Chapter 20: Pāṇḍu’s death and Mādrī’s following him; Kuntī and the Pāṇḍavas return to Hastināpura, funeral rites are performed, and Satyavatī retires to the forest with Ambikā and Ambālikā.
वैशम्पायन उवाच॥
vaiśampāyana uvāca॥
Vaiśampāyana said:
[PV-KDV:01_020_1]
दर्शनीयांस्ततः पुत्रान्पाण्डुः पञ्च महावने । तान्पश्यन्पर्वते रेमे स्वबाहुबलपालितान् ॥BORI: १-११६-१॥
darśanīyāṁstataḥ putrānpāṇḍuḥ pañca mahāvanē । tānpaśyanparvatē rēmē svabāhubalapālitān ॥BORI: 1-116-1॥
Then, in the great forest on the mountain, Pandu delighted in watching his five handsome sons, whom he protected by the strength of his own arms. (BORI: 1-116-1)
[PV-KDV:01_020_2]
सुपुष्पितवने काले कदाचिन्मधुमाधवे । भूतसंमोहने राजा सभार्यो व्यचरद्वनम् ॥BORI: १-११६-२॥
supuṣpitavanē kālē kadācinmadhumādhavē । bhūtasaṁmōhanē rājā sabhāryō vyacaradvanam ॥BORI: 1-116-2॥
Once, in the season of Madhu and Madhava, when the forest was in full bloom and all creatures were spellbound, the king roamed the woods with his wife. (BORI: 1-116-2)
[PV-KDV:01_020_3]
पलाशैस्तिलकैश्चूतैश्चम्पकैः पारिभद्रकैः । अन्यैश्च बहुभिर्वृक्षैः फलपुष्पसमृद्धिभिः ॥BORI: १-११६-३॥
palāśaistilakaiścūtaiścampakaiḥ pāribhadrakaiḥ । anyaiśca bahubhirvr̥kṣaiḥ phalapuṣpasamr̥ddhibhiḥ ॥BORI: 1-116-3॥
with palasha, tilaka, mango, champak, and paribhadra trees, and many other trees laden with fruit and flowers... (BORI: 1-116-3)
[PV-PAN:01_020_4]
जलस्थानैश्च विविधैः पद्मिनीभिश्च शोभितम् । पाण्डोर्वनं तु सम्प्रेक्ष्य प्रजज्ञे हृदि मन्मथः ॥BORI: १-११६-४॥
jalasthānaiśca vividhaiḥ padminībhiśca śōbhitam । pāṇḍōrvanaṁ tu samprēkṣya prajajñē hr̥di manmathaḥ ॥BORI: 1-116-4॥
When Pandu saw the forest adorned with various pools and lotus ponds, desire arose in his heart. (BORI: 1-116-4)
[PV-PAN:01_020_5]
प्रहृष्टमनसं तत्र विहरन्तं यथामरम् । तं माद्र्यनुजगामैका वसनं बिभ्रती शुभम् ॥BORI: १-११६-५॥
prahr̥ṣṭamanasaṁ tatra viharantaṁ yathāmaram । taṁ mādryanujagāmaikā vasanaṁ bibhratī śubham ॥BORI: 1-116-5॥
As he wandered there with a joyful heart, like an immortal, Madri followed him alone, wearing a beautiful garment. (BORI: 1-116-5)
[PV-KDV:01_020_6]
समीक्षमाणः स तु तां वयःस्थां तनुवाससम् । तस्य कामः प्रववृधे गहनेऽग्निरिवोत्थितः ॥BORI: १-११६-६॥
samīkṣamāṇaḥ sa tu tāṁ vayaḥsthāṁ tanuvāsasam । tasya kāmaḥ pravavr̥dhē gahanē’gnirivōtthitaḥ ॥BORI: 1-116-6॥
As he gazed at the young woman in her thin garment, his desire grew like a fire springing up in a thicket. (BORI: 1-116-6)
[PV-PAN:01_020_7]
रहस्यात्मसमां दृष्ट्वा राजा राजीवलोचनाम् । न शशाक नियन्तुं तं कामं कामबलात्कृतः ॥BORI: १-११६-७॥
rahasyātmasamāṁ dr̥ṣṭvā rājā rājīvalōcanām । na śaśāka niyantuṁ taṁ kāmaṁ kāmabalātkr̥taḥ ॥BORI: 1-116-7॥
Seeing her alone, as dear to him as his own self, the lotus-eyed king, overpowered by desire, could not restrain his passion. (BORI: 1-116-7)
[PV-KDV:01_020_8]
तत एनां बलाद्राजा निजग्राह रहोगताम् । वार्यमाणस्तया देव्या विस्फुरन्त्या यथाबलम् ॥BORI: १-११६-८॥
tata ēnāṁ balādrājā nijagrāha rahōgatām । vāryamāṇastayā dēvyā visphurantyā yathābalam ॥BORI: 1-116-8॥
Then the king forcibly seized her when she was alone, though the queen resisted and struggled with all her strength. (BORI: 1-116-8)
[PV-KDV:01_020_9]
स तु कामपरीतात्मा तं शापं नान्वबुध्यत । माद्रीं मैथुनधर्मेण गच्छमानो बलादिव ॥BORI: १-११६-९॥
sa tu kāmaparītātmā taṁ śāpaṁ nānvabudhyata । mādrīṁ maithunadharmēṇa gacchamānō balādiva ॥BORI: 1-116-9॥
But his mind overwhelmed by desire, he gave no thought to that curse as he approached Madri for intercourse, as if by force… (BORI: 1-116-9)
[PV-KDV:01_020_10]
जीवितान्ताय कौरव्यो मन्मथस्य वशं गतः । शापजं भयमुत्सृज्य जगामैव बलात्प्रियाम् ॥BORI: १-११६-१०॥
jīvitāntāya kauravyō manmathasya vaśaṁ gataḥ । śāpajaṁ bhayamutsr̥jya jagāmaiva balātpriyām ॥BORI: 1-116-10॥
The Kaurava, overcome by passion, cast aside his fear of the curse and forced himself upon his beloved, bringing his life to an end. (BORI: 1-116-10)
[PV-KDV:01_020_11]
तस्य कामात्मनो बुद्धिः साक्षात्कालेन मोहिता । सम्प्रमथ्येन्द्रियग्रामं प्रनष्टा सह चेतसा ॥BORI: १-११६-११॥
tasya kāmātmanō buddhiḥ sākṣātkālēna mōhitā । sampramathyēndriyagrāmaṁ pranaṣṭā saha cētasā ॥BORI: 1-116-11॥
His reason, consumed by desire and deluded by Death himself, overwhelmed all his senses and vanished together with his consciousness. (BORI: 1-116-11)
[PV-KDV:01_020_12]
स तया सह सङ्गम्य भार्यया कुरुनन्दन । पाण्डुः परमधर्मात्मा युयुजे कालधर्मणा ॥BORI: १-११६-१२॥
sa tayā saha saṅgamya bhāryayā kurunandana । pāṇḍuḥ paramadharmātmā yuyujē kāladharmaṇā ॥BORI: 1-116-12॥
After uniting with his wife, O delight of the Kurus, the supremely righteous Pandu succumbed to death. (BORI: 1-116-12)
[PV-KDV:01_020_13]
ततो माद्री समालिङ्ग्य राजानं गतचेतसम् । मुमोच दुःखजं शब्दं पुनः पुनरतीव ह ॥BORI: १-११६-१३॥
tatō mādrī samāliṅgya rājānaṁ gatacētasam । mumōca duḥkhajaṁ śabdaṁ punaḥ punaratīva ha ॥BORI: 1-116-13॥
Then Madri embraced the lifeless king and again and again uttered exceedingly anguished cries. (BORI: 1-116-13)
[PV-PAN:01_020_14]
सह पुत्रैस्ततः कुन्ती माद्रीपुत्रौ च पाण्डवौ । आजग्मुः सहितास्तत्र यत्र राजा तथागतः ॥BORI: १-११६-१४॥
saha putraistataḥ kuntī mādrīputrau ca pāṇḍavau । ājagmuḥ sahitāstatra yatra rājā tathāgataḥ ॥BORI: 1-116-14॥
Then Kunti and her sons, together with the two Pandavas who were Madri’s sons, came to the place where the king lay in that state. (BORI: 1-116-14)
[PV-KDV:01_020_15]
ततो माद्र्यब्रवीद्राजन्नार्ता कुन्तीमिदं वचः । एकैव त्वमिहागच्छ तिष्ठन्त्वत्रैव दारकाः ॥BORI: १-११६-१५॥
tatō mādryabravīdrājannārtā kuntīmidaṁ vacaḥ । ēkaiva tvamihāgaccha tiṣṭhantvatraiva dārakāḥ ॥BORI: 1-116-15॥
Then, O king, the anguished Madri said these words to Kunti: “Come here alone. Let the children remain right here.” (BORI: 1-116-15)
[PV-KDV:01_020_16]
तच्छ्रुत्वा वचनं तस्यास्तत्रैवावार्य दारकान् । हताहमिति विक्रुश्य सहसोपजगाम ह ॥BORI: १-११६-१६॥
tacchrutvā vacanaṁ tasyāstatraivāvārya dārakān । hatāhamiti vikruśya sahasōpajagāma ha ॥BORI: 1-116-16॥
Hearing her words, Kunti held the children back there and, crying out, “I am undone!” rushed over. (BORI: 1-116-16)
[PV-KDV:01_020_17]
दृष्ट्वा पाण्डुं च माद्रीं च शयानौ धरणीतले । कुन्ती शोकपरीताङ्गी विललाप सुदुःखिता ॥BORI: १-११६-१७॥
dr̥ṣṭvā pāṇḍuṁ ca mādrīṁ ca śayānau dharaṇītalē । kuntī śōkaparītāṅgī vilalāpa suduḥkhitā ॥BORI: 1-116-17॥
Seeing Pandu and Madri lying on the ground, Kunti, her whole body overwhelmed by grief, lamented in deep sorrow. (BORI: 1-116-17)
[PV-PAN:01_020_18]
रक्ष्यमाणो मया नित्यं वीरः सततमात्मवान् । कथं त्वमभ्यतिक्रान्तः शापं जानन्वनौकसः ॥BORI: १-११६-१८॥
rakṣyamāṇō mayā nityaṁ vīraḥ satatamātmavān । kathaṁ tvamabhyatikrāntaḥ śāpaṁ jānanvanaukasaḥ ॥BORI: 1-116-18॥
Ever guarded by me, O hero, and always self-controlled, how did you transgress the forest-dweller’s curse, knowing of it? (BORI: 1-116-18)
[PV-PAX:01_020_19]
ननु नाम त्वया माद्रि रक्षितव्यो जनाधिपः । सा कथं लोभितवती विजने त्वं नराधिपम् ॥BORI: १-११६-१९॥
nanu nāma tvayā mādri rakṣitavyō janādhipaḥ । sā kathaṁ lōbhitavatī vijanē tvaṁ narādhipam ॥BORI: 1-116-19॥
Surely, Madri, the king should have been protected by you. How then did you tempt the lord of men when you were alone with him? (BORI: 1-116-19)
[PV-PAX:01_020_20]
कथं दीनस्य सततं त्वामासाद्य रहोगताम् । तं विचिन्तयतः शापं प्रहर्षः समजायत ॥BORI: १-११६-२०॥
kathaṁ dīnasya satataṁ tvāmāsādya rahōgatām । taṁ vicintayataḥ śāpaṁ praharṣaḥ samajāyata ॥BORI: 1-116-20॥
How did joy arise in him when, ever despondent and mindful of that curse, he found you alone in a secluded place? (BORI: 1-116-20)
[PV-PAX:01_020_21]
धन्या त्वमसि बाह्लीकि मत्तो भाग्यतरा तथा । दृष्टवत्यसि यद्वक्त्रं प्रहृष्टस्य महीपतेः ॥BORI: १-११६-२१॥
dhanyā tvamasi bāhlīki mattō bhāgyatarā tathā । dr̥ṣṭavatyasi yadvaktraṁ prahr̥ṣṭasya mahīpatēḥ ॥BORI: 1-116-21॥
You are blessed, Bāhlīkī, and more fortunate than I, for you have seen the face of the delighted king. (BORI: 1-116-21)
[PV-PAX:01_020_22]
माद्र्युवाच॥
mādryuvāca॥
Mādrī said:
[PV-KDV:01_020_23]
विलोभ्यमानेन मया वार्यमाणेन चासकृत् । आत्मा न वारितोऽनेन सत्यं दिष्टं चिकीर्षुणा ॥BORI: १-११६-२२॥
vilōbhyamānēna mayā vāryamāṇēna cāsakr̥t । ātmā na vāritō’nēna satyaṁ diṣṭaṁ cikīrṣuṇā ॥BORI: 1-116-22॥
Though I tempted him and repeatedly tried to restrain him, he did not control himself, wishing to make what was ordained come true. (BORI: 1-116-22)
[PV-KDV:01_020_24]
कुन्त्युवाच॥
kuntyuvāca॥
Kunti said:
[PV-KDV:01_020_25]
अहं ज्येष्ठा धर्मपत्नी ज्येष्ठं धर्मफलं मम । अवश्यं भाविनो भावान्मा मां माद्रि निवर्तय ॥BORI: १-११६-२३॥
ahaṁ jyēṣṭhā dharmapatnī jyēṣṭhaṁ dharmaphalaṁ mama । avaśyaṁ bhāvinō bhāvānmā māṁ mādri nivartaya ॥BORI: 1-116-23॥
I am the senior lawful wife, and the highest reward of righteousness is mine. Madri, do not turn me away from what must inevitably come to pass. (BORI: 1-116-23)
[PV-KDV:01_020_26]
अन्वेष्यामीह भर्तारमहं प्रेतवशं गतम् । उत्तिष्ठ त्वं विसृज्यैनमिमान्रक्षस्व दारकान् ॥BORI: १-११६-२४॥
anvēṣyāmīha bhartāramahaṁ prētavaśaṁ gatam । uttiṣṭha tvaṁ visr̥jyainamimānrakṣasva dārakān ॥BORI: 1-116-24॥
I shall follow our husband here, now that he has passed into the power of death. Rise, release him, and look after these children. (BORI: 1-116-24)
[PV-KDV:01_020_27]
माद्र्युवाच॥
mādryuvāca॥
Mādrī said:
[PV-KDV:01_020_28]
अहमेवानुयास्यामि भर्तारमपलायिनम् ॥BORI: १-११६-२५A॥
ahamēvānuyāsyāmi bhartāramapalāyinam ॥BORI: 1-116-25A॥
I myself shall follow my husband, the steadfast/non-fleeing one. (BORI: 1-116-25A)
