Chapter 10: Janamejaya asks for the lineage of Pūru, and Vaiśampāyana traces successive rulers through Bharata, Bhumanyu, Ajamīḍha, Saṃvaraṇa and Kuru to Pratīpa and Śantanu. The chapter also contains supplementary genealogical variants and increasingly expansive accounts of royal sacrifices, prosperity and gifts.
भगवञ्श्रोतुमिच्छामि पूरोर्वंशकरान्नृपान्। यद्वीर्या यादृशाश्चैव यावन्तो यत्पराक्रमाः ॥BORI: ०१-८९-१॥
bhagavañśrōtumicchāmi pūrōrvaṁśakarānnr̥pān। yadvīryā yādr̥śāścaiva yāvantō yatparākramāḥ ॥BORI: 01-89-1॥
Blessed sir, I wish to hear about the kings who carried on Puru’s line—how mighty they were, what they were like, how many there were, and what feats of valor they performed. (BORI: 01-89-1)
[PV-OTH:01_010_1]
न ह्यस्मिञ्शीलहीनो वा निर्वीर्यो वा नराधिपः। प्रजाविरहितो वापि भूतपूर्वः कदाचन ॥BORI: ०१-८९-२॥
na hyasmiñśīlahīnō vā nirvīryō vā narādhipaḥ। prajāvirahitō vāpi bhūtapūrvaḥ kadācana ॥BORI: 01-89-2॥
For in this lineage there has never been a king who lacked character or valor, or who was without offspring. (BORI: 01-89-2)
[PV-OTH:01_010_2]
तेषां प्रथितवृत्तानां राज्ञां विज्ञानशालिनाम्। चरितं श्रोतुमिच्छामि विस्तरेण तपोधन ॥BORI: ०१-८९-३॥
tēṣāṁ prathitavr̥ttānāṁ rājñāṁ vijñānaśālinām। caritaṁ śrōtumicchāmi vistarēṇa tapōdhana ॥BORI: 01-89-3॥
O treasure of asceticism, I wish to hear in detail the deeds of those renowned and wise kings. (BORI: 01-89-3)
[PV-OTH:01_010_3]
हन्त ते कथयिष्यामि यन्मां त्वं परिपृच्छसि। पूरोर्वंशधरान्वीराञ्शक्रप्रतिमतेजसः ॥BORI: ०१-८९-४॥
hanta tē kathayiṣyāmi yanmāṁ tvaṁ paripr̥cchasi। pūrōrvaṁśadharānvīrāñśakrapratimatējasaḥ ॥BORI: 01-89-4॥
Very well, I shall tell you what you have asked me about—the heroic descendants of Puru, whose splendor equaled Shakra’s. (BORI: 01-89-4)
[PV-OTH:01_010_4]
प्रवीरेश्वररौद्राश्वास्त्रयः पुत्रा महारथाः। पूरोः पौष्ट्यामजायन्त प्रवीरस्तत्र वंशकृत् ॥BORI: ०१-८९-५॥
pravīrēśvararaudrāśvāstrayaḥ putrā mahārathāḥ। pūrōḥ pauṣṭyāmajāyanta pravīrastatra vaṁśakr̥t ॥BORI: 01-89-5॥
Puru had three sons by Paushti—Pravira, Ishvara, and Raudrashva—all mighty chariot-warriors. Of these, Pravira continued the lineage. (BORI: 01-89-5)
[PV-OTH:01_010_5]
मनस्युरभवत्तस्माच्छूरः श्येनीसुतः प्रभुः। पृथिव्याश्चतुरन्ताया गोप्ता राजीवलोचनः ॥BORI: ०१-८९-६॥
manasyurabhavattasmācchūraḥ śyēnīsutaḥ prabhuḥ। pr̥thivyāścaturantāyā gōptā rājīvalōcanaḥ ॥BORI: 01-89-6॥
To him and Śyenī was born Manasyu, a valiant, lotus-eyed lord and protector of the earth bounded by the four quarters. (BORI: 01-89-6)
[PV-OTH:01_010_6]
सुभ्रूः संहननो वाग्मी सौवीरीतनयास्त्रयः। मनस्योरभवन्पुत्राः शूराः सर्वे महारथाः ॥BORI: ०१-८९-७॥
subhrūḥ saṁhananō vāgmī sauvīrītanayāstrayaḥ। manasyōrabhavanputrāḥ śūrāḥ sarvē mahārathāḥ ॥BORI: 01-89-7॥
Subhru, Samhanana, and Vagmin, the three sons of Sauviri, were Manasyu’s sons; all were brave and mighty chariot-warriors. (BORI: 01-89-7)
[PV-OTH:01_010_7]
रौद्राश्वस्य महेष्वासा दशाप्सरसि सूनवः। यज्वानो जज्ञिरे शूराः प्रजावन्तो बहुश्रुताः । सर्वे सर्वास्त्रविद्वांसः सर्वे धर्मपरायणाः ॥BORI: ०१-८९-८॥
raudrāśvasya mahēṣvāsā daśāpsarasi sūnavaḥ। yajvānō jajñirē śūrāḥ prajāvantō bahuśrutāḥ । sarvē sarvāstravidvāṁsaḥ sarvē dharmaparāyaṇāḥ ॥BORI: 01-89-8॥
Raudrashva had ten sons by an apsaras. They were great archers, performers of sacrifices, heroes blessed with offspring, and men of great learning. All were skilled in every weapon and devoted to righteousness. (BORI: 01-89-8)
[PV-OTH:01_010_8]
ऋचेपुरथ कक्षेपुः कृकणेपुश्च वीर्यवान्। स्थण्डिलेपुर्वनेपुश्च स्थलेपुश्च महारथः ॥BORI: ०१-८९-९॥
r̥cēpuratha kakṣēpuḥ kr̥kaṇēpuśca vīryavān। sthaṇḍilēpurvanēpuśca sthalēpuśca mahārathaḥ ॥BORI: 01-89-9॥
Ṛcepu, then Kakṣepu, the valiant Kṛkaṇepu, Sthaṇḍilepu, Vanepu, and Sthalepu, a great chariot-warrior... (BORI: 01-89-9)
[PV-OTH:01_010_9]
तेजेपुर्बलवान्धीमान्सत्येपुश्चेन्द्रविक्रमः। धर्मेपुः संनतेपुश्च दशमो देवविक्रमः । अनाधृष्टिसुतास्तात राजसूयाश्वमेधिनः ॥BORI: ०१-८९-१०॥
tējēpurbalavāndhīmānsatyēpuścēndravikramaḥ। dharmēpuḥ saṁnatēpuśca daśamō dēvavikramaḥ । anādhr̥ṣṭisutāstāta rājasūyāśvamēdhinaḥ ॥BORI: 01-89-10॥
Tejepu, strong and wise; Satyepu, whose prowess equaled Indra’s; Dharmepu; and Sannatepu, the tenth, whose prowess equaled a god’s. Dear one, these sons of Anadhrishti performed the Rajasuya and Ashvamedha sacrifices. (BORI: 01-89-10)
[PV-OTH:01_010_10]
मतिनारस्ततो राजा विद्वांश्चर्चेपुतोऽभवत्। मतिनारसुता राजंश्चत्वारोऽमितविक्रमाः । तंसुर्महानतिरथो द्रुह्युश्चाप्रतिमद्युतिः ॥BORI: ०१-८९-११॥
matinārastatō rājā vidvāṁścarcēputō’bhavat। matinārasutā rājaṁścatvārō’mitavikramāḥ । taṁsurmahānatirathō druhyuścāpratimadyutiḥ ॥BORI: 01-89-11॥
Then the learned King Matinara was born as Richeyu’s son. Matinara had four sons of boundless valor, O king: Tansu, Mahan, Atiratha, and Druhyu, who was of incomparable splendor. (BORI: 01-89-11)
[PV-OTH:01_010_11]
तेषां तंसुर्महावीर्यः पौरवं वंशमुद्वहन्। आजहार यशो दीप्तं जिगाय च वसुन्धराम् ॥BORI: ०१-८९-१२॥
tēṣāṁ taṁsurmahāvīryaḥ pauravaṁ vaṁśamudvahan। ājahāra yaśō dīptaṁ jigāya ca vasundharām ॥BORI: 01-89-12॥
Of these, Tansu, a mighty hero who upheld the Paurava lineage, won brilliant renown and conquered the earth. (BORI: 01-89-12)
[PV-OTH:01_010_12]
इलिनं तु सुतं तंसुर्जनयामास वीर्यवान्। सोऽपि कृत्स्नामिमां भूमिं विजिग्ये जयतां वरः ॥BORI: ०१-८९-१३॥
ilinaṁ tu sutaṁ taṁsurjanayāmāsa vīryavān। sō’pi kr̥tsnāmimāṁ bhūmiṁ vijigyē jayatāṁ varaḥ ॥BORI: 01-89-13॥
The valiant Tansu fathered a son named Ilina. He too, foremost of conquerors, subdued this entire earth. (BORI: 01-89-13)
[PV-OTH:01_010_13]
रथन्तर्यां सुतान्पञ्च पञ्चभूतोपमांस्ततः। इलिनो जनयामास दुःषन्तप्रभृतीन्नृप ॥BORI: ०१-८९-१४॥
rathantaryāṁ sutānpañca pañcabhūtōpamāṁstataḥ। ilinō janayāmāsa duḥṣantaprabhr̥tīnnr̥pa ॥BORI: 01-89-14॥
Then Ilina fathered five sons by Rathantari, comparable to the five elements and headed by Duhshanta, O king. (BORI: 01-89-14)
[PV-OTH:01_010_14]
दुःषन्तं शूरभीमौ च प्रपूर्वं वसुमेव च। तेषां ज्येष्ठोऽभवद्राजा दुःषन्तो जनमेजय ॥BORI: ०१-८९-१५॥
duḥṣantaṁ śūrabhīmau ca prapūrvaṁ vasumēva ca। tēṣāṁ jyēṣṭhō’bhavadrājā duḥṣantō janamējaya ॥BORI: 01-89-15॥
Duḥṣanta, Śūra, Bhīma, Pravasu, and Vasu. Of these, the eldest, Duḥṣanta, became king, O Janamejaya. (BORI: 01-89-15)
[PV-OTH:01_010_15]
दुःषन्ताद्भरतो जज्ञे विद्वाञ्शाकुन्तलो नृपः। तस्माद्भरतवंशस्य विप्रतस्थे महद्यशः ॥BORI: ०१-८९-१६॥
duḥṣantādbharatō jajñē vidvāñśākuntalō nr̥paḥ। tasmādbharatavaṁśasya vipratasthē mahadyaśaḥ ॥BORI: 01-89-16॥
From Duḥṣanta was born the learned king Bharata, son of Śakuntalā. From him the great fame of Bharata’s lineage spread abroad. (BORI: 01-89-16)
[PV-OTH:01_010_16]
भरतस्तिसृषु स्त्रीषु नव पुत्रानजीजनत्। नाभ्यनन्दन्त तान्राजा नानुरूपा ममेत्युत ॥BORI: ०१-८९-१७॥
bharatastisr̥ṣu strīṣu nava putrānajījanat। nābhyanandanta tānrājā nānurūpā mamētyuta ॥BORI: 01-89-17॥
Bharata fathered nine sons by three wives, but the king did not approve of them, saying, “They are not worthy of me.” (BORI: 01-89-17)
[PV-OTH:01_010_17]
ततो महद्भिः क्रतुभिरीजानो भरतस्तदा। लेभे पुत्रं भरद्वाजाद्भुमन्युं नाम भारत ॥BORI: ०१-८९-१८॥
tatō mahadbhiḥ kratubhirījānō bharatastadā। lēbhē putraṁ bharadvājādbhumanyuṁ nāma bhārata ॥BORI: 01-89-18॥
Then Bharata performed great sacrifices and obtained from Bharadvaja a son named Bhumanyu, O descendant of Bharata. (BORI: 01-89-18)
[PV-OTH:01_010_18]
ततः पुत्रिणमात्मानं ज्ञात्वा पौरवनन्दनः। भुमन्युं भरतश्रेष्ठ यौवराज्येऽभ्यषेचयत् ॥BORI: ०१-८९-१९॥
tataḥ putriṇamātmānaṁ jñātvā pauravanandanaḥ। bhumanyuṁ bharataśrēṣṭha yauvarājyē’bhyaṣēcayat ॥BORI: 01-89-19॥
Then, knowing that he now had a son, the delight of the Paurava line consecrated Bhumanyu as crown prince, O best of the Bharatas. (BORI: 01-89-19)
[PV-OTH:01_010_19]
ततस्तस्य महीन्द्रस्य वितथः पुत्रकोऽभवत्। ततः स वितथो नाम भुमन्योरभवत्सुतः ॥BORI: ०१-८९-२०॥
tatastasya mahīndrasya vitathaḥ putrakō’bhavat। tataḥ sa vitathō nāma bhumanyōrabhavatsutaḥ ॥BORI: 01-89-20॥
Then Vitatha became the son of that great king. Thus he became Bhumanyu’s son, named Vitatha. (BORI: 01-89-20)
[PV-OTH:01_010_20]
सुहोत्रश्च सुहोता च सुहविः सुयजुस्तथा। पुष्करिण्यामृचीकस्य भुमन्योरभवन्सुताः ॥BORI: ०१-८९-२१॥
suhōtraśca suhōtā ca suhaviḥ suyajustathā। puṣkariṇyāmr̥cīkasya bhumanyōrabhavansutāḥ ॥BORI: 01-89-21॥
Suhotra, Suhotā, Suhavis, and Suyajus were Bhumanyu’s sons by Puṣkariṇī, daughter of Ṛcīka. (BORI: 01-89-21)
[PV-OTH:01_010_21]
तेषां ज्येष्ठः सुहोत्रस्तु राज्यमाप महीक्षिताम्। राजसूयाश्वमेधाद्यैः सोऽयजद्बहुभिः सवैः ॥BORI: ०१-८९-२२॥
tēṣāṁ jyēṣṭhaḥ suhōtrastu rājyamāpa mahīkṣitām। rājasūyāśvamēdhādyaiḥ sō’yajadbahubhiḥ savaiḥ ॥BORI: 01-89-22॥
