Chapter 2: Vyāsa arrives at Janamejaya’s serpent sacrifice, and Vaiśampāyana begins narrating the Jaya with its table of contents.
सूत उवाच॥
sūta uvāca॥
Suta said:
[PV-KDV:01_005_1] (Bharata-Ext)
श्रुत्वा तु सर्पसत्राय दीक्षितं जनमेजयम्। अभ्यागच्छदृषिर्विद्वान्कृष्णद्वैपायनस्तदा॥BORI: १-५४-१॥
śrutvā tu sarpasatrāya dīkṣitaṁ janamējayam। abhyāgacchadr̥ṣirvidvānkr̥ṣṇadvaipāyanastadā॥BORI: 1-54-1॥
When the learned sage Kṛṣṇa Dvaipāyana heard that Janamejaya had been consecrated for the snake sacrifice, he came there. (BORI: 1-54-1)
[PV-KDV:01_005_2] (Bharata-Ext)
जनयामास यं काली शक्तेः पुत्रात्पराशरात्। कन्यैव यमुनाद्वीपे पाण्डवानां पितामहम्॥BORI: १-५४-२॥
janayāmāsa yaṁ kālī śaktēḥ putrātparāśarāt। kanyaiva yamunādvīpē pāṇḍavānāṁ pitāmaham॥BORI: 1-54-2॥
whom Kālī, while still a maiden, bore to Parāśara, the son of Śakti, on an island in the Yamunā—the grandfather of the Pāṇḍavas. (BORI: 1-54-2)
[PV-PAX:01_005_3] (Bharata-Ext)
जातमात्रश्च यः सद्य इष्ट्या देहमवीवृधत्। वेदांश्चाधिजगे साङ्गान्सेतिहासान्महायशाः॥BORI: १-५४-३॥
jātamātraśca yaḥ sadya iṣṭyā dēhamavīvr̥dhat। vēdāṁścādhijagē sāṅgānsētihāsānmahāyaśāḥ॥BORI: 1-54-3॥
who, as soon as he was born, enlarged his body at will and, greatly renowned, mastered the Vedas together with their ancillary disciplines and the Itihasas… (BORI: 1-54-3)
[PV-PAX:01_005_4] (Bharata-Ext)
यं नातितपसा कश्चिन्न वेदाध्ययनेन च। न व्रतैर्नोपवासैश्च न प्रसूत्या न मन्युना॥BORI: १-५४-४॥
yaṁ nātitapasā kaścinna vēdādhyayanēna ca। na vratairnōpavāsaiśca na prasūtyā na manyunā॥BORI: 1-54-4॥
whom no one surpasses in austerity, Vedic study, vows, fasting, progeny, or wrath... (BORI: 1-54-4)
[PV-PAX:01_005_5] (Bharata-Ext)
विव्यासैकं चतुर्धा यो वेदं वेदविदां वरः। परावरज्ञो ब्रह्मर्षिः कविः सत्यव्रतः शुचिः॥BORI: १-५४-५॥
vivyāsaikaṁ caturdhā yō vēdaṁ vēdavidāṁ varaḥ। parāvarajñō brahmarṣiḥ kaviḥ satyavrataḥ śuciḥ॥BORI: 1-54-5॥
who, foremost among those who know the Veda, divided the single Veda into four—a Brahmarshi who knew the higher and the lower, a seer, true to his vows, and pure… (BORI: 1-54-5)
[PV-PAX:01_005_6] (Bharata-Ext)
यः पाण्डुं धृतराष्ट्रं च विदुरं चाप्यजीजनत्। शन्तनोः सन्ततिं तन्वन्पुण्यकीर्तिर्महायशाः॥BORI: १-५४-६॥
yaḥ pāṇḍuṁ dhr̥tarāṣṭraṁ ca viduraṁ cāpyajījanat। śantanōḥ santatiṁ tanvanpuṇyakīrtirmahāyaśāḥ॥BORI: 1-54-6॥
who begot Pandu, Dhritarashtra, and Vidura, perpetuating Shantanu’s line, a man of holy fame and great renown… (BORI: 1-54-6)
[PV-PAX:01_005_7] (Bharata-Ext)
जनमेजयस्य राजर्षेः स तद्यज्ञसदस्तदा। विवेश शिष्यैः सहितो वेदवेदाङ्गपारगैः॥BORI: १-५४-७॥
janamējayasya rājarṣēḥ sa tadyajñasadastadā। vivēśa śiṣyaiḥ sahitō vēdavēdāṅgapāragaiḥ॥BORI: 1-54-7॥
He then entered the royal sage Janamejaya’s sacrificial hall, accompanied by his disciples, who were thoroughly versed in the Vedas and their ancillary sciences. (BORI: 1-54-7)
[PV-KDV:01_005_8] (Bharata-Ext)
तत्र राजानमासीनं ददर्श जनमेजयम्। वृतं सदस्यैर्बहुभिर्देवैरिव पुरंदरम्॥BORI: १-५४-८॥
tatra rājānamāsīnaṁ dadarśa janamējayam। vr̥taṁ sadasyairbahubhirdēvairiva puraṁdaram॥BORI: 1-54-8॥
There he saw King Janamejaya seated, surrounded by many participants in the sacrificial session, like Purandara surrounded by the gods. (BORI: 1-54-8)
[PV-PAX:01_005_9] (Bharata-Ext)
तथा मूर्धावसिक्तैश्च नानाजनपदेश्वरैः। ऋत्विग्भिर्देवकल्पैश्च कुशलैर्यज्ञसंस्तरे॥BORI: १-५४-९॥
tathā mūrdhāvasiktaiśca nānājanapadēśvaraiḥ। r̥tvigbhirdēvakalpaiśca kuśalairyajñasaṁstarē॥BORI: 1-54-9॥
as well as by consecrated kings, lords of many realms, and by godlike officiating priests skilled in the performance of sacrifices. (BORI: 1-54-9)
[PV-PAX:01_005_10] (Bharata-Ext)
जनमेजयस्तु राजर्षिर्दृष्ट्वा तमृषिमागतम्। सगणोऽब्युद्ययौ तूर्णं प्रीत्या भरतसत्तमः॥BORI: १-५४-१०॥
janamējayastu rājarṣirdr̥ṣṭvā tamr̥ṣimāgatam। sagaṇō’byudyayau tūrṇaṁ prītyā bharatasattamaḥ॥BORI: 1-54-10॥
But when the royal sage Janamejaya saw that the seer had arrived, the foremost of the Bharatas quickly rose with his retinue to greet him, filled with delight. (BORI: 1-54-10)
[PV-PAX:01_005_11] (Bharata-Ext)
काञ्चनं विष्टरं तस्मै सदस्यानुमते प्रभुः। आसनं कल्पयामास यथा शक्रो बृहस्पतेः॥BORI: १-५४-११॥
kāñcanaṁ viṣṭaraṁ tasmai sadasyānumatē prabhuḥ। āsanaṁ kalpayāmāsa yathā śakrō br̥haspatēḥ॥BORI: 1-54-11॥
With the assembly’s consent, the king prepared a golden seat for him, as Śakra does for Bṛhaspati. (BORI: 1-54-11)
[PV-PAX:01_005_12] (Bharata-Ext)
तत्रोपविष्टं वरदं देवर्षिगणपूजितम्। पूजयामास राजेन्द्रः शास्त्रदृष्टेन कर्मणा॥BORI: १-५४-१२॥
tatrōpaviṣṭaṁ varadaṁ dēvarṣigaṇapūjitam। pūjayāmāsa rājēndraḥ śāstradr̥ṣṭēna karmaṇā॥BORI: 1-54-12॥
When the boon-granting sage, honored by hosts of divine seers, had taken his seat there, the king paid homage to him with the rites prescribed in scripture. (BORI: 1-54-12)
[PV-PAX:01_005_13] (Bharata-Ext)
पाद्यमाचमनीयं च अर्घ्यं गां च विधानतः। पितामहाय कृष्णाय तदर्हाय न्यवेदयत्॥BORI: १-५४-१३॥
pādyamācamanīyaṁ ca arghyaṁ gāṁ ca vidhānataḥ। pitāmahāya kr̥ṣṇāya tadarhāya nyavēdayat॥BORI: 1-54-13॥
He duly offered water for washing the feet, water for sipping, a respectful offering, and a cow to his venerable grandfather Krishna, who was worthy of such honors. (BORI: 1-54-13)
[PV-PAX:01_005_14] (Bharata-Ext)
प्रतिगृह्य च तां पूजां पाण्डवाज्जनमेजयात्। गां चैव समनुज्ञाय व्यासः प्रीतोऽभवत्तदा॥BORI: १-५४-१४॥
pratigr̥hya ca tāṁ pūjāṁ pāṇḍavājjanamējayāt। gāṁ caiva samanujñāya vyāsaḥ prītō’bhavattadā॥BORI: 1-54-14॥
