Chapter 27: The Pāṇḍavas’ Flight into the Forest and Bhīma’s Encounter with Hiḍimba
विज्ञाय निशि पन्थानं नक्षत्रैर्दक्षिणामुखाः । यतमाना वनं राजन्गहनं प्रतिपेदिरे ॥BORI: १-१३७-१८॥
vijñāya niśi panthānaṁ nakṣatrairdakṣiṇāmukhāḥ । yatamānā vanaṁ rājangahanaṁ pratipēdirē ॥BORI: 1-137-18॥
Determining their route at night by the stars, they headed south and, striving onward, entered a dense forest, O king. (BORI: 1-137-18)
[PV-KDV:01_027_1]
ततः श्रान्ताः पिपासार्ता निद्रान्धाः पाण्डुनन्दनाः । पुनरूचुर्महावीर्यं भीमसेनमिदं वचः ॥BORI: १-१३७-१९॥
tataḥ śrāntāḥ pipāsārtā nidrāndhāḥ pāṇḍunandanāḥ । punarūcurmahāvīryaṁ bhīmasēnamidaṁ vacaḥ ॥BORI: 1-137-19॥
Then the sons of Pandu, exhausted, tormented by thirst, and blinded by sleep, again addressed these words to the mighty Bhimasena: (BORI: 1-137-19)
[PV-KDV:01_027_2]
इतः कष्टतरं किं नु यद्वयं गहने वने । दिशश्च न प्रजानीमो गन्तुं चैव न शक्नुमः ॥BORI: १-१३७-२०॥
itaḥ kaṣṭataraṁ kiṁ nu yadvayaṁ gahanē vanē । diśaśca na prajānīmō gantuṁ caiva na śaknumaḥ ॥BORI: 1-137-20॥
What could be worse than this—that we are in a dense forest, do not know our bearings, and cannot go on? (BORI: 1-137-20)
[PV-KDV:01_027_3]
तं च पापं न जानीमो यदि दग्धः पुरोचनः । कथं नु विप्रमुच्येम भयादस्मादलक्षिताः ॥BORI: १-१३७-२१॥
taṁ ca pāpaṁ na jānīmō yadi dagdhaḥ purōcanaḥ । kathaṁ nu vipramucyēma bhayādasmādalakṣitāḥ ॥BORI: 1-137-21॥
We do not know whether that wicked Purocana was burned. How can we escape this danger without being noticed? (BORI: 1-137-21)
[PV-KDV:01_027_4]
पुनरस्मानुपादाय तथैव व्रज भारत । त्वं हि नो बलवानेको यथा सततगस्तथा ॥BORI: १-१३७-२२॥
punarasmānupādāya tathaiva vraja bhārata । tvaṁ hi nō balavānēkō yathā satatagastathā ॥BORI: 1-137-22॥
Take us up again and continue on in the same way, O Bharata. For you alone among us are as strong as the ever-moving wind. (BORI: 1-137-22)
[PV-KDV:01_027_5]
इत्युक्तो धर्मराजेन भीमसेनो महाबलः । आदाय कुन्तीं भ्रातृंश्च जगामाशु महाबलः ॥BORI: १-१३७-२३॥
ityuktō dharmarājēna bhīmasēnō mahābalaḥ । ādāya kuntīṁ bhrātr̥ṁśca jagāmāśu mahābalaḥ ॥BORI: 1-137-23॥
Thus addressed by King Dharma, the mighty Bhimasena swiftly set out, carrying Kunti and his brothers. (BORI: 1-137-23)
[PV-KDV:01_027_6]
एतस्मिन्नेव काले तु यथासंप्रत्ययं कविः । विदुरः प्रेषयामास तद्वनं पुरुषं शुचिम् ॥KUMB: १-१६१-१; NILA: ०१.१४९.००१॥
ētasminnēva kālē tu yathāsaṁpratyayaṁ kaviḥ । viduraḥ prēṣayāmāsa tadvanaṁ puruṣaṁ śucim ॥KUMB: 1-161-1; NILA: 01.149.001॥
At that very time, however, the wise Vidura, in accordance with the arrangement, sent an upright man to that forest. (KUMB: 1-161-1; NILA: 01.149.001)
[PV-SVO:01_027_7]
आत्मनः पाण्डवानां च विश्वास्यं ज्ञातपूर्वकम् । गङ्गासंतरणार्थाय ज्ञाताभिज्ञानवाचिकम् ॥KUMB: १-१६१-२॥
ātmanaḥ pāṇḍavānāṁ ca viśvāsyaṁ jñātapūrvakam । gaṅgāsaṁtaraṇārthāya jñātābhijñānavācikam ॥KUMB: 1-161-2॥
a man trusted by both himself and the Pandavas, already known to them, who knew the password, to ferry them across the Ganges. (KUMB: 1-161-2)
[PV-SVO:01_027_8]
स गत्वा तु यथोद्देशं पाण्डवान्ददृशे वने । जनन्या सह कौरव्याननयज्जाह्नवीतटम् ॥KUMB: १-१६१-३; NILA: ०१.१४९.००२॥
sa gatvā tu yathōddēśaṁ pāṇḍavāndadr̥śē vanē । jananyā saha kauravyānanayajjāhnavītaṭam ॥KUMB: 1-161-3; NILA: 01.149.002॥
He went to the appointed place and found the Pandavas in the forest; together with their mother, he led those descendants of Kuru to the bank of the Ganges. (KUMB: 1-161-3; NILA: 01.149.002)
[PV-SVO:01_027_9]
विदितं तन्महाबुद्धेर्विदुरस्य महात्मनः । ततस्तस्यापि चारेण चेष्टितं पापचेतसः ॥KUMB: १-१६१-४; NILA: ०१.१४९.००३॥
viditaṁ tanmahābuddhērvidurasya mahātmanaḥ । tatastasyāpi cārēṇa cēṣṭitaṁ pāpacētasaḥ ॥KUMB: 1-161-4; NILA: 01.149.003॥
That became known to the great and highly intelligent Vidura; then, through one of his spies as well, he learned what the evil-minded man was doing. (KUMB: 1-161-4; NILA: 01.149.003)
[PV-SVO:01_027_10]
ततः प्रवासितो विद्वान्विदुरेण नरस्तदा । पार्थानां दर्शयामास मनोमारुतगामिनीम् ॥KUMB: १-१६१-५; NILA: ०१.१४९.००४॥
tataḥ pravāsitō vidvānvidurēṇa narastadā । pārthānāṁ darśayāmāsa manōmārutagāminīm ॥KUMB: 1-161-5; NILA: 01.149.004॥
Then the knowledgeable man dispatched by Vidura showed the sons of Pṛthā one that moved as swiftly as thought and wind… (KUMB: 1-161-5; NILA: 01.149.004)
[PV-SVO:01_027_11]
सर्ववातसहां नावं यन्त्रयुक्तां पताकिनीम् । शिवे भागीरथीतीरे नरैर्विस्रम्भिभिः कृताम् ॥KUMB: १-१६१-६; NILA: ०१.१४९.००५॥
sarvavātasahāṁ nāvaṁ yantrayuktāṁ patākinīm । śivē bhāgīrathītīrē narairvisrambhibhiḥ kr̥tām ॥KUMB: 1-161-6; NILA: 01.149.005॥
a flag-bearing boat capable of withstanding every wind, fitted with machinery and built by trustworthy men on a safe bank of the Bhagirathi. (KUMB: 1-161-6; NILA: 01.149.005)
[PV-SVO:01_027_12]
ततः पुनरथोवाच ज्ञापकं पूर्वचोदितम् । युधिष्ठिर निबोधेयं संज्ञार्थं वचनं कवेः ॥KUMB: १-१६१-७; NILA: ०१.१४९.००६॥
tataḥ punarathōvāca jñāpakaṁ pūrvacōditam । yudhiṣṭhira nibōdhēyaṁ saṁjñārthaṁ vacanaṁ kavēḥ ॥KUMB: 1-161-7; NILA: 01.149.006॥
Then he again gave the previously prescribed token: “Yudhishthira, take note of this message from the wise man, intended as a sign:” (KUMB: 1-161-7; NILA: 01.149.006)
[PV-SVO:01_027_13]
कक्षघ्नः शिशिरघ्नश्च महाकक्षे बिलौकसः । न हन्तीत्येवमात्मानं यो रक्षति स जीवति ॥KUMB: १-१६१-८; NILA: ०१.१४९.००७॥
kakṣaghnaḥ śiśiraghnaśca mahākakṣē bilaukasaḥ । na hantītyēvamātmānaṁ yō rakṣati sa jīvati ॥KUMB: 1-161-8; NILA: 01.149.007॥
A fire that consumes brush and dispels cold does not kill those who dwell in burrows in a great forest; whoever protects himself in this way survives. (KUMB: 1-161-8; NILA: 01.149.007)
[PV-SVO:01_027_14]
बोद्धव्यमिति यत्प्राह विदुरस्तदिदं तथा ॥KUMB: १-१६१-८॥
bōddhavyamiti yatprāha vidurastadidaṁ tathā ॥KUMB: 1-161-8॥
What Vidura told you to understand is exactly so. (KUMB: 1-161-8)
[PV-SVO:01_027_15]
तेन मां प्रेषितं विद्धि विश्वस्तं सञ्ज्ञयाऽनया । भूयश्चैवाह मां क्षत्ता विदुरः सर्वतोऽर्थवित् ॥KUMB: १-१६१-९; NILA: ०१.१४९.००८॥
tēna māṁ prēṣitaṁ viddhi viśvastaṁ sañjñayā’nayā । bhūyaścaivāha māṁ kṣattā viduraḥ sarvatō’rthavit ॥KUMB: 1-161-9; NILA: 01.149.008॥
Know from this token that I was sent by him as a trusted agent. And Vidura the Kshatta, who understood every aspect of the matter, further said to me… (KUMB: 1-161-9; NILA: 01.149.008)
[PV-SVO:01_027_16]
अधिक्षिपन्धार्तराष्ट्रं सभ्रातृकमुदारधीः ॥KUMB: १-१६१-९॥
adhikṣipandhārtarāṣṭraṁ sabhrātr̥kamudāradhīḥ ॥KUMB: 1-161-9॥
noble-minded, as he reproached Dhritarashtra’s son and his brothers: (KUMB: 1-161-9)
[PV-SVO:01_027_17]
कर्णं दुर्योधनं चैव भ्रातृभिः सहितं रणे । शकुनिं चैव कौन्तेय विजेताऽसि न संशयः ॥KUMB: १-१६१-१०; NILA: ०१.१४९.००९॥
karṇaṁ duryōdhanaṁ caiva bhrātr̥bhiḥ sahitaṁ raṇē । śakuniṁ caiva kauntēya vijētā’si na saṁśayaḥ ॥KUMB: 1-161-10; NILA: 01.149.009॥
Son of Kunti, you will undoubtedly defeat Karna, Duryodhana and his brothers, and Shakuni in battle. (KUMB: 1-161-10; NILA: 01.149.009)
[PV-SVO:01_027_18]
पाण्डवाश्चापि गत्वाथ गङ्गायास्तीरमुत्तमम् । निषादाधिपतिं वीरं दाशं परमधार्मिकम् ॥KUMB: १-१६१-११॥
pāṇḍavāścāpi gatvātha gaṅgāyāstīramuttamam । niṣādādhipatiṁ vīraṁ dāśaṁ paramadhārmikam ॥KUMB: 1-161-11॥
the brave chief of the Nishadas, a supremely righteous fisherman, whom the Pandavas too, after reaching the splendid bank of the Ganges... (KUMB: 1-161-11)
[PV-SVO:01_027_19]
दीपिकाभिः कृतालोकं मार्गमाणं च पाण्डवान् । ददृशुः पाण्डवेयास्ते नाविकं त्वरयाऽन्वितम् ॥KUMB: १-१६१-१२॥
dīpikābhiḥ kr̥tālōkaṁ mārgamāṇaṁ ca pāṇḍavān । dadr̥śuḥ pāṇḍavēyāstē nāvikaṁ tvarayā’nvitam ॥KUMB: 1-161-12॥
The sons of Pandu saw the boatman, who had lit the way with lamps and was searching for them in great haste. (KUMB: 1-161-12)
[PV-SVO:01_027_20]
निषादस्तत्र कौन्तेयानभिज्ञानं न्यवेदयत् । विदुरस्य महाबुद्धेर्म्लेच्छभाषादि यत्तदा ॥KUMB: १-१६१-१३॥
niṣādastatra kauntēyānabhijñānaṁ nyavēdayat । vidurasya mahābuddhērmlēcchabhāṣādi yattadā ॥KUMB: 1-161-13॥
There the Niṣāda gave Kuntī’s sons the sign of recognition from the highly intelligent Vidura, beginning with what he had said at that time in the Mleccha tongue: (KUMB: 1-161-13)
[PV-SVO:01_027_21]
विदुरेणास्मि सन्दिष्टो दत्त्वा बहु धनं महत् । गङ्गातीरे निविष्टस्त्वं पाण्डवांस्तारयेति ह ॥KUMB: १-१६१-१४॥
vidurēṇāsmi sandiṣṭō dattvā bahu dhanaṁ mahat । gaṅgātīrē niviṣṭastvaṁ pāṇḍavāṁstārayēti ha ॥KUMB: 1-161-14॥
After giving me great wealth, Vidura instructed me: “Station yourself on the bank of the Ganges and ferry the Pandavas across.” (KUMB: 1-161-14)
[PV-SVO:01_027_22]
सोऽहं चतुर्दशीमद्य गङ्गाया अविदूरतः । चारेरन्वेषयाम्यस्मिन्वने मृगगणान्विते ॥KUMB: १-१६१-१५॥
sō’haṁ caturdaśīmadya gaṅgāyā avidūrataḥ । cārēranvēṣayāmyasminvanē mr̥gagaṇānvitē ॥KUMB: 1-161-15॥
And so, for fourteen days now, I have been searching for you through scouts in this forest near the Ganges, which teems with herds of deer. (KUMB: 1-161-15)
[PV-SVO:01_027_23]
प्रभवन्तोऽथ भद्रं वो नावमारुह्य गम्यताम् । युक्तारित्रपताकां च निश्छिद्रां मन्दिरोपमाम् ॥KUMB: १-१६१-१६॥
prabhavantō’tha bhadraṁ vō nāvamāruhya gamyatām । yuktāritrapatākāṁ ca niśchidrāṁ mandirōpamām ॥KUMB: 1-161-16॥
Then, exalted ones, may all be well with you. Board and depart in this sound, mansion-like boat, equipped with oars and a flag. (KUMB: 1-161-16)
[PV-SVO:01_027_24]
इयं वारिपथे युक्ता नौरप्सु सुखगामिनी । मोचयिष्यति वः सर्वानस्माद्देशान्न संशयः ॥KUMB: १-१६१-१७; NILA: ०१.१४९.०१०॥
iyaṁ vāripathē yuktā naurapsu sukhagāminī । mōcayiṣyati vaḥ sarvānasmāddēśānna saṁśayaḥ ॥KUMB: 1-161-17; NILA: 01.149.010॥
This boat is ready for the waterway and moves easily through the water. It will carry you all away from this place, without a doubt. (KUMB: 1-161-17; NILA: 01.149.010)
[PV-SVO:01_027_25]
अथ तान्व्यथितान्दृष्ट्वा सह मात्रा नरोत्तमान् । नावमारोप्य गङ्गायां प्रस्थितानब्रवीत्पुनः ॥KUMB: १-१६१-१८; NILA: ०१.१४९.०११॥
atha tānvyathitāndr̥ṣṭvā saha mātrā narōttamān । nāvamārōpya gaṅgāyāṁ prasthitānabravītpunaḥ ॥KUMB: 1-161-18; NILA: 01.149.011॥
Then, seeing those best of men distressed along with their mother, he put them aboard the boat and, as they set out upon the Ganges, spoke to them again. (KUMB: 1-161-18; NILA: 01.149.011)
[PV-SVO:01_027_26]
विदुरो मूर्ध्न्युपाघ्राय परिष्वज्य वचो मुहुः । अरिष्टं गच्छताव्यग्राः पन्थानमिति चाब्रवीत् ॥KUMB: १-१६१-१९; NILA: ०१.१४९.०१२॥
vidurō mūrdhnyupāghrāya pariṣvajya vacō muhuḥ । ariṣṭaṁ gacchatāvyagrāḥ panthānamiti cābravīt ॥KUMB: 1-161-19; NILA: 01.149.012॥
Vidura kissed them on the head and embraced them, repeatedly saying, “Go safely on your way, free from anxiety.” (KUMB: 1-161-19; NILA: 01.149.012)
[PV-SVO:01_027_27]
इत्युक्त्वा स तु तान्वीरान्पुमान्विदुरचोदितः । तारयामास राजेन्द्र गङ्गां नावा नरर्षभान् ॥KUMB: १-१६१-२०; NILA: ०१.१४९.०१३॥
ityuktvā sa tu tānvīrānpumānviduracōditaḥ । tārayāmāsa rājēndra gaṅgāṁ nāvā nararṣabhān ॥KUMB: 1-161-20; NILA: 01.149.013॥
Having said this, the man whom Vidura had instructed ferried those heroic men, those bulls among men, across the Ganges in a boat, O king of kings. (KUMB: 1-161-20; NILA: 01.149.013)
[PV-SVO:01_027_28]
तारयित्वा ततो गङ्गां पारं प्राप्तांश्च सर्वशः । जयाशिषः प्रयुज्याथ यथागतमगाद्धि सः ॥KUMB: १-१६१-२१; NILA: ०१.१४९.०१४॥
tārayitvā tatō gaṅgāṁ pāraṁ prāptāṁśca sarvaśaḥ । jayāśiṣaḥ prayujyātha yathāgatamagāddhi saḥ ॥KUMB: 1-161-21; NILA: 01.149.014॥
After ferrying them across the Ganges and bringing them all safely to the far shore, he wished them victory and then returned the way he had come. (KUMB: 1-161-21; NILA: 01.149.014)
[PV-SVO:01_027_29]
पाण्डवाश्च महात्मानः प्रतिसन्दिश्य वै कवेः । गङ्गामुत्तीर्य वेगेन जग्मुर्गूढमलक्षिताः ॥KUMB: १-१६१-२२; NILA: ०१.१४९.०१५॥
pāṇḍavāśca mahātmānaḥ pratisandiśya vai kavēḥ । gaṅgāmuttīrya vēgēna jagmurgūḍhamalakṣitāḥ ॥KUMB: 1-161-22; NILA: 01.149.015॥
After sending a reply to the wise man, the noble Pandavas crossed the Ganges and swiftly went on, concealed and unobserved. (KUMB: 1-161-22; NILA: 01.149.015)
[PV-SVO:01_027_30]
ततस्ते तत्र तीर्त्वा तु गङ्गामुत्तुङ्गवीचिकाम् ॥KUMB: १-१६१-२३॥
tatastē tatra tīrtvā tu gaṅgāmuttuṅgavīcikām ॥KUMB: 1-161-23॥
Then, having crossed the Ganges there, with its towering waves... (KUMB: 1-161-23)
[PV-SVO:01_027_31]
नदीं गङ्गामनुप्राप्ता मातृषष्ठा महाबलाः ॥NILA: ०१.१५०.०१९॥
nadīṁ gaṅgāmanuprāptā mātr̥ṣaṣṭhā mahābalāḥ ॥NILA: 01.150.019॥
The mighty ones, six including their mother, reached the River Ganges. (NILA: 01.150.019)
[PV-SVO:01_027_32]
दाशानां भुजवेगेन नद्याः स्रोतोजवेन च । वायुना चानुकूलेन तूर्णं पारमवाप्नुवन् ॥NILA: ०१.१५०.०२०॥
dāśānāṁ bhujavēgēna nadyāḥ srōtōjavēna ca । vāyunā cānukūlēna tūrṇaṁ pāramavāpnuvan ॥NILA: 01.150.020॥
Through the strength of the fishermen’s arms, the swiftness of the river’s current, and a favorable wind, they quickly reached the far shore. (NILA: 01.150.020)
[PV-SVO:01_027_33]
ततो नावं परित्यज्य प्रययुर्दक्षिणा दिशम् ॥NILA: ०१.१५०.०२१॥
tatō nāvaṁ parityajya prayayurdakṣiṇā diśam ॥NILA: 01.150.021॥
Then, leaving the boat behind, they proceeded southward. (NILA: 01.150.021)
[PV-SVO:01_027_34]
नावेक्षन्ते ह तं धर्मं धर्मात्मानोऽप्यहो विधेः । श्रुतवन्तोऽपि विद्वांसो धनवद्वशगा अहो ॥KUMB: १-१६२-६॥
nāvēkṣantē ha taṁ dharmaṁ dharmātmānō’pyahō vidhēḥ । śrutavantō’pi vidvāṁsō dhanavadvaśagā ahō ॥KUMB: 1-162-6॥
Even the righteous pay no heed to that duty—alas, the power of fate! Even learned and wise men are subject to the wealthy—alas! (KUMB: 1-162-6)
[PV-SVO:01_027_35]
साधूननाथान्धर्मिष्ठात्सत्यव्रतपरायणान् । नावेक्षन्ते महान्तोऽपि दैवं तेषां परायणम् ॥KUMB: १-१६२-७॥
sādhūnanāthāndharmiṣṭhātsatyavrataparāyaṇān । nāvēkṣantē mahāntō’pi daivaṁ tēṣāṁ parāyaṇam ॥KUMB: 1-162-7॥