[PV-KDV:01_020_29]
न हि तृप्तास्मि कामानां तज्ज्येष्ठा अनुमन्यताम् ॥BORI: १-११६-२५B॥
na hi tr̥ptāsmi kāmānāṁ tajjyēṣṭhā anumanyatām ॥BORI: 1-116-25B॥
For I am not satisfied in my desires; therefore let the elder lady give her consent. (BORI: 1-116-25B)
[PV-PAN:01_020_30]
मां चाभिगम्य क्षीणोऽयं कामाद्भरतसत्तमः ॥BORI: १-११६-२६A॥
māṁ cābhigamya kṣīṇō’yaṁ kāmādbharatasattamaḥ । tamucchindyāmasya kāmaṁ kathaṁ nu yamasādanē ॥BORI: 1-116-26॥
Having approached me, this best of the Bharatas was spent/overcome through desire. (BORI: 1-116-26A)
[PV-KDV:01_020_31]
तमुच्छिन्द्यामस्य कामं कथं नु यमसादने ॥BORI: १-११६-२६B॥
māṁ cābhigamya kṣīṇō’yaṁ kāmādbharatasattamaḥ । tamucchindyāmasya kāmaṁ kathaṁ nu yamasādanē ॥BORI: 1-116-26॥
How indeed could I bring/end that desire of his in Yama's abode? (BORI: 1-116-26B)
[PV-PAN:01_020_32]
न चाप्यहं वर्तयन्ती निर्विशेषं सुतेषु ते । वृत्तिमार्ये चरिष्यामि स्पृशेदेनस्तथा हि माम् ॥BORI: १-११६-२७॥
na cāpyahaṁ vartayantī nirviśēṣaṁ sutēṣu tē । vr̥ttimāryē cariṣyāmi spr̥śēdēnastathā hi mām ॥BORI: 1-116-27॥
Nor could I go on living, noble lady, treating your sons without distinction; for in that case sin would attach to me. (BORI: 1-116-27)
[PV-KDV:01_020_33]
तस्मान्मे सुतयोः कुन्ति वर्तितव्यं स्वपुत्रवत् । मां हि कामयमानोऽयं राजा प्रेतवशं गतः ॥BORI: १-११६-२८॥
tasmānmē sutayōḥ kunti vartitavyaṁ svaputravat । māṁ hi kāmayamānō’yaṁ rājā prētavaśaṁ gataḥ ॥BORI: 1-116-28॥
Therefore, Kunti, you must treat my two sons as your own, for this king died while desiring me. (BORI: 1-116-28)
[PV-KDV:01_020_34]
राज्ञः शरीरेण सह ममापीदं कलेवरम् । दग्धव्यं सुप्रतिच्छन्नमेतदार्ये प्रियं कुरु ॥BORI: १-११६-२९॥
rājñaḥ śarīrēṇa saha mamāpīdaṁ kalēvaram । dagdhavyaṁ supraticchannamētadāryē priyaṁ kuru ॥BORI: 1-116-29॥
Let this body of mine also be burned together with the king’s body, well covered. Noble lady, do me this kindness. (BORI: 1-116-29)
[PV-KDV:01_020_35]
दारकेष्वप्रमत्ता च भवेथाश्च हिता मम । अतोऽन्यन्न प्रपश्यामि संदेष्टव्यं हि किञ्चन ॥BORI: १-११६-३०॥
dārakēṣvapramattā ca bhavēthāśca hitā mama । atō’nyanna prapaśyāmi saṁdēṣṭavyaṁ hi kiñcana ॥BORI: 1-116-30॥
Be vigilant in caring for the children and act for my good. Beyond this, I see nothing else that needs to be asked of you. (BORI: 1-116-30)
[PV-KDV:01_020_36]
वैशम्पायन उवाच॥
vaiśampāyana uvāca॥
Vaiśampāyana said:
[PV-KDV:01_020_37]
इत्युक्त्वा तं चिताग्निस्थं धर्मपत्नी नरर्षभम् । मद्रराजात्मजा तूर्णमन्वारोहद्यशस्विनी ॥BORI: १-११६-३१॥
ityuktvā taṁ citāgnisthaṁ dharmapatnī nararṣabham । madrarājātmajā tūrṇamanvārōhadyaśasvinī ॥BORI: 1-116-31॥
Having said this, the illustrious daughter of the king of Madra, his lawful wife, swiftly mounted the funeral pyre after that bull among men. (BORI: 1-116-31)
[PV-KDV:01_020_38]
पूर्णे चतुर्दशे वर्षे फल्गुनस्य च धीमतः ॥KUMB: १-१३४-११॥
pūrṇē caturdaśē varṣē phalgunasya ca dhīmataḥ ॥KUMB: 1-134-11॥
When the wise Phalguna’s fourteenth year was complete … (KUMB: 1-134-11)
[PV-SVO:01_020_39]
यस्मिन्नृक्षे समुत्पन्नः पार्थस्तस्य च धीमतः । तस्मिन्नुत्तरफल्गुन्यां प्रवृत्ते स्वस्तिवाचने ॥KUMB: १-१३४-१२॥
yasminnr̥kṣē samutpannaḥ pārthastasya ca dhīmataḥ । tasminnuttaraphalgunyāṁ pravr̥ttē svastivācanē ॥KUMB: 1-134-12॥
and when the benediction ceremony for that wise man began under that same lunar mansion, Uttara Phalguni, in which Partha had been born… (KUMB: 1-134-12)
[PV-SVO:01_020_40]
रक्षणे विस्मृता कुन्ती व्यग्रा ब्राह्मणभोजने । पुरोहितेन सहितान्ब्राह्मणान्पर्यवेषयत् ॥KUMB: १-१३४-१३॥
rakṣaṇē vismr̥tā kuntī vyagrā brāhmaṇabhōjanē । purōhitēna sahitānbrāhmaṇānparyavēṣayat ॥KUMB: 1-134-13॥
Distracted by feeding the Brahmins, Kunti forgot to keep watch and served the Brahmins who were gathered with the priest. (KUMB: 1-134-13)
[PV-SVO:01_020_41]
अथ सोऽष्टादशे वर्षे ऋतौ माद्रमलङ्कृताम् । आजुहाव ततः पाण्डुः परीतात्मा यशस्विनीम् ॥KUMB: १-१३४-२१॥
atha sō’ṣṭādaśē varṣē r̥tau mādramalaṅkr̥tām । ājuhāva tataḥ pāṇḍuḥ parītātmā yaśasvinīm ॥KUMB: 1-134-21॥
Then, in the eighteenth year, during her fertile season, the illustrious Pandu, his mind overwhelmed, summoned the adorned princess of Madra. (KUMB: 1-134-21)
[PV-SVO:01_020_42]
तस्यास्तद्वचनं श्रुत्वा कुन्ती शोकाग्निदीपिता । पपात सहसा भूमौ छिन्नमूल इव द्रुमः ॥KUMB: १-१३४-३७॥
tasyāstadvacanaṁ śrutvā kuntī śōkāgnidīpitā । papāta sahasā bhūmau chinnamūla iva drumaḥ ॥KUMB: 1-134-37॥
Hearing those words of hers, Kunti, set ablaze by the fire of grief, suddenly fell to the ground like a tree cut off at the roots. (KUMB: 1-134-37)
[PV-SVO:01_020_43]
निश्चेष्टा पतिता भूमौ मोहेन न चचाल सा । तस्मिन्क्षणे कृतस्नानमहताम्बरसंवृतम् ॥KUMB: १-१३४-३८॥
niścēṣṭā patitā bhūmau mōhēna na cacāla sā । tasminkṣaṇē kr̥tasnānamahatāmbarasaṁvr̥tam ॥KUMB: 1-134-38॥
She lay motionless on the ground and did not stir, overcome by stupor. At that moment, bathed and wrapped in fresh garments... (KUMB: 1-134-38)
[PV-SVO:01_020_44]
अलङ्कारकृतं पाण्डुं शयानं शयने शुभे । कुन्तीमुत्थाप्य माद्री तु मोहेनाविष्टचेतनाम् ॥KUMB: १-१३४-३९॥
alaṅkārakr̥taṁ pāṇḍuṁ śayānaṁ śayanē śubhē । kuntīmutthāpya mādrī tu mōhēnāviṣṭacētanām ॥KUMB: 1-134-39॥
Pāṇḍu, adorned and lying on a beautiful bed; Mādrī then raised Kuntī, whose mind was overcome by stupor… (KUMB: 1-134-39)
[PV-SVO:01_020_45]
आर्ये एहीति तां कुन्तीं दर्शयामास कौरव । पादयोः पतिता कुन्ती पुनरुत्थाय भूमिपम् ॥KUMB: १-१३४-४०॥
āryē ēhīti tāṁ kuntīṁ darśayāmāsa kaurava । pādayōḥ patitā kuntī punarutthāya bhūmipam ॥KUMB: 1-134-40॥
Saying, “Noble lady, come,” she showed him to Kunti, O Kaurava. Kunti fell at his feet and then rose again—the king… (KUMB: 1-134-40)
[PV-SVO:01_020_46]
रक्तचन्दनदिग्धांङ्गं महारजनवाससम् । सस्मितेन च वक्त्रेण वदन्तमिव भारतम् ॥KUMB: १-१३४-४१॥
raktacandanadigdhāṁṅgaṁ mahārajanavāsasam । sasmitēna ca vaktrēṇa vadantamiva bhāratam ॥KUMB: 1-134-41॥
the descendant of Bharata, his body anointed with red sandalwood, clad in crimson garments, and seeming to speak with a smile on his face… (KUMB: 1-134-41)
[PV-SVO:01_020_47]
परिरभ्य ततो मोहाद्विललापाकुलेन्द्रिया । माद्री चापि समालिङ्ग्य राजानं विललाप सा ॥KUMB: १-१३४-४२॥
parirabhya tatō mōhādvilalāpākulēndriyā । mādrī cāpi samāliṅgya rājānaṁ vilalāpa sā ॥KUMB: 1-134-42॥
Then, embracing him, she lamented in bewilderment, her senses overwhelmed; Madri too embraced the king and lamented. (KUMB: 1-134-42)
[PV-SVO:01_020_48]
तं तथा शायिनं पुत्रा ऋषयः सह चारणैः । अभ्येत्य सहिताः सर्वे शोकादश्रूण्यवर्तयन् ॥KUMB: १-१३४-४३॥
taṁ tathā śāyinaṁ putrā r̥ṣayaḥ saha cāraṇaiḥ । abhyētya sahitāḥ sarvē śōkādaśrūṇyavartayan ॥KUMB: 1-134-43॥
His sons, the seers, and the Charanas all approached him as he lay there and shed tears of grief. (KUMB: 1-134-43)
[PV-SVO:01_020_49]
अस्तं गतमिवादित्यं संशुष्कमिव सागरम् । दृष्ट्वा पाण्डुं नरव्याघ्रं शोचन्ति स्म महर्षयः ॥KUMB: १-१३४-४४॥
astaṁ gatamivādityaṁ saṁśuṣkamiva sāgaram । dr̥ṣṭvā pāṇḍuṁ naravyāghraṁ śōcanti sma maharṣayaḥ ॥KUMB: 1-134-44॥
Seeing Pandu, tiger among men, like the sun that had set and the ocean run dry, the great seers grieved. (KUMB: 1-134-44)
[PV-SVO:01_020_50]
समानशोका ऋषयः पाण्डवाश्च बभूविरे । ते समाश्वासिते विप्रैर्विलेपतुरनिन्दिते ॥KUMB: १-१३४-४५॥
samānaśōkā r̥ṣayaḥ pāṇḍavāśca babhūvirē । tē samāśvāsitē viprairvilēpaturaninditē ॥KUMB: 1-134-45॥
The seers and the Pandavas were equally grief-stricken. Consoled by the Brahmins, the two blameless women lamented: (KUMB: 1-134-45)
[PV-SVO:01_020_51]
हा राजन्कस्य नो हित्वा गच्छसि त्रिदशालयम् । हा राजन्मम मन्दायाः कथं माद्रीं समेत्य वै ॥KUMB: १-१३४-४६॥
hā rājankasya nō hitvā gacchasi tridaśālayam । hā rājanmama mandāyāḥ kathaṁ mādrīṁ samētya vai ॥KUMB: 1-134-46॥
Alas, king! To whom do you leave us as you go to the abode of the gods? Alas, king! How indeed, after uniting with Madri, could you leave wretched me… (KUMB: 1-134-46)
[PV-SVO:01_020_52]
निधनं प्राप्तवान्राजन्मद्भाग्यपरिसंक्षयात् । युधिष्ठिरं भीमसेनमर्जुनं च यमावुभौ ॥KUMB: १-१३४-४७॥
nidhanaṁ prāptavānrājanmadbhāgyaparisaṁkṣayāt । yudhiṣṭhiraṁ bhīmasēnamarjunaṁ ca yamāvubhau ॥KUMB: 1-134-47॥
did you meet your death, O king, because my good fortune was utterly exhausted? Yudhishthira, Bhimasena, Arjuna, and both twins— (KUMB: 1-134-47)
[PV-SVO:01_020_53]
कस्य हित्वा प्रियान्पुत्रान्प्रयातोऽसि विशांपते । नूनं त्वां त्रिदशा देवाः प्रतिनन्दन्ति भारत ॥KUMB: १-१३४-४८॥
kasya hitvā priyānputrānprayātō’si viśāṁpatē । nūnaṁ tvāṁ tridaśā dēvāḥ pratinandanti bhārata ॥KUMB: 1-134-48॥
In whose care have you left your beloved sons and departed, O lord of peoples? Surely the gods of heaven welcome you, O Bharata. (KUMB: 1-134-48)
[PV-SVO:01_020_54]
यतो हि तप उग्रं वै चरितं ब्रह्मसंसदि । आवाभ्यां सहितो राजन्गमिष्यसि दिवं शुभम् ॥KUMB: १-१३४-४९॥
yatō hi tapa ugraṁ vai caritaṁ brahmasaṁsadi । āvābhyāṁ sahitō rājangamiṣyasi divaṁ śubham ॥KUMB: 1-134-49॥
For since you have indeed practiced severe austerity in the company of Brahmins, O king, you will go with us both to the blessed heaven. (KUMB: 1-134-49)
[PV-SVO:01_020_55]
आजमीढाजमीढानां कर्मणा चरतां गतिम् । ननु नाम सहावाभ्यां गमिष्यामीति यत्त्वया ॥KUMB: १-१३४-५०॥
ājamīḍhājamīḍhānāṁ karmaṇā caratāṁ gatim । nanu nāma sahāvābhyāṁ gamiṣyāmīti yattvayā ॥KUMB: 1-134-50॥
O descendant of Ajamidha, “Surely I shall go with you both to the destiny of the descendants of Ajamidha who act according to duty”—what you… (KUMB: 1-134-50)
[PV-SVO:01_020_56]
प्रतिज्ञाता कुरुश्रेष्ठ यदाऽस्मि वनमागता । आवाभ्यां चैव सहितो गमिष्यसि विशांपते । मुहूर्तं क्षम्यतां राजन्द्रक्ष्येऽहं च मुखं तव ॥KUMB: १-१३४-५१॥
