Chapter 18: Droṇa’s guru-dakṣiṇā; Yudhiṣṭhira’s strategy, Drupada’s capture by the Pāṇḍavas, and Droṇa’s division of Pañcāla.
वैशम्पायन उवाच॥
vaiśampāyana uvāca॥
Vaiśampāyana said:
[PV-KDV:01_024_1] (Jaya)
ततः शिष्यान्समानीय आचार्यार्थमचोदयत् । द्रोणः सर्वानशेषेण दक्षिणार्थं महीपते ॥BORI: १-१२८-१॥
tataḥ śiṣyānsamānīya ācāryārthamacōdayat । drōṇaḥ sarvānaśēṣēṇa dakṣiṇārthaṁ mahīpatē ॥BORI: 1-128-1॥
Then Drona assembled all his pupils and, O king, called upon every one of them to pay the fee due to their teacher: (BORI: 1-128-1)
[PV-KDV:01_024_2] (Jaya)
पाञ्चालराजं द्रुपदं गृहीत्वा रणमूर्धनि । पर्यानयत भद्रं वः सा स्यात्परमदक्षिणा ॥BORI: १-१२८-२॥
pāñcālarājaṁ drupadaṁ gr̥hītvā raṇamūrdhani । paryānayata bhadraṁ vaḥ sā syātparamadakṣiṇā ॥BORI: 1-128-2॥
“Capture Drupada, king of the Panchalas, in the forefront of battle and bring him to me. Blessings upon you; that will be the highest fee you can offer your teacher.” (BORI: 1-128-2)
[PV-KDV:01_024_3] (Jaya)
ततोऽभिजग्मुः पञ्चालान्निघ्नन्तस्ते नरर्षभाः । ममृदुस्तस्य नगरं द्रुपदस्य महौजसः ॥KUMB: १-१४८-७॥
tatō’bhijagmuḥ pañcālānnighnantastē nararṣabhāḥ । mamr̥dustasya nagaraṁ drupadasya mahaujasaḥ ॥KUMB: 1-148-7॥
Then those bulls among men advanced against the Panchalas, striking them down, and laid waste the city of the mighty Drupada. (KUMB: 1-148-7)
[PV-KDV:01_024_4] (Jaya)
दुर्योधनश्च कर्णश्च युयुत्सुश्च महाबलः । दुःशासनो विकर्णश्च जलसन्धः सुलोचनः ॥KUMB: १-१४८-८॥
duryōdhanaśca karṇaśca yuyutsuśca mahābalaḥ । duḥśāsanō vikarṇaśca jalasandhaḥ sulōcanaḥ ॥KUMB: 1-148-8॥
Duryodhana, Karna, the mighty Yuyutsu, Duhshasana, Vikarna, Jalasandha, and Sulochana— (KUMB: 1-148-8)
[PV-KDV:01_024_5] (Jaya)
एते चान्ये च बहवः कुमारा बहुविक्रमाः । अहं पूर्वमहं पूर्वमित्येवं क्षत्रियर्षभाः ॥KUMB: १-१४८-९॥
ētē cānyē ca bahavaḥ kumārā bahuvikramāḥ । ahaṁ pūrvamahaṁ pūrvamityēvaṁ kṣatriyarṣabhāḥ ॥KUMB: 1-148-9॥
These and many other highly valiant princes, bulls among Kshatriyas, each saying, “I first! I first!”… (KUMB: 1-148-9)
[PV-KDV:01_024_6] (Jaya)
ततो वरराथारूढाः कुमाराः सादिभिः सह । प्रविश्य नगरं सर्वे राजमार्गमुपाययुः ॥KUMB: १-१४८-१०॥
tatō vararāthārūḍhāḥ kumārāḥ sādibhiḥ saha । praviśya nagaraṁ sarvē rājamārgamupāyayuḥ ॥KUMB: 1-148-10॥
Then the princes mounted magnificent chariots and, accompanied by horsemen, entered the city and all made their way to the royal highway. (KUMB: 1-148-10)
[PV-KDV:01_024_7] (Jaya)
तस्मिन्काले तु पाञ्चालः श्रुत्वा दृष्ट्वा महद्बलम् । भ्रातृभिः सहितो राजंस्त्वरया निर्ययौ गृहात् ॥KUMB: १-१४८-११॥
tasminkālē tu pāñcālaḥ śrutvā dr̥ṣṭvā mahadbalam । bhrātr̥bhiḥ sahitō rājaṁstvarayā niryayau gr̥hāt ॥KUMB: 1-148-11॥
Meanwhile, O king, the Panchala ruler, hearing of and seeing the great force, hurried out of his house with his brothers. (KUMB: 1-148-11)
[PV-KDV:01_024_8] (Jaya)
ततस्तु कृतसन्नाहा यज्ञसेनसहोदराः । शरवर्षाणि मुञ्चन्तः प्रणेदुः सर्व एव ते ॥KUMB: १-१४८-१२॥
tatastu kr̥tasannāhā yajñasēnasahōdarāḥ । śaravarṣāṇi muñcantaḥ praṇēduḥ sarva ēva tē ॥KUMB: 1-148-12॥
Then Yajñasena’s brothers, armed and ready, all raised a battle cry as they loosed showers of arrows. (KUMB: 1-148-12)
[PV-KDV:01_024_9] (Jaya)
ततो रथेन शुभ्रेण समासाद्य तु कौरवान् । यज्ञसेनः शरान्घोरान्ववर्ष युधि दुर्जयः ॥KUMB: १-१४८-१३॥
tatō rathēna śubhrēṇa samāsādya tu kauravān । yajñasēnaḥ śarānghōrānvavarṣa yudhi durjayaḥ ॥KUMB: 1-148-13॥
