बलस्य ये । विषये नित्यमुद्विग्नाः कुराजानमुपाश्रिताः ॥BORI: १-१४८-१०॥
ētadarhā vayaṁ nūnaṁ vasāmō durbalasya yē । viṣayē nityamudvignāḥ kurājānamupāśritāḥ ॥BORI: 1-148-10॥
Surely we deserve this, living as we do in the realm of a weak man, always anxious and dependent on a bad king. (BORI: 1-148-10)
[PV-KDV:01_029_162] (Bharata)
ब्राह्मणाः कस्य वक्तव्याः कस्य वा छन्दचारिणः । गुणैरेते हि वास्यन्ते कामगाः पक्षिणो यथा ॥BORI: १-१४८-११॥
brāhmaṇāḥ kasya vaktavyāḥ kasya vā chandacāriṇaḥ । guṇairētē hi vāsyantē kāmagāḥ pakṣiṇō yathā ॥BORI: 1-148-11॥
Who can tell Brahmins what to do, and whose wishes do they follow? For they can be induced to stay only by good qualities, like birds free to go wherever they please. (BORI: 1-148-11)
[PV-KDV:01_029_163] (Bharata)
राजानं प्रथमं विन्देत्ततो भार्यां ततो धनम् । त्रयस्य सञ्चये चास्य ज्ञातीन्पुत्रांश्च धारयेत् ॥BORI: १-१४८-१२॥
rājānaṁ prathamaṁ vindēttatō bhāryāṁ tatō dhanam । trayasya sañcayē cāsya jñātīnputrāṁśca dhārayēt ॥BORI: 1-148-12॥
One should first secure a king, then a wife, and then wealth; once these three have been acquired, one should support one’s relatives and sons. (BORI: 1-148-12)
[PV-KDV:01_029_164] (Bharata)
विपरीतं मया चेदं त्रयं सर्वमुपार्जितम् । त इमामापदं प्राप्य भृशं तप्स्यामहे वयम् ॥BORI: १-१४८-१३॥
viparītaṁ mayā cēdaṁ trayaṁ sarvamupārjitam । ta imāmāpadaṁ prāpya bhr̥śaṁ tapsyāmahē vayam ॥BORI: 1-148-13॥
But I acquired all three of these in the reverse order; consequently, having fallen into this calamity, we shall suffer greatly. (BORI: 1-148-13)
[PV-KDV:01_029_165] (Bharata)
सोऽयमस्माननुप्राप्तो वारः कुलविनाशनः । भोजनं पुरुषश्चैकः प्रदेयं वेतनं मया ॥BORI: १-१४८-१४॥
sō’yamasmānanuprāptō vāraḥ kulavināśanaḥ । bhōjanaṁ puruṣaścaikaḥ pradēyaṁ vētanaṁ mayā ॥BORI: 1-148-14॥
Now our turn has come—the turn that will destroy our family. I must provide the food, a man, and the payment. (BORI: 1-148-14)
[PV-KDV:01_029_166] (Bharata)
न च मे विद्यते वित्तं सङ्क्रेतुं पुरुषं क्वचित् । सुहृज्जनं प्रदातुं च न शक्ष्यामि कथञ्चन । गतिं चापि न पश्यामि तस्मान्मोक्षाय रक्षसः ॥BORI: १-१४८-१५॥
na ca mē vidyatē vittaṁ saṅkrētuṁ puruṣaṁ kvacit । suhr̥jjanaṁ pradātuṁ ca na śakṣyāmi kathañcana । gatiṁ cāpi na paśyāmi tasmānmōkṣāya rakṣasaḥ ॥BORI: 1-148-15॥
I have no wealth with which to buy a man anywhere, and I could never give up one of my loved ones. Nor do I see any way to escape the Rakshasa. (BORI: 1-148-15)
[PV-KDV:01_029_167] (Bharata)