Having accepted that honor from Janamejaya, descendant of Pandu, and dismissed the cow, Vyasa was pleased. (BORI: 1-54-14)
[PV-PAX:01_005_15] (Bharata-Ext)
तथा सम्पूजयित्वा तं यत्नेन प्रपितामहम्। उपोपविश्य प्रीतात्मा पर्यपृच्छदनामयम्॥BORI: १-५४-१५॥
tathā sampūjayitvā taṁ yatnēna prapitāmaham। upōpaviśya prītātmā paryapr̥cchadanāmayam॥BORI: 1-54-15॥
After thus honoring his great-grandfather with due care, he sat down beside him and, pleased at heart, inquired after his health. (BORI: 1-54-15)
[PV-PAX:01_005_16] (Bharata-Ext)
भगवानपि तं दृष्ट्वा कुशलं प्रतिवेद्य च। सदस्यैः पूजितः सर्वैः सदस्यानभ्यपूजयत्॥BORI: १-५४-१६॥
bhagavānapi taṁ dr̥ṣṭvā kuśalaṁ prativēdya ca। sadasyaiḥ pūjitaḥ sarvaiḥ sadasyānabhyapūjayat॥BORI: 1-54-16॥
The venerable sage, on seeing him, reported that all was well; then, honored by all the members of the assembly, he honored them in return. (BORI: 1-54-16)
[PV-KDV:01_005_17] (Bharata-Ext)
ततस्तं सत्कृतं सर्वैः सदस्यैर्जनमेजयः। इदं पश्चाद्द्विजश्रेष्ठं पर्यपृच्छत्कृताञ्जलिः॥BORI: १-५४-१७॥
tatastaṁ satkr̥taṁ sarvaiḥ sadasyairjanamējayaḥ। idaṁ paścāddvijaśrēṣṭhaṁ paryapr̥cchatkr̥tāñjaliḥ॥BORI: 1-54-17॥
Then Janamejaya, with joined palms, addressed this question to that foremost of Brahmins, after he had been honored by all the members of the assembly: (BORI: 1-54-17)
[PV-KDV:01_005_18] (Bharata-Ext)
कुरूणां पाण्डवानां च भवान्प्रत्यक्षदर्शिवान्। तेषां चरितमिच्छामि कथ्यमानं त्वया द्विज॥BORI: १-५४-१८॥
kurūṇāṁ pāṇḍavānāṁ ca bhavānpratyakṣadarśivān। tēṣāṁ caritamicchāmi kathyamānaṁ tvayā dvija॥BORI: 1-54-18॥
You witnessed the Kurus and the Pandavas firsthand. O Brahmin, I wish to hear their story told by you. (BORI: 1-54-18)
[PV-KDV:01_005_19] (Bharata-Ext)
कथं समभवद्भेदस्तेषामक्लिष्टकर्मणाम्। तच्च युद्धं कथं वृत्तं भूतान्तकरणं महत्॥BORI: १-५४-१९॥
kathaṁ samabhavadbhēdastēṣāmakliṣṭakarmaṇām। tacca yuddhaṁ kathaṁ vr̥ttaṁ bhūtāntakaraṇaṁ mahat॥BORI: 1-54-19॥
How did discord arise among those men of blameless deeds? And how did that great war unfold, bringing about the destruction of all beings? (BORI: 1-54-19)
[PV-KDV:01_005_20] (Bharata-Ext)
पितामहानां सर्वेषां दैवेनाविष्टचेतसाम्। कार्त्स्न्येनैतत्समाचक्ष्व भगवन्कुशलो ह्यसि॥BORI: १-५४-२०॥
pitāmahānāṁ sarvēṣāṁ daivēnāviṣṭacētasām। kārtsnyēnaitatsamācakṣva bhagavankuśalō hyasi॥BORI: 1-54-20॥
among all the grandsires, whose minds were possessed by fate? Tell me all this in full, venerable sir, for you are well versed in it. (BORI: 1-54-20)
[PV-KDV:01_005_21] (Bharata-Ext)
तस्य तद्वचनं श्रुत्वा कृष्णद्वैपायनस्तदा। शशास शिष्यमासीनं वैशम्पायनमन्तिके॥BORI: १-५४-२१॥
tasya tadvacanaṁ śrutvā kr̥ṣṇadvaipāyanastadā। śaśāsa śiṣyamāsīnaṁ vaiśampāyanamantikē॥BORI: 1-54-21॥
Hearing his words, Kṛṣṇa Dvaipāyana then instructed his disciple Vaiśampāyana, who was seated nearby: (BORI: 1-54-21)
[PV-KDV:01_005_22] (Bharata-Ext)
कुरूणां पाण्डवानां च यथा भेदोऽभवत्पुरा। तदस्मै सर्वमाचक्ष्व यन्मत्तः श्रुतवानसि॥BORI: १-५४-२२॥
kurūṇāṁ pāṇḍavānāṁ ca yathā bhēdō’bhavatpurā। tadasmai sarvamācakṣva yanmattaḥ śrutavānasi॥BORI: 1-54-22॥
Tell him in full how the division between the Kurus and the Pandavas arose long ago, just as you heard it from me. (BORI: 1-54-22)
[PV-KDV:01_005_23] (Bharata-Ext)
गुरोर्वचनमाज्ञाय स तु विप्रर्षभस्तदा। आचचक्षे ततः सर्वमितिहासं पुरातनम्॥BORI: १-५४-२३॥
gurōrvacanamājñāya sa tu viprarṣabhastadā। ācacakṣē tataḥ sarvamitihāsaṁ purātanam॥BORI: 1-54-23॥
Obeying his teacher’s command, that foremost of Brahmins then recounted the entire ancient history— (BORI: 1-54-23)
[PV-KDV:01_005_24] (Bharata-Ext)
तस्मै राज्ञे सदस्येभ्यः क्षत्रियेभ्यश्च सर्वशः। भेदं राज्यविनाशं च कुरुपाण्डवयोस्तदा॥BORI: १-५४-२४॥
tasmai rājñē sadasyēbhyaḥ kṣatriyēbhyaśca sarvaśaḥ। bhēdaṁ rājyavināśaṁ ca kurupāṇḍavayōstadā॥BORI: 1-54-24॥
to that king, the members of the assembly, and all the Kshatriyas, then recounting in full the conflict between the Kurus and the Pandavas and the destruction of their kingdom. (BORI: 1-54-24)
[PV-KDV:01_005_25] (Bharata-Ext)
वैशम्पायन उवाच॥
vaiśampāyana uvāca॥
Vaiśampāyana said:
[PV-KDV:01_005_26] (Bharata-Ext)
गुरवे प्राङ्नमस्कृत्य मनोबुद्धिसमाधिभिः। सम्पूज्य च द्विजान्सर्वांस्तथान्यान्विदुषो जनान्॥BORI: १-५५-१॥
guravē prāṅnamaskr̥tya manōbuddhisamādhibhiḥ। sampūjya ca dvijānsarvāṁstathānyānviduṣō janān॥BORI: 1-55-1॥
Having first bowed to my teacher with mind, intellect, and concentration, and having duly honored all the twice-born and other learned people… (BORI: 1-55-1)
[PV-KDV:01_005_27] (Bharata-Ext)
महर्षेः सर्वलोकेषु विश्रुतस्यास्य धीमतः। प्रवक्ष्यामि मतं कृत्स्नं व्यासस्यामिततेजसः॥BORI: १-५५-२॥
maharṣēḥ sarvalōkēṣu viśrutasyāsya dhīmataḥ। pravakṣyāmi mataṁ kr̥tsnaṁ vyāsasyāmitatējasaḥ॥BORI: 1-55-2॥
I shall set forth in full the thought of this wise great seer, Vyasa of immeasurable splendor, who is renowned throughout all the worlds. (BORI: 1-55-2)
[PV-KDV:01_005_28] (Bharata-Ext)
श्रोतुं पात्रं च राजंस्त्वं प्राप्येमां भारतीं कथाम्। गुरोर्वक्तुं परिस्पन्दो मुदा प्रोत्साहतीव माम्॥BORI: १-५५-३॥
śrōtuṁ pātraṁ ca rājaṁstvaṁ prāpyēmāṁ bhāratīṁ kathām। gurōrvaktuṁ parispandō mudā prōtsāhatīva mām॥BORI: 1-55-3॥
Having found you, O king, a worthy listener to this tale of the Bharatas, the impulse to tell my teacher’s work seems to spur me on with joy. (BORI: 1-55-3)
[PV-KDV:01_005_29] (Bharata-Ext)
शृणु राजन्यथा भेदः कुरुपाण्डवयोरभूत्। राज्यार्थे द्यूतसम्भूतो वनवासस्तथैव च॥BORI: १-५५-४॥
śr̥ṇu rājanyathā bhēdaḥ kurupāṇḍavayōrabhūt। rājyārthē dyūtasambhūtō vanavāsastathaiva ca॥BORI: 1-55-4॥