Then Yajñasena, invincible in battle, approached the Kauravas in his splendid chariot and showered them with terrible arrows. (KUMB: 1-148-13)
[PV-KDV:01_024_10] (Jaya)
पूर्वमेव तु संमन्त्र्य पार्थो द्रोणमथाऽब्रवीत् । दर्पोद्रेकात्कुमाराणामाचार्यं द्विजसत्तमम् ॥KUMB: १-१४८-१४॥
pūrvamēva tu saṁmantrya pārthō drōṇamathā’bravīt । darpōdrēkātkumārāṇāmācāryaṁ dvijasattamam ॥KUMB: 1-148-14॥
But Prita's son Yudhisthira, having first conferred with the others, then said to Drona, the preceptor and foremost of Brahmins, because of the princes’ swelling pride: (KUMB: 1-148-14)
[PV-KDV:01_024_11] (Jaya)
एषां पराक्रमस्यान्ते वयं कुर्याम साहसम् । एतैरशक्यः पाञ्चालो ग्रहीतुं रणमूर्धनि ॥KUMB: १-१४८-१५॥
ēṣāṁ parākramasyāntē vayaṁ kuryāma sāhasam । ētairaśakyaḥ pāñcālō grahītuṁ raṇamūrdhani ॥KUMB: 1-148-15॥
Once their effort has run its course, we shall make our bold attempt. These men cannot capture the king of Panchala in the thick of battle. (KUMB: 1-148-15)
[PV-KDV:01_024_12] (Jaya)
एवमुक्त्वा तु कौन्तेयो भ्रातृभिः सहितोऽनघः । अर्धक्रोशे तु नगरादतिष्ठद्बहिरेव सः ॥KUMB: १-१४८-१६॥
ēvamuktvā tu kauntēyō bhrātr̥bhiḥ sahitō’naghaḥ । ardhakrōśē tu nagarādatiṣṭhadbahirēva saḥ ॥KUMB: 1-148-16॥
Having said this, the blameless son of Kunti remained with his brothers outside the city, half a krosha away. (KUMB: 1-148-16)
[PV-KDV:01_024_13] (Jaya)
द्रुपदः कौरवान्दृष्ट्वा प्राधावत समन्ततः । शरजालेन महता मोहयन्कौरवीं चमूम् ॥KUMB: १-१४८-१७॥
drupadaḥ kauravāndr̥ṣṭvā prādhāvata samantataḥ । śarajālēna mahatā mōhayankauravīṁ camūm ॥KUMB: 1-148-17॥
Seeing the Kauravas, Drupada charged about on every side, bewildering the Kaurava army with a vast net of arrows. (KUMB: 1-148-17)
[PV-KDV:01_024_14] (Jaya)
तमुद्यतं रथेनैकमाशुकारिणमाहवे । अनेकमिव सन्त्रासान्मेनिरे तत्र कौरवाः ॥KUMB: १-१४८-१८॥
tamudyataṁ rathēnaikamāśukāriṇamāhavē । anēkamiva santrāsānmēnirē tatra kauravāḥ ॥KUMB: 1-148-18॥
Seeing him charge forth alone in his chariot, swift in battle, the Kauravas there, in their terror, thought him to be many men. (KUMB: 1-148-18)
[PV-KDV:01_024_15] (Jaya)
द्रुपदस्य शरा घोरा विचेरुः सर्वतोदिशम् । ततः शङ्खाश्च भेर्यश्च मृदङ्गाश्च सहस्रशः ॥KUMB: १-१४८-१९॥
drupadasya śarā ghōrā vicēruḥ sarvatōdiśam । tataḥ śaṅkhāśca bhēryaśca mr̥daṅgāśca sahasraśaḥ ॥KUMB: 1-148-19॥
Drupada’s terrible arrows flew in every direction. Then conches, kettledrums, and barrel drums by the thousands… (KUMB: 1-148-19)
[PV-KDV:01_024_16] (Jaya)
प्रावाद्यन्त महाराज पञ्चालानां निवेशने । सिंहनादश्च संजज्ञे पञ्चालानां महात्मनाम् ॥KUMB: १-१४८-२०॥
prāvādyanta mahārāja pañcālānāṁ nivēśanē । siṁhanādaśca saṁjajñē pañcālānāṁ mahātmanām ॥KUMB: 1-148-20॥
were sounded, O great king, by the thousands in the encampment of the Panchalas, and a lion-like roar arose from the great-spirited Panchalas. (KUMB: 1-148-20)
[PV-KDV:01_024_17] (Jaya)
धनुर्ज्यातलशब्दश्च संस्पृश्य गगनं महान् । दुर्योधनो विकर्णश्च सुबाहुर्दीर्घलोचनः ॥KUMB: १-१४८-२१॥
dhanurjyātalaśabdaśca saṁspr̥śya gaganaṁ mahān । duryōdhanō vikarṇaśca subāhurdīrghalōcanaḥ ॥KUMB: 1-148-21॥
and a great sound of bowstrings striking palms, reaching the sky; Duryodhana, Vikarna, Subahu, and Dirghalochana… (KUMB: 1-148-21)
[PV-KDV:01_024_18] (Jaya)
दुःशाशनश्च संक्रुद्धः शरवर्षैरवाकिरन् । सोऽतिविद्धो महेष्वासः पार्षतो युधि दुर्जयः ॥KUMB: १-१४८-२२॥