सोऽहं दुःखार्णवे मग्नो महत्यसुतरे भृशम् । सहैवैतैर्गमिष्यामि बान्धवैरद्य राक्षसम् । ततो नः सहितन्क्षुद्रः सर्वानेवोपभोक्ष्यति ॥BORI: १-१४८-१६॥
sō’haṁ duḥkhārṇavē magnō mahatyasutarē bhr̥śam । sahaivaitairgamiṣyāmi bāndhavairadya rākṣasam । tatō naḥ sahitankṣudraḥ sarvānēvōpabhōkṣyati ॥BORI: 1-148-16॥
Thus I am plunged deep into a vast, impassable ocean of sorrow. Today I shall go to the Rakshasa together with these kinsmen; then the wretch will devour us all together. (BORI: 1-148-16)
[PV-KDV:01_029_168] (Bharata)
कुन्त्युवाच॥
kuntyuvāca॥
Kunti said:
[PV-KDV:01_029_188] (Bharata)
न विषादस्त्वया कार्यो भयादस्मात्कथञ्चन । उपायः परिदृष्टोऽत्र तस्मान्मोक्षाय रक्षसः ॥BORI: १-१४९-१॥
na viṣādastvayā kāryō bhayādasmātkathañcana । upāyaḥ paridr̥ṣṭō’tra tasmānmōkṣāya rakṣasaḥ ॥BORI: 1-149-1॥
You must not despair in any way because of this danger, since a means of deliverance from the Rakshasa has been found here. (BORI: 1-149-1)
[PV-KDV:01_029_189] (Bharata)
एकस्तव सुतो बालः कन्या चैका तपस्विनी । न ते तयोस्तथा पत्न्या गमनं तत्र रोचये ॥BORI: १-१४९-२॥
ēkastava sutō bālaḥ kanyā caikā tapasvinī । na tē tayōstathā patnyā gamanaṁ tatra rōcayē ॥BORI: 1-149-2॥
You have only one young son and one poor daughter. I do not approve of your going there, nor of either of them or your wife going. (BORI: 1-149-2)
[PV-KDV:01_029_190] (Bharata)
मम पञ्च सुता ब्रह्मंस्तेषामेको गमिष्यति । त्वदर्थं बलिमादाय तस्य पापस्य रक्षसः ॥BORI: १-१४९-३॥
mama pañca sutā brahmaṁstēṣāmēkō gamiṣyati । tvadarthaṁ balimādāya tasya pāpasya rakṣasaḥ ॥BORI: 1-149-3॥
I have five sons, Brahmin; one of them will go on your behalf, taking the offering to that wicked Rakshasa. (BORI: 1-149-3)
[PV-KDV:01_029_191] (Bharata)
ब्राह्मण उवाच॥
brāhmaṇa uvāca॥
The Brahmin said:
[PV-KDV:01_029_192] (Bharata)
नाहमेतत्करिष्यामि जीवितार्थी कथञ्चन । ब्राह्मणस्यातिथेश्चैव स्वार्थे प्राणैर्वियोजनम् ॥BORI: १-१४९-४॥
nāhamētatkariṣyāmi jīvitārthī kathañcana । brāhmaṇasyātithēścaiva svārthē prāṇairviyōjanam ॥BORI: 1-149-4॥
However much I may wish to live, I will never do this: deprive a Brahmin who is my guest of his life for my own sake. (BORI: 1-149-4)
[PV-KDV:01_029_193] (Bharata)
न त्वेतदकुलीनासु नाधर्मिष्ठासु विद्यते । यद्ब्राह्मणार्थे विसृजेदात्मानमपि चात्मजम् ॥BORI: १-१४९-५॥
na tvētadakulīnāsu nādharmiṣṭhāsu vidyatē । yadbrāhmaṇārthē visr̥jēdātmānamapi cātmajam ॥BORI: 1-149-5॥
But such conduct is not found among women of ignoble birth or among the deeply unrighteous: sacrificing oneself and even one’s own son for the sake of a Brahmin. (BORI: 1-149-5)