pratijñātā kuruśrēṣṭha yadā’smi vanamāgatā । āvābhyāṁ caiva sahitō gamiṣyasi viśāṁpatē । muhūrtaṁ kṣamyatāṁ rājandrakṣyē’haṁ ca mukhaṁ tava ॥KUMB: 1-134-51॥
—was what you promised, O best of the Kurus, when I came to the forest. You will go accompanied by us both, O lord of the people. Wait a moment, O king, and I too shall look upon your face. (KUMB: 1-134-51)
[PV-SVO:01_020_57]
विलपित्वा भृशं चैव निःसंज्ञे पतिते भुवि । यथा हते मृगे मृग्यौ लुब्धैर्वनगते तथा ॥KUMB: १-१३४-५२॥
vilapitvā bhr̥śaṁ caiva niḥsaṁjñē patitē bhuvi । yathā hatē mr̥gē mr̥gyau lubdhairvanagatē tathā ॥KUMB: 1-134-52॥
After lamenting bitterly, the two fell unconscious to the ground, like two does in the forest when their stag has been killed by hunters. (KUMB: 1-134-52)
[PV-SVO:01_020_58]
युधिष्ठिरमुखाः सर्वे पाण्डवा वेदपरागाः । तेऽभ्यागत्य पितुर्मूले निःसंज्ञाः पतिता भुवि ॥KUMB: १-१३४-५३॥
yudhiṣṭhiramukhāḥ sarvē pāṇḍavā vēdaparāgāḥ । tē’bhyāgatya piturmūlē niḥsaṁjñāḥ patitā bhuvi ॥KUMB: 1-134-53॥
All the Pandavas, led by Yudhishthira and learned in the Vedas, came to their father’s feet and fell unconscious to the ground. (KUMB: 1-134-53)
[PV-SVO:01_020_59]
पाण्डोः पादौ परिष्वज्य विलपन्ति स्म पाण्डवाः । हा विनष्टाः स्म तातेति हा अनाथा भवामहे ॥KUMB: १-१३४-५४॥
pāṇḍōḥ pādau pariṣvajya vilapanti sma pāṇḍavāḥ । hā vinaṣṭāḥ sma tātēti hā anāthā bhavāmahē ॥KUMB: 1-134-54॥
Embracing Pāṇḍu’s feet, the Pāṇḍavas lamented: “Alas, Father, we are lost! Alas, we are becoming orphans!” (KUMB: 1-134-54)
[PV-SVO:01_020_60]
त्वद्विहीना महाप्राज्ञ कथं जीवाम बालकाः । लोकनाथस्य पुत्राः स्मो न सनाथा भवामहे ॥KUMB: १-१३४-५५॥
tvadvihīnā mahāprājña kathaṁ jīvāma bālakāḥ । lōkanāthasya putrāḥ smō na sanāthā bhavāmahē ॥KUMB: 1-134-55॥
Without you, O greatly wise one, how can we children live? We are the sons of the lord of the world, yet we have no protector. (KUMB: 1-134-55)
[PV-SVO:01_020_61]
क्षणेनैव महाराज अहो लोकस्य चित्रता । नास्मद्विधा राजपुत्रा अधन्याः सन्ति भारत ॥KUMB: १-१३४-५६॥
kṣaṇēnaiva mahārāja ahō lōkasya citratā । nāsmadvidhā rājaputrā adhanyāḥ santi bhārata ॥KUMB: 1-134-56॥
In but a moment, O great king—ah, how strange are the ways of the world! O Bharata, no princes are as unfortunate as we are. (KUMB: 1-134-56)
[PV-SVO:01_020_62]
त्वद्विनाशाच्च राजेन्द्र राज्यप्रस्खलनात्तदा । पाण्डवाश्च वयं सर्वे प्राप्ताः स्म व्यसनं महत् ॥KUMB: १-१३४-५७॥
tvadvināśācca rājēndra rājyapraskhalanāttadā । pāṇḍavāśca vayaṁ sarvē prāptāḥ sma vyasanaṁ mahat ॥KUMB: 1-134-57॥
Because of your death, O lord of kings, and the consequent loss of the kingdom, the Pāṇḍavas and all of us fell into great distress. (KUMB: 1-134-57)
[PV-SVO:01_020_63]
किं करिष्यामहे राजन्कर्तव्यं च प्रसीदताम् । भीमसेन उवाच । हित्वा राज्यं च भोगांश्च शतशृङ्गनिवासिना ॥KUMB: १-१३४-५८; KUMB: १-१३४-५८क्ष्॥
kiṁ kariṣyāmahē rājankartavyaṁ ca prasīdatām । bhīmasēna uvāca । hitvā rājyaṁ ca bhōgāṁśca śataśr̥ṅganivāsinā ॥KUMB: 1-134-58; KUMB: 1-134-58kṣ॥
“What shall we do, O king? Please tell us what must be done.” Bhimasena said, “By you, who abandoned the kingdom and its pleasures and lived on Mount Shatashringa…” (KUMB: 1-134-58; KUMB: 1-134-58क्ष्)
[PV-SVO:01_020_64]
त्वया लब्धाः स्म राजेन्द्र महता तपसा वयम् । हित्वा मानं वनं गत्वा स्वयमाहृत्य भक्षणम् ॥KUMB: १-१३४-५९॥
tvayā labdhāḥ sma rājēndra mahatā tapasā vayam । hitvā mānaṁ vanaṁ gatvā svayamāhr̥tya bhakṣaṇam ॥KUMB: 1-134-59॥
O lord of kings, you gained us through great austerity. Renouncing your pride and going to the forest, you personally gathered food... (KUMB: 1-134-59)
[PV-SVO:01_020_65]
शाकमूलफलैर्वन्यैर्भरणं वै त्वया कृतम् । पुत्रानुत्पाद्य पितरो यमिच्छ्ति महातम्नः ॥KUMB: १-१३४-६०॥
śākamūlaphalairvanyairbharaṇaṁ vai tvayā kr̥tam । putrānutpādya pitarō yamicchti mahātamnaḥ ॥KUMB: 1-134-60॥
You have indeed maintained us with wild greens, roots, and fruits. Having begotten sons, great-souled fathers desire that… (KUMB: 1-134-60)
[PV-SVO:01_020_66]
त्रिवर्गफलमिच्छन्तस्तस्य कालोऽयमागतः । अभुक्त्वैव फलं राजन्गन्तुं नार्हसि भारत ॥KUMB: १-१३४-६१॥
trivargaphalamicchantastasya kālō’yamāgataḥ । abhuktvaiva phalaṁ rājangantuṁ nārhasi bhārata ॥KUMB: 1-134-61॥
The time has now come for those who desire the fruits of the three aims of life. O King, descendant of Bharata, you should not depart without enjoying that fruit. (KUMB: 1-134-61)
[PV-SVO:01_020_67]
इत्येवमुक्त्वा पितरं भीमोऽपि विललाप ॥KUMB: १-१३४-६२॥
ityēvamuktvā pitaraṁ bhīmō’pi vilalāpa ॥KUMB: 1-134-62॥
Having spoken thus to his father, Bhima too lamented. (KUMB: 1-134-62)
[PV-SVO:01_020_68]
प्रनष्टं भारतं वंशं पाण्डुना पुनरुद्धृतम् । तस्मिंस्तदा वनगते नष्टं राज्यमराजकम् ॥KUMB: १-१३४-६३॥
pranaṣṭaṁ bhārataṁ vaṁśaṁ pāṇḍunā punaruddhr̥tam । tasmiṁstadā vanagatē naṣṭaṁ rājyamarājakam ॥KUMB: 1-134-63॥
The Bharata line, which had died out, was restored by Pandu. When he then withdrew to the forest, the kingless realm fell into ruin. (KUMB: 1-134-63)
[PV-SVO:01_020_69]
पुनर्निःसारितं क्षत्रं पाण्डुपुत्रैश्च पञ्चभिः । एतच्छ्रुत्वाऽनुमोदित्वा गन्तुमर्हसि शङ्कर ॥KUMB: १-१३४-६४॥
punarniḥsāritaṁ kṣatraṁ pāṇḍuputraiśca pañcabhiḥ । ētacchrutvā’numōditvā gantumarhasi śaṅkara ॥KUMB: 1-134-64॥
Royal power was restored once more by the five sons of Pandu. Having heard this and approved it, you should depart, Shankara. (KUMB: 1-134-64)
[PV-SVO:01_020_70]
इत्येवमुक्त्वा पितरं विललाप धनञ्जयः । यमावूचतुः । दुःसहं च तपः कृत्वा लब्ध्वा नो भरतर्षभ ॥KUMB: १-१३४-६५; KUMB: १-१३४-६५क्ष्॥
ityēvamuktvā pitaraṁ vilalāpa dhanañjayaḥ । yamāvūcatuḥ । duḥsahaṁ ca tapaḥ kr̥tvā labdhvā nō bharatarṣabha ॥KUMB: 1-134-65; KUMB: 1-134-65kṣ॥
Having thus addressed his father, Dhanañjaya lamented. The twins said, “After performing unbearable austerities and obtaining us, O bull of the Bharatas…” (KUMB: 1-134-65; KUMB: 1-134-65क्ष्)
[PV-SVO:01_020_71]
पुत्रलाभस्य महतः शुश्रूषादिफलं त्वया । न चावाप्तं किंचिदेव पुरा दशरथो यथा ॥KUMB: १-१३४-६६॥
putralābhasya mahataḥ śuśrūṣādiphalaṁ tvayā । na cāvāptaṁ kiṁcidēva purā daśarathō yathā ॥KUMB: 1-134-66॥
You have gained none of the fruits of the great blessing of having sons, such as their devoted service, just as Daśaratha did not in former times. (KUMB: 1-134-66)
[PV-SVO:01_020_72]
एवमुक्त्वा यमौ चापि विलेपतुरथातुरौ ॥KUMB: १-१३४-६७॥
ēvamuktvā yamau cāpi vilēpaturathāturau ॥KUMB: 1-134-67॥
Having spoken thus, the two grief-stricken twins also began to lament. (KUMB: 1-134-67)
[PV-SVO:01_020_73]
अवाप्य पुत्रांल्लब्धार्थान्वीरपत्नीत्वमर्थये ॥KUMB: १-१३४-७०॥
avāpya putrāṁllabdhārthānvīrapatnītvamarthayē ॥KUMB: 1-134-70॥
Having obtained sons who have achieved their aims, I seek the status of a hero’s wife. (KUMB: 1-134-70)
[PV-SVO:01_020_74]
मम हतोर्हि राजाऽयं दिवं राजर्पिसत्तमः । न चैव तादृशी बुद्धिर्बान्धवाश्च न तादृशाः ॥KUMB: १-१३४-७३॥
mama hatōrhi rājā’yaṁ divaṁ rājarpisattamaḥ । na caiva tādr̥śī buddhirbāndhavāśca na tādr̥śāḥ ॥KUMB: 1-134-73॥
For it was on my account that this king, the foremost of royal seers, was slain. I do not possess such wisdom, nor are my kinsmen of such a kind. (KUMB: 1-134-73)
[PV-SVO:01_020_75]
न चोत्सहे धारयितुं प्राणान्भर्त्रा विना कृता । तस्मात्तमनुयास्यामि यान्तं वैवस्वतक्षयम् ॥KUMB: १-१३४-७४॥
na cōtsahē dhārayituṁ prāṇānbhartrā vinā kr̥tā । tasmāttamanuyāsyāmi yāntaṁ vaivasvatakṣayam ॥KUMB: 1-134-74॥
I cannot bear to remain alive, bereft of my husband. Therefore I shall follow him as he goes to the abode of Vaivasvata. (KUMB: 1-134-74)
[PV-SVO:01_020_76]
ऋषयस्तान्समाश्वास्य पाण्डवान्सत्यविक्रमान् । ऊचुः कुन्तीं च माद्रीं च समाश्वास्य तपस्विनः ॥KUMB: १-१३४-७९॥
r̥ṣayastānsamāśvāsya pāṇḍavānsatyavikramān । ūcuḥ kuntīṁ ca mādrīṁ ca samāśvāsya tapasvinaḥ ॥KUMB: 1-134-79॥
After consoling those truly valiant Pandavas, as well as Kunti and Madri, the ascetic sages said: (KUMB: 1-134-79)
[PV-SVO:01_020_77]
सुभगे बालपुत्रा तु न मर्तव्यं तथंचन । पाण्डवांश्चापि नेष्यामः कुरुराष्ट्रं परन्तपान् ॥KUMB: १-१३४-८०॥
subhagē bālaputrā tu na martavyaṁ tathaṁcana । pāṇḍavāṁścāpi nēṣyāmaḥ kururāṣṭraṁ parantapān ॥KUMB: 1-134-80॥
O fortunate lady, you have young sons and must by no means die. We shall also take the Pandavas, those scorchers of foes, to the Kuru realm. (KUMB: 1-134-80)
[PV-SVO:01_020_78]
अधर्मेष्वर्थजातेषु धृतराष्ट्रश्च लोभवान् । स कदाचिन्न वर्तेत पाण्डवेषु यथाविधि ॥KUMB: १-१३४-८१॥
adharmēṣvarthajātēṣu dhr̥tarāṣṭraśca lōbhavān । sa kadācinna vartēta pāṇḍavēṣu yathāvidhi ॥KUMB: 1-134-81॥
Dhritarashtra, moreover, is greedy in wrongful matters of wealth; he may one day fail to treat the Pandavas properly. (KUMB: 1-134-81)
[PV-SVO:01_020_79]
कुन्त्याश्च वृष्णयो नाथाः कुन्तिभोजस्तथैव च । माद्र्याश्च बलिनांश्रेष्ठः शल्यो भ्राता महारथः ॥KUMB: १-१३४-८२॥
kuntyāśca vr̥ṣṇayō nāthāḥ kuntibhōjastathaiva ca । mādryāśca balināṁśrēṣṭhaḥ śalyō bhrātā mahārathaḥ ॥KUMB: 1-134-82॥
Kuntī has the Vṛṣṇis as her protectors, as well as Kuntibhoja; and Mādrī’s brother Śalya is the foremost of the mighty and a great chariot-warrior. (KUMB: 1-134-82)
[PV-SVO:01_020_80]
भर्त्रा तु मरणं सार्धं फलवन्नात्र संशयः । युवाभ्यां दुष्करं चैतद्वदन्ति द्विजपुङ्गवाः ॥KUMB: १-१३४-८३॥
bhartrā tu maraṇaṁ sārdhaṁ phalavannātra saṁśayaḥ । yuvābhyāṁ duṣkaraṁ caitadvadanti dvijapuṅgavāḥ ॥KUMB: 1-134-83॥
But dying together with one’s husband is fruitful—of this there is no doubt. Yet the foremost brahmins say that this would be difficult for you both. (KUMB: 1-134-83)