Even the great do not look after good men who are helpless, deeply righteous, and wholly devoted to truth; fate is their final refuge. (KUMB: 1-162-7)
[PV-SVO:01_027_36]
इतः पश्यत कुन्तीयं दग्धा शेते तपस्विनी । पुत्रैः सहैव वार्ष्णेयी हन्तेत्याहुः स्म नागराः ॥KUMB: १-१६२-१०॥
itaḥ paśyata kuntīyaṁ dagdhā śētē tapasvinī । putraiḥ sahaiva vārṣṇēyī hantētyāhuḥ sma nāgarāḥ ॥KUMB: 1-162-10॥
“Look here! This is Kunti, the unfortunate Vrishni woman, lying burned with her sons. Alas!” the townspeople said. (KUMB: 1-162-10)
[PV-SVO:01_027_37]
अन्तर्हृष्टमनाश्चासौ बहिर्दुःखसमन्वितः । अन्तःशीतो बहिश्चोष्णो ग्रीष्मेऽगाधह्रदो यथा ॥KUMB: १-१६२-१४॥
antarhr̥ṣṭamanāścāsau bahirduḥkhasamanvitaḥ । antaḥśītō bahiścōṣṇō grīṣmē’gādhahradō yathā ॥KUMB: 1-162-14॥
He was inwardly delighted but outwardly filled with grief, like a deep lake in summer, cool within but warm on the surface. (KUMB: 1-162-14)
[PV-SVO:01_027_38]
मम दग्धा महात्मानः कुलवंशविवर्धनाः ॥KUMB: १-१६२-१८॥
mama dagdhā mahātmānaḥ kulavaṁśavivardhanāḥ ॥KUMB: 1-162-18॥
My great-souled perpetuators of the family line have been burned. (KUMB: 1-162-18)
[PV-SVO:01_027_39]
समेताश्च ततः सर्वे भीष्मेण सह कौरवाः । धृतराष्ट्रः सपुत्रश्च गङ्गामभिमुखा ययुः ॥KUMB: १-१६२-२०॥
samētāśca tataḥ sarvē bhīṣmēṇa saha kauravāḥ । dhr̥tarāṣṭraḥ saputraśca gaṅgāmabhimukhā yayuḥ ॥KUMB: 1-162-20॥
Then all the Kauravas, together with Bhishma and Dhritarashtra and his sons, assembled and went toward the Ganges. (KUMB: 1-162-20)
[PV-SVO:01_027_40]
एकवस्त्रा निरानन्दा निराभरणवेष्टनः । उदकं कर्तुकामा वै पाण्डवानां महात्मनाम् ॥KUMB: १-१६२-२१॥
ēkavastrā nirānandā nirābharaṇavēṣṭanaḥ । udakaṁ kartukāmā vai pāṇḍavānāṁ mahātmanām ॥KUMB: 1-162-21॥
Clad in a single garment, joyless and without ornaments or adornment, wishing to make water offerings for the great-souled Pandavas. (KUMB: 1-162-21)
[PV-SVO:01_027_41]
हा युधिष्ठिर कौरव्य हा भीम इति चापरे ॥KUMB: १-१६२-२३; NILA: ०१.१५०.०१६॥
hā yudhiṣṭhira kauravya hā bhīma iti cāparē ॥KUMB: 1-162-23; NILA: 01.150.016॥
Some cried, “Alas, Yudhishthira, descendant of Kuru!” and others, “Alas, Bhima!” (KUMB: 1-162-23; NILA: 01.150.016)
[PV-SVO:01_027_42]
हा फल्गुनेति चाप्यन्ये हा यमाविति चापरे । कुन्तीमार्ताश्च शोचन्त उदकं चक्रिरे जनाः ॥KUMB: १-१६२-२४; NILA: ०१.१५०.०१७॥
hā phalgunēti cāpyanyē hā yamāviti cāparē । kuntīmārtāśca śōcanta udakaṁ cakrirē janāḥ ॥KUMB: 1-162-24; NILA: 01.150.017॥
Some cried, “Alas, Phalguna!” and others, “Alas, the twins!” In anguish, the people mourned Kunti and offered libations of water. (KUMB: 1-162-24; NILA: 01.150.017)
[PV-SVO:01_027_43]
अन्ये पौरजनाश्चैवमन्वशोचन्त पाण्डवान् ॥KUMB: १-१६२-२५; NILA: ०१.१५०.०१८॥
anyē paurajanāścaivamanvaśōcanta pāṇḍavān ॥KUMB: 1-162-25; NILA: 01.150.018॥
Other inhabitants of the city likewise mourned for the Pandavas. (KUMB: 1-162-25; NILA: 01.150.018)
[PV-SVO:01_027_44]
विदुरो धृतराष्ट्रस्य जानन्सर्वं मनोगतम् । तेनायं विधिना सृष्टः कुटिलः कपटाशयः ॥KUMB: १-१६२-२६॥
vidurō dhr̥tarāṣṭrasya jānansarvaṁ manōgatam । tēnāyaṁ vidhinā sr̥ṣṭaḥ kuṭilaḥ kapaṭāśayaḥ ॥KUMB: 1-162-26॥
Vidura, knowing everything in Dhṛtarāṣṭra’s mind—“This crooked, deceitful plan was devised by him in this way”—... (KUMB: 1-162-26)
[PV-SVO:01_027_45]
इत्येवं चिन्तयन्राजन्विदुरो विदुषां वरः । लोकानां दर्शयन्दुःखं दुःखितैः सह बान्धवैः ॥KUMB: १-१६२-२७॥
ityēvaṁ cintayanrājanvidurō viduṣāṁ varaḥ । lōkānāṁ darśayanduḥkhaṁ duḥkhitaiḥ saha bāndhavaiḥ ॥KUMB: 1-162-27॥
Thinking thus, O king, Vidura, foremost of the wise, displayed his grief before the people, together with his sorrowing kinsmen, while… (KUMB: 1-162-27)
[PV-SVO:01_027_46]
मनसाऽचिन्तयत्पार्थान्कियद्दूरं गता इति । सहिताः पाण्डवाः पुत्रा इति चिन्तापरोऽभवत् ॥KUMB: १-१६२-२८॥
manasā’cintayatpārthānkiyaddūraṁ gatā iti । sahitāḥ pāṇḍavāḥ putrā iti cintāparō’bhavat ॥KUMB: 1-162-28॥
He thought of the sons of Pritha: “How far have the Pandava princes gone together?” and became wholly absorbed in this thought. (KUMB: 1-162-28)
[PV-SVO:01_027_47]
ततः प्रव्यथितो भीष्मः पाण्डुराजसुतान्मृतान् । सह मात्रेति तच्छ्रुत्वा विललाप रुरोद च ॥KUMB: १-१६२-२९॥
tataḥ pravyathitō bhīṣmaḥ pāṇḍurājasutānmr̥tān । saha mātrēti tacchrutvā vilalāpa rurōda ca ॥KUMB: 1-162-29॥
Then Bhishma, deeply distressed on hearing that King Pandu’s sons had died together with their mother, lamented and wept. (KUMB: 1-162-29)
[PV-SVO:01_027_48]
हा युधिष्ठिर हा भीम हा धनञ्जय हा यमौ । हा पृथे सह पुत्रैस्त्वमेकरात्रेण स्वर्गता ॥KUMB: १-१६२-३०॥
hā yudhiṣṭhira hā bhīma hā dhanañjaya hā yamau । hā pr̥thē saha putraistvamēkarātrēṇa svargatā ॥KUMB: 1-162-30॥
Alas, Yudhishthira! Alas, Bhima! Alas, Dhananjaya! Alas, you twins! Alas, Pritha! You and your sons have gone to heaven in a single night. (KUMB: 1-162-30)
[PV-SVO:01_027_49]
मात्रा सह कुमारास्ते सर्वे तत्रैव संस्थिताः । न हि तौ नोत्सहेयातां भीमसेनधनञ्जयौ ॥KUMB: १-१६२-३१॥
mātrā saha kumārāstē sarvē tatraiva saṁsthitāḥ । na hi tau nōtsahēyātāṁ bhīmasēnadhanañjayau ॥KUMB: 1-162-31॥
Those princes were all there with their mother. For surely those two, Bhimasena and Dhananjaya, would be capable of… (KUMB: 1-162-31)
[PV-SVO:01_027_50]
तरसा वेगितात्मानौ निर्भेत्तुमपि मन्दरम् । परासुत्वं न पश्यामि पृथायाः सह पाण्डवैः ॥KUMB: १-१६२-३२॥
tarasā vēgitātmānau nirbhēttumapi mandaram । parāsutvaṁ na paśyāmi pr̥thāyāḥ saha pāṇḍavaiḥ ॥KUMB: 1-162-32॥
—swift and impetuous enough to shatter even Mount Mandara by force. I cannot believe that Pritha and the Pandavas are dead. (KUMB: 1-162-32)
[PV-SVO:01_027_51]
सर्वथा विकृतं तत्तु यदि ते निधनं गताः । धर्मराजः स निर्दिष्टो ननु विप्रैर्युधिष्ठिरः ॥KUMB: १-१६२-३३॥
sarvathā vikr̥taṁ tattu yadi tē nidhanaṁ gatāḥ । dharmarājaḥ sa nirdiṣṭō nanu viprairyudhiṣṭhiraḥ ॥KUMB: 1-162-33॥
Yet it is altogether inexplicable if they have met their deaths. Was not Yudhishthira proclaimed by the Brahmins to be a king of righteousness? (KUMB: 1-162-33)
[PV-SVO:01_027_52]
पृथिव्यां च रथिश्रेष्ठो भविता स धनञ्जयः । सत्यव्रतो धर्मदत्तः सत्यवाक्छुभलक्षणः ॥KUMB: १-१६२-३४॥
pr̥thivyāṁ ca rathiśrēṣṭhō bhavitā sa dhanañjayaḥ । satyavratō dharmadattaḥ satyavākchubhalakṣaṇaḥ ॥KUMB: 1-162-34॥
And Dhanañjaya was to be the foremost chariot-warrior on earth. True to his vows, bestowed by Dharma, truthful in speech, and bearing auspicious marks... (KUMB: 1-162-34)
[PV-SVO:01_027_53]
कथं कालवशं प्राप्तः पाण्डवेयो युधिष्ठिरः । आत्मानमुपमां कृत्वा परेषां वर्तते तु यः ॥KUMB: १-१६२-३५॥
kathaṁ kālavaśaṁ prāptaḥ pāṇḍavēyō yudhiṣṭhiraḥ । ātmānamupamāṁ kr̥tvā parēṣāṁ vartatē tu yaḥ ॥KUMB: 1-162-35॥
How did Yudhishthira, the son of Pandu, come under the sway of Time—he who conducted himself toward others by taking himself as the standard? (KUMB: 1-162-35)
[PV-SVO:01_027_54]
मात्रा सहैव कौरव्यः कथं कालवशं गतः । पालितः सुचिरं कालं फलकाले यथा द्रुमः ॥KUMB: १-१६२-३६॥
mātrā sahaiva kauravyaḥ kathaṁ kālavaśaṁ gataḥ । pālitaḥ suciraṁ kālaṁ phalakālē yathā drumaḥ ॥KUMB: 1-162-36॥
How did the Kaurava, together with his mother, fall under the sway of fate—after being cared for so long, like a tree when its time to bear fruit has come… (KUMB: 1-162-36)
[PV-SVO:01_027_55]
भग्नः स्याद्वायुवेगेन तथा राजा युधिष्ठिरः । यौवराज्येऽभिषिक्तेन पितुर्येनाहृतं यशः ॥KUMB: १-१६२-३७॥
bhagnaḥ syādvāyuvēgēna tathā rājā yudhiṣṭhiraḥ । yauvarājyē’bhiṣiktēna pituryēnāhr̥taṁ yaśaḥ ॥KUMB: 1-162-37॥
…might be broken by the force of the wind; so too King Yudhishthira, who, upon being consecrated as heir apparent, won glory for his father… (KUMB: 1-162-37)
[PV-SVO:01_027_56]
आत्मनश्च पितुश्चैव सत्यधर्मप्रवृत्तिभिः । यच्च सा वनवासेन तन्माता दुःखभागिनी ॥KUMB: १-१६२-३८॥
ātmanaśca pituścaiva satyadharmapravr̥ttibhiḥ । yacca sā vanavāsēna tanmātā duḥkhabhāginī ॥KUMB: 1-162-38॥
for himself and his father alike through his devotion to truth and righteousness; and his mother became a sharer in sorrow because of his exile in the forest. (KUMB: 1-162-38)
[PV-SVO:01_027_57]
कालेन सह संमग्नो धिक्कृतान्तमनर्थकम् । यच्च सा वनवासेन तन्माता दुःखभागिनी ॥KUMB: १-१६२-३९॥
kālēna saha saṁmagnō dhikkr̥tāntamanarthakam । yacca sā vanavāsēna tanmātā duḥkhabhāginī ॥KUMB: 1-162-39॥
He sank away with time—damn senseless Fate!—and because of the forest exile, that mother of his was afflicted with sorrow. (KUMB: 1-162-39)
[PV-SVO:01_027_58]
पुत्रगृध्नुतया कुन्ती न भर्तारं मृतात्वनु । अल्पकालं कुले जाता भर्तुः प्रीतिमवाप या ॥KUMB: १-१६२-४०॥
putragr̥dhnutayā kuntī na bhartāraṁ mr̥tātvanu । alpakālaṁ kulē jātā bhartuḥ prītimavāpa yā ॥KUMB: 1-162-40॥
Out of attachment to her sons, Kunti did not follow her husband in death. She who was born into a noble family and enjoyed her husband’s love only briefly… (KUMB: 1-162-40)
[PV-SVO:01_027_59]
दग्धाऽद्य सह पुत्रैः सा असंपूर्णमनोरा । मृतो भीम इति श्रुत्वा मनो न श्रद्दधाति मे ॥KUMB: १-१६२-४१॥
dagdhā’dya saha putraiḥ sā asaṁpūrṇamanōrā । mr̥tō bhīma iti śrutvā manō na śraddadhāti mē ॥KUMB: 1-162-41॥
Today she was burned with her sons, her hopes unfulfilled. Yet when I hear that Bhima is dead, my mind cannot believe it. (KUMB: 1-162-41)
[PV-SVO:01_027_60]
एतच्च चिन्तयानस्य व्यथितं बहुधा मनः । अवधूय च मे देहं हृदयेन विदीर्यते ॥KUMB: १-१६२-४२॥
ētacca cintayānasya vyathitaṁ bahudhā manaḥ । avadhūya ca mē dēhaṁ hr̥dayēna vidīryatē ॥KUMB: 1-162-42॥
As I think of this, my mind is tormented in many ways; it shakes my body and is torn apart together with my heart. (KUMB: 1-162-42)
[PV-SVO:01_027_61]
पीनस्कन्धश्चारुबाहुर्मेरुकूटसमो युवा । मृतो भीम इति श्रुत्वा मनो न श्रद्दधाति मे ॥KUMB: १-१६२-४३॥
pīnaskandhaścārubāhurmērukūṭasamō yuvā । mr̥tō bhīma iti śrutvā manō na śraddadhāti mē ॥KUMB: 1-162-43॥
When I hear that the young Bhima—broad-shouldered, handsome-armed, and like a peak of Meru—is dead, my mind cannot believe it. (KUMB: 1-162-43)
[PV-SVO:01_027_62]
अतित्यागी च योधी च क्षिप्रहस्तो दृढायुधः । प्रपत्तिमाँल्लब्धलक्षो रथयानविशारदः ॥KUMB: १-१६२-४४॥
atityāgī ca yōdhī ca kṣiprahastō dr̥ḍhāyudhaḥ । prapattimām̐llabdhalakṣō rathayānaviśāradaḥ ॥KUMB: 1-162-44॥
Exceedingly generous and warlike, quick-handed and firm with his weapons, resolute, sure of aim, and skilled in chariot warfare— (KUMB: 1-162-44)
[PV-SVO:01_027_63]
दूरपाती त्वसंभ्रान्तो महावीर्यो महास्त्रवान् । अदीनात्मा नरश्रेष्ठः श्रेष्ठः सर्वधनुष्मताम् ॥KUMB: १-१६२-४५॥
dūrapātī tvasaṁbhrāntō mahāvīryō mahāstravān । adīnātmā naraśrēṣṭhaḥ śrēṣṭhaḥ sarvadhanuṣmatām ॥KUMB: 1-162-45॥
A long-range archer, unflustered, immensely valiant and skilled in mighty weapons, noble in spirit, the finest of men and foremost of all bowmen— (KUMB: 1-162-45)
[PV-SVO:01_027_64]
येन प्राच्याश्च सौवीरा दाक्षिणात्याश्च निर्जिताः । ख्यापितं येन शूरेण त्रिषु लोकेषु पौरुषम् ॥KUMB: १-१६२-४६॥
yēna prācyāśca sauvīrā dākṣiṇātyāśca nirjitāḥ । khyāpitaṁ yēna śūrēṇa triṣu lōkēṣu pauruṣam ॥KUMB: 1-162-46॥
by whom the eastern peoples, the Sauvīras, and the southerners were conquered, and by whose valorous deeds his prowess was renowned throughout the three worlds— (KUMB: 1-162-46)
[PV-SVO:01_027_65]
यस्मिञ्जाते विशोकाऽभूत्कुन्ती पाण्डुश्च वीर्यवान् । पुरन्दरसमो जिष्णुः कथं कालवशं गतः ॥KUMB: १-१६२-४७॥
yasmiñjātē viśōkā’bhūtkuntī pāṇḍuśca vīryavān । purandarasamō jiṣṇuḥ kathaṁ kālavaśaṁ gataḥ ॥KUMB: 1-162-47॥
When he was born, Kunti and the valiant Pandu were freed from sorrow. How did that conqueror, equal to Purandara, fall under the sway of Time? (KUMB: 1-162-47)
[PV-SVO:01_027_66]
कथं तावृषभष्कन्धौ सिंहविक्रान्तगामिनौ । मर्त्यधर्ममनुप्राप्तौ यमावरिनिवर्हणौ ॥KUMB: १-१६२-४८॥
kathaṁ tāvr̥ṣabhaṣkandhau siṁhavikrāntagāminau । martyadharmamanuprāptau yamāvarinivarhaṇau ॥KUMB: 1-162-48॥
How did those two bull-shouldered twins, who strode like lions and destroyed their foes, meet the fate of mortals? (KUMB: 1-162-48)
[PV-SVO:01_027_67]
वत्सा गताः क्व मां वृद्धं विहाय भृशमातुरम् । हा स्नुषे मम वार्ष्णेयि निधाय हृदि मे शुचम् ॥KUMB: १-१६२-४९॥
vatsā gatāḥ kva māṁ vr̥ddhaṁ vihāya bhr̥śamāturam । hā snuṣē mama vārṣṇēyi nidhāya hr̥di mē śucam ॥KUMB: 1-162-49॥
Where have my children gone, abandoning me, old and sorely afflicted? Alas, my daughter-in-law Vārṣṇeyī, leaving grief in my heart! (KUMB: 1-162-49)
[PV-SVO:01_027_68]
वारणावतयात्रायां के स्युर्वै शकुनाः पथि । एवमल्पायुषो लोके भविष्यन्ति पृथासुताः ॥KUMB: १-१६२-५०॥
vāraṇāvatayātrāyāṁ kē syurvai śakunāḥ pathi । ēvamalpāyuṣō lōkē bhaviṣyanti pr̥thāsutāḥ ॥KUMB: 1-162-50॥
What omens could there have been on the road during the journey to Varanavata? Will the sons of Pritha thus be short-lived in this world? (KUMB: 1-162-50)
[PV-SVO:01_027_69]
संशप्ता इति कैर्यूयं वत्सान्दर्शय मे पृथे । ममैव नाथा मन्नाथा मम नेत्राणि पाण्डवाः ॥KUMB: १-१६२-५१॥
saṁśaptā iti kairyūyaṁ vatsāndarśaya mē pr̥thē । mamaiva nāthā mannāthā mama nētrāṇi pāṇḍavāḥ ॥KUMB: 1-162-51॥
Who has cursed you so? Show me the children, Pritha. The Pandavas alone are my protectors; I am their protector, and they are my eyes. (KUMB: 1-162-51)
[PV-SVO:01_027_70]
हा पाण्डवा मे हे वत्सा हा सिंहशिशवो मम । मातङ्गा हा ममोत्तुङ्गा हा ममानन्दवर्धनाः ॥KUMB: १-१६२-५२॥
hā pāṇḍavā mē hē vatsā hā siṁhaśiśavō mama । mātaṅgā hā mamōttuṅgā hā mamānandavardhanāḥ ॥KUMB: 1-162-52॥
Alas, my Pandavas! O my children! Alas, my lion cubs! Alas, my towering elephants! Alas, you who increased my joy! (KUMB: 1-162-52)
[PV-SVO:01_027_71]
मम हीनस्य युष्माभिः सर्वलोकास्तमोवृताः । कदा द्रष्टाऽस्मि कौन्तेयांस्तरुणादित्यवर्चसः ॥KUMB: १-१६२-५३॥
mama hīnasya yuṣmābhiḥ sarvalōkāstamōvr̥tāḥ । kadā draṣṭā’smi kauntēyāṁstaruṇādityavarcasaḥ ॥KUMB: 1-162-53॥
Bereft of you, I find all the worlds shrouded in darkness. When shall I see the sons of Kunti, radiant as the rising sun? (KUMB: 1-162-53)
[PV-SVO:01_027_72]