[PV-KDV:01_029_194] (Bharata)
आत्मनस्तु मया श्रेयो बोद्धव्यमिति रोचये । ब्रह्मवध्यात्मवध्या वा श्रेय आत्मवधो मम ॥BORI: १-१४९-६॥
ātmanastu mayā śrēyō bōddhavyamiti rōcayē । brahmavadhyātmavadhyā vā śrēya ātmavadhō mama ॥BORI: 1-149-6॥
But I believe I must determine what is best for me. Between killing a Brahmin and killing myself, it is better for me to take my own life. (BORI: 1-149-6)
[PV-KDV:01_029_195] (Bharata)
ब्रह्मवध्या परं पापं निष्कृतिर्नात्र विद्यते । अबुद्धिपूर्वं कृत्वापि श्रेय आत्मवधो मम ॥BORI: १-१४९-७॥
brahmavadhyā paraṁ pāpaṁ niṣkr̥tirnātra vidyatē । abuddhipūrvaṁ kr̥tvāpi śrēya ātmavadhō mama ॥BORI: 1-149-7॥
Killing a Brahmin is the gravest sin, and there is no expiation for it. Even if I were to do it unintentionally, it would be better for me to kill myself. (BORI: 1-149-7)
[PV-KDV:01_029_196] (Bharata)
न त्वहं वधमाकाङ्क्षे स्वयमेवात्मनः शुभे । परैः कृते वधे पापं न किञ्चिन्मयि विद्यते ॥BORI: १-१४९-८॥
na tvahaṁ vadhamākāṅkṣē svayamēvātmanaḥ śubhē । paraiḥ kr̥tē vadhē pāpaṁ na kiñcinmayi vidyatē ॥BORI: 1-149-8॥
But I do not wish to kill myself, good lady. If others kill me, no sin whatsoever will attach to me. (BORI: 1-149-8)
[PV-KDV:01_029_197] (Bharata)
अभिसन्धिकृते तस्मिन्ब्राह्मणस्य वधे मया । निष्कृतिं न प्रपश्यामि नृशंसं क्षुद्रमेव च ॥BORI: १-१४९-९॥
abhisandhikr̥tē tasminbrāhmaṇasya vadhē mayā । niṣkr̥tiṁ na prapaśyāmi nr̥śaṁsaṁ kṣudramēva ca ॥BORI: 1-149-9॥
For that premeditated killing of a Brahmin by me, I see no atonement; it would be both cruel and base. (BORI: 1-149-9)
[PV-KDV:01_029_198] (Bharata)
आगतस्य गृहे त्यागस्तथैव शरणार्थिनः । याचमानस्य च वधो नृशंसं परमं मतम् ॥BORI: १-१४९-१०॥
āgatasya gr̥hē tyāgastathaiva śaraṇārthinaḥ । yācamānasya ca vadhō nr̥śaṁsaṁ paramaṁ matam ॥BORI: 1-149-10॥
To abandon one who has come to one’s home, or one who seeks refuge, and to kill one who begs for mercy are considered acts of the utmost cruelty. (BORI: 1-149-10)
[PV-KDV:01_029_199] (Bharata)
कुर्यान्न निन्दितं कर्म न नृशंसं कदाचन । इति पूर्वे महात्मान आपद्धर्मविदो विदुः ॥BORI: १-१४९-११॥
kuryānna ninditaṁ karma na nr̥śaṁsaṁ kadācana । iti pūrvē mahātmāna āpaddharmavidō viduḥ ॥BORI: 1-149-11॥
One should never commit a reprehensible or cruel act. So the great men of old, who knew the law governing times of distress, understood. (BORI: 1-149-11)
[PV-KDV:01_029_200] (Bharata)
श्रेयांस्तु सहदारस्य विनाशोऽद्य मम स्वयम् । ब्राह्मणस्य वधं नाहमनुमंस्ये कथञ्चन ॥BORI: १-१४९-१२॥