duḥśāśanaśca saṁkruddhaḥ śaravarṣairavākiran । sō’tividdhō mahēṣvāsaḥ pārṣatō yudhi durjayaḥ ॥KUMB: 1-148-22॥
Together with the enraged Duhshasana, they showered him with torrents of arrows. Though grievously pierced, that great archer, Prishata’s son, invincible in battle… (KUMB: 1-148-22)
[PV-KDV:01_024_19] (Jaya)
व्यधमत्तान्यनीकानि तत्क्षणादेव भारत । दुर्योधनं विकर्णं च कर्णं चापि महाबलम् ॥KUMB: १-१४८-२३॥
vyadhamattānyanīkāni tatkṣaṇādēva bhārata । duryōdhanaṁ vikarṇaṁ ca karṇaṁ cāpi mahābalam ॥KUMB: 1-148-23॥
He immediately shattered those battle formations, O Bharata; and Duryodhana, Vikarna, and the mighty Karna… (KUMB: 1-148-23)
[PV-KDV:01_024_20] (Jaya)
नानानृपसुतान्वीरान्सैन्यानि विविधानि च । अलातचक्रवत्सर्वं चरन्बाणैरतर्पयत् ॥KUMB: १-१४८-२४॥
nānānr̥pasutānvīrānsainyāni vividhāni ca । alātacakravatsarvaṁ caranbāṇairatarpayat ॥KUMB: 1-148-24॥
Moving like a whirling firebrand, he sated with arrows the heroic sons of many kings and the diverse troops—all of them. (KUMB: 1-148-24)
[PV-KDV:01_024_21] (Jaya)
ततस्तु नागराः सर्वे मुसलैर्यष्टिभिस्तदा । अभ्यवर्षन्त कौरव्यान्वर्षमाणा घा इव ॥KUMB: १-१४८-२५॥
tatastu nāgarāḥ sarvē musalairyaṣṭibhistadā । abhyavarṣanta kauravyānvarṣamāṇā ghā iva ॥KUMB: 1-148-25॥
Then all the townspeople showered the Kauravas with pestles and staves, as though pouring down rain. (KUMB: 1-148-25)
[PV-KDV:01_024_22] (Jaya)
सबालवृद्धाः काम्पिल्याः कौरवानभ्ययुस्तदा । श्रुत्वा सुतुमुलं युद्धं कौरवानेव भारत ॥KUMB: १-१४८-२६॥
sabālavr̥ddhāḥ kāmpilyāḥ kauravānabhyayustadā । śrutvā sutumulaṁ yuddhaṁ kauravānēva bhārata ॥KUMB: 1-148-26॥
Hearing the exceedingly tumultuous fighting, the people of Kampilya, including children and the elderly, rushed straight at the Kauravas, O Bharata. (KUMB: 1-148-26)
[PV-KDV:01_024_23] (Jaya)
द्रवन्तिस्म नदन्तिस्म क्रोशन्तः पाण्डवान्प्रति । पाडवास्तु स्वनं श्रुत्वा आर्तानां रोमहर्षणम् ॥KUMB: १-१४८-२७॥
dravantisma nadantisma krōśantaḥ pāṇḍavānprati । pāḍavāstu svanaṁ śrutvā ārtānāṁ rōmaharṣaṇam ॥KUMB: 1-148-27॥
They ran, shouting and calling out to the Pandavas; but the Pandavas, hearing the hair-raising clamor of those in distress… (KUMB: 1-148-27)
[PV-KDV:01_024_24] (Jaya)
अभिवाद्य ततो द्रोणं रथानारुरुहुस्तदा ॥KUMB: १-१४८-२८A॥
abhivādya tatō drōṇaṁ rathānāruruhustadā । yudhiṣṭhiraṁ nivāryāśu mā yudhyasvēti pāṇḍavam ॥KUMB: 1-148-28॥
Then, after saluting Drona, they mounted their chariots, (KUMB: 1-148-28A)
[PV-KDV:01_024_25] (Jaya)
माद्रेयौ चक्ररक्षौ तु फाल्गुनश्च तदाऽकरोत् । सेनाग्रगो भीमसेनस्तदाभूद्गदया सह ॥KUMB: १-१४८-२९॥
mādrēyau cakrarakṣau tu phālgunaśca tadā’karōt । sēnāgragō bhīmasēnastadābhūdgadayā saha ॥KUMB: 1-148-29॥
Then Phalguna appointed the two sons of Madri as protectors of his chariot wheels, while Bhimasena, mace in hand, took his place at the head of the army. (KUMB: 1-148-29)
[PV-KDV:01_024_27] (Jaya)
तदा शत्रुस्वनं श्रुत्वा भ्रातृभिः सहितोऽनघः । आयाज्जवेन कौन्तेयो रथेनानादयन्दिशः ॥KUMB: १-१४८-३०॥
tadā śatrusvanaṁ śrutvā bhrātr̥bhiḥ sahitō’naghaḥ । āyājjavēna kauntēyō rathēnānādayandiśaḥ ॥KUMB: 1-148-30॥
Then, hearing the din of the enemy, the blameless son of Kunti came swiftly in his chariot with his brothers, making the quarters resound. (KUMB: 1-148-30)
[PV-KDV:01_024_28] (Jaya)
पञ्चालानां ततः सेनामुद्धूतार्णवनिःस्वनाम् । भीमसेनो महाबाहुर्दण्डपाणिरिवान्तकः ॥KUMB: १-१४८-३१॥
