Chapter 23: The princes’ martial exhibition; Bhīma and Duryodhana’s prowess, Arjuna’s acclaimed skill, Karṇa’s challenge, and his alliance with Duryodhana.
वैशम्पायन उवाच॥
vaiśampāyana uvāca॥
Vaiśampāyana said:
[PV-KDV:01_023_1]
कृतास्त्रान्धार्तराष्ट्रांश्च पाण्डुपुत्रांश्च भारत। दृष्ट्वा द्रोणोऽब्रवीद्राजन्धृतराष्ट्रं जनेश्वरम् ॥BORI: १-१२४-१॥
kr̥tāstrāndhārtarāṣṭrāṁśca pāṇḍuputrāṁśca bhārata। dr̥ṣṭvā drōṇō’bravīdrājandhr̥tarāṣṭraṁ janēśvaram ॥BORI: 1-124-1॥
Seeing the sons of Dhritarashtra and the sons of Pandu fully trained in arms, O Bharata, Drona said to King Dhritarashtra, lord of the people— (BORI: 1-124-1)
[PV-KDV:01_023_2]
कृपस्य सोमदत्तस्य बाह्लीकस्य च धीमतः। गाङ्गेयस्य च सांनिध्ये व्यासस्य विदुरस्य च ॥BORI: १-१२४-२॥
kr̥pasya sōmadattasya bāhlīkasya ca dhīmataḥ। gāṅgēyasya ca sāṁnidhyē vyāsasya vidurasya ca ॥BORI: 1-124-2॥
In the presence of Kripa, Somadatta, the wise Bahlika, the son of Ganga, Vyasa, and Vidura… (BORI: 1-124-2)
[PV-PAN:01_023_3]
राजन्सम्प्राप्तविद्यास्ते कुमराः कुरुसत्तम। ते दर्शयेयुः स्वां शिक्षां राजन्ननुमते तव ॥BORI: १-१२४-३॥
rājansamprāptavidyāstē kumarāḥ kurusattama। tē darśayēyuḥ svāṁ śikṣāṁ rājannanumatē tava ॥BORI: 1-124-3॥
O king, best of the Kurus, your princes have completed their training. With your permission, O king, let them display their skill. (BORI: 1-124-3)
[PV-KDV:01_023_4]
ततोऽब्रवीन्महाराजः प्रहृष्टेनान्तरात्मना। भारद्वाज महत्कर्म कृतं ते द्विजसत्तम ॥BORI: १-१२४-४॥
tatō’bravīnmahārājaḥ prahr̥ṣṭēnāntarātmanā। bhāradvāja mahatkarma kr̥taṁ tē dvijasattama ॥BORI: 1-124-4॥
Then the great king, delighted at heart, said, “Bhāradvāja, you have accomplished a great deed, best of Brahmins.” (BORI: 1-124-4)
[PV-KDV:01_023_5]
यदा तु मन्यसे कालं यस्मिन्देशे यथा यथा। तथा तथा विधानाय स्वयमाज्ञापयस्व माम् ॥BORI: १-१२४-५॥
yadā tu manyasē kālaṁ yasmindēśē yathā yathā। tathā tathā vidhānāya svayamājñāpayasva mām ॥BORI: 1-124-5॥
But when you think the time has come, command me yourself as to the place and manner, so that arrangements may be made accordingly. (BORI: 1-124-5)
[PV-KDV:01_023_6]
स्पृहयाम्यद्य निर्वेदात्पुरुषाणां सचक्षुषाम्। अस्त्रहेतोः पराक्रान्तान्ये मे द्रक्ष्यन्ति पुत्रकान् ॥BORI: १-१२४-६॥
spr̥hayāmyadya nirvēdātpuruṣāṇāṁ sacakṣuṣām। astrahētōḥ parākrāntānyē mē drakṣyanti putrakān ॥BORI: 1-124-6॥
In my despondency today, I envy men blessed with sight, who will see my sons displaying their prowess with weapons. (BORI: 1-124-6)
[PV-PAX:01_023_7]
क्षत्तर्यद्गुरुराचार्यो ब्रवीति कुरु तत्तथा। न हीदृशं प्रियं मन्ये भविता धर्मवत्सल ॥BORI: १-१२४-७॥
kṣattaryadgururācāryō bravīti kuru tattathā। na hīdr̥śaṁ priyaṁ manyē bhavitā dharmavatsala ॥BORI: 1-124-7॥
Kshattar, do exactly what the venerable preceptor says. For I do not think anything could be more pleasing than this, O lover of righteousness. (BORI: 1-124-7)
[PV-KDV:01_023_8]
ततो राजानमामन्त्र्य विदुरानुगतो बहिः। भारद्वाजो महाप्राज्ञो मापयामास मेदिनीम्। समामवृक्षां निर्गुल्मामुदक्प्रवणसंस्थिताम् ॥BORI: १-१२४-८॥
tatō rājānamāmantrya vidurānugatō bahiḥ। bhāradvājō mahāprājñō māpayāmāsa mēdinīm। samāmavr̥kṣāṁ nirgulmāmudakpravaṇasaṁsthitām ॥BORI: 1-124-8॥
Then, after taking leave of the king, the exceedingly wise son of Bharadvaja went outside accompanied by Vidura and had a tract of land measured out—level, treeless, free of undergrowth, and sloping northward. (BORI: 1-124-8)
[PV-KDV:01_023_9]
तस्यां भूमौ बलिं चक्रे तिथौ नक्षत्रपूजिते। अवघुष्टं पुरे चापि तदर्थं वदतां वर ॥BORI: १-१२४-९॥
tasyāṁ bhūmau baliṁ cakrē tithau nakṣatrapūjitē। avaghuṣṭaṁ purē cāpi tadarthaṁ vadatāṁ vara ॥BORI: 1-124-9॥
On that ground he made an offering on a lunar day made auspicious by the constellation. A proclamation was also made in the city for that purpose, O best of speakers. (BORI: 1-124-9)
[PV-PAN:01_023_10]
रङ्गभूमौ सुविपुलं शास्त्रदृष्टं यथाविधि। प्रेक्षागारं सुविहितं चक्रुस्तत्र च शिल्पिनः। राज्ञः सर्वायुधोपेतं स्त्रीणां चैव नरर्षभ ॥BORI: १-१२४-१०॥
raṅgabhūmau suvipulaṁ śāstradr̥ṣṭaṁ yathāvidhi। prēkṣāgāraṁ suvihitaṁ cakrustatra ca śilpinaḥ। rājñaḥ sarvāyudhōpētaṁ strīṇāṁ caiva nararṣabha ॥BORI: 1-124-10॥
There in the arena the artisans duly constructed a well-designed, very spacious viewing pavilion for the king and the women, built according to scriptural prescription and equipped with every kind of weapon, O best of men. (BORI: 1-124-10)
[PV-KDV:01_023_11]
मञ्चांश्च कारयामासुस्तत्र जानपदा जनाः । विपुलानुच्छ्रयोपेताञ्शिबिकाश्च महाधनाः ॥BORI: १-१२४-११॥
mañcāṁśca kārayāmāsustatra jānapadā janāḥ । vipulānucchrayōpētāñśibikāśca mahādhanāḥ ॥BORI: 1-124-11॥
The people of the realm had broad, elevated platforms built there, while the very wealthy had palanquins made. (BORI: 1-124-11)
[PV-PAX:01_023_12]
तस्मिंस्ततोऽहनि प्राप्ते राजा ससचिवस्तदा । भीष्मं प्रमुखतः कृत्वा कृपं चाचार्यसत्तमम् ॥BORI: १-१२४-१२॥
tasmiṁstatō’hani prāptē rājā sasacivastadā । bhīṣmaṁ pramukhataḥ kr̥tvā kr̥paṁ cācāryasattamam ॥BORI: 1-124-12॥
Then, when that day arrived, the king and his ministers, with Bhishma at their head and Kripa, the foremost of teachers... (BORI: 1-124-12)
[PV-PAX:01_023_13]
मुक्ताजालपरिक्षिप्तं वैडूर्यमणिभूषितम् । शातकुम्भमयं दिव्यं प्रेक्षागारमुपागमत् ॥BORI: १-१२४-१३॥
muktājālaparikṣiptaṁ vaiḍūryamaṇibhūṣitam । śātakumbhamayaṁ divyaṁ prēkṣāgāramupāgamat ॥BORI: 1-124-13॥
He approached the splendid viewing pavilion, made of gold, draped with nets of pearls, and adorned with vaiḍūrya gems. (BORI: 1-124-13)
[PV-PAX:01_023_14]
गान्धारी च महाभागा कुन्ती च जयतां वर । स्त्रियश्च सर्वा या राज्ञः सप्रेष्याः सपरिच्छदाः । हर्षादारुरुहुर्मञ्चान्मेरुं देवस्त्रियो यथा ॥BORI: १-१२४-१४॥
gāndhārī ca mahābhāgā kuntī ca jayatāṁ vara । striyaśca sarvā yā rājñaḥ saprēṣyāḥ saparicchadāḥ । harṣādāruruhurmañcānmēruṁ dēvastriyō yathā ॥BORI: 1-124-14॥
Gandhari and the illustrious Kunti, O best of conquerors, and all the king’s women, together with their maidservants and attendants, joyfully ascended the viewing platforms like the women of the gods ascending Mount Meru. (BORI: 1-124-14)
[PV-PAX:01_023_15]
ब्राह्मणक्षत्रियाद्यं च चातुर्वर्ण्यं पुराद्द्रुतम् । दर्शनेप्सु समभ्यागात्कुमाराणां कृतास्त्रताम् ॥BORI: १-१२४-१५॥
brāhmaṇakṣatriyādyaṁ ca cāturvarṇyaṁ purāddrutam । darśanēpsu samabhyāgātkumārāṇāṁ kr̥tāstratām ॥BORI: 1-124-15॥
The four social classes, beginning with Brahmins and Kshatriyas, hurried from the city, eager to see the princes’ mastery of arms. (BORI: 1-124-15)
[PV-PAX:01_023_16]
प्रवादितैश्च वादित्रैर्जनकौतूहलेन च । महार्णव इव क्षुब्धः समाजः सोऽभवत्तदा ॥BORI: १-१२४-१६॥
pravāditaiśca vāditrairjanakautūhalēna ca । mahārṇava iva kṣubdhaḥ samājaḥ sō’bhavattadā ॥BORI: 1-124-16॥
Then, with musical instruments sounding and the people astir with curiosity, that gathering grew turbulent like the great ocean. (BORI: 1-124-16)
[PV-PAX:01_023_17]
ततः शुक्लाम्बरधरः शुक्लयज्ञोपवीतवान् । शुक्लकेशः सितश्मश्रुः शुक्लमाल्यानुलेपनः ॥BORI: १-१२४-१७॥
tataḥ śuklāmbaradharaḥ śuklayajñōpavītavān । śuklakēśaḥ sitaśmaśruḥ śuklamālyānulēpanaḥ ॥BORI: 1-124-17॥
Then the preceptor, dressed in white, wearing a white sacred thread, with white hair and a white beard, and adorned with white garlands and unguents… (BORI: 1-124-17)
[PV-PAX:01_023_18]
रङ्गमध्यं तदाचार्यः सपुत्रः प्रविवेश ह । नभो जलधरैर्हीनं साङ्गारक इवांशुमान् ॥BORI: १-१२४-१८॥