अदृष्ट्वा वो महाबाहून्पुत्रवन्मम नन्दनाः । क्व गतिर्मे क्व गच्छामि कुतो द्रक्ष्यामि मे शिशून् ॥KUMB: १-१६२-५४॥
adr̥ṣṭvā vō mahābāhūnputravanmama nandanāḥ । kva gatirmē kva gacchāmi kutō drakṣyāmi mē śiśūn ॥KUMB: 1-162-54॥
Without seeing you, mighty-armed men, who are like sons to me and my delight, what refuge is there for me? Where shall I go? How shall I see my children? (KUMB: 1-162-54)
[PV-SVO:01_027_73]
हा युधिष्ठिर हा भीम हा हा फल्गुन हा यमौ । मा गच्छत निवर्तध्वं मयि कोपं विमुञ्चत ॥KUMB: १-१६२-५५॥
hā yudhiṣṭhira hā bhīma hā hā phalguna hā yamau । mā gacchata nivartadhvaṁ mayi kōpaṁ vimuñcata ॥KUMB: 1-162-55॥
Alas, Yudhishthira! Alas, Bhima! Alas, alas, Phalguna! Alas, you twins! Do not go! Turn back! Let go of your anger toward me! (KUMB: 1-162-55)
[PV-SVO:01_027_74]
श्रुत्वा तत्क्रन्दितं तस्य तिलोदं च प्रसिञ्चतः । देशं कालं समाज्ञाय विदुरः प्रत्यभाषत ॥KUMB: १-१६२-५६॥
śrutvā tatkranditaṁ tasya tilōdaṁ ca prasiñcataḥ । dēśaṁ kālaṁ samājñāya viduraḥ pratyabhāṣata ॥KUMB: 1-162-56॥
Hearing his lament as he poured out the sesame water, Vidura, mindful of the place and time, replied: (KUMB: 1-162-56)
[PV-SVO:01_027_75]
मा शोचीस्त्वं नरव्याघ्र जहि शोकं महाधृते । न तेषां विद्यते मृत्युः प्राप्तकालं कृतं मया ॥KUMB: १-१६२-५७॥
mā śōcīstvaṁ naravyāghra jahi śōkaṁ mahādhr̥tē । na tēṣāṁ vidyatē mr̥tyuḥ prāptakālaṁ kr̥taṁ mayā ॥KUMB: 1-162-57॥
Do not grieve, tiger among men; cast off your sorrow, you of great resolve. They are not dead; I did what the occasion required. (KUMB: 1-162-57)
[PV-SVO:01_027_76]
एतच्च तेभ्य उदकं विप्रसिञ्च न भारत । क्षत्तेदमब्रवीद्भीष्मं कौरवाणामशृण्वताम् ॥KUMB: १-१६२-५८॥
ētacca tēbhya udakaṁ viprasiñca na bhārata । kṣattēdamabravīdbhīṣmaṁ kauravāṇāmaśr̥ṇvatām ॥KUMB: 1-162-58॥
And do not pour out this water for them, O Bharata. The chamberlain said this to Bhishma without the Kauravas hearing. (KUMB: 1-162-58)
[PV-SVO:01_027_77]
क्षत्तारमुपसंगम्य बाष्पोत्पीडकलस्वरः । मन्दंमन्दमुवाचेदं विदुरं संगमे नृप ॥KUMB: १-१६२-५९॥
kṣattāramupasaṁgamya bāṣpōtpīḍakalasvaraḥ । mandaṁmandamuvācēdaṁ viduraṁ saṁgamē nr̥pa ॥KUMB: 1-162-59॥
Bhishma approached the chamberlain Vidura and, his voice faltering under the pressure of tears, slowly said this to him when they met, O king: (KUMB: 1-162-59)
[PV-SVO:01_027_78]
कथं ते तात जीवन्ति पाण्डोः पुत्रा महाबलाः । कथमस्मत्कृते पक्षः पाण्डोर्न हि निपातितः ॥KUMB: १-१६२-६०॥
kathaṁ tē tāta jīvanti pāṇḍōḥ putrā mahābalāḥ । kathamasmatkr̥tē pakṣaḥ pāṇḍōrna hi nipātitaḥ ॥KUMB: 1-162-60॥
How are those mighty sons of Pandu still alive, dear one? How was Pandu’s line not destroyed because of us? (KUMB: 1-162-60)
[PV-SVO:01_027_79]
कथं मत्प्रमुखाः सर्वे प्रमुक्ता महतो भयात् । जननी गरुडेनेव कुरवस्ते समुद्धृताः ॥KUMB: १-१६२-६१॥
kathaṁ matpramukhāḥ sarvē pramuktā mahatō bhayāt । jananī garuḍēnēva kuravastē samuddhr̥tāḥ ॥KUMB: 1-162-61॥
How were all the Kurus, with me at their head, freed from the great danger and rescued by you, as Garuda rescued his mother? (KUMB: 1-162-61)
[PV-SVO:01_027_80]
एवमुक्तस्तु कौरव्य कौरवाणामशृण्वताम् । आचचक्षे स धर्मात्मा भीष्मायाद्भुतकर्मणे ॥KUMB: १-१६२-६२॥
ēvamuktastu kauravya kauravāṇāmaśr̥ṇvatām । ācacakṣē sa dharmātmā bhīṣmāyādbhutakarmaṇē ॥KUMB: 1-162-62॥
Thus addressed, O Kauravya, that righteous man told Bhishma, the doer of wondrous deeds, without the Kauravas hearing: (KUMB: 1-162-62)
[PV-SVO:01_027_81]
धृतराष्ट्रस्य शकुने राज्ञो दुर्योधनस्य च । विनाशे पाण्डुपुत्राणां कृतो मतिविनिश्चयः ॥KUMB: १-१६२-६३॥
dhr̥tarāṣṭrasya śakunē rājñō duryōdhanasya ca । vināśē pāṇḍuputrāṇāṁ kr̥tō mativiniścayaḥ ॥KUMB: 1-162-63॥
Dhritarashtra, Shakuni, and King Duryodhana have firmly resolved to destroy the sons of Pandu. (KUMB: 1-162-63)
[PV-SVO:01_027_82]
तत्राहमपि च ज्ञात्वा तस्य पापस्य निश्चयम् । तं जिघांसुरहं चापि तेषामनुमते स्थितः ॥KUMB: १-१६२-६४॥
tatrāhamapi ca jñātvā tasya pāpasya niścayam । taṁ jighāṁsurahaṁ cāpi tēṣāmanumatē sthitaḥ ॥KUMB: 1-162-64॥
In that affair, having learned of that wicked man’s resolve, I too wished to kill him and joined in their plan. (KUMB: 1-162-64)
[PV-SVO:01_027_83]
ततो जतुगृहं गत्वा दहनेऽस्मिन्नियोजिते । पृथायाश्च सपुत्राया धार्तराष्ट्रस्य शासनात् ॥KUMB: १-१६२-६५॥
tatō jatugr̥haṁ gatvā dahanē’sminniyōjitē । pr̥thāyāśca saputrāyā dhārtarāṣṭrasya śāsanāt ॥KUMB: 1-162-65॥
Then, having gone to the house of lac, when this burning of Pritha and her sons had been ordered at the command of Dhritarashtra’s son… (KUMB: 1-162-65)
[PV-SVO:01_027_84]
ततः खनकमाहूय सुरङ्गं वै बिलं तदा । सुगूढं कारयित्वा ते कुन्त्या पाण्डुसुतास्तदा ॥KUMB: १-१६२-६६॥
tataḥ khanakamāhūya suraṅgaṁ vai bilaṁ tadā । sugūḍhaṁ kārayitvā tē kuntyā pāṇḍusutāstadā ॥KUMB: 1-162-66॥
Then, after I had summoned a miner and had a well-concealed underground passage dug, those sons of Pandu, together with Kunti... (KUMB: 1-162-66)
[PV-SVO:01_027_85]
निष्क्रामिता मया पूर्वं मा स्म शोके मनः कृथाः । ततस्तु नावमारोप्य सहपुत्रां पृथामहम् ॥KUMB: १-१६२-६७॥
niṣkrāmitā mayā pūrvaṁ mā sma śōkē manaḥ kr̥thāḥ । tatastu nāvamārōpya sahaputrāṁ pr̥thāmaham ॥KUMB: 1-162-67॥
I had already helped them escape; do not give way to grief. Then, having put Pritha and her sons aboard a boat, I… (KUMB: 1-162-67)
[PV-SVO:01_027_86]
दत्त्वाऽभयं सपुत्रायै कुन्त्यै गृहमदाहयम् । तस्मात्ते मा स्म भूद्दुःखं मुक्ताः पापात्तु पाण्डवाः ॥KUMB: १-१६२-६८॥
dattvā’bhayaṁ saputrāyai kuntyai gr̥hamadāhayam । tasmāttē mā sma bhūdduḥkhaṁ muktāḥ pāpāttu pāṇḍavāḥ ॥KUMB: 1-162-68॥
After assuring Kunti and her sons of safety, I had the house burned. Therefore, do not grieve; the Pandavas escaped that danger. (KUMB: 1-162-68)
[PV-SVO:01_027_87]
निर्गताः पाण्डवा राजन्मात्रा सह परन्तपाः । अग्निहादान्महाघोरान्मया तस्मादुपायतः ॥KUMB: १-१६२-६९॥
nirgatāḥ pāṇḍavā rājanmātrā saha parantapāḥ । agnihādānmahāghōrānmayā tasmādupāyataḥ ॥KUMB: 1-162-69॥
The foe-scorching Pandavas, O king, escaped with their mother from the terrible conflagration through that stratagem of mine. (KUMB: 1-162-69)
[PV-SVO:01_027_88]
मा स्म शोकमिमं कार्षीर्जीवन्त्येव च पाण्डवाः । प्रच्छन्ना विचरिष्यन्ति यावत्कालस्य पर्ययः ॥KUMB: १-१६२-७०॥
mā sma śōkamimaṁ kārṣīrjīvantyēva ca pāṇḍavāḥ । pracchannā vicariṣyanti yāvatkālasya paryayaḥ ॥KUMB: 1-162-70॥
Do not give way to this grief. The Pandavas are indeed alive, and they will wander in concealment until the appointed time has passed. (KUMB: 1-162-70)
[PV-SVO:01_027_89]
तस्मिन्युधिष्ठिरं काले द्रक्ष्यन्ति भुवि मानवाः । विमलं कृष्णपक्षान्ते जगच्चन्द्रमिवोदितम् ॥KUMB: १-१६२-७१॥
tasminyudhiṣṭhiraṁ kālē drakṣyanti bhuvi mānavāḥ । vimalaṁ kr̥ṣṇapakṣāntē jagaccandramivōditam ॥KUMB: 1-162-71॥
When that time comes, people on earth will behold Yudhishthira, radiant like the moon rising clear at the end of the dark fortnight. (KUMB: 1-162-71)
[PV-SVO:01_027_90]
न तस्य नाशं पश्यामि यस्य भ्राता धनञ्जयः । भीमसेनश्च दुर्धर्षौ माद्रीपुत्रौ च तौ यमौ ॥KUMB: १-१६२-७२॥
na tasya nāśaṁ paśyāmi yasya bhrātā dhanañjayaḥ । bhīmasēnaśca durdharṣau mādrīputrau ca tau yamau ॥KUMB: 1-162-72॥
I foresee no destruction for one whose brothers are Dhanañjaya and Bhīmasena, as well as those two invincible twins, the sons of Mādrī. (KUMB: 1-162-72)
[PV-SVO:01_027_91]
ततः संहृष्टसर्वाङ्गो भीष्मो विदुरमब्रवीत् । दिष्ट्यादिष्ट्येति संहृष्टः पूजयानो महामतिम् ॥KUMB: १-१६२-७३॥
tataḥ saṁhr̥ṣṭasarvāṅgō bhīṣmō viduramabravīt । diṣṭyādiṣṭyēti saṁhr̥ṣṭaḥ pūjayānō mahāmatim ॥KUMB: 1-162-73॥
Then Bhishma, thrilled in every limb, said to Vidura, “Thank heaven! Thank heaven!” Rejoicing, he honored the greatly wise man. (KUMB: 1-162-73)
[PV-SVO:01_027_92]
युक्तं चैवानुरूपं च कृतं तात शुभं त्वया । वयं विमोक्षिता दुःखात्पाण्डुपक्षो न नाशितः ॥KUMB: १-१६२-७४॥
yuktaṁ caivānurūpaṁ ca kr̥taṁ tāta śubhaṁ tvayā । vayaṁ vimōkṣitā duḥkhātpāṇḍupakṣō na nāśitaḥ ॥KUMB: 1-162-74॥
Dear one, what you have done is both fitting and appropriate. You have delivered us from sorrow, and Pandu’s line has not been destroyed. (KUMB: 1-162-74)
[PV-SVO:01_027_93]
एवमुक्त्वा विवेशाथ पुरं जनशताकुलम् । कुरुभिः सहितो राजन्नागरैश्च पितामहः ॥KUMB: १-१६२-७५॥
ēvamuktvā vivēśātha puraṁ janaśatākulam । kurubhiḥ sahitō rājannāgaraiśca pitāmahaḥ ॥KUMB: 1-162-75॥
Having said this, the grandfather entered the city, crowded with hundreds of people, together with the Kurus and the townspeople, O king. (KUMB: 1-162-75)
[PV-SVO:01_027_94]
अथाम्बिकेयः सामात्यः सकर्णः सहसौबलः । सात्मजः पार्थनाशस्य स्मरंस्तथ्यं जहर्ष च ॥KUMB: १-१६२-७६॥
athāmbikēyaḥ sāmātyaḥ sakarṇaḥ sahasaubalaḥ । sātmajaḥ pārthanāśasya smaraṁstathyaṁ jaharṣa ca ॥KUMB: 1-162-76॥
Then Ambikā’s son, together with his ministers, Karṇa, Saubala, and his own sons, rejoiced as he recalled the Pārthas’ destruction as a fact. (KUMB: 1-162-76)
[PV-SVO:01_027_95]
भीष्मश्च राजन्दुर्धर्षो विदुरश्च महामतिः । जहृषाते स्मरन्तौ तौ जातुषाग्नेर्विमोचनम् ॥KUMB: १-१६२-७७॥
bhīṣmaśca rājandurdharṣō viduraśca mahāmatiḥ । jahr̥ṣātē smarantau tau jātuṣāgnērvimōcanam ॥KUMB: 1-162-77॥
O king, the formidable Bhishma and the exceedingly wise Vidura rejoiced, remembering the escape from the lacquer fire. (KUMB: 1-162-77)
[PV-SVO:01_027_96]
सत्यशीलगुणाचारै रागैर्जानपदोद्भवैः । द्रोणादयश्च धर्मैस्तु तेषां तान्मोचितान्विदुः ॥KUMB: १-१६२-७८॥
satyaśīlaguṇācārai rāgairjānapadōdbhavaiḥ । drōṇādayaśca dharmaistu tēṣāṁ tānmōcitānviduḥ ॥KUMB: 1-162-78॥
Drona and the others, in turn, knew from their truthfulness, character, virtues, conduct, the affection that had arisen among the people of the realm, and their righteous deeds that they had been rescued. (KUMB: 1-162-78)
[PV-SVO:01_027_97]
शौर्यलावण्यमाहात्म्यै रूपैः प्राणबलैरपि । स्वस्थान्पार्थानमन्यन्त पौरजानपदास्तथा ॥KUMB: १-१६२-७९॥
śauryalāvaṇyamāhātmyai rūpaiḥ prāṇabalairapi । svasthānpārthānamanyanta paurajānapadāstathā ॥KUMB: 1-162-79॥
Likewise, the townspeople and country folk, considering their courage, beauty, greatness, appearance, and vitality, believed the sons of Pritha to be safe and well. (KUMB: 1-162-79)
[PV-SVO:01_027_98]
अन्ये जनाः प्राकृताश्च स्त्रियश्च बहुलास्तदा । शङ्कमाना वदन्ति स्म दग्धा जीवन्ति वा न वा ॥KUMB: १-१६२-८०॥
anyē janāḥ prākr̥tāśca striyaśca bahulāstadā । śaṅkamānā vadanti sma dagdhā jīvanti vā na vā ॥KUMB: 1-162-80॥
Other ordinary people, and many women, then said uncertainly, “Were they burned, or are they alive—or not?” (KUMB: 1-162-80)
[PV-SVO:01_027_99]
वैशम्पायन उवाच॥
vaiśampāyana uvāca॥
Vaiśampāyana said:
[PV-KDV:01_027_100]
तेन विक्रमता तूर्णमूरुवेगसमीरितम् । प्रववावनिलो राजञ्शुचिशुक्रागमे यथा ॥BORI: १-१३८-१॥
tēna vikramatā tūrṇamūruvēgasamīritam । pravavāvanilō rājañśuciśukrāgamē yathā ॥BORI: 1-138-1॥
O king, as he rushed swiftly onward, the wind stirred by the speed of his thighs blew as it does at the coming of Śuci and Śukra. (BORI: 1-138-1)
[PV-KDV:01_027_101]
स मृद्नन्पुष्पितांश्चैव फलितांश्च वनस्पतीन् । आरुजन्दारुगुल्मांश्च पथस्तस्य समीपजान् ॥BORI: १-१३८-२॥
sa mr̥dnanpuṣpitāṁścaiva phalitāṁśca vanaspatīn । ārujandārugulmāṁśca pathastasya samīpajān ॥BORI: 1-138-2॥
Crushing flowering and fruit-bearing trees and breaking the trees and shrubs growing near his path… (BORI: 1-138-2)
[PV-KDV:01_027_102]
तथा वृक्षान्भञ्जमानो जगामामितविक्रमः । तस्य वेगेन पाण्डूनां मूर्च्छेव समजायत ॥BORI: १-१३८-३॥
tathā vr̥kṣānbhañjamānō jagāmāmitavikramaḥ । tasya vēgēna pāṇḍūnāṁ mūrcchēva samajāyata ॥BORI: 1-138-3॥
Thus the warrior of immeasurable prowess went on, breaking trees; from the force of his speed, the Pandavas nearly fainted. (BORI: 1-138-3)
[PV-KDV:01_027_103]
असकृच्चापि सन्तीर्य दूरपारं भुजप्लवैः । पथि प्रच्छन्नमासेदुर्धार्तराष्ट्रभयात्तदा ॥BORI: १-१३८-४॥
asakr̥ccāpi santīrya dūrapāraṁ bhujaplavaiḥ । pathi pracchannamāsēdurdhārtarāṣṭrabhayāttadā ॥BORI: 1-138-4॥
After repeatedly swimming across broad rivers, using their arms as floats, they then traveled in concealment for fear of Dhritarashtra’s sons. (BORI: 1-138-4)
[PV-KDV:01_027_104]
कृच्छ्रेण मातरं त्वेकां सुकुमारीं यशस्विनीम् । अवहत्तत्र पृष्ठेन रोधःसु विषमेषु च ॥BORI: १-१३८-५॥
kr̥cchrēṇa mātaraṁ tvēkāṁ sukumārīṁ yaśasvinīm । avahattatra pr̥ṣṭhēna rōdhaḥsu viṣamēṣu ca ॥BORI: 1-138-5॥
But there, with difficulty, he carried on his back their delicate and illustrious mother alone, over the banks and across uneven ground. (BORI: 1-138-5)
[PV-KDV:01_027_105]
आगमंस्ते वनोद्देशमल्पमूलफलोदकम् । क्रूरपक्षिमृगं घोरं सायाह्ने भरतर्षभाः ॥BORI: १-१३८-६॥
āgamaṁstē vanōddēśamalpamūlaphalōdakam । krūrapakṣimr̥gaṁ ghōraṁ sāyāhnē bharatarṣabhāḥ ॥BORI: 1-138-6॥
At evening, those bulls of Bharata came to a terrible tract of forest with few roots, fruits, or sources of water, and inhabited by fierce birds and beasts. (BORI: 1-138-6)
[PV-KDV:01_027_106]
घोरा समभवत्सन्ध्या दारुणा मृगपक्षिणः । अप्रकाशा दिशः सर्वा वातैरासन्ननार्तवैः ॥BORI: १-१३८-७॥
ghōrā samabhavatsandhyā dāruṇā mr̥gapakṣiṇaḥ । aprakāśā diśaḥ sarvā vātairāsannanārtavaiḥ ॥BORI: 1-138-7॥
Twilight became dreadful, and the beasts and birds were fierce. Every direction was dark and swept by unseasonable winds. (BORI: 1-138-7)
[PV-KDV:01_027_107]
ते श्रमेण च कौरव्यास्तृष्णया च प्रपीडिताः । नाशक्नुवंस्तदा गन्तुं निद्रया च प्रवृद्धया ॥BORI: १-१३८-८॥
tē śramēṇa ca kauravyāstr̥ṣṇayā ca prapīḍitāḥ । nāśaknuvaṁstadā gantuṁ nidrayā ca pravr̥ddhayā ॥BORI: 1-138-8॥
Then the Kauravas, tormented by exhaustion and thirst and overcome by deepening sleep, were unable to go on. (BORI: 1-138-8)
[PV-KDV:01_027_108]
ततो भीमो वनं घोरं प्रविश्य विजनं महत् । न्यग्रोधं विपुलच्छायं रमणीयमुपाद्रवत् ॥BORI: १-१३८-९॥
tatō bhīmō vanaṁ ghōraṁ praviśya vijanaṁ mahat । nyagrōdhaṁ vipulacchāyaṁ ramaṇīyamupādravat ॥BORI: 1-138-9॥