śrēyāṁstu sahadārasya vināśō’dya mama svayam । brāhmaṇasya vadhaṁ nāhamanumaṁsyē kathañcana ॥BORI: 1-149-12॥
But it is better that I myself perish today together with my wife; I will never consent to the killing of a Brahmin. (BORI: 1-149-12)
[PV-KDV:01_029_201] (Bharata)
कुंत्युवाच॥
kuṁtyuvāca॥
Kunti said:
[PV-KDV:01_029_202] (Bharata)
ममाप्येषा मतिर्ब्रह्मन्विप्रा रक्ष्या इति स्थिरा । न चाप्यनिष्टः पुत्रो मे यदि पुत्रशतं भवेत् ॥BORI: १-१४९-१३॥
mamāpyēṣā matirbrahmanviprā rakṣyā iti sthirā । na cāpyaniṣṭaḥ putrō mē yadi putraśataṁ bhavēt ॥BORI: 1-149-13॥
I too firmly believe, Brahmin, that Brahmins must be protected. And my son would be no less dear to me even if I had a hundred sons. (BORI: 1-149-13)
[PV-KDV:01_029_203] (Bharata)
न चासौ राक्षसः शक्तो मम पुत्रविनाशने । वीर्यवान्मन्त्रसिद्धश्च तेजस्वी च सुतो मम ॥BORI: १-१४९-१४॥
na cāsau rākṣasaḥ śaktō mama putravināśanē । vīryavānmantrasiddhaśca tējasvī ca sutō mama ॥BORI: 1-149-14॥
Nor is that Rakshasa capable of destroying my son. My son is valiant, accomplished in sacred formulas, and mighty. (BORI: 1-149-14)
[PV-KDV:01_029_204] (Bharata)
राक्षसाय च तत्सर्वं प्रापयिष्यति भोजनम् । मोक्षयिष्यति चात्मानमिति मे निश्चिता मतिः ॥BORI: १-१४९-१५॥
rākṣasāya ca tatsarvaṁ prāpayiṣyati bhōjanam । mōkṣayiṣyati cātmānamiti mē niścitā matiḥ ॥BORI: 1-149-15॥
He will deliver all that food to the Rakshasa and free himself—this is my firm conviction. (BORI: 1-149-15)
[PV-KDV:01_029_205] (Bharata)
समागताश्च वीरेण दृष्टपूर्वाश्च राक्षसाः । बलवन्तो महाकाया निहताश्चाप्यनेकशः ॥BORI: १-१४९-१६॥
samāgatāśca vīrēṇa dr̥ṣṭapūrvāśca rākṣasāḥ । balavantō mahākāyā nihatāścāpyanēkaśaḥ ॥BORI: 1-149-16॥
The hero has encountered and seen Rakshasas before—powerful and huge-bodied—and has slain them in great numbers as well. (BORI: 1-149-16)
[PV-KDV:01_029_206] (Bharata)
न त्विदं केषुचिद्ब्रह्मन्व्याहर्तव्यं कथञ्चन । विद्यार्थिनो हि मे पुत्रान्विप्रकुर्युः कुतूहलात् ॥BORI: १-१४९-१७॥
na tvidaṁ kēṣucidbrahmanvyāhartavyaṁ kathañcana । vidyārthinō hi mē putrānviprakuryuḥ kutūhalāt ॥BORI: 1-149-17॥
But this must never be disclosed to anyone, Brahmin, for seekers of knowledge might unsettle my sons out of curiosity. (BORI: 1-149-17)
[PV-KDV:01_029_207] (Bharata)
गुरुणा चाननुज्ञातो ग्राहयेद्यं सुतो मम । न स कुर्यात्तया कार्यं विद्ययेति सतां मतम् ॥BORI: १-१४९-१८॥
guruṇā cānanujñātō grāhayēdyaṁ sutō mama । na sa kuryāttayā kāryaṁ vidyayēti satāṁ matam ॥BORI: 1-149-18॥
And anyone whom my son teaches without his teacher’s permission should not put that knowledge to use—such is the judgment of the good. (BORI: 1-149-18)