raṅgamadhyaṁ tadācāryaḥ saputraḥ pravivēśa ha । nabhō jaladharairhīnaṁ sāṅgāraka ivāṁśumān ॥BORI: 1-124-18॥
That teacher entered the center of the arena with his son, like the sun accompanied by Mars entering a cloudless sky. (BORI: 1-124-18)
[PV-PAX:01_023_19]
स यथासमयं चक्रे बलिं बलवतां वरः । ब्राह्मणांश्चात्र मन्त्रज्ञान्वाचयामास मङ्गलम् ॥BORI: १-१२४-१९॥
sa yathāsamayaṁ cakrē baliṁ balavatāṁ varaḥ । brāhmaṇāṁścātra mantrajñānvācayāmāsa maṅgalam ॥BORI: 1-124-19॥
That foremost of mighty men duly performed the offering and had Brahmins learned in sacred formulas pronounce blessings there. (BORI: 1-124-19)
[PV-PAX:01_023_20]
अथ पुण्याहघोषस्य पुण्यस्य तदनन्तरम् । विविशुर्विविधं गृह्य शस्त्रोपकरणं नराः ॥BORI: १-१२४-२०॥
atha puṇyāhaghōṣasya puṇyasya tadanantaram । viviśurvividhaṁ gr̥hya śastrōpakaraṇaṁ narāḥ ॥BORI: 1-124-20॥
Then, immediately after the sacred proclamation of the auspicious day, the men entered carrying various weapons and military equipment. (BORI: 1-124-20)
[PV-KDV:01_023_21]
ततो बद्धतनुत्राणा बद्धकक्ष्या महाबलाः । बद्धतूणाः सधनुषो विविशुर्भरतर्षभाः ॥BORI: १-१२४-२१॥
tatō baddhatanutrāṇā baddhakakṣyā mahābalāḥ । baddhatūṇāḥ sadhanuṣō viviśurbharatarṣabhāḥ ॥BORI: 1-124-21॥
Then the mighty bulls of the Bharata line entered, clad in armor, their belts fastened, their quivers bound on, and bows in hand. (BORI: 1-124-21)
[PV-KDV:01_023_22]
अनुज्येष्ठं च ते तत्र युधिष्ठिरपुरोगमाः । चक्रुरस्त्रं महावीर्याः कुमाराः परमाद्भुतम् ॥BORI: १-१२४-२२॥
anujyēṣṭhaṁ ca tē tatra yudhiṣṭhirapurōgamāḥ । cakrurastraṁ mahāvīryāḥ kumārāḥ paramādbhutam ॥BORI: 1-124-22॥
There, in order of seniority and with Yudhishthira leading, the princes of great prowess displayed extraordinary skill with weapons. (BORI: 1-124-22)
[PV-KDV:01_023_23]
केचिच्छराक्षेपभयाच्छिरांस्यवननामिरे । मनुजा धृष्टमपरे वीक्षां चक्रुः सविस्मयाः ॥BORI: १-१२४-२३॥
kēciccharākṣēpabhayācchirāṁsyavananāmirē । manujā dhr̥ṣṭamaparē vīkṣāṁ cakruḥ savismayāḥ ॥BORI: 1-124-23॥
Some lowered their heads for fear of the flying arrows, while other men watched boldly in astonishment. (BORI: 1-124-23)
[PV-KDV:01_023_24]
ते स्म लक्ष्याणि विविधुर्बाणैर्नामाङ्कशोभितैः । विविधैर्लाघवोत्सृष्टैरुह्यन्तो वाजिभिर्द्रुतम् ॥BORI: १-१२४-२४॥
tē sma lakṣyāṇi vividhurbāṇairnāmāṅkaśōbhitaiḥ । vividhairlāghavōtsr̥ṣṭairuhyantō vājibhirdrutam ॥BORI: 1-124-24॥
Borne swiftly along by horses, they pierced the targets with various arrows, deftly loosed and adorned with inscriptions of their names. (BORI: 1-124-24)
[PV-KDV:01_023_25]
तत्कुमारबलं तत्र गृहीतशरकार्मुकम् । गन्धर्वनगराकारं प्रेक्ष्य ते विस्मिताभवन् ॥BORI: १-१२४-२५॥
tatkumārabalaṁ tatra gr̥hītaśarakārmukam । gandharvanagarākāraṁ prēkṣya tē vismitābhavan ॥BORI: 1-124-25॥
Seeing that host of princes there, bows and arrows in hand and resembling a city of the Gandharvas, they were astonished. (BORI: 1-124-25)
[PV-KDV:01_023_26]
सहसा चुक्रुशुस्तत्र नराः शतसहस्रशः । विस्मयोत्फुल्लनयनाः साधु साध्विति भारत ॥BORI: १-१२४-२६॥
sahasā cukruśustatra narāḥ śatasahasraśaḥ । vismayōtphullanayanāḥ sādhu sādhviti bhārata ॥BORI: 1-124-26॥
Then hundreds of thousands of men suddenly cried out, their eyes wide with wonder, “Bravo! Bravo!” O Bharata. (BORI: 1-124-26)
[PV-KDV:01_023_27]
कृत्वा धनुषि ते मार्गान्रथचर्यासु चासकृत् । गजपृष्ठेऽश्वपृष्ठे च नियुद्धे च महाबलाः ॥BORI: १-१२४-२७॥
kr̥tvā dhanuṣi tē mārgānrathacaryāsu cāsakr̥t । gajapr̥ṣṭhē’śvapr̥ṣṭhē ca niyuddhē ca mahābalāḥ ॥BORI: 1-124-27॥
After repeatedly demonstrating their techniques with the bow and in chariot maneuvers, on elephant- and horseback, and in close combat, those mighty warriors… (BORI: 1-124-27)
[PV-KDV:01_023_28]
गृहीतखड्गचर्माणस्ततो भूयः प्रहारिणः । त्सरुमार्गान्यथोद्दिष्टांश्चेरुः सर्वासु भूमिषु ॥BORI: १-१२४-२८॥
gr̥hītakhaḍgacarmāṇastatō bhūyaḥ prahāriṇaḥ । tsarumārgānyathōddiṣṭāṁścēruḥ sarvāsu bhūmiṣu ॥BORI: 1-124-28॥
Then, taking up swords and shields and striking repeatedly, they practiced the prescribed movements of swordsmanship in every stance. (BORI: 1-124-28)
[PV-KDV:01_023_29]
लाघवं सौष्ठवं शोभां स्थिरत्वं दृढमुष्टिताम् । ददृशुस्तत्र सर्वेषां प्रयोगे खड्गचर्मणाम् ॥BORI: १-१२४-२९॥
lāghavaṁ sauṣṭhavaṁ śōbhāṁ sthiratvaṁ dr̥ḍhamuṣṭitām । dadr̥śustatra sarvēṣāṁ prayōgē khaḍgacarmaṇām ॥BORI: 1-124-29॥
There they saw, in the way each of them wielded sword and shield, agility, skill, grace, steadiness, and firmness of grip. (BORI: 1-124-29)
[PV-KDV:01_023_30]
अथ तौ नित्यसंहृष्टौ सुयोधनवृकोदरौ । अवतीर्णौ गदाहस्तावेकशृङ्गाविवाचलौ ॥BORI: १-१२४-३०॥
atha tau nityasaṁhr̥ṣṭau suyōdhanavr̥kōdarau । avatīrṇau gadāhastāvēkaśr̥ṅgāvivācalau ॥BORI: 1-124-30॥
Then Suyodhana and Vṛkodara, ever exulting, entered the arena with maces in hand, like two mountains each crowned with a single peak. (BORI: 1-124-30)
[PV-KDV:01_023_31]
बद्धकक्ष्यौ महाबाहू पौरुषे पर्यवस्थितौ । बृंहन्तौ वाशिताहेतोः समदाविव कुञ्जरौ ॥BORI: १-१२४-३१॥
baddhakakṣyau mahābāhū pauruṣē paryavasthitau । br̥ṁhantau vāśitāhētōḥ samadāviva kuñjarau ॥BORI: 1-124-31॥
The mighty-armed pair, girded for battle and steadfast in their valor, roared like two rutting elephants over a female. (BORI: 1-124-31)
[PV-PAX:01_023_32]
तौ प्रदक्षिणसव्यानि मण्डलानि महाबलौ । चेरतुर्निर्मलगदौ समदाविव गोवृषौ ॥BORI: १-१२४-३२॥
tau pradakṣiṇasavyāni maṇḍalāni mahābalau । cēraturnirmalagadau samadāviva gōvr̥ṣau ॥BORI: 1-124-32॥
The two mighty warriors, wielding gleaming maces, moved in circles to the right and left like two rutting bulls. (BORI: 1-124-32)
[PV-KDV:01_023_33]
विदुरो धृतराष्ट्राय गान्धार्यै पाण्डवारणिः । न्यवेदयेतां तत्सर्वं कुमाराणां विचेष्टितम् ॥BORI: १-१२४-३३॥
vidurō dhr̥tarāṣṭrāya gāndhāryai pāṇḍavāraṇiḥ । nyavēdayētāṁ tatsarvaṁ kumārāṇāṁ vicēṣṭitam ॥BORI: 1-124-33॥
Vidura and Kuntī, the mother of the Pāṇḍavas, reported to Dhṛtarāṣṭra and Gāndhārī everything the princes had done. (BORI: 1-124-33)
[PV-PAN:01_023_34]
सान्तःपुरः सहामात्यो व्यासस्यानुमते तदा ॥KUMB: १-१४४-१३॥
sāntaḥpuraḥ sahāmātyō vyāsasyānumatē tadā ॥KUMB: 1-144-13॥
Then, accompanied by the women of his household and his ministers, with Vyasa’s consent… (KUMB: 1-144-13)
[PV-SVO:01_023_35]
बाह्लीकं सोमदत्तं च भूरिश्रवसमेव च । कुरूनन्यांश्च सचिवानादाय नगराद्बहिः ॥KUMB: १-१४४-१४॥
bāhlīkaṁ sōmadattaṁ ca bhūriśravasamēva ca । kurūnanyāṁśca sacivānādāya nagarādbahiḥ ॥KUMB: 1-144-14॥
Taking Bāhlīka, Somadatta, Bhūriśravas, the other Kurus, and his counselors with him beyond the city… (KUMB: 1-144-14)
[PV-SVO:01_023_36]
रङ्गभूमिं समासाद्य ब्राह्मणैः सहितो नृपः ॥KUMB: १-१४४-१५॥
raṅgabhūmiṁ samāsādya brāhmaṇaiḥ sahitō nr̥paḥ ॥KUMB: 1-144-15॥
The king, accompanied by the Brahmins, reached the arena… (KUMB: 1-144-15)
[PV-SVO:01_023_37]
क्षणेनैकस्थतां तत्र दर्शनेप्सुर्जगाम ह ॥KUMB: १-१४४-१९; NILA: ०१.१३४.०१७॥
kṣaṇēnaikasthatāṁ tatra darśanēpsurjagāma ha ॥KUMB: 1-144-19; NILA: 01.134.017॥
Eager to see, he quickly took his place there. (KUMB: 1-144-19; NILA: 01.134.017)
[PV-SVO:01_023_38]
सुवर्णमणिरत्नानि वस्त्राणि विविधानि च । प्रददौ दक्षिणां राजा द्रोणाय च कृपाय च ॥KUMB: १-१४४-२४॥
suvarṇamaṇiratnāni vastrāṇi vividhāni ca । pradadau dakṣiṇāṁ rājā drōṇāya ca kr̥pāya ca ॥KUMB: 1-144-24॥
The king gave gold, jewels, precious stones, and various garments as gifts to Drona and Kripa. (KUMB: 1-144-24)
[PV-SVO:01_023_39]
रङ्गमध्ये स्थितं द्रोणमभिवाद्य नरर्षभाः । चक्रुः पूजां यथान्यायं द्रोणस्य च कृपस्य च ॥KUMB: १-१४४-२७॥