Then Bhima entered the vast, fearsome, deserted forest and hastened toward a delightful banyan tree with ample shade. (BORI: 1-138-9)
[PV-KDV:01_027_109]
तत्र निक्षिप्य तान्सर्वानुवाच भरतर्षभः । पानीयं मृगयामीह विश्रमध्वमिति प्रभो ॥BORI: १-१३८-१०॥
tatra nikṣipya tānsarvānuvāca bharatarṣabhaḥ । pānīyaṁ mr̥gayāmīha viśramadhvamiti prabhō ॥BORI: 1-138-10॥
There he set them all down and said, “I will look for water here. Rest yourselves,” O lord of the Bharatas. (BORI: 1-138-10)
[PV-KDV:01_027_110]
एते रुवन्ति मधुरं सारसा जलचारिणः । ध्रुवमत्र जलस्थायो महानिति मतिर्मम ॥BORI: १-१३८-११॥
ētē ruvanti madhuraṁ sārasā jalacāriṇaḥ । dhruvamatra jalasthāyō mahāniti matirmama ॥BORI: 1-138-11॥
These water-dwelling cranes are calling sweetly. Surely there is a large body of water here—so I think. (BORI: 1-138-11)
[PV-KDV:01_027_111]
अनुज्ञातः स गच्छेति भ्रात्रा ज्येष्ठेन भारत । जगाम तत्र यत्र स्म रुवन्ति जलचारिणः ॥BORI: १-१३८-१२॥
anujñātaḥ sa gacchēti bhrātrā jyēṣṭhēna bhārata । jagāma tatra yatra sma ruvanti jalacāriṇaḥ ॥BORI: 1-138-12॥
With his elder brother’s permission to go, O Bharata, he went to the place where the waterbirds were calling. (BORI: 1-138-12)
[PV-KDV:01_027_112]
स तत्र पीत्वा पानीयं स्नात्वा च भरतर्षभ । उत्तरीयेण पानीयमाजहार तदा नृप ॥BORI: १-१३८-१३॥
sa tatra pītvā pānīyaṁ snātvā ca bharatarṣabha । uttarīyēṇa pānīyamājahāra tadā nr̥pa ॥BORI: 1-138-13॥
There he drank the water and bathed, O bull of the Bharatas; then, O king, he carried water back in his upper garment. (BORI: 1-138-13)
[PV-KDV:01_027_113]
गव्यूतिमात्रादागत्य त्वरितो मातरं प्रति । स सुप्तां मातरं दृष्ट्वा भ्रातृंश्च वसुधातले । भृशं दुःखपरीतात्मा विललाप वृकोदरः ॥BORI: १-१३८-१४॥
gavyūtimātrādāgatya tvaritō mātaraṁ prati । sa suptāṁ mātaraṁ dr̥ṣṭvā bhrātr̥ṁśca vasudhātalē । bhr̥śaṁ duḥkhaparītātmā vilalāpa vr̥kōdaraḥ ॥BORI: 1-138-14॥
Having hurried back from a distance of a gavyuti to his mother, Vrikodara saw her and his brothers asleep on the ground and lamented, overwhelmed with deep sorrow. (BORI: 1-138-14)
[PV-KDV:01_027_114]
शयनेषु परार्ध्येषु ये पुरा वारणावते । नाधिजग्मुस्तदा निद्रां तेऽद्य सुप्ता महीतले ॥BORI: १-१३८-१५॥
śayanēṣu parārdhyēṣu yē purā vāraṇāvatē । nādhijagmustadā nidrāṁ tē’dya suptā mahītalē ॥BORI: 1-138-15॥
Those who formerly, in Varanavata, could find no sleep on the finest beds now lie asleep upon the ground. (BORI: 1-138-15)
[PV-KDV:01_027_115]
स्वसारं वसुदेवस्य शत्रुसङ्घावमर्दिनः । कुन्तिभोजसुतां कुन्तीं सर्वलक्षणपूजिताम् ॥BORI: १-१३८-१६॥
svasāraṁ vasudēvasya śatrusaṅghāvamardinaḥ । kuntibhōjasutāṁ kuntīṁ sarvalakṣaṇapūjitām ॥BORI: 1-138-16॥
the sister of Vasudeva, the crusher of hosts of enemies—Kunti, daughter of Kuntibhoja, honored for every auspicious mark— (BORI: 1-138-16)
[PV-PAX:01_027_116]
स्नुषां विचित्रवीर्यस्य भार्यां पाण्डोर्महात्मनः । प्रासादशयनां नित्यं पुण्डरीकान्तरप्रभाम् ॥BORI: १-१३८-१७॥
snuṣāṁ vicitravīryasya bhāryāṁ pāṇḍōrmahātmanaḥ । prāsādaśayanāṁ nityaṁ puṇḍarīkāntaraprabhām ॥BORI: 1-138-17॥
Vicitravīrya’s daughter-in-law and the wife of the noble Pāṇḍu, who always slept in a palace and shone like the heart of a lotus... (BORI: 1-138-17)
[PV-PAX:01_027_117]
सुकुमारतरां स्त्रीणां महार्हशयनोचिताम् । शयानां पश्यताद्येह पृथिव्यामतथोचिताम् ॥BORI: १-१३८-१८॥
sukumāratarāṁ strīṇāṁ mahārhaśayanōcitām । śayānāṁ paśyatādyēha pr̥thivyāmatathōcitām ॥BORI: 1-138-18॥
Behold her lying here today on the ground—the most delicate of women, accustomed to a costly bed and wholly unsuited to this. (BORI: 1-138-18)
[PV-KDV:01_027_118]
धर्मादिन्द्राच्च वायोश्च सुषुवे या सुतानिमान् । सेयं भूमौ परिश्रान्ता शेते ह्यद्यातथोचिता ॥BORI: १-१३८-१९॥
dharmādindrācca vāyōśca suṣuvē yā sutānimān । sēyaṁ bhūmau pariśrāntā śētē hyadyātathōcitā ॥BORI: 1-138-19॥
She who bore these sons by Dharma, Indra, and Vayu now lies exhausted on the ground, in circumstances so unworthy of her. (BORI: 1-138-19)
[PV-KDV:01_027_119]
किं नु दुःखतरं शक्यं मया द्रष्टुमतः परम् । योऽहमद्य नरव्याघ्रान्सुप्तान्पश्यामि भूतले ॥BORI: १-१३८-२०॥
kiṁ nu duḥkhataraṁ śakyaṁ mayā draṣṭumataḥ param । yō’hamadya naravyāghrānsuptānpaśyāmi bhūtalē ॥BORI: 1-138-20॥
What greater sorrow could I possibly behold than this, when today I see these tiger-like men asleep upon the ground? (BORI: 1-138-20)
[PV-KDV:01_027_120]
त्रिषु लोकेषु यद्राज्यं धर्मविद्योऽर्हते नृपः । सोऽयं भूमौ परिश्रान्तः शेते प्राकृतवत्कथम् ॥BORI: १-१३८-२१॥
triṣu lōkēṣu yadrājyaṁ dharmavidyō’rhatē nr̥paḥ । sō’yaṁ bhūmau pariśrāntaḥ śētē prākr̥tavatkatham ॥BORI: 1-138-21॥
How can this king, who knows dharma and deserves sovereignty over the three worlds, now lie exhausted on the ground like an ordinary man? (BORI: 1-138-21)
[PV-KDV:01_027_121]
अयं नीलाम्बुदश्यामो नरेष्वप्रतिमो भुवि । शेते प्राकृतवद्भूमावतो दुःखतरं नु किम् ॥BORI: १-१३८-२२॥
ayaṁ nīlāmbudaśyāmō narēṣvapratimō bhuvi । śētē prākr̥tavadbhūmāvatō duḥkhataraṁ nu kim ॥BORI: 1-138-22॥
This man, dark as a blue rain cloud and without equal among men on earth, lies on the ground like a commoner. What could be more painful than this? (BORI: 1-138-22)
[PV-KDV:01_027_122]
अश्विनाविव देवानां याविमौ रूपसम्पदा । तौ प्राकृतवदद्येमौ प्रसुप्तौ धरणीतले ॥BORI: १-१३८-२३॥
aśvināviva dēvānāṁ yāvimau rūpasampadā । tau prākr̥tavadadyēmau prasuptau dharaṇītalē ॥BORI: 1-138-23॥
These two, who in beauty resemble the Aśvins among the gods, now lie asleep upon the ground like common men. (BORI: 1-138-23)
[PV-KDV:01_027_123]
ज्ञातयो यस्य नैव स्युर्विषमाः कुलपांसनाः । स जीवेत्सुसुखं लोके ग्रामे द्रुम इवैकजः ॥BORI: १-१३८-२४॥
jñātayō yasya naiva syurviṣamāḥ kulapāṁsanāḥ । sa jīvētsusukhaṁ lōkē grāmē druma ivaikajaḥ ॥BORI: 1-138-24॥
A man who had no troublesome relatives disgracing his family would live very happily in the world, like a solitary tree in a village. (BORI: 1-138-24)
[PV-KDV:01_027_124]
एको वृक्षो हि यो ग्रामे भवेत्पर्णफलान्वितः । चैत्यो भवति निर्ज्ञातिरर्चनीयः सुपूजितः ॥BORI: १-१३८-२५॥
ēkō vr̥kṣō hi yō grāmē bhavētparṇaphalānvitaḥ । caityō bhavati nirjñātirarcanīyaḥ supūjitaḥ ॥BORI: 1-138-25॥
Indeed, a solitary tree in a village, laden with leaves and fruit, though without kin, becomes a sacred tree, worthy of worship and greatly revered. (BORI: 1-138-25)
[PV-KDV:01_027_125]
येषां च बहवः शूरा ज्ञातयो धर्मसंश्रिताः । ते जीवन्ति सुखं लोके भवन्ति च निरामयाः ॥BORI: १-१३८-२६॥
yēṣāṁ ca bahavaḥ śūrā jñātayō dharmasaṁśritāḥ । tē jīvanti sukhaṁ lōkē bhavanti ca nirāmayāḥ ॥BORI: 1-138-26॥
Those who have many valiant kinsmen devoted to righteousness live happily in the world and remain free from affliction. (BORI: 1-138-26)
[PV-KDV:01_027_126]
बलवन्तः समृद्धार्था मित्रबान्धवनन्दनाः । जीवन्त्यन्योन्यमाश्रित्य द्रुमाः काननजा इव ॥BORI: १-१३८-२७॥
balavantaḥ samr̥ddhārthā mitrabāndhavanandanāḥ । jīvantyanyōnyamāśritya drumāḥ kānanajā iva ॥BORI: 1-138-27॥
Strong and prosperous, bringing joy to their friends and kinsmen, they live in mutual reliance, like trees growing in a forest. (BORI: 1-138-27)
[PV-KDV:01_027_127]
वयं तु धृतराष्ट्रेण सपुत्रेण दुरात्मना । विवासिता न दग्धाश्च कथञ्चित्तस्य शासनात् ॥BORI: १-१३८-२८॥
vayaṁ tu dhr̥tarāṣṭrēṇa saputrēṇa durātmanā । vivāsitā na dagdhāśca kathañcittasya śāsanāt ॥BORI: 1-138-28॥
But we were exiled by the wicked Dhritarashtra and his sons, and only narrowly escaped being burned at his command. (BORI: 1-138-28)
[PV-KDV:01_027_128]
तस्मान्मुक्ता वयं दाहादिमं वृक्षमुपाश्रिताः । कां दिशं प्रतिपत्स्यामः प्राप्ताः क्लेशमनुत्तमम् ॥BORI: १-१३८-२९॥
tasmānmuktā vayaṁ dāhādimaṁ vr̥kṣamupāśritāḥ । kāṁ diśaṁ pratipatsyāmaḥ prāptāḥ klēśamanuttamam ॥BORI: 1-138-29॥
Having escaped that fire, we have taken shelter beneath this tree. Afflicted by the utmost hardship, which way shall we go? (BORI: 1-138-29)
[PV-KDV:01_027_129]
नातिदूरे च नगरं वनादस्माद्धि लक्षये । जागर्तव्ये स्वपन्तीमे हन्त जागर्म्यहं स्वयम् ॥BORI: १-१३८-३०॥
nātidūrē ca nagaraṁ vanādasmāddhi lakṣayē । jāgartavyē svapantīmē hanta jāgarmyahaṁ svayam ॥BORI: 1-138-30॥
I can see that a city is not very far from this forest. They are asleep when they should be keeping watch; very well, I shall keep watch myself. (BORI: 1-138-30)
[PV-KDV:01_027_130]
पास्यन्तीमे जलं पश्चात्प्रतिबुद्धा जितक्लमाः । इति भीमो व्यवस्यैव जजागार स्वयं तदा ॥BORI: १-१३८-३१॥
pāsyantīmē jalaṁ paścātpratibuddhā jitaklamāḥ । iti bhīmō vyavasyaiva jajāgāra svayaṁ tadā ॥BORI: 1-138-31॥
“Later, when they awaken refreshed, they will drink water.” Resolving this, Bhima himself remained awake then. (BORI: 1-138-31)
[PV-KDV:01_027_131]
वनं सवृक्षविटपं व्याघूर्णितमिवाभवत् ॥KUMB: १-१६३-१; NILA: ०१.१५१.००१॥
vanaṁ savr̥kṣaviṭapaṁ vyāghūrṇitamivābhavat ॥KUMB: 1-163-1; NILA: 01.151.001॥
The forest, with its trees and branches, seemed to reel. (KUMB: 1-163-1; NILA: 01.151.001)
[PV-SVO:01_027_132]
आवर्जितालतावृक्षं मार्गं चक्रे महाबलः ॥KUMB: १-१६३-२; NILA: ०१.१५१.००२॥
āvarjitālatāvr̥kṣaṁ mārgaṁ cakrē mahābalaḥ ॥KUMB: 1-163-2; NILA: 01.151.002॥
The mighty one made a path, bending aside the creepers and trees. (KUMB: 1-163-2; NILA: 01.151.002)
[PV-SVO:01_027_133]
त्रिप्रस्रुतमदः शुष्मी षष्टिवर्षो मतङ्गराट् ॥KUMB: १-१६३-४; NILA: ०१.१५१.००४॥
triprasrutamadaḥ śuṣmī ṣaṣṭivarṣō mataṅgarāṭ ॥KUMB: 1-163-4; NILA: 01.151.004॥
the vigorous, sixty-year-old king of elephants, with rut-fluid streaming from three places (KUMB: 1-163-4; NILA: 01.151.004)
[PV-SVO:01_027_134]
गच्छतस्तस्य वेगेन तार्क्ष्यमारुतरंहसः ॥KUMB: १-१६३-५; NILA: ०१.१५१.००५॥
gacchatastasya vēgēna tārkṣyamārutaraṁhasaḥ ॥KUMB: 1-163-5; NILA: 01.151.005॥
As he advanced with the speed of Garuda and the wind… (KUMB: 1-163-5; NILA: 01.151.005)
[PV-SVO:01_027_135]
शीर्णपर्णफलै राजन्बहुगुल्मक्षुपद्रुमैः । भग्नावभुग्नभूयिष्ठैर्नानाद्रुमसमाकुलैः ॥KUMB: १-१६३-१०; NILA: ०१.१५१.०१०॥
śīrṇaparṇaphalai rājanbahugulmakṣupadrumaiḥ । bhagnāvabhugnabhūyiṣṭhairnānādrumasamākulaiḥ ॥KUMB: 1-163-10; NILA: 01.151.010॥
O king, with fallen leaves and fruit, numerous thickets, shrubs, and trees—most of them broken or bent—and dense growths of trees of many kinds... (KUMB: 1-163-10; NILA: 01.151.010)
[PV-SVO:01_027_136]
न्यविशन्ति हि ते सर्वे निरास्वादे महावने । ततस्तृषा परिक्लन्ता कुन्ती वचनमब्रवीत् ॥KUMB: १-१६३-१२; NILA: ०१.१५१.०१२॥
nyaviśanti hi tē sarvē nirāsvādē mahāvanē । tatastr̥ṣā pariklantā kuntī vacanamabravīt ॥KUMB: 1-163-12; NILA: 01.151.012॥
They all settled in that vast, inhospitable forest. Then Kunti, tormented by thirst, said: (KUMB: 1-163-12; NILA: 01.151.012)
[PV-SVO:01_027_137]
रात्र्यामेव गतास्तूर्णं चतुर्विंशतियोजनम् ॥KUMB: १-१६३-१२॥
rātryāmēva gatāstūrṇaṁ caturviṁśatiyōjanam ॥KUMB: 1-163-12॥
They had traveled swiftly that very night for twenty-four yojanas. (KUMB: 1-163-12)
[PV-SVO:01_027_138]
माता सती पाण्डवानां पञ्चानां मध्यतः स्थिता । तृष्णया हि परीताऽहमनाथेव महावने ॥KUMB: १-१६३-१३; NILA: ०१.१५१.०१३॥
mātā satī pāṇḍavānāṁ pañcānāṁ madhyataḥ sthitā । tr̥ṣṇayā hi parītā’hamanāthēva mahāvanē ॥KUMB: 1-163-13; NILA: 01.151.013॥
Though I am the mother of the five Pandavas and stand in their midst, I am tormented by thirst as if I had no protector in this vast forest. (KUMB: 1-163-13; NILA: 01.151.013)
[PV-SVO:01_027_139]
इतः परं तु शक्ताहं गन्तुं च न पदात्पदम् । शयिष्ये वृक्षमूलेऽत्र धार्तराष्ट्रा हरन्तु माम् ॥KUMB: १-१६३-१४॥
itaḥ paraṁ tu śaktāhaṁ gantuṁ ca na padātpadam । śayiṣyē vr̥kṣamūlē’tra dhārtarāṣṭrā harantu mām ॥KUMB: 1-163-14॥
I can go no farther, not even one step on foot. I shall lie down here at the foot of a tree; let Dhṛtarāṣṭra’s sons carry me off. (KUMB: 1-163-14)
[PV-SVO:01_027_140]
शृणु भीम वचो मह्यं तव बाहुबलात्पुरः । स्थातुं न शक्ताः कौरव्याः किं बिभेषि पृथासुत ॥KUMB: १-१६३-१५॥
śr̥ṇu bhīma vacō mahyaṁ tava bāhubalātpuraḥ । sthātuṁ na śaktāḥ kauravyāḥ kiṁ bibhēṣi pr̥thāsuta ॥KUMB: 1-163-15॥
Listen to what I say, Bhima: the Kauravas cannot stand before the strength of your arms. Why are you afraid, son of Pritha? (KUMB: 1-163-15)
[PV-SVO:01_027_141]
अन्यो रथो न मेऽस्तीह भीमसेनादृते भुवि । धार्तराष्ट्राद्वृथा भीरुर्न मां स्वप्तुमिहेच्छसि ॥KUMB: १-१६३-१६॥
anyō rathō na mē’stīha bhīmasēnādr̥tē bhuvi । dhārtarāṣṭrādvr̥thā bhīrurna māṁ svaptumihēcchasi ॥KUMB: 1-163-16॥
I have no other conveyance here on earth besides Bhimasena. Needlessly afraid of Dhritarashtra’s son, you do not want me to sleep here. (KUMB: 1-163-16)
[PV-SVO:01_027_142]
भीमपृष्ठस्थिता चेत्थं दूयमानेन चेतसा । निश्यध्वनि रुदन्ती सा निद्रावश्मुपागता ॥KUMB: १-१६३-१७॥
bhīmapr̥ṣṭhasthitā cētthaṁ dūyamānēna cētasā । niśyadhvani rudantī sā nidrāvaśmupāgatā ॥KUMB: 1-163-17॥
Thus, riding on Bhima’s back, she wept along the road at night with an anguished heart, until she succumbed to sleep. (KUMB: 1-163-17)
[PV-SVO:01_027_143]
तच्छ्रुत्वा भीमसेनस्य मातृस्नेहात्प्रजल्पितम् । कारुण्येन मनस्तप्तं गमनायोपचक्रमे ॥KUMB: १-१६३-१८; NILA: ०१.१५१.०१४॥
tacchrutvā bhīmasēnasya mātr̥snēhātprajalpitam । kāruṇyēna manastaptaṁ gamanāyōpacakramē ॥KUMB: 1-163-18; NILA: 01.151.014॥
Hearing those words, uttered out of maternal affection for Bhimasena, he was pained at heart by compassion and prepared to set out. (KUMB: 1-163-18; NILA: 01.151.014)
[PV-SVO:01_027_144]
अपश्यत्पद्मिनीखण्डमण्डितं स सरोवरम् ॥KUMB: १-१६३-२३॥
apaśyatpadminīkhaṇḍamaṇḍitaṁ sa sarōvaram ॥KUMB: 1-163-23॥
He saw a lake adorned with beds of lotuses. (KUMB: 1-163-23)
[PV-SVO:01_027_145]
तेषामर्थे च जग्राह भ्रातॄणां भ्रातृवत्सलः ॥KUMB: १-१६३-२४; NILA: ०१.१५१.०१९॥
tēṣāmarthē ca jagrāha bhrātr̥̄ṇāṁ bhrātr̥vatsalaḥ ॥KUMB: 1-163-24; NILA: 01.151.019॥
And, devoted to his brothers, he gathered it for their sake… (KUMB: 1-163-24; NILA: 01.151.019)
[PV-SVO:01_027_146]
पङ्कजानामनेकैश्च पत्रैर्बध्वा पृथक्पृथक् ॥KUMB: १-१६३-२५॥
paṅkajānāmanēkaiśca patrairbadhvā pr̥thakpr̥thak ॥KUMB: 1-163-25॥