The eldest of them, Suhotra, gained sovereignty over the rulers of the earth. He performed many sacrifices, beginning with the Rajasuya and the Ashvamedha. (BORI: 01-89-22)
[PV-OTH:01_010_22]
सुहोत्रः पृथिवीं सर्वां बुभुजे सागराम्बराम्। पूर्णां हस्तिगवाश्वस्य बहुरत्नसमाकुलाम् ॥BORI: ०१-८९-२३॥
suhōtraḥ pr̥thivīṁ sarvāṁ bubhujē sāgarāmbarām। pūrṇāṁ hastigavāśvasya bahuratnasamākulām ॥BORI: 01-89-23॥
Suhotra ruled the entire earth, girdled by the ocean, abounding in elephants, cattle, and horses and teeming with many treasures. (BORI: 01-89-23)
[PV-OTH:01_010_23]
ममज्जेव मही तस्य भूरिभारावपीडिता। हस्त्यश्वरथसम्पूर्णा मनुष्यकलिला भृशम् ॥BORI: ०१-८९-२४॥
mamajjēva mahī tasya bhūribhārāvapīḍitā। hastyaśvarathasampūrṇā manuṣyakalilā bhr̥śam ॥BORI: 01-89-24॥
His land, oppressed by its immense burden, seemed almost to sink, so densely was it thronged with elephants, horses, chariots, and people. (BORI: 01-89-24)
[PV-OTH:01_010_24]
सुहोत्रे राजनि तदा धर्मतः शासति प्रजाः। चैत्ययूपाङ्किता चासीद्भूमिः शतसहस्रशः । प्रवृद्धजनसस्या च सहदेवा व्यरोचत ॥BORI: ०१-८९-२५॥
suhōtrē rājani tadā dharmataḥ śāsati prajāḥ। caityayūpāṅkitā cāsīdbhūmiḥ śatasahasraśaḥ । pravr̥ddhajanasasyā ca sahadēvā vyarōcata ॥BORI: 01-89-25॥
When King Suhotra ruled his subjects according to dharma, the earth was marked by hundreds of thousands of sacred sacrificial posts; thriving in people and crops and attended by the gods, she shone resplendently. (BORI: 01-89-25)
[PV-OTH:01_010_25]
ऐक्ष्वाकी जनयामास सुहोत्रात्पृथिवीपतेः। अजमीढं सुमीढं च पुरुमीढं च भारत ॥BORI: ०१-८९-२६॥
aikṣvākī janayāmāsa suhōtrātpr̥thivīpatēḥ। ajamīḍhaṁ sumīḍhaṁ ca purumīḍhaṁ ca bhārata ॥BORI: 01-89-26॥
The Ikshvaku princess bore King Suhotra three sons: Ajamidha, Sumidha, and Purumidha, O Bharata. (BORI: 01-89-26)
[PV-OTH:01_010_26]
अजमीढो वरस्तेषां तस्मिन्वंशः प्रतिष्ठितः। षट्पुत्रान्सोऽप्यजनयत्तिसृषु स्त्रीषु भारत ॥BORI: ०१-८९-२७॥
ajamīḍhō varastēṣāṁ tasminvaṁśaḥ pratiṣṭhitaḥ। ṣaṭputrānsō’pyajanayattisr̥ṣu strīṣu bhārata ॥BORI: 01-89-27॥
Ajamīḍha was the foremost of them, and the lineage was established in him. He too fathered six sons by three wives, O Bhārata. (BORI: 01-89-27)
[PV-OTH:01_010_27]
ऋक्षं धूमिन्यथो नीली दुःषन्तपरमेष्ठिनौ। केशिन्यजनयज्जह्नुमुभौ च जनरूपिणौ ॥BORI: ०१-८९-२८॥
r̥kṣaṁ dhūminyathō nīlī duḥṣantaparamēṣṭhinau। kēśinyajanayajjahnumubhau ca janarūpiṇau ॥BORI: 01-89-28॥
Dhūminī bore Ṛkṣa; Nīlī bore Duḥṣanta and Parameṣṭhin; and Keśinī bore Jahnu, Jana, and Rūpin. (BORI: 01-89-28)
[PV-OTH:01_010_28]
तथेमे सर्वपाञ्चाला दुःषन्तपरमेष्ठिनोः। अन्वयाः कुशिका राजञ्जह्नोरमिततेजसः ॥BORI: ०१-८९-२९॥
tathēmē sarvapāñcālā duḥṣantaparamēṣṭhinōḥ। anvayāḥ kuśikā rājañjahnōramitatējasaḥ ॥BORI: 01-89-29॥
Thus all these Panchalas are descendants of Duhshanta and Parameshthin, while the Kushikas, O king, are descendants of Jahnu of immeasurable splendor. (BORI: 01-89-29)
[PV-OTH:01_010_29]
जनरूपिणयोर्ज्येष्ठमृक्षमाहुर्जनाधिपम्। ऋक्षात्संवरणो जज्ञे राजन्वंशकरस्तव ॥BORI: ०१-८९-३०॥
janarūpiṇayōrjyēṣṭhamr̥kṣamāhurjanādhipam। r̥kṣātsaṁvaraṇō jajñē rājanvaṁśakarastava ॥BORI: 01-89-30॥
Ṛkṣa, ruler of men, is said to have been the elder of Jana and Rūpiṇa. From Ṛkṣa was born Saṃvaraṇa, O king, who carried on your line. (BORI: 01-89-30)
[PV-OTH:01_010_30]
आर्क्षे संवरणे राजन्प्रशासति वसुन्धराम्। सङ्क्षयः सुमहानासीत्प्रजानामिति शुश्रुमः ॥BORI: ०१-८९-३१॥
ārkṣē saṁvaraṇē rājanpraśāsati vasundharām। saṅkṣayaḥ sumahānāsītprajānāmiti śuśrumaḥ ॥BORI: 01-89-31॥
O king, while Saṃvaraṇa, son of Ṛkṣa, ruled the earth, we have heard that there was a very great loss of life among his subjects. (BORI: 01-89-31)
[PV-OTH:01_010_31]
व्यशीर्यत ततो राष्ट्रं क्षयैर्नानाविधैस्तथा। क्षुन्मृत्युभ्यामनावृष्ट्या व्याधिभिश्च समाहतम् । अभ्यघ्नन्भारतांश्चैव सपत्नानां बलानि च ॥BORI: ०१-८९-३२॥
vyaśīryata tatō rāṣṭraṁ kṣayairnānāvidhaistathā। kṣunmr̥tyubhyāmanāvr̥ṣṭyā vyādhibhiśca samāhatam । abhyaghnanbhāratāṁścaiva sapatnānāṁ balāni ca ॥BORI: 01-89-32॥
Then the realm fell apart under manifold calamities, stricken by famine and death, drought and disease; and the armies of their enemies attacked the Bharatas. (BORI: 01-89-32)
[PV-OTH:01_010_32]
चालयन्वसुधां चैव बलेन चतुरङ्गिणा। अभ्ययात्तं च पाञ्चाल्यो विजित्य तरसा महीम् । अक्षौहिणीभिर्दशभिः स एनं समरेऽजयत् ॥BORI: ०१-८९-३३॥
cālayanvasudhāṁ caiva balēna caturaṅgiṇā। abhyayāttaṁ ca pāñcālyō vijitya tarasā mahīm । akṣauhiṇībhirdaśabhiḥ sa ēnaṁ samarē’jayat ॥BORI: 01-89-33॥
The Panchala king, shaking the earth with his fourfold army, swiftly conquered the land and advanced against him. With ten akshauhinis, he defeated him in battle. (BORI: 01-89-33)
[PV-OTH:01_010_33]
ततः सदारः सामात्यः सपुत्रः ससुहृज्जनः। राजा संवरणस्तस्मात्पलायत महाभयात् ॥BORI: ०१-८९-३४॥
tataḥ sadāraḥ sāmātyaḥ saputraḥ sasuhr̥jjanaḥ। rājā saṁvaraṇastasmātpalāyata mahābhayāt ॥BORI: 01-89-34॥
Then King Saṃvaraṇa, with his wives, ministers, sons, and friends, fled from that great danger. (BORI: 01-89-34)
[PV-OTH:01_010_34]
सिन्धोर्नदस्य महतो निकुञ्जे न्यवसत्तदा। नदीविषयपर्यन्ते पर्वतस्य समीपतः । तत्रावसन्बहून्कालान्भारता दुर्गमाश्रिताः ॥BORI: ०१-८९-३५॥
sindhōrnadasya mahatō nikuñjē nyavasattadā। nadīviṣayaparyantē parvatasya samīpataḥ । tatrāvasanbahūnkālānbhāratā durgamāśritāḥ ॥BORI: 01-89-35॥
He then settled in a thicket by the great river Sindhu, at the edge of the riverlands near a mountain. There the Bharatas lived for many years, taking refuge in a stronghold. (BORI: 01-89-35)
[PV-OTH:01_010_35]
तेषां निवसतां तत्र सहस्रं परिवत्सरान्। अथाभ्यगच्छद्भरतान्वसिष्ठो भगवानृषिः ॥BORI: ०१-८९-३६॥
tēṣāṁ nivasatāṁ tatra sahasraṁ parivatsarān। athābhyagacchadbharatānvasiṣṭhō bhagavānr̥ṣiḥ ॥BORI: 01-89-36॥
After they had lived there for a thousand years, the venerable sage Vasiṣṭha came to the Bharatas. (BORI: 01-89-36)
[PV-OTH:01_010_36]
तमागतं प्रयत्नेन प्रत्युद्गम्याभिवाद्य च। अर्घ्यमभ्याहरंस्तस्मै ते सर्वे भारतास्तदा । निवेद्य सर्वमृषये सत्कारेण सुवर्चसे ॥BORI: ०१-८९-३७॥
tamāgataṁ prayatnēna pratyudgamyābhivādya ca। arghyamabhyāharaṁstasmai tē sarvē bhāratāstadā । nivēdya sarvamr̥ṣayē satkārēṇa suvarcasē ॥BORI: 01-89-37॥
When he arrived, all the Bharatas went out attentively to meet him and saluted him. They then brought him the offering of welcome and, after respectfully relating everything to the radiant sage… (BORI: 01-89-37)
[PV-OTH:01_010_37]
तं समामष्टमीमुष्टं राजा वव्रे स्वयं तदा। पुरोहितो भवान्नोऽस्तु राज्याय प्रयतामहे । ओमित्येवं वसिष्ठोऽपि भारतान्प्रत्यपद्यत ॥BORI: ०१-८९-३८॥
taṁ samāmaṣṭamīmuṣṭaṁ rājā vavrē svayaṁ tadā। purōhitō bhavānnō’stu rājyāya prayatāmahē । ōmityēvaṁ vasiṣṭhō’pi bhāratānpratyapadyata ॥BORI: 01-89-38॥
When he had remained into the eighth year, the king himself chose him, saying, “May you be our priest; we shall strive for the kingdom.” Saying “Om,” Vasiṣṭha assented to the Bharatas. (BORI: 01-89-38)
[PV-OTH:01_010_38]
अथाभ्यषिञ्चत्साम्राज्ये सर्वक्षत्रस्य पौरवम्। विषाणभूतं सर्वस्यां पृथिव्यामिति नः श्रुतम् ॥BORI: ०१-८९-३९॥
athābhyaṣiñcatsāmrājyē sarvakṣatrasya pauravam। viṣāṇabhūtaṁ sarvasyāṁ pr̥thivyāmiti naḥ śrutam ॥BORI: 01-89-39॥
Then he consecrated the Paurava to imperial sovereignty as the foremost of all Kshatriyas throughout the whole earth—or so we have heard. (BORI: 01-89-39)
[PV-OTH:01_010_39]
भरताध्युषितं पूर्वं सोऽध्यतिष्ठत्पुरोत्तमम्। पुनर्बलिभृतश्चैव चक्रे सर्वमहीक्षितः ॥BORI: ०१-८९-४०॥
bharatādhyuṣitaṁ pūrvaṁ sō’dhyatiṣṭhatpurōttamam। punarbalibhr̥taścaiva cakrē sarvamahīkṣitaḥ ॥BORI: 01-89-40॥
He took possession of the finest city, formerly inhabited by Bharata, and once again made all the kings pay tribute. (BORI: 01-89-40)
[PV-OTH:01_010_40]
ततः स पृथिवीं प्राप्य पुनरीजे महाबलः। आजमीढो महायज्ञैर्बहुभिर्भूरिदक्षिणैः ॥BORI: ०१-८९-४१॥
tataḥ sa pr̥thivīṁ prāpya punarījē mahābalaḥ। ājamīḍhō mahāyajñairbahubhirbhūridakṣiṇaiḥ ॥BORI: 01-89-41॥
Then, having regained the earth, the mighty Ajamidha once again performed many great sacrifices with lavish gifts. (BORI: 01-89-41)
[PV-OTH:01_010_41]
ततः संवरणात्सौरी सुषुवे तपती कुरुम्। राजत्वे तं प्रजाः सर्वा धर्मज्ञ इति वव्रिरे ॥BORI: ०१-८९-४२॥
tataḥ saṁvaraṇātsaurī suṣuvē tapatī kurum। rājatvē taṁ prajāḥ sarvā dharmajña iti vavrirē ॥BORI: 01-89-42॥
Then Tapati, daughter of the Sun, bore Kuru to Samvarana. All the people chose him as king, deeming him versed in dharma. (BORI: 01-89-42)
[PV-OTH:01_010_42]
तस्य नाम्नाभिविख्यातं पृथिव्यां कुरुजाङ्गलम्। कुरुक्षेत्रं स तपसा पुण्यं चक्रे महातपाः ॥BORI: ०१-८९-४३॥
tasya nāmnābhivikhyātaṁ pr̥thivyāṁ kurujāṅgalam। kurukṣētraṁ sa tapasā puṇyaṁ cakrē mahātapāḥ ॥BORI: 01-89-43॥