pañcālānāṁ tataḥ sēnāmuddhūtārṇavaniḥsvanām । bhīmasēnō mahābāhurdaṇḍapāṇirivāntakaḥ ॥KUMB: 1-148-31॥
The Panchala army, whose roar was like that of a turbulent ocean—then mighty-armed Bhimasena, like Death wielding his staff… (KUMB: 1-148-31)
[PV-KDV:01_024_29] (Jaya)
प्रविवेश महासेनां मकरः सागरं यथा । चतुरङ्गबलाकीर्णे ततस्तस्मिन्रणोत्सवे ॥॥KUMB: १-१४८-३२॥
pravivēśa mahāsēnāṁ makaraḥ sāgaraṁ yathā । caturaṅgabalākīrṇē tatastasminraṇōtsavē ॥॥KUMB: 1-148-32॥
entered the mighty army as a makara enters the ocean. Then, in that festival of battle thronged with the fourfold forces... (॥KUMB: 1-148-32)
[PV-KDV:01_024_30] (Jaya)
स्वयमभ्यद्रवद्भीमो नागानीकं गदाधरः ॥KUMB: १-१४८-३३॥
svayamabhyadravadbhīmō nāgānīkaṁ gadādharaḥ ॥KUMB: 1-148-33॥
Then Bhima himself, mace in hand, charged the elephant corps. (KUMB: 1-148-33)
[PV-KDV:01_024_31] (Jaya)
स युद्धकुशलः पार्थो बाहुवीर्येण चातुलः । अहनत्कुञ्जरानीकं गदया कालरूपधृक् ॥KUMB: १-१४८-३४॥
sa yuddhakuśalaḥ pārthō bāhuvīryēṇa cātulaḥ । ahanatkuñjarānīkaṁ gadayā kālarūpadhr̥k ॥KUMB: 1-148-34॥
Skilled in warfare and unequalled in the strength of his arms, that son of Pritha, assuming the form of Death, struck down the elephant host with his mace. (KUMB: 1-148-34)
[PV-KDV:01_024_32] (Jaya)
ते गजा गिरिसङ्काशाः क्षरन्तो रुधिरं बहु । भीमसेनस्य गदया भिन्नमस्तकपिण्डकाः ॥KUMB: १-१४८-३५॥
tē gajā girisaṅkāśāḥ kṣarantō rudhiraṁ bahu । bhīmasēnasya gadayā bhinnamastakapiṇḍakāḥ ॥KUMB: 1-148-35॥
Those mountain-like elephants, streaming copious blood, their heads shattered by Bhimasena’s mace… (KUMB: 1-148-35)
[PV-KDV:01_024_33] (Jaya)
पतन्ति द्विरदा भूमौ वज्रघातादिवाचलाः । गजानश्वान्रथांश्चैव पातयामास पाण्डवः ॥KUMB: १-१४८-३६॥
patanti dviradā bhūmau vajraghātādivācalāḥ । gajānaśvānrathāṁścaiva pātayāmāsa pāṇḍavaḥ ॥KUMB: 1-148-36॥
The elephants fell to the ground like mountains struck by a thunderbolt, while the Pandava brought down elephants, horses, and chariots alike. (KUMB: 1-148-36)
[PV-KDV:01_024_34] (Jaya)
पदातींश्च रथांश्चैव न्यवधीदर्जुनाग्रजः । गोपाल इव दण्डेन यथा पशुगणान्वने ॥KUMB: १-१४८-३७॥
padātīṁśca rathāṁścaiva nyavadhīdarjunāgrajaḥ । gōpāla iva daṇḍēna yathā paśugaṇānvanē ॥KUMB: 1-148-37॥
Arjuna’s elder brother struck down foot soldiers and chariots alike, as a cowherd drives herds of cattle through the forest with his staff. (KUMB: 1-148-37)
[PV-KDV:01_024_35] (Jaya)
चालयन्रथनागांश्च संचचाल वृकोदरः । भारद्वाजप्रियं कर्तुमुद्यतः फाल्गुनस्तदा ॥KUMB: १-१४८-३८॥
cālayanrathanāgāṁśca saṁcacāla vr̥kōdaraḥ । bhāradvājapriyaṁ kartumudyataḥ phālgunastadā ॥KUMB: 1-148-38॥
Vrikodara ranged about, scattering chariots and elephants. Then Phalguna, intent on pleasing Bharadvaja... (KUMB: 1-148-38)
[PV-KDV:01_024_36] (Jaya)
पार्षतं शरजालेन क्षिपन्नागात्स पाण्डवः । हयौघांश्च रथौघांश्च गजौघांश्च समन्ततः ॥KUMB: १-१४८-३९॥
pārṣataṁ śarajālēna kṣipannāgātsa pāṇḍavaḥ । hayaughāṁśca rathaughāṁśca gajaughāṁśca samantataḥ ॥KUMB: 1-148-39॥
That Pandava advanced, assailing Parshata with a net of arrows, and masses of horses, chariots, and elephants on every side… (KUMB: 1-148-39)
[PV-KDV:01_024_37] (Jaya)
पातयन्समरे राजन्युगान्ताग्रिरिव ज्वलन् । ततस्ते हन्यमाना वै पञ्चालाः सृञ्जयास्तथा ॥KUMB: १-१४८-४०॥
pātayansamarē rājanyugāntāgririva jvalan । tatastē hanyamānā vai pañcālāḥ sr̥ñjayāstathā ॥KUMB: 1-148-40॥