[PV-SVO:01_020_81]
मृते भर्तरि साध्वी स्त्री ब्रह्मचर्यव्रते स्थिता । यमैश्च नियमैः पूता मनोवाक्कायजैः शुभा ॥KUMB: १-१३४-८४॥
mr̥tē bhartari sādhvī strī brahmacaryavratē sthitā । yamaiśca niyamaiḥ pūtā manōvākkāyajaiḥ śubhā ॥KUMB: 1-134-84॥
After her husband’s death, a good and virtuous woman who remains under a vow of celibacy, purified by restraints and observances of mind, speech, and body… (KUMB: 1-134-84)
[PV-SVO:01_020_82]
भर्तारं चिन्तयन्ती सा भर्तारं निस्तरेच्छुभा । तारितश्चापि भर्ता स्यादात्मा पुत्रस्तथैव च ॥KUMB: १-१३४-८५॥
bhartāraṁ cintayantī sā bhartāraṁ nistarēcchubhā । tāritaścāpi bhartā syādātmā putrastathaiva ca ॥KUMB: 1-134-85॥
Thinking of her husband, that virtuous woman would deliver him; her husband would be saved, as would she herself and her son. (KUMB: 1-134-85)
[PV-SVO:01_020_83]
तस्माञ्जीवितमेवैतद्युवयोर्विद्म शोभनम् ॥KUMB: १-१३४-८६॥
tasmāñjīvitamēvaitadyuvayōrvidma śōbhanam ॥KUMB: 1-134-86॥
Therefore, we consider this very life best for you both. (KUMB: 1-134-86)
[PV-SVO:01_020_84]
यथा पाण्डोस्तु निर्देशस्तथा विप्रगणस्य च । आज्ञा शिरसि निक्षिप्ता करिष्यामि च तत्तथा ॥KUMB: १-१३४-८७॥
yathā pāṇḍōstu nirdēśastathā vipragaṇasya ca । ājñā śirasi nikṣiptā kariṣyāmi ca tattathā ॥KUMB: 1-134-87॥
I have placed upon my head the command of Pandu, as well as that of the company of Brahmins, and I shall act accordingly. (KUMB: 1-134-87)
[PV-SVO:01_020_85]
यदाद्दुर्भगवन्तोऽपि तन्मन्ये शोभनं परम् । भर्तुश्च मम पुत्राणामात्मनश्च न संशयः ॥KUMB: १-१३४-८८॥
yadāddurbhagavantō’pi tanmanyē śōbhanaṁ param । bhartuśca mama putrāṇāmātmanaśca na saṁśayaḥ ॥KUMB: 1-134-88॥
Whatever you venerable ones say, I consider supremely good for my husband, my sons, and myself—of this there is no doubt. (KUMB: 1-134-88)
[PV-SVO:01_020_86]
कुन्ती समर्था पुत्राणां योगक्षेमस्य धारणे । अस्या हि न समा बुद्ध्या यद्यपि स्यादरुन्धती ॥KUMB: १-१३४-८९॥
kuntī samarthā putrāṇāṁ yōgakṣēmasya dhāraṇē । asyā hi na samā buddhyā yadyapi syādarundhatī ॥KUMB: 1-134-89॥
Kunti is capable of safeguarding her sons’ welfare. Even Arundhati, were she here, would not equal her in wisdom. (KUMB: 1-134-89)
[PV-SVO:01_020_87]
कुन्त्याश्च वृष्णयो नाथाः कुन्तिभोजस्तथैव च । नाहं त्वमिव पुत्राणां समर्था धारणे तथा ॥KUMB: १-१३४-९०॥
kuntyāśca vr̥ṣṇayō nāthāḥ kuntibhōjastathaiva ca । nāhaṁ tvamiva putrāṇāṁ samarthā dhāraṇē tathā ॥KUMB: 1-134-90॥
The Vrishnis are Kunti’s protectors, as is Kuntibhoja; and I am not as capable as you are of caring for the sons. (KUMB: 1-134-90)
[PV-SVO:01_020_88]
साऽहं भर्तारमन्विष्ये संतृप्ता नापि भोगतः । भर्तृलोकस्य तु ज्येष्ठा देवी मामनुमन्यताम् ॥KUMB: १-१३४-९१॥
sā’haṁ bhartāramanviṣyē saṁtr̥ptā nāpi bhōgataḥ । bhartr̥lōkasya tu jyēṣṭhā dēvī māmanumanyatām ॥KUMB: 1-134-91॥
Since I was not sated by our lovemaking, I shall follow my husband. May the senior queen of our husband’s household grant me permission. (KUMB: 1-134-91)
[PV-SVO:01_020_89]
धर्मज्ञस्य कृतज्ञस्य सत्यसन्धस्य धीमतः । पादौ परिचरिष्यामि तथार्याऽद्यानुमन्यताम् ॥KUMB: १-१३४-९२॥
dharmajñasya kr̥tajñasya satyasandhasya dhīmataḥ । pādau paricariṣyāmi tathāryā’dyānumanyatām ॥KUMB: 1-134-92॥
I shall attend upon the feet of that wise man who knows righteousness, is grateful, and is true to his word. Therefore, may my noble lady grant me leave today. (KUMB: 1-134-92)
[PV-SVO:01_020_90]
एवमुक्त्वा तदा राजन्मद्रराजसुता शुभा । ददौ कुन्त्यै यमौ माद्री शिरसाऽभिप्रणम्य च ॥KUMB: १-१३४-९३॥
ēvamuktvā tadā rājanmadrarājasutā śubhā । dadau kuntyai yamau mādrī śirasā’bhipraṇamya ca ॥KUMB: 1-134-93॥
Having spoken thus, O king, the lovely Mādrī, daughter of the king of Madra, bowed her head and entrusted the twins to Kuntī. (KUMB: 1-134-93)
[PV-SVO:01_020_91]
अभिवाद्य महर्षीन्सा परिष्वज्य च पाण्डवान् । मूर्ध्न्युपाघ्राय बहुशः पार्थानात्मसुतौ तदा ॥KUMB: १-१३४-९४॥
abhivādya maharṣīnsā pariṣvajya ca pāṇḍavān । mūrdhnyupāghrāya bahuśaḥ pārthānātmasutau tadā ॥KUMB: 1-134-94॥
After paying homage to the great seers, embracing the Pandavas, and repeatedly kissing Pritha’s sons and her own two sons on the head, she then… (KUMB: 1-134-94)
[PV-SVO:01_020_92]
हस्ते युधिष्ठिरं गृह्य माद्री वाक्यमभाषत । कुन्ती माता अहं धात्री युष्माकं तु पिता मृतः ॥KUMB: १-१३४-९५॥
hastē yudhiṣṭhiraṁ gr̥hya mādrī vākyamabhāṣata । kuntī mātā ahaṁ dhātrī yuṣmākaṁ tu pitā mr̥taḥ ॥KUMB: 1-134-95॥
Taking Yudhishthira by the hand, Madri said, “Kunti is your mother, and I am your nurse; but your father is dead.” (KUMB: 1-134-95)
[PV-SVO:01_020_93]
युधिष्ठिरः पिता ज्येष्ठश्चतुर्णां धर्मतः सदा । वृद्धाद्युपासनासक्ताः सत्यधर्मपरायणाः ॥KUMB: १-१३४-९६॥
yudhiṣṭhiraḥ pitā jyēṣṭhaścaturṇāṁ dharmataḥ sadā । vr̥ddhādyupāsanāsaktāḥ satyadharmaparāyaṇāḥ ॥KUMB: 1-134-96॥
Yudhishthira is always, by right, both father and eldest brother to the four. Those devoted to serving their elders and wholly committed to truth and righteousness... (KUMB: 1-134-96)
[PV-SVO:01_020_94]
तादृशा न विनश्यन्ति नैव यान्ति पराभवम् । तस्मात्सर्वे कुरुध्वं वै गुरुवृत्तिमतन्द्रिताः ॥KUMB: १-१३४-९७॥
tādr̥śā na vinaśyanti naiva yānti parābhavam । tasmātsarvē kurudhvaṁ vai guruvr̥ttimatandritāḥ ॥KUMB: 1-134-97॥
People such as these do not perish or suffer defeat. Therefore, all of you must tirelessly conduct yourselves toward your elders as toward teachers. (KUMB: 1-134-97)
[PV-SVO:01_020_95]
ऋषीणां च पृथायाश्च नमस्कृत्य पुनःपुनः । आयासकृपणा माद्री प्रत्युवाच पृथां तदा ॥KUMB: १-१३४-९८॥
r̥ṣīṇāṁ ca pr̥thāyāśca namaskr̥tya punaḥpunaḥ । āyāsakr̥paṇā mādrī pratyuvāca pr̥thāṁ tadā ॥KUMB: 1-134-98॥
Then Mādrī, wretched with anguish, repeatedly bowed to the seers and to Pṛthā and replied to Pṛthā: (KUMB: 1-134-98)
[PV-SVO:01_020_96]
ऋषीणां संनिधावेषां यथा वागभ्युदीरिता । दिदृक्षमाणायाः स्वर्गं न ममैषा वृथा भवेत् ॥KUMB: १-१३४-९९॥
r̥ṣīṇāṁ saṁnidhāvēṣāṁ yathā vāgabhyudīritā । didr̥kṣamāṇāyāḥ svargaṁ na mamaiṣā vr̥thā bhavēt ॥KUMB: 1-134-99॥
May these words, as uttered in the presence of the sages, not prove fruitless for me, who longs to behold heaven. (KUMB: 1-134-99)
[PV-SVO:01_020_97]
धन्या त्वमसि वार्ष्णेयि नास्ति स्त्री सदृशी त्वया । वीर्यं तेजश्च योगं च माहात्म्यं च यशस्विनाम् ॥KUMB: १-१३४-१००॥
dhanyā tvamasi vārṣṇēyi nāsti strī sadr̥śī tvayā । vīryaṁ tējaśca yōgaṁ ca māhātmyaṁ ca yaśasvinām ॥KUMB: 1-134-100॥
Blessed are you, O Vārṣṇeyī; no woman is your equal. The valor, splendor, power, greatness, and glory of the illustrious… (KUMB: 1-134-100)
[PV-SVO:01_020_98]
कुन्ति द्रक्ष्यसि पुत्राणां पञ्चानाममितौजसाम् । आर्या चाप्यभिवाद्या च मम पूज्या च सर्वतः ॥KUMB: १-१३४-१०१॥
kunti drakṣyasi putrāṇāṁ pañcānāmamitaujasām । āryā cāpyabhivādyā ca mama pūjyā ca sarvataḥ ॥KUMB: 1-134-101॥
Kunti, in your five sons of immeasurable vigor, you will see… You are noble, worthy of homage, and in every way deserving of my reverence. (KUMB: 1-134-101)
[PV-SVO:01_020_99]
ज्येष्ठा वरिष्ठा त्वं देवि भूषिता स्वगुणैः शुभैः । अभ्यनुज्ञातुमिच्छामि त्वया यावनन्दिनि ॥KUMB: १-१३४-१०२॥
jyēṣṭhā variṣṭhā tvaṁ dēvi bhūṣitā svaguṇaiḥ śubhaiḥ । abhyanujñātumicchāmi tvayā yāvanandini ॥KUMB: 1-134-102॥
O goddess, you are the elder and the foremost, adorned with your own noble virtues. I wish to receive your permission, O Yāvanandinī. (KUMB: 1-134-102)
[PV-SVO:01_020_100]
धर्मं स्वर्गं च कीर्तिं च त्वत्कृतेऽहमवाप्नुयाम् । यथा तथा विधत्स्वेह मा च कार्षीर्विचारणां ॥KUMB: १-१३४-१०३॥
dharmaṁ svargaṁ ca kīrtiṁ ca tvatkr̥tē’hamavāpnuyām । yathā tathā vidhatsvēha mā ca kārṣīrvicāraṇāṁ ॥KUMB: 1-134-103॥
For your sake, may I attain righteousness, heaven, and fame. Arrange matters here in whatever way is necessary, and do not hesitate. (KUMB: 1-134-103)
[PV-SVO:01_020_101]
बाष्पसंदिग्धया वाचा कुन्त्युवाच यशस्विनी । अनुज्ञाताऽसि कल्याणि त्रिदिवे सङ्गमोऽस्तु ते ॥KUMB: १-१३४-१०४॥
bāṣpasaṁdigdhayā vācā kuntyuvāca yaśasvinī । anujñātā’si kalyāṇi tridivē saṅgamō’stu tē ॥KUMB: 1-134-104॥
Her voice choked with tears, the illustrious Kunti said, “You have my leave, noble lady. May you be reunited in heaven…” (KUMB: 1-134-104)
[PV-SVO:01_020_102]
भर्त्रा सह विशालिक्षि क्षिप्रमद्यैव भामिनि । संगतास्वर्गलोके त्वं रमेथाः शाश्वतीः समाः ॥KUMB: १-१३४-१०५॥
bhartrā saha viśālikṣi kṣipramadyaiva bhāmini । saṁgatāsvargalōkē tvaṁ ramēthāḥ śāśvatīḥ samāḥ ॥KUMB: 1-134-105॥
O wide-eyed beauty, may you be reunited with your husband this very day and rejoice in heaven for everlasting years. (KUMB: 1-134-105)
[PV-SVO:01_020_103]
ततः पुरोहितः स्नात्वा प्रेतकर्मणि पारगः । हिरण्यशकलानाज्यं तिलं दधि च तण्डुलान् ॥KUMB: १-१३४-१०६॥
tataḥ purōhitaḥ snātvā prētakarmaṇi pāragaḥ । hiraṇyaśakalānājyaṁ tilaṁ dadhi ca taṇḍulān ॥KUMB: 1-134-106॥
Then the priest, an expert in funeral rites, having bathed—pieces of gold, ghee, sesame seeds, curds, and rice... (KUMB: 1-134-106)
[PV-SVO:01_020_104]
उदकुम्भांश्च परशुं समानीय तपस्विभिः । अश्वमेधाग्निमाहृत्य यथान्यायं समन्ततः ॥KUMB: १-१३४-१०७॥
udakumbhāṁśca paraśuṁ samānīya tapasvibhiḥ । aśvamēdhāgnimāhr̥tya yathānyāyaṁ samantataḥ ॥KUMB: 1-134-107॥
having gathered the water jars and the axe with the ascetics’ help, and having fetched the Aśvamedha fire, in full accordance with prescribed procedure… (KUMB: 1-134-107)
[PV-SVO:01_020_105]
काश्यपः कारयामास पाण्डोः प्रेतस्य तां क्रियाम् । पुरोहितोक्तविधिना पाण्डोः पुत्रो युधिष्ठिरः ॥KUMB: १-१३४-१०८॥
kāśyapaḥ kārayāmāsa pāṇḍōḥ prētasya tāṁ kriyām । purōhitōktavidhinā pāṇḍōḥ putrō yudhiṣṭhiraḥ ॥KUMB: 1-134-108॥