The land of Kurujāṅgala became renowned on earth by his name, and through his austerities that great ascetic made Kurukṣetra holy. (BORI: 01-89-43)
[PV-OTH:01_010_43]
अश्ववन्तमभिष्वन्तं तथा चित्ररथं मुनिम्। जनमेजयं च विख्यातं पुत्रांश्चास्यानुशुश्रुमः । पञ्चैतान्वाहिनी पुत्रान्व्यजायत मनस्विनी ॥BORI: ०१-८९-४४॥
aśvavantamabhiṣvantaṁ tathā citrarathaṁ munim। janamējayaṁ ca vikhyātaṁ putrāṁścāsyānuśuśrumaḥ । pañcaitānvāhinī putrānvyajāyata manasvinī ॥BORI: 01-89-44॥
We have heard that his sons were Ashvavant, Abhishvant, Chitraratha, Muni, and the renowned Janamejaya. The high-minded Vahini bore these five sons. (BORI: 01-89-44)
[PV-OTH:01_010_44]
अभिष्वतः परिक्षित्तु शबलाश्वश्च वीर्यवान्। अभिराजो विराजश्च शल्मलश्च महाबलः ॥BORI: ०१-८९-४५॥
abhiṣvataḥ parikṣittu śabalāśvaśca vīryavān। abhirājō virājaśca śalmalaśca mahābalaḥ ॥BORI: 01-89-45॥
Abhishvant’s sons were Parikshit, the valiant Shabalashva, Abhiraja, Viraja, and the immensely powerful Shalmala… (BORI: 01-89-45)
[PV-OTH:01_010_45]
उच्चैःश्रवा भद्रकारो जितारिश्चाष्टमः स्मृतः। एतेषामन्ववाये तु ख्यातास्ते कर्मजैर्गुणैः ॥BORI: ०१-८९-४६॥
uccaiḥśravā bhadrakārō jitāriścāṣṭamaḥ smr̥taḥ। ētēṣāmanvavāyē tu khyātāstē karmajairguṇaiḥ ॥BORI: 01-89-46॥
Uccaiḥśravas, Bhadrakāra, and Jitāri, who is remembered as the eighth. And in their lineage, those renowned for qualities born of their deeds… (BORI: 01-89-46)
[PV-OTH:01_010_46]
जनमेजयादयः सप्त तथैवान्ये महाबलाः। परिक्षितोऽभवन्पुत्राः सर्वे धर्मार्थकोविदाः ॥BORI: ०१-८९-४७॥
janamējayādayaḥ sapta tathaivānyē mahābalāḥ। parikṣitō’bhavanputrāḥ sarvē dharmārthakōvidāḥ ॥BORI: 01-89-47॥
Parikshit had seven sons—Janamejaya and the others—as well as other mighty sons, all well versed in righteousness and material welfare. (BORI: 01-89-47)
[PV-OTH:01_010_47]
कक्षसेनोग्रसेनौ च चित्रसेनश्च वीर्यवान्। इन्द्रसेनः सुषेणश्च भीमसेनश्च नामतः ॥BORI: ०१-८९-४८॥
kakṣasēnōgrasēnau ca citrasēnaśca vīryavān। indrasēnaḥ suṣēṇaśca bhīmasēnaśca nāmataḥ ॥BORI: 01-89-48॥
Kakshasena and Ugrasena, the valiant Chitrasena, Indrasena, Sushena, and Bhimasena by name. (BORI: 01-89-48)
[PV-OTH:01_010_48]
जनमेजयस्य तनया भुवि ख्याता महाबलाः। धृतराष्ट्रः प्रथमजः पाण्डुर्बाह्लीक एव च ॥BORI: ०१-८९-४९॥
janamējayasya tanayā bhuvi khyātā mahābalāḥ। dhr̥tarāṣṭraḥ prathamajaḥ pāṇḍurbāhlīka ēva ca ॥BORI: 01-89-49॥
Janamejaya’s mighty sons, renowned on earth, were Dhritarashtra, the firstborn, Pandu, and Bahlika... (BORI: 01-89-49)
[PV-OTH:01_010_49]
निषधश्च महातेजास्तथा जाम्बूनदो बली। कुण्डोदरः पदातिश्च वसातिश्चाष्टमः स्मृतः । सर्वे धर्मार्थकुशलाः सर्वे भूतहिते रताः ॥BORI: ०१-८९-५०॥
niṣadhaśca mahātējāstathā jāmbūnadō balī। kuṇḍōdaraḥ padātiśca vasātiścāṣṭamaḥ smr̥taḥ । sarvē dharmārthakuśalāḥ sarvē bhūtahitē ratāḥ ॥BORI: 01-89-50॥
Niṣadha of great splendor, the mighty Jāmbūnada, Kuṇḍodara, Padāti, and Vasāti, who is remembered as the eighth—all were skilled in righteousness and worldly affairs, and all were devoted to the welfare of living beings. (BORI: 01-89-50)
[PV-OTH:01_010_50]
धृतराष्ट्रोऽथ राजासीत्तस्य पुत्रोऽथ कुण्डिकः। हस्ती वितर्कः क्राथश्च कुण्डलश्चापि पञ्चमः । हविःश्रवास्तथेन्द्राभः सुमन्युश्चापराजितः ॥BORI: ०१-८९-५१॥
dhr̥tarāṣṭrō’tha rājāsīttasya putrō’tha kuṇḍikaḥ। hastī vitarkaḥ krāthaśca kuṇḍalaścāpi pañcamaḥ । haviḥśravāstathēndrābhaḥ sumanyuścāparājitaḥ ॥BORI: 01-89-51॥
Dhṛtarāṣṭra was then king. His sons were Kuṇḍika, Hasti, Vitarka, Krātha, Kuṇḍala the fifth, Haviḥśravas, Indrābha, Sumanyu, and Aparājita. (BORI: 01-89-51)
[PV-OTH:01_010_51]
प्रतीपस्य त्रयः पुत्रा जज्ञिरे भरतर्षभ। देवापिः शन्तनुश्चैव बाह्लीकश्च महारथः ॥BORI: ०१-८९-५२॥
pratīpasya trayaḥ putrā jajñirē bharatarṣabha। dēvāpiḥ śantanuścaiva bāhlīkaśca mahārathaḥ ॥BORI: 01-89-52॥
Pratīpa had three sons, bull of the Bharatas: Devāpi, Śantanu, and the mighty chariot-warrior Bāhlīka. (BORI: 01-89-52)
[PV-OTH:01_010_52]
देवापिस्तु प्रवव्राज तेषां धर्मपरीप्सया। शन्तनुश्च महीं लेभे बाह्लीकश्च महारथः ॥BORI: ०१-८९-५३॥
dēvāpistu pravavrāja tēṣāṁ dharmaparīpsayā। śantanuśca mahīṁ lēbhē bāhlīkaśca mahārathaḥ ॥BORI: 01-89-53॥
Of these, Devapi renounced the world in pursuit of righteousness, while Shantanu and the mighty chariot-warrior Bahlika gained kingdoms. (BORI: 01-89-53)
[PV-OTH:01_010_53]
भरतस्यान्वये जाताः सत्त्ववन्तो महारथाः। देवर्षिकल्पा नृपते बहवो राजसत्तमाः ॥BORI: ०१-८९-५४॥
bharatasyānvayē jātāḥ sattvavantō mahārathāḥ। dēvarṣikalpā nr̥patē bahavō rājasattamāḥ ॥BORI: 01-89-54॥
O king, many valiant great chariot-warriors and foremost kings, equal to divine seers, were born in Bharata’s lineage. (BORI: 01-89-54)
[PV-OTH:01_010_54]
एवंविधाश्चाप्यपरे देवकल्पा महारथाः। जाता मनोरन्ववाये ऐलवंशविवर्धनाः ॥BORI: ०१-८९-५५॥
ēvaṁvidhāścāpyaparē dēvakalpā mahārathāḥ। jātā manōranvavāyē ailavaṁśavivardhanāḥ ॥BORI: 01-89-55॥
Other such mighty warriors too, godlike and born in Manu’s lineage, increased the line of Ila. (BORI: 01-89-55)
[PV-OTH:01_010_55]
हन्त ते कथयिष्यामि यन्मां त्वं परिपृच्छसि । पुरोर्वंशधरान्वीराञ्च्छक्रप्रतिमतेजसः । भूरिद्रविणविक्रान्तान्सर्वलक्षणपूजितान् ॥NILA: ०१.०९४.००४॥
hanta tē kathayiṣyāmi yanmāṁ tvaṁ paripr̥cchasi । purōrvaṁśadharānvīrāñcchakrapratimatējasaḥ । bhūridraviṇavikrāntānsarvalakṣaṇapūjitān ॥NILA: 01.094.004॥
Come, I shall tell you what you have asked me: the heroic descendants of Puru, equal to Shakra in splendor, great in wealth and prowess, and distinguished by every auspicious mark. (NILA: 01.094.004)
[PV-SVO:01_010_56]
अन्वग्भानुप्रभृतयो मिश्रकेश्यां मनस्विनः । रौद्राश्वस्य महेष्वासा दशाप्सरसि सूनवः ॥KUMB: १-८८-७; NILA: ०१.०९४.००८॥
anvagbhānuprabhr̥tayō miśrakēśyāṁ manasvinaḥ । raudrāśvasya mahēṣvāsā daśāpsarasi sūnavaḥ ॥KUMB: 1-88-7; NILA: 01.094.008॥
Anvagbhānu and the others were the ten high-minded, mighty bowmen born to Raudrāśva by the apsaras Miśrakeśī. (KUMB: 1-88-7; NILA: 01.094.008)
[PV-SVO:01_010_57]
अनाधृष्टिरभूत्तेषां विद्वान्भुवि तथैकराट् । ऋचेयुरथ विक्रान्तो देवानामिव वासवः ॥KUMB: १-८८-११; NILA: ०१.०९४.०१२॥
anādhr̥ṣṭirabhūttēṣāṁ vidvānbhuvi tathaikarāṭ । r̥cēyuratha vikrāntō dēvānāmiva vāsavaḥ ॥KUMB: 1-88-11; NILA: 01.094.012॥
Among them, Ṛceyu was invincible and learned, the sole sovereign on earth, and as valiant as Vāsava among the gods. (KUMB: 1-88-11; NILA: 01.094.012)
[PV-SVO:01_010_58]
दुष्यन्ताल्लक्षणायां तु जज्ञे वै जनमेजयः । शकुन्तलायां भरतो दौष्यन्तिरभवत्सुतः ॥KUMB: १-८८-१८॥
duṣyantāllakṣaṇāyāṁ tu jajñē vai janamējayaḥ । śakuntalāyāṁ bharatō dauṣyantirabhavatsutaḥ ॥KUMB: 1-88-18॥
Dushyanta fathered Janamejaya by Lakshana, while Bharata, Dushyanta’s son, was born to Shakuntala. (KUMB: 1-88-18)
[PV-SVO:01_010_59]
सोऽश्वमेधशतैरीजे यमुनामनु तीरगः । त्रिशतैश्च सरस्वत्यां गङ्गामनु चतुःशतैः ॥KUMB: १-१०१-६॥
sō’śvamēdhaśatairījē yamunāmanu tīragaḥ । triśataiśca sarasvatyāṁ gaṅgāmanu catuḥśataiḥ ॥KUMB: 1-101-6॥
He performed a hundred horse sacrifices along the Yamuna, three hundred along the Sarasvati, and four hundred along the Ganges. (KUMB: 1-101-6)
[PV-SVO:01_010_60]
दौष्यन्तिर्भरतो यज्ञैरीजे शाकुन्तलो नृपः । तस्माद्भरतवंशस्य विप्रतस्थे महद्यशः ॥KUMB: १-१०१-७॥
dauṣyantirbharatō yajñairījē śākuntalō nr̥paḥ । tasmādbharatavaṁśasya vipratasthē mahadyaśaḥ ॥KUMB: 1-101-7॥
King Bharata, son of Duṣyanta and Śakuntalā, performed sacrifices, and from him the great renown of Bharata’s line spread abroad. (KUMB: 1-101-7)
[PV-SVO:01_010_61]
ततस्तान्मातरः क्रुद्धाः पुत्रान्निन्युर्यमक्षयम् । ततस्तस्य नरेन्द्रस्य वितथं पुत्रजन्म तत् ॥KUMB: १-१०१-९; NILA: ०१.०९४.०२१॥
tatastānmātaraḥ kruddhāḥ putrānninyuryamakṣayam । tatastasya narēndrasya vitathaṁ putrajanma tat ॥KUMB: 1-101-9; NILA: 01.094.021॥
Then, in their anger, the mothers sent those sons to Yama’s abode. Thus the birth of sons to that king proved fruitless. (KUMB: 1-101-9; NILA: 01.094.021)
[PV-SVO:01_010_62]
विदुः संवरणं वीरमृक्षाद्राथन्तरीसुतम् । तथेमे सर्वपञ्चाला दुष्यन्तपरमेष्ठिनोः । अन्वयाः कुशिका राजञ्जन्होरमिततेजसः ॥KUMB: १-१०१-२१॥
viduḥ saṁvaraṇaṁ vīramr̥kṣādrāthantarīsutam । tathēmē sarvapañcālā duṣyantaparamēṣṭhinōḥ । anvayāḥ kuśikā rājañjanhōramitatējasaḥ ॥KUMB: 1-101-21॥
They know the heroic Samvarana, son of Riksha and Rathantari. Likewise, all these Panchalas are descendants of Dushyanta and Parameshthin, while the Kushikas, O king, descend from Jahnu of immeasurable might. (KUMB: 1-101-21)
[PV-SVO:01_010_63]
ते प्रतीचीं पराभूताः प्रपन्ना भारता दिशम् । सिन्धोर्नदस्य महतो निकुञ्जे न्यवसंस्तदा । नदीविपयपर्यन्ते पर्वतस्य समीपतः ॥KUMB: १-१०१-२८॥
tē pratīcīṁ parābhūtāḥ prapannā bhāratā diśam । sindhōrnadasya mahatō nikuñjē nyavasaṁstadā । nadīvipayaparyantē parvatasya samīpataḥ ॥KUMB: 1-101-28॥