Striking them down in battle, O king, he blazed like the fire at the end of an age. Then the Panchalas and Srinjayas, as they were being slain… (KUMB: 1-148-40)
[PV-KDV:01_024_38] (Jaya)
शरैर्नानाविधैस्तूर्णं पार्थं संछाद्य सर्वशः । सिंहनादं मुखैः कृत्वा समयुध्वन्त पाण्डवम् ॥KUMB: १-१४८-४१॥
śarairnānāvidhaistūrṇaṁ pārthaṁ saṁchādya sarvaśaḥ । siṁhanādaṁ mukhaiḥ kr̥tvā samayudhvanta pāṇḍavam ॥KUMB: 1-148-41॥
Quickly covering Partha on every side with many kinds of arrows and roaring like lions, they fought the Pandava. (KUMB: 1-148-41)
[PV-KDV:01_024_39] (Jaya)
तद्युद्धमभवद्धोरं समुहाद्भुतदर्शनम् । सिंहनादस्वनं श्रुत्वा नामृष्यत्पाकशासनिः ॥KUMB: १-१४८-४२॥
tadyuddhamabhavaddhōraṁ samuhādbhutadarśanam । siṁhanādasvanaṁ śrutvā nāmr̥ṣyatpākaśāsaniḥ ॥KUMB: 1-148-42॥
That battle was terrible—a wondrous spectacle of massed forces. Hearing the sound of their lion roars, the son of the chastiser of Pāka could not endure it. (KUMB: 1-148-42)
[PV-KDV:01_024_40] (Jaya)
ततः किरीटी सहसा पञ्चालान्समरेऽद्रवत् । छादयन्निषुजालेन महता मोहयन्निव ॥KUMB: १-१४८-४३॥
tataḥ kirīṭī sahasā pañcālānsamarē’dravat । chādayanniṣujālēna mahatā mōhayanniva ॥KUMB: 1-148-43॥
Then Kirīṭin suddenly charged the Panchalas in battle, enveloping them in a vast net of arrows as though bewildering them. (KUMB: 1-148-43)
[PV-KDV:01_024_41] (Jaya)
शीघ्रमभ्यस्यतो बाणान्संदधानस्य चानिशम् । नान्तरं ददृशे किंचित्कौन्तेयस्य यशस्विनः ॥KUMB: १-१४८-४४॥
śīghramabhyasyatō bāṇānsaṁdadhānasya cāniśam । nāntaraṁ dadr̥śē kiṁcitkauntēyasya yaśasvinaḥ ॥KUMB: 1-148-44॥
No interval could be seen between the swift drawing and the ceaseless fitting of arrows by the illustrious son of Kunti. (KUMB: 1-148-44)
[PV-KDV:01_024_42] (Jaya)
दृष्ट्वा पार्थं तदायान्तं सत्यजित्सत्यविक्रमः । पाञ्चालं वै परिप्रेप्सुर्धनञ्जयमदुद्रुवत् ॥KUMB: १-१४८-५०॥
dr̥ṣṭvā pārthaṁ tadāyāntaṁ satyajitsatyavikramaḥ । pāñcālaṁ vai pariprēpsurdhanañjayamadudruvat ॥KUMB: 1-148-50॥
Seeing Partha approaching, Satyajit of true valor, intent on protecting the king of Panchala, rushed at Dhananjaya. (KUMB: 1-148-50)
[PV-KDV:01_024_43] (Jaya)
वेगं चक्रे महावेगो धनुर्ज्यामवमृज्य च । ततः सत्यजितश्चापं छित्वा राजानमभ्ययात् ॥KUMB: १-१४८-५४॥
vēgaṁ cakrē mahāvēgō dhanurjyāmavamr̥jya ca । tataḥ satyajitaścāpaṁ chitvā rājānamabhyayāt ॥KUMB: 1-148-54॥
The immensely swift great chariot-warrior plucked his bowstring and sprang into action. Then, cutting Satyajit’s bow, he advanced upon the king. (KUMB: 1-148-54)
[PV-KDV:01_024_44] (Jaya)
अथान्यद्धनुरादाय सत्यजिद्वेगवत्तरम् । साश्वं ससूतं सरथं पार्थं विव्याध सत्वरः ॥KUMB: १-१४८-५५॥
athānyaddhanurādāya satyajidvēgavattaram । sāśvaṁ sasūtaṁ sarathaṁ pārthaṁ vivyādha satvaraḥ ॥KUMB: 1-148-55॥
Then Satyajit quickly took up another, stronger bow and pierced Partha, along with his horses, charioteer, and chariot. (KUMB: 1-148-55)
[PV-KDV:01_024_45] (Jaya)
स तं न ममृषे पार्थः पाञ्चालेनार्दितो युधि । ततस्तस्य विनाशार्थं सत्वरं व्यसृजच्छरान् ॥KUMB: १-१४८-५६॥
sa taṁ na mamr̥ṣē pārthaḥ pāñcālēnārditō yudhi । tatastasya vināśārthaṁ satvaraṁ vyasr̥jaccharān ॥KUMB: 1-148-56॥
Afflicted in battle by the Panchala, Partha could not endure it. Then, intent on destroying him, he swiftly loosed his arrows. (KUMB: 1-148-56)
[PV-KDV:01_024_46] (Jaya)
हयान्ध्वजं धनुर्मुष्टिमुभौ तौ पार्ष्णिसारथी । स तथा भिद्यमानेषु कार्मुकेषु पुनः पुनः ॥KUMB: १-१४८-५७॥