Listen, O king, to how the conflict between the Kurus and the Pandavas arose over the kingdom through a game of dice, and likewise to their exile in the forest. (BORI: 1-55-4)
[PV-KDV:01_005_30] (Bharata-Ext)
यथा च युद्धमभवत्पृथिवीक्षयकारकम्। तत्तेऽहं सम्प्रवक्ष्यामि पृच्छते भरतर्षभ॥BORI: १-५५-५॥
yathā ca yuddhamabhavatpr̥thivīkṣayakārakam। tattē’haṁ sampravakṣyāmi pr̥cchatē bharatarṣabha॥BORI: 1-55-5॥
And how the war that brought about the destruction of the earth arose—I shall relate all this to you, since you have asked, O bull of the Bharatas. (BORI: 1-55-5)
[PV-KDV:01_005_31] (Bharata-Ext)
मृते पितरि ते वीरा वनादेत्य स्वमन्दिरम्। नचिरादिव विद्वांसो वेदे धनुषि चाभवन्॥BORI: १-५५-६॥
mr̥tē pitari tē vīrā vanādētya svamandiram। nacirādiva vidvāṁsō vēdē dhanuṣi cābhavan॥BORI: 1-55-6॥
After their father died, those heroes returned from the forest to their own home and soon became proficient in the Veda and archery. (BORI: 1-55-6)
[PV-KDV:01_005_32] (Bharata-Ext)
तांस्तथा रूपवीर्यौजःसम्पन्नान्पौरसंमतान्। नामृष्यन्कुरवो दृष्ट्वा पाण्डवाञ्श्रीयशोभृतः॥BORI: १-५५-७॥
tāṁstathā rūpavīryaujaḥsampannānpaurasaṁmatān। nāmr̥ṣyankuravō dr̥ṣṭvā pāṇḍavāñśrīyaśōbhr̥taḥ॥BORI: 1-55-7॥
The Kurus could not bear to see the Pandavas so endowed with beauty, valor, and strength, esteemed by the citizens, and possessed of prosperity and fame. (BORI: 1-55-7)
[PV-KDV:01_005_33] (Bharata-Ext)
ततो दुर्योधनः क्रूरः कर्णश्च सहसौबलः। तेषां निग्रहनिर्वासान्विविधांस्ते समाचरन्॥BORI: १-५५-८॥
tatō duryōdhanaḥ krūraḥ karṇaśca sahasaubalaḥ। tēṣāṁ nigrahanirvāsānvividhāṁstē samācaran॥BORI: 1-55-8॥
Then the cruel Duryodhana, together with Karna and Saubala, employed various means to subdue and banish them. (BORI: 1-55-8)
[PV-KDV:01_005_34] (Bharata-Ext)
ददावथ विषं पापो भीमाय धृतराष्ट्रजः। जरयामास तद्वीरः सहान्नेन वृकोदरः॥BORI: १-५५-९॥
dadāvatha viṣaṁ pāpō bhīmāya dhr̥tarāṣṭrajaḥ। jarayāmāsa tadvīraḥ sahānnēna vr̥kōdaraḥ॥BORI: 1-55-9॥
Then the wicked son of Dhritarashtra gave poison to Bhima, but the hero Vrikodara digested it along with his food. (BORI: 1-55-9)
[PV-KDV:01_005_35] (Bharata-Ext)
प्रमाणकोट्यां संसुप्तं पुनर्बद्ध्वा वृकोदरम्। तोयेषु भीमं गङ्गायाः प्रक्षिप्य पुरमाव्रजत्॥BORI: १-५५-१०॥
pramāṇakōṭyāṁ saṁsuptaṁ punarbaddhvā vr̥kōdaram। tōyēṣu bhīmaṁ gaṅgāyāḥ prakṣipya puramāvrajat॥BORI: 1-55-10॥
Then, after binding the sleeping Vṛkodara once more at Pramāṇakoṭi, he cast Bhīma into the waters of the Gaṅgā and returned to the city. (BORI: 1-55-10)
[PV-KDV:01_005_36] (Bharata-Ext)
यदा प्रबुद्धः कौन्तेयस्तदा सञ्छिद्य बन्धनम्। उदतिष्ठन्महाराज भीमसेनो गतव्यथः॥BORI: १-५५-११॥
yadā prabuddhaḥ kauntēyastadā sañchidya bandhanam। udatiṣṭhanmahārāja bhīmasēnō gatavyathaḥ॥BORI: 1-55-11॥
When Kunti’s son awoke, he broke his bonds and rose, O great king; Bhimasena was unharmed. (BORI: 1-55-11)
[PV-KDV:01_005_37] (Bharata-Ext)
आशीविषैः कृष्णसर्पैः सुप्तं चैनमदंशयत्। सर्वेष्वेवाङ्गदेशेषु न ममार च शत्रुहा॥BORI: १-५५-१२॥
āśīviṣaiḥ kr̥ṣṇasarpaiḥ suptaṁ cainamadaṁśayat। sarvēṣvēvāṅgadēśēṣu na mamāra ca śatruhā॥BORI: 1-55-12॥
He also had venomous black snakes bite him while he slept, all over his body; but the slayer of foes did not die. (BORI: 1-55-12)
[PV-KDV:01_005_38] (Bharata-Ext)
तेषां तु विप्रकारेषु तेषु तेषु महामतिः। मोक्षणे प्रतिघाते च विदुरोऽवहितोऽभवत्॥BORI: १-५५-१३॥
tēṣāṁ tu viprakārēṣu tēṣu tēṣu mahāmatiḥ। mōkṣaṇē pratighātē ca vidurō’vahitō’bhavat॥BORI: 1-55-13॥
With every such outrage against them, the wise Vidura remained vigilant in rescuing them and thwarting it. (BORI: 1-55-13)
[PV-KDV:01_005_39] (Bharata-Ext)
स्वर्गस्थो जीवलोकस्य यथा शक्रः सुखावहः। पाण्डवानां तथा नित्यं विदुरोऽपि सुखावहः॥BORI: १-५५-१४॥
svargasthō jīvalōkasya yathā śakraḥ sukhāvahaḥ। pāṇḍavānāṁ tathā nityaṁ vidurō’pi sukhāvahaḥ॥BORI: 1-55-14॥
Just as Śakra, dwelling in heaven, brings happiness to the world of living beings, so Vidura always brought happiness to the Pāṇḍavas. (BORI: 1-55-14)
[PV-KDV:01_005_40] (Bharata-Ext)
यदा तु विविधोपायैः संवृतैर्विवृतैरपि। नाशक्नोद्विनिहन्तुं तान्दैवभाव्यर्थरक्षितान्॥BORI: १-५५-१५॥
yadā tu vividhōpāyaiḥ saṁvr̥tairvivr̥tairapi। nāśaknōdvinihantuṁ tāndaivabhāvyartharakṣitān॥BORI: 1-55-15॥
But when he was unable to kill them by various means, whether secret or open, for they were protected by fate for what was yet to come... (BORI: 1-55-15)
[PV-KDV:01_005_41] (Bharata-Ext)
ततः संमन्त्र्य सचिवैर्वृषदुःशासनादिभिः। धृतराष्ट्रमनुज्ञाप्य जातुषं गृहमादिशत्॥BORI: १-५५-१६॥
tataḥ saṁmantrya sacivairvr̥ṣaduḥśāsanādibhiḥ। dhr̥tarāṣṭramanujñāpya jātuṣaṁ gr̥hamādiśat॥BORI: 1-55-16॥
Then, after consulting his advisers—Vṛṣa, Duḥśāsana, and the others—and obtaining Dhṛtarāṣṭra’s permission, he ordered a house of lac to be built. (BORI: 1-55-16)
[PV-KDV:01_005_42] (Bharata-Ext)
ते प्रातिष्ठन्त सहिता नगरान्नागसाह्वयात् । प्रस्थाने चाभवन्मन्त्री क्षत्ता तेषां महात्मनाम् ॥KUMB: १-६१-२०; NILA: ०१.०६१.०१९॥
tē prātiṣṭhanta sahitā nagarānnāgasāhvayāt । prasthānē cābhavanmantrī kṣattā tēṣāṁ mahātmanām ॥KUMB: 1-61-20; NILA: 01.061.019॥
Together they departed from the city called after the elephant, and at their departure Kshattri served as counselor to those great souls. (KUMB: 1-61-20; NILA: 01.061.019)
[PV-KDV:01_005_44] (Bharata-Ext)
न्यवसन्त महात्मानो मात्रा सह परन्तपाः । धृतराष्ट्रेण चाज्ञप्ता उषिता जातुषे गृहे ॥KUMB: १-६१-२२; NILA: ०१.०६१.०२१॥