and, binding it up separately in many lotus leaves... (KUMB: 1-163-25)
[PV-SVO:01_027_147]
शोकदुःखपरीतात्मा निशश्वासोरगो यथा ॥KUMB: १-१६३-२५; NILA: ०१.१५१.०२०॥
śōkaduḥkhaparītātmā niśaśvāsōragō yathā ॥KUMB: 1-163-25; NILA: 01.151.020॥
His heart overwhelmed by grief and anguish, he sighed like a serpent. (KUMB: 1-163-25; NILA: 01.151.020)
[PV-SVO:01_027_148]
भ्रातॄन्निद्राविद्रावितौजसः । महारौद्रे वने घोरे वृक्षमूले सुशीतले ॥KUMB: १-१६३-२६॥
bhrātr̥̄nnidrāvidrāvitaujasaḥ । mahāraudrē vanē ghōrē vr̥kṣamūlē suśītalē ॥KUMB: 1-163-26॥
his brothers, their strength sapped by sleep, at the foot of a pleasantly cool tree in the exceedingly fearsome and terrible forest… (KUMB: 1-163-26)
[PV-SVO:01_027_149]
विक्षिप्तकरपादांश्च दीर्घोच्छ्वासान्महाबलान् । ऊर्ध्ववक्त्रान्महाकायान्पञ्चेन्द्रानिव भूपते ॥KUMB: १-१६३-२७॥
vikṣiptakarapādāṁśca dīrghōcchvāsānmahābalān । ūrdhvavaktrānmahākāyānpañcēndrāniva bhūpatē ॥KUMB: 1-163-27॥
their hands and feet sprawled, breathing deeply, immensely strong, their faces turned upward, their bodies huge like those of five Indras, O king… (KUMB: 1-163-27)
[PV-SVO:01_027_150]
अज्ञातवृक्षनित्यस्थप्रेतराक्षससाध्वसान् ॥KUMB: १-१६३-२८॥
ajñātavr̥kṣanityasthaprētarākṣasasādhvasān ॥KUMB: 1-163-28॥
who had never known fear of ghosts and rakshasas that constantly dwell in trees... (KUMB: 1-163-28)
[PV-SVO:01_027_151]
अतः कष्टतरं किं नु द्रष्टव्यं हि भविष्यति । यत्पश्यामि महीसुप्तान्भ्रातॄनद्य सुमन्दभाक् ॥KUMB: १-१६३-३०; NILA: ०१.१५१.०२२॥
ataḥ kaṣṭataraṁ kiṁ nu draṣṭavyaṁ hi bhaviṣyati । yatpaśyāmi mahīsuptānbhrātr̥̄nadya sumandabhāk ॥KUMB: 1-163-30; NILA: 01.151.022॥
What more painful sight than this can there be, when today I, most ill-fated, see my brothers lying on the ground? (KUMB: 1-163-30; NILA: 01.151.022)
[PV-SVO:01_027_152]
राज्यलुब्धेन मूर्खेण दुर्मन्त्रिसहितेन वै । दुष्टेनाधर्मशीलेन स्वार्थनिष्ठैकबुद्धिना ॥KUMB: १-१६३-४४; KUMB: १-१६३-४५॥
rājyalubdhēna mūrkhēṇa durmantrisahitēna vai । duṣṭēnādharmaśīlēna svārthaniṣṭhaikabuddhinā ॥KUMB: 1-163-44; KUMB: 1-163-45॥
because of a foolish man greedy for the kingdom and surrounded by evil counselors—a wicked, unrighteous man whose sole thought is fixed on his own interests… (KUMB: 1-163-44; KUMB: 1-163-45)
[PV-SVO:01_027_153]
सकामो भव दुर्बुद्धे धार्तराष्ट्राल्पदर्शन । नूनं देवाः प्रसन्नास्ते नानुज्ञां मे युधिष्ठिरः ॥KUMB: १-१६३-४७; NILA: ०१.१५१.०३८॥
sakāmō bhava durbuddhē dhārtarāṣṭrālpadarśana । nūnaṁ dēvāḥ prasannāstē nānujñāṁ mē yudhiṣṭhiraḥ ॥KUMB: 1-163-47; NILA: 01.151.038॥
Have your wish, you foolish, shortsighted son of Dhritarashtra! Surely the gods favor you, for Yudhishthira does not grant me permission… (KUMB: 1-163-47; NILA: 01.151.038)
[PV-SVO:01_027_154]
प्रयच्छति वधे तुभ्यं तेन जीवसि दुर्मते । नन्वद्य ससुतामात्यं सकर्णानुजसौबलम् ॥KUMB: १-१६३-४८; NILA: ०१.१५१.०३९॥
prayacchati vadhē tubhyaṁ tēna jīvasi durmatē । nanvadya sasutāmātyaṁ sakarṇānujasaubalam ॥KUMB: 1-163-48; NILA: 01.151.039॥
Yudhishthira does not give me permission to kill you; that is why you are still alive, fool. But surely today, you—together with your sons and ministers, Karna, your younger brothers, and Saubala—… (KUMB: 1-163-48; NILA: 01.151.039)
[PV-SVO:01_027_155]
गत्वा क्रोधसमाविष्टः प्रेषयिष्ये यमक्षयम् । किं नु शक्यं मया कर्तुं यत्तेन क्रुध्यते नृपः ॥KUMB: १-१६३-४९; NILA: ०१.१५१.०४०॥
gatvā krōdhasamāviṣṭaḥ prēṣayiṣyē yamakṣayam । kiṁ nu śakyaṁ mayā kartuṁ yattēna krudhyatē nr̥paḥ ॥KUMB: 1-163-49; NILA: 01.151.040॥
Going forth in a fury, I shall send ... to Yama’s abode. But what can I possibly do that would make the king angry? (KUMB: 1-163-49; NILA: 01.151.040)
[PV-SVO:01_027_156]
धर्मात्मा पाण्डवश्रेष्ठः पापाचार युधिष्ठिरः । एवमुक्त्वा महाबाहुः क्रोधसन्दीप्तमानसः ॥KUMB: १-१६३-५०; NILA: ०१.१५१.०४१॥
dharmātmā pāṇḍavaśrēṣṭhaḥ pāpācāra yudhiṣṭhiraḥ । ēvamuktvā mahābāhuḥ krōdhasandīptamānasaḥ ॥KUMB: 1-163-50; NILA: 01.151.041॥
the righteous Yudhishthira, foremost of the Pandavas, you evildoer?” Having said this, the mighty-armed one, his mind blazing with anger… (KUMB: 1-163-50; NILA: 01.151.041)
[PV-SVO:01_027_157]
करं करेण निष्पिष्य निःश्वसन्दीनमानसः । पुनर्दीनमना भूत्वा शान्तार्चिरिव पावकः ॥KUMB: १-१६३-५१; NILA: ०१.१५१.०४२॥
karaṁ karēṇa niṣpiṣya niḥśvasandīnamānasaḥ । punardīnamanā bhūtvā śāntārciriva pāvakaḥ ॥KUMB: 1-163-51; NILA: 01.151.042॥
Crushing one hand with the other and sighing, his heart dejected, he grew despondent once more, like a fire whose flame has died down… (KUMB: 1-163-51; NILA: 01.151.042)
[PV-SVO:01_027_158]
भ्रातॄन्महीतले सुप्तानवैक्षत वृकोदरः । विश्वस्तानिव संविष्टान्पृथग्जनसमानिव ॥KUMB: १-१६३-५२; NILA: ०१.१५१.०४३॥
bhrātr̥̄nmahītalē suptānavaikṣata vr̥kōdaraḥ । viśvastāniva saṁviṣṭānpr̥thagjanasamāniva ॥KUMB: 1-163-52; NILA: 01.151.043॥
Vrikodara gazed at his brothers asleep on the ground, lying there unsuspectingly as though they were ordinary men. (KUMB: 1-163-52; NILA: 01.151.043)
[PV-SVO:01_027_159]
वैशम्पायन उवाच॥
vaiśampāyana uvāca॥
Vaiśampāyana said:
[PV-KDV:01_027_160]
तत्र तेषु शयानेषु हिडिम्बो नाम राक्षसः । अविदूरे वनात्तस्माच्छालवृक्षमुपाश्रितः ॥BORI: १-१३९-१॥
tatra tēṣu śayānēṣu hiḍimbō nāma rākṣasaḥ । avidūrē vanāttasmācchālavr̥kṣamupāśritaḥ ॥BORI: 1-139-1॥
There, while they slept, a Rakshasa named Hidimba, who had taken shelter in a shala tree not far from that forest… (BORI: 1-139-1)
[PV-KDV:01_027_161]
क्रूरो मानुषमांसादो महावीर्यो महाबलः । विरूपरूपः पिङ्गाक्षः करालो घोरदर्शनः । पिशितेप्सुः क्षुधार्तस्तानपश्यत यदृच्छया ॥BORI: १-१३९-२॥
krūrō mānuṣamāṁsādō mahāvīryō mahābalaḥ । virūparūpaḥ piṅgākṣaḥ karālō ghōradarśanaḥ । piśitēpsuḥ kṣudhārtastānapaśyata yadr̥cchayā ॥BORI: 1-139-2॥
Cruel, a devourer of human flesh, immensely valiant and powerful, hideous in form, tawny-eyed, grim, and terrifying to behold, he was hungry and craving flesh when he happened to see them. (BORI: 1-139-2)
[PV-KDV:01_027_162]
ऊर्ध्वाङ्गुलिः स कण्डूयन्धुन्वन्रूक्षाञ्शिरोरुहान् । जृम्भमाणो महावक्त्रः पुनः पुनरवेक्ष्य च ॥BORI: १-१३९-३॥
ūrdhvāṅguliḥ sa kaṇḍūyandhunvanrūkṣāñśirōruhān । jr̥mbhamāṇō mahāvaktraḥ punaḥ punaravēkṣya ca ॥BORI: 1-139-3॥
With fingers raised, scratching himself and tossing his coarse hair, the huge-mouthed creature yawned and looked around again and again… (BORI: 1-139-3)
[PV-KDV:01_027_163]
दुष्टो मानुषमांसादो महाकायो महाबलः । आघ्राय मानुषं गन्धं भगिनीमिदमब्रवीत् ॥BORI: १-१३९-४॥
duṣṭō mānuṣamāṁsādō mahākāyō mahābalaḥ । āghrāya mānuṣaṁ gandhaṁ bhaginīmidamabravīt ॥BORI: 1-139-4॥
The wicked, gigantic, immensely strong man-eater caught the scent of a human and said this to his sister: (BORI: 1-139-4)
[PV-KDV:01_027_164]
उपपन्नश्चिरस्याद्य भक्षो मम मनःप्रियः । स्नेहस्रवान्प्रस्रवति जिह्वा पर्येति मे मुखम् ॥BORI: १-१३९-५॥
upapannaścirasyādya bhakṣō mama manaḥpriyaḥ । snēhasravānprasravati jihvā paryēti mē mukham ॥BORI: 1-139-5॥
Today, at long last, food dear to my heart has come my way. My mouth is watering, and my tongue moves eagerly around it. (BORI: 1-139-5)
[PV-KDV:01_027_165]
अष्टौ दंष्ट्राः सुतीक्ष्णाग्राश्चिरस्यापातदुःसहाः । देहेषु मज्जयिष्यामि स्निग्धेषु पिशितेषु च ॥BORI: १-१३९-६॥
aṣṭau daṁṣṭrāḥ sutīkṣṇāgrāścirasyāpātaduḥsahāḥ । dēhēṣu majjayiṣyāmi snigdhēṣu piśitēṣu ca ॥BORI: 1-139-6॥
At long last, I shall sink my eight sharp-pointed fangs, whose strike is unbearable, into plump bodies and succulent flesh. (BORI: 1-139-6)
[PV-KDV:01_027_166]
आक्रम्य मानुषं कण्ठमाच्छिद्य धमनीमपि । उष्णं नवं प्रपास्यामि फेनिलं रुधिरं बहु ॥BORI: १-१३९-७॥
ākramya mānuṣaṁ kaṇṭhamācchidya dhamanīmapi । uṣṇaṁ navaṁ prapāsyāmi phēnilaṁ rudhiraṁ bahu ॥BORI: 1-139-7॥
Seizing a human throat and tearing open the artery, I shall drink my fill of abundant, warm, fresh, foaming blood. (BORI: 1-139-7)
[PV-KDV:01_027_167]
गच्छ जानीहि के त्वेते शेरते वनमाश्रिताः । मानुषो बलवान्गन्धो घ्राणं तर्पयतीव मे ॥BORI: १-१३९-८॥
gaccha jānīhi kē tvētē śēratē vanamāśritāḥ । mānuṣō balavāngandhō ghrāṇaṁ tarpayatīva mē ॥BORI: 1-139-8॥
Go and find out who these are, sleeping here in the forest. The strong scent of humans seems to delight my nostrils. (BORI: 1-139-8)
[PV-KDV:01_027_168]
हत्वैतान्मानुषान्सर्वानानयस्व ममान्तिकम् । अस्मद्विषयसुप्तेभ्यो नैतेभ्यो भयमस्ति ते ॥BORI: १-१३९-९॥
hatvaitānmānuṣānsarvānānayasva mamāntikam । asmadviṣayasuptēbhyō naitēbhyō bhayamasti tē ॥BORI: 1-139-9॥
Kill all these men and bring them to me. You have nothing to fear from them while they sleep in our domain. (BORI: 1-139-9)
[PV-KDV:01_027_169]
एषां मांसानि संस्कृत्य मानुषाणां यथेष्टतः । भक्षयिष्याव सहितौ कुरु तूर्णं वचो मम ॥BORI: १-१३९-१०॥
ēṣāṁ māṁsāni saṁskr̥tya mānuṣāṇāṁ yathēṣṭataḥ । bhakṣayiṣyāva sahitau kuru tūrṇaṁ vacō mama ॥BORI: 1-139-10॥
After preparing the flesh of these humans as we please, we shall feast on it together. Quickly do as I say. (BORI: 1-139-10)
[PV-KDV:01_027_170]
भ्रातुर्वचनमाज्ञाय त्वरमाणेव राक्षसी । जगाम तत्र यत्र स्म पाण्डवा भरतर्षभ ॥BORI: १-१३९-११॥
bhrāturvacanamājñāya tvaramāṇēva rākṣasī । jagāma tatra yatra sma pāṇḍavā bharatarṣabha ॥BORI: 1-139-11॥
Obeying her brother’s command, the Rākṣasī hurried to where the Pāṇḍavas were, O bull of the Bharatas. (BORI: 1-139-11)
[PV-KDV:01_027_171]
ददर्श तत्र गत्वा सा पाण्डवान्पृथया सह । शयानान्भीमसेनं च जाग्रतं त्वपराजितम् ॥BORI: १-१३९-१२॥
dadarśa tatra gatvā sā pāṇḍavānpr̥thayā saha । śayānānbhīmasēnaṁ ca jāgrataṁ tvaparājitam ॥BORI: 1-139-12॥
When she arrived there, she saw the Pandavas asleep with Pritha, while the unconquered Bhimasena kept watch. (BORI: 1-139-12)
[PV-KDV:01_027_172]
दृष्ट्वैव भीमसेनं सा शालस्कन्धमिवोद्गतम् । राक्षसी कामयामास रूपेणाप्रतिमं भुवि ॥BORI: १-१३९-१३॥
dr̥ṣṭvaiva bhīmasēnaṁ sā śālaskandhamivōdgatam । rākṣasī kāmayāmāsa rūpēṇāpratimaṁ bhuvi ॥BORI: 1-139-13॥
As soon as the Rakshasi saw Bhimasena, towering like the trunk of a shala tree and unmatched in beauty on earth, she desired him. (BORI: 1-139-13)
[PV-KDV:01_027_173]
अयं श्यामो महाबाहुः सिंहस्कन्धो महाद्युतिः । कम्बुग्रीवः पुष्कराक्षो भर्ता युक्तो भवेन्मम ॥BORI: १-१३९-१४॥
ayaṁ śyāmō mahābāhuḥ siṁhaskandhō mahādyutiḥ । kambugrīvaḥ puṣkarākṣō bhartā yuktō bhavēnmama ॥BORI: 1-139-14॥
This dark-complexioned, mighty-armed man, with a lion’s shoulders, splendid radiance, a conch-shaped neck, and lotus-like eyes, would make a fitting husband for me. (BORI: 1-139-14)
[PV-KDV:01_027_174]
नाहं भ्रातृवचो जातु कुर्यां क्रूरोपसंहितम् । पतिस्नेहोऽतिबलवान्न तथा भ्रातृसौहृदम् ॥BORI: १-१३९-१५॥
nāhaṁ bhrātr̥vacō jātu kuryāṁ krūrōpasaṁhitam । patisnēhō’tibalavānna tathā bhrātr̥sauhr̥dam ॥BORI: 1-139-15॥
I would never obey my brother’s cruel counsel. Love for a husband is exceedingly strong; affection for a brother is not so strong. (BORI: 1-139-15)
[PV-KDV:01_027_175]
मुहूर्तमिव तृप्तिश्च भवेद्भ्रातुर्ममैव च । हतैरेतैरहत्वा तु मोदिष्ये शाश्वतिः समाः ॥BORI: १-१३९-१६॥
muhūrtamiva tr̥ptiśca bhavēdbhrāturmamaiva ca । hatairētairahatvā tu mōdiṣyē śāśvatiḥ samāḥ ॥BORI: 1-139-16॥
If these men were killed, my brother and I would be satisfied for only a moment; but by not killing them, I shall rejoice for endless years. (BORI: 1-139-16)
[PV-KDV:01_027_176]
सा कामरूपिणी रूपं कृत्वा मानुषमुत्तमम् । उपतस्थे महाबाहुं भीमसेनं शनैः शनैः ॥BORI: १-१३९-१७॥
sā kāmarūpiṇī rūpaṁ kr̥tvā mānuṣamuttamam । upatasthē mahābāhuṁ bhīmasēnaṁ śanaiḥ śanaiḥ ॥BORI: 1-139-17॥
Able to assume any form, she took on a supremely beautiful human shape and slowly approached the mighty-armed Bhimasena. (BORI: 1-139-17)
[PV-KDV:01_027_177]
विलज्जमानेव लता दिव्याभरणभूषिता । स्मितपूर्वमिदं वाक्यं भीमसेनमथाब्रवीत् ॥BORI: १-१३९-१८॥
vilajjamānēva latā divyābharaṇabhūṣitā । smitapūrvamidaṁ vākyaṁ bhīmasēnamathābravīt ॥BORI: 1-139-18॥
Adorned with celestial ornaments and seeming as bashful as a vine, she then addressed Bhimasena with a smile: (BORI: 1-139-18)
[PV-KDV:01_027_178]
कुतस्त्वमसि सम्प्राप्तः कश्चासि पुरुषर्षभ । क इमे शेरते चेह पुरुषा देवरूपिणः ॥BORI: १-१३९-१९॥
kutastvamasi samprāptaḥ kaścāsi puruṣarṣabha । ka imē śēratē cēha puruṣā dēvarūpiṇaḥ ॥BORI: 1-139-19॥
Where have you come from, and who are you, foremost of men? And who are these godlike men lying here? (BORI: 1-139-19)
[PV-KDV:01_027_179]
केयं च बृहती श्यामा सुकुमारी तवानघ । शेते वनमिदं प्राप्य विश्वस्ता स्वगृहे यथा ॥BORI: १-१३९-२०॥
kēyaṁ ca br̥hatī śyāmā sukumārī tavānagha । śētē vanamidaṁ prāpya viśvastā svagr̥hē yathā ॥BORI: 1-139-20॥
And who is this tall, dark, delicate woman of yours, sinless one, sleeping so trustfully after entering this forest, as though in her own home? (BORI: 1-139-20)
[PV-KDV:01_027_180]
नेदं जानाति गहनं वनं राक्षससेवितम् । वसति ह्यत्र पापात्मा हिडिम्बो नाम राक्षसः ॥BORI: १-१३९-२१॥
nēdaṁ jānāti gahanaṁ vanaṁ rākṣasasēvitam । vasati hyatra pāpātmā hiḍimbō nāma rākṣasaḥ ॥BORI: 1-139-21॥
She does not know that this is a dense forest haunted by Rakshasas. For an evil Rakshasa named Hidimba lives here. (BORI: 1-139-21)
[PV-KDV:01_027_181]
तेनाहं प्रेषिता भ्रात्रा दुष्टभावेन रक्षसा । बिभक्षयिषता मांसं युष्माकममरोपम ॥BORI: १-१३९-२२॥
tēnāhaṁ prēṣitā bhrātrā duṣṭabhāvēna rakṣasā । bibhakṣayiṣatā māṁsaṁ yuṣmākamamarōpama ॥BORI: 1-139-22॥
O godlike one, I was sent by him—my evil-minded Rakshasa brother—who wishes to devour the flesh of all of you. (BORI: 1-139-22)
[PV-KDV:01_027_182]
साहं त्वामभिसम्प्रेक्ष्य देवगर्भसमप्रभम् । नान्यं भर्तारमिच्छामि सत्यमेतद्ब्रवीमि ते ॥BORI: १-१३९-२३॥
sāhaṁ tvāmabhisamprēkṣya dēvagarbhasamaprabham । nānyaṁ bhartāramicchāmi satyamētadbravīmi tē ॥BORI: 1-139-23॥
But now that I have seen you, radiant as the child of a god, I desire no other husband. I tell you this truly. (BORI: 1-139-23)