hayāndhvajaṁ dhanurmuṣṭimubhau tau pārṣṇisārathī । sa tathā bhidyamānēṣu kārmukēṣu punaḥ punaḥ ॥KUMB: 1-148-57॥
at the horses, the standard, the bow-grip, and both rear guards. As his bows were thus broken again and again… (KUMB: 1-148-57)
[PV-KDV:01_024_47] (Jaya)
हयेषु विनिकृत्तेषु विमुखोऽभवदाहवे । स सत्यजितमालेक्य तथा विमुखमाहवे ॥KUMB: १-१४८-५८॥
hayēṣu vinikr̥ttēṣu vimukhō’bhavadāhavē । sa satyajitamālēkya tathā vimukhamāhavē ॥KUMB: 1-148-58॥
When his horses had been cut down, he turned away from the battle. Seeing Satyajit thus turn away from the battle, he… (KUMB: 1-148-58)
[PV-KDV:01_024_48] (Jaya)
वेगेन महता राजन्नभ्यधावत पार्षतम् । तदा चक्रे महद्युद्धमर्जुनो जयतां वरः ॥KUMB: १-१४८-५९॥
vēgēna mahatā rājannabhyadhāvata pārṣatam । tadā cakrē mahadyuddhamarjunō jayatāṁ varaḥ ॥KUMB: 1-148-59॥
With tremendous speed, O king, he charged the descendant of Pṛṣata. Then Arjuna, foremost of victors, waged a great battle. (KUMB: 1-148-59)
[PV-KDV:01_024_49] (Jaya)
तस्य पार्थो धनुश्छित्त्वा ध्वजं चोर्व्यामपातयत् । पञ्चभिस्तस्य विव्याध हयान्सूतं च सायकैः ॥KUMB: १-१४८-६०॥
tasya pārthō dhanuśchittvā dhvajaṁ cōrvyāmapātayat । pañcabhistasya vivyādha hayānsūtaṁ ca sāyakaiḥ ॥KUMB: 1-148-60॥
After cutting his bow, Partha brought his standard down to the ground and pierced his horses and charioteer with five arrows. (KUMB: 1-148-60)
[PV-KDV:01_024_50] (Jaya)
तत उत्सृज्य तच्चापमाददानः शरावरम् । खड्गमुद्धृत्य कौन्तेयः सिंहनादमथाकरोत् ॥KUMB: १-१४८-६१॥
tata utsr̥jya taccāpamādadānaḥ śarāvaram । khaḍgamuddhr̥tya kauntēyaḥ siṁhanādamathākarōt ॥KUMB: 1-148-61॥
Then Kunti’s son cast aside that bow, took up a shield, drew his sword, and gave a lion’s roar. (KUMB: 1-148-61)
[PV-KDV:01_024_51] (Jaya)
पाञ्चालस्य रथस्येषामाप्लुत्य सहसाऽपतत् । पाञ्चालरथमास्थाय अवित्रस्तो धनञ्जयः ॥KUMB: १-१४८-६२॥
pāñcālasya rathasyēṣāmāplutya sahasā’patat । pāñcālarathamāsthāya avitrastō dhanañjayaḥ ॥KUMB: 1-148-62॥
He suddenly leapt onto the pole of the Panchala king’s chariot and landed there. Climbing aboard the chariot, the undaunted Dhananjaya… (KUMB: 1-148-62)
[PV-KDV:01_024_52] (Jaya)
विक्षोभ्याम्भोनिधिंतार्क्ष्यस्तंनागमिव सोऽग्रहीत् । ततस्तु सर्वपाञ्चाला विद्रवन्ति दिशो दश ॥KUMB: १-१४८-६३॥
vikṣōbhyāmbhōnidhiṁtārkṣyastaṁnāgamiva sō’grahīt । tatastu sarvapāñcālā vidravanti diśō daśa ॥KUMB: 1-148-63॥
He seized him like Tārkṣya seizing a serpent after churning the ocean. Then all the Panchalas fled in the ten directions. (KUMB: 1-148-63)
[PV-KDV:01_024_53] (Jaya)
दर्शयन्सर्वसैन्यानां स बाह्वोर्बलमात्मनः । सिंहनादस्वनं कृत्वा निर्जगाम धनञ्जयः ॥KUMB: १-१४८-६४॥
darśayansarvasainyānāṁ sa bāhvōrbalamātmanaḥ । siṁhanādasvanaṁ kr̥tvā nirjagāma dhanañjayaḥ ॥KUMB: 1-148-64॥
Displaying the strength of his arms to all the troops and uttering a lion’s roar, Dhanañjaya departed. (KUMB: 1-148-64)
[PV-KDV:01_024_54] (Jaya)
आयान्तमर्जुनं दृष्ट्वा कुमाराः सहितास्तदा । ममृदुस्तस्य नगरं द्रुपदस्य महात्मनः ॥KUMB: १-१४८-६५॥
āyāntamarjunaṁ dr̥ṣṭvā kumārāḥ sahitāstadā । mamr̥dustasya nagaraṁ drupadasya mahātmanaḥ ॥KUMB: 1-148-65॥
Seeing Arjuna approaching, the princes then joined together and ravaged the city of the great-souled Drupada. (KUMB: 1-148-65)
[PV-KDV:01_024_55] (Jaya)
अर्जुन उवाच. ॥KUMB: १-१४८-६६क्ष्॥
arjuna uvāca. ॥KUMB: 1-148-66kṣ॥
Arjuna said: (KUMB: 1-148-66क्ष्)
[PV-KDV:01_024_56] (Jaya)