nyavasanta mahātmānō mātrā saha parantapāḥ । dhr̥tarāṣṭrēṇa cājñaptā uṣitā jātuṣē gr̥hē ॥KUMB: 1-61-22; NILA: 01.061.021॥
The great-souled scorchers of foes took up residence with their mother. At Dhṛtarāṣṭra’s command, they stayed in the house of lac... (KUMB: 1-61-22; NILA: 01.061.021)
[PV-KDV:01_005_45] (Bharata-Ext)
पुरोचनाद्रक्षमाणाः संवत्सरमतन्द्रिताः । सुरुङ्गां कारयित्वा तु विदुरेण प्रचोदिताः ॥KUMB: १-६१-२३; NILA: ०१.०६१.०२२॥
purōcanādrakṣamāṇāḥ saṁvatsaramatandritāḥ । suruṅgāṁ kārayitvā tu vidurēṇa pracōditāḥ ॥KUMB: 1-61-23; NILA: 01.061.022॥
Guarding themselves against Purochana and remaining vigilant for a year, they had a tunnel dug at Vidura’s urging… (KUMB: 1-61-23; NILA: 01.061.022)
[PV-KDV:01_005_46] (Bharata-Ext)
आदीप्य जातुषं वेश्म दग्ध्वा चैव पुरोचनम् । प्राद्रवन्भयसंविग्ना मात्रा सह परन्तपाः ॥KUMB: १-६१-२४; NILA: ०१.०६१.०२३॥
ādīpya jātuṣaṁ vēśma dagdhvā caiva purōcanam । prādravanbhayasaṁvignā mātrā saha parantapāḥ ॥KUMB: 1-61-24; NILA: 01.061.023॥
The scorcher of foes set fire to the house of lac, burned Purocana, and fled in terror with their mother. (KUMB: 1-61-24; NILA: 01.061.023)
[PV-KDV:01_005_48] (Bharata-Ext)
ददृशुर्दारुणं रक्षो हिडिम्बं वननिर्झरे । हत्वा च तं राक्षसेन्द्रं भीताः समवबोधनात् ॥KUMB: १-६१-२५; NILA: ०१.०६१.०२४॥
dadr̥śurdāruṇaṁ rakṣō hiḍimbaṁ vananirjharē । hatvā ca taṁ rākṣasēndraṁ bhītāḥ samavabōdhanāt ॥KUMB: 1-61-25; NILA: 01.061.024॥
They saw the dreadful Rakshasa Hidimba by a forest waterfall; and after killing that lord of the Rakshasas, fearful of being discovered… (KUMB: 1-61-25; NILA: 01.061.024)
[PV-KDV:01_005_50] (Bharata-Ext)
निशि संप्राद्रवन्पार्था धार्तराष्ट्रभयार्दिताः । प्राप्ता हिडिम्बा भीमेन यत्र जातो घटोत्कचः ॥KUMB: १-६१-२६; NILA: ०१.०६१.०२५॥
niśi saṁprādravanpārthā dhārtarāṣṭrabhayārditāḥ । prāptā hiḍimbā bhīmēna yatra jātō ghaṭōtkacaḥ ॥KUMB: 1-61-26; NILA: 01.061.025॥
At night the sons of Pritha fled, tormented by fear of Dhritarashtra’s sons. There Bhima took Hidimba as his mate, and Ghatotkacha was born. (KUMB: 1-61-26; NILA: 01.061.025)
[PV-KDV:01_005_51] (Bharata-Ext)
अथ सन्धाय ते वीरा एकचक्रां व्रजंस्तदा। ब्रह्मरूपधरा भूत्वा मात्रा सह परन्तपाः॥BORI: १-५५-२०॥
atha sandhāya tē vīrā ēkacakrāṁ vrajaṁstadā। brahmarūpadharā bhūtvā mātrā saha parantapāḥ॥BORI: 1-55-20॥
Then, having made an agreement, those heroic scorchers of foes went to Ekachakra with their mother, assuming the guise of Brahmins. (BORI: 1-55-20)
[PV-KDV:01_005_52] (Bharata-Ext)
तत्र ते ब्राह्मणार्थाय बकं हत्वा महाबलम्। ब्राह्मणैः सहिता जग्मुः पाञ्चालानां पुरं ततः॥BORI: १-५५-२१॥
tatra tē brāhmaṇārthāya bakaṁ hatvā mahābalam। brāhmaṇaiḥ sahitā jagmuḥ pāñcālānāṁ puraṁ tataḥ॥BORI: 1-55-21॥
There, for the sake of the Brahmin, they slew the mighty Baka; then, accompanied by Brahmins, they went to the city of the Panchalas. (BORI: 1-55-21)
[PV-KDV:01_005_53] (Bharata-Ext)
ततस्ते शुश्रुवुः कृष्णां पञ्चालेषु स्वयंवराम् । श्रुत्वा चैवाभ्यगच्छ्त गत्वा चैवालभन्त ताम् ॥KUMB: १-६१-३१; NILA: ०१.०६१.०३०॥
tatastē śuśruvuḥ kr̥ṣṇāṁ pañcālēṣu svayaṁvarām । śrutvā caivābhyagacchta gatvā caivālabhanta tām ॥KUMB: 1-61-31; NILA: 01.061.030॥
Then they heard that Krishna was to choose a husband at a svayamvara among the Panchalas. On hearing this, they went there and won her. (KUMB: 1-61-31; NILA: 01.061.030)
[PV-KDV:01_005_54] (Bharata-Ext)
ते तत्र द्रौपदीं लब्ध्वा परिसंवत्सरोषिताः। विदिता हास्तिनपुरं प्रत्याजग्मुररिंदमाः॥BORI: १-५५-२२॥
tē tatra draupadīṁ labdhvā parisaṁvatsarōṣitāḥ। viditā hāstinapuraṁ pratyājagmurariṁdamāḥ॥BORI: 1-55-22॥
After obtaining Draupadi there and staying for a full year, those conquerors of foes, now recognized, returned to Hastinapura. (BORI: 1-55-22)
[PV-KDV:01_005_55] (Bharata-Ext)
त उक्ता धृतराष्ट्रेण राज्ञा शान्तनवेन च। भ्रातृभिर्विग्रहस्तात कथं वो न भवेदिति । अस्माभिः खाण्डवप्रस्थे युष्मद्वासोऽनुचिन्तितः॥BORI: १-५५-२३॥
ta uktā dhr̥tarāṣṭrēṇa rājñā śāntanavēna ca। bhrātr̥bhirvigrahastāta kathaṁ vō na bhavēditi । asmābhiḥ khāṇḍavaprasthē yuṣmadvāsō’nucintitaḥ॥BORI: 1-55-23॥
King Dhritarashtra and Shantanu’s son told them, “Dear son, how can conflict between you and your brothers be avoided? We have chosen Khandavaprastha as your place of residence.” (BORI: 1-55-23)
[PV-KDV:01_005_56] (Bharata-Ext)
तस्माज्जनपदोपेतं सुविभक्तमहापथम्। वासाय खाण्डवप्रस्थं व्रजध्वं गतमन्यवः॥BORI: १-५५-२४॥
tasmājjanapadōpētaṁ suvibhaktamahāpatham। vāsāya khāṇḍavaprasthaṁ vrajadhvaṁ gatamanyavaḥ॥BORI: 1-55-24॥
Therefore, free from anger, go and make your home at Khandavaprastha, which is well populated and has broad, well-laid-out roads. (BORI: 1-55-24)
[PV-KDV:01_005_57] (Bharata-Ext)
तयोस्ते वचनाज्जग्मुः सह सर्वैः सुहृज्जनैः। नगरं खाण्डवप्रस्थं रत्नान्यादाय सर्वशः॥BORI: १-५५-२५॥
tayōstē vacanājjagmuḥ saha sarvaiḥ suhr̥jjanaiḥ। nagaraṁ khāṇḍavaprasthaṁ ratnānyādāya sarvaśaḥ॥BORI: 1-55-25॥
At the words of those two, they went with all their friends to the city of Khandavaprastha, taking riches of every kind with them. (BORI: 1-55-25)
[PV-KDV:01_005_58] (Bharata-Ext)
तत्र ते न्यवसन्राजन्संवत्सरगणान्बहून्। वशे शस्त्रप्रतापेन कुर्वन्तोऽन्यान्महीक्षितः॥BORI: १-५५-२६॥
tatra tē nyavasanrājansaṁvatsaragaṇānbahūn। vaśē śastrapratāpēna kurvantō’nyānmahīkṣitaḥ॥BORI: 1-55-26॥
There they lived for many years, O king, bringing other rulers under their sway through the might of their weapons. (BORI: 1-55-26)
[PV-KDV:01_005_59] (Bharata-Ext)
एवं धर्मप्रधानास्ते सत्यव्रतपरायणाः। अप्रमत्तोत्थिताः क्षान्ताः प्रतपन्तोऽहितांस्तदा॥BORI: १-५५-२७॥