[PV-KDV:01_027_183]
एतद्विज्ञाय धर्मज्ञ युक्तं मयि समाचर । कामोपहतचित्ताङ्गीं भजमानां भजस्व माम् ॥BORI: १-१३९-२४॥
ētadvijñāya dharmajña yuktaṁ mayi samācara । kāmōpahatacittāṅgīṁ bhajamānāṁ bhajasva mām ॥BORI: 1-139-24॥
Knowing this, O knower of dharma, act toward me as is right. Love me in return, for I love you and my heart and body are overcome by desire. (BORI: 1-139-24)
[PV-KDV:01_027_184]
त्रास्येऽहं त्वां महाबाहो राक्षसात्पुरुषादकात् । वत्स्यावो गिरिदुर्गेषु भर्ता भव ममानघ ॥BORI: १-१३९-२५॥
trāsyē’haṁ tvāṁ mahābāhō rākṣasātpuruṣādakāt । vatsyāvō giridurgēṣu bhartā bhava mamānagha ॥BORI: 1-139-25॥
I will save you, mighty-armed one, from the man-eating Rakshasa. We shall dwell in mountain fastnesses; become my husband, blameless one. (BORI: 1-139-25)
[PV-KDV:01_027_185]
अन्तरिक्षचरा ह्यस्मि कामतो विचरामि च । अतुलामाप्नुहि प्रीतिं तत्र तत्र मया सह ॥BORI: १-१३९-२६॥
antarikṣacarā hyasmi kāmatō vicarāmi ca । atulāmāpnuhi prītiṁ tatra tatra mayā saha ॥BORI: 1-139-26॥
For I travel through the sky and roam wherever I please. Enjoy incomparable delight with me, wherever we may go. (BORI: 1-139-26)
[PV-KDV:01_027_186]
भीम उवाच॥
bhīma uvāca॥
Bhima said:
[PV-KDV:01_027_187]
मातरं भ्रातरं ज्येष्ठं कनिष्ठानपरानिमान् । परित्यजेत को न्वद्य प्रभवन्निव राक्षसि ॥BORI: १-१३९-२७॥
mātaraṁ bhrātaraṁ jyēṣṭhaṁ kaniṣṭhānaparānimān । parityajēta kō nvadya prabhavanniva rākṣasi ॥BORI: 1-139-27॥
O Rakshasi, who, while still able to act, would now abandon his mother, his eldest brother, and these other younger brothers? (BORI: 1-139-27)
[PV-KDV:01_027_188]
को हि सुप्तानिमान्भ्रातृन्दत्त्वा राक्षसभोजनम् । मातरं च नरो गच्छेत्कामार्त इव मद्विधः ॥BORI: १-१३९-२८॥
kō hi suptānimānbhrātr̥ndattvā rākṣasabhōjanam । mātaraṁ ca narō gacchētkāmārta iva madvidhaḥ ॥BORI: 1-139-28॥
For what man like me would abandon these sleeping brothers and his mother as food for a Rakshasa and go away like one tormented by desire? (BORI: 1-139-28)
[PV-KDV:01_027_189]
राक्षस्युवाच॥
rākṣasyuvāca॥
The Rakshasi said:
[PV-KDV:01_027_190]
यत्ते प्रियं तत्करिष्ये सर्वानेतान्प्रबोधय । मोक्षयिष्यामि वः कामं राक्षसात्पुरुषादकात् ॥BORI: १-१३९-२९॥
yattē priyaṁ tatkariṣyē sarvānētānprabōdhaya । mōkṣayiṣyāmi vaḥ kāmaṁ rākṣasātpuruṣādakāt ॥BORI: 1-139-29॥
I shall do whatever pleases you. Wake all of them; I will gladly free you from the man-eating Rakshasa. (BORI: 1-139-29)
[PV-KDV:01_027_191]
भीम उवाच॥
bhīma uvāca॥
Bhima said:
[PV-KDV:01_027_192]
सुखसुप्तान्वने भ्रातृन्मातरं चैव राक्षसि । न भयाद्बोधयिष्यामि भ्रातुस्तव दुरात्मनः ॥BORI: १-१३९-३०॥
sukhasuptānvanē bhrātr̥nmātaraṁ caiva rākṣasi । na bhayādbōdhayiṣyāmi bhrātustava durātmanaḥ ॥BORI: 1-139-30॥
O Rākṣasī, I will not awaken my brothers and mother, who are sleeping peacefully in the forest, out of fear of your wicked brother. (BORI: 1-139-30)
[PV-KDV:01_027_193]
न हि मे राक्षसा भीरु सोढुं शक्ताः पराक्रमम् । न मनुष्या न गन्धर्वा न यक्षाश्चारुलोचने ॥BORI: १-१३९-३१॥
na hi mē rākṣasā bhīru sōḍhuṁ śaktāḥ parākramam । na manuṣyā na gandharvā na yakṣāścārulōcanē ॥BORI: 1-139-31॥
For neither Rakshasas, timid girl, nor men, Gandharvas, or Yakshas can withstand my might, lovely-eyed one. (BORI: 1-139-31)
[PV-KDV:01_027_194]
गच्छ वा तिष्ठ वा भद्रे यद्वापीच्छसि तत्कुरु । तं वा प्रेषय तन्वङ्गि भ्रातरं पुरुषादकम् ॥BORI: १-१३९-३२॥
gaccha vā tiṣṭha vā bhadrē yadvāpīcchasi tatkuru । taṁ vā prēṣaya tanvaṅgi bhrātaraṁ puruṣādakam ॥BORI: 1-139-32॥
Go or stay, fair lady; do whatever you wish. Or send that man-eating brother of yours, slender one… (BORI: 1-139-32)
[PV-KDV:01_027_195]
प्रावृड्जलधरश्यामः पिङ्गाक्षो दारुणाकृतिः ॥KUMB: १-१६४-२; NILA: ०१.१५२.००२॥
prāvr̥ḍjaladharaśyāmaḥ piṅgākṣō dāruṇākr̥tiḥ ॥KUMB: 1-164-2; NILA: 01.152.002॥
dark as a monsoon rain cloud, tawny-eyed and terrible in form… (KUMB: 1-164-2; NILA: 01.152.002)
[PV-SVO:01_027_196]
दष्ट्राकरालवदनः करालो भीमदर्शनः । लम्बस्फिग्लम्बजठरो रक्तश्मश्रुशिरोरुहः ॥KUMB: १-१६४-३; NILA: ०१.१५२.००३॥
daṣṭrākarālavadanaḥ karālō bhīmadarśanaḥ । lambasphiglambajaṭharō raktaśmaśruśirōruhaḥ ॥KUMB: 1-164-3; NILA: 01.152.003॥
Fang-faced, ferocious and dreadful to behold, with pendulous buttocks and belly, and red beard and hair... (KUMB: 1-164-3; NILA: 01.152.003)
[PV-SVO:01_027_197]
महावृक्षगलस्कन्धः शङ्कर्णो विभीषणः । यदृच्छया तानपश्यत्पाण्डुपुत्रान्महारथान् ॥KUMB: १-१६४-४; NILA: ०१.१५२.००४॥
mahāvr̥kṣagalaskandhaḥ śaṅkarṇō vibhīṣaṇaḥ । yadr̥cchayā tānapaśyatpāṇḍuputrānmahārathān ॥KUMB: 1-164-4; NILA: 01.152.004॥
The terrifying, pointed-eared creature, whose neck and shoulders were like a great tree, happened upon those mighty chariot-warriors, the sons of Pandu. (KUMB: 1-164-4; NILA: 01.152.004)
[PV-SVO:01_027_198]
भक्षयित्वा च मांसानि मानुषाणां प्रकामतः । नृत्याव सहितावावां दत्ततालावनेकशः ॥KUMB: १-१६४-१४; NILA: ०१.१५२.०१४॥
bhakṣayitvā ca māṁsāni mānuṣāṇāṁ prakāmataḥ । nr̥tyāva sahitāvāvāṁ dattatālāvanēkaśaḥ ॥KUMB: 1-164-14; NILA: 01.152.014॥
After eating our fill of human flesh, let us dance together, repeatedly keeping time. (KUMB: 1-164-14; NILA: 01.152.014)
[PV-SVO:01_027_199]
एवमुक्ता हिडिम्बा तु हिडिम्बेन महावने ॥KUMB: १-१६४-१५; NILA: ०१.१५२.०१५॥
ēvamuktā hiḍimbā tu hiḍimbēna mahāvanē ॥KUMB: 1-164-15; NILA: 01.152.015॥
Thus addressed by Hidimba in the great forest, Hidimba... (KUMB: 1-164-15; NILA: 01.152.015)
[PV-SVO:01_027_200]
आप्लुत्याप्लुत्य च तरूनगच्छत्पाण्डवान्प्रति ॥KUMB: १-१६४-१६॥
āplutyāplutya ca tarūnagacchatpāṇḍavānprati ॥KUMB: 1-164-16॥
Leaping from tree to tree, she made her way toward the Pandavas. (KUMB: 1-164-16)
[PV-SVO:01_027_201]
उपास्यमानान्भीमेन रूपयौवनशालिनः । सुकुमारांश्च पार्थान्सा व्यायामेन च कर्शितान् ॥KUMB: १-१६४-१८॥
upāsyamānānbhīmēna rūpayauvanaśālinaḥ । sukumārāṁśca pārthānsā vyāyāmēna ca karśitān ॥KUMB: 1-164-18॥
—the handsome and youthful sons of Pṛthā, delicate and worn thin by exertion, with Bhīma watching over them—she... (KUMB: 1-164-18)
[PV-SVO:01_027_202]
दुःखेन संप्रयुक्तांश्च सहज्येष्ठान्प्रमाथिनः । रौद्री सती राजपुत्रं दर्शनीयप्रदर्शनम् ॥KUMB: १-१६४-१९॥
duḥkhēna saṁprayuktāṁśca sahajyēṣṭhānpramāthinaḥ । raudrī satī rājaputraṁ darśanīyapradarśanam ॥KUMB: 1-164-19॥
and afflicted by suffering, formidable, and accompanied by their eldest; fierce though she was, the prince, splendid to behold… (KUMB: 1-164-19)
[PV-SVO:01_027_203]
अन्तर्गतेन मनसा चिन्तयामास राक्षसी ॥KUMB: १-१६४-२१॥
antargatēna manasā cintayāmāsa rākṣasī ॥KUMB: 1-164-21॥
The Rakshasi thought to herself. (KUMB: 1-164-21)
[PV-SVO:01_027_204]
निश्चित्येत्थं हिडिम्बा सा भीमं दृष्ट्वा महाभुजम् ॥KUMB: १-१६४-२४॥
niścityētthaṁ hiḍimbā sā bhīmaṁ dr̥ṣṭvā mahābhujam ॥KUMB: 1-164-24॥
Having resolved upon this, Hidimba gazed at mighty-armed Bhima… (KUMB: 1-164-24)
[PV-SVO:01_027_205]
उत्सृज्य राक्षसं रूपं मानुषं रूपमास्थिता ॥KUMB: १-१६४-२५॥
utsr̥jya rākṣasaṁ rūpaṁ mānuṣaṁ rūpamāsthitā ॥KUMB: 1-164-25॥
She cast off her rakshasa form and assumed a human one. (KUMB: 1-164-25)
[PV-SVO:01_027_206]
इङ्गिताकारकुशला सोपासर्पच्छनैः शनैः ॥KUMB: १-१६४-२६॥
iṅgitākārakuśalā sōpāsarpacchanaiḥ śanaiḥ ॥KUMB: 1-164-26॥
Skilled in gestures and expression, she approached very slowly. (KUMB: 1-164-26)
[PV-SVO:01_027_207]
शनैः शनैश्च तां भीमः समीपमुपसर्पतीम् ॥KUMB: १-१६४-२७॥
śanaiḥ śanaiśca tāṁ bhīmaḥ samīpamupasarpatīm ॥KUMB: 1-164-27॥
And as she slowly drew nearer, Bhima… (KUMB: 1-164-27)
[PV-SVO:01_027_208]
हर्षमाणां तदा पश्यत्तन्वीं पीनपयोधराम् । चन्द्राननां पद्मनेत्रां नीलकुञ्चितमूर्धजाम् ॥KUMB: १-१६४-२८॥
harṣamāṇāṁ tadā paśyattanvīṁ pīnapayōdharām । candrānanāṁ padmanētrāṁ nīlakuñcitamūrdhajām ॥KUMB: 1-164-28॥
Then he saw her, joyful and slender, with full breasts, a moonlike face, lotus eyes, and dark, curly hair... (KUMB: 1-164-28)
[PV-SVO:01_027_209]
कृष्णां सुपाण्डुरैर्दन्तैर्बिम्बोष्ठीं चारुदर्शनाम् । दृष्ट्वा तां रूपसंपन्नां भीमो विस्मयमागतः ॥KUMB: १-१६४-२९॥
kr̥ṣṇāṁ supāṇḍurairdantairbimbōṣṭhīṁ cārudarśanām । dr̥ṣṭvā tāṁ rūpasaṁpannāṁ bhīmō vismayamāgataḥ ॥KUMB: 1-164-29॥
Seeing that dark-complexioned, lovely woman, with her brilliant white teeth and lips like bimba fruit, endowed with such beauty, Bhima was filled with wonder. (KUMB: 1-164-29)
[PV-SVO:01_027_210]
उपचारगुणैर्युक्तां ललितैर्हाससंमितैः । समीपमुपसंप्राप्य भीमं साथ वरानता ॥KUMB: १-१६४-३०॥
upacāraguṇairyuktāṁ lalitairhāsasaṁmitaiḥ । samīpamupasaṁprāpya bhīmaṁ sātha varānatā ॥KUMB: 1-164-30॥
possessing the qualities of courteous behavior, graceful and accompanied by smiles. Then the lovely-faced woman, having approached Bhima… (KUMB: 1-164-30)
[PV-SVO:01_027_211]
वचो वचनवेलायां भीमं प्रोवाच भामिनी ॥KUMB: १-१६४-३१॥
vacō vacanavēlāyāṁ bhīmaṁ prōvāca bhāminī ॥KUMB: 1-164-31॥
At the proper moment, the lovely woman spoke these words to Bhima: (KUMB: 1-164-31)
[PV-SVO:01_027_212]
इच्छामि वीर भद्रं ते मा मे प्राणान्विहासिषः । त्वया ह्यहं परित्यक्ता न जीवेयमरिन्दम ॥KUMB: १-१६४-४०॥
icchāmi vīra bhadraṁ tē mā mē prāṇānvihāsiṣaḥ । tvayā hyahaṁ parityaktā na jīvēyamarindama ॥KUMB: 1-164-40॥
Hero, I wish you well. Do not abandon my life, for if you forsook me, I could not live, O subduer of foes. (KUMB: 1-164-40)
[PV-SVO:01_027_213]
एष ज्येष्ठो मम भ्राता मान्यः परमको गुरुः । अनिविष्टो हि तन्नाहं परिविद्यां कथंचन ॥KUMB: १-१६४-४२॥
ēṣa jyēṣṭhō mama bhrātā mānyaḥ paramakō guruḥ । aniviṣṭō hi tannāhaṁ parividyāṁ kathaṁcana ॥KUMB: 1-164-42॥
This is my eldest brother, worthy of honor and my highest authority. Since he is not yet married, I can by no means marry before him. (KUMB: 1-164-42)
[PV-SVO:01_027_214]
एकं त्वां मोक्षयिष्यामि सह मात्रा परन्तप । सोदरानुत्सृजैनांस्त्वमारोह जघनं मम ॥KUMB: १-१६४-४५॥
ēkaṁ tvāṁ mōkṣayiṣyāmi saha mātrā parantapa । sōdarānutsr̥jaināṁstvamārōha jaghanaṁ mama ॥KUMB: 1-164-45॥
I will rescue you alone, together with your mother, O scorcher of foes. Abandon these brothers of yours and climb onto my back. (KUMB: 1-164-45)
[PV-SVO:01_027_215]
नाहं जीवितुमाशंसे भ्रातॄनुत्सृज्य राक्षसि । यथाश्रद्धं व्रजैका हि विप्रियं मे प्रभाषसे ॥KUMB: १-१६४-४६॥
nāhaṁ jīvitumāśaṁsē bhrātr̥̄nutsr̥jya rākṣasi । yathāśraddhaṁ vrajaikā hi vipriyaṁ mē prabhāṣasē ॥KUMB: 1-164-46॥
I have no wish to live after abandoning my brothers, O Rakshasi. Go alone as you please, for what you say is displeasing to me. (KUMB: 1-164-46)
[PV-SVO:01_027_216]
वैशम्पायन उवाच॥
vaiśampāyana uvāca॥
Vaiśampāyana said:
[PV-KDV:01_027_217]
तां विदित्वा चिरगतां हिडिम्बो राक्षसेश्वरः । अवतीर्य द्रुमात्तस्मादाजगामाथ पाण्डवान् ॥BORI: १-१४०-१॥
tāṁ viditvā ciragatāṁ hiḍimbō rākṣasēśvaraḥ । avatīrya drumāttasmādājagāmātha pāṇḍavān ॥BORI: 1-140-1॥
Realizing that she had been gone a long time, Hidimba, lord of the Rakshasas, descended from that tree and approached the Pandavas. (BORI: 1-140-1)
[PV-KDV:01_027_218]
लोहिताक्षो महाबाहुरूर्ध्वकेशो महाबलः । मेघसङ्घातवर्ष्मा च तीक्ष्णदंष्ट्रोज्ज्वलाननः ॥BORI: १-१४०-२॥
lōhitākṣō mahābāhurūrdhvakēśō mahābalaḥ । mēghasaṅghātavarṣmā ca tīkṣṇadaṁṣṭrōjjvalānanaḥ ॥BORI: 1-140-2॥
Red-eyed, mighty-armed, immensely strong, with hair standing on end, a body like a mass of storm clouds, and a fearsome face gleaming with sharp fangs… (BORI: 1-140-2)
[PV-KDV:01_027_219]
तमापतन्तं दृष्ट्वैव तथा विकृतदर्शनम् । हिडिम्बोवाच वित्रस्ता भीमसेनमिदं वचः ॥BORI: १-१४०-३॥
tamāpatantaṁ dr̥ṣṭvaiva tathā vikr̥tadarśanam । hiḍimbōvāca vitrastā bhīmasēnamidaṁ vacaḥ ॥BORI: 1-140-3॥
Seeing him rushing toward them, hideous in appearance, the terrified Hidimba said these words to Bhimasena: (BORI: 1-140-3)
[PV-KDV:01_027_220]
आपतत्येष दुष्टात्मा सङ्क्रुद्धः पुरुषादकः । त्वामहं भ्रातृभिः सार्धं यद्ब्रवीमि तथा कुरु ॥BORI: १-१४०-४॥
āpatatyēṣa duṣṭātmā saṅkruddhaḥ puruṣādakaḥ । tvāmahaṁ bhrātr̥bhiḥ sārdhaṁ yadbravīmi tathā kuru ॥BORI: 1-140-4॥
Here comes that wicked, enraged man-eater. Do as I tell you, together with your brothers. (BORI: 1-140-4)
[PV-KDV:01_027_221]
अहं कामगमा वीर रक्षोबलसमन्विता । आरुहेमां मम श्रोणीं नेष्यामि त्वां विहायसा ॥BORI: १-१४०-५॥
ahaṁ kāmagamā vīra rakṣōbalasamanvitā । āruhēmāṁ mama śrōṇīṁ nēṣyāmi tvāṁ vihāyasā ॥BORI: 1-140-5॥
I can go wherever I wish, hero, and I possess the strength of a Rakshasa. Climb onto my hip, and I will carry you through the air. (BORI: 1-140-5)
[PV-KDV:01_027_222]
प्रबोधयैनान्संसुप्तान्मातरं च परन्तप । सर्वानेव गमिष्यामि गृहीत्वा वो विहायसा ॥BORI: १-१४०-६॥
prabōdhayainānsaṁsuptānmātaraṁ ca parantapa । sarvānēva gamiṣyāmi gr̥hītvā vō vihāyasā ॥BORI: 1-140-6॥
Awaken these men who are fast asleep, and your mother too, O scorcher of foes. I will take all of you and travel through the air. (BORI: 1-140-6)
[PV-KDV:01_027_223]
भीम उवाच॥
bhīma uvāca॥
Bhima said:
[PV-KDV:01_027_224]
मा भैस्त्वं विपुलश्रोणि नैष कश्चिन्मयि स्थिते । अहमेनं हनिष्यामि प्रेक्षन्त्यास्ते सुमध्यमे ॥BORI: १-१४०-७॥
mā bhaistvaṁ vipulaśrōṇi naiṣa kaścinmayi sthitē । ahamēnaṁ haniṣyāmi prēkṣantyāstē sumadhyamē ॥BORI: 1-140-7॥
Do not be afraid, broad-hipped lady. While I am here, he is no one of consequence. I will kill him before your very eyes, slender-waisted one. (BORI: 1-140-7)
[PV-KDV:01_027_225]
नायं प्रतिबलो भीरु राक्षसापसदो मम । सोढुं युधि परिस्पन्दमथवा सर्वराक्षसाः ॥BORI: १-१४०-८॥
nāyaṁ pratibalō bhīru rākṣasāpasadō mama । sōḍhuṁ yudhi parispandamathavā sarvarākṣasāḥ ॥BORI: 1-140-8॥
This vile Rakshasa is no match for me, timid one; he cannot withstand my onslaught in battle—or, for that matter, neither could all the Rakshasas. (BORI: 1-140-8)
[PV-KDV:01_027_226]
पश्य बाहू सुवृत्तौ मे हस्तिहस्तनिभाविमौ । ऊरू परिघसङ्काशौ संहतं चाप्युरो मम ॥BORI: १-१४०-९॥
paśya bāhū suvr̥ttau mē hastihastanibhāvimau । ūrū parighasaṅkāśau saṁhataṁ cāpyurō mama ॥BORI: 1-140-9॥