Kashyapa had that rite performed for the deceased Pandu. Following the procedure prescribed by the priest, Pandu’s son Yudhishthira… (KUMB: 1-134-108)
[PV-SVO:01_020_106]
तेनाग्निनाऽदहत्पाण्डुं कृत्वा चापि क्रियास्तदा । रुदञ्छोकाभिसंतप्तः पपात भुवि पाण्डवः ॥KUMB: १-१३४-१०९॥
tēnāgninā’dahatpāṇḍuṁ kr̥tvā cāpi kriyāstadā । rudañchōkābhisaṁtaptaḥ papāta bhuvi pāṇḍavaḥ ॥KUMB: 1-134-109॥
With that fire, the Pandava cremated Pandu and performed the rites. Then, weeping and tormented by grief, he fell to the ground. (KUMB: 1-134-109)
[PV-SVO:01_020_107]
अहताम्बरसंवीतो भ्रातृभिः सहितोऽनघः । उदकं कृतवांस्तत्र पुरोहितमते स्थितः ॥KUMB: १-१३४-११२॥
ahatāmbarasaṁvītō bhrātr̥bhiḥ sahitō’naghaḥ । udakaṁ kr̥tavāṁstatra purōhitamatē sthitaḥ ॥KUMB: 1-134-112॥
Clad in a new garment, the blameless one, together with his brothers, offered water there in accordance with the priest’s instructions. (KUMB: 1-134-112)
[PV-SVO:01_020_108]
अर्हतस्तस्य कृत्यानि शतशृङ्गनिवासिनः । तापसा विधिवच्चक्रुश्चारणा ऋषिभिः सह ॥KUMB: १-१३४-११३॥
arhatastasya kr̥tyāni śataśr̥ṅganivāsinaḥ । tāpasā vidhivaccakruścāraṇā r̥ṣibhiḥ saha ॥KUMB: 1-134-113॥
The ascetics and Charanas, together with the rishis, duly performed the rites for that worthy resident of Shatashringa. (KUMB: 1-134-113)
[PV-SVO:01_020_109]
वैशम्पायन उवाच॥
vaiśampāyana uvāca॥
Vaiśampāyana said:
[PV-KDV:01_020_110]
पाण्डोरवभृथं कृत्वा देवकल्पा महर्षयः । ततो मन्त्रमकुर्वन्त ते समेत्य तपस्विनः ॥BORI: १-११७-१॥
pāṇḍōravabhr̥thaṁ kr̥tvā dēvakalpā maharṣayaḥ । tatō mantramakurvanta tē samētya tapasvinaḥ ॥BORI: 1-117-1॥
After performing Pāṇḍu’s final rites, the godlike great seers, those ascetics, assembled and deliberated. (BORI: 1-117-1)
[PV-KDV:01_020_111]
हित्वा राज्यं च राष्ट्रं च स महात्मा महातपाः । अस्मिन्स्थाने तपस्तप्तुं तापसाञ्शरणं गतः ॥BORI: १-११७-२॥
hitvā rājyaṁ ca rāṣṭraṁ ca sa mahātmā mahātapāḥ । asminsthānē tapastaptuṁ tāpasāñśaraṇaṁ gataḥ ॥BORI: 1-117-2॥
Having abandoned his kingdom and realm, that great-souled man of mighty austerities sought refuge among the ascetics in this place in order to practice austerities. (BORI: 1-117-2)
[PV-KDV:01_020_112]
स जातमात्रान्पुत्रांश्च दारांश्च भवतामिह । प्रदायोपनिधिं राजा पाण्डुः स्वर्गमितो गतः ॥BORI: १-११७-३॥
sa jātamātrānputrāṁśca dārāṁśca bhavatāmiha । pradāyōpanidhiṁ rājā pāṇḍuḥ svargamitō gataḥ ॥BORI: 1-117-3॥
King Pandu entrusted to you here, as a sacred charge, his newborn sons and his wives, and then departed for heaven. (BORI: 1-117-3)
[PV-KDV:01_020_113]
ते परस्परमामन्त्र्य सर्वभूतहिते रताः । पाण्डोः पुत्रान्पुरस्कृत्य नगरं नागसाह्वयम् ॥BORI: १-११७-४॥
tē parasparamāmantrya sarvabhūtahitē ratāḥ । pāṇḍōḥ putrānpuraskr̥tya nagaraṁ nāgasāhvayam ॥BORI: 1-117-4॥
After consulting one another, they, devoted to the welfare of all beings, with Pāṇḍu’s sons at their head, toward the city called Nāgasāhvaya… (BORI: 1-117-4)
[PV-KDV:01_020_114]
उदारमनसः सिद्धा गमने चक्रिरे मनः । भीष्माय पाण्डवान्दातुं धृतराष्ट्राय चैव हि ॥BORI: १-११७-५॥
udāramanasaḥ siddhā gamanē cakrirē manaḥ । bhīṣmāya pāṇḍavāndātuṁ dhr̥tarāṣṭrāya caiva hi ॥BORI: 1-117-5॥
The noble-minded ascetics resolved to go and entrust the Pandavas to Bhishma and Dhritarashtra. (BORI: 1-117-5)
[PV-KDV:01_020_115]
तस्मिन्नेव क्षणे सर्वे तानादाय प्रतस्थिरे । पाण्डोर्दारांश्च पुत्रांश्च शरीरं चैव तापसाः ॥BORI: १-११७-६॥
tasminnēva kṣaṇē sarvē tānādāya pratasthirē । pāṇḍōrdārāṁśca putrāṁśca śarīraṁ caiva tāpasāḥ ॥BORI: 1-117-6॥
At that very moment, all the ascetics set out, taking with them Pandu’s wives and sons, as well as his body. (BORI: 1-117-6)
[PV-KDV:01_020_116]
सुखिनी सा पुरा भूत्वा सततं पुत्रवत्सला । प्रपन्ना दीर्घमध्वानं सङ्क्षिप्तं तदमन्यत ॥BORI: १-११७-७॥
sukhinī sā purā bhūtvā satataṁ putravatsalā । prapannā dīrghamadhvānaṁ saṅkṣiptaṁ tadamanyata ॥BORI: 1-117-7॥
She, who had once been happy and was ever devoted to her sons, embarked on the long journey but thought it short. (BORI: 1-117-7)
[PV-KDV:01_020_117]
सा नदीर्घेण कालेन सम्प्राप्ता कुरुजाङ्गलम् । वर्धमानपुरद्वारमाससाद यशस्विनी ॥BORI: १-११७-८॥
sā nadīrghēṇa kālēna samprāptā kurujāṅgalam । vardhamānapuradvāramāsasāda yaśasvinī ॥BORI: 1-117-8॥
Before long, the illustrious woman reached Kurujangala and came to the gate of Vardhamanapura. (BORI: 1-117-8)
[PV-KDV:01_020_118]
तं चारणसहस्राणां मुनीनामागमं तदा । श्रुत्वा नागपुरे नृणां विस्मयः समजायत ॥BORI: १-११७-९॥
taṁ cāraṇasahasrāṇāṁ munīnāmāgamaṁ tadā । śrutvā nāgapurē nr̥ṇāṁ vismayaḥ samajāyata ॥BORI: 1-117-9॥
When the people of Nagapura heard of the arrival of those thousands of wandering sages, they were filled with wonder. (BORI: 1-117-9)
[PV-KDV:01_020_119]
मुहूर्तोदित आदित्ये सर्वे धर्मपुरस्कृताः । सदारास्तापसान्द्रष्टुं निर्ययुः पुरवासिनः ॥BORI: १-११७-१०॥
muhūrtōdita ādityē sarvē dharmapuraskr̥tāḥ । sadārāstāpasāndraṣṭuṁ niryayuḥ puravāsinaḥ ॥BORI: 1-117-10॥
When the sun had been up for a short while, all the townspeople, with righteousness foremost in their minds, set out with their wives to see the ascetics. (BORI: 1-117-10)
[PV-KDV:01_020_120]
स्त्रीसङ्घाः क्षत्रसङ्घाश्च यानसङ्घान्समास्थिताः । ब्राह्मणैः सह निर्जग्मुर्ब्राह्मणानां च योषितः ॥BORI: १-११७-११॥
strīsaṅghāḥ kṣatrasaṅghāśca yānasaṅghānsamāsthitāḥ । brāhmaṇaiḥ saha nirjagmurbrāhmaṇānāṁ ca yōṣitaḥ ॥BORI: 1-117-11॥
Groups of women and Kshatriyas, riding in companies of vehicles, set out with the Brahmins; the Brahmins’ wives went as well. (BORI: 1-117-11)
[PV-KDV:01_020_121]
तथा विट्शूद्रसङ्घानां महान्व्यतिकरोऽभवत् । न कश्चिदकरोदीर्ष्यामभवन्धर्मबुद्धयः ॥BORI: १-११७-१२॥
tathā viṭśūdrasaṅghānāṁ mahānvyatikarō’bhavat । na kaścidakarōdīrṣyāmabhavandharmabuddhayaḥ ॥BORI: 1-117-12॥
Likewise, there was a great mingling of the groups of Vaishyas and Shudras. No one felt envy; they were all righteous-minded. (BORI: 1-117-12)
[PV-KDV:01_020_122]
तथा भीष्मः शान्तनवः सोमदत्तोऽथ बाह्लिकः । प्रज्ञाचक्षुश्च राजर्षिः क्षत्ता च विदुरः स्वयम् ॥BORI: १-११७-१३॥
tathā bhīṣmaḥ śāntanavaḥ sōmadattō’tha bāhlikaḥ । prajñācakṣuśca rājarṣiḥ kṣattā ca viduraḥ svayam ॥BORI: 1-117-13॥
Likewise Bhishma, son of Shantanu; Somadatta; Bahlika; the royal sage whose wisdom was his sight; and Vidura himself, the chamberlain… (BORI: 1-117-13)
[PV-KDV:01_020_123]
सा च सत्यवती देवी कौसल्या च यशस्विनी । राजदारैः परिवृता गान्धारी च विनिर्ययौ ॥BORI: १-११७-१४॥
sā ca satyavatī dēvī kausalyā ca yaśasvinī । rājadāraiḥ parivr̥tā gāndhārī ca viniryayau ॥BORI: 1-117-14॥
The queen Satyavati, the illustrious Kausalya, and Gandhari, surrounded by the royal ladies, came out. (BORI: 1-117-14)
[PV-KDV:01_020_124]
धृतराष्ट्रस्य दायादा दुर्योधनपुरोगमाः । भूषिता भूषणैश्चित्रैः शतसङ्ख्या विनिर्ययुः ॥BORI: १-११७-१५॥
dhr̥tarāṣṭrasya dāyādā duryōdhanapurōgamāḥ । bhūṣitā bhūṣaṇaiścitraiḥ śatasaṅkhyā viniryayuḥ ॥BORI: 1-117-15॥
Dhritarashtra’s hundred heirs, led by Duryodhana and adorned with splendid ornaments, came forth. (BORI: 1-117-15)
[PV-KDV:01_020_125]
तान्महर्षिगणान्सर्वाञ्शिरोभिरभिवाद्य च । उपोपविविशुः सर्वे कौरव्याः सपुरोहिताः ॥BORI: १-११७-१६॥
tānmaharṣigaṇānsarvāñśirōbhirabhivādya ca । upōpaviviśuḥ sarvē kauravyāḥ sapurōhitāḥ ॥BORI: 1-117-16॥
After bowing their heads to all those great sages, all the Kauravas, together with their priests, sat down nearby. (BORI: 1-117-16)
[PV-KDV:01_020_126]
तथैव शिरसा भूमावभिवाद्य प्रणम्य च । उपोपविविशुः सर्वे पौरजानपदा अपि ॥BORI: १-११७-१७॥
tathaiva śirasā bhūmāvabhivādya praṇamya ca । upōpaviviśuḥ sarvē paurajānapadā api ॥BORI: 1-117-17॥
Likewise, all the townspeople and country folk bowed their heads to the ground in reverence and then took their seats. (BORI: 1-117-17)
[PV-KDV:01_020_127]
तमकूजमिवाज्ञाय जनौघं सर्वशस्तदा । भीष्मो राज्यं च राष्ट्रं च महर्षिभ्यो न्यवेदयत् ॥BORI: १-११७-१८॥
tamakūjamivājñāya janaughaṁ sarvaśastadā । bhīṣmō rājyaṁ ca rāṣṭraṁ ca maharṣibhyō nyavēdayat ॥BORI: 1-117-18॥
Seeing that the entire multitude was utterly silent, Bhishma then presented the kingdom and the realm to the great seers. (BORI: 1-117-18)
[PV-KDV:01_020_128]
तेषामथो वृद्धतमः प्रत्युत्थाय जटाजिनी । महर्षिमतमाज्ञाय महर्षिरिदमब्रवीत् ॥BORI: १-११७-१९॥
tēṣāmathō vr̥ddhatamaḥ pratyutthāya jaṭājinī । maharṣimatamājñāya maharṣiridamabravīt ॥BORI: 1-117-19॥
Then the eldest among them, a great seer wearing matted locks and a deerskin, rose, ascertained the opinion of the great seers, and said: (BORI: 1-117-19)
[PV-KDV:01_020_129]
यः स कौरव्यदायादः पाण्डुर्नाम नराधिपः । कामभोगान्परित्यज्य शतशृङ्गमितो गतः ॥BORI: १-११७-२०॥
yaḥ sa kauravyadāyādaḥ pāṇḍurnāma narādhipaḥ । kāmabhōgānparityajya śataśr̥ṅgamitō gataḥ ॥BORI: 1-117-20॥
That heir of the Kauravas, the king named Pandu, renounced sensual pleasures and went from here to Shatashringa. (BORI: 1-117-20)
[PV-KDV:01_020_130]
ब्रह्मचर्यव्रतस्थस्य तस्य दिव्येन हेतुना । साक्षाद्धर्मादयं पुत्रस्तस्य जातो युधिष्ठिरः ॥BORI: १-११७-२१॥
brahmacaryavratasthasya tasya divyēna hētunā । sākṣāddharmādayaṁ putrastasya jātō yudhiṣṭhiraḥ ॥BORI: 1-117-21॥
While he observed the vow of celibacy, this son of his, Yudhishthira, was born directly from Dharma through divine agency. (BORI: 1-117-21)
[PV-KDV:01_020_131]
तथेमं बलिनां श्रेष्ठं तस्य राज्ञो महात्मनः । मातरिश्वा ददौ पुत्रं भीमं नाम महाबलम् ॥BORI: १-११७-२२॥
tathēmaṁ balināṁ śrēṣṭhaṁ tasya rājñō mahātmanaḥ । mātariśvā dadau putraṁ bhīmaṁ nāma mahābalam ॥BORI: 1-117-22॥
Likewise, Mātariśvan gave that great-souled king this son, Bhīma by name, mighty in strength and foremost among the powerful. (BORI: 1-117-22)
[PV-KDV:01_020_132]