ēvaṁ dharmapradhānāstē satyavrataparāyaṇāḥ। apramattōtthitāḥ kṣāntāḥ pratapantō’hitāṁstadā॥BORI: 1-55-27॥
Thus, placing dharma foremost, devoted to truth, vigilant, energetic, and patient, they were then scorching their enemies… (BORI: 1-55-27)
[PV-KDV:01_005_60] (Bharata-Ext)
अजयद्भीमसेनस्तु दिशं प्राचीं महाबलः। उदीचीमर्जुनो वीरः प्रतीचीं नकुलस्तथा॥BORI: १-५५-२८॥
ajayadbhīmasēnastu diśaṁ prācīṁ mahābalaḥ। udīcīmarjunō vīraḥ pratīcīṁ nakulastathā॥BORI: 1-55-28॥
The mighty Bhimasena conquered the east, the valiant Arjuna the north, and Nakula the west. (BORI: 1-55-28)
[PV-KDV:01_005_61] (Bharata-Ext)
दक्षिणां सहदेवस्तु विजिग्ये परवीरहा। एवं चक्रुरिमां सर्वे वशे कृत्स्नां वसुन्धराम्॥BORI: १-५५-२९॥
dakṣiṇāṁ sahadēvastu vijigyē paravīrahā। ēvaṁ cakrurimāṁ sarvē vaśē kr̥tsnāṁ vasundharām॥BORI: 1-55-29॥
Sahadeva, the slayer of enemy heroes, conquered the southern region. Thus they all brought the entire earth under their sway. (BORI: 1-55-29)
[PV-KDV:01_005_62] (Bharata-Ext)
पञ्चभिः सूर्यसङ्काशैः सूर्येण च विराजता। षट्सूर्येवाबभौ पृथ्वी पाण्डवैः सत्यविक्रमैः॥BORI: १-५५-३०॥
pañcabhiḥ sūryasaṅkāśaiḥ sūryēṇa ca virājatā। ṣaṭsūryēvābabhau pr̥thvī pāṇḍavaiḥ satyavikramaiḥ॥BORI: 1-55-30॥
With the five Pandavas, radiant as the sun and true in valor, and with the resplendent sun itself, the earth shone as though illuminated by six suns. (BORI: 1-55-30)
[PV-KDV:01_005_63] (Bharata-Ext)
ततो निमित्ते कस्मिंश्चिद्धर्मराजो युधिष्ठिरः। वनं प्रस्थापयामास भ्रातरं वै धनञ्जयम्॥BORI: १-५५-३१॥
tatō nimittē kasmiṁściddharmarājō yudhiṣṭhiraḥ। vanaṁ prasthāpayāmāsa bhrātaraṁ vai dhanañjayam॥BORI: 1-55-31॥
Then, on a certain occasion, King Yudhishthira sent his brother Dhananjaya into the forest. (BORI: 1-55-31)
[PV-PAN:01_005_64] (Bharata-Ext)
स वै संवत्सरं पूर्णं मासं चैकं वनेऽवसत्। ततोऽगच्छद्धृषीकेशं द्वारवत्यां कदाचन॥BORI: १-५५-३२॥
sa vai saṁvatsaraṁ pūrṇaṁ māsaṁ caikaṁ vanē’vasat। tatō’gacchaddhr̥ṣīkēśaṁ dvāravatyāṁ kadācana॥BORI: 1-55-32॥
He remained in the forest for a full year and one month. Then, after some time, he went to Hrishikesha in Dvaravati. (BORI: 1-55-32)
[PV-PAN:01_005_65] (Bharata-Ext)
लब्धवांस्तत्र बीभत्सुर्भार्यां राजीवलोचनाम्। अनुजां वासुदेवस्य सुभद्रां भद्रभाषिणीम्॥BORI: १-५५-३३॥
labdhavāṁstatra bībhatsurbhāryāṁ rājīvalōcanām। anujāṁ vāsudēvasya subhadrāṁ bhadrabhāṣiṇīm॥BORI: 1-55-33॥
There Bibhatsu took as his wife the lotus-eyed Subhadra, Vasudeva’s younger sister, who spoke graciously. (BORI: 1-55-33)
[PV-PAN:01_005_66] (Bharata-Ext)
सा शचीव महेन्द्रेण श्रीः कृष्णेनेव सङ्गता। सुभद्रा युयुजे प्रीता पाण्डवेनार्जुनेन ह॥BORI: १-५५-३४॥
sā śacīva mahēndrēṇa śrīḥ kr̥ṣṇēnēva saṅgatā। subhadrā yuyujē prītā pāṇḍavēnārjunēna ha॥BORI: 1-55-34॥
The delighted Subhadra was united with Arjuna, the son of Pandu, as Shachi was with Mahendra and Shri with Krishna. (BORI: 1-55-34)
[PV-PAN:01_005_67] (Bharata-Ext)
अतर्पयच्च कौन्तेयः खाण्डवे हव्यवाहनम्। बीभत्सुर्वासुदेवेन सहितो नृपसत्तम॥BORI: १-५५-३५॥
atarpayacca kauntēyaḥ khāṇḍavē havyavāhanam। bībhatsurvāsudēvēna sahitō nr̥pasattama॥BORI: 1-55-35॥
And in the Khandava Forest, Kunti’s son Bibhatsu, together with Vasudeva, satiated the fire god, O best of kings. (BORI: 1-55-35)
[PV-PAN:01_005_68] (Bharata-Ext)
नातिभारो हि पार्थस्य केशवेनाभवत्सह। व्यवसायसहायस्य विष्णोः शत्रुवधेष्विव॥BORI: १-५५-३६॥
nātibhārō hi pārthasya kēśavēnābhavatsaha। vyavasāyasahāyasya viṣṇōḥ śatruvadhēṣviva॥BORI: 1-55-36॥
For Pārtha, with Keshava beside him, no task was too great—just as none is too great for Vishnu, aided by his resolve, when slaying his enemies. (BORI: 1-55-36)
[PV-PAN:01_005_69] (Bharata-Ext)
पार्थायाग्निर्ददौ चापि गाण्डीवं धनुरुत्तमम्। इषुधी चाक्षयैर्बाणै रथं च कपिलक्षणम्॥BORI: १-५५-३७॥
pārthāyāgnirdadau cāpi gāṇḍīvaṁ dhanuruttamam। iṣudhī cākṣayairbāṇai rathaṁ ca kapilakṣaṇam॥BORI: 1-55-37॥
Agni also gave Partha the Gandiva, the finest of bows, two quivers filled with inexhaustible arrows, and a chariot bearing the monkey emblem. (BORI: 1-55-37)
[PV-PAN:01_005_70] (Bharata-Ext)
मोक्षयामास बीभत्सुर्मयं तत्र महासुरम्। स चकार सभां दिव्यां सर्वरत्नसमाचिताम्॥BORI: १-५५-३८॥
mōkṣayāmāsa bībhatsurmayaṁ tatra mahāsuram। sa cakāra sabhāṁ divyāṁ sarvaratnasamācitām॥BORI: 1-55-38॥
There Bibhatsu rescued Maya, the great Asura, who then built a magnificent hall filled with every kind of jewel. (BORI: 1-55-38)
[PV-PAN:01_005_71] (Bharata-Ext)
तस्यां दुर्योधनो मन्दो लोभं चक्रे सुदुर्मतिः। ततोऽक्षैर्वञ्चयित्वा च सौबलेन युधिष्ठिरम्॥BORI: १-५५-३९॥
tasyāṁ duryōdhanō mandō lōbhaṁ cakrē sudurmatiḥ। tatō’kṣairvañcayitvā ca saubalēna yudhiṣṭhiram॥BORI: 1-55-39॥
In that hall, foolish, evil-minded Duryodhana became covetous. Then, after cheating Yudhishthira at dice with the aid of Subala’s son… (BORI: 1-55-39)
[PV-KDV:01_005_72] (Bharata-Ext)
वनं प्रस्थापयामास सप्त वर्षाणि पञ्च च। अज्ञातमेकं राष्ट्रे च तथा वर्षं त्रयोदशम्॥BORI: १-५५-४०॥
vanaṁ prasthāpayāmāsa sapta varṣāṇi pañca ca। ajñātamēkaṁ rāṣṭrē ca tathā varṣaṁ trayōdaśam॥BORI: 1-55-40॥
and sent him into the forest for seven years and five, followed by one year living unrecognized in a kingdom—thus making the thirteenth year. (BORI: 1-55-40)
[PV-KDV:01_005_73] (Bharata-Ext)
ततश्चतुर्दशे वर्षे याचमानाः स्वकं वसु। नालभन्त महाराज ततो युद्धमवर्तत॥BORI: १-५५-४१॥
tataścaturdaśē varṣē yācamānāḥ svakaṁ vasu। nālabhanta mahārāja tatō yuddhamavartata॥BORI: 1-55-41॥
Then, in the fourteenth year, when they asked for their own property, they did not obtain it, great king; thereupon war broke out. (BORI: 1-55-41)