Defeated, those Bharatas took refuge in the west and then settled in a secluded place by the great river Sindhu, at the edge of the river country near a mountain. (KUMB: 1-101-28)
[PV-SVO:01_010_64]
राजत्वे तं प्रजाः सर्वा धर्मज्ञ इति वव्रिरे । महिम्ना तस्य कुरवो लेभिरे प्रत्ययं भृशम् । तस्य नाम्नाऽभिविख्यातं पृथिव्यां कुरुजाङ्गलं ॥KUMB: १-१०१-३७॥
rājatvē taṁ prajāḥ sarvā dharmajña iti vavrirē । mahimnā tasya kuravō lēbhirē pratyayaṁ bhr̥śam । tasya nāmnā’bhivikhyātaṁ pr̥thivyāṁ kurujāṅgalaṁ ॥KUMB: 1-101-37॥
All the subjects chose him as king, regarding him as one who knew dharma. Through his greatness, the Kurus gained great renown, and Kurujangala became famous throughout the earth under his name. (KUMB: 1-101-37)
[PV-SVO:01_010_65]
हविश्रवास्तथेन्द्राभो भुमन्युश्चापराजितः । धृतराष्ट्रसुतानां तु त्रीनेतान्प्रथितान्भुवि ॥KUMB: १-१०१-४७; NILA: ०१.०९४.०५९॥
haviśravāstathēndrābhō bhumanyuścāparājitaḥ । dhr̥tarāṣṭrasutānāṁ tu trīnētānprathitānbhuvi ॥KUMB: 1-101-47; NILA: 01.094.059॥
also Haviśravas, Indrābha, Bhūmanyu, and Aparājita. But among Dhṛtarāṣṭra’s sons, these three were renowned on earth: (KUMB: 1-101-47; NILA: 01.094.059)
[PV-SVO:01_010_66]
प्रतीपं धर्मनेत्रं च सुनेत्रं चापि भारत । प्रतीपः प्रथितस्तेषां बभूवाप्रतिमो भुवि ॥KUMB: १-१०१-४८; NILA: ०१.०९४.०६०॥
pratīpaṁ dharmanētraṁ ca sunētraṁ cāpi bhārata । pratīpaḥ prathitastēṣāṁ babhūvāpratimō bhuvi ॥KUMB: 1-101-48; NILA: 01.094.060॥
Pratipa, Dharmanetra, and Sunetra as well, O Bharata. Among them, Pratipa became renowned and unequalled on earth. (KUMB: 1-101-48; NILA: 01.094.060)
[PV-SVO:01_010_67]
गङ्गातीरं समागम्य दीक्षितो जनमेजय । अश्वमेधसहस्राणि वाजपेयशतानि च ॥KUMB: १-१०१-५३॥
gaṅgātīraṁ samāgamya dīkṣitō janamējaya । aśvamēdhasahasrāṇi vājapēyaśatāni ca ॥KUMB: 1-101-53॥
Having reached the bank of the Ganges and undergone consecration, O Janamejaya—a thousand horse sacrifices and a hundred Vajapeya sacrifices… (KUMB: 1-101-53)
[PV-SVO:01_010_68]
पुनरीजे महायज्ञैः समाप्तवरदक्षिणैः । अग्निष्टोमातिरात्राणामुक्थानां सोमवत्पुनः ॥KUMB: १-१०१-५४॥
punarījē mahāyajñaiḥ samāptavaradakṣiṇaiḥ । agniṣṭōmātirātrāṇāmukthānāṁ sōmavatpunaḥ ॥KUMB: 1-101-54॥
Time and again, like Soma, he performed great sacrifices at which the excellent sacrificial fees were paid in full—Agniṣṭomas, Atirātras, and Ukthas... (KUMB: 1-101-54)
[PV-SVO:01_010_69]
वाजपेयेष्टिसत्राणां सहस्रैश्च सुसंभृतैः । दृष्ट्वा शाकुन्तलो राजा तर्पयित्वा द्विजान्धनैः ॥KUMB: १-१०१-५५॥
vājapēyēṣṭisatrāṇāṁ sahasraiśca susaṁbhr̥taiḥ । dr̥ṣṭvā śākuntalō rājā tarpayitvā dvijāndhanaiḥ ॥KUMB: 1-101-55॥
and with thousands of lavishly provisioned Vājapeya sacrifices, iṣṭi rites, and sacrificial sessions; having seen the twice-born and satisfied them with wealth, the king, Śakuntalā’s son… (KUMB: 1-101-55)
[PV-SVO:01_010_70]
पुनः सहस्रं पद्मानां कण्वाय भरतो ददौ । जम्बूनदस्य शुद्धस्य कनकस्य महायशाः ॥KUMB: १-१०१-५६॥
punaḥ sahasraṁ padmānāṁ kaṇvāya bharatō dadau । jambūnadasya śuddhasya kanakasya mahāyaśāḥ ॥KUMB: 1-101-56॥
The illustrious Bharata then gave Kanva another thousand padmas of pure Jambunada gold. (KUMB: 1-101-56)
[PV-SVO:01_010_71]
यस्य यूपाः शतव्यामाः परिणाहेऽथ काञ्चनाः । सहस्रव्याममुद्वृद्धाः सेन्द्रैर्देवैः समुच्छ्रिताः ॥KUMB: १-१०१-५७॥
yasya yūpāḥ śatavyāmāḥ pariṇāhē’tha kāñcanāḥ । sahasravyāmamudvr̥ddhāḥ sēndrairdēvaiḥ samucchritāḥ ॥KUMB: 1-101-57॥
whose golden sacrificial posts, a hundred vyamas in circumference and rising a thousand vyamas high, were erected by the gods, including Indra… (KUMB: 1-101-57)
[PV-SVO:01_010_72]
स्वलङ्कृता भ्राजमानाः सर्वरत्नैर्मनोरमैः । हिरण्यं द्विरदानश्वान्महिषोष्ट्रगजाविकम् ॥KUMB: १-१०१-५८॥
svalaṅkr̥tā bhrājamānāḥ sarvaratnairmanōramaiḥ । hiraṇyaṁ dviradānaśvānmahiṣōṣṭragajāvikam ॥KUMB: 1-101-58॥
beautifully adorned and gleaming with every kind of lovely jewel; gold, tuskers, horses, buffaloes, camels, elephants, and sheep… (KUMB: 1-101-58)
[PV-SVO:01_010_73]
दासीदासं धनं धान्यं गाः सुशीलाः सवत्सकाः । भूमिं यूपसहस्राङ्कां कण्वाय बहुदक्षिणाम् ॥KUMB: १-१०१-५९॥
dāsīdāsaṁ dhanaṁ dhānyaṁ gāḥ suśīlāḥ savatsakāḥ । bhūmiṁ yūpasahasrāṅkāṁ kaṇvāya bahudakṣiṇām ॥KUMB: 1-101-59॥
female and male slaves, wealth and grain, docile cows with their calves, and land marked by a thousand sacrificial posts and rich in sacrificial gifts, for Kanva… (KUMB: 1-101-59)
[PV-SVO:01_010_74]
बहूनां ब्रह्मकल्पानां धनं दत्त्वा क्रतून्बहून् । ग्रामान्गृहाणि शुभ्राणि कोटिशोथाददत्तदा ॥KUMB: १-१०१-६०॥
bahūnāṁ brahmakalpānāṁ dhanaṁ dattvā kratūnbahūn । grāmāngr̥hāṇi śubhrāṇi kōṭiśōthādadattadā ॥KUMB: 1-101-60॥
Having given wealth to many men equal to Brahmā at numerous sacrifices, he then gave away villages and splendid houses by the crore. (KUMB: 1-101-60)
[PV-SVO:01_010_75]
श्रुतस्त्वत्तो मया विप्र पूर्वेषां सम्भवो महान्।उदाराश्चापि वंशेऽस्मिन्राजानो मे परिश्रुताः ॥BORI: ०१-९०-१॥
śrutastvattō mayā vipra pūrvēṣāṁ sambhavō mahān।udārāścāpi vaṁśē’sminrājānō mē pariśrutāḥ ॥BORI: 01-90-1॥
I have heard from you, Brahmin, the great origin of my ancestors, and I have also learned of the noble kings in this lineage. (BORI: 01-90-1)
[PV-OTH:01_010_76]
किं तु लघ्वर्थसंयुक्तं प्रियाख्यानं न मामति।प्रीणात्यतो भवान्भूयो विस्तरेण ब्रवीतु मे ॥BORI: ०१-९०-२॥
kiṁ tu laghvarthasaṁyuktaṁ priyākhyānaṁ na māmati।prīṇātyatō bhavānbhūyō vistarēṇa bravītu mē ॥BORI: 01-90-2॥
Yet a pleasing account told only briefly does not fully satisfy me. Therefore, please tell it to me again in detail. (BORI: 01-90-2)
[PV-OTH:01_010_77]
एतामेव कथां दिव्यामा प्रजापतितो मनोः।तेषामाजननं पुण्यं कस्य न प्रीतिमावहेत् ॥BORI: ०१-९०-३॥
ētāmēva kathāṁ divyāmā prajāpatitō manōḥ।tēṣāmājananaṁ puṇyaṁ kasya na prītimāvahēt ॥BORI: 01-90-3॥
This very divine tale, from Prajāpati through Manu... Whom would their sacred birth not delight? (BORI: 01-90-3)
[PV-OTH:01_010_78]
सद्धर्मगुणमाहात्म्यैरभिवर्धितमुत्तमम्।विष्टभ्य लोकांस्त्रीनेषां यशः स्फीतमवस्थितम् ॥BORI: ०१-९०-४॥
saddharmaguṇamāhātmyairabhivardhitamuttamam।viṣṭabhya lōkāṁstrīnēṣāṁ yaśaḥ sphītamavasthitam ॥BORI: 01-90-4॥
Their supreme fame, enhanced by their true dharma, virtues, and greatness, has grown vast and stands encompassing the three worlds. (BORI: 01-90-4)
[PV-OTH:01_010_79]
गुणप्रभाववीर्यौजःसत्त्वोत्साहवतामहम्।न तृप्यामि कथां शृण्वन्नमृतास्वादसंमिताम् ॥BORI: ०१-९०-५॥
guṇaprabhāvavīryaujaḥsattvōtsāhavatāmaham।na tr̥pyāmi kathāṁ śr̥ṇvannamr̥tāsvādasaṁmitām ॥BORI: 01-90-5॥
I am never sated as I listen to the nectar-like tale of those endowed with virtue, power, valor, vigor, courage, and energy. (BORI: 01-90-5)
[PV-OTH:01_010_80]
शृणु राजन् पुरा सम्यङ् मया द्वैपायनात् श्रुतम्। प्रोच्यमानम् इदं कृत्स्नं स्ववंशजननं शुभम् ॥BORI: ०१-९०-६॥
śr̥ṇu rājan purā samyaṅ mayā dvaipāyanāt śrutam। prōcyamānam idaṁ kr̥tsnaṁ svavaṁśajananaṁ śubham ॥BORI: 01-90-6॥
Listen, O king, to this complete and auspicious account of the origin of your lineage, as I heard it long ago from Dvaipayana. (BORI: 01-90-6)
[PV-OTH:01_010_81]
दक्षस्यादितिः।अदितेर्विवस्वान्।विवस्वतो मनुः।मनोरिला।इलायाः पुरूरवाः।पुरूरवस आयुः।आयुषो नहुषः।नहुषस्य ययातिः ॥BORI: ०१-९०-००७॥
dakṣasyāditiḥ।aditērvivasvān।vivasvatō manuḥ।manōrilā।ilāyāḥ purūravāḥ।purūravasa āyuḥ।āyuṣō nahuṣaḥ।nahuṣasya yayātiḥ ॥BORI: 01-90-007॥
From Daksha came Aditi; from Aditi, Vivasvat; from Vivasvat, Manu; from Manu, Ila; from Ila, Pururavas; from Pururavas, Ayus; from Ayus, Nahusha; and from Nahusha, Yayati. (BORI: 01-90-007)
[PV-OTH:01_010_82]
ययातेर्द्वे भार्ये बभूवतुः।उशनसो दुहिता देवयानी वृषपर्वणश्च दुहिता शर्मिष्ठा नाम।अत्रानुवंशो भवति ॥BORI: ०१-९०-००८॥
yayātērdvē bhāryē babhūvatuḥ।uśanasō duhitā dēvayānī vr̥ṣaparvaṇaśca duhitā śarmiṣṭhā nāma।atrānuvaṁśō bhavati ॥BORI: 01-90-008॥
Yayati had two wives: Devayani, the daughter of Ushanas, and Sharmishtha, the daughter of Vrishaparvan. Here follows the genealogical verse: (BORI: 01-90-008)
[PV-OTH:01_010_83]
यदुं च तुर्वसुं चैव देवयानी व्यजायत।द्रुह्युं चानुं च पूरुं च शर्मिष्ठा वार्षपर्वणी ॥BORI: ०१-९०-९॥
yaduṁ ca turvasuṁ caiva dēvayānī vyajāyata।druhyuṁ cānuṁ ca pūruṁ ca śarmiṣṭhā vārṣaparvaṇī ॥BORI: 01-90-9॥
Devayani bore Yadu and Turvasu, while Sharmishtha, the daughter of Vrishaparvan, bore Druhyu, Anu, and Puru. (BORI: 01-90-9)
[PV-OTH:01_010_84]
तत्र यदोर्यादवाः।पूरोः पौरवाः ॥BORI: ०१-९०-०१०॥
tatra yadōryādavāḥ।pūrōḥ pauravāḥ ॥BORI: 01-90-010॥
From Yadu came the Yadavas, and from Puru the Pauravas. (BORI: 01-90-010)
[PV-OTH:01_010_85]
पूरोर्भार्या कौसल्या नाम।तस्यामस्य जज्ञे जनमेजयो नाम।यस्त्रीनश्वमेधानाजहार।विश्वजिता चेष्ट्वा वनं प्रविवेश ॥BORI: ०१-९०-०११॥