raṅgamadhyē sthitaṁ drōṇamabhivādya nararṣabhāḥ । cakruḥ pūjāṁ yathānyāyaṁ drōṇasya ca kr̥pasya ca ॥KUMB: 1-144-27॥
After saluting Drona, who stood in the middle of the arena, the foremost of men duly honored Drona and Kripa. (KUMB: 1-144-27)
[PV-SVO:01_023_40]
आशीर्भिश्च प्रयुक्ताभिः सर्वे संहृष्टमानसाः । अभिवाद्य पुनः शस्त्रान्बलिपुष्पैः समर्चितान् ॥KUMB: १-१४४-२८॥
āśīrbhiśca prayuktābhiḥ sarvē saṁhr̥ṣṭamānasāḥ । abhivādya punaḥ śastrānbalipuṣpaiḥ samarcitān ॥KUMB: 1-144-28॥
All of them, their hearts gladdened by the blessings bestowed upon them, having once again saluted the weapons that had been worshipped with flowers offered in sacrifice… (KUMB: 1-144-28)
[PV-SVO:01_023_41]
रक्तचन्दनसंमिश्रैः स्वयमर्चन्ति कौरवाः । रक्तचन्दनदिग्धाश्च रक्तमाल्यानुधारिणः ॥KUMB: १-१४४-२९॥
raktacandanasaṁmiśraiḥ svayamarcanti kauravāḥ । raktacandanadigdhāśca raktamālyānudhāriṇaḥ ॥KUMB: 1-144-29॥
The Kauravas themselves worship them with mixtures of red sandalwood. Smeared with red sandalwood and wearing red garlands... (KUMB: 1-144-29)
[PV-SVO:01_023_42]
सर्वे रक्तपताकाश्च सर्वे रक्तान्तलोचनाः । द्रोणेन समनुज्ञाता गृह्य शस्त्रं परन्तपाः ॥KUMB: १-१४४-३०॥
sarvē raktapatākāśca sarvē raktāntalōcanāḥ । drōṇēna samanujñātā gr̥hya śastraṁ parantapāḥ ॥KUMB: 1-144-30॥
All bearing red banners, all with red-rimmed eyes, those scorchers of foes, with Drona’s permission, took up their weapons… (KUMB: 1-144-30)
[PV-SVO:01_023_43]
धनूंषि पूर्व संगृह्य तप्तकाञ्चनभूषिताः । सज्यानि विविधाकाराः शरैः सन्धाय कौरवा ॥KUMB: १-१४४-३१॥
dhanūṁṣi pūrva saṁgr̥hya taptakāñcanabhūṣitāḥ । sajyāni vividhākārāḥ śaraiḥ sandhāya kauravā ॥KUMB: 1-144-31॥
First taking up their strung bows, the Kauravas, adorned with burnished gold and varied in appearance, fitted arrows to them… (KUMB: 1-144-31)
[PV-SVO:01_023_44]
ज्याघोषं तलघोषं च कृत्वा भूतान्यमोहयन् ॥KUMB: १-१४४-३२॥
jyāghōṣaṁ talaghōṣaṁ ca kr̥tvā bhūtānyamōhayan ॥KUMB: 1-144-32॥
With the twang of their bowstrings and the slap of their palms, they bewildered all beings. (KUMB: 1-144-32)
[PV-SVO:01_023_45]
केषांचित्तत्र माल्येषु शरा निपतिता नृप । केषांचित्पुष्पमुकुटे निपतन्ति स्म सायकाः ॥KUMB: १-१४४-३४॥
kēṣāṁcittatra mālyēṣu śarā nipatitā nr̥pa । kēṣāṁcitpuṣpamukuṭē nipatanti sma sāyakāḥ ॥KUMB: 1-144-34॥
There, O king, arrows fell upon some men’s garlands, while shafts landed upon the floral crowns of others. (KUMB: 1-144-34)
[PV-SVO:01_023_46]
केचिल्लक्ष्याणि विविधैर्बाणैराहितलक्षणैः । बिभिदुर्लाघवोत्सृष्टैर्गुरूणि च लघूनि च ॥KUMB: १-१४४-३५॥
kēcillakṣyāṇi vividhairbāṇairāhitalakṣaṇaiḥ । bibhidurlāghavōtsr̥ṣṭairgurūṇi ca laghūni ca ॥KUMB: 1-144-35॥
Some pierced targets, both heavy and light, with various marked arrows loosed with skill. (KUMB: 1-144-35)
[PV-SVO:01_023_47]
वैशम्पायन उवाच॥
vaiśampāyana uvāca॥
Vaiśampāyana said:
[PV-KDV:01_023_48]
कुरुराजे च रङ्गस्थे भीमे च बलिनां वरे । पक्षपातकृतस्नेहः स द्विधेवाभवज्जनः ॥BORI: १-१२५-१॥
kururājē ca raṅgasthē bhīmē ca balināṁ varē । pakṣapātakr̥tasnēhaḥ sa dvidhēvābhavajjanaḥ ॥BORI: 1-125-1॥
With the Kuru king and Bhima, foremost of the strong, standing in the arena, the people, their affections shaped by partisanship, seemed divided in two. (BORI: 1-125-1)
[PV-KDV:01_023_49]
हा वीर कुरुराजेति हा भीमेति च नर्दताम् । पुरुषाणां सुविपुलाः प्रणादाः सहसोत्थिताः ॥BORI: १-१२५-२॥
hā vīra kururājēti hā bhīmēti ca nardatām । puruṣāṇāṁ suvipulāḥ praṇādāḥ sahasōtthitāḥ ॥BORI: 1-125-2॥
As the men cried out, “Bravo, hero! Bravo, king of the Kurus!” and “Bravo, Bhima!” a tremendous roar suddenly arose. (BORI: 1-125-2)
[PV-KDV:01_023_50]
ततः क्षुब्धार्णवनिभं रङ्गमालोक्य बुद्धिमान् । भारद्वाजः प्रियं पुत्रमश्वत्थामानमब्रवीत् ॥BORI: १-१२५-३॥
tataḥ kṣubdhārṇavanibhaṁ raṅgamālōkya buddhimān । bhāradvājaḥ priyaṁ putramaśvatthāmānamabravīt ॥BORI: 1-125-3॥
Then the wise son of Bharadvāja, seeing the arena like a turbulent ocean, spoke to his beloved son Aśvatthāman: (BORI: 1-125-3)
[PV-KDV:01_023_51]
वारयैतौ महावीर्यौ कृतयोग्यावुभावपि । मा भूद्रङ्गप्रकोपोऽयं भीमदुर्योधनोद्भवः ॥BORI: १-१२५-४॥
vārayaitau mahāvīryau kr̥tayōgyāvubhāvapi । mā bhūdraṅgaprakōpō’yaṁ bhīmaduryōdhanōdbhavaḥ ॥BORI: 1-125-4॥
Restrain those two mighty heroes, both trained to perfection. Let this tumult in the arena, caused by Bhima and Duryodhana, go no further. (BORI: 1-125-4)
[PV-KDV:01_023_52]
ततस्तावुद्यतगदौ गुरुपुत्रेण वारितौ । युगान्तानिलसङ्क्षुब्धौ महावेगाविवार्णवौ ॥BORI: १-१२५-५॥
tatastāvudyatagadau guruputrēṇa vāritau । yugāntānilasaṅkṣubdhau mahāvēgāvivārṇavau ॥BORI: 1-125-5॥
Then the preceptor’s son restrained the two of them as they stood with maces raised, like two raging oceans lashed by the wind at the end of an age. (BORI: 1-125-5)
[PV-KDV:01_023_53]
ततो रङ्गाङ्गणगतो द्रोणो वचनमब्रवीत् । निवार्य वादित्रगणं महामेघनिभस्वनम् ॥BORI: १-१२५-६॥
tatō raṅgāṅgaṇagatō drōṇō vacanamabravīt । nivārya vāditragaṇaṁ mahāmēghanibhasvanam ॥BORI: 1-125-6॥
Then Drona entered the arena, silenced the ensemble of instruments whose sound resembled a mighty thundercloud, and spoke these words: (BORI: 1-125-6)
[PV-PAX:01_023_54]
यो मे पुत्रात्प्रियतरः सर्वास्त्रविदुषां वरः । ऐन्द्रिरिन्द्रानुजसमः स पार्थो दृश्यतामिति ॥BORI: १-१२५-७॥
yō mē putrātpriyataraḥ sarvāstraviduṣāṁ varaḥ । aindririndrānujasamaḥ sa pārthō dr̥śyatāmiti ॥BORI: 1-125-7॥
Behold Partha, who is dearer to me than my own son, foremost among those skilled in every weapon, the son of Indra and the equal of Indra’s younger brother! (BORI: 1-125-7)
[PV-PAX:01_023_55]
आचार्यवचनेनाथ कृतस्वस्त्ययनो युवा । बद्धगोधाङ्गुलित्राणः पूर्णतूणः सकार्मुकः ॥BORI: १-१२५-८॥
ācāryavacanēnātha kr̥tasvastyayanō yuvā । baddhagōdhāṅgulitrāṇaḥ pūrṇatūṇaḥ sakārmukaḥ ॥BORI: 1-125-8॥
Then, at his teacher’s command, the young man, having received the benediction, his iguana-hide finger guard fastened, his quiver full and his bow in hand… (BORI: 1-125-8)
[PV-PAX:01_023_56]
काञ्चनं कवचं बिभ्रत्प्रत्यदृश्यत फल्गुनः । सार्कः सेन्द्रायुधतडित्ससन्ध्य इव तोयदः ॥BORI: १-१२५-९॥
kāñcanaṁ kavacaṁ bibhratpratyadr̥śyata phalgunaḥ । sārkaḥ sēndrāyudhataḍitsasandhya iva tōyadaḥ ॥BORI: 1-125-9॥
Phalguna appeared wearing golden armor, like a cloud at twilight accompanied by the sun, a rainbow, and lightning. (BORI: 1-125-9)
[PV-PAX:01_023_57]
ततः सर्वस्य रङ्गस्य समुत्पिञ्जोऽभवन्महान् । प्रावाद्यन्त च वाद्यानि सशङ्खानि समन्ततः ॥BORI: १-१२५-१०॥
tataḥ sarvasya raṅgasya samutpiñjō’bhavanmahān । prāvādyanta ca vādyāni saśaṅkhāni samantataḥ ॥BORI: 1-125-10॥
Then a great commotion arose throughout the arena, and musical instruments, including conches, were sounded on every side. (BORI: 1-125-10)
[PV-PAX:01_023_58]
एष कुन्तीसुतः श्रीमानेष पाण्डवमध्यमः । एष पुत्रो महेन्द्रस्य कुरूणामेष रक्षिता ॥BORI: १-१२५-११॥
ēṣa kuntīsutaḥ śrīmānēṣa pāṇḍavamadhyamaḥ । ēṣa putrō mahēndrasya kurūṇāmēṣa rakṣitā ॥BORI: 1-125-11॥
Here is the illustrious son of Kunti, the middle Pandava. Here is the son of great Indra, the protector of the Kurus. (BORI: 1-125-11)
[PV-PAX:01_023_59]
एषोऽस्त्रविदुषां श्रेष्ठ एष धर्मभृतां वरः । एष शीलवतां चापि शीलज्ञाननिधिः परः ॥BORI: १-१२५-१२॥
ēṣō’straviduṣāṁ śrēṣṭha ēṣa dharmabhr̥tāṁ varaḥ । ēṣa śīlavatāṁ cāpi śīlajñānanidhiḥ paraḥ ॥BORI: 1-125-12॥
He is the foremost of those skilled in weapons; he is the best of those who uphold righteousness. And among men of good character, he is the supreme repository of virtue and wisdom. (BORI: 1-125-12)