Look at my two well-rounded arms, like elephants’ trunks, my thighs like iron bars, and my broad chest. (BORI: 1-140-9)
[PV-KDV:01_027_227]
विक्रमं मे यथेन्द्रस्य साद्य द्रक्ष्यसि शोभने । मावमंस्थाः पृथुश्रोणि मत्वा मामिह मानुषम् ॥BORI: १-१४०-१०॥
vikramaṁ mē yathēndrasya sādya drakṣyasi śōbhanē । māvamaṁsthāḥ pr̥thuśrōṇi matvā māmiha mānuṣam ॥BORI: 1-140-10॥
Lovely one, today you will see that my prowess is like Indra’s. Broad-hipped one, do not underestimate me here, thinking me merely human. (BORI: 1-140-10)
[PV-KDV:01_027_228]
हिडिम्बोवाच॥
hiḍimbōvāca॥
Hiḍimba said:
[PV-KDV:01_027_229]
नावमन्ये नरव्याघ्र त्वामहं देवरूपिणम् । दृष्टापदानस्तु मया मानुषेष्वेव राक्षसः ॥BORI: १-१४०-११॥
nāvamanyē naravyāghra tvāmahaṁ dēvarūpiṇam । dr̥ṣṭāpadānastu mayā mānuṣēṣvēva rākṣasaḥ ॥BORI: 1-140-11॥
I do not underestimate you, tiger among men, godlike as you are. I have witnessed your prowess: among humans, you are indeed a Rakshasa. (BORI: 1-140-11)
[PV-KDV:01_027_230]
वैशम्पायन उवाच॥
vaiśampāyana uvāca॥
Vaiśampāyana said:
[PV-KDV:01_027_231]
तथा सञ्जल्पतस्तस्य भीमसेनस्य भारत । वाचः शुश्राव ताः क्रुद्धो राक्षसः पुरुषादकः ॥BORI: १-१४०-१२॥
tathā sañjalpatastasya bhīmasēnasya bhārata । vācaḥ śuśrāva tāḥ kruddhō rākṣasaḥ puruṣādakaḥ ॥BORI: 1-140-12॥
O Bharata, the enraged man-eating Rakshasa heard Bhimasena speaking those words. (BORI: 1-140-12)
[PV-KDV:01_027_232]
अवेक्षमाणस्तस्याश्च हिडिम्बो मानुषं वपुः । स्रग्दामपूरितशिखं समग्रेन्दुनिभाननम् ॥BORI: १-१४०-१३॥
avēkṣamāṇastasyāśca hiḍimbō mānuṣaṁ vapuḥ । sragdāmapūritaśikhaṁ samagrēndunibhānanam ॥BORI: 1-140-13॥
Hidimba, gazing at her human form—her hair adorned with garlands and her face resembling the full moon— (BORI: 1-140-13)
[PV-PAN:01_027_233]
सुभ्रूनासाक्षिकेशान्तं सुकुमारनखत्वचम् । सर्वाभरणसंयुक्तं सुसूक्ष्माम्बरवाससम् ॥BORI: १-१४०-१४॥
subhrūnāsākṣikēśāntaṁ sukumāranakhatvacam । sarvābharaṇasaṁyuktaṁ susūkṣmāmbaravāsasam ॥BORI: 1-140-14॥
with beautiful eyebrows, nose, eyes, and hair, delicate nails and skin, adorned with every ornament, and clad in very fine garments... (BORI: 1-140-14)
[PV-PAN:01_027_234]
तां तथा मानुषं रूपं बिभ्रतीं सुमनोहरम् । पुंस्कामां शङ्कमानश्च चुक्रोध पुरुषादकः ॥BORI: १-१४०-१५॥
tāṁ tathā mānuṣaṁ rūpaṁ bibhratīṁ sumanōharam । puṁskāmāṁ śaṅkamānaśca cukrōdha puruṣādakaḥ ॥BORI: 1-140-15॥
The man-eater grew angry, suspecting her—who bore such an enchanting human form—of desiring a man. (BORI: 1-140-15)
[PV-KDV:01_027_235]
सङ्क्रुद्धो राक्षसस्तस्या भगिन्याः कुरुसत्तम । उत्फाल्य विपुले नेत्रे ततस्तामिदमब्रवीत् ॥BORI: १-१४०-१६॥
saṅkruddhō rākṣasastasyā bhaginyāḥ kurusattama । utphālya vipulē nētrē tatastāmidamabravīt ॥BORI: 1-140-16॥
Enraged at his sister, the Rakshasa opened his large eyes wide, O best of the Kurus, and then said this to her: (BORI: 1-140-16)
[PV-KDV:01_027_236]
को हि मे भोक्तुकामस्य विघ्नं चरति दुर्मतिः । न बिभेषि हिडिम्बे किं मत्कोपाद्विप्रमोहिता ॥BORI: १-१४०-१७॥
kō hi mē bhōktukāmasya vighnaṁ carati durmatiḥ । na bibhēṣi hiḍimbē kiṁ matkōpādvipramōhitā ॥BORI: 1-140-17॥
What fool is thwarting me when I am eager to feast? Hiḍimbā, have you no fear of my wrath? Have you lost your senses? (BORI: 1-140-17)
[PV-KDV:01_027_237]
धिक्त्वामसति पुंस्कामे मम विप्रियकारिणि । पूर्वेषां राक्षसेन्द्राणां सर्वेषामयशस्करि ॥BORI: १-१४०-१८॥
dhiktvāmasati puṁskāmē mama vipriyakāriṇi । pūrvēṣāṁ rākṣasēndrāṇāṁ sarvēṣāmayaśaskari ॥BORI: 1-140-18॥
Shame on you, wicked woman, lusting after a man, acting against my wishes and bringing disgrace upon all the former lords of the Rakshasas! (BORI: 1-140-18)
[PV-PAN:01_027_238]
यानिमानाश्रिताकार्षीरप्रियं सुमहन्मम । एष तानद्य वै सर्वान्हनिष्यामि त्वया सह ॥BORI: १-१४०-१९॥
yānimānāśritākārṣīrapriyaṁ sumahanmama । ēṣa tānadya vai sarvānhaniṣyāmi tvayā saha ॥BORI: 1-140-19॥
All these men, by siding with whom you have done me this great wrong—I shall now indeed kill them, together with you. (BORI: 1-140-19)
[PV-KDV:01_027_239]
एवमुक्त्वा हिडिम्बां स हिडिम्बो लोहितेक्षणः । वधायाभिपपातैनां दन्तैर्दन्तानुपस्पृशन् ॥BORI: १-१४०-२०॥
ēvamuktvā hiḍimbāṁ sa hiḍimbō lōhitēkṣaṇaḥ । vadhāyābhipapātaināṁ dantairdantānupaspr̥śan ॥BORI: 1-140-20॥
Having spoken thus to Hiḍimbā, the red-eyed Hiḍimba rushed upon her to kill her, grinding his teeth together. (BORI: 1-140-20)
[PV-KDV:01_027_240]
तमापतन्तं सम्प्रेक्ष्य भीमः प्रहरतां वरः । भर्त्सयामास तेजस्वी तिष्ठ तिष्ठेति चाब्रवीत् ॥BORI: १-१४०-२१॥
tamāpatantaṁ samprēkṣya bhīmaḥ praharatāṁ varaḥ । bhartsayāmāsa tējasvī tiṣṭha tiṣṭhēti cābravīt ॥BORI: 1-140-21॥
Seeing him rushing forward, mighty Bhima, foremost of warriors, rebuked him and cried, “Stop! Stop!” (BORI: 1-140-21)
[PV-KDV:01_027_241]
तलं तलेन संहत्य बाहू विक्षिप्य चासकृत् । उद्वृत्तनेत्रः संक्रुद्धो दन्तान्दन्तेषु निष्कुषन् ॥KUMB: १-१६५-३॥
talaṁ talēna saṁhatya bāhū vikṣipya cāsakr̥t । udvr̥ttanētraḥ saṁkruddhō dantāndantēṣu niṣkuṣan ॥KUMB: 1-165-3॥
Striking one palm against the other, repeatedly flinging out his arms, his eyes bulging with rage, and grinding his teeth... (KUMB: 1-165-3)
[PV-SVO:01_027_242]
कोऽद्य मे भोक्तुकामस्य विघ्नं चरति दुर्मतिः । न बिभेति हिडिम्बी च प्रेषिता किमनागता ॥KUMB: १-१६५-४॥
kō’dya mē bhōktukāmasya vighnaṁ carati durmatiḥ । na bibhēti hiḍimbī ca prēṣitā kimanāgatā ॥KUMB: 1-165-4॥
What evil-minded fool is obstructing me today when I am eager to eat? And why has Hidimbi, whom I sent, not returned? Is she not afraid? (KUMB: 1-165-4)
[PV-SVO:01_027_243]
गर्जन्तमेवं विजने भीमसेनोऽभिवीक्ष्य तम् । रक्षन्प्रबोधं भ्रातॄणां मातुश्च परवीरहा ॥KUMB: १-१६५-२३॥
garjantamēvaṁ vijanē bhīmasēnō’bhivīkṣya tam । rakṣanprabōdhaṁ bhrātr̥̄ṇāṁ mātuśca paravīrahā ॥KUMB: 1-165-23॥
Seeing him roaring thus in that deserted place, Bhimasena, slayer of enemy warriors, took care not to awaken his brothers and mother… (KUMB: 1-165-23)
[PV-SVO:01_027_244]
भीमसेनस्तु तं दृष्ट्वा राक्षसं प्रहसन्निव । भगिनीं प्रति सङ्क्रुद्धमिदं वचनमब्रवीत् ॥KUMB: १-१६५-२५; NILA: ०१.१५३.०२२॥
bhīmasēnastu taṁ dr̥ṣṭvā rākṣasaṁ prahasanniva । bhaginīṁ prati saṅkruddhamidaṁ vacanamabravīt ॥KUMB: 1-165-25; NILA: 01.153.022॥
But when Bhimasena saw the Rakshasa enraged with his sister, he said these words to him with a mocking smile: (KUMB: 1-165-25; NILA: 01.153.022)
[PV-SVO:01_027_245]
किं ते हिडिम्ब एतैर्वा सुखसुप्तैः प्रबोधितैः । मामासादय दुर्बुद्धे तरसा त्वं नराशन ॥KUMB: १-१६५-२६; NILA: ०१.१५३.०२३॥
kiṁ tē hiḍimba ētairvā sukhasuptaiḥ prabōdhitaiḥ । māmāsādaya durbuddhē tarasā tvaṁ narāśana ॥KUMB: 1-165-26; NILA: 01.153.023॥
What have you to do, Hidimba, with these people, roused from their peaceful sleep? Charge at me instead, you foolish man-eater! (KUMB: 1-165-26; NILA: 01.153.023)
[PV-SVO:01_027_246]
मय्येव प्रहरैहि त्वं न स्त्रियं हन्तुमर्हसि । विशेषतोऽनपकृते परेणापकृते सति ॥KUMB: १-१६५-२७; NILA: ०१.१५३.०२४॥
mayyēva praharaihi tvaṁ na striyaṁ hantumarhasi । viśēṣatō’napakr̥tē parēṇāpakr̥tē sati ॥KUMB: 1-165-27; NILA: 01.153.024॥
Strike at me alone. You should not kill a woman, especially one who has done no wrong, when it is another who has wronged you. (KUMB: 1-165-27; NILA: 01.153.024)
[PV-SVO:01_027_247]
न हीयं स्ववशा बाला कामयत्यद्य मामिह । चोदितैषा ह्यनङ्गेन शरीरान्तरचारिणा ॥KUMB: १-१६५-२८; NILA: ०१.१५३.०२५॥
na hīyaṁ svavaśā bālā kāmayatyadya māmiha । cōditaiṣā hyanaṅgēna śarīrāntaracāriṇā ॥KUMB: 1-165-28; NILA: 01.153.025॥
For this young girl is not in control of herself when she desires me here today; she has been driven by the bodiless god of love, who moves within the body. (KUMB: 1-165-28; NILA: 01.153.025)
[PV-SVO:01_027_248]
भगिनी तव दुर्वृत्त रक्षसां वै यशोहर । त्वन्नियोगेन चैवेयं रूपं मम समीक्ष्य च ॥KUMB: १-१६५-२९; NILA: ०१.१५३.०२६॥
bhaginī tava durvr̥tta rakṣasāṁ vai yaśōhara । tvanniyōgēna caivēyaṁ rūpaṁ mama samīkṣya ca ॥KUMB: 1-165-29; NILA: 01.153.026॥
This sister of yours, wicked wretch and disgrace to the Rakshasas, acting at your command and having seen my form... (KUMB: 1-165-29; NILA: 01.153.026)
[PV-SVO:01_027_249]
कामयत्यद्य मां भीरुस्तव नैषापराध्यति । अनङ्गेन कृते दोषे नेमां गर्हितुमर्हसि ॥KUMB: १-१६५-३०; NILA: ०१.१५३.०२७॥
kāmayatyadya māṁ bhīrustava naiṣāparādhyati । anaṅgēna kr̥tē dōṣē nēmāṁ garhitumarhasi ॥KUMB: 1-165-30; NILA: 01.153.027॥
The timid woman desires me today; she has done you no wrong. Since Love is to blame, you should not reproach her. (KUMB: 1-165-30; NILA: 01.153.027)
[PV-SVO:01_027_250]
मयि तिष्ठति दुष्टात्मन्न स्त्रियं हन्तुमर्हसि । संगच्छस्व मया सार्धमेकेनैको नराशन ॥KUMB: १-१६५-३१; NILA: ०१.१५३.०२८॥
mayi tiṣṭhati duṣṭātmanna striyaṁ hantumarhasi । saṁgacchasva mayā sārdhamēkēnaikō narāśana ॥KUMB: 1-165-31; NILA: 01.153.028॥
While I am here, you wicked wretch, you must not kill a woman. Fight me alone, one against one, man-eater! (KUMB: 1-165-31; NILA: 01.153.028)
[PV-SVO:01_027_251]
अहमेको गमिष्यामि त्वामद्य यमसादनम् । अद्य मद्बलनिष्पिष्टं शिरो राक्षस दीर्यताम् । कुञ्जरस्येव पादेन विनिष्पिष्टं बलीयसाः ॥KUMB: १-१६५-३२; NILA: ०१.१५३.०२९॥
ahamēkō gamiṣyāmi tvāmadya yamasādanam । adya madbalaniṣpiṣṭaṁ śirō rākṣasa dīryatām । kuñjarasyēva pādēna viniṣpiṣṭaṁ balīyasāḥ ॥KUMB: 1-165-32; NILA: 01.153.029॥
I alone will send you today to Yama’s abode. May your head, crushed by my might, split open today, O Rakshasa, like one crushed beneath an elephant’s mighty foot. (KUMB: 1-165-32; NILA: 01.153.029)
[PV-SVO:01_027_252]
अद्य गात्राणि ते कङ्काः श्येना गोमायवस्तथा । कर्षन्तु भुवि संहृष्टा निहतस्य मया मृधे ॥KUMB: १-१६५-३३; NILA: ०१.१५३.०३०॥
adya gātrāṇi tē kaṅkāḥ śyēnā gōmāyavastathā । karṣantu bhuvi saṁhr̥ṣṭā nihatasya mayā mr̥dhē ॥KUMB: 1-165-33; NILA: 01.153.030॥
Today, when I have slain you in battle, let crows, hawks, and jackals gleefully drag your limbs across the ground. (KUMB: 1-165-33; NILA: 01.153.030)
[PV-SVO:01_027_253]
क्षणेनाद्य करिष्येऽहमिदं वनमराक्षसम् । पुरा यद्दूषितं नित्यं त्वया भक्षयता नरान् ॥KUMB: १-१६५-३४; NILA: ०१.१५३.०३१॥
kṣaṇēnādya kariṣyē’hamidaṁ vanamarākṣasam । purā yaddūṣitaṁ nityaṁ tvayā bhakṣayatā narān ॥KUMB: 1-165-34; NILA: 01.153.031॥
Today, in an instant, I shall rid this forest of demons, which you have long defiled by devouring men. (KUMB: 1-165-34; NILA: 01.153.031)
[PV-SVO:01_027_254]
अद्य त्वां भगिनी रक्षः कृष्यमाणं मयाऽसकृत् । द्रक्ष्यत्यद्रिप्रतीकाशं सिंहेनेव महाद्विपम् ॥KUMB: १-१६५-३५; NILA: ०१.१५३.०३२॥
adya tvāṁ bhaginī rakṣaḥ kr̥ṣyamāṇaṁ mayā’sakr̥t । drakṣyatyadripratīkāśaṁ siṁhēnēva mahādvipam ॥KUMB: 1-165-35; NILA: 01.153.032॥
Today, O Rakshasa, your sister will see you, huge as a mountain, being dragged about again and again by me like a great elephant by a lion. (KUMB: 1-165-35; NILA: 01.153.032)
[PV-SVO:01_027_255]
निराबाधास्त्वयि हते मया राक्षसपांसन । वनमेतच्चरिष्यन्ति पुरुषा वनचारिणः ॥KUMB: १-१६५-३६; NILA: ०१.१५३.०३३॥
nirābādhāstvayi hatē mayā rākṣasapāṁsana । vanamētaccariṣyanti puruṣā vanacāriṇaḥ ॥KUMB: 1-165-36; NILA: 01.153.033॥
When I have killed you, O disgrace to the Rakshasas, men who range the forest will roam these woods unmolested. (KUMB: 1-165-36; NILA: 01.153.033)
[PV-SVO:01_027_256]
गर्जितेन वृथा किं ते कत्थितेन च मानुष । कृत्वैतत्कर्मणा सर्वं कत्थेया मा चिरं कृथाः ॥KUMB: १-१६५-३७; NILA: ०१.१५३.०३४॥
garjitēna vr̥thā kiṁ tē katthitēna ca mānuṣa । kr̥tvaitatkarmaṇā sarvaṁ katthēyā mā ciraṁ kr̥thāḥ ॥KUMB: 1-165-37; NILA: 01.153.034॥
What use are your empty roars and boasts, human? Accomplish all this in deed, and then you may boast. Do not delay. (KUMB: 1-165-37; NILA: 01.153.034)
[PV-SVO:01_027_257]
बलिनं मन्यसे यच्चाप्यात्मानं सपराक्रमम् । ज्ञास्यस्यद्य समागम्य मयात्मानं बलाधिकम् ॥KUMB: १-१६५-३८; NILA: ०१.१५३.०३५॥
balinaṁ manyasē yaccāpyātmānaṁ saparākramam । jñāsyasyadya samāgamya mayātmānaṁ balādhikam ॥KUMB: 1-165-38; NILA: 01.153.035॥
Though you consider yourself strong and valiant, when you face me today you will learn that I am stronger. (KUMB: 1-165-38; NILA: 01.153.035)
[PV-SVO:01_027_258]
न तावदेतान्हिंसिष्ये स्वपन्त्वेते यथासुखम् । एष त्वामेव दुर्बुद्धे निहन्म्यद्याप्रियंवदम् ॥KUMB: १-१६५-३९; NILA: ०१.१५३.०३६॥
na tāvadētānhiṁsiṣyē svapantvētē yathāsukham । ēṣa tvāmēva durbuddhē nihanmyadyāpriyaṁvadam ॥KUMB: 1-165-39; NILA: 01.153.036॥
I will not kill these men just yet; let them sleep at ease. But you, you wicked fool who speaks such offensive words, I will kill today. (KUMB: 1-165-39; NILA: 01.153.036)
[PV-SVO:01_027_259]
पीत्वा तवासृग्गात्रेभ्यस्ततः पश्चादिमानपि । हनिष्यामि ततः पश्चादिमां विप्रियकारिणीम् ॥KUMB: १-१६५-४०; NILA: ०१.१५३.०३७॥
pītvā tavāsr̥ggātrēbhyastataḥ paścādimānapi । haniṣyāmi tataḥ paścādimāṁ vipriyakāriṇīm ॥KUMB: 1-165-40; NILA: 01.153.037॥
After drinking the blood from your limbs, I will then kill these men as well, and afterward this woman who has offended me. (KUMB: 1-165-40; NILA: 01.153.037)
[PV-SVO:01_027_260]
एवमुक्त्वा ततो बाहुं प्रगृह्य पुरुषादकः । अभ्यद्रवत संक्रुद्धो भीमसेनमरिन्दमम् ॥KUMB: १-१६५-४१; NILA: ०१.१५३.०३८॥
ēvamuktvā tatō bāhuṁ pragr̥hya puruṣādakaḥ । abhyadravata saṁkruddhō bhīmasēnamarindamam ॥KUMB: 1-165-41; NILA: 01.153.038॥
Having spoken thus, the enraged man-eater raised his arm and charged at Bhimasena, the subduer of foes. (KUMB: 1-165-41; NILA: 01.153.038)
[PV-SVO:01_027_261]
तस्याभिद्रवतस्तूर्णं भीमो भीमपराक्रमः । वेगेन प्रहितं बाहुं निजग्राह हसन्निव ॥KUMB: १-१६५-४२; NILA: ०१.१५३.०३९॥
tasyābhidravatastūrṇaṁ bhīmō bhīmaparākramaḥ । vēgēna prahitaṁ bāhuṁ nijagrāha hasanniva ॥KUMB: 1-165-42; NILA: 01.153.039॥
As he rushed swiftly at him, Bhima of fearsome prowess seized the arm thrust forcefully toward him, almost laughing. (KUMB: 1-165-42; NILA: 01.153.039)
[PV-SVO:01_027_262]
निगृह्य तं बलाद्भीमो विस्फुरन्तं चकर्ष ह । तस्माद्देशाद्धनूंष्यष्टौ सिंहः क्षुद्रमृगं यथा ॥KUMB: १-१६५-४३; NILA: ०१.१५३.०४०॥