pūrōrbhāryā kausalyā nāma।tasyāmasya jajñē janamējayō nāma।yastrīnaśvamēdhānājahāra।viśvajitā cēṣṭvā vanaṁ pravivēśa ॥BORI: 01-90-011॥
Puru’s wife was named Kausalya. By her he had a son named Janamejaya, who performed three horse sacrifices. After also performing the Vishvajit sacrifice, he entered the forest. (BORI: 01-90-011)
[PV-OTH:01_010_86]
जनमेजयः खल्वनन्तां नामोपयेमे माधवीम्।तस्यामस्य जज्ञे प्राचिन्वान्।यः प्राचीं दिशं जिगाय यावत्सूर्योदयात्।ततस्तस्य प्राचिन्वत्वम् ॥BORI: ०१-९०-०१२॥
janamējayaḥ khalvanantāṁ nāmōpayēmē mādhavīm।tasyāmasya jajñē prācinvān।yaḥ prācīṁ diśaṁ jigāya yāvatsūryōdayāt।tatastasya prācinvatvam ॥BORI: 01-90-012॥
Janamejaya married Mādhavī, named Anantā. By her he had a son, Prācinvān, who conquered the eastern quarter as far as the sunrise; hence his name Prācinvān. (BORI: 01-90-012)
[PV-OTH:01_010_87]
प्राचिन्वान्खल्वश्मकीमुपयेमे।तस्यामस्य जज्ञे संयातिः ॥BORI: ०१-९०-०१३॥
prācinvānkhalvaśmakīmupayēmē।tasyāmasya jajñē saṁyātiḥ ॥BORI: 01-90-013॥
Prācinvān married Aśmakī. She bore him Saṃyāti. (BORI: 01-90-013)
[PV-OTH:01_010_88]
संयातिः खलु दृषद्वतो दुहितरं वराङ्गीं नामोपयेमे।तस्यामस्य जज्ञे अहम्पातिः ॥BORI: ०१-९०-०१४॥
saṁyātiḥ khalu dr̥ṣadvatō duhitaraṁ varāṅgīṁ nāmōpayēmē।tasyāmasya jajñē ahampātiḥ ॥BORI: 01-90-014॥
Samyati married Drishadvat’s daughter, named Varangi. She bore him Ahampati. (BORI: 01-90-014)
[PV-OTH:01_010_89]
अहम्पातिस्तु खलु कृतवीर्यदुहितरमुपयेमे भानुमतीं नाम।तस्यामस्य जज्ञे सार्वभौमः ॥BORI: ०१-९०-०१५॥
ahampātistu khalu kr̥tavīryaduhitaramupayēmē bhānumatīṁ nāma।tasyāmasya jajñē sārvabhaumaḥ ॥BORI: 01-90-015॥
Ahampati married Kritavirya’s daughter, named Bhanumati. By her he had a son, Sarvabhauma. (BORI: 01-90-015)
[PV-OTH:01_010_90]
सार्वभौमः खलु जित्वाजहार कैकेयीं सुनन्दां नाम।तस्यामस्य जज्ञे जयत्सेनः ॥BORI: ०१-९०-०१६॥
sārvabhaumaḥ khalu jitvājahāra kaikēyīṁ sunandāṁ nāma।tasyāmasya jajñē jayatsēnaḥ ॥BORI: 01-90-016॥
Sārvabhauma conquered and carried off the Kekaya princess Sunandā. She bore him Jayatsena. (BORI: 01-90-016)
[PV-OTH:01_010_91]
जयत्सेनः खलु वैदर्भीमुपयेमे सुषुवां नाम।तस्यामस्य जज्ञे अराचीनः ॥BORI: ०१-९०-०१७॥
jayatsēnaḥ khalu vaidarbhīmupayēmē suṣuvāṁ nāma।tasyāmasya jajñē arācīnaḥ ॥BORI: 01-90-017॥
Jayatsena married a princess of Vidarbha named Sushuva. By her he had a son, Arachina. (BORI: 01-90-017)
[PV-OTH:01_010_92]
अराचीनोऽपि वैदर्भीमेवापरामुपयेमे मर्यादां नाम।तस्यामस्य जज्ञे महाभौमः ॥BORI: ०१-९०-०१८॥
arācīnō’pi vaidarbhīmēvāparāmupayēmē maryādāṁ nāma।tasyāmasya jajñē mahābhaumaḥ ॥BORI: 01-90-018॥
Arācīna too married another princess of Vidarbha, named Maryādā. By her he had a son, Mahābhauma. (BORI: 01-90-018)
[PV-OTH:01_010_93]
महाभौमः खलु प्रासेनजितीमुपयेमे सुयज्ञां नाम।तस्यामस्य जज्ञे अयुतनायी।यः पुरुषमेधानामयुतमानयत्।तदस्यायुतनायित्वम् ॥BORI: ०१-९०-०१९॥
mahābhaumaḥ khalu prāsēnajitīmupayēmē suyajñāṁ nāma।tasyāmasya jajñē ayutanāyī।yaḥ puruṣamēdhānāmayutamānayat।tadasyāyutanāyitvam ॥BORI: 01-90-019॥
Mahabhauma married Suyajna, the daughter of Prasenajit. She bore him Ayutanayin, who performed ten thousand human sacrifices; hence his name Ayutanayin. (BORI: 01-90-019)
[PV-OTH:01_010_94]
अयुतनायी खलु पृथुश्रवसो दुहितरमुपयेमे भासां नाम।तस्यामस्य जज्ञे अक्रोधनः ॥BORI: ०१-९०-०२०॥
ayutanāyī khalu pr̥thuśravasō duhitaramupayēmē bhāsāṁ nāma।tasyāmasya jajñē akrōdhanaḥ ॥BORI: 01-90-020॥
Ayutanayin married Prithushravas’s daughter, named Bhasa. She bore him Akrodhana. (BORI: 01-90-020)
[PV-OTH:01_010_95]
अक्रोधनः खलु कालिङ्गीं करण्डुं नामोपयेमे।तस्यामस्य जज्ञे देवातिथिः ॥BORI: ०१-९०-०२१॥
akrōdhanaḥ khalu kāliṅgīṁ karaṇḍuṁ nāmōpayēmē।tasyāmasya jajñē dēvātithiḥ ॥BORI: 01-90-021॥
Akrodhana married the Kalinga princess named Karandu. By her he had a son, Devatithi. (BORI: 01-90-021)
[PV-OTH:01_010_96]
देवातिथिः खलु वैदेहीमुपयेमे मर्यादां नाम।तस्यामस्य जज्ञे ऋचः ॥BORI: ०१-९०-०२२॥
dēvātithiḥ khalu vaidēhīmupayēmē maryādāṁ nāma।tasyāmasya jajñē r̥caḥ ॥BORI: 01-90-022॥
Devatithi married the Vaidehi princess named Maryada. By her he had a son, Richa. (BORI: 01-90-022)
[PV-OTH:01_010_97]
ऋचः खल्वाङ्गेयीमुपयेमे सुदेवां नाम।तस्यां पुत्रमजनयदृक्षम् ॥BORI: ०१-९०-०२३॥
r̥caḥ khalvāṅgēyīmupayēmē sudēvāṁ nāma।tasyāṁ putramajanayadr̥kṣam ॥BORI: 01-90-023॥
Ṛca married an Āṅgeya woman named Sudevā. By her he fathered a son, Ṛkṣa. (BORI: 01-90-023)
[PV-OTH:01_010_98]
ऋक्षः खलु तक्षकदुहितरमुपयेमे ज्वालां नाम।तस्यां पुत्रं मतिनारं नामोत्पादयामास ॥BORI: ०१-९०-०२४॥
r̥kṣaḥ khalu takṣakaduhitaramupayēmē jvālāṁ nāma।tasyāṁ putraṁ matināraṁ nāmōtpādayāmāsa ॥BORI: 01-90-024॥
Ṛkṣa married Takṣaka’s daughter, named Jvālā. By her he fathered a son named Matināra. (BORI: 01-90-024)
[PV-OTH:01_010_99]
मतिनारः खलु सरस्वत्यां द्वादशवार्षिकं सत्रमाजहार ॥BORI: ०१-९०-०२५॥
matināraḥ khalu sarasvatyāṁ dvādaśavārṣikaṁ satramājahāra ॥BORI: 01-90-025॥
Matināra performed a twelve-year sacrificial session on the Sarasvatī. (BORI: 01-90-025)
[PV-OTH:01_010_100]
निवृत्ते च सत्रे सरस्वत्यभिगम्य तं भर्तारं वरयामास।तस्यां पुत्रमजनयत्तंसुं नाम ॥BORI: ०१-९०-०२६॥
nivr̥ttē ca satrē sarasvatyabhigamya taṁ bhartāraṁ varayāmāsa।tasyāṁ putramajanayattaṁsuṁ nāma ॥BORI: 01-90-026॥
After the sacrificial session had ended, Sarasvati approached him and chose him as her husband. He fathered a son by her named Tamsu. (BORI: 01-90-026)
[PV-OTH:01_010_101]
अत्रानुवंशो भवति ॥BORI: ०१-९०-०२७॥
atrānuvaṁśō bhavati ॥BORI: 01-90-027॥
Here follows the genealogy: (BORI: 01-90-027)
[PV-OTH:01_010_102]
तंसुं सरस्वती पुत्रं मतिनारादजीजनत्।इलिनं जनयामास कालिन्द्यां तंसुरात्मजम् ॥BORI: ०१-९०-२८॥
taṁsuṁ sarasvatī putraṁ matinārādajījanat।ilinaṁ janayāmāsa kālindyāṁ taṁsurātmajam ॥BORI: 01-90-28॥
Sarasvati bore Tansu, a son of Matinara; Tansu begot his son Ilina by Kalindi. (BORI: 01-90-28)
[PV-OTH:01_010_103]
इलिनस्तु रथन्तर्यां दुःषन्ताद्यान्पञ्च पुत्रानजनयत् ॥BORI: ०१-९०-०२९॥
ilinastu rathantaryāṁ duḥṣantādyānpañca putrānajanayat ॥BORI: 01-90-029॥
Ilina fathered five sons by Rathantari, Duhshanta and the others. (BORI: 01-90-029)
[PV-OTH:01_010_104]
दुःषन्तः खलु विश्वामित्रदुहितरं शकुन्तलां नामोपयेमे।तस्यामस्य जज्ञे भरतः।तत्र श्लोकौ भवतः ॥BORI: ०१-९०-०३०॥
duḥṣantaḥ khalu viśvāmitraduhitaraṁ śakuntalāṁ nāmōpayēmē।tasyāmasya jajñē bharataḥ।tatra ślōkau bhavataḥ ॥BORI: 01-90-030॥
Duḥṣanta married Śakuntalā, the daughter of Viśvāmitra. By her he had Bharata. On this subject there are two verses: (BORI: 01-90-030)
[PV-OTH:01_010_105]
माता भस्त्रा पितुः पुत्रो येन जातः स एव सः।भरस्व पुत्रं दुःषन्त मावमंस्थाः शकुन्तलाम् ॥BORI: ०१-९०-३१॥
mātā bhastrā pituḥ putrō yēna jātaḥ sa ēva saḥ।bharasva putraṁ duḥṣanta māvamaṁsthāḥ śakuntalām ॥BORI: 01-90-31॥
The mother is but a vessel; the son belongs to the father—the man who begot him is himself that son. Care for your son, Duhshanta, and do not slight Shakuntala. (BORI: 01-90-31)
[PV-OTH:01_010_106]
रेतोधाः पुत्र उन्नयति नरदेव यमक्षयात्।त्वं चास्य धाता गर्भस्य सत्यमाह शकुन्तला ॥BORI: ०१-९०-३२॥
rētōdhāḥ putra unnayati naradēva yamakṣayāt।tvaṁ cāsya dhātā garbhasya satyamāha śakuntalā ॥BORI: 01-90-32॥
A son delivers his father, who gave him seed, from Yama’s abode, O king. You are the begetter of this child, and Shakuntala speaks the truth. (BORI: 01-90-32)
[PV-OTH:01_010_107]
ततोऽस्य भरतत्वम् ॥BORI: ०१-९०-०३३॥
tatō’sya bharatatvam ॥BORI: 01-90-033॥
That is why he was called Bharata. (BORI: 01-90-033)
[PV-OTH:01_010_108]
भरतः खलु काशेयीमुपयेमे सार्वसेनीं सुनन्दां नाम।तस्यामस्य जज्ञे भुमन्युः ॥BORI: ०१-९०-०३४॥
bharataḥ khalu kāśēyīmupayēmē sārvasēnīṁ sunandāṁ nāma।tasyāmasya jajñē bhumanyuḥ ॥BORI: 01-90-034॥
Bharata married Sunandā, the daughter of Sarvasena and princess of Kāśī. By her he had a son, Bhumanyu. (BORI: 01-90-034)
[PV-OTH:01_010_109]
भुमन्युः खलु दाशार्हीमुपयेमे जयां नाम।तस्यामस्य जज्ञे सुहोत्रः ॥BORI: ०१-९०-०३५॥
bhumanyuḥ khalu dāśārhīmupayēmē jayāṁ nāma।tasyāmasya jajñē suhōtraḥ ॥BORI: 01-90-035॥
Bhumanyu married Jaya, a woman of the Dasharha lineage. She bore him Suhotra. (BORI: 01-90-035)
[PV-OTH:01_010_110]
सुहोत्रः खल्विक्ष्वाकुकन्यामुपयेमे सुवर्णां नाम।तस्यामस्य जज्ञे हस्ती।य इदं हास्तिनपुरं मापयामास।एतदस्य हास्तिनपुरत्वम् ॥BORI: ०१-९०-०३६॥
suhōtraḥ khalvikṣvākukanyāmupayēmē suvarṇāṁ nāma।tasyāmasya jajñē hastī।ya idaṁ hāstinapuraṁ māpayāmāsa।ētadasya hāstinapuratvam ॥BORI: 01-90-036॥
Suhotra married an Ikshvaku princess named Suvarna. By her he had a son, Hasti, who founded this city of Hastinapura. That is how it came to be called Hastinapura. (BORI: 01-90-036)
[PV-OTH:01_010_111]
हस्ती खलु त्रैगर्तीमुपयेमे यशोधरां नाम।तस्यामस्य जज्ञे विकुण्ठनः ॥BORI: ०१-९०-०३७॥