[PV-PAX:01_023_60]
इत्येवमतुला वाचः शृण्वन्त्याः प्रेक्षकेरिताः । कुन्त्याः प्रस्नवसंमिश्रैरस्रैः क्लिन्नमुरोऽभवत् ॥BORI: १-१२५-१३॥
ityēvamatulā vācaḥ śr̥ṇvantyāḥ prēkṣakēritāḥ । kuntyāḥ prasnavasaṁmiśrairasraiḥ klinnamurō’bhavat ॥BORI: 1-125-13॥
As Kunti heard these matchless words uttered by the spectators, her breast grew wet with tears mingled with flowing milk. (BORI: 1-125-13)
[PV-PAX:01_023_61]
तेन शब्देन महता पूर्णश्रुतिरथाब्रवीत् । धृतराष्ट्रो नरश्रेष्ठो विदुरं हृष्टमानसः ॥BORI: १-१२५-१४॥
tēna śabdēna mahatā pūrṇaśrutirathābravīt । dhr̥tarāṣṭrō naraśrēṣṭhō viduraṁ hr̥ṣṭamānasaḥ ॥BORI: 1-125-14॥
Then, his ears filled by that tremendous sound, Dhritarashtra, best of men, joyfully said to Vidura: (BORI: 1-125-14)
[PV-PAX:01_023_62]
क्षत्तः क्षुब्धार्णवनिभः किमेष सुमहास्वनः । सहसैवोत्थितो रङ्गे भिन्दन्निव नभस्तलम् ॥BORI: १-१२५-१५॥
kṣattaḥ kṣubdhārṇavanibhaḥ kimēṣa sumahāsvanaḥ । sahasaivōtthitō raṅgē bhindanniva nabhastalam ॥BORI: 1-125-15॥
O Vidura, what is this tremendous roar, like a turbulent ocean, that has suddenly arisen in the arena as though splitting the sky? (BORI: 1-125-15)
[PV-PAX:01_023_63]
विदुर उवाच॥
vidura uvāca॥
Vidura said:
[PV-PAX:01_023_64]
एष पार्थो महाराज फल्गुनः पाण्डुनन्दनः । अवतीर्णः सकवचस्तत्रैष सुमहास्वनः ॥BORI: १-१२५-१६॥
ēṣa pārthō mahārāja phalgunaḥ pāṇḍunandanaḥ । avatīrṇaḥ sakavacastatraiṣa sumahāsvanaḥ ॥BORI: 1-125-16॥
This is Pārtha, great king—Phalguna, Pāṇḍu’s son—who has alighted there in his armor, amid this tremendous din. (BORI: 1-125-16)
[PV-PAX:01_023_65]
धृतराष्ट्र उवाच॥
dhr̥tarāṣṭra uvāca॥
Dhritarashtra said:
[PV-PAX:01_023_66]
धन्योऽस्म्यनुगृहीतोऽस्मि रक्षितोऽस्मि महामते । पृथारणिसमुद्भूतैस्त्रिभिः पाण्डववह्निभिः ॥BORI: १-१२५-१७॥
dhanyō’smyanugr̥hītō’smi rakṣitō’smi mahāmatē । pr̥thāraṇisamudbhūtaistribhiḥ pāṇḍavavahnibhiḥ ॥BORI: 1-125-17॥
I am blessed, favored, and protected, O greatly wise one, by the three Pāṇḍava fires born from Pṛthā, the fire-stick. (BORI: 1-125-17)
[PV-PAX:01_023_67]
वैशम्पायन उवाच॥
vaiśampāyana uvāca॥
Vaiśampāyana said:
[PV-KDV:01_023_68]
तस्मिन्समुदिते रङ्गे कथञ्चित्पर्यवस्थिते । दर्शयामास बीभत्सुराचार्यादस्त्रलाघवम् ॥BORI: १-१२५-१८॥
tasminsamuditē raṅgē kathañcitparyavasthitē । darśayāmāsa bībhatsurācāryādastralāghavam ॥BORI: 1-125-18॥
When the assembly in the arena had gathered and somehow settled into place, Bibhatsu displayed the dexterity with weapons that he had learned from his teacher. (BORI: 1-125-18)
[PV-KDV:01_023_69]
आग्नेयेनासृजद्वह्निं वारुणेनासृजत्पयः । वायव्येनासृजद्वायुं पार्जन्येनासृजद्घनान् ॥BORI: १-१२५-१९॥
āgnēyēnāsr̥jadvahniṁ vāruṇēnāsr̥jatpayaḥ । vāyavyēnāsr̥jadvāyuṁ pārjanyēnāsr̥jadghanān ॥BORI: 1-125-19॥
With the weapon of fire he produced fire; with the weapon of Varuṇa, water; with the weapon of wind, wind; and with the weapon of Parjanya, clouds. (BORI: 1-125-19)
[PV-PAX:01_023_70]
भौमेन प्राविशद्भूमिं पार्वतेनासृजद्गिरीन् । अन्तर्धानेन चास्त्रेण पुनरन्तर्हितोऽभवत् ॥BORI: १-१२५-२०॥
bhaumēna prāviśadbhūmiṁ pārvatēnāsr̥jadgirīn । antardhānēna cāstrēṇa punarantarhitō’bhavat ॥BORI: 1-125-20॥
With the terrestrial weapon he entered the earth, and with the mountain weapon he created mountains. Then, with the weapon of concealment, he vanished once more. (BORI: 1-125-20)
[PV-PAX:01_023_71]
क्षणात्प्रांशुः क्षणाद्ध्रस्वः क्षणाच्च रथधूर्गतः । क्षणेन रथमध्यस्थः क्षणेनावापतन्महीम् ॥BORI: १-१२५-२१॥
kṣaṇātprāṁśuḥ kṣaṇāddhrasvaḥ kṣaṇācca rathadhūrgataḥ । kṣaṇēna rathamadhyasthaḥ kṣaṇēnāvāpatanmahīm ॥BORI: 1-125-21॥
One moment he was tall, the next short; one moment he was on the chariot pole, the next in the middle of the chariot, and the next he fell to the ground. (BORI: 1-125-21)
[PV-KDV:01_023_72]
सुकुमारं च सूक्ष्मं च गुरुं चापि गुरुप्रियः । सौष्ठवेनाभिसंयुक्तः सोऽविध्यद्विविधैः शरैः ॥BORI: १-१२५-२२॥
sukumāraṁ ca sūkṣmaṁ ca guruṁ cāpi gurupriyaḥ । sauṣṭhavēnābhisaṁyuktaḥ sō’vidhyadvividhaiḥ śaraiḥ ॥BORI: 1-125-22॥
Dear to his teacher and endowed with dexterity, he pierced it with various arrows—lightly, subtly, and forcefully. (BORI: 1-125-22)
[PV-KDV:01_023_73]
भ्रमतश्च वराहस्य लोहस्य प्रमुखे समम् । पञ्च बाणानसंसक्तान्स मुमोचैकबाणवत् ॥BORI: १-१२५-२३॥
bhramataśca varāhasya lōhasya pramukhē samam । pañca bāṇānasaṁsaktānsa mumōcaikabāṇavat ॥BORI: 1-125-23॥
He shot five separate arrows into the mouth of a revolving iron boar, all at once as though they were a single arrow. (BORI: 1-125-23)
[PV-KDV:01_023_74]
गव्ये विषाणकोशे च चले रज्ज्ववलम्बिते । निचखान महावीर्यः सायकानेकविंशतिम् ॥BORI: १-१२५-२४॥
gavyē viṣāṇakōśē ca calē rajjvavalambitē । nicakhāna mahāvīryaḥ sāyakānēkaviṁśatim ॥BORI: 1-125-24॥
The mighty hero planted twenty-one arrows in a swinging case of bovine horn suspended from a rope. (BORI: 1-125-24)
[PV-PAX:01_023_75]
इत्येवमादि सुमहत्खड्गे धनुषि चाभवत् । गदायां शस्त्रकुशलो दर्शनानि व्यदर्शयत् ॥BORI: १-१२५-२५॥
ityēvamādi sumahatkhaḍgē dhanuṣi cābhavat । gadāyāṁ śastrakuśalō darśanāni vyadarśayat ॥BORI: 1-125-25॥
He performed such and other magnificent feats with sword and bow; skilled in arms, he also demonstrated various maneuvers with the mace. (BORI: 1-125-25)
[PV-KDV:01_023_76]
ततः समाप्त-भूयिष्ठे तस्मिन् कर्मणि भारत । मन्दीभूते समाजे च वादित्रस्य च निस्वने ॥BORI: १-१२५-२६॥
tataḥ samāpta-bhūyiṣṭhē tasmin karmaṇi bhārata । mandībhūtē samājē ca vāditrasya ca nisvanē ॥BORI: 1-125-26॥
Then, O Bharata, when that exhibition was nearly over and the assembly and the sound of the musical instruments had grown quiet... (BORI: 1-125-26)
[PV-KDV:01_023_77]
द्वारदेशात्समुद्भूतो माहात्म्य बलसूचकः । वज्रनिष्पेषसदृशः शुश्रुवे भुजनिस्वनः ॥BORI: १-१२५-२७॥
dvāradēśātsamudbhūtō māhātmya balasūcakaḥ । vajraniṣpēṣasadr̥śaḥ śuśruvē bhujanisvanaḥ ॥BORI: 1-125-27॥
From the doorway arose and was heard the sound of arms, proclaiming might and strength, like the crash of a thunderbolt. (BORI: 1-125-27)
[PV-KDV:01_023_78]
दीर्यन्ते किं नु गिरयः किं स्विद्भूमिर्विदीर्यते । किं स्विदापूर्यते व्योम जलभारघनैर्घनैः ॥BORI: १-१२५-२८॥
dīryantē kiṁ nu girayaḥ kiṁ svidbhūmirvidīryatē । kiṁ svidāpūryatē vyōma jalabhāraghanairghanaiḥ ॥BORI: 1-125-28॥
Are the mountains being split apart? Is the earth being rent? Or is the sky being filled with dense, water-laden clouds? (BORI: 1-125-28)
[PV-PAX:01_023_79]
रङ्गस्यैवं मतिरभूत्क्षणेन वसुधाधिप । द्वारं चाभिमुखाः सर्वे बभूवुः प्रेक्षकास्तदा ॥BORI: १-१२५-२९॥
raṅgasyaivaṁ matirabhūtkṣaṇēna vasudhādhipa । dvāraṁ cābhimukhāḥ sarvē babhūvuḥ prēkṣakāstadā ॥BORI: 1-125-29॥
In an instant, O lord of the earth, the whole arena was filled with such thoughts, and all the spectators turned toward the entrance. (BORI: 1-125-29)
[PV-PAX:01_023_80]
पञ्चभिर्भ्रातृभिः पार्थैर्द्रोणः परिवृतो बभौ । पञ्चतारेण संयुक्तः सावित्रेणेव चन्द्रमाः ॥BORI: १-१२५-३०॥
pañcabhirbhrātr̥bhiḥ pārthairdrōṇaḥ parivr̥tō babhau । pañcatārēṇa saṁyuktaḥ sāvitrēṇēva candramāḥ ॥BORI: 1-125-30॥
Surrounded by the five Pārtha brothers, Droṇa shone like the moon accompanied by the five-starred constellation Sāvitra. (BORI: 1-125-30)
[PV-PAX:01_023_81]
अश्वत्थाम्ना च सहितं भ्रातृणां शतमूर्जितम् । दुर्योधनममित्रघ्नमुत्थितं पर्यवारयत् ॥BORI: १-१२५-३१॥
aśvatthāmnā ca sahitaṁ bhrātr̥ṇāṁ śatamūrjitam । duryōdhanamamitraghnamutthitaṁ paryavārayat ॥BORI: 1-125-31॥