[PV-KDV:01_029_208] (Bharata)
वैशम्पायन उवाच॥
vaiśampāyana uvāca॥
Vaiśampāyana said:
[PV-KDV:01_029_209] (Bharata)
एवमुक्तस्तु पृथया स विप्रो भार्यया सह । हृष्टः सम्पूजयामास तद्वाक्यममृतोपमम् ॥BORI: १-१४९-१९॥
ēvamuktastu pr̥thayā sa viprō bhāryayā saha । hr̥ṣṭaḥ sampūjayāmāsa tadvākyamamr̥tōpamam ॥BORI: 1-149-19॥
Thus addressed by Pritha, the Brahmin and his wife joyfully welcomed her words, which were like nectar. (BORI: 1-149-19)
[PV-KDV:01_029_210] (Bharata)
ततः कुन्ती च विप्रश्च सहितावनिलात्मजम् । तमब्रूतां कुरुष्वेति स तथेत्यब्रवीच्च तौ ॥BORI: १-१४९-२०॥
tataḥ kuntī ca vipraśca sahitāvanilātmajam । tamabrūtāṁ kuruṣvēti sa tathētyabravīcca tau ॥BORI: 1-149-20॥
Then Kunti and the Brahmin together said to the son of the Wind, “Do it.” He replied to them both, “So be it.” (BORI: 1-149-20)
[PV-KDV:01_029_211] (Bharata)
वैशम्पायन उवाच॥
vaiśampāyana uvāca॥
Vaiśampāyana said:
[PV-KDV:01_029_213] (Bharata)
करिष्य इति भीमेन प्रतिज्ञाते तु भारत । आजग्मुस्ते ततः सर्वे भैक्षमादाय पाण्डवाः ॥BORI: १-१५०-१॥
kariṣya iti bhīmēna pratijñātē tu bhārata । ājagmustē tataḥ sarvē bhaikṣamādāya pāṇḍavāḥ ॥BORI: 1-150-1॥
O descendant of Bharata, after Bhima had pledged, “I will do it,” all the Pandavas returned with the alms they had collected. (BORI: 1-150-1)
[PV-KDV:01_029_214] (Bharata)
भीमसेनं ततो दृष्ट्वा आपूर्णवदनं तथा । बुबोध धर्मराजस्तु हृषितं भीममच्युतम् ॥KUMB: १-१७६-२॥
bhīmasēnaṁ tatō dr̥ṣṭvā āpūrṇavadanaṁ tathā । bubōdha dharmarājastu hr̥ṣitaṁ bhīmamacyutam ॥KUMB: 1-176-2॥
Then, seeing Bhimasena with his face beaming, Dharmaraja realized that the steadfast Bhima was exhilarated. (KUMB: 1-176-2)
[PV-KDV:01_029_215] (Bharata)
आकारेणैव तं ज्ञात्वा पाण्डुपुत्रो युधिष्ठिरः । रहः समुपविश्यैकस्ततः पप्रच्छ मातरम् ॥BORI: १-१५०-२॥
ākārēṇaiva taṁ jñātvā pāṇḍuputrō yudhiṣṭhiraḥ । rahaḥ samupaviśyaikastataḥ papraccha mātaram ॥BORI: 1-150-2॥
Recognizing it from his manner alone, Pandu’s son Yudhishthira then sat privately with his mother and questioned her in confidence. (BORI: 1-150-2)
[PV-KDV:01_029_216] (Bharata)
किं चिकीर्षत्ययं कर्म भीमो भीमपराक्रमः । भवत्यनुमते कच्चिदयं कर्तुमिहेच्छति ॥BORI: १-१५०-३॥
kiṁ cikīrṣatyayaṁ karma bhīmō bhīmaparākramaḥ । bhavatyanumatē kaccidayaṁ kartumihēcchati ॥BORI: 1-150-3॥
What deed does this Bhima of formidable prowess intend to undertake? Is it with your approval that he wishes to do this here? (BORI: 1-150-3)
[PV-KDV:01_029_217] (Bharata)
कुंत्युवाच॥
kuṁtyuvāca॥
Kunti said:
[PV-KDV:01_029_218] (Bharata)
ममैव वचनादेष करिष्यति परन्तपः । ब्राह्मणार्थे महत्कृत्यं मोष्काय नगरस्य च ॥BORI: १-१५०-४॥
mamaiva vacanādēṣa kariṣyati parantapaḥ । brāhmaṇārthē mahatkr̥tyaṁ mōṣkāya nagarasya ca ॥BORI: 1-150-4॥
At my command, this scorcher of foes will perform a great deed for the Brahmin’s sake and for the deliverance of the city. (BORI: 1-150-4)
[PV-KDV:01_029_219] (Bharata)
युधिष्ठिर उवाच॥
yudhiṣṭhira uvāca॥
Yudhishthira said:
[PV-KDV:01_029_220] (Bharata)
किमिदं साहसं तीक्ष्णं भवत्या दुष्कृतं कृतम् । परित्यागं हि पुत्रस्य न प्रशंसन्ति साधवः ॥BORI: १-१५०-५॥
kimidaṁ sāhasaṁ tīkṣṇaṁ bhavatyā duṣkr̥taṁ kr̥tam । parityāgaṁ hi putrasya na praśaṁsanti sādhavaḥ ॥BORI: 1-150-5॥
What is this rash and cruel deed you have done? Good people do not approve of abandoning one’s son. (BORI: 1-150-5)
[PV-KDV:01_029_221] (Bharata)
कथं परसुतस्यार्थे स्वसुतं त्यक्तुमिच्छसि । लोकवृत्तिविरुद्धं वै पुत्रत्यागात्कृतं त्वया ॥BORI: १-१५०-६॥
kathaṁ parasutasyārthē svasutaṁ tyaktumicchasi । lōkavr̥ttiviruddhaṁ vai putratyāgātkr̥taṁ tvayā ॥BORI: 1-150-6॥
How can you wish to abandon your own son for the sake of another’s? By forsaking your son, you have acted contrary to the ways of the world. (BORI: 1-150-6)
[PV-KDV:01_029_222] (Bharata)
यस्य बाहू समाश्रित्य सुखं सर्वे स्वपामहे । राज्यं चापहृतं क्षुद्रैराजिहीर्षामहे पुनः ॥BORI: १-१५०-७॥
yasya bāhū samāśritya sukhaṁ sarvē svapāmahē । rājyaṁ cāpahr̥taṁ kṣudrairājihīrṣāmahē punaḥ ॥BORI: 1-150-7॥
Relying on whose arms, we all sleep in peace and hope to recover the kingdom stolen by base men. (BORI: 1-150-7)
[PV-PAN:01_029_223] (Bharata)
यस्य दुर्योधनो वीर्यं चिन्तयन्नमितौजसः । न शेते वसतीः सर्वा दुःखाच्छकुनिना सह ॥BORI: १-१५०-८॥
yasya duryōdhanō vīryaṁ cintayannamitaujasaḥ । na śētē vasatīḥ sarvā duḥkhācchakuninā saha ॥BORI: 1-150-8॥
He of immeasurable might, whose prowess Duryodhana broods over in anguish, unable to sleep through any night in Shakuni’s company… (BORI: 1-150-8)
[PV-PAN:01_029_224] (Bharata)
यस्य वीरस्य वीर्येण मुक्ता जतुगृहाद्वयम् । अन्येभ्यश्चैव पापेभ्यो निहतश्च पुरोचनः ॥BORI: १-१५०-९॥
yasya vīrasya vīryēṇa muktā jatugr̥hādvayam । anyēbhyaścaiva pāpēbhyō nihataśca purōcanaḥ ॥BORI: 1-150-9॥
the hero by whose prowess we escaped from the house of lac and from other dangers, and Purocana was slain; (BORI: 1-150-9)
[PV-PAN:01_029_225] (Bharata)
यस्य वीर्यं समाश्रित्य वसुपूर्णां वसुन्धराम् । इमां मन्यामहे प्राप्तां निहत्य धृतराष्ट्रजान् ॥BORI: १-१५०-१०॥