संबन्धी कुरुवीराणां द्रुपदो राजसत्तमः । मा वधीस्तद्बलं भीम गुरुदानं प्रदीयताम् ॥KUMB: १-१४८-६६॥
saṁbandhī kuruvīrāṇāṁ drupadō rājasattamaḥ । mā vadhīstadbalaṁ bhīma gurudānaṁ pradīyatām ॥KUMB: 1-148-66॥
Drupada, that finest of kings, is a kinsman of the Kuru heroes. Bhima, do not slaughter his army; let the teacher’s fee be presented. (KUMB: 1-148-66)
[PV-KDV:01_024_57] (Jaya)
वैशम्पायन उवाच. ॥KUMB: १-१४८-६७क्ष्॥
vaiśampāyana uvāca. ॥KUMB: 1-148-67kṣ॥
Vaiśampāyana said: (KUMB: 1-148-67क्ष्)
[PV-KDV:01_024_58] (Jaya)
भीमसेनस्तदा राजन्नर्जुनेन निवारितः । अतृप्तो युद्धधर्मेषु न्यवर्तत महाबलः ॥KUMB: १-१४८-६७॥
bhīmasēnastadā rājannarjunēna nivāritaḥ । atr̥ptō yuddhadharmēṣu nyavartata mahābalaḥ ॥KUMB: 1-148-67॥
Then, O king, the mighty Bhimasena, restrained by Arjuna, withdrew, though still unsated with battle. (KUMB: 1-148-67)
[PV-KDV:01_024_59] (Jaya)
ते यज्ञसेनं द्रुपदं गृहीत्वा रणमूर्धनि । उपाजग्मुः सहामात्यं द्रोणाय भरतर्षभ ॥KUMB: १-१४८-६८॥
tē yajñasēnaṁ drupadaṁ gr̥hītvā raṇamūrdhani । upājagmuḥ sahāmātyaṁ drōṇāya bharatarṣabha ॥KUMB: 1-148-68॥
O best of the Bharatas, they seized Yajñasena Drupada at the head of the battle and brought him, together with his ministers, to Droṇa. (KUMB: 1-148-68)
[PV-KDV:01_024_60] (Jaya)
भग्नदर्पं हृतधनं तथा च वशमागतम् । स वैरं मनसा ध्यात्वा द्रोणो द्रुपदमब्रवीत् ॥BORI: १-१२८-६॥
bhagnadarpaṁ hr̥tadhanaṁ tathā ca vaśamāgatam । sa vairaṁ manasā dhyātvā drōṇō drupadamabravīt ॥BORI: 1-128-6॥
Drona, pondering their enmity, said to Drupada, whose pride was broken, whose wealth had been taken, and who had thus fallen under his power: (BORI: 1-128-6)
[PV-KDV:01_024_61] (Jaya)
प्रमृद्य तरसा राष्ट्रं पुरं ते मृदितं मया । प्राप्य जीवन्रिपुवशं सखिपूर्वं किमिष्यते ॥BORI: १-१२८-७॥
pramr̥dya tarasā rāṣṭraṁ puraṁ tē mr̥ditaṁ mayā । prāpya jīvanripuvaśaṁ sakhipūrvaṁ kimiṣyatē ॥BORI: 1-128-7॥
I have violently overrun your realm and laid waste your city. Now that you have fallen alive into your enemy’s power, what do you desire of our former friendship? (BORI: 1-128-7)
[PV-KDV:01_024_62] (Jaya)
एवमुक्त्वा प्रहस्यैनं निश्चित्य पुनरब्रवीत् । मा भैः प्राणभयाद्राजन्क्षमिणो ब्राह्मणा वयम् ॥BORI: १-१२८-८॥
ēvamuktvā prahasyainaṁ niścitya punarabravīt । mā bhaiḥ prāṇabhayādrājankṣamiṇō brāhmaṇā vayam ॥BORI: 1-128-8॥
Having said this, he laughed; then, having made up his mind, he spoke to him again: “Do not fear for your life, O king. We Brahmins are forgiving.” (BORI: 1-128-8)
[PV-KDV:01_024_63] (Jaya)
आश्रमे क्रीडितं यत्तु त्वया बाल्ये मया सह । तेन संवर्धितः स्नेहस्त्वया मे क्षत्रियर्षभ ॥BORI: १-१२८-९॥
āśramē krīḍitaṁ yattu tvayā bālyē mayā saha । tēna saṁvardhitaḥ snēhastvayā mē kṣatriyarṣabha ॥BORI: 1-128-9॥
But the games you played with me in the hermitage during our childhood strengthened my affection for you, bull among Kshatriyas. (BORI: 1-128-9)
[PV-KDV:01_024_64] (Jaya)
प्रार्थयेयं त्वया सख्यं पुनरेव नरर्षभ । वरं ददामि ते राजन्राज्यस्यार्धमवाप्नुहि ॥BORI: १-१२८-१०॥
prārthayēyaṁ tvayā sakhyaṁ punarēva nararṣabha । varaṁ dadāmi tē rājanrājyasyārdhamavāpnuhi ॥BORI: 1-128-10॥
I would seek friendship with you once again, bull among men. I grant you a boon, O king: receive half the kingdom. (BORI: 1-128-10)
[PV-KDV:01_024_65] (Jaya)
अराजा किल नो राज्ञां सखा भवितुमर्हति । अतः प्रयतितं राज्ये यज्ञसेन मया तव ॥BORI: १-१२८-११॥