The mighty hundred brothers, together with Ashvatthaman, surrounded Duryodhana, the slayer of foes, who had risen. (BORI: 1-125-31)
[PV-PAX:01_023_82]
स तैस्तदा भ्रातृभिरुद्यतायुधै; र्वृतो गदापाणिरवस्थितैः स्थितः । बभौ यथा दानवसङ्क्षये पुरा; पुरंदरो देवगणैः समावृतः ॥BORI: १-१२५-३२॥
sa taistadā bhrātr̥bhirudyatāyudhai; rvr̥tō gadāpāṇiravasthitaiḥ sthitaḥ । babhau yathā dānavasaṅkṣayē purā; puraṁdarō dēvagaṇaiḥ samāvr̥taḥ ॥BORI: 1-125-32॥
At that moment he stood, mace in hand, surrounded by his brothers, who had taken their stand with weapons raised. He shone as Purandara once did, surrounded by hosts of gods at the destruction of the Danavas. (BORI: 1-125-32)
[PV-PAX:01_023_83]
तत उत्थाय वेगेन अश्वत्थामा न्यवारयत् । गुरोराज्ञा भीम इति गान्धारे गुरुशासनम् । अलं शिक्षाकृतं वेगमलं साहसमित्युत ॥KUMB: १-१४५-५॥
tata utthāya vēgēna aśvatthāmā nyavārayat । gurōrājñā bhīma iti gāndhārē guruśāsanam । alaṁ śikṣākr̥taṁ vēgamalaṁ sāhasamityuta ॥KUMB: 1-145-5॥
Then Ashvatthama sprang up swiftly and stopped them, saying, “Bhima, this is the guru’s command! Son of Gandhari, heed the guru’s injunction! Enough of this speed born of training; enough of this recklessness!” (KUMB: 1-145-5)
[PV-SVO:01_023_84]
वैशम्पायन उवाच॥
vaiśampāyana uvāca॥
Vaiśampāyana said:
[PV-KDV:01_023_85]
दत्तेऽवकाशे पुरुषैर्विस्मयोत्फुल्ललोचनैः। विवेश रङ्गं विस्तीर्णं कर्णः परपुरञ्जयः ॥BORI: १-१२६-१॥
dattē’vakāśē puruṣairvismayōtphullalōcanaiḥ। vivēśa raṅgaṁ vistīrṇaṁ karṇaḥ parapurañjayaḥ ॥BORI: 1-126-1॥
As the men, their eyes wide with wonder, made way for him, Karna, the conqueror of enemy cities, entered the vast arena. (BORI: 1-126-1)
[PV-KDV:01_023_86]
सहजं कवचं बिभ्रत्कुण्डलोद्द्योतिताननः। सधनुर्बद्धनिस्त्रिंशः पादचारीव पर्वतः ॥BORI: १-१२६-२॥
sahajaṁ kavacaṁ bibhratkuṇḍalōddyōtitānanaḥ। sadhanurbaddhanistriṁśaḥ pādacārīva parvataḥ ॥BORI: 1-126-2॥
Wearing his inborn armor, his face aglow from his earrings, armed with a bow and a sword at his side, like a mountain walking on foot. (BORI: 1-126-2)
[PV-PAX:01_023_87]
कन्यागर्भः पृथुयशाः पृथायाः पृथुलोचनः। तीक्ष्णांशोर्भास्करस्यांशः कर्णोऽरिगणसूदनः ॥BORI: १-१२६-३॥
kanyāgarbhaḥ pr̥thuyaśāḥ pr̥thāyāḥ pr̥thulōcanaḥ। tīkṣṇāṁśōrbhāskarasyāṁśaḥ karṇō’rigaṇasūdanaḥ ॥BORI: 1-126-3॥
Karna, born in the maiden Pritha’s womb, broad-eyed and greatly renowned, a portion of the piercing-rayed Sun and destroyer of hosts of foes— (BORI: 1-126-3)
[PV-PAX:01_023_88]
सिंहर्षभगजेन्द्राणां तुल्यवीर्यपराक्रमः। दीप्तिकान्तिद्युतिगुणैः सूर्येन्दुज्वलनोपमः ॥BORI: १-१२६-४॥
siṁharṣabhagajēndrāṇāṁ tulyavīryaparākramaḥ। dīptikāntidyutiguṇaiḥ sūryēndujvalanōpamaḥ ॥BORI: 1-126-4॥
Equal in strength and prowess to lions, bulls, and lordly elephants, and like the sun, moon, and fire in brilliance, splendor, and radiance. (BORI: 1-126-4)
[PV-PAX:01_023_89]
प्रांशुः कनकतालाभः सिंहसंहननो युवा। असङ्ख्येयगुणः श्रीमान्भास्करस्यात्मसम्भवः ॥BORI: १-१२६-५॥
prāṁśuḥ kanakatālābhaḥ siṁhasaṁhananō yuvā। asaṅkhyēyaguṇaḥ śrīmānbhāskarasyātmasambhavaḥ ॥BORI: 1-126-5॥
Tall as a golden palm tree, lion-built and youthful, endowed with countless virtues, glorious, and Bhāskara’s own son. (BORI: 1-126-5)
[PV-PAX:01_023_90]
स निरीक्ष्य महाबाहुः सर्वतो रङ्गमण्डलम्। प्रणामं द्रोणकृपयोर्नात्यादृतमिवाकरोत् ॥BORI: १-१२६-६॥
sa nirīkṣya mahābāhuḥ sarvatō raṅgamaṇḍalam। praṇāmaṁ drōṇakr̥payōrnātyādr̥tamivākarōt ॥BORI: 1-126-6॥
The mighty-armed man surveyed the arena on every side, then offered Drona and Kripa a bow that seemed less than respectful. (BORI: 1-126-6)
[PV-KDV:01_023_91]
स सामाजजनः सर्वो निश्चलः स्थिरलोचनः। कोऽयमित्यागतक्षोभः कौतूहलपरोऽभवत् ॥BORI: १-१२६-७॥
sa sāmājajanaḥ sarvō niścalaḥ sthiralōcanaḥ। kō’yamityāgatakṣōbhaḥ kautūhalaparō’bhavat ॥BORI: 1-126-7॥
The entire assembled crowd stood motionless, their eyes fixed; stirred by his arrival, they became intensely curious, wondering, “Who is this?” (BORI: 1-126-7)
[PV-KDV:01_023_92]
सोऽब्रवीन्मेघधीरेण स्वरेण वदतां वरः। भ्राता भ्रातरमज्ञातं सावित्रः पाकशासनिम् ॥BORI: १-१२६-८॥
sō’bravīnmēghadhīrēṇa svarēṇa vadatāṁ varaḥ। bhrātā bhrātaramajñātaṁ sāvitraḥ pākaśāsanim ॥BORI: 1-126-8॥
Then the son of the Sun, finest of speakers, said in a voice deep as a thundercloud to the son of Indra, his brother whom he did not know: (BORI: 1-126-8)
[PV-KDV:01_023_93]
पार्थ यत्ते कृतं कर्म विशेषवदहं ततः। करिष्ये पश्यतां नृणां मात्मना विस्मयं गमः ॥BORI: १-१२६-९॥
pārtha yattē kr̥taṁ karma viśēṣavadahaṁ tataḥ। kariṣyē paśyatāṁ nr̥ṇāṁ mātmanā vismayaṁ gamaḥ ॥BORI: 1-126-9॥
Pārtha, before the eyes of these men I shall perform a feat surpassing what you have done. Do not marvel at yourself. (BORI: 1-126-9)
[PV-KDV:01_023_94]
असमाप्ते ततस्तस्य वचने वदतां वर। यन्त्रोत्क्षिप्त इव क्षिप्रमुत्तस्थौ सर्वतो जनः ॥BORI: १-१२६-१०॥
asamāptē tatastasya vacanē vadatāṁ vara। yantrōtkṣipta iva kṣipramuttasthau sarvatō janaḥ ॥BORI: 1-126-10॥
Then, before he had finished speaking, O best of speakers, all the people quickly rose on every side, as though lifted by a machine. (BORI: 1-126-10)
[PV-KDV:01_023_95]
प्रीतिश्च पुरुषव्याघ्र दुर्योधनमथास्पृशत् । ह्रीश्च क्रोधश्च बीभत्सुं क्षणेनान्वविशच्च ह ॥BORI: १-१२६-११॥
prītiśca puruṣavyāghra duryōdhanamathāspr̥śat । hrīśca krōdhaśca bībhatsuṁ kṣaṇēnānvaviśacca ha ॥BORI: 1-126-11॥
Then, tiger among men, delight seized Duryodhana, while shame and anger entered Bibhatsu in an instant. (BORI: 1-126-11)
[PV-KDV:01_023_96]
ततो द्रोणाभ्यनुज्ञातः कर्णः प्रियरणः सदा । यत्कृतं तत्र पार्थेन तच्चकार महाबलः ॥BORI: १-१२६-१२॥
tatō drōṇābhyanujñātaḥ karṇaḥ priyaraṇaḥ sadā । yatkr̥taṁ tatra pārthēna taccakāra mahābalaḥ ॥BORI: 1-126-12॥
Then Karna, always delighting in battle, received Drona’s permission and, mighty as he was, performed every feat that Partha had performed there. (BORI: 1-126-12)
[PV-KDV:01_023_97]
अथ दुर्योधनस्तत्र भ्रातृभिः सह भारत । कर्णं परिष्वज्य मुदा ततो वचनमब्रवीत् ॥BORI: १-१२६-१३॥
atha duryōdhanastatra bhrātr̥bhiḥ saha bhārata । karṇaṁ pariṣvajya mudā tatō vacanamabravīt ॥BORI: 1-126-13॥
Then Duryodhana, together with his brothers, joyfully embraced Karna there and said, O Bharata: (BORI: 1-126-13)
[PV-KDV:01_023_98]
स्वागतं ते महाबाहो दिष्ट्या प्राप्तोऽसि मानद । अहं च कुरुराज्यं च यथेष्टमुपभुज्यताम् ॥BORI: १-१२६-१४॥
svāgataṁ tē mahābāhō diṣṭyā prāptō’si mānada । ahaṁ ca kururājyaṁ ca yathēṣṭamupabhujyatām ॥BORI: 1-126-14॥
Welcome, mighty-armed one! By good fortune you have come, bestower of honor. Make free use of me and the Kuru kingdom as you please. (BORI: 1-126-14)
[PV-KDV:01_023_99]
कर्ण उवाच॥
karṇa uvāca॥
Karna said:
[PV-KDV:01_023_100]
कृतं सर्वेण मेऽन्येन सखित्वं च त्वया वृणे । द्वन्द्वयुद्धं च पार्थेन कर्तुमिच्छामि भारत ॥BORI: १-१२६-१५॥
kr̥taṁ sarvēṇa mē’nyēna sakhitvaṁ ca tvayā vr̥ṇē । dvandvayuddhaṁ ca pārthēna kartumicchāmi bhārata ॥BORI: 1-126-15॥
I have no need of anything else; I choose friendship with you, and I wish to fight a duel with Partha, O Bharata. (BORI: 1-126-15)
[PV-KDV:01_023_101]
दुर्योधन उवाच॥
duryōdhana uvāca॥
Duryodhana said:
[PV-KDV:01_023_102]
भुङ्क्ष्व भोगान्मया सार्धं बन्धूनां प्रियकृद्भव । दुर्हृदां कुरु सर्वेषां मूर्ध्नि पादमरिंदम ॥BORI: १-१२६-१६॥
bhuṅkṣva bhōgānmayā sārdhaṁ bandhūnāṁ priyakr̥dbhava । durhr̥dāṁ kuru sarvēṣāṁ mūrdhni pādamariṁdama ॥BORI: 1-126-16॥
Enjoy pleasures with me, and do what is pleasing to your kinsmen. Place your foot upon the heads of all your enemies, O subduer of foes. (BORI: 1-126-16)