hastī khalu traigartīmupayēmē yaśōdharāṁ nāma।tasyāmasya jajñē vikuṇṭhanaḥ ॥BORI: 01-90-037॥
Hastin married a woman of Trigarta named Yashodhara. By her he had a son, Vikunthana. (BORI: 01-90-037)
[PV-OTH:01_010_112]
विकुण्ठनः खलु दाशार्हीमुपयेमे सुदेवां नाम।तस्यामस्य जज्ञेऽजमीढः ॥BORI: ०१-९०-०३८॥
vikuṇṭhanaḥ khalu dāśārhīmupayēmē sudēvāṁ nāma।tasyāmasya jajñē’jamīḍhaḥ ॥BORI: 01-90-038॥
Vikuṇṭhana married a Dāśārha woman named Sudevā. By her he fathered Ajamīḍha. (BORI: 01-90-038)
[PV-OTH:01_010_113]
अजमीढस्य चतुर्विंशं पुत्रशतं बभूव कैकेय्यां नागायां गान्धार्यां विमलायामृक्षायां चेति।पृथक्पृथग्वंशकरा नृपतयः।तत्र वंशकरः संवरणः ॥BORI: ०१-९०-०३९॥
ajamīḍhasya caturviṁśaṁ putraśataṁ babhūva kaikēyyāṁ nāgāyāṁ gāndhāryāṁ vimalāyāmr̥kṣāyāṁ cēti।pr̥thakpr̥thagvaṁśakarā nr̥patayaḥ।tatra vaṁśakaraḥ saṁvaraṇaḥ ॥BORI: 01-90-039॥
Ajamiḍha had twenty-four hundred sons by Kaikeyī, Nāgā, Gāndhārī, Vimalā, and Ṛkṣā. These kings each founded a separate lineage. Among them, Saṃvaraṇa was a founder of a lineage. (BORI: 01-90-039)
[PV-OTH:01_010_114]
संवरणः खलु वैवस्वतीं तपतीं नामोपयेमे।तस्यामस्य जज्ञे कुरुः ॥BORI: ०१-९०-०४०॥
saṁvaraṇaḥ khalu vaivasvatīṁ tapatīṁ nāmōpayēmē।tasyāmasya jajñē kuruḥ ॥BORI: 01-90-040॥
Samvarana married Vaivasvata’s daughter, Tapati by name. By her he had a son, Kuru. (BORI: 01-90-040)
[PV-OTH:01_010_115]
कुरुः खलु दाशार्हीमुपयेमे शुभाङ्गीं नाम।तस्यामस्य जज्ञे विडूरथः ॥BORI: ०१-९०-०४१॥
kuruḥ khalu dāśārhīmupayēmē śubhāṅgīṁ nāma।tasyāmasya jajñē viḍūrathaḥ ॥BORI: 01-90-041॥
Kuru married a Dāśārha woman named Śubhāṅgī. By her he had a son, Viḍūratha. (BORI: 01-90-041)
[PV-OTH:01_010_116]
विडूरथस्तु मागधीमुपयेमे सम्प्रियां नाम।तस्यामस्य जज्ञेऽरुग्वान्नाम ॥BORI: ०१-९०-०४२॥
viḍūrathastu māgadhīmupayēmē sampriyāṁ nāma।tasyāmasya jajñē’rugvānnāma ॥BORI: 01-90-042॥
Viduratha married a Magadha woman named Sampriya. By her he had a son named Arugvan. (BORI: 01-90-042)
[PV-OTH:01_010_117]
अरुग्वान्खलु मागधीमुपयेमेऽमृतां नाम।तस्यामस्य जज्ञे परिक्षित् ॥BORI: ०१-९०-०४३॥
arugvānkhalu māgadhīmupayēmē’mr̥tāṁ nāma।tasyāmasya jajñē parikṣit ॥BORI: 01-90-043॥
Arugvan married a Magadhan woman named Amrita. By her he had a son named Parikshit. (BORI: 01-90-043)
[PV-OTH:01_010_118]
परिक्षित्खलु बाहुदामुपयेमे सुयशां नाम।तस्यामस्य जज्ञे भीमसेनः ॥BORI: ०१-९०-०४४॥
parikṣitkhalu bāhudāmupayēmē suyaśāṁ nāma।tasyāmasya jajñē bhīmasēnaḥ ॥BORI: 01-90-044॥
Parikshit married a woman of the Bahuda people named Suyasha. By her he had a son, Bhimasena. (BORI: 01-90-044)
[PV-OTH:01_010_119]
भीमसेनः खलु कैकेयीमुपयेमे सुकुमारीं नाम।तस्यामस्य जज्ञे पर्यश्रवाः। यमाहुः प्रतीपं नाम ॥BORI: ०१-९०-०४५॥
bhīmasēnaḥ khalu kaikēyīmupayēmē sukumārīṁ nāma।tasyāmasya jajñē paryaśravāḥ। yamāhuḥ pratīpaṁ nāma ॥BORI: 01-90-045॥
Bhīmasena married a Kekaya princess named Sukumārī. By her he had a son named Paryaśravas, whom they called Pratīpa. (BORI: 01-90-045)
[PV-OTH:01_010_120]
प्रतीपः खलु शैब्यामुपयेमे सुनन्दां नाम।तस्यां पुत्रानुत्पादयामास देवापिं शन्तनुं बाह्लीकं चेति ॥BORI: ०१-९०-०४६॥
pratīpaḥ khalu śaibyāmupayēmē sunandāṁ nāma।tasyāṁ putrānutpādayāmāsa dēvāpiṁ śantanuṁ bāhlīkaṁ cēti ॥BORI: 01-90-046॥
Pratipa married Sunanda, a princess of the Shibis. By her he fathered the sons Devapi, Shantanu, and Bahlika. (BORI: 01-90-046)
[PV-OTH:01_010_121]
देवापिः खलु बाल एवारण्यं प्रविवेश।शन्तनुस्तु महीपालोऽभवत्।अत्रानुवंशो भवति ॥BORI: ०१-९०-०४७॥
dēvāpiḥ khalu bāla ēvāraṇyaṁ pravivēśa।śantanustu mahīpālō’bhavat।atrānuvaṁśō bhavati ॥BORI: 01-90-047॥
Devāpi entered the forest while still a child, while Śantanu became king. On this there is an ancestral verse: (BORI: 01-90-047)
[PV-OTH:01_010_122]
यं यं कराभ्यां स्पृशति जीर्णं स सुखमश्नुते।पुनर्युवा च भवति तस्मात्तं शन्तनुं विदुः ॥BORI: ०१-९०-४८॥
yaṁ yaṁ karābhyāṁ spr̥śati jīrṇaṁ sa sukhamaśnutē।punaryuvā ca bhavati tasmāttaṁ śantanuṁ viduḥ ॥BORI: 01-90-48॥
Whoever he touched with his hands, though aged, attained well-being and became young again; therefore they knew him as Shantanu. (BORI: 01-90-48)
[PV-OTH:01_010_123]
तदस्य शन्तनुत्वम् ॥BORI: ०१-९०-०४९॥
tadasya śantanutvam ॥BORI: 01-90-049॥
Hence his name Shantanu. (BORI: 01-90-049)
[PV-OTH:01_010_124]
शन्तनुः खलु गङ्गां भागीरथीमुपयेमे।तस्यामस्य जज्ञे देवव्रतः।यमाहुर्भीष्म इति ॥BORI: ०१-९०-०५०॥
śantanuḥ khalu gaṅgāṁ bhāgīrathīmupayēmē।tasyāmasya jajñē dēvavrataḥ।yamāhurbhīṣma iti ॥BORI: 01-90-050॥
Śantanu married Gaṅgā, the daughter of Bhagīratha. By her he had a son, Devavrata, who is known as Bhīṣma. (BORI: 01-90-050)
[PV-OTH:01_010_125]
भीष्मः खलु पितुः प्रियचिकीर्षया सत्यवतीमुदवहन्मातरम्।यामाहुर्गन्धकालीति ॥BORI: ०१-९०-०५१॥
bhīṣmaḥ khalu pituḥ priyacikīrṣayā satyavatīmudavahanmātaram।yāmāhurgandhakālīti ॥BORI: 01-90-051॥
Bhishma, wishing to please his father, brought Satyavati home as his mother—the woman known as Gandhakali. (BORI: 01-90-051)
[PV-OTH:01_010_126]
तस्यां कानीनो गर्भः पराशराद्द्वैपायनः।तस्यामेव शन्तनोर्द्वौ पुत्रौ बभूवतुः।चित्राङ्गदो विचित्रवीर्यश्च ॥BORI: ०१-९०-०५२॥
tasyāṁ kānīnō garbhaḥ parāśarāddvaipāyanaḥ।tasyāmēva śantanōrdvau putrau babhūvatuḥ।citrāṅgadō vicitravīryaśca ॥BORI: 01-90-052॥
Before her marriage, she bore Dvaipayana to Parashara. By Shantanu she had two more sons, Chitrangada and Vichitravirya. (BORI: 01-90-052)
[PV-OTH:01_010_127]
तयोरप्राप्तयौवन एव चित्राङ्गदो गन्धर्वेण हतः।विचित्रवीर्यस्तु राजा समभवत् ॥BORI: ०१-९०-०५३॥
tayōraprāptayauvana ēva citrāṅgadō gandharvēṇa hataḥ।vicitravīryastu rājā samabhavat ॥BORI: 01-90-053॥
While the two were still underage, Citrāṅgada was killed by a Gandharva, and Vicitravīrya became king. (BORI: 01-90-053)
[PV-OTH:01_010_128]
विचित्रवीर्यः खलु कौसल्यात्मजेऽम्बिकाम्बालिके काशिराजदुहितरावुपयेमे ॥BORI: ०१-९०-०५४॥
vicitravīryaḥ khalu kausalyātmajē’mbikāmbālikē kāśirājaduhitarāvupayēmē ॥BORI: 01-90-054॥
Vichitravirya married Ambika and Ambalika, the two daughters of the king of Kashi and granddaughters of the king of Kosala. (BORI: 01-90-054)
[PV-OTH:01_010_129]
विचित्रवीर्यस्त्वनपत्य एव विदेहत्वं प्राप्तः ॥BORI: ०१-९०-०५५॥
vicitravīryastvanapatya ēva vidēhatvaṁ prāptaḥ ॥BORI: 01-90-055॥
But Vichitravirya died without leaving any offspring. (BORI: 01-90-055)
[PV-OTH:01_010_130]
ततः सत्यवती चिन्तयामास।दौःषन्तो वंश उच्छिद्यते इति ॥BORI: ०१-९०-०५६॥
tataḥ satyavatī cintayāmāsa।dauḥṣantō vaṁśa ucchidyatē iti ॥BORI: 01-90-056॥
Then Satyavatī thought, “Duḥṣanta’s line is dying out.” (BORI: 01-90-056)
[PV-OTH:01_010_131]
सा द्वैपायनमृषिं चिन्तयामास ॥BORI: ०१-९०-०५७॥
sā dvaipāyanamr̥ṣiṁ cintayāmāsa ॥BORI: 01-90-057॥
She thought of the sage Dvaipayana. (BORI: 01-90-057)
[PV-OTH:01_010_132]
स तस्याः पुरतः स्थितः किं करवाणीति ॥BORI: ०१-९०-०५८॥
sa tasyāḥ purataḥ sthitaḥ kiṁ karavāṇīti ॥BORI: 01-90-058॥
He appeared before her and asked, “What shall I do?” (BORI: 01-90-058)
[PV-OTH:01_010_133]
सा तमुवाच।भ्राता तवानपत्य एव स्वर्यातो विचित्रवीर्यः।साध्वपत्यं तस्योत्पादयेति ॥BORI: ०१-९०-०५९॥
sā tamuvāca।bhrātā tavānapatya ēva svaryātō vicitravīryaḥ।sādhvapatyaṁ tasyōtpādayēti ॥BORI: 01-90-059॥
She said to him, “Your brother Vichitravirya has gone to heaven without offspring. Be so good as to beget offspring for him.” (BORI: 01-90-059)
[PV-OTH:01_010_134]
स परमित्युक्त्वा त्रीन्पुत्रानुत्पादयामास धृतराष्ट्रं पाण्डुं विदुरं चेति ॥BORI: ०१-९०-०६०॥
sa paramityuktvā trīnputrānutpādayāmāsa dhr̥tarāṣṭraṁ pāṇḍuṁ viduraṁ cēti ॥BORI: 01-90-060॥
He replied, “Very well,” and fathered three sons: Dhritarashtra, Pandu, and Vidura. (BORI: 01-90-060)
[PV-OTH:01_010_135]
तत्र धृतराष्ट्रस्य राज्ञः पुत्रशतं बभूव गान्धार्यां वरदानाद्द्वैपायनस्य ॥BORI: ०१-९०-०६१॥
tatra dhr̥tarāṣṭrasya rājñaḥ putraśataṁ babhūva gāndhāryāṁ varadānāddvaipāyanasya ॥BORI: 01-90-061॥
King Dhritarashtra had one hundred sons by Gandhari, through a boon granted by Dvaipayana. (BORI: 01-90-061)
[PV-OTH:01_010_136]
तेषां धृतराष्ट्रस्य पुत्राणां चत्वारः प्रधाना बभूवुर्दुर्योधनो दुःशासनो विकर्णश्चित्रसेन इति ॥BORI: ०१-९०-०६२॥
tēṣāṁ dhr̥tarāṣṭrasya putrāṇāṁ catvāraḥ pradhānā babhūvurduryōdhanō duḥśāsanō vikarṇaścitrasēna iti ॥BORI: 01-90-062॥
Four of Dhritarashtra’s sons were foremost: Duryodhana, Duhshasana, Vikarna, and Chitrasena. (BORI: 01-90-062)
[PV-OTH:01_010_137]
पाण्डोस्तु द्वे भार्ये बभूवतुः कुन्ती माद्री चेत्युभे स्त्रीरत्ने ॥BORI: ०१-९०-०६३॥
pāṇḍōstu dvē bhāryē babhūvatuḥ kuntī mādrī cētyubhē strīratnē ॥BORI: 01-90-063॥
Pandu had two wives, Kunti and Madri, both jewels among women. (BORI: 01-90-063)
[PV-OTH:01_010_138]
अथ पाण्डुर्मृगयां चरन्मैथुनगतमृषिमपश्यन्मृग्यां वर्तमानम्। तथैवाप्लुतमनासादितकामरसमतृप्तं बाणेनाभिजघान ॥BORI: ०१-९०-०६४॥