yasya vīryaṁ samāśritya vasupūrṇāṁ vasundharām । imāṁ manyāmahē prāptāṁ nihatya dhr̥tarāṣṭrajān ॥BORI: 1-150-10॥
He upon whose valor we relied when we believed that we had won this wealth-filled earth by slaying the sons of Dhritarashtra… (BORI: 1-150-10)
[PV-PAN:01_029_226] (Bharata)
तस्य व्यवसितस्त्यागो बुद्धिमास्थाय कां त्वया । कच्चिन्न दुःखैर्बुद्धिस्ते विप्लुता गतचेतसः ॥BORI: १-१५०-११॥
tasya vyavasitastyāgō buddhimāsthāya kāṁ tvayā । kaccinna duḥkhairbuddhistē viplutā gatacētasaḥ ॥BORI: 1-150-11॥
What reasoning did you rely on when you resolved to abandon him? I hope suffering has not unsettled your judgment and made you lose your senses. (BORI: 1-150-11)
[PV-KDV:01_029_227] (Bharata)
कुन्त्युवाच॥
kuntyuvāca॥
Kunti said:
[PV-KDV:01_029_228] (Bharata)
युधिष्ठिर न सन्तापः कार्यः प्रति वृकोदरम् । न चायं बुद्धिदौर्बल्याद्व्यवसायः कृतो मया ॥BORI: १-१५०-१२॥
yudhiṣṭhira na santāpaḥ kāryaḥ prati vr̥kōdaram । na cāyaṁ buddhidaurbalyādvyavasāyaḥ kr̥tō mayā ॥BORI: 1-150-12॥
Yudhishthira, you should not be distressed about Vrikodara. Nor have I made this decision out of weakness of judgment. (BORI: 1-150-12)
[PV-KDV:01_029_229] (Bharata)
इह विप्रस्य भवने वयं पुत्र सुखोषिताः । तस्य प्रतिक्रिया तात मयेयं प्रसमीक्षिता । एतावानेव पुरुषः कृतं यस्मिन्न नश्यति ॥BORI: १-१५०-१३॥
iha viprasya bhavanē vayaṁ putra sukhōṣitāḥ । tasya pratikriyā tāta mayēyaṁ prasamīkṣitā । ētāvānēva puruṣaḥ kr̥taṁ yasminna naśyati ॥BORI: 1-150-13॥
My son, we have lived happily here in this Brahmin’s house. I have considered this a way to repay him, dear child. A true man is one in whom a kindness does not go to waste. (BORI: 1-150-13)
[PV-KDV:01_029_230] (Bharata)
दृष्ट्वा भीष्मस्य विक्रान्तं तदा जतुगृहे महत् । हिडिम्बस्य वधाच्चैव विश्वासो मे वृकोदरे ॥BORI: १-१५०-१४॥
dr̥ṣṭvā bhīṣmasya vikrāntaṁ tadā jatugr̥hē mahat । hiḍimbasya vadhāccaiva viśvāsō mē vr̥kōdarē ॥BORI: 1-150-14॥
After seeing Bhishma’s great feat in the house of lac, and from the slaying of Hidimba, I have confidence in Vrikodara. (BORI: 1-150-14)
[PV-KDV:01_029_231] (Bharata)
बाह्वोर्बलं हि भीमस्य नागायुतसमं महत् । येन यूयं गजप्रख्या निर्व्यूढा वारणावतात् ॥BORI: १-१५०-१५॥
bāhvōrbalaṁ hi bhīmasya nāgāyutasamaṁ mahat । yēna yūyaṁ gajaprakhyā nirvyūḍhā vāraṇāvatāt ॥BORI: 1-150-15॥
For the immense strength of Bhima’s arms equals that of ten thousand elephants; by it, you who are mighty as elephants were brought out of Varanavata. (BORI: 1-150-15)
[PV-PAN:01_029_232] (Bharata)
जातमात्रः पुरा चैष ममाङ्कात्पतितो गिरौ । शरीरगौरवात्तस्य शिला गात्रैर्विचूर्णिता ॥BORI: १-१५०-१७॥