[PV-KDV:01_023_103]
वैशम्पायन उवाच॥
vaiśampāyana uvāca॥
Vaiśampāyana said:
[PV-KDV:01_023_104]
ततः क्षिप्तमिवात्मानं मत्वा पार्थोऽभ्यभाषत । कर्णं भ्रातृसमूहस्य मध्येऽचलमिव स्थितम् ॥BORI: १-१२६-१७॥
tataḥ kṣiptamivātmānaṁ matvā pārthō’bhyabhāṣata । karṇaṁ bhrātr̥samūhasya madhyē’calamiva sthitam ॥BORI: 1-126-17॥
Then Partha, feeling as though he had been insulted, addressed Karna, who stood like a mountain amid the band of brothers: (BORI: 1-126-17)
[PV-KDV:01_023_105]
अनाहूतोपसृप्तानामनाहूतोपजल्पिनाम् । ये लोकास्तान्हतः कर्ण मया त्वं प्रतिपत्स्यसे ॥BORI: १-१२६-१८॥
anāhūtōpasr̥ptānāmanāhūtōpajalpinām । yē lōkāstānhataḥ karṇa mayā tvaṁ pratipatsyasē ॥BORI: 1-126-18॥
Slain by me, Karna, you will attain the worlds of those who approach uninvited and speak without being addressed. (BORI: 1-126-18)
[PV-KDV:01_023_106]
कर्ण उवाच॥
karṇa uvāca॥
Karṇa said:
[PV-KDV:01_023_107]
रङ्गोऽयं सर्वसामान्यः किमत्र तव फल्गुन । वीर्यश्रेष्ठाश्च राजन्या बलं धर्मोऽनुवर्तते ॥BORI: १-१२६-१९॥
raṅgō’yaṁ sarvasāmānyaḥ kimatra tava phalguna । vīryaśrēṣṭhāśca rājanyā balaṁ dharmō’nuvartatē ॥BORI: 1-126-19॥
This arena is open to all; what claim have you to it, Phalguna? Kshatriyas are preeminent in valor, and right follows might. (BORI: 1-126-19)
[PV-KDV:01_023_108]
किं क्षेपैर्दुर्बलाश्वासैः शरैः कथय भारत । गुरोः समक्षं यावत्ते हराम्यद्य शिरः शरैः ॥BORI: १-१२६-२०॥
kiṁ kṣēpairdurbalāśvāsaiḥ śaraiḥ kathaya bhārata । gurōḥ samakṣaṁ yāvattē harāmyadya śiraḥ śaraiḥ ॥BORI: 1-126-20॥
What use are taunts, the solace of the weak? Speak with arrows, O Bharata, until today, before your teacher’s eyes, I sever your head with my arrows. (BORI: 1-126-20)
[PV-KDV:01_023_109]
वैशम्पायन उवाच॥
vaiśampāyana uvāca॥
Vaiśampāyana said:
[PV-KDV:01_023_110]
ततो द्रोणाभ्यनुज्ञातः पार्थः परपुरञ्जयः । भ्रातृभिस्त्वरयाश्लिष्टो रणायोपजगाम तम् ॥BORI: १-१२६-२१॥
tatō drōṇābhyanujñātaḥ pārthaḥ parapurañjayaḥ । bhrātr̥bhistvarayāśliṣṭō raṇāyōpajagāma tam ॥BORI: 1-126-21॥
Then, with Drona’s permission, Partha, the conqueror of enemy cities, was quickly embraced by his brothers and advanced toward him for battle. (BORI: 1-126-21)
[PV-KDV:01_023_111]
ततो दुर्योधनेनापि सभ्रात्रा समरोद्यतः । परिष्वक्तः स्थितः कर्णः प्रगृह्य सशरं धनुः ॥BORI: १-१२६-२२॥
tatō duryōdhanēnāpi sabhrātrā samarōdyataḥ । pariṣvaktaḥ sthitaḥ karṇaḥ pragr̥hya saśaraṁ dhanuḥ ॥BORI: 1-126-22॥
Then Karna, ready for battle, was likewise embraced by Duryodhana and his brothers and stood holding his bow and arrow. (BORI: 1-126-22)
[PV-KDV:01_023_112]
ततः सविद्युत्स्तनितैः सेन्द्रायुधपुरोजवैः । आवृतं गगनं मेघैर्बलाकापङ्क्तिहासिभिः ॥BORI: १-१२६-२३॥
tataḥ savidyutstanitaiḥ sēndrāyudhapurōjavaiḥ । āvr̥taṁ gaganaṁ mēghairbalākāpaṅktihāsibhiḥ ॥BORI: 1-126-23॥
Then the sky was covered with clouds accompanied by lightning and thunder, preceded by rainbows, and smiling with rows of cranes. (BORI: 1-126-23)
[PV-PAX:01_023_113]
ततः स्नेहाद्धरिहयं दृष्ट्वा रङ्गावलोकिनम् । भास्करोऽप्यनयन्नाशं समीपोपगतान्घनान् ॥BORI: १-१२६-२४॥
tataḥ snēhāddharihayaṁ dr̥ṣṭvā raṅgāvalōkinam । bhāskarō’pyanayannāśaṁ samīpōpagatānghanān ॥BORI: 1-126-24॥
Seeing Indra watching the arena out of affection, the Sun too dispersed the clouds that had drawn near. (BORI: 1-126-24)
[PV-PAX:01_023_114]
मेघच्छायोपगूढस्तु ततोऽदृश्यत पाण्डवः । सूर्यातपपरिक्षिप्तः कर्णोऽपि समदृश्यत ॥BORI: १-१२६-२५॥
mēghacchāyōpagūḍhastu tatō’dr̥śyata pāṇḍavaḥ । sūryātapaparikṣiptaḥ karṇō’pi samadr̥śyata ॥BORI: 1-126-25॥
Then the Pandava was seen enveloped in the clouds’ shade, while Karna appeared surrounded by sunlight. (BORI: 1-126-25)
[PV-PAX:01_023_115]
धार्तराष्ट्रा यतः कर्णस्तस्मिन्देशे व्यवस्थिताः । भारद्वाजः कृपो भीष्मो यतः पार्थस्ततोऽभवन् ॥BORI: १-१२६-२६॥
dhārtarāṣṭrā yataḥ karṇastasmindēśē vyavasthitāḥ । bhāradvājaḥ kr̥pō bhīṣmō yataḥ pārthastatō’bhavan ॥BORI: 1-126-26॥
The sons of Dhritarashtra stood where Karna was, while Bharadvaja, Kripa, and Bhishma took their place where Partha was. (BORI: 1-126-26)
[PV-KDV:01_023_116]
द्विधा रङ्गः समभवत्स्त्रीणां द्वैधमजायत । कुन्तिभोजसुता मोहं विज्ञातार्था जगाम ह ॥BORI: १-१२६-२७॥
dvidhā raṅgaḥ samabhavatstrīṇāṁ dvaidhamajāyata । kuntibhōjasutā mōhaṁ vijñātārthā jagāma ha ॥BORI: 1-126-27॥
The arena was divided in two, and the women likewise split into two factions. Kuntibhoja’s daughter, knowing the truth, fainted. (BORI: 1-126-27)
[PV-PAX:01_023_117]
तां तथा मोहसम्पन्नां विदुरः सर्वधर्मवित् । कुन्तीमाश्वासयामास प्रोक्ष्याद्भिश्चन्दनोक्षितैः ॥BORI: १-१२६-२८॥
tāṁ tathā mōhasampannāṁ viduraḥ sarvadharmavit । kuntīmāśvāsayāmāsa prōkṣyādbhiścandanōkṣitaiḥ ॥BORI: 1-126-28॥
Vidura, who knew every duty, comforted Kunti, who had thus fainted, by sprinkling her with water scented with sandalwood. (BORI: 1-126-28)
[PV-PAX:01_023_118]
ततः प्रत्यागतप्राणा तावुभावपि दंशितौ । पुत्रौ दृष्ट्वा सुसन्तप्ता नान्वपद्यत किञ्चन ॥BORI: १-१२६-२९॥
tataḥ pratyāgataprāṇā tāvubhāvapi daṁśitau । putrau dr̥ṣṭvā susantaptā nānvapadyata kiñcana ॥BORI: 1-126-29॥
Then, regaining consciousness and seeing both her sons armed for battle, she was deeply distressed and did not know what to do. (BORI: 1-126-29)
[PV-PAX:01_023_119]
तावुद्यतमहाचापौ कृपः शारद्वतोऽब्रवीत् । द्वन्द्वयुद्धसमाचारे कुशलः सर्वधर्मवित् ॥BORI: १-१२६-३०॥
tāvudyatamahācāpau kr̥paḥ śāradvatō’bravīt । dvandvayuddhasamācārē kuśalaḥ sarvadharmavit ॥BORI: 1-126-30॥
Kripa, son of Sharadvata, skilled in the rules of single combat and versed in every duty, addressed the two warriors as they raised their great bows: (BORI: 1-126-30)
[PV-KDV:01_023_120]
अयं पृथायास्तनयः कनीयान्पाण्डुनन्दनः । कौरवो भवता सार्धं द्वन्द्वयुद्धं करिष्यति ॥BORI: १-१२६-३१॥
ayaṁ pr̥thāyāstanayaḥ kanīyānpāṇḍunandanaḥ । kauravō bhavatā sārdhaṁ dvandvayuddhaṁ kariṣyati ॥BORI: 1-126-31॥
This is Pritha’s younger son, a delight of Pandu’s line. As a Kaurava, he will engage in single combat with you. (BORI: 1-126-31)
[PV-KDV:01_023_121]
त्वमप्येवं महाबाहो मातरं पितरं कुलम् । कथयस्व नरेन्द्राणां येषां त्वं कुलवर्धनः । ततो विदित्वा पार्थस्त्वां प्रतियोत्स्यति वा न वा ॥BORI: १-१२६-३२॥
tvamapyēvaṁ mahābāhō mātaraṁ pitaraṁ kulam । kathayasva narēndrāṇāṁ yēṣāṁ tvaṁ kulavardhanaḥ । tatō viditvā pārthastvāṁ pratiyōtsyati vā na vā ॥BORI: 1-126-32॥
You too, mighty-armed one, likewise tell the kings who your mother and father are and what your lineage is—the lineage you perpetuate. Then, having learned this, Partha will either fight you or not. (BORI: 1-126-32)
[PV-KDV:01_023_122]
एवमुक्तस्य कर्णस्य व्रीडावनतमाननम् । बभौ वर्षाम्बुभिः क्लिन्नं पद्ममागलितं यथा ॥BORI: १-१२६-३३॥
ēvamuktasya karṇasya vrīḍāvanatamānanam । babhau varṣāmbubhiḥ klinnaṁ padmamāgalitaṁ yathā ॥BORI: 1-126-33॥
At these words, Karṇa lowered his face in shame and looked like a lotus drenched by rainwater, drooping on its stalk. (BORI: 1-126-33)
[PV-KDV:01_023_123]
दुर्योधन उवाच॥
duryōdhana uvāca॥
Duryodhana said:
[PV-KDV:01_023_124]
आचार्य त्रिविधा योनी राज्ञां शास्त्रविनिश्चये । तत्कुलीनश्च शूरश्च सेनां यश्च प्रकर्षति ॥BORI: १-१२६-३४॥
ācārya trividhā yōnī rājñāṁ śāstraviniścayē । tatkulīnaśca śūraśca sēnāṁ yaśca prakarṣati ॥BORI: 1-126-34॥
Teacher, according to the settled doctrine of the scriptures, there are three grounds for kingship: royal birth, heroism, and command of an army. (BORI: 1-126-34)
[PV-KDV:01_023_125]