atha pāṇḍurmr̥gayāṁ caranmaithunagatamr̥ṣimapaśyanmr̥gyāṁ vartamānam। tathaivāplutamanāsāditakāmarasamatr̥ptaṁ bāṇēnābhijaghāna ॥BORI: 01-90-064॥
Then, while hunting, Pandu saw a sage in the form of a deer mating with a doe. While the sage was still absorbed in the act and had not yet attained or been satisfied by its pleasure, Pandu struck him with an arrow. (BORI: 01-90-064)
[PV-OTH:01_010_139]
स बाणविद्ध उवाच पाण्डुम्।चरता धर्ममिमं येन त्वयाभिज्ञेन कामरसस्याहमनवाप्तकामरसोऽभिहतस्तस्मात्त्वमप्येतामवस्थामासाद्यानवाप्तकामरसः पञ्चत्वमाप्स्यसि क्षिप्रमेवेति ॥BORI: ०१-९०-०६५॥
sa bāṇaviddha uvāca pāṇḍum।caratā dharmamimaṁ yēna tvayābhijñēna kāmarasasyāhamanavāptakāmarasō’bhihatastasmāttvamapyētāmavasthāmāsādyānavāptakāmarasaḥ pañcatvamāpsyasi kṣipramēvēti ॥BORI: 01-90-065॥
Pierced by the arrow, he said to Pandu, “Since you struck me down before I had attained the pleasure of love, though you yourself observe this practice and know that pleasure, you too, upon finding yourself in this condition, will die at once without attaining it.” (BORI: 01-90-065)
[PV-OTH:01_010_140]
स विवर्णरूपः पाण्डुः शापं परिहरमाणो नोपासर्पत भार्ये ॥BORI: ०१-९०-०६६॥
sa vivarṇarūpaḥ pāṇḍuḥ śāpaṁ pariharamāṇō nōpāsarpata bhāryē ॥BORI: 01-90-066॥
Pale and distraught, Pandu kept away from his wives to avoid the curse. (BORI: 01-90-066)
[PV-OTH:01_010_141]
वाक्यं चोवाच।स्वचापल्यादिदं प्राप्तवानहम्।शृणोमि च नानपत्यस्य लोका सन्तीति ॥BORI: ०१-९०-०६७॥
vākyaṁ cōvāca।svacāpalyādidaṁ prāptavānaham।śr̥ṇōmi ca nānapatyasya lōkā santīti ॥BORI: 01-90-067॥
And he said, “Through my own rashness I have come to this. I also hear that there are no worlds for one who has no offspring.” (BORI: 01-90-067)
[PV-OTH:01_010_142]
सा त्वं मदर्थे पुत्रानुत्पादयेति कुन्तीमुवाच ॥BORI: ०१-९०-०६८॥
sā tvaṁ madarthē putrānutpādayēti kuntīmuvāca ॥BORI: 01-90-068॥
He said to Kunti, “Therefore, bear sons for my sake.” (BORI: 01-90-068)
[PV-OTH:01_010_143]
सा तत्र पुत्रानुत्पादयामास धर्माद्युधिष्ठिरं मारुताद्भीमसेनं शक्रादर्जुनमिति ॥BORI: ०१-९०-०६९॥
sā tatra putrānutpādayāmāsa dharmādyudhiṣṭhiraṁ mārutādbhīmasēnaṁ śakrādarjunamiti ॥BORI: 01-90-069॥
There she bore sons: Yudhishthira by Dharma, Bhimasena by Marut, and Arjuna by Shakra. (BORI: 01-90-069)
[PV-OTH:01_010_144]
स तां हृष्टरूपः पाण्डुरुवाच।इयं ते सपत्न्यनपत्या।साध्वस्यामपत्यमुत्पाद्यतामिति ॥BORI: ०१-९०-०७०॥
sa tāṁ hr̥ṣṭarūpaḥ pāṇḍuruvāca।iyaṁ tē sapatnyanapatyā।sādhvasyāmapatyamutpādyatāmiti ॥BORI: 01-90-070॥
Pandu, delighted, said to her, “Your co-wife here is childless. Please have offspring begotten upon her.” (BORI: 01-90-070)
[PV-OTH:01_010_145]
स एवमस्त्वित्युक्तः कुन्त्या ॥BORI: ०१-९०-०७१॥
sa ēvamastvityuktaḥ kuntyā ॥BORI: 01-90-071॥
When Kunti said to him, “So be it,” he… (BORI: 01-90-071)
[PV-OTH:01_010_146]
ततो माद्र्यामश्विभ्यां नकुलसहदेवावुत्पादितौ ॥BORI: ०१-९०-०७२॥
tatō mādryāmaśvibhyāṁ nakulasahadēvāvutpāditau ॥BORI: 01-90-072॥
Then Nakula and Sahadeva were begotten on Madri by the Ashvins. (BORI: 01-90-072)
[PV-OTH:01_010_147]
माद्रीं खल्वलङ्कृतां दृष्ट्वा पाण्डुर्भावं चक्रे ॥BORI: ०१-९०-०७३॥
mādrīṁ khalvalaṅkr̥tāṁ dr̥ṣṭvā pāṇḍurbhāvaṁ cakrē ॥BORI: 01-90-073॥
Seeing Mādrī adorned, Pāṇḍu conceived a desire for her. (BORI: 01-90-073)
[PV-OTH:01_010_148]
स तां स्पृष्ट्वैव विदेहत्वं प्राप्तः ॥BORI: ०१-९०-०७४॥
sa tāṁ spr̥ṣṭvaiva vidēhatvaṁ prāptaḥ ॥BORI: 01-90-074॥
As soon as he touched her, he died. (BORI: 01-90-074)
[PV-OTH:01_010_149]
तत्रैनं चितास्थं माद्री समन्वारुरोह ॥BORI: ०१-९०-०७५॥
tatrainaṁ citāsthaṁ mādrī samanvārurōha ॥BORI: 01-90-075॥
There, Madri joined him on the funeral pyre. (BORI: 01-90-075)
[PV-OTH:01_010_150]
उवाच कुन्तीम्।यमयोरार्ययाप्रमत्तया भवितव्यमिति ॥BORI: ०१-९०-०७६॥
uvāca kuntīm।yamayōrāryayāpramattayā bhavitavyamiti ॥BORI: 01-90-076॥
She said to Kunti, “Noble lady, you must take constant care of the twins.” (BORI: 01-90-076)
[PV-OTH:01_010_151]
ततस्ते पञ्च पाण्डवाः कुन्त्या सहिता हास्तिनपुरमानीय तापसैर्भीष्मस्य विदुरस्य च निवेदिताः ॥BORI: ०१-९०-०७७॥
tatastē pañca pāṇḍavāḥ kuntyā sahitā hāstinapuramānīya tāpasairbhīṣmasya vidurasya ca nivēditāḥ ॥BORI: 01-90-077॥
Then the five Pandavas, together with Kunti, were brought to Hastinapura by the ascetics and presented to Bhishma and Vidura. (BORI: 01-90-077)
[PV-OTH:01_010_152]
तत्रापि जतुगृहे दग्धुं समारब्धा न शकिता विदुरमन्त्रितेन ॥BORI: ०१-९०-०७८॥
tatrāpi jatugr̥hē dagdhuṁ samārabdhā na śakitā viduramantritēna ॥BORI: 01-90-078॥
There too, an attempt was made to burn them in the house of lac, but it failed because of Vidura’s counsel. (BORI: 01-90-078)
[PV-OTH:01_010_153]
ततश्च हिडिम्बमन्तरा हत्वा एकचक्रां गताः ॥BORI: ०१-९०-०७९॥
tataśca hiḍimbamantarā hatvā ēkacakrāṁ gatāḥ ॥BORI: 01-90-079॥
Then, after killing Hidimba on the way, they went to Ekachakra. (BORI: 01-90-079)
[PV-OTH:01_010_154]
तस्यामप्येकचक्रायां बकं नाम राक्षसं हत्वा पाञ्चालनगरमभिगताः ॥BORI: ०१-९०-०८०॥
tasyāmapyēkacakrāyāṁ bakaṁ nāma rākṣasaṁ hatvā pāñcālanagaramabhigatāḥ ॥BORI: 01-90-080॥
There too, in Ekacakrā, they killed a Rākṣasa named Baka and went to the city of the Pāñcālas. (BORI: 01-90-080)
[PV-OTH:01_010_155]
तस्माद्द्रौपदीं भार्यामविन्दन्स्वविषयं चाजग्मुः कुशलिनः ॥BORI: ०१-९०-०८१॥
tasmāddraupadīṁ bhāryāmavindansvaviṣayaṁ cājagmuḥ kuśalinaḥ ॥BORI: 01-90-081॥
From there they won Draupadi as their wife and returned safely to their own realm. (BORI: 01-90-081)
[PV-OTH:01_010_156]
पुत्रांश्चोत्पादयामासुः।प्रतिविन्ध्यं युधिष्ठिरः।सुतसोमं वृकोदरः।श्रुतकीर्तिमर्जुनः।शतानीकं नकुलः।श्रुतकर्माणं सहदेव इति ॥BORI: ०१-९०-०८२॥
putrāṁścōtpādayāmāsuḥ।prativindhyaṁ yudhiṣṭhiraḥ।sutasōmaṁ vr̥kōdaraḥ।śrutakīrtimarjunaḥ।śatānīkaṁ nakulaḥ।śrutakarmāṇaṁ sahadēva iti ॥BORI: 01-90-082॥
They also fathered sons: Yudhishthira fathered Prativindhya; Vrikodara, Sutasoma; Arjuna, Shrutakirti; Nakula, Shatanika; and Sahadeva, Shrutakarman. (BORI: 01-90-082)
[PV-OTH:01_010_157]
युधिष्ठिरस्तु गोवासनस्य शैब्यस्य देविकां नाम कन्यां स्वयंवरे लेभे।तस्यां पुत्रं जनयामास यौधेयं नाम ॥BORI: ०१-९०-०८३॥
yudhiṣṭhirastu gōvāsanasya śaibyasya dēvikāṁ nāma kanyāṁ svayaṁvarē lēbhē।tasyāṁ putraṁ janayāmāsa yaudhēyaṁ nāma ॥BORI: 01-90-083॥
Yudhishthira, however, won Devika, the daughter of the Shaibya king Govasana, at her self-choice ceremony. By her he fathered a son named Yaudheya. (BORI: 01-90-083)
[PV-OTH:01_010_158]
भीमसेनोऽपि काश्यां बलधरां नामोपयेमे वीर्यशुल्काम्।तस्यां पुत्रं सर्वगं नामोत्पादयामास ॥BORI: ०१-९०-०८४॥
bhīmasēnō’pi kāśyāṁ baladharāṁ nāmōpayēmē vīryaśulkām।tasyāṁ putraṁ sarvagaṁ nāmōtpādayāmāsa ॥BORI: 01-90-084॥
Bhimasena also married in Kashi a maiden named Balandhara, who was to be won by valor. By her he fathered a son named Sarvaga. (BORI: 01-90-084)
[PV-OTH:01_010_159]
अर्जुनः खलु द्वारवतीं गत्वा भगिनीं वासुदेवस्य सुभद्रां नाम भार्यामुदवहत्।तस्यां पुत्रमभिमन्युं नाम जनयामास ॥BORI: ०१-९०-०८५॥
arjunaḥ khalu dvāravatīṁ gatvā bhaginīṁ vāsudēvasya subhadrāṁ nāma bhāryāmudavahat।tasyāṁ putramabhimanyuṁ nāma janayāmāsa ॥BORI: 01-90-085॥
Arjuna went to Dvaravati and married Vasudeva’s sister, Subhadra. By her he fathered a son named Abhimanyu. (BORI: 01-90-085)
[PV-OTH:01_010_160]
नकुलस्तु चैद्यां करेणुवतीं नाम भार्यामुदवहत्।तस्यां पुत्रं निरमित्रं नामाजनयत् ॥BORI: ०१-९०-०८६॥
nakulastu caidyāṁ karēṇuvatīṁ nāma bhāryāmudavahat।tasyāṁ putraṁ niramitraṁ nāmājanayat ॥BORI: 01-90-086॥
Nakula married a Cedi princess named Kareṇuvatī. By her he had a son named Nirmitra. (BORI: 01-90-086)
[PV-OTH:01_010_161]
सहदेवोऽपि माद्रीमेव स्वयंवरे विजयां नामोपयेमे।तस्यां पुत्रमजनयत्सुहोत्रं नाम ॥BORI: ०१-९०-०८७॥
sahadēvō’pi mādrīmēva svayaṁvarē vijayāṁ nāmōpayēmē।tasyāṁ putramajanayatsuhōtraṁ nāma ॥BORI: 01-90-087॥
Sahadeva likewise married Vijaya, the daughter of the king of Madra, at her svayamvara. He fathered a son by her named Suhotra. (BORI: 01-90-087)
[PV-OTH:01_010_162]
भीमसेनस्तु पूर्वमेव हिडिम्बायां राक्षस्यां घटोत्कचं नाम पुत्रं जनयामास ॥BORI: ०१-९०-०८८॥
bhīmasēnastu pūrvamēva hiḍimbāyāṁ rākṣasyāṁ ghaṭōtkacaṁ nāma putraṁ janayāmāsa ॥BORI: 01-90-088॥
Earlier, Bhimasena had fathered a son named Ghatotkacha by the Rakshasa woman Hidimba. (BORI: 01-90-088)
[PV-OTH:01_010_163]
इत्येते एकादश पाण्डवानां पुत्राः ॥BORI: ०१-९०-०८९॥
ityētē ēkādaśa pāṇḍavānāṁ putrāḥ ॥BORI: 01-90-089॥
Thus, these were the eleven sons of the Pandavas. (BORI: 01-90-089)
[PV-OTH:01_010_164]
विराटस्य दुहितरमुत्तरां नामाभिमन्युरुपयेमे।तस्यामस्य परासुर्गर्भोऽजायत ॥BORI: ०१-९०-०९०॥
virāṭasya duhitaramuttarāṁ nāmābhimanyurupayēmē।tasyāmasya parāsurgarbhō’jāyata ॥BORI: 01-90-090॥