पुरुहूतादयं जज्ञे कुन्त्यां सत्यपराक्रमः । यस्य कीर्तिर्महेष्वासान्सर्वानभिभविष्यति ॥BORI: १-११७-२३॥
puruhūtādayaṁ jajñē kuntyāṁ satyaparākramaḥ । yasya kīrtirmahēṣvāsānsarvānabhibhaviṣyati ॥BORI: 1-117-23॥
This man of unfailing valor was born to Kunti by Puruhuta; his fame will surpass that of all great archers. (BORI: 1-117-23)
[PV-KDV:01_020_133]
यौ तु माद्री महेष्वासावसूत कुरुसत्तमौ । अश्विभ्यां मनुजव्याघ्राविमौ तावपि तिष्ठतः ॥BORI: १-११७-२४॥
yau tu mādrī mahēṣvāsāvasūta kurusattamau । aśvibhyāṁ manujavyāghrāvimau tāvapi tiṣṭhataḥ ॥BORI: 1-117-24॥
And these two mighty bowmen, foremost of the Kurus, whom Mādrī bore by the Aśvins—these two tigers among men also stand here. (BORI: 1-117-24)
[PV-KDV:01_020_134]
चरता धर्मनित्येन वनवासं यशस्विना । एष पैतामहो वंशः पाण्डुना पुनरुद्धृतः ॥BORI: १-११७-२५॥
caratā dharmanityēna vanavāsaṁ yaśasvinā । ēṣa paitāmahō vaṁśaḥ pāṇḍunā punaruddhr̥taḥ ॥BORI: 1-117-25॥
By the illustrious Pandu, ever devoted to righteousness, who lived in exile in the forest, this ancestral lineage was restored. (BORI: 1-117-25)
[PV-KDV:01_020_135]
पुत्राणां जन्म वृद्धिं च वैदिकाध्ययनानि च । पश्यतः सततं पाण्डोः शश्वत्प्रीतिरवर्धत ॥BORI: १-११७-२६॥
putrāṇāṁ janma vr̥ddhiṁ ca vaidikādhyayanāni ca । paśyataḥ satataṁ pāṇḍōḥ śaśvatprītiravardhata ॥BORI: 1-117-26॥
As Pandu continually watched his sons’ birth and growth and their study of the Vedas, his abiding joy increased. (BORI: 1-117-26)
[PV-KDV:01_020_136]
वर्तमानः सतां वृत्ते पुत्रलाभमवाप्य च । पितृलोकं गतः पाण्डुरितः सप्तदशेऽहनि ॥BORI: १-११७-२७॥
vartamānaḥ satāṁ vr̥ttē putralābhamavāpya ca । pitr̥lōkaṁ gataḥ pāṇḍuritaḥ saptadaśē’hani ॥BORI: 1-117-27॥
Living according to the ways of the virtuous and having gained sons, Pandu went to the realm of the ancestors seventeen days later. (BORI: 1-117-27)
[PV-KDV:01_020_137]
तं चितागतमाज्ञाय वैश्वानरमुखे हुतम् । प्रविष्टा पावकं माद्री हित्वा जीवितमात्मनः ॥BORI: १-११७-२८॥
taṁ citāgatamājñāya vaiśvānaramukhē hutam । praviṣṭā pāvakaṁ mādrī hitvā jīvitamātmanaḥ ॥BORI: 1-117-28॥
Knowing that he had been placed on the funeral pyre and offered into the mouth of the fire, Madri entered the flames, relinquishing her own life. (BORI: 1-117-28)
[PV-KDV:01_020_138]
सा गता सह तेनैव पतिलोकमनुव्रता । तस्यास्तस्य च यत्कार्यं क्रियतां तदनन्तरम् ॥BORI: १-११७-२९॥
sā gatā saha tēnaiva patilōkamanuvratā । tasyāstasya ca yatkāryaṁ kriyatāṁ tadanantaram ॥BORI: 1-117-29॥
Devoted to her husband, she has gone with him to his world. Then let whatever must be done for her and for him be performed. (BORI: 1-117-29)
[PV-KDV:01_020_139]
इमे तयोः शरीरे द्वे सुताश्चेमे तयोर्वराः । क्रियाभिरनुगृह्यन्तां सह मात्रा परन्तपाः ॥BORI: १-११७-३०॥
imē tayōḥ śarīrē dvē sutāścēmē tayōrvarāḥ । kriyābhiranugr̥hyantāṁ saha mātrā parantapāḥ ॥BORI: 1-117-30॥
Here are the bodies of those two, and here are their noble sons. Let these scorchers of foes, together with their mother, be received with the proper rites. (BORI: 1-117-30)
[PV-KDV:01_020_140]
प्रेतकार्ये च निर्वृत्ते पितृमेधं महायशाः । लभतां सर्वधर्मज्ञः पाण्डुः कुरुकुलोद्वहः ॥BORI: १-११७-३१॥
prētakāryē ca nirvr̥ttē pitr̥mēdhaṁ mahāyaśāḥ । labhatāṁ sarvadharmajñaḥ pāṇḍuḥ kurukulōdvahaḥ ॥BORI: 1-117-31॥
And when the rites for the dead are complete, may the illustrious Pāṇḍu, knower of every duty and upholder of the Kuru line, receive the ancestral rites. (BORI: 1-117-31)
[PV-KDV:01_020_141]
एवमुक्त्वा कुरून्सर्वान्कुरूणामेव पश्यताम् । क्षणेनान्तर्हिताः सर्वे चारणा गुह्यकैः सह ॥BORI: १-११७-३२॥
ēvamuktvā kurūnsarvānkurūṇāmēva paśyatām । kṣaṇēnāntarhitāḥ sarvē cāraṇā guhyakaiḥ saha ॥BORI: 1-117-32॥
Having thus addressed all the Kurus, all the Charanas vanished in an instant before the Kurus’ very eyes, together with the Guhyakas. (BORI: 1-117-32)
[PV-KDV:01_020_142]
गन्धर्वनगराकारं तत्रैवान्तर्हितं पुनः । ऋषिसिद्धगणं दृष्ट्वा विस्मयं ते परं ययुः ॥BORI: १-११७-३३॥
gandharvanagarākāraṁ tatraivāntarhitaṁ punaḥ । r̥ṣisiddhagaṇaṁ dr̥ṣṭvā vismayaṁ tē paraṁ yayuḥ ॥BORI: 1-117-33॥
Seeing the host of seers and Siddhas, which resembled a city of Gandharvas, vanish there once again, they were filled with the utmost amazement. (BORI: 1-117-33)
[PV-PAN:01_020_143]
तस्येमानात्मजान्देहं भार्यां च सुमहात्मनः । स्वराष्ट्रं गृह्य गच्छामो धर्म एष हि नः स्मृतः ॥KUMB: १-१३५-४; NILA: ०१.१२६.००४॥
tasyēmānātmajāndēhaṁ bhāryāṁ ca sumahātmanaḥ । svarāṣṭraṁ gr̥hya gacchāmō dharma ēṣa hi naḥ smr̥taḥ ॥KUMB: 1-135-4; NILA: 01.126.004॥
Let us take the body, wife, and these sons of that great-hearted man back to their kingdom, for this is held to be our duty. (KUMB: 1-135-4; NILA: 01.126.004)
[PV-SVO:01_020_144]
द्वारिणं तापसा ऊचू राजानं च प्रकाशय । ते तु गत्वा क्षणेनैव सभायां विनिवेदिताः ॥KUMB: १-१३५-१०; NILA: ०१.१२६.०१०॥
dvāriṇaṁ tāpasā ūcū rājānaṁ ca prakāśaya । tē tu gatvā kṣaṇēnaiva sabhāyāṁ vinivēditāḥ ॥KUMB: 1-135-10; NILA: 01.126.010॥
The ascetics said to the doorkeeper, “Inform the king.” They then went and were announced in the assembly within moments. (KUMB: 1-135-10; NILA: 01.126.010)
[PV-SVO:01_020_145]
पूजयित्वा यथान्यायं पाद्येनार्घ्येण च प्रभो ॥KUMB: १-१३५-२०; NILA: ०१.१२६.०२०॥
pūjayitvā yathānyāyaṁ pādyēnārghyēṇa ca prabhō ॥KUMB: 1-135-20; NILA: 01.126.020॥
After duly honoring them with water for washing their feet and a respectful offering, O lord… (KUMB: 1-135-20; NILA: 01.126.020)
[PV-SVO:01_020_146]
राजा भोगान्परित्यज्य तपस्वी संबभूव ह । स यथोक्तं तपस्तेपे पत्रमूलफलाशनः ॥KUMB: १-१३५-२३॥
rājā bhōgānparityajya tapasvī saṁbabhūva ha । sa yathōktaṁ tapastēpē patramūlaphalāśanaḥ ॥KUMB: 1-135-23॥
The king renounced worldly pleasures and became an ascetic. Subsisting on leaves, roots, and fruit, he practiced austerities as prescribed. (KUMB: 1-135-23)
[PV-SVO:01_020_147]
पत्नीभ्यां सह धर्मात्मा संचित्कालमतन्द्रितः । तेन वृत्तसमाचारैस्तपसा च तपस्विनः ॥KUMB: १-१३५-२४॥
patnībhyāṁ saha dharmātmā saṁcitkālamatandritaḥ । tēna vr̥ttasamācāraistapasā ca tapasvinaḥ ॥KUMB: 1-135-24॥
For some time, the righteous man remained tireless together with his two wives. Through that ascetic’s conduct and observances, and through his austerity... (KUMB: 1-135-24)
[PV-SVO:01_020_148]
तोषितास्तापसास्तत्र शतशृङ्गनिवासिनः । स्वर्गलोकं गन्तुकामं तापसाः संनिवार्य तम् ॥KUMB: १-१३५-२५॥
tōṣitāstāpasāstatra śataśr̥ṅganivāsinaḥ । svargalōkaṁ gantukāmaṁ tāpasāḥ saṁnivārya tam ॥KUMB: 1-135-25॥
The ascetics dwelling there on Shatashringa were pleased; restraining him when he wished to go to heaven, they… (KUMB: 1-135-25)
[PV-SVO:01_020_149]
उद्यन्तं सह पत्नीभ्यां विप्रा वचनमब्रुवन् । अनपत्यस्य राजेन्द्र पुण्या लोका न सन्ति ते ॥KUMB: १-१३५-२६॥
udyantaṁ saha patnībhyāṁ viprā vacanamabruvan । anapatyasya rājēndra puṇyā lōkā na santi tē ॥KUMB: 1-135-26॥
As he was setting out with his two wives, the Brahmins said to him, “O king of kings, no blessed worlds await you, for you are childless.” (KUMB: 1-135-26)
[PV-SVO:01_020_150]
तस्माद्धर्मं च वायुं च महेन्द्रं च तथाऽश्विनौ । आराधयस्व राजेन्द्र पत्नीभ्यां सह देवताः ॥KUMB: १-१३५-२७॥
tasmāddharmaṁ ca vāyuṁ ca mahēndraṁ ca tathā’śvinau । ārādhayasva rājēndra patnībhyāṁ saha dēvatāḥ ॥KUMB: 1-135-27॥
Therefore, O king of kings, worship Dharma, Vāyu, Mahendra, and the Aśvins together with your wives. (KUMB: 1-135-27)
[PV-SVO:01_020_151]
प्रीताः पुत्रान्प्रदास्यन्ति ऋणमुक्तो भविष्यसि । तपसा दिव्यचक्षुष्ट्वात्पश्यामस्ते तथा सुतान् ॥KUMB: १-१३५-२८॥
prītāḥ putrānpradāsyanti r̥ṇamuktō bhaviṣyasi । tapasā divyacakṣuṣṭvātpaśyāmastē tathā sutān ॥KUMB: 1-135-28॥
Pleased, the deities will grant you sons, and you will be freed from your debt. Through austerity, and because we possess divine sight, we can see those sons of yours. (KUMB: 1-135-28)
[PV-SVO:01_020_152]
अस्माकं वचनं श्रुत्वा देवानाराधयत्तदा ॥KUMB: १-१३५-२९॥
asmākaṁ vacanaṁ śrutvā dēvānārādhayattadā ॥KUMB: 1-135-29॥
Then, having heard our words, she propitiated the gods. (KUMB: 1-135-29)
[PV-SVO:01_020_153]
अस्मिञ्जाते महेष्वासे पृथामिन्द्रस्तदाऽब्रवीत् । मत्प्रसादादयं जातः कुन्ति सत्यपराक्रमः ॥KUMB: १-१३५-३२॥
asmiñjātē mahēṣvāsē pr̥thāmindrastadā’bravīt । matprasādādayaṁ jātaḥ kunti satyaparākramaḥ ॥KUMB: 1-135-32॥
When this mighty archer was born, Indra said to Pritha, “Kunti, through my grace this son has been born, one whose valor is true—” (KUMB: 1-135-32)
[PV-SVO:01_020_154]
अजेयानपि जेताऽरीन्देवतादीन्न संशयः ॥KUMB: १-१३५-३३॥
ajēyānapi jētā’rīndēvatādīnna saṁśayaḥ ॥KUMB: 1-135-33॥
He will conquer even unconquerable foes, beginning with the gods—there is no doubt of it. (KUMB: 1-135-33)
[PV-SVO:01_020_155]
युधिष्ठिरो राजसूयं भ्रातृवीर्यादवाप्स्यति । एष जेता मनुष्यांश्च सर्वान्गन्धर्वराक्षसान् ॥KUMB: १-१३५-३४॥
yudhiṣṭhirō rājasūyaṁ bhrātr̥vīryādavāpsyati । ēṣa jētā manuṣyāṁśca sarvāngandharvarākṣasān ॥KUMB: 1-135-34॥
Through his brothers’ prowess, Yudhishthira will perform the Rājasūya sacrifice. This hero will conquer all men, Gandharvas, and Rākṣasas. (KUMB: 1-135-34)
[PV-SVO:01_020_156]
एष दुर्योधनादीनां कौरवाणां च जेष्यति । वीरस्यैतस्य विक्रान्तैर्धर्मपुत्रो युधिष्ठिरः ॥KUMB: १-१३५-३५॥
ēṣa duryōdhanādīnāṁ kauravāṇāṁ ca jēṣyati । vīrasyaitasya vikrāntairdharmaputrō yudhiṣṭhiraḥ ॥KUMB: 1-135-35॥
He will conquer Duryodhana and the other Kauravas. Through the exploits of this hero, Yudhishthira, Dharma’s son… (KUMB: 1-135-35)
[PV-SVO:01_020_157]
यक्ष्यते राजसूयाद्यैर्धर्म एव परः सदा ॥KUMB: १-१३५-३६॥
yakṣyatē rājasūyādyairdharma ēva paraḥ sadā ॥KUMB: 1-135-36॥