[PV-KDV:01_005_74] (Bharata-Ext)
ततस्ते सर्वमुत्साद्य हत्वा दुर्योधनं नृपम्। राज्यं विद्रुतभूयिष्ठं प्रत्यपद्यन्त पाण्डवाः॥BORI: १-५५-४२॥
tatastē sarvamutsādya hatvā duryōdhanaṁ nr̥pam। rājyaṁ vidrutabhūyiṣṭhaṁ pratyapadyanta pāṇḍavāḥ॥BORI: 1-55-42॥
Then, having destroyed everything and slain King Duryodhana, the Pandavas took possession of a kingdom from which most of its people had fled. (BORI: 1-55-42)
[PV-KDV:01_005_75] (Bharata-Ext)
इष्ट्वा क्रतूंश्च विविधानश्वमेधादिकान्बहून् । धृतराष्ट्रे गते स्वर्गं विदुरे पञ्चतां गते ॥KUMB: १-६१-५५; KUMB: १-६१-५६॥
iṣṭvā kratūṁśca vividhānaśvamēdhādikānbahūn । dhr̥tarāṣṭrē gatē svargaṁ vidurē pañcatāṁ gatē ॥KUMB: 1-61-55; KUMB: 1-61-56॥
having also performed many different sacrifices, beginning with the horse sacrifice, and when Dhritarashtra had gone to heaven and Vidura had died… (KUMB: 1-61-55; KUMB: 1-61-56)
[PV-KDV:01_005_76] (Bharata-Ext)
गमयित्वा क्रियां स्वर्ग्यां राज्ञाममिततेजसाम् ॥KUMB: १-६१-५६; KUMB: १-६१-५७॥
gamayitvā kriyāṁ svargyāṁ rājñāmamitatējasām ।
Having performed the heaven-winning rites for the kings of immeasurable splendor and, (KUMB: 1-61-56; KUMB: 1-61-57)
[PV-KDV:01_005_77] (Bharata-Ext)
महाप्रस्थानिकं कृत्वा गताः स्वर्गमनुत्तमम् ॥KUMB: १-६१-५७॥
mahāprasthānikaṁ kr̥tvā gatāḥ svargamanuttamam ॥KUMB: 1-61-57॥
They made the Great Departure and went to the highest heaven. (KUMB: 1-61-57)
[PV-KDV:01_005_78] (Bharata-Ext)
एवमेतत्पुरावृत्तं तेषामक्लिष्टकर्मणाम्। भेदो राज्यविनाशश्च जयश्च जयतां वर॥BORI: १-५५-४३॥
ēvamētatpurāvr̥ttaṁ tēṣāmakliṣṭakarmaṇām। bhēdō rājyavināśaśca jayaśca jayatāṁ vara॥BORI: 1-55-43॥
Thus all this befell those men of tireless deeds long ago: dissension, the loss of their kingdom, and victory, O best of conquerors. (BORI: 1-55-43)
[PV-KDV:01_005_79] (Bharata-Ext)
जनमेजय उवाच॥
janamējaya uvāca॥
Janamejaya said:
[PV-PAX:01_005_91] (Bharata-Ext)
कथितं वै समासेन त्वया सर्वं द्विजोत्तम। महाभारतमाख्यानं कुरूणां चरितं महत्॥BORI: १-०५६-१॥
kathitaṁ vai samāsēna tvayā sarvaṁ dvijōttama। mahābhāratamākhyānaṁ kurūṇāṁ caritaṁ mahat॥BORI: 1-056-1॥
Best of Brahmins, you have indeed related everything in brief—the Mahabharata narrative, the great history of the Kurus. (BORI: 1-056-1)
[PV-PAX:01_005_92] (Bharata-Ext)
कथां त्वनघ चित्रार्थामिमां कथयति त्वयि। विस्तरश्रवणे जातं कौतूहलमतीव मे॥BORI: १-०५६-२॥
kathāṁ tvanagha citrārthāmimāṁ kathayati tvayi। vistaraśravaṇē jātaṁ kautūhalamatīva mē॥BORI: 1-056-2॥
But, O sinless one, as you tell this wondrous tale, I have become intensely eager to hear it in detail. (BORI: 1-056-2)
[PV-PAX:01_005_93] (Bharata-Ext)
स भवान्विस्तरेणेमां पुनराख्यातुमर्हति। न हि तृप्यामि पूर्वेषां शृण्वानश्चरितं महत्॥BORI: १-०५६-३॥
sa bhavānvistarēṇēmāṁ punarākhyātumarhati। na hi tr̥pyāmi pūrvēṣāṁ śr̥ṇvānaścaritaṁ mahat॥BORI: 1-056-3॥
Therefore, you should recount this to me again in full, for I never tire of hearing of the great deeds of the ancients. (BORI: 1-056-3)
[PV-PAX:01_005_94] (Bharata-Ext)
न तत्कारणमल्पं हि धर्मज्ञा यत्र पाण्डवाः। अवध्यान्सर्वशो जघ्नुः प्रशस्यन्ते च मानवैः॥BORI: १-०५६-४॥
na tatkāraṇamalpaṁ hi dharmajñā yatra pāṇḍavāḥ। avadhyānsarvaśō jaghnuḥ praśasyantē ca mānavaiḥ॥BORI: 1-056-4॥
The cause cannot have been slight, for the Pandavas, who knew dharma, utterly slew those who were not to be slain and are praised by men. (BORI: 1-056-4)
[PV-PAX:01_005_95] (Bharata-Ext)
किमर्थं ते नरव्याघ्राः शक्ताः सन्तो ह्यनागसः। प्रयुज्यमानान्सङ्क्लेशान्क्षान्तवन्तो दुरात्मनाम्॥BORI: १-०५६-५॥
kimarthaṁ tē naravyāghrāḥ śaktāḥ santō hyanāgasaḥ। prayujyamānānsaṅklēśānkṣāntavantō durātmanām॥BORI: 1-056-5॥
Why did those tigers among men, though powerful and blameless, endure the sufferings inflicted by the wicked? (BORI: 1-056-5)
[PV-PAX:01_005_96] (Bharata-Ext)
कथं नागायुतप्राणो बाहुशाली वृकोदरः। परिक्लिश्यन्नपि क्रोधं धृतवान्वै द्विजोत्तम॥BORI: १-०५६-६॥
kathaṁ nāgāyutaprāṇō bāhuśālī vr̥kōdaraḥ। parikliśyannapi krōdhaṁ dhr̥tavānvai dvijōttama॥BORI: 1-056-6॥
How, O best of Brahmins, did the mighty-armed Vrikodara, whose strength equaled that of ten thousand elephants, restrain his anger even while being tormented? (BORI: 1-056-6)
[PV-PAX:01_005_97] (Bharata-Ext)
कथं सा द्रौपदी कृष्णा क्लिश्यमाना दुरात्मभिः। शक्ता सती धार्तराष्ट्रान्नादहद्घोरचक्षुषा॥BORI: १-०५६-७॥
kathaṁ sā draupadī kr̥ṣṇā kliśyamānā durātmabhiḥ। śaktā satī dhārtarāṣṭrānnādahadghōracakṣuṣā॥BORI: 1-056-7॥
How did Draupadi Krishna, though capable of doing so, refrain from burning the sons of Dhritarashtra with her terrible gaze as those wicked men tormented her? (BORI: 1-056-7)
[PV-PAX:01_005_98] (Bharata-Ext)
कथं व्यतिक्रमन्द्यूते पार्थौ माद्रीसुतौ तथा। अनुव्रजन्नरव्याघ्रं वञ्च्यमानं दुरात्मभिः॥BORI: १-०५६-८॥
kathaṁ vyatikramandyūtē pārthau mādrīsutau tathā। anuvrajannaravyāghraṁ vañcyamānaṁ durātmabhiḥ॥BORI: 1-056-8॥
How did the two sons of Pritha, and likewise the sons of Madri, stand aside during the dice game and follow that tiger among men while wicked men cheated him? (BORI: 1-056-8)
[PV-PAX:01_005_99] (Bharata-Ext)
कथं धर्मभृतां श्रेष्ठः सुतो धर्मस्य धर्मवित्। अनर्हः परमं क्लेशं सोढवान्स युधिष्ठिरः॥BORI: १-०५६-९॥
kathaṁ dharmabhr̥tāṁ śrēṣṭhaḥ sutō dharmasya dharmavit। anarhaḥ paramaṁ klēśaṁ sōḍhavānsa yudhiṣṭhiraḥ॥BORI: 1-056-9॥
How did Yudhishthira—the foremost upholder of dharma, the son of Dharma and knower of dharma—endure such extreme suffering, though he did not deserve it? (BORI: 1-056-9)