Abhimanyu married Virata’s daughter, Uttara. His child was born lifeless from her. (BORI: 01-90-090)
[PV-OTH:01_010_165]
तमुत्सङ्गेन प्रतिजग्राह पृथा नियोगात्पुरुषोत्तमस्य वासुदेवस्य।षाण्मासिकं गर्भमहमेनं जीवयिष्यामीति ॥BORI: ०१-९०-०९१॥
tamutsaṅgēna pratijagrāha pr̥thā niyōgātpuruṣōttamasya vāsudēvasya।ṣāṇmāsikaṁ garbhamahamēnaṁ jīvayiṣyāmīti ॥BORI: 01-90-091॥
At the command of Vasudeva, the supreme man, Pritha took him into her lap when he said, “I shall bring this six-month-old fetus to life.” (BORI: 01-90-091)
[PV-OTH:01_010_166]
सञ्जीवयित्वा चैनमुवाच।परिक्षीणे कुले जातो भवत्वयं परिक्षिन्नामेति ॥BORI: ०१-९०-०९२॥
sañjīvayitvā cainamuvāca।parikṣīṇē kulē jātō bhavatvayaṁ parikṣinnāmēti ॥BORI: 01-90-092॥
Having restored him to life, he said, “Since he was born when the lineage had been nearly extinguished, let him be named Parikshit.” (BORI: 01-90-092)
[PV-OTH:01_010_167]
परिक्षित्तु खलु माद्रवतीं नामोपयेमे।तस्यामस्य जनमेजयः ॥BORI: ०१-९०-०९३॥
parikṣittu khalu mādravatīṁ nāmōpayēmē।tasyāmasya janamējayaḥ ॥BORI: 01-90-093॥
Parikshit married a woman named Madravati. By her he had Janamejaya. (BORI: 01-90-093)
[PV-OTH:01_010_168]
जनमेजयात्तु वपुष्टमायां द्वौ पुत्रौ शतानीकः शङ्कुश्च ॥BORI: ०१-९०-०९४॥
janamējayāttu vapuṣṭamāyāṁ dvau putrau śatānīkaḥ śaṅkuśca ॥BORI: 01-90-094॥
Janamejaya had two sons by Vapuṣṭamā: Śatānīka and Śaṅku. (BORI: 01-90-094)
[PV-OTH:01_010_169]
शतानीकस्तु खलु वैदेहीमुपयेमे।तस्यामस्य जज्ञे पुत्रोऽश्वमेधदत्तः ॥BORI: ०१-९०-०९५॥
śatānīkastu khalu vaidēhīmupayēmē।tasyāmasya jajñē putrō’śvamēdhadattaḥ ॥BORI: 01-90-095॥
Shatanika married Vaidehi, and she bore him a son named Ashvamedhadatta. (BORI: 01-90-095)
[PV-OTH:01_010_170]
इत्येष पूरोर्वंशस्तु पाण्डवानां च कीर्तितः।पूरोर्वंशमिमं श्रुत्वा सर्वपापैः प्रमुच्यते ॥BORI: ०१-९०-९६॥
ityēṣa pūrōrvaṁśastu pāṇḍavānāṁ ca kīrtitaḥ।pūrōrvaṁśamimaṁ śrutvā sarvapāpaiḥ pramucyatē ॥BORI: 01-90-96॥
Thus has been recounted the lineage of Puru and of the Pandavas. Whoever hears this lineage of Puru is freed from all sins. (BORI: 01-90-96)
[PV-OTH:01_010_171]
पूरोर्वंशमहं धन्यं राज्ञाममिततेजसाम् । प्रवक्ष्यामि पितॄणां ते तेषां नामानि मे शृमु ॥KUMB: १-६३-१॥
pūrōrvaṁśamahaṁ dhanyaṁ rājñāmamitatējasām । pravakṣyāmi pitr̥̄ṇāṁ tē tēṣāṁ nāmāni mē śr̥mu ॥KUMB: 1-63-1॥
I shall recount the blessed lineage of Puru, a line of kings of immeasurable splendor. Hear from me the names of those ancestors of yours. (KUMB: 1-63-1)
[PV-SVO:01_010_172]
अव्यक्तप्रभवो ब्रह्मा शाश्वतो नित्य अव्ययः । तस्मान्मरीचिः संजज्ञे दक्षश्चैव प्रजापतिः ॥KUMB: १-६३-२॥
avyaktaprabhavō brahmā śāśvatō nitya avyayaḥ । tasmānmarīciḥ saṁjajñē dakṣaścaiva prajāpatiḥ ॥KUMB: 1-63-2॥
Brahmā, who arose from the Unmanifest, is everlasting, eternal, and imperishable. From him arose Marīci and Dakṣa Prajāpati. (KUMB: 1-63-2)
[PV-SVO:01_010_173]
अङ्गुष्ठाद्दक्षमसृजच्चक्षुर्भ्यां च मरीचिनम् । मरीचेः कश्यपः पुत्रो दक्षस्य दुहिताऽऽदितिः ॥KUMB: १-६३-३॥
aṅguṣṭhāddakṣamasr̥jaccakṣurbhyāṁ ca marīcinam । marīcēḥ kaśyapaḥ putrō dakṣasya duhitā’’ditiḥ ॥KUMB: 1-63-3॥
He created Daksha from his thumb and Marichi from his eyes. Kashyapa was Marichi’s son, and Aditi was Daksha’s daughter. (KUMB: 1-63-3)
[PV-SVO:01_010_174]
अवाचीनोऽपि वैदर्भीमपरामेवोपयेमे मर्यादां नाम तस्यामस्य जज्ञे अरिहः ॥KUMB: १-६३-१७; NILA: ०१.०९५.०१८॥
avācīnō’pi vaidarbhīmaparāmēvōpayēmē maryādāṁ nāma tasyāmasya jajñē arihaḥ ॥KUMB: 1-63-17; NILA: 01.095.018॥
Avācīna also married another princess of Vidarbha, named Maryādā; by her, Ariha was born to him. (KUMB: 1-63-17; NILA: 01.095.018)
[PV-SVO:01_010_175]
अरिहः खल्वाङ्गीमुपयेमे तस्यामस्य जज्ञे महाभौमः ॥KUMB: १-६३-१८; NILA: ०१.०९५.०१९॥
arihaḥ khalvāṅgīmupayēmē tasyāmasya jajñē mahābhaumaḥ ॥KUMB: 1-63-18; NILA: 01.095.019॥
Ariha married Āṅgī, and she bore him Mahābhauma. (KUMB: 1-63-18; NILA: 01.095.019)
[PV-SVO:01_010_176]
दुष्यन्तस्तु लाक्षीं नाम भागीरथीमुपयेमे तस्यामस्य जज्ञे जनमेजयः ॥KUMB: १-६३-३०॥
duṣyantastu lākṣīṁ nāma bhāgīrathīmupayēmē tasyāmasya jajñē janamējayaḥ ॥KUMB: 1-63-30॥
Dushyanta married Lakshi, the daughter of Bhagiratha, and she bore him Janamejaya. (KUMB: 1-63-30)
[PV-SVO:01_010_177]
तत्र भीष्माय धृतराष्ट्रविदुरयोः पाण्डोः स्वर्गगमनं याथातथ्यं निवेदयन्तिस्म तपस्विनः ॥KUMB: १-६३-७०॥
tatra bhīṣmāya dhr̥tarāṣṭravidurayōḥ pāṇḍōḥ svargagamanaṁ yāthātathyaṁ nivēdayantisma tapasvinaḥ ॥KUMB: 1-63-70॥
There the ascetics gave Bhishma, Dhritarashtra, and Vidura a true account of Pandu’s departure for heaven. (KUMB: 1-63-70)
[PV-SVO:01_010_178]
तच्च वाक्यमुपश्रुत्य भगवतामन्तरिक्षात्पुष्पवृष्टिः पपात देवदुन्दुभयश्च प्रणेदुः ॥NILA: ०१.०९५.०६७॥
tacca vākyamupaśrutya bhagavatāmantarikṣātpuṣpavr̥ṣṭiḥ papāta dēvadundubhayaśca praṇēduḥ ॥NILA: 01.095.067॥
Upon hearing those words of the venerable sages, a shower of flowers fell from the sky, and the drums of the gods resounded. (NILA: 01.095.067)
[PV-SVO:01_010_179]
प्रतिगृहीताश्च पाण्डवाः पितुर्निधनमावेदयन्तस्तस्यौर्ध्वदेहिकं न्यायतश्च कृतवन्तस्तांस्तत्र निवसतः पाण्डवान्बाल्यात्प्रभृति दुर्योधनो नामर्षयत् ॥NILA: ०१.०९५.०६८॥
pratigr̥hītāśca pāṇḍavāḥ piturnidhanamāvēdayantastasyaurdhvadēhikaṁ nyāyataśca kr̥tavantastāṁstatra nivasataḥ pāṇḍavānbālyātprabhr̥ti duryōdhanō nāmarṣayat ॥NILA: 01.095.068॥
After being received, the Pandavas announced their father’s death and duly performed his funeral rites. From childhood onward, Duryodhana could not tolerate those Pandavas living there. (NILA: 01.095.068)
[PV-SVO:01_010_180]
पापाचारो राक्षसीं बुद्धिमाश्रितोऽनेकैरुपायैरुद्धर्तुं च व्यवसितो भावित्वाच्चार्थस्य न शकितास्ते समुद्धर्तुम् ॥NILA: ०१.०९५.०६९॥
pāpācārō rākṣasīṁ buddhimāśritō’nēkairupāyairuddhartuṁ ca vyavasitō bhāvitvāccārthasya na śakitāstē samuddhartum ॥NILA: 01.095.069॥
Wicked in conduct and guided by a demonic mind, he resolved to destroy them by many means; but because of the course ordained by fate, they could not be destroyed. (NILA: 01.095.069)
[PV-SVO:01_010_181]
ततश्च धृतराष्ट्रेण व्याजेन वारणावतमनुप्रेषिता गमनमरोचयन् ॥NILA: ०१.०९५.०७०॥
tataśca dhr̥tarāṣṭrēṇa vyājēna vāraṇāvatamanuprēṣitā gamanamarōcayan ॥NILA: 01.095.070॥
Then, when Dhritarashtra sent them to Varanavata on a pretext, they agreed to go. (NILA: 01.095.070)
[PV-SVO:01_010_182]
ततो मणलूरुपतिकन्यायां चित्राङ्गदायामर्जुनः पुत्रमुत्पादयामास बभ्रुवाहनं नाम । एते त्रयोदश पुत्राः पाण्डवानाम् ॥KUMB: १-६३-८१॥
tatō maṇalūrupatikanyāyāṁ citrāṅgadāyāmarjunaḥ putramutpādayāmāsa babhruvāhanaṁ nāma । ētē trayōdaśa putrāḥ pāṇḍavānām ॥KUMB: 1-63-81॥
Then Arjuna fathered a son named Babhruvahana by Chitrangada, the daughter of the king of Manalura. These were the thirteen sons of the Pandavas. (KUMB: 1-63-81)
[PV-SVO:01_010_183]
इतिहासमिमं पुण्यमशेषतः श्रावयिष्यन्ति ये नराः श्रोष्यन्ति वा नियतात्मनो विमत्सरा मैत्रा वेदपरास्तेपि स्वर्गजितः पुण्यलोका भवान्ति सततं देवब्राह्मणमनुष्याणां मान्याः सम्पूज्याश्च ॥NILA: ०१.०९५.०८८॥
itihāsamimaṁ puṇyamaśēṣataḥ śrāvayiṣyanti yē narāḥ śrōṣyanti vā niyatātmanō vimatsarā maitrā vēdaparāstēpi svargajitaḥ puṇyalōkā bhavānti satataṁ dēvabrāhmaṇamanuṣyāṇāṁ mānyāḥ sampūjyāśca ॥NILA: 01.095.088॥
Those self-controlled, benevolent, and un envious men devoted to the Vedas who recite this sacred history in full, or who listen to it, will attain heaven and dwell in blessed realms, always honored and revered by gods, Brahmins, and human beings. (NILA: 01.095.088)
[PV-SVO:01_010_184]
परं हीदं भारतं भगवता व्यासेन प्रोक्तं पावनं ये ब्राह्मणादयो वर्णाः श्रद्दधाना अमत्सरा मैत्रा वेदसम्पन्नाः श्रोष्यन्ति तेऽपि स्वर्गजितः सुकृतिनोऽशोच्याः कृताकृते भवन्ति ॥NILA: ०१.०९५.०८९॥
paraṁ hīdaṁ bhārataṁ bhagavatā vyāsēna prōktaṁ pāvanaṁ yē brāhmaṇādayō varṇāḥ śraddadhānā amatsarā maitrā vēdasampannāḥ śrōṣyanti tē’pi svargajitaḥ sukr̥tinō’śōcyāḥ kr̥tākr̥tē bhavanti ॥NILA: 01.095.089॥
For this Bharata, proclaimed by the blessed Vyasa, is supreme and purifying. Those of the social classes beginning with the Brahmins who listen to it with faith, free from envy, friendly, and versed in the Vedas, also win heaven, become meritorious, and are beyond regret over what they have done or left undone. (NILA: 01.095.089)
[PV-SVO:01_010_185]
भवति चात्र श्लोकः। इदं हि वेदैः समितं पवित्रमपि चोत्तमम्। धन्यं यशस्यमायुष्यं श्रोतव्यं नियतात्मभिः ॥NILA: ०१.०९५.०९०॥
bhavati cātra ślōkaḥ। idaṁ hi vēdaiḥ samitaṁ pavitramapi cōttamam। dhanyaṁ yaśasyamāyuṣyaṁ śrōtavyaṁ niyatātmabhiḥ ॥NILA: 01.095.090॥
There is also a verse on this subject: “This is equal to the Vedas, purifying and supreme; it brings prosperity, fame, and long life, and should be heard by those who are self-controlled.” (NILA: 01.095.090)
[PV-SVO:01_010_186]