jātamātraḥ purā caiṣa mamāṅkātpatitō girau । śarīragauravāttasya śilā gātrairvicūrṇitā ॥BORI: 1-150-17॥
Long ago, when he had just been born, he fell from my lap on the mountain, and the weight of his body shattered the rock beneath his limbs. (BORI: 1-150-17)
[PV-KDV:01_029_234] (Bharata)
तदहं प्रज्ञया स्मृत्वा बलं भीमस्य पाण्डव । प्रतीकारं च विप्रस्य ततः कृतवती मतिम् ॥BORI: १-१५०-१८॥
tadahaṁ prajñayā smr̥tvā balaṁ bhīmasya pāṇḍava । pratīkāraṁ ca viprasya tataḥ kr̥tavatī matim ॥BORI: 1-150-18॥
Therefore, O Pandava, mindful of Bhima’s strength and resolved to repay the Brahmin, I made this decision with due judgment. (BORI: 1-150-18)
[PV-KDV:01_029_235] (Bharata)
नेदं लोभान्न चाज्ञानान्न च मोहाद्विनिश्चितम् । बुद्धिपूर्वं तु धर्मस्य व्यवसायः कृतो मया ॥BORI: १-१५०-१९॥
nēdaṁ lōbhānna cājñānānna ca mōhādviniścitam । buddhipūrvaṁ tu dharmasya vyavasāyaḥ kr̥tō mayā ॥BORI: 1-150-19॥
I made this decision neither out of greed, nor from ignorance, nor under delusion; rather, I deliberately resolved upon this course of dharma. (BORI: 1-150-19)
[PV-KDV:01_029_236] (Bharata)
अर्थौ द्वावपि निष्पन्नौ युधिष्ठिर भविष्यतः । प्रतीकारश्च वासस्य धर्मश्च चरितो महान् ॥BORI: १-१५०-२०॥
arthau dvāvapi niṣpannau yudhiṣṭhira bhaviṣyataḥ । pratīkāraśca vāsasya dharmaśca caritō mahān ॥BORI: 1-150-20॥
Both purposes will be accomplished, Yudhishthira: our lodging will be repaid, and a great act of righteousness will be performed. (BORI: 1-150-20)
[PV-KDV:01_029_237] (Bharata)
युधिष्ठिर उवाच॥
yudhiṣṭhira uvāca॥
Yudhishthira said:
[PV-KDV:01_029_243] (Bharata)
उपपन्नमिदं मातस्त्वया यद्बुद्धिपूर्वकम् । आर्तस्य ब्राह्मणस्यैवमनुक्रोशादिदं कृतम् । ध्रुवमेष्यति भीमोऽयं निहत्य पुरुषादकम् ॥BORI: १-१५०-२६॥
upapannamidaṁ mātastvayā yadbuddhipūrvakam । ārtasya brāhmaṇasyaivamanukrōśādidaṁ kr̥tam । dhruvamēṣyati bhīmō’yaṁ nihatya puruṣādakam ॥BORI: 1-150-26॥
Mother, what you have deliberately done out of compassion for the afflicted Brahmin is fitting. Bhima will surely return after slaying the man-eater. (BORI: 1-150-26)
[PV-KDV:01_029_244] (Bharata)
यथा त्विदं न विन्देयुर्नरा नगरवासिनः । तथायं ब्राह्मणो वाच्यः परिग्राह्यश्च यत्नतः ॥BORI: १-१५०-२७॥
yathā tvidaṁ na vindēyurnarā nagaravāsinaḥ । tathāyaṁ brāhmaṇō vācyaḥ parigrāhyaśca yatnataḥ ॥BORI: 1-150-27॥
But this Brahmin must be carefully instructed and enjoined to secrecy, so that the inhabitants of the city do not learn of this. (BORI: 1-150-27)
[PV-KDV:01_029_245] (Bharata)