यद्ययं फल्गुनो युद्धे नाराज्ञा योद्धुमिच्छति । तस्मादेषोऽङ्गविषये मया राज्येऽभिषिच्यते ॥BORI: १-१२६-३५॥
yadyayaṁ phalgunō yuddhē nārājñā yōddhumicchati । tasmādēṣō’ṅgaviṣayē mayā rājyē’bhiṣicyatē ॥BORI: 1-126-35॥
If this Phalguna is unwilling to fight a man who is not a king, then I hereby consecrate this man as king of the land of Aṅga. (BORI: 1-126-35)
[PV-KDV:01_023_126]
वैशम्पायन उवाच॥
vaiśampāyana uvāca॥
Vaiśampāyana said:
[PV-KDV:01_023_127]
ततस्तस्मिन्क्षणे कर्णः सलाजकुसुमैर्घटैः । काञ्चनैः काञ्चने पीठे मन्त्रविद्भिर्महारथः । अभिषिक्तोऽङ्गराज्ये स श्रिया युक्तो महाबलः ॥BORI: १-१२६-३६॥
tatastasminkṣaṇē karṇaḥ salājakusumairghaṭaiḥ । kāñcanaiḥ kāñcanē pīṭhē mantravidbhirmahārathaḥ । abhiṣiktō’ṅgarājyē sa śriyā yuktō mahābalaḥ ॥BORI: 1-126-36॥
Then, at that very moment, the immensely powerful Karna, a mighty chariot-warrior, was seated on a golden throne and consecrated to the kingship of Anga by men versed in ritual formulas, with golden jars, parched grain, and flowers, and was endowed with splendor. (BORI: 1-126-36)
[PV-KDV:01_023_128]
सच्छत्रवालव्यजनो जयशब्दान्तरेण च । उवाच कौरवं राजा राजानं तं वृषस्तदा ॥BORI: १-१२६-३७॥
sacchatravālavyajanō jayaśabdāntarēṇa ca । uvāca kauravaṁ rājā rājānaṁ taṁ vr̥ṣastadā ॥BORI: 1-126-37॥
With a parasol and yak-tail fan, and amid cries of “Victory!”, King Vrisha then said to the Kaurava king: (BORI: 1-126-37)
[PV-KDV:01_023_129]
अस्य राज्यप्रदानस्य सदृशं किं ददानि ते । प्रब्रूहि राजशार्दूल कर्ता ह्यस्मि तथा नृप । अत्यन्तं सख्यमिच्छामीत्याह तं स सुयोधनः ॥BORI: १-१२६-३८॥
asya rājyapradānasya sadr̥śaṁ kiṁ dadāni tē । prabrūhi rājaśārdūla kartā hyasmi tathā nr̥pa । atyantaṁ sakhyamicchāmītyāha taṁ sa suyōdhanaḥ ॥BORI: 1-126-38॥
“What can I give you in return that would equal this gift of a kingdom? Tell me, tiger among kings, and I shall do it, O king.” Suyodhana replied, “I desire your lasting friendship.” (BORI: 1-126-38)
[PV-KDV:01_023_130]
एवमुक्तस्ततः कर्णस्तथेति प्रत्यभाषत । हर्षाच्चोभौ समाश्लिष्य परां मुदमवापतुः ॥BORI: १-१२६-३९॥
ēvamuktastataḥ karṇastathēti pratyabhāṣata । harṣāccōbhau samāśliṣya parāṁ mudamavāpatuḥ ॥BORI: 1-126-39॥
Thus addressed, Karna replied, “So be it.” Then the two embraced each other joyfully and were filled with supreme delight. (BORI: 1-126-39)
[PV-KDV:01_023_131]
एतस्मिन्नेव काले तु तस्मिञ्जनसमागमे ॥KUMB: १-१४६-१॥
ētasminnēva kālē tu tasmiñjanasamāgamē ॥KUMB: 1-146-1॥
But at that very time, amid that gathering of people… (KUMB: 1-146-1)
[PV-SVO:01_023_132]
एवमुक्तस्तु कर्णेन राजन्दुर्योधनस्तदा । कर्णं दीर्घाञ्चितभुजं परिष्वज्येदमब्रवीत् ॥KUMB: १-१४६-१६॥
ēvamuktastu karṇēna rājanduryōdhanastadā । karṇaṁ dīrghāñcitabhujaṁ pariṣvajyēdamabravīt ॥KUMB: 1-146-16॥
O king, thus addressed by Karna, Duryodhana then embraced Karna, whose long arms were gracefully curved, and said: (KUMB: 1-146-16)
[PV-SVO:01_023_133]
वृथाकुलसमाचारैर्न युध्यन्ते नृपात्मजाः ॥KUMB: १-१४६-३४; NILA: ०१.१३६.०३३॥
vr̥thākulasamācārairna yudhyantē nr̥pātmajāḥ ॥KUMB: 1-146-34; NILA: 01.136.033॥
Princes do not fight men of ignoble lineage and conduct. (KUMB: 1-146-34; NILA: 01.136.033)
[PV-SVO:01_023_134]
अद्भ्योऽग्निर्ब्रह्मतः क्षत्रमश्मनो लोहमुत्थितम् । तेषां सर्वत्रगं तेजः स्वासु योनिषु शाम्यति ॥KUMB: १-१४६-३७॥
adbhyō’gnirbrahmataḥ kṣatramaśmanō lōhamutthitam । tēṣāṁ sarvatragaṁ tējaḥ svāsu yōniṣu śāmyati ॥KUMB: 1-146-37॥
Fire arose from water, royal power from Brahman, and iron from stone; their far-reaching power subsides in their respective sources. (KUMB: 1-146-37)
[PV-SVO:01_023_135]
ततो राजानमामन्त्र्य गाङ्गेयं च पितामहम् । अभिषेकस्य संभारान्समानीय द्विजातिभिः ॥KUMB: १-१४६-३९॥
tatō rājānamāmantrya gāṅgēyaṁ ca pitāmaham । abhiṣēkasya saṁbhārānsamānīya dvijātibhiḥ ॥KUMB: 1-146-39॥
Then, having addressed the king and Gāṅgeya, the grandsire, and having the requisites for the consecration gathered by Brahmins… (KUMB: 1-146-39)
[PV-SVO:01_023_136]
गोसहस्रायुतं दत्त्वा युक्तानां पुण्यकर्मणाम् । अर्होऽयमङ्गराज्यस्य इति वाच्य द्विजातिभिः ॥KUMB: १-१४६-४०॥
gōsahasrāyutaṁ dattvā yuktānāṁ puṇyakarmaṇām । arhō’yamaṅgarājyasya iti vācya dvijātibhiḥ ॥KUMB: 1-146-40॥
After giving ten million cows to those engaged in sacred rites and having the Brahmins proclaim, “He is worthy of the kingship of Anga,” … (KUMB: 1-146-40)
[PV-SVO:01_023_137]
स मौलिहारकेयूरः सहस्ताभरणाङ्गदः । राजलिङ्गैस्तथाऽन्यैश्च भूषितो भूषणैः शुभैः ॥KUMB: १-१४६-४२; KUMB: १-१४६-४३॥
sa maulihārakēyūraḥ sahastābharaṇāṅgadaḥ । rājaliṅgaistathā’nyaiśca bhūṣitō bhūṣaṇaiḥ śubhaiḥ ॥KUMB: 1-146-42; KUMB: 1-146-43॥
Wearing a diadem, necklace, upper-arm ornaments, jewelry on his hands, and bracelets, he was also adorned with the insignia of royalty and other splendid ornaments. (KUMB: 1-146-42; KUMB: 1-146-43)
[PV-SVO:01_023_138]
वैशम्पायन उवाच॥
vaiśampāyana uvāca॥
Vaiśampāyana said:
[PV-KDV:01_023_139]
ततः स्रस्तोत्तरपटः सप्रस्वेदः सवेपथुः । विवेशाधिरथो रङ्गं यष्टिप्राणो ह्वयन्निव ॥BORI: १-१२७-१॥
tataḥ srastōttarapaṭaḥ saprasvēdaḥ savēpathuḥ । vivēśādhirathō raṅgaṁ yaṣṭiprāṇō hvayanniva ॥BORI: 1-127-1॥
Then Adhiratha entered the arena, his upper garment slipping, sweating and trembling, with his staff as his only support and seemingly calling out. (BORI: 1-127-1)
[PV-KDV:01_023_140]
तमालोक्य धनुस्त्यक्त्वा पितृगौरवयन्त्रितः । कर्णोऽभिषेकार्द्रशिराः शिरसा समवन्दत ॥BORI: १-१२७-२॥
tamālōkya dhanustyaktvā pitr̥gauravayantritaḥ । karṇō’bhiṣēkārdraśirāḥ śirasā samavandata ॥BORI: 1-127-2॥
Seeing him, Karna, his head still wet from the consecration, laid aside his bow and, constrained by reverence for his father, bowed his head before him. (BORI: 1-127-2)
[PV-KDV:01_023_141]
ततः पादाववच्छाद्य पटान्तेन ससम्भ्रमः । पुत्रेति परिपूर्णार्थमब्रवीद्रथसारथिः ॥BORI: १-१२७-३॥
tataḥ pādāvavacchādya paṭāntēna sasambhramaḥ । putrēti paripūrṇārthamabravīdrathasārathiḥ ॥BORI: 1-127-3॥
Then the charioteer hastily covered his feet with the hem of his garment and uttered the deeply meaningful word, “Son!” (BORI: 1-127-3)
[PV-KDV:01_023_142]
परिष्वज्य च तस्याथ मूर्धानं स्नेहविक्लवः । अङ्गराज्याभिषेकार्द्रमश्रुभिः सिषिचे पुनः ॥BORI: १-१२७-४॥
pariṣvajya ca tasyātha mūrdhānaṁ snēhaviklavaḥ । aṅgarājyābhiṣēkārdramaśrubhiḥ siṣicē punaḥ ॥BORI: 1-127-4॥
Then, overcome with affection, he embraced his head and once more sprinkled with tears that head still wet from his consecration as king of Anga. (BORI: 1-127-4)
[PV-KDV:01_023_143]
तं दृष्ट्वा सूतपुत्रोऽयमिति निश्चित्य पाण्डवः । भीमसेनस्तदा वाक्यमब्रवीत्प्रहसन्निव ॥BORI: १-१२७-५॥
taṁ dr̥ṣṭvā sūtaputrō’yamiti niścitya pāṇḍavaḥ । bhīmasēnastadā vākyamabravītprahasanniva ॥BORI: 1-127-5॥
Seeing him and concluding, “This man is a charioteer’s son,” the Pandava Bhimasena then spoke, as if laughing: (BORI: 1-127-5)
[PV-KDV:01_023_144]
न त्वमर्हसि पार्थेन सूतपुत्र रणे वधम् । कुलस्य सदृशस्तूर्णं प्रतोदो गृह्यतां त्वया ॥BORI: १-१२७-६॥
na tvamarhasi pārthēna sūtaputra raṇē vadham । kulasya sadr̥śastūrṇaṁ pratōdō gr̥hyatāṁ tvayā ॥BORI: 1-127-6॥
Charioteer’s son, you are not worthy of being slain by Partha in battle. Quickly take up the whip befitting your lineage. (BORI: 1-127-6)
[PV-KDV:01_023_145]
अङ्गराज्यं च नार्हस्त्वमुपभोक्तुं नराधम । श्वा हुताशसमीपस्थं पुरोडाशमिवाध्वरे ॥BORI: १-१२७-७॥
aṅgarājyaṁ ca nārhastvamupabhōktuṁ narādhama । śvā hutāśasamīpasthaṁ purōḍāśamivādhvarē ॥BORI: 1-127-7॥