will perform sacrifices beginning with the Rājasūya, always holding dharma alone supreme. (KUMB: 1-135-36)
[PV-SVO:01_020_158]
नकुलः सहदेवश्च तावप्यमिततेजसौ ॥KUMB: १-१३५-३७॥
nakulaḥ sahadēvaśca tāvapyamitatējasau ॥KUMB: 1-135-37॥
Nakula and Sahadeva too, those two of immeasurable splendor… (KUMB: 1-135-37)
[PV-SVO:01_020_159]
पृथां च शरणं प्राप्तां पाण्डवांश्च यशस्विनः । यथावदनुमन्यन्तां धर्मो ह्येष सनातनः ॥KUMB: १-१३५-४३॥
pr̥thāṁ ca śaraṇaṁ prāptāṁ pāṇḍavāṁśca yaśasvinaḥ । yathāvadanumanyantāṁ dharmō hyēṣa sanātanaḥ ॥KUMB: 1-135-43॥
May they both duly accept Pṛthā, who has sought refuge, and the illustrious Pāṇḍavas, for this is the eternal law. (KUMB: 1-135-43)
[PV-SVO:01_020_160]
धृतराष्ट्र उवाच॥
dhr̥tarāṣṭra uvāca॥
Dhritarashtra said:
[PV-KDV:01_020_161]
पाण्डोर्विदुर सर्वाणि प्रेतकार्याणि कारय । राजवद्राजसिंहस्य माद्र्याश्चैव विशेषतः ॥BORI: १-११८-१॥
pāṇḍōrvidura sarvāṇi prētakāryāṇi kāraya । rājavadrājasiṁhasya mādryāścaiva viśēṣataḥ ॥BORI: 1-118-1॥
Vidura, have all the funeral rites of Pandu, that lion among kings, performed in royal fashion, and especially those of Madri as well. (BORI: 1-118-1)
[PV-KDV:01_020_162]
पशून्वासांसि रत्नानि धनानि विविधानि च । पाण्डोः प्रयच्छ माद्र्याश्च येभ्यो यावच्च वाञ्छितम् ॥BORI: १-११८-२॥
paśūnvāsāṁsi ratnāni dhanāni vividhāni ca । pāṇḍōḥ prayaccha mādryāśca yēbhyō yāvacca vāñchitam ॥BORI: 1-118-2॥
For Pandu and Madri, give cattle, garments, jewels, and various kinds of wealth to whomever and in whatever measure is desired. (BORI: 1-118-2)
[PV-PAN:01_020_163]
यथा च कुन्ती सत्कारं कुर्यान्माद्र्यास्तथा कुरु । यथा न वायुर्नादित्यः पश्येतां तां सुसंवृताम् ॥BORI: १-११८-३॥
yathā ca kuntī satkāraṁ kuryānmādryāstathā kuru । yathā na vāyurnādityaḥ paśyētāṁ tāṁ susaṁvr̥tām ॥BORI: 1-118-3॥
Show Madri the same honor that Kunti would, and keep her so well covered that neither the wind nor the sun may see her. (BORI: 1-118-3)
[PV-KDV:01_020_164]
न शोच्यः पाण्डुरनघः प्रशस्यः स नराधिपः । यस्य पञ्च सुता वीरा जाताः सुरसुतोपमाः ॥BORI: १-११८-४॥
na śōcyaḥ pāṇḍuranaghaḥ praśasyaḥ sa narādhipaḥ । yasya pañca sutā vīrā jātāḥ surasutōpamāḥ ॥BORI: 1-118-4॥
The blameless Pandu is not to be mourned; that king is worthy of praise, for he has five heroic sons, equal to the sons of the gods. (BORI: 1-118-4)
[PV-KDV:01_020_165]
वैशम्पायन उवाच॥
vaiśampāyana uvāca॥
Vaiśampāyana said:
[PV-KDV:01_020_166]
विदुरस्तं तथेत्युक्त्वा भीष्मेण सह भारत । पाण्डुं संस्कारयामास देशे परमसंवृते ॥BORI: १-११८-५॥
vidurastaṁ tathētyuktvā bhīṣmēṇa saha bhārata । pāṇḍuṁ saṁskārayāmāsa dēśē paramasaṁvr̥tē ॥BORI: 1-118-5॥
Vidura agreed to this and, together with Bhishma, had Pandu’s funeral rites performed in a very secluded place, O Bharata. (BORI: 1-118-5)
[PV-KDV:01_020_167]
ततस्तु नगरात्तूर्णमाज्यहोमपुरस्कृताः । निर्हृताः पावका दीप्ताः पाण्डो राजपुरोहितैः ॥BORI: १-११८-६॥
tatastu nagarāttūrṇamājyahōmapuraskr̥tāḥ । nirhr̥tāḥ pāvakā dīptāḥ pāṇḍō rājapurōhitaiḥ ॥BORI: 1-118-6॥
Then Pandu’s royal priests swiftly carried the blazing fires out of the city, preceded by offerings of clarified butter. (BORI: 1-118-6)
[PV-KDV:01_020_168]
अथैनमार्तवैर्गन्धैर्माल्यैश्च विविधैर्वरैः । शिबिकां समलञ्चक्रुर्वाससाच्छाद्य सर्वशः ॥BORI: १-११८-७॥
athainamārtavairgandhairmālyaiśca vividhairvaraiḥ । śibikāṁ samalañcakrurvāsasācchādya sarvaśaḥ ॥BORI: 1-118-7॥
Then, after covering him completely with cloth, they adorned the bier with seasonal perfumes and various splendid garlands. (BORI: 1-118-7)
[PV-PAX:01_020_169]
तां तथा शोभितां माल्यैर्वासोभिश्च महाधनैः । अमात्या ज्ञातयश्चैव सुहृदश्चोपतस्थिरे ॥BORI: १-११८-८॥
tāṁ tathā śōbhitāṁ mālyairvāsōbhiśca mahādhanaiḥ । amātyā jñātayaścaiva suhr̥daścōpatasthirē ॥BORI: 1-118-8॥
The ministers, relatives, and friends gathered around the bier, thus adorned with garlands and costly fabrics. (BORI: 1-118-8)
[PV-PAX:01_020_170]
नृसिंहं नरयुक्तेन परमालङ्कृतेन तम् । अवहन्यानमुख्येन सह माद्र्या सुसंवृतम् ॥BORI: १-११८-९॥
nr̥siṁhaṁ narayuktēna paramālaṅkr̥tēna tam । avahanyānamukhyēna saha mādryā susaṁvr̥tam ॥BORI: 1-118-9॥
They bore that lion among men together with Madri, completely covered, on a splendidly adorned, man-drawn conveyance of the finest kind. (BORI: 1-118-9)
[PV-PAX:01_020_171]
पाण्डुरेणातपत्रेण चामरव्यजनेन च । सर्ववादित्रनादैश्च समलञ्चक्रिरे ततः ॥BORI: १-११८-१०॥
pāṇḍurēṇātapatrēṇa cāmaravyajanēna ca । sarvavāditranādaiśca samalañcakrirē tataḥ ॥BORI: 1-118-10॥
Then they adorned him with a white parasol, a yak-tail fan, and the music of every kind of instrument. (BORI: 1-118-10)
[PV-PAX:01_020_172]
रत्नानि चाप्युपादाय बहूनि शतशो नराः । प्रददुः काङ्क्षमाणेभ्यः पाण्डोस्तत्रौर्ध्वदेहिकम् ॥BORI: १-११८-११॥
ratnāni cāpyupādāya bahūni śataśō narāḥ । pradaduḥ kāṅkṣamāṇēbhyaḥ pāṇḍōstatraurdhvadēhikam ॥BORI: 1-118-11॥
Taking up many hundreds of jewels, the men gave them there to all who desired them as offerings for Pandu’s funeral rites. (BORI: 1-118-11)
[PV-PAX:01_020_173]
अथ छत्राणि शुभ्राणि पाण्डुराणि बृहन्ति च । आजह्रुः कौरवस्यार्थे वासांसि रुचिराणि च ॥BORI: १-११८-१२॥
atha chatrāṇi śubhrāṇi pāṇḍurāṇi br̥hanti ca । ājahruḥ kauravasyārthē vāsāṁsi rucirāṇi ca ॥BORI: 1-118-12॥
Then they brought fine white parasols, large and pale, and splendid garments for the Kaurava. (BORI: 1-118-12)
[PV-PAX:01_020_174]
याजकैः शुक्लवासोभिर्हूयमाना हुताशनाः । अगच्छन्नग्रतस्तस्य दीप्यमानाः स्वलङ्कृताः ॥BORI: १-११८-१३॥
yājakaiḥ śuklavāsōbhirhūyamānā hutāśanāḥ । agacchannagratastasya dīpyamānāḥ svalaṅkr̥tāḥ ॥BORI: 1-118-13॥
The sacrificial fires, into which white-robed priests were pouring oblations, went blazing before him, beautifully adorned. (BORI: 1-118-13)
[PV-KDV:01_020_175]
ब्राह्मणाः क्षत्रिया वैश्याः शूद्राश्चैव सहस्रशः । रुदन्तः शोकसन्तप्ता अनुजग्मुर्नराधिपम् ॥BORI: १-११८-१४॥
brāhmaṇāḥ kṣatriyā vaiśyāḥ śūdrāścaiva sahasraśaḥ । rudantaḥ śōkasantaptā anujagmurnarādhipam ॥BORI: 1-118-14॥
Thousands of Brahmins, Kshatriyas, Vaishyas, and Shudras, weeping and overcome with grief, followed the king. (BORI: 1-118-14)
[PV-PAX:01_020_176]
अयमस्मानपाहाय दुःखे चाधाय शाश्वते । कृत्वानाथान्परो नाथः क्व यास्यति नराधिपः ॥BORI: १-११८-१५॥
ayamasmānapāhāya duḥkhē cādhāya śāśvatē । kr̥tvānāthānparō nāthaḥ kva yāsyati narādhipaḥ ॥BORI: 1-118-15॥
Where will this king, our supreme protector, go after abandoning us, consigning us to unending sorrow, and leaving us without a protector? (BORI: 1-118-15)
[PV-PAX:01_020_177]
क्रोशन्तः पाण्डवाः सर्वे भीष्मो विदुर एव च । रमणीये वनोद्देशे गङ्गातीरे समे शुभे ॥BORI: १-११८-१६॥
krōśantaḥ pāṇḍavāḥ sarvē bhīṣmō vidura ēva ca । ramaṇīyē vanōddēśē gaṅgātīrē samē śubhē ॥BORI: 1-118-16॥
All the Pandavas, Bhishma, and Vidura, lamenting aloud, at a delightful woodland spot on the fair, level bank of the Ganges… (BORI: 1-118-16)
[PV-PAX:01_020_178]
न्यासयामासुरथ तां शिबिकां सत्यवादिनः । सभार्यस्य नृसिंहस्य पाण्डोरक्लिष्टकर्मणः ॥BORI: १-११८-१७॥
nyāsayāmāsuratha tāṁ śibikāṁ satyavādinaḥ । sabhāryasya nr̥siṁhasya pāṇḍōrakliṣṭakarmaṇaḥ ॥BORI: 1-118-17॥
Then those truthful men had the bier bearing Pāṇḍu, the tireless lion among men, together with his wife, set down. (BORI: 1-118-17)
[PV-PAX:01_020_179]
ततस्तस्य शरीरं तत्सर्वगन्धनिषेवितम् । शुचिकालीयकादिग्धं मुख्यस्नानाधिवासितम् । पर्यषिञ्चज्जलेनाशु शातकुम्भमयैर्घटैः ॥BORI: १-११८-१८॥
tatastasya śarīraṁ tatsarvagandhaniṣēvitam । śucikālīyakādigdhaṁ mukhyasnānādhivāsitam । paryaṣiñcajjalēnāśu śātakumbhamayairghaṭaiḥ ॥BORI: 1-118-18॥
Then his body, perfumed with every fragrance, anointed with pure kālīyaka and scented with the finest bathing essences, was quickly sprinkled with water from golden jars. (BORI: 1-118-18)
[PV-PAX:01_020_180]
चन्दनेन च मुख्येन शुक्लेन समलेपयन् । कालागुरुविमिश्रेण तथा तुङ्गरसेन च ॥BORI: १-११८-१९॥
candanēna ca mukhyēna śuklēna samalēpayan । kālāguruvimiśrēṇa tathā tuṅgarasēna ca ॥BORI: 1-118-19॥
They anointed him with the finest white sandalwood paste, blended with black aloe and fragrant resin. (BORI: 1-118-19)
[PV-PAX:01_020_181]
अथैनं देशजैः शुक्लैर्वासोभिः समयोजयन् । आच्छन्नः स तु वासोभिर्जीवन्निव नरर्षभः । शुशुभे पुरुषव्याघ्रो महार्हशयनोचितः ॥BORI: १-११८-२०॥
athainaṁ dēśajaiḥ śuklairvāsōbhiḥ samayōjayan । ācchannaḥ sa tu vāsōbhirjīvanniva nararṣabhaḥ । śuśubhē puruṣavyāghrō mahārhaśayanōcitaḥ ॥BORI: 1-118-20॥
Then they arrayed him in white garments made in his own country. Covered with those garments, that tiger among men—the best of men, accustomed to a costly couch—shone as though alive. (BORI: 1-118-20)
[PV-PAX:01_020_182]
याजकैरभ्यनुज्ञातं प्रेतकर्मणि निष्ठितैः । घृतावसिक्तं राजानं सह माद्र्या स्वलङ्कृतम् ॥BORI: १-११८-२१॥
yājakairabhyanujñātaṁ prētakarmaṇi niṣṭhitaiḥ । ghr̥tāvasiktaṁ rājānaṁ saha mādryā svalaṅkr̥tam ॥BORI: 1-118-21॥
With the permission of the officiating priests, who were well versed in funeral rites, the king, anointed with ghee and richly adorned, together with Mādrī… (BORI: 1-118-21)
[PV-PAX:01_020_183]
तुङ्गपद्मकमिश्रेण चन्दनेन सुगन्धिना । अन्यैश्च विविधैर्गन्धैरनल्पैः समदाहयन् ॥BORI: १-११८-२२॥
tuṅgapadmakamiśrēṇa candanēna sugandhinā । anyaiśca vividhairgandhairanalpaiḥ samadāhayan ॥BORI: 1-118-22॥
They cremated them with fragrant sandalwood mixed with tuṅga and padmaka, and with abundant aromatic substances of various other kinds. (BORI: 1-118-22)
[PV-PAX:01_020_184]
ततस्तयोः शरीरे ते दृष्ट्वा मोहवशं गता । हाहा पुत्रेति कौसल्या पपात सहसा भुवि ॥BORI: १-११८-२३॥
tatastayōḥ śarīrē tē dr̥ṣṭvā mōhavaśaṁ gatā । hāhā putrēti kausalyā papāta sahasā bhuvi ॥BORI: 1-118-23॥