[PV-PAX:01_005_100] (Bharata-Ext)
कथं च बहुलाः सेनाः पाण्डवः कृष्णसारथिः। अस्यन्नेकोऽनयत्सर्वाः पितृलोकं धनञ्जयः॥BORI: १-०५६-१०॥
kathaṁ ca bahulāḥ sēnāḥ pāṇḍavaḥ kr̥ṣṇasārathiḥ। asyannēkō’nayatsarvāḥ pitr̥lōkaṁ dhanañjayaḥ॥BORI: 1-056-10॥
And how did the Pandava Dhananjaya, with Krishna as his charioteer, single-handedly shoot down the vast armies and send them all to the realm of the ancestors? (BORI: 1-056-10)
[PV-PAX:01_005_101] (Bharata-Ext)
एतदाचक्ष्व मे सर्वं यथावृत्तं तपोधन। यद्यच्च कृतवन्तस्ते तत्र तत्र महारथाः॥BORI: १-०५६-११॥
ētadācakṣva mē sarvaṁ yathāvr̥ttaṁ tapōdhana। yadyacca kr̥tavantastē tatra tatra mahārathāḥ॥BORI: 1-056-11॥
Tell me all this as it happened, O treasure of austerity, and everything those great chariot-warriors did in each place. (BORI: 1-056-11)
[PV-PAX:01_005_102] (Bharata-Ext)
वैशम्पायन उवाच॥
vaiśampāyana uvāca॥
Vaiśampāyana said:
[PV-KDV:01_005_103] (Bharata-Ext)
महर्षेः सर्वलोकेषु पूजितस्य महात्मनः। प्रवक्ष्यामि मतं कृत्स्नं व्यासस्यामिततेजसः॥BORI: १-०५६-१२॥
maharṣēḥ sarvalōkēṣu pūjitasya mahātmanaḥ। pravakṣyāmi mataṁ kr̥tsnaṁ vyāsasyāmitatējasaḥ॥BORI: 1-056-12॥
I shall set forth in full the conception of Vyasa, the great-souled sage of immeasurable splendor, honored in all the worlds. (BORI: 1-056-12)
[PV-KDV:01_005_104] (Bharata-Ext)
अध्यायानां सहस्रे द्वे पर्वणां शतमेव च । श्लोकानां तु सहस्राणि नवतिश्च दशैव च । ततोऽष्टादशभिः पर्वैः संगृहीतं महर्षिणा ॥KUMB: १-६२-१६॥
adhyāyānāṁ sahasrē dvē parvaṇāṁ śatamēva ca । ślōkānāṁ tu sahasrāṇi navatiśca daśaiva ca । tatō’ṣṭādaśabhiḥ parvaiḥ saṁgr̥hītaṁ maharṣiṇā ॥KUMB: 1-62-16॥
There are two thousand chapters, exactly one hundred parvans, and one hundred thousand verses; the great seer then arranged it into eighteen parvans. (KUMB: 1-62-16)
[PV-PAX:01_005_105] (Bharata-Ext)
इदं शतसहस्रं हि श्लोकानां पुण्यकर्मणाम्। सत्यवत्यात्मजेनेह व्याख्यातममितौजसा॥BORI: १-०५६-१३॥
idaṁ śatasahasraṁ hi ślōkānāṁ puṇyakarmaṇām। satyavatyātmajēnēha vyākhyātamamitaujasā॥BORI: 1-056-13॥
This collection of one hundred thousand verses concerning virtuous deeds was expounded here by the immensely powerful son of Satyavati. (BORI: 1-056-13)
[PV-PAX:01_005_106] (Bharata-Ext)
य इदं श्रावयेद्विद्वान्यश्चेदं शृणुयान्नरः। ते ब्रह्मणः स्थानमेत्य प्राप्नुयुर्देवतुल्यताम्॥BORI: १-०५६-१४॥
ya idaṁ śrāvayēdvidvānyaścēdaṁ śr̥ṇuyānnaraḥ। tē brahmaṇaḥ sthānamētya prāpnuyurdēvatulyatām॥BORI: 1-056-14॥
The learned man who recites this and the man who listens to it will attain Brahman’s abode and become equal to the gods. (BORI: 1-056-14)
[PV-PAX:01_005_107] (Bharata-Ext)
इदं हि वेदैः समितं पवित्रमपि चोत्तमम्। श्राव्याणामुत्तमं चेदं पुराणमृषिसंस्तुतम्॥BORI: १-०५६-१५॥
idaṁ hi vēdaiḥ samitaṁ pavitramapi cōttamam। śrāvyāṇāmuttamaṁ cēdaṁ purāṇamr̥ṣisaṁstutam॥BORI: 1-056-15॥
For this Purana accords with the Vedas, is holy and supreme, and is the finest of works to be recited, praised by the seers. (BORI: 1-056-15)
[PV-PAX:01_005_108] (Bharata-Ext)
अस्मिन्नर्थश्च धर्मश्च निखिलेनोपदिश्यते। इतिहासे महापुण्ये बुद्धिश्च परिनैष्ठिकी॥BORI: १-०५६-१६॥
asminnarthaśca dharmaśca nikhilēnōpadiśyatē। itihāsē mahāpuṇyē buddhiśca parinaiṣṭhikī॥BORI: 1-056-16॥
In this highly meritorious history, worldly prosperity and righteousness are taught in full, as is ultimate wisdom. (BORI: 1-056-16)
[PV-PAX:01_005_109] (Bharata-Ext)
अक्षुद्रान्दानशीलांश्च सत्यशीलाननास्तिकान्। कार्ष्णं वेदमिमं विद्वाञ्श्रावयित्वार्थमश्नुते॥BORI: १-०५६-१७॥
akṣudrāndānaśīlāṁśca satyaśīlānanāstikān। kārṣṇaṁ vēdamimaṁ vidvāñśrāvayitvārthamaśnutē॥BORI: 1-056-17॥
A learned man who recites this Veda of Krishna to those who are noble, charitable, truthful, and believing obtains wealth. (BORI: 1-056-17)
[PV-PAX:01_005_110] (Bharata-Ext)
भ्रूणहत्याकृतं चापि पापं जह्यादसंशयम्। इतिहासमिमं श्रुत्वा पुरुषोऽपि सुदारुणः॥BORI: १-०५६-१८॥
bhrūṇahatyākr̥taṁ cāpi pāpaṁ jahyādasaṁśayam। itihāsamimaṁ śrutvā puruṣō’pi sudāruṇaḥ॥BORI: 1-056-18॥
Even a very cruel man, on hearing this history, would undoubtedly rid himself of the sin incurred by killing an unborn child. (BORI: 1-056-18)
[PV-PAX:01_005_111] (Bharata-Ext)
जयो नामेतिहासोऽयं श्रोतव्यो विजिगीषुणा। महीं विजयते सर्वां शत्रूंश्चापि पराजयेत्॥BORI: १-०५६-१९॥
jayō nāmētihāsō’yaṁ śrōtavyō vijigīṣuṇā। mahīṁ vijayatē sarvāṁ śatrūṁścāpi parājayēt॥BORI: 1-056-19॥
This history, called Jaya, should be heard by one who desires victory; he will conquer the entire earth and defeat his enemies as well. (BORI: 1-056-19)
[PV-KDV:01_005_112] (Bharata-Ext)
इदं पुंसवनं श्रेष्ठमिदं स्वस्त्ययनं महत्। महिषीयुवराजाभ्यां श्रोतव्यं बहुशस्तथा॥BORI: १-०५६-२०॥
idaṁ puṁsavanaṁ śrēṣṭhamidaṁ svastyayanaṁ mahat। mahiṣīyuvarājābhyāṁ śrōtavyaṁ bahuśastathā॥BORI: 1-056-20॥
This is the finest rite for securing male offspring and a great rite for prosperity; likewise, it should be heard repeatedly by the chief queen and the crown prince. (BORI: 1-056-20)
[PV-PAX:01_005_113] (Bharata-Ext)
अर्थशास्त्रमिदं पुण्यं धर्मशास्त्रमिदं परम्। मोक्षशास्त्रमिदं प्रोक्तं व्यासेनामितबुद्धिना॥BORI: १-०५६-२१॥
arthaśāstramidaṁ puṇyaṁ dharmaśāstramidaṁ param। mōkṣaśāstramidaṁ prōktaṁ vyāsēnāmitabuddhinā॥BORI: 1-056-21॥
This sacred work is a treatise on statecraft, a supreme treatise on dharma, and has been proclaimed as a treatise on liberation by Vyasa of boundless wisdom. (BORI: 1-056-21)
[PV-KDV:01_005_114] (Bharata-Ext)
सम्प्रत्याचक्षते चैव आख्यास्यन्ति तथापरे। पुत्राः शुश्रूषवः सन्ति प्रेष्याश्च प्रियकारिणः॥BORI: १-०५६-२२॥