arājā kila nō rājñāṁ sakhā bhavitumarhati । ataḥ prayatitaṁ rājyē yajñasēna mayā tava ॥BORI: 1-128-11॥
A man who is not a king, it is said, is not fit to be a king’s friend. Therefore, Yajnasena, I have striven to secure a kingdom for you. (BORI: 1-128-11)
[PV-KDV:01_024_66] (Jaya)
राजासि दक्षिणे कूले भागीरथ्याहमुत्तरे । सखायं मां विजानीहि पाञ्चाल यदि मन्यसे ॥BORI: १-१२८-१२॥
rājāsi dakṣiṇē kūlē bhāgīrathyāhamuttarē । sakhāyaṁ māṁ vijānīhi pāñcāla yadi manyasē ॥BORI: 1-128-12॥
You are king on the southern bank of the Bhagirathi, while I am king on the northern bank. O Panchala, regard me as your friend, if you wish. (BORI: 1-128-12)
[PV-KDV:01_024_67] (Jaya)
द्रुपद उवाच॥
drupada uvāca॥
Drupada said:
[PV-KDV:01_024_68] (Jaya)
अनाश्चर्यमिदं ब्रह्मन्विक्रान्तेषु महात्मसु । प्रीये त्वयाहं त्वत्तश्च प्रीतिमिच्छामि शाश्वतीम् ॥BORI: १-१२८-१३॥
anāścaryamidaṁ brahmanvikrāntēṣu mahātmasu । prīyē tvayāhaṁ tvattaśca prītimicchāmi śāśvatīm ॥BORI: 1-128-13॥
This is no wonder among valiant, noble souls, O Brahmin. I am pleased with you, and I desire lasting affection from you. (BORI: 1-128-13)
[PV-KDV:01_024_69] (Jaya)
वैशम्पायन उवाच॥
vaiśampāyana uvāca॥
Vaiśampāyana said:
[PV-KDV:01_024_70] (Jaya)
एवमुक्तस्तु तं द्रोणो मोक्षयामास भारत । सत्कृत्य चैनं प्रीतात्मा राज्यार्धं प्रत्यपादयत् ॥BORI: १-१२८-१४॥
ēvamuktastu taṁ drōṇō mōkṣayāmāsa bhārata । satkr̥tya cainaṁ prītātmā rājyārdhaṁ pratyapādayat ॥BORI: 1-128-14॥
Thus addressed, Drona released him, O Bharata. Pleased at heart, he honored him and restored half the kingdom to him. (BORI: 1-128-14)
[PV-KDV:01_024_71] (Jaya)
माकन्दीमथ गङ्गायास्तीरे जनपदायुताम् । सोऽध्यावसद्दीनमनाः काम्पिल्यं च पुरोत्तमम् । दक्षिणांश्चैव पाञ्चालान्यावच्चर्मण्वती नदी ॥BORI: १-१२८-१५॥
mākandīmatha gaṅgāyāstīrē janapadāyutām । sō’dhyāvasaddīnamanāḥ kāmpilyaṁ ca purōttamam । dakṣiṇāṁścaiva pāñcālānyāvaccarmaṇvatī nadī ॥BORI: 1-128-15॥
Then, downcast, he settled in Mākandī on the bank of the Ganges, with its populous territory, in the splendid city of Kāmpilya, and in the southern Pāñcāla lands as far as the Carmaṇvatī River. (BORI: 1-128-15)
[PV-KDV:01_024_72] (Jaya)
द्रोणेन वैरं द्रुपदः संस्मरन्न शशाम ह । क्षात्रेण च बलेनास्य नापश्यत्स पराजयम् ॥BORI: १-१२८-१६॥
drōṇēna vairaṁ drupadaḥ saṁsmaranna śaśāma ha । kṣātrēṇa ca balēnāsya nāpaśyatsa parājayam ॥BORI: 1-128-16॥
Drupada did not grow calm as he recalled his enmity with Drona, and he saw no way to defeat him by Kshatriya might. (BORI: 1-128-16)
[PV-KDV:01_024_73] (Jaya)
हीनं विदित्वा चात्मानं ब्राह्मणेन बलेन च । पुत्रजन्म परीप्सन्वै स राजा तदधारयत् । अहिच्छत्रं च विषयं द्रोणः समभिपद्यत ॥BORI: १-१२८-१७॥
hīnaṁ viditvā cātmānaṁ brāhmaṇēna balēna ca । putrajanma parīpsanvai sa rājā tadadhārayat । ahicchatraṁ ca viṣayaṁ drōṇaḥ samabhipadyata ॥BORI: 1-128-17॥
Knowing himself deficient in brahminical power and longing for the birth of a son, the king resolved upon this. Drona took possession of the territory of Ahicchatra. (BORI: 1-128-17)
[PV-KDV:01_024_74] (Jaya)
एवं राजन्नहिच्छत्रा पुरी जनपदायुता । युधि निर्जित्य पार्थेन द्रोणाय प्रतिपादिता ॥BORI: १-१२८-१८॥
ēvaṁ rājannahicchatrā purī janapadāyutā । yudhi nirjitya pārthēna drōṇāya pratipāditā ॥BORI: 1-128-18॥
Thus, O king, the city of Ahicchatra, together with its territory, was conquered in battle by Partha and handed over to Drona. (BORI: 1-128-18)
[PV-KDV:01_024_75] (Jaya)