Then, seeing their two bodies, Kausalyā was overcome with grief. Crying, “Alas, my son!” she suddenly fell to the ground. (BORI: 1-118-23)
[PV-PAX:01_020_185]
तां प्रेक्ष्य पतितामार्तां पौरजानपदो जनः । रुरोद सस्वनं सर्वो राजभक्त्या कृपान्वितः ॥BORI: १-११८-२४॥
tāṁ prēkṣya patitāmārtāṁ paurajānapadō janaḥ । rurōda sasvanaṁ sarvō rājabhaktyā kr̥pānvitaḥ ॥BORI: 1-118-24॥
Seeing her fallen and grief-stricken, all the people of the city and countryside cried aloud, moved by compassion and devotion to the king. (BORI: 1-118-24)
[PV-PAX:01_020_186]
क्लान्तानीवार्तनादेन सर्वाणि च विचुक्रुशुः । मानुषैः सह भूतानि तिर्यग्योनिगतान्यपि ॥BORI: १-११८-२५॥
klāntānīvārtanādēna sarvāṇi ca vicukruśuḥ । mānuṣaiḥ saha bhūtāni tiryagyōnigatānyapi ॥BORI: 1-118-25॥
As if exhausted, all creatures—even those born as animals—wailed in anguish along with the people. (BORI: 1-118-25)
[PV-PAX:01_020_187]
तथा भीष्मः शान्तनवो विदुरश्च महामतिः । सर्वशः कौरवाश्चैव प्राणदन्भृशदुःखिताः ॥BORI: १-११८-२६॥
tathā bhīṣmaḥ śāntanavō viduraśca mahāmatiḥ । sarvaśaḥ kauravāścaiva prāṇadanbhr̥śaduḥkhitāḥ ॥BORI: 1-118-26॥
Likewise Bhishma, son of Shantanu, the wise Vidura, and all the Kauravas cried aloud, deeply afflicted with grief. (BORI: 1-118-26)
[PV-PAX:01_020_188]
ततो भीष्मोऽथ विदुरो राजा च सह बन्धुभिः । उदकं चक्रिरे तस्य सर्वाश्च कुरुयोषितः ॥BORI: १-११८-२७॥
tatō bhīṣmō’tha vidurō rājā ca saha bandhubhiḥ । udakaṁ cakrirē tasya sarvāśca kuruyōṣitaḥ ॥BORI: 1-118-27॥
Then Bhishma, Vidura, the king with his kinsmen, and all the Kuru women offered water for him. (BORI: 1-118-27)
[PV-KDV:01_020_189]
कृतोदकांस्तानादाय पाण्डवाञ्शोककर्शितान् । सर्वाः प्रकृतयो राजञ्शोचन्त्यः पर्यवारयन् ॥BORI: १-११८-२८॥
kr̥tōdakāṁstānādāya pāṇḍavāñśōkakarśitān । sarvāḥ prakr̥tayō rājañśōcantyaḥ paryavārayan ॥BORI: 1-118-28॥
O king, all the people, grieving, gathered around the sorrow-worn Pandavas after they had offered the water rites. (BORI: 1-118-28)
[PV-PAX:01_020_190]
यथैव पाण्डवा भूमौ सुषुपुः सह बान्धवैः । तथैव नागरा राजञ्शिश्यिरे ब्राह्मणादयः ॥BORI: १-११८-२९॥
yathaiva pāṇḍavā bhūmau suṣupuḥ saha bāndhavaiḥ । tathaiva nāgarā rājañśiśyirē brāhmaṇādayaḥ ॥BORI: 1-118-29॥
Just as the Pandavas slept on the ground with their kinsmen, so too, O king, did the townspeople, beginning with the Brahmins. (BORI: 1-118-29)
[PV-PAX:01_020_191]
तदनानन्दमस्वस्थमाकुमारमहृष्टवत् । बभूव पाण्डवैः सार्धं नगरं द्वादश क्षपाः ॥BORI: १-११८-३०॥
tadanānandamasvasthamākumāramahr̥ṣṭavat । babhūva pāṇḍavaiḥ sārdhaṁ nagaraṁ dvādaśa kṣapāḥ ॥BORI: 1-118-30॥
For twelve nights, the entire city, down to its children, remained joyless, distressed, and dejected along with the Pandavas. (BORI: 1-118-30)
[PV-PAX:01_020_192]
बाह्लीकः सोमदत्तश्च तथा भूरिश्रवा नृपः । अन्योन्यं वै समाश्लिष्य अनुजग्मुः सहस्रशः ॥KUMB: १-१३६-१६; KUMB: १-१३६-१७॥
bāhlīkaḥ sōmadattaśca tathā bhūriśravā nr̥paḥ । anyōnyaṁ vai samāśliṣya anujagmuḥ sahasraśaḥ ॥KUMB: 1-136-16; KUMB: 1-136-17॥
Bahlika, Somadatta, and King Bhurishravas embraced one another and followed in their thousands. (KUMB: 1-136-16; KUMB: 1-136-17)
[PV-SVO:01_020_193]
हयमेधाग्निना सर्वे याजकाः सपुरोहिताः । वेदोक्तेन विधानेन क्रियांचक्रुः समन्त्रकम् ॥KUMB: १-१३६-२३॥
hayamēdhāgninā sarvē yājakāḥ sapurōhitāḥ । vēdōktēna vidhānēna kriyāṁcakruḥ samantrakam ॥KUMB: 1-136-23॥
All the officiating priests, together with the family priests, performed the rite with the fire of the horse sacrifice, according to the procedure prescribed in the Veda and accompanied by the appropriate mantras. (KUMB: 1-136-23)
[PV-SVO:01_020_194]
सरलं देवदारुं च गुग्गुलं लाक्षया सह । हरिचन्दनकाष्ठैश्च हरिबेरैरुशीरकैः ॥KUMB: १-१३६-२५; KUMB: १-१३६-२६॥
saralaṁ dēvadāruṁ ca guggulaṁ lākṣayā saha । haricandanakāṣṭhaiśca haribērairuśīrakaiḥ ॥KUMB: 1-136-25; KUMB: 1-136-26॥
with sarala and deodar wood, guggul resin and lac, as well as logs of yellow sandalwood, haribera, and vetiver… (KUMB: 1-136-25; KUMB: 1-136-26)
[PV-SVO:01_020_195]
चुक्रुशुः पाण्डवाः सर्वे भीष्मः शान्तनवस्तथा । विदुरो ज्ञातयश्चैव चक्रुश्चाप्युदकक्रियाः ॥KUMB: १-१३६-३२; NILA: ०१.१२७.०२९॥
cukruśuḥ pāṇḍavāḥ sarvē bhīṣmaḥ śāntanavastathā । vidurō jñātayaścaiva cakruścāpyudakakriyāḥ ॥KUMB: 1-136-32; NILA: 01.127.029॥
All the Pandavas, Bhishma son of Shantanu, Vidura, and the relatives wailed aloud and also performed the water rites. (KUMB: 1-136-32; NILA: 01.127.029)
[PV-SVO:01_020_196]
वैशम्पायन उवाच॥
vaiśampāyana uvāca॥
Vaiśampāyana said:
[PV-KDV:01_020_197]
ततः क्षत्ता च राजा च भीष्मश्च सह बन्धुभिः । ददुः श्राद्धं तदा पाण्डोः स्वधामृतमयं तदा ॥BORI: १-११९-१॥
tataḥ kṣattā ca rājā ca bhīṣmaśca saha bandhubhiḥ । daduḥ śrāddhaṁ tadā pāṇḍōḥ svadhāmr̥tamayaṁ tadā ॥BORI: 1-119-1॥
Then the chamberlain, the king, and Bhishma, together with their kinsmen, offered Pandu a śrāddha consisting of the nectar of ancestral offerings. (BORI: 1-119-1)
[PV-PAX:01_020_198]
कुरूंश्च विप्रमुख्यांश्च भोजयित्वा सहस्रशः । रत्नौघान्द्विजमुख्येभ्यो दत्त्वा ग्रामवरानपि ॥BORI: १-११९-२॥
kurūṁśca vipramukhyāṁśca bhōjayitvā sahasraśaḥ । ratnaughāndvijamukhyēbhyō dattvā grāmavarānapi ॥BORI: 1-119-2॥
having fed thousands of Kurus and eminent Brahmins, and given heaps of jewels and excellent villages to the foremost of the twice-born… (BORI: 1-119-2)
[PV-PAX:01_020_199]
कृतशौचांस्ततस्तांस्तु पाण्डवान्भरतर्षभान् । आदाय विविशुः पौराः पुरं वारणसाह्वयम् ॥BORI: १-११९-३॥
kr̥taśaucāṁstatastāṁstu pāṇḍavānbharatarṣabhān । ādāya viviśuḥ paurāḥ puraṁ vāraṇasāhvayam ॥BORI: 1-119-3॥
Then the citizens took the Pandavas, those bulls of Bharata’s line who had completed their purification rites, and entered the city named after the elephant. (BORI: 1-119-3)
[PV-KDV:01_020_200]
सततं स्मान्वतप्यन्त तमेव भरतर्षभम् । पौरजानपदाः सर्वे मृतं स्वमिव बान्धवम् ॥BORI: १-११९-४॥
satataṁ smānvatapyanta tamēva bharatarṣabham । paurajānapadāḥ sarvē mr̥taṁ svamiva bāndhavam ॥BORI: 1-119-4॥
All the townspeople and country folk continually mourned that bull of the Bharatas as they would a kinsman of their own who had died. (BORI: 1-119-4)
[PV-PAX:01_020_201]
श्राद्धावसाने तु तदा दृष्ट्वा तं दुःखितं जनम् । संमूढां दुःखशोकार्तां व्यासो मातरमब्रवीत् ॥BORI: १-११९-५॥
śrāddhāvasānē tu tadā dr̥ṣṭvā taṁ duḥkhitaṁ janam । saṁmūḍhāṁ duḥkhaśōkārtāṁ vyāsō mātaramabravīt ॥BORI: 1-119-5॥
Then, at the conclusion of the funeral rites, Vyasa saw the people in distress and spoke to his mother, who was bewildered and afflicted with pain and grief. (BORI: 1-119-5)
[PV-KDV:01_020_202]
अतिक्रान्तसुखाः कालाः प्रत्युपस्थितदारुणाः । श्वः श्वः पापीयदिवसाः पृथिवी गतयौवना ॥BORI: १-११९-६॥
atikrāntasukhāḥ kālāḥ pratyupasthitadāruṇāḥ । śvaḥ śvaḥ pāpīyadivasāḥ pr̥thivī gatayauvanā ॥BORI: 1-119-6॥
Happy times have passed, and dreadful times are upon us. Day by day, the days grow worse; the earth has lost her youth. (BORI: 1-119-6)
[PV-PAN:01_020_203]
बहुमायासमाकीर्णो नानादोषसमाकुलः । लुप्तधर्मक्रियाचारो घोरः कालो भविष्यति ॥BORI: १-११९-७॥
bahumāyāsamākīrṇō nānādōṣasamākulaḥ । luptadharmakriyācārō ghōraḥ kālō bhaviṣyati ॥BORI: 1-119-7॥
A terrible age will come, rife with deceit, beset by many evils, in which the practices and observances of dharma have vanished. (BORI: 1-119-7)
[PV-PAN:01_020_204]
गच्छ त्वं त्यागमास्थाय युक्ता वस तपोवने । मा द्रक्ष्यसि कुलस्यास्य घोरं सङ्क्षयमात्मनः ॥BORI: १-११९-८॥
gaccha tvaṁ tyāgamāsthāya yuktā vasa tapōvanē । mā drakṣyasi kulasyāsya ghōraṁ saṅkṣayamātmanaḥ ॥BORI: 1-119-8॥
Go, embrace renunciation, and live a disciplined life in the ascetic forest, so that you do not witness the terrible destruction of this family of yours. (BORI: 1-119-8)
[PV-KDV:01_020_205]
तथेति समनुज्ञाय सा प्रविश्याब्रवीत्स्नुषाम् । अम्बिके तव पुत्रस्य दुर्नयात्किल भारताः । सानुबन्धा विनङ्क्ष्यन्ति पौत्राश्चैवेति नः श्रुतम् ॥BORI: १-११९-९॥
tathēti samanujñāya sā praviśyābravītsnuṣām । ambikē tava putrasya durnayātkila bhāratāḥ । sānubandhā vinaṅkṣyanti pautrāścaivēti naḥ śrutam ॥BORI: 1-119-9॥
Having assented, saying, “So be it,” she went in and said to her daughter-in-law, “Ambika, we have heard that because of your son’s misconduct, the Bharatas will perish together with their kin, and the grandsons as well.” (BORI: 1-119-9)
[PV-KDV:01_020_206]
तत्कौसल्यामिमामार्तां पुत्रशोकाभिपीडिताम् । वनमादाय भद्रं ते गच्छावो यदि मन्यसे ॥BORI: १-११९-१०॥
tatkausalyāmimāmārtāṁ putraśōkābhipīḍitām । vanamādāya bhadraṁ tē gacchāvō yadi manyasē ॥BORI: 1-119-10॥
So, if you agree, let us take this afflicted Kausalyā, tormented by grief for her son, and go to the forest. May all be well with you. (BORI: 1-119-10)
[PV-KDV:01_020_207]
तथेत्युक्ते अम्बिकया भीष्ममामन्त्र्य सुव्रता । वनं ययौ सत्यवती स्नुषाभ्यां सह भारत ॥BORI: १-११९-११॥
tathētyuktē ambikayā bhīṣmamāmantrya suvratā । vanaṁ yayau satyavatī snuṣābhyāṁ saha bhārata ॥BORI: 1-119-11॥
When Ambikā replied, “So be it,” the virtuous Satyavatī took leave of Bhīṣma and went to the forest with her two daughters-in-law, O Bhārata. (BORI: 1-119-11)
[PV-KDV:01_020_208]
ताः सुघोरं तपः कृत्वा देव्यो भरतसत्तम । देहं त्यक्त्वा महाराज गतिमिष्टां ययुस्तदा ॥BORI: १-११९-१२॥
tāḥ sughōraṁ tapaḥ kr̥tvā dēvyō bharatasattama । dēhaṁ tyaktvā mahārāja gatimiṣṭāṁ yayustadā ॥BORI: 1-119-12॥
After performing extremely severe austerities, those noble women gave up their bodies and then attained their desired destination, O great king, best of the Bharatas. (BORI: 1-119-12)
[PV-KDV:01_020_209]