sampratyācakṣatē caiva ākhyāsyanti tathāparē। putrāḥ śuśrūṣavaḥ santi prēṣyāśca priyakāriṇaḥ॥BORI: 1-056-22॥
They recount it now, and others too will recount it in the future. Sons are dutiful, and servants seek to please. (BORI: 1-056-22)
[PV-PAX:01_005_115] (Bharata-Ext)
शरीरेण कृतं पापं वाचा च मनसैव च। सर्वं तत्त्यजति क्षिप्रमिदं शृण्वन्नरः सदा॥BORI: १-०५६-२३॥
śarīrēṇa kr̥taṁ pāpaṁ vācā ca manasaiva ca। sarvaṁ tattyajati kṣipramidaṁ śr̥ṇvannaraḥ sadā॥BORI: 1-056-23॥
A man who constantly listens to this quickly casts off all the sin he has committed in body, speech, and mind. (BORI: 1-056-23)
[PV-KDV:01_005_116] (Bharata-Ext)
भारतानां महज्जन्म शृण्वतामनसूयताम्। नास्ति व्याधिभयं तेषां परलोकभयं कुतः॥BORI: १-०५६-२४॥
bhāratānāṁ mahajjanma śr̥ṇvatāmanasūyatām। nāsti vyādhibhayaṁ tēṣāṁ paralōkabhayaṁ kutaḥ॥BORI: 1-056-24॥
Those who listen without envy to the great birth of the Bharatas have no fear of illness—how then could they fear the next world? (BORI: 1-056-24)
[PV-PAX:01_005_117] (Bharata-Ext)
धन्यं यशस्यमायुष्यं स्वर्ग्यं पुण्यं तथैव च। कृष्णद्वैपायनेनेदं कृतं पुण्यचिकीर्षुणा॥BORI: १-०५६-२५॥
dhanyaṁ yaśasyamāyuṣyaṁ svargyaṁ puṇyaṁ tathaiva ca। kr̥ṣṇadvaipāyanēnēdaṁ kr̥taṁ puṇyacikīrṣuṇā॥BORI: 1-056-25॥
This work, bringing prosperity, fame, long life, heaven, and merit, was composed by Kṛṣṇa Dvaipāyana, who wished to perform a meritorious deed. (BORI: 1-056-25)
[PV-KDV:01_005_118] (Bharata-Ext)
कीर्तिं प्रथयता लोके पाण्डवानां महात्मनाम्। अन्येषां क्षत्रियाणां च भूरिद्रविणतेजसाम्॥BORI: १-०५६-२६॥
kīrtiṁ prathayatā lōkē pāṇḍavānāṁ mahātmanām। anyēṣāṁ kṣatriyāṇāṁ ca bhūridraviṇatējasām॥BORI: 1-056-26॥
while spreading throughout the world the fame of the great-souled Pandavas and of other Kshatriyas possessed of abundant wealth and prowess… (BORI: 1-056-26)
[PV-PAX:01_005_119] (Bharata-Ext)
यथा समुद्रो भगवान्यथा च हिमवान्गिरिः। ख्यातावुभौ रत्ननिधी तथा भारतमुच्यते॥BORI: १-०५६-२७॥
yathā samudrō bhagavānyathā ca himavāngiriḥ। khyātāvubhau ratnanidhī tathā bhāratamucyatē॥BORI: 1-056-27॥
Just as the venerable ocean and Mount Himalaya are both renowned repositories of jewels, so the Bharata is said to be. (BORI: 1-056-27)
[PV-KDV:01_005_120] (Bharata-Ext)
य इदं श्रावयेद्विद्वान्ब्राह्मणानिह पर्वसु। धूतपाप्मा जितस्वर्गो ब्रह्मभूयं स गच्छति॥BORI: १-०५६-२८॥
ya idaṁ śrāvayēdvidvānbrāhmaṇāniha parvasu। dhūtapāpmā jitasvargō brahmabhūyaṁ sa gacchati॥BORI: 1-056-28॥
The learned man who recites this here to Brahmins on sacred days, cleansed of sin and assured of heaven, attains union with Brahman. (BORI: 1-056-28)
[PV-PAX:01_005_121] (Bharata-Ext)
यश्चेदं श्रावयेच्छ्राद्धे ब्राह्मणान्पादमन्ततः। अक्षय्यं तस्य तच्छ्राद्धमुपतिष्ठेत्पितृनपि॥BORI: १-०५६-२९॥
yaścēdaṁ śrāvayēcchrāddhē brāhmaṇānpādamantataḥ। akṣayyaṁ tasya tacchrāddhamupatiṣṭhētpitr̥napi॥BORI: 1-056-29॥
And whoever has even a quarter of this recited to Brahmins at a śrāddha—his śrāddha will remain imperishable and will reach his ancestors as well. (BORI: 1-056-29)
[PV-PAX:01_005_122] (Bharata-Ext)
अह्ना यदेनश्चाज्ञानात्प्रकरोति नरश्चरन्। तन्महाभारताख्यानं श्रुत्वैव प्रविलीयते॥BORI: १-०५६-३०॥
ahnā yadēnaścājñānātprakarōti naraścaran। tanmahābhāratākhyānaṁ śrutvaiva pravilīyatē॥BORI: 1-056-30॥
Whatever sin a man commits during the day, unwittingly, as he goes about his affairs, is entirely dissolved simply by hearing the Mahabharata narrative. (BORI: 1-056-30)
[PV-PAX:01_005_123] (Bharata-Ext)
भारतानां महज्जन्म महाभारतमुच्यते। निरुक्तमस्य यो वेद सर्वपापैः प्रमुच्यते॥BORI: १-०५६-३१॥
bhāratānāṁ mahajjanma mahābhāratamucyatē। niruktamasya yō vēda sarvapāpaiḥ pramucyatē॥BORI: 1-056-31॥
It is called the Mahabharata because it tells of the great birth of the Bharatas. Whoever understands this derivation of its name is freed from all sins. (BORI: 1-056-31)
[PV-PAX:01_005_124] (Bharata-Ext)
त्रिभिर्वर्षैः सदोत्थायी कृष्णद्वैपायनो मुनिः। महाभारतमाख्यानं कृतवानिदमुत्तमम्॥BORI: १-०५६-३२॥
tribhirvarṣaiḥ sadōtthāyī kr̥ṣṇadvaipāyanō muniḥ। mahābhāratamākhyānaṁ kr̥tavānidamuttamam॥BORI: 1-056-32॥
The sage Krishna Dvaipayana, ever diligent, composed this excellent Mahabharata narrative over the course of three years. (BORI: 1-056-32)
[PV-KDV:01_005_125] (Bharata-Ext)
तपोनियममास्थाय कृतमेतन्महर्षिणा ॥KUMB: १-६२-४५; NILA: ०१.०६२.०४२॥
tapōniyamamāsthāya kr̥tamētanmaharṣiṇā ॥KUMB: 1-62-45; NILA: 01.062.042॥
This was composed by the great seer after undertaking ascetic discipline. (KUMB: 1-62-45; NILA: 01.062.042)
[PV-KDV:01_005_126] (Bharata-Ext)
तस्मान्नियमसंयुक्तैः श्रोतव्यं ब्राह्मणैरिदम् । कृष्णप्रोक्तामिमां पुण्यां भारतीमुत्तमां कथाम् ॥KUMB: १-६२-४६; NILA: ०१.०६२.०४३॥
tasmānniyamasaṁyuktaiḥ śrōtavyaṁ brāhmaṇairidam । kr̥ṣṇaprōktāmimāṁ puṇyāṁ bhāratīmuttamāṁ kathām ॥KUMB: 1-62-46; NILA: 01.062.043॥
Therefore, Brahmins who observe religious disciplines should listen to this. This holy and excellent Bharata tale proclaimed by Krishna… (KUMB: 1-62-46; NILA: 01.062.043)
[PV-KDV:01_005_127] (Bharata-Ext)
धर्मे चार्थे च कामे च मोक्षे च भरतर्षभ। यदिहास्ति तदन्यत्र यन्नेहास्ति न तत्क्वचित्॥BORI: १-०५६-३३॥
dharmē cārthē ca kāmē ca mōkṣē ca bharatarṣabha। yadihāsti tadanyatra yannēhāsti na tatkvacit॥BORI: 1-056-33॥
In matters of dharma, prosperity, desire, and liberation, O bull of the Bharatas, whatever is found here may be found elsewhere; whatever is not here is found nowhere. (BORI: 1-056-33)
[PV-KDV:01_005_128] (Bharata-Ext)