Nor are you worthy to enjoy the kingdom of Aṅga, vilest of men—any more than a dog beside the sacrificial fire is worthy to eat the sacrificial cake at a rite. (BORI: 1-127-7)
[PV-PAX:01_023_146]
एवमुक्तस्ततः कर्णः किञ्चित्प्रस्फुरिताधरः । गगनस्थं विनिःश्वस्य दिवाकरमुदैक्षत ॥BORI: १-१२७-८॥
ēvamuktastataḥ karṇaḥ kiñcitprasphuritādharaḥ । gaganasthaṁ viniḥśvasya divākaramudaikṣata ॥BORI: 1-127-8॥
Thus addressed, Karna’s lips quivered slightly. He sighed and looked up at the sun in the sky. (BORI: 1-127-8)
[PV-KDV:01_023_147]
ततो दुर्योधनः कोपादुत्पपात महाबलः । भ्रातृपद्मवनात्तस्मान्मदोत्कट इव द्विपः ॥BORI: १-१२७-९॥
tatō duryōdhanaḥ kōpādutpapāta mahābalaḥ । bhrātr̥padmavanāttasmānmadōtkaṭa iva dvipaḥ ॥BORI: 1-127-9॥
Then mighty Duryodhana sprang up in anger from among the lotus-like throng of his brothers, like an elephant in rut. (BORI: 1-127-9)
[PV-KDV:01_023_148]
सोऽब्रवीद्भीमकर्माणं भीमसेनमवस्थितम् । वृकोदर न युक्तं ते वचनं वक्तुमीदृशम् ॥BORI: १-१२७-१०॥
sō’bravīdbhīmakarmāṇaṁ bhīmasēnamavasthitam । vr̥kōdara na yuktaṁ tē vacanaṁ vaktumīdr̥śam ॥BORI: 1-127-10॥
He said to Bhimasena, the doer of formidable deeds, who stood there, “Vrikodara, it is not fitting for you to speak such words.” (BORI: 1-127-10)
[PV-KDV:01_023_149]
क्षत्रियाणां बलं ज्येष्ठं योद्धव्यं क्षत्रबन्धुना । शूराणां च नदीनां च प्रभवा दुर्विदाः किल ॥BORI: १-१२७-११॥
kṣatriyāṇāṁ balaṁ jyēṣṭhaṁ yōddhavyaṁ kṣatrabandhunā । śūrāṇāṁ ca nadīnāṁ ca prabhavā durvidāḥ kila ॥BORI: 1-127-11॥
For Kshatriyas, strength is paramount, and a scion of the warrior class must fight. The origins of heroes and rivers, it is said, are difficult to know. (BORI: 1-127-11)
[PV-KDV:01_023_150]
सलिलादुत्थितो वह्निर्येन व्याप्तं चराचरम् । दधीचस्यास्थितो वज्रं कृतं दानवसूदनम् ॥BORI: १-१२७-१२॥
salilādutthitō vahniryēna vyāptaṁ carācaram । dadhīcasyāsthitō vajraṁ kr̥taṁ dānavasūdanam ॥BORI: 1-127-12॥
Fire, by which all that moves and does not move is pervaded, arose from water; the demon-slaying thunderbolt was made from Dadhīca’s bone. (BORI: 1-127-12)
[PV-PAX:01_023_151]
आग्नेयः कृत्तिकापुत्रो रौद्रो गाङ्गेय इत्यपि । श्रूयते भगवान्देवः सर्वगुह्यमयो गुहः ॥BORI: १-१२७-१३॥
āgnēyaḥ kr̥ttikāputrō raudrō gāṅgēya ityapi । śrūyatē bhagavāndēvaḥ sarvaguhyamayō guhaḥ ॥BORI: 1-127-13॥
The blessed god Guha, embodiment of every mystery, is also said to be the son of Agni, the son of the Kṛttikās, the son of Rudra, and the son of Gaṅgā. (BORI: 1-127-13)
[PV-PAX:01_023_152]
क्षत्रियाभ्यश्च ये जाता ब्राह्मणास्ते च विश्रुताः । आचार्यः कलशाज्जातः शरस्तम्बाद्गुरुः कृपः । भवतां च यथा जन्म तदप्यागमितं नृपैः ॥BORI: १-१२७-१४॥
kṣatriyābhyaśca yē jātā brāhmaṇāstē ca viśrutāḥ । ācāryaḥ kalaśājjātaḥ śarastambādguruḥ kr̥paḥ । bhavatāṁ ca yathā janma tadapyāgamitaṁ nr̥paiḥ ॥BORI: 1-127-14॥
The Brahmins who were born of Kshatriyas are also renowned: the preceptor was born from a jar, and the teacher Kripa from a clump of reeds. Kings have also learned how you yourselves were born. (BORI: 1-127-14)
[PV-PAX:01_023_153]
सकुण्डलं सकवचं दिव्यलक्षणलक्षितम् । कथमादित्यसङ्काशं मृगी व्याघ्रं जनिष्यति ॥BORI: १-१२७-१५॥
sakuṇḍalaṁ sakavacaṁ divyalakṣaṇalakṣitam । kathamādityasaṅkāśaṁ mr̥gī vyāghraṁ janiṣyati ॥BORI: 1-127-15॥
How could a doe give birth to a tiger, born with earrings and armor, marked by divine signs, and radiant as the sun? (BORI: 1-127-15)
[PV-KDV:01_023_154]
पृथिवीराज्यमर्होऽयं नाङ्गराज्यं नरेश्वरः । अनेन बाहुवीर्येण मया चाज्ञानुवर्तिना ॥BORI: १-१२७-१६॥
pr̥thivīrājyamarhō’yaṁ nāṅgarājyaṁ narēśvaraḥ । anēna bāhuvīryēṇa mayā cājñānuvartinā ॥BORI: 1-127-16॥
This ruler is worthy of sovereignty over the earth, not merely of the kingdom of Aṅga, through the strength of his arms and with me obedient to his commands. (BORI: 1-127-16)
[PV-PAX:01_023_155]
यस्य वा मनुजस्येदं न क्षान्तं मद्विचेष्टितम् । रथमारुह्य पद्भ्यां वा विनामयतु कार्मुकम् ॥BORI: १-१२७-१७॥
yasya vā manujasyēdaṁ na kṣāntaṁ madvicēṣṭitam । rathamāruhya padbhyāṁ vā vināmayatu kārmukam ॥BORI: 1-127-17॥
Any man who cannot tolerate this act of mine may mount a chariot or stand on foot and draw his bow. (BORI: 1-127-17)
[PV-KDV:01_023_156]
ततः सर्वस्य रङ्गस्य हाहाकारो महानभूत् । साधुवादानुसम्बद्धः सूर्यश्चास्तमुपागमत् ॥BORI: १-१२७-१८॥
tataḥ sarvasya raṅgasya hāhākārō mahānabhūt । sādhuvādānusambaddhaḥ sūryaścāstamupāgamat ॥BORI: 1-127-18॥
Then a great uproar arose throughout the arena, mingled with cries of approval, and the sun set. (BORI: 1-127-18)
[PV-KDV:01_023_157]
ततो दुर्योधनः कर्णमालम्ब्याथ करे नृप । दीपिकाग्निकृतालोकस्तस्माद्रङ्गाद्विनिर्ययौ ॥BORI: १-१२७-१९॥
tatō duryōdhanaḥ karṇamālambyātha karē nr̥pa । dīpikāgnikr̥tālōkastasmādraṅgādviniryayau ॥BORI: 1-127-19॥
Then, O king, Duryodhana took Karna by the hand and left that arena by the light of blazing torches. (BORI: 1-127-19)
[PV-KDV:01_023_158]
पाण्डवाश्च सहद्रोणाः सकृपाश्च विशां पते । भीष्मेण सहिताः सर्वे ययुः स्वं स्वं निवेशनम् ॥BORI: १-१२७-२०॥
pāṇḍavāśca sahadrōṇāḥ sakr̥pāśca viśāṁ patē । bhīṣmēṇa sahitāḥ sarvē yayuḥ svaṁ svaṁ nivēśanam ॥BORI: 1-127-20॥
The Pandavas, together with Drona and Kripa, and all the others accompanied by Bhishma, went to their respective residences, lord of the people. (BORI: 1-127-20)
[PV-KDV:01_023_159]
अर्जुनेति जनः कश्चित्कश्चित्कर्णेति भारत । कश्चिद्दुर्योधनेत्येवं ब्रुवन्तः प्रस्थितास्तदा ॥BORI: १-१२७-२१॥
arjunēti janaḥ kaścitkaścitkarṇēti bhārata । kaścidduryōdhanētyēvaṁ bruvantaḥ prasthitāstadā ॥BORI: 1-127-21॥
Then the people departed, some saying, “Arjuna!” others, “Karna!” and still others, “Duryodhana!” O Bharata. (BORI: 1-127-21)
[PV-KDV:01_023_160]
कुन्त्याश्च प्रत्यभिज्ञाय दिव्यलक्षणसूचितम् । पुत्रमङ्गेश्वरं स्नेहाच्छन्ना प्रीतिरवर्धत ॥BORI: १-१२७-२२॥
kuntyāśca pratyabhijñāya divyalakṣaṇasūcitam । putramaṅgēśvaraṁ snēhācchannā prītiravardhata ॥BORI: 1-127-22॥
Kunti recognized the lord of Anga as her son, revealed by his divine marks, and her concealed affection for him grew out of love. (BORI: 1-127-22)
[PV-PAX:01_023_161]
दुर्योधनस्यापि तदा कर्णमासाद्य पार्थिव । भयमर्जुनसाञ्जातं क्षिप्रमन्तरधीयत ॥BORI: १-१२७-२३॥
duryōdhanasyāpi tadā karṇamāsādya pārthiva । bhayamarjunasāñjātaṁ kṣipramantaradhīyata ॥BORI: 1-127-23॥
And then, O king, when Duryodhana gained Karna, his fear arising from Arjuna quickly vanished. (BORI: 1-127-23)
[PV-KDV:01_023_162]
स चापि वीरः कृतशस्त्रनिश्रमः; परेण साम्नाभ्यवदत्सुयोधनम् । युधिष्ठिरस्याप्यभवत्तदा मति; र्न कर्णतुल्योऽस्ति धनुर्धरः क्षितौ ॥BORI: १-१२७-२४॥
sa cāpi vīraḥ kr̥taśastraniśramaḥ; parēṇa sāmnābhyavadatsuyōdhanam । yudhiṣṭhirasyāpyabhavattadā mati; rna karṇatulyō’sti dhanurdharaḥ kṣitau ॥BORI: 1-127-24॥
That hero too, well practiced in arms, addressed Suyodhana in the most conciliatory terms. Then even Yudhishthira came to think, “There is no archer on earth equal to Karna.” (BORI: 1-127-24)
[PV-KDV:01_023_163]
विश्वामित्रप्रभृतयः प्राप्ता ब्रह्मत्वमव्ययम् ॥KUMB: १-१४७-१४; NILA: ०१.१३७.०१४॥
viśvāmitraprabhr̥tayaḥ prāptā brahmatvamavyayam ॥KUMB: 1-147-14; NILA: 01.137.014॥
Viśvāmitra and others attained imperishable Brahminhood. (KUMB: 1-147-14; NILA: 01.137.014)
[PV-SVO:01_023_164]
गौतमस्यान्ववाये च शरस्तम्बाच्च गौतमः ॥KUMB: १-१४७-१५; NILA: ०१.१३७.०१५॥
gautamasyānvavāyē ca śarastambācca gautamaḥ ॥KUMB: 1-147-15; NILA: 01.137.015॥
and Gautama, of Gautama’s lineage, from a clump of reeds… (KUMB: 1-147-15; NILA: 01.137.015)
[PV-SVO:01_023_165]