nigr̥hya taṁ balādbhīmō visphurantaṁ cakarṣa ha । tasmāddēśāddhanūṁṣyaṣṭau siṁhaḥ kṣudramr̥gaṁ yathā ॥KUMB: 1-165-43; NILA: 01.153.040॥
Seizing him by force, Bhima dragged him, struggling, eight bow-lengths from that spot, as a lion drags a small deer. (KUMB: 1-165-43; NILA: 01.153.040)
[PV-SVO:01_027_263]
ततः स राक्षसः क्रुद्धः पाण्डवेन बलार्दितः । भीमसेनं समालिङ्ग्य व्यनदद्भैरवं रवम् ॥KUMB: १-१६५-४४; NILA: ०१.१५३.०४१॥
tataḥ sa rākṣasaḥ kruddhaḥ pāṇḍavēna balārditaḥ । bhīmasēnaṁ samāliṅgya vyanadadbhairavaṁ ravam ॥KUMB: 1-165-44; NILA: 01.153.041॥
Then the enraged Rakshasa, tormented by the Pandava’s strength, embraced Bhimasena and let out a terrifying roar. (KUMB: 1-165-44; NILA: 01.153.041)
[PV-SVO:01_027_264]
पुनर्भीमो बलादेनं विचकर्ष महाबलः । मा शब्दः सुखसुप्तानां भ्रातॄणां मे भवेदिति ॥KUMB: १-१६५-४५; NILA: ०१.१५३.०४२॥
punarbhīmō balādēnaṁ vicakarṣa mahābalaḥ । mā śabdaḥ sukhasuptānāṁ bhrātr̥̄ṇāṁ mē bhavēditi ॥KUMB: 1-165-45; NILA: 01.153.042॥
Then mighty Bhima forcibly dragged him away again, thinking, “Let no sound disturb my brothers, who are sleeping peacefully.” (KUMB: 1-165-45; NILA: 01.153.042)
[PV-SVO:01_027_265]
हस्ते गृहीत्वा तद्रक्षो दूरमन्यत्र नीतवान् । पृच्छे गृहीत्वा तुण्डेन गरुडः पन्नगं यथा ॥KUMB: १-१६५-४६॥
hastē gr̥hītvā tadrakṣō dūramanyatra nītavān । pr̥cchē gr̥hītvā tuṇḍēna garuḍaḥ pannagaṁ yathā ॥KUMB: 1-165-46॥
Grasping the Rakshasa by the hand, he took him far away to another place, as Garuda carries off a serpent by its tail in his beak. (KUMB: 1-165-46)
[PV-SVO:01_027_266]
अन्योन्यं तौ समासाद्य विचकर्षतुरोजसा । हिडिम्बो भीमसेनश्च विक्रमं चक्रतुः परम् ॥KUMB: १-१६५-४७; NILA: ०१.१५३.०४३॥
anyōnyaṁ tau samāsādya vicakarṣaturōjasā । hiḍimbō bhīmasēnaśca vikramaṁ cakratuḥ param ॥KUMB: 1-165-47; NILA: 01.153.043॥
Hidimba and Bhimasena grappled with each other and pulled with all their strength, displaying supreme prowess. (KUMB: 1-165-47; NILA: 01.153.043)
[PV-SVO:01_027_267]
बभञ्जतुस्तदा वृक्षाँल्लताश्चाकर्षतुस्तदा । मत्ताविव चं संरब्धौ वारणौ षष्टिहायनौ ॥KUMB: १-१६५-४८; NILA: ०१.१५३.०४४॥
babhañjatustadā vr̥kṣām̐llatāścākarṣatustadā । mattāviva caṁ saṁrabdhau vāraṇau ṣaṣṭihāyanau ॥KUMB: 1-165-48; NILA: 01.153.044॥
Then they broke trees and tore at the vines, both enraged like two sixty-year-old elephants in rut. (KUMB: 1-165-48; NILA: 01.153.044)
[PV-SVO:01_027_268]
पादपानुद्धरन्तौ तावूरुवेगेन वेगितौ । स्फोटयन्तौ लताजालान्यूरुभ्यां गृह्य सर्वशः ॥KUMB: १-१६५-४९॥
pādapānuddharantau tāvūruvēgēna vēgitau । sphōṭayantau latājālānyūrubhyāṁ gr̥hya sarvaśaḥ ॥KUMB: 1-165-49॥
The two, propelled by the force of their thighs, uprooting trees and, gripping tangled masses of vines all around with their thighs, tearing them apart… (KUMB: 1-165-49)
[PV-SVO:01_027_269]
वित्रासयन्तौ तौ शब्दैः सर्वतो मृगपक्षिणः । बलेन बलिनौ मत्तावन्योन्यवधकाङ्क्षिणौ ॥KUMB: १-१६५-५०॥
vitrāsayantau tau śabdaiḥ sarvatō mr̥gapakṣiṇaḥ । balēna balinau mattāvanyōnyavadhakāṅkṣiṇau ॥KUMB: 1-165-50॥
Terrifying beasts and birds on every side with their roars, the two powerful ones, intoxicated by their strength and each eager to kill the other... (KUMB: 1-165-50)
[PV-SVO:01_027_270]
भीमराक्षसयोर्युद्धं तदाऽवर्तत दारुणम् । पुरा देवासुरे युद्धे वृत्रवासवयोरिव ॥KUMB: १-१६५-५१॥
bhīmarākṣasayōryuddhaṁ tadā’vartata dāruṇam । purā dēvāsurē yuddhē vr̥travāsavayōriva ॥KUMB: 1-165-51॥
Then a terrible battle arose between Bhima and the Rakshasa, like that between Vritra and Vasava in the ancient war of the gods and Asuras. (KUMB: 1-165-51)
[PV-SVO:01_027_271]
भङूक्त्वा वृक्षान्महाशाखांस्ताडयामासतुः क्रुधा । सालतालतमालाम्रवटार्जुनविभीतकान् ॥KUMB: १-१६५-५२॥
bhaṅūktvā vr̥kṣānmahāśākhāṁstāḍayāmāsatuḥ krudhā । sālatālatamālāmravaṭārjunavibhītakān ॥KUMB: 1-165-52॥
Breaking down great, many-branched trees, they struck each other in fury—sal, palmyra, tamala, mango, banyan, arjuna, and vibhitaka trees… (KUMB: 1-165-52)
[PV-SVO:01_027_272]
न्यग्रोधप्लक्षखर्जूरपनसानश्मकण्टकान् । एतानन्यान्महावृक्षानुत्खाय तरसाऽखिलान् ॥KUMB: १-१६५-५३॥
nyagrōdhaplakṣakharjūrapanasānaśmakaṇṭakān । ētānanyānmahāvr̥kṣānutkhāya tarasā’khilān ॥KUMB: 1-165-53॥
banyans, plaksha trees, date palms, jackfruit trees, and ashmakantaka trees—having forcefully uprooted all these and the other great trees… (KUMB: 1-165-53)
[PV-SVO:01_027_273]
उत्क्षिप्यान्योन्यरोषेण ताडयामासतू रणे । यदाऽभवद्वनं सर्वं निर्वृक्षं वृक्षसङ्कुलम् ॥KUMB: १-१६५-५४॥
utkṣipyānyōnyarōṣēṇa tāḍayāmāsatū raṇē । yadā’bhavadvanaṁ sarvaṁ nirvr̥kṣaṁ vr̥kṣasaṅkulam ॥KUMB: 1-165-54॥
Lifting them up in their fury at one another, the two struck each other in battle. When the entire forest, once dense with trees, had become treeless... (KUMB: 1-165-54)
[PV-SVO:01_027_274]
तदा शिलाश्च कुञ्जांश्च वृक्षान्कण्टकिनस्तथा । ततस्तौ गिरिशृङ्गाणि पर्वतांश्चाभ्रलेलिहान् ॥KUMB: १-१६५-५५॥
tadā śilāśca kuñjāṁśca vr̥kṣānkaṇṭakinastathā । tatastau giriśr̥ṅgāṇi parvatāṁścābhralēlihān ॥KUMB: 1-165-55॥
Then rocks, thickets, and thorny trees; thereafter the two of them, mountain peaks and cloud-licking mountains… (KUMB: 1-165-55)
[PV-SVO:01_027_275]
शैलांश्च गण्डपाषाणानुत्खायादाय वैरिणौ । चिक्षेपतुरुपर्याजावन्योन्यं विजयेषिणौ ॥KUMB: १-१६५-५६॥
śailāṁśca gaṇḍapāṣāṇānutkhāyādāya vairiṇau । cikṣēpaturuparyājāvanyōnyaṁ vijayēṣiṇau ॥KUMB: 1-165-56॥
Having uprooted and lifted mountains and massive boulders, the two enemies, each seeking victory, hurled them upon one another in battle. (KUMB: 1-165-56)
[PV-SVO:01_027_276]
तद्वनं परितः पञ्चयोजनं निर्महीरुहम् । निर्लतागुल्मपाषाणं निर्मृगं चक्रतुर्भृशम् ॥KUMB: १-१६५-५७॥
tadvanaṁ paritaḥ pañcayōjanaṁ nirmahīruham । nirlatāgulmapāṣāṇaṁ nirmr̥gaṁ cakraturbhr̥śam ॥KUMB: 1-165-57॥
They utterly stripped the forest for five yojanas all around of trees, vines, shrubs, rocks, and wild animals. (KUMB: 1-165-57)
[PV-SVO:01_027_277]
तयोर्युद्धेन राजेन्द्र तद्वनं भीमरक्षसोः । मुहूर्तेनाभवत्कूमर्पृष्ठवच्छ्लक्ष्णमव्ययम् ॥KUMB: १-१६५-५८॥
tayōryuddhēna rājēndra tadvanaṁ bhīmarakṣasōḥ । muhūrtēnābhavatkūmarpr̥ṣṭhavacchlakṣṇamavyayam ॥KUMB: 1-165-58॥
Through the battle between Bhima and the Rakshasa, O king, that forest became in a moment smooth and unchanging, like the back of a tortoise. (KUMB: 1-165-58)
[PV-SVO:01_027_278]
ऊरुबाहुपरिक्लेशात्कर्षन्तावितरेतरम् । उत्कर्षन्तौ विकर्षन्तौ प्रकर्षन्तौ परस्परम् ॥KUMB: १-१६५-५९॥
ūrubāhupariklēśātkarṣantāvitarētaram । utkarṣantau vikarṣantau prakarṣantau parasparam ॥KUMB: 1-165-59॥
Straining with thighs and arms, dragging one another—pulling each other up, apart, and forward... (KUMB: 1-165-59)
[PV-SVO:01_027_279]
तौ स्वनेन विना राजन्गर्जन्तौ च परस्परम् । पाषाणसंघट्टनिभैः प्रहारैरभिजघ्नतुः ॥KUMB: १-१६५-६०॥
tau svanēna vinā rājangarjantau ca parasparam । pāṣāṇasaṁghaṭṭanibhaiḥ prahārairabhijaghnatuḥ ॥KUMB: 1-165-60॥
The two, O king, roared soundlessly at one another and struck each other with blows like the crashing together of rocks. (KUMB: 1-165-60)
[PV-SVO:01_027_280]
अन्योन्यं च समालिङ्ग्य विकर्षन्तौ परस्परम् । बाहुयुद्धमभूद्धोरं बलिवासवयोरिव । युद्धसंरम्भनिर्गच्छत्फूत्काररवनिस्वनम् ॥KUMB: १-१६५-६१॥
anyōnyaṁ ca samāliṅgya vikarṣantau parasparam । bāhuyuddhamabhūddhōraṁ balivāsavayōriva । yuddhasaṁrambhanirgacchatphūtkāraravanisvanam ॥KUMB: 1-165-61॥
Gripping and dragging one another, they engaged in a terrible wrestling match, like that between Bali and Vasava, resounding with snorts and roars born of battle fury. (KUMB: 1-165-61)
[PV-SVO:01_027_281]
तयोः शब्देन महता विबुद्धास्ते नरर्षभाः । सह मात्रा च ददृशुर्हिडिम्बामग्रतःस्थिताम् ॥KUMB: १-१६५-६२; NILA: ०१.१५३.०४५॥
tayōḥ śabdēna mahatā vibuddhāstē nararṣabhāḥ । saha mātrā ca dadr̥śurhiḍimbāmagrataḥsthitām ॥KUMB: 1-165-62; NILA: 01.153.045॥
Awakened by the tremendous noise they were making, those foremost of men, together with their mother, saw Hiḍimbā standing before them. (KUMB: 1-165-62; NILA: 01.153.045)
[PV-SVO:01_027_282]
वैशम्पायन उवाच॥
vaiśampāyana uvāca॥
Vaiśampāyana said:
[PV-KDV:01_027_283]
भीमसेनस्तु तं दृष्ट्वा राक्षसं प्रहसन्निव । भगिनीं प्रति सङ्क्रुद्धमिदं वचनमब्रवीत् ॥BORI: ०१-१४१-१॥
bhīmasēnastu taṁ dr̥ṣṭvā rākṣasaṁ prahasanniva । bhaginīṁ prati saṅkruddhamidaṁ vacanamabravīt ॥BORI: 01-141-1॥
Seeing the Rakshasa enraged with his sister, Bhimasena, almost laughing, spoke these words: (BORI: 01-141-1)
[PV-KDV:01_027_284]
किं ते हिडिम्ब एतैर्वा सुखसुप्तैः प्रबोधितैः । मामासादय दुर्बुद्धे तरसा त्वं नराशन ॥BORI: ०१-१४१-२॥
kiṁ tē hiḍimba ētairvā sukhasuptaiḥ prabōdhitaiḥ । māmāsādaya durbuddhē tarasā tvaṁ narāśana ॥BORI: 01-141-2॥
What have you to do, Hidimba, with waking these people who are sleeping peacefully? Come at me with all your might, you fool, you man-eater! (BORI: 01-141-2)
[PV-KDV:01_027_285]
मय्येव प्रहरैहि त्वं न स्त्रियं हन्तुमर्हसि । विशेषतोऽनपकृते परेणापकृते सति ॥BORI: ०१-१४१-३॥
mayyēva praharaihi tvaṁ na striyaṁ hantumarhasi । viśēṣatō’napakr̥tē parēṇāpakr̥tē sati ॥BORI: 01-141-3॥
Strike me alone here. You ought not to kill a woman, especially when she has done no wrong and another has offended you. (BORI: 01-141-3)
[PV-KDV:01_027_286]
न हीयं स्ववशा बाला कामयत्यद्य मामिह । चोदितैषा ह्यनङ्गेन शरीरान्तरचारिणा । भगिनी तव दुर्बुद्धे राक्षसानां यशोहर ॥BORI: ०१-१४१-४॥
na hīyaṁ svavaśā bālā kāmayatyadya māmiha । cōditaiṣā hyanaṅgēna śarīrāntaracāriṇā । bhaginī tava durbuddhē rākṣasānāṁ yaśōhara ॥BORI: 01-141-4॥
This young woman is not acting of her own accord in desiring me here today. For your sister has been driven by bodiless Love, who moves within the body, O evil-minded disgrace to the Rakshasas. (BORI: 01-141-4)
[PV-KDV:01_027_287]
त्वन्नियोगेन चैवेयं रूपं मम समीक्ष्य च । कामयत्यद्य मां भीरुर्नैषा दूषयते कुलम् ॥BORI: ०१-१४१-५॥
tvanniyōgēna caivēyaṁ rūpaṁ mama samīkṣya ca । kāmayatyadya māṁ bhīrurnaiṣā dūṣayatē kulam ॥BORI: 01-141-5॥
At your command, and after seeing my appearance, this timid woman now desires me; she is not disgracing her family. (BORI: 01-141-5)
[PV-KDV:01_027_288]
अनङ्गेन कृते दोषे नेमां त्वमिह राक्षस । मयि तिष्ठति दुष्टात्मन्न स्त्रियं हन्तुमर्हसि ॥BORI: ०१-१४१-६॥
anaṅgēna kr̥tē dōṣē nēmāṁ tvamiha rākṣasa । mayi tiṣṭhati duṣṭātmanna striyaṁ hantumarhasi ॥BORI: 01-141-6॥
Since the god of love is at fault, do not kill this woman here, O Rakshasa. While I am here, wicked one, you must not kill a woman. (BORI: 01-141-6)
[PV-KDV:01_027_289]
समागच्छ मया सार्धमेकेनैको नराशन । अहमेव नयिष्यामि त्वामद्य यमसादनम् ॥BORI: ०१-१४१-७॥
samāgaccha mayā sārdhamēkēnaikō narāśana । ahamēva nayiṣyāmi tvāmadya yamasādanam ॥BORI: 01-141-7॥
Face me alone, one on one, O man-eater. Today I myself will send you to the abode of Yama. (BORI: 01-141-7)
[PV-KDV:01_027_290]
अद्य ते तलनिष्पिष्टं शिरो राक्षस दीर्यताम् । कुञ्जरस्येव पादेन विनिष्पिष्टं बलीयसः ॥BORI: ०१-१४१-८॥
adya tē talaniṣpiṣṭaṁ śirō rākṣasa dīryatām । kuñjarasyēva pādēna viniṣpiṣṭaṁ balīyasaḥ ॥BORI: 01-141-8॥
Today, Rakshasa, may your head, crushed by my palm, split apart like something pulverized beneath the foot of a mightier elephant. (BORI: 01-141-8)
[PV-KDV:01_027_291]
अद्य गात्राणि क्रव्यादाः श्येना गोमायवश्च ते । कर्षन्तु भुवि संहृष्टा निहतस्य मया मृधे ॥BORI: ०१-१४१-९॥
adya gātrāṇi kravyādāḥ śyēnā gōmāyavaśca tē । karṣantu bhuvi saṁhr̥ṣṭā nihatasya mayā mr̥dhē ॥BORI: 01-141-9॥
Today, after I have slain you in battle, let the delighted carrion-eaters—hawks and jackals—drag your limbs over the ground. (BORI: 01-141-9)
[PV-KDV:01_027_292]
क्षणेनाद्य करिष्येऽहमिदं वनमकण्टकम् । पुरस्ताद्दूषितं नित्यं त्वया भक्षयता नरान् ॥BORI: ०१-१४१-१०॥
kṣaṇēnādya kariṣyē’hamidaṁ vanamakaṇṭakam । purastāddūṣitaṁ nityaṁ tvayā bhakṣayatā narān ॥BORI: 01-141-10॥
This very day, in a moment, I will rid this forest of its scourge. Until now, you have continually defiled it by devouring men. (BORI: 01-141-10)
[PV-KDV:01_027_293]
अद्य त्वां भगिनी पाप कृष्यमाणं मया भुवि । द्रक्षत्यद्रिप्रतीकाशं सिंहेनेव महाद्विपम् ॥BORI: ०१-१४१-११॥
adya tvāṁ bhaginī pāpa kr̥ṣyamāṇaṁ mayā bhuvi । drakṣatyadripratīkāśaṁ siṁhēnēva mahādvipam ॥BORI: 01-141-11॥
Today, wicked one, your sister will see you, huge as a mountain, being dragged along the ground by me like a great elephant by a lion. (BORI: 01-141-11)
[PV-KDV:01_027_294]
निराबाधास्त्वयि हते मया राक्षसपांसन । वनमेतच्चरिष्यन्ति पुरुषा वनचारिणः ॥BORI: ०१-१४१-१२॥
nirābādhāstvayi hatē mayā rākṣasapāṁsana । vanamētaccariṣyanti puruṣā vanacāriṇaḥ ॥BORI: 01-141-12॥
When I have killed you, O vilest of Rakshasas, men who roam the forests will travel through this forest unmolested. (BORI: 01-141-12)
[PV-KDV:01_027_295]
हिडिम्ब उवाच॥
hiḍimba uvāca॥
Hiḍimba said:
[PV-KDV:01_027_296]
गर्जितेन वृथा किं ते कत्थितेन च मानुष । कृत्वैतत्कर्मणा सर्वं कत्थेथा मा चिरं कृथाः ॥BORI: ०१-१४१-१३॥
garjitēna vr̥thā kiṁ tē katthitēna ca mānuṣa । kr̥tvaitatkarmaṇā sarvaṁ katthēthā mā ciraṁ kr̥thāḥ ॥BORI: 01-141-13॥
What is the use of your vain roaring and boasting, human? Accomplish all this through action, and then you may boast. Do not delay. (BORI: 01-141-13)
[PV-KDV:01_027_297]
बलिनं मन्यसे यच्च आत्मानमपराक्रमम् । ज्ञास्यस्यद्य समागम्य मयात्मानं बलाधिकम् ॥BORI: ०१-१४१-१४॥
balinaṁ manyasē yacca ātmānamaparākramam । jñāsyasyadya samāgamya mayātmānaṁ balādhikam ॥BORI: 01-141-14॥
You think yourself strong, though you possess no valor; today, when you meet me, you will learn that I am stronger. (BORI: 01-141-14)
[PV-KDV:01_027_298]
न तावदेतान्हिंसिष्ये स्वपन्त्वेते यथासुखम् । एष त्वामेव दुर्बुद्धे निहन्म्यद्याप्रियंवदम् ॥BORI: ०१-१४१-१५॥
na tāvadētānhiṁsiṣyē svapantvētē yathāsukham । ēṣa tvāmēva durbuddhē nihanmyadyāpriyaṁvadam ॥BORI: 01-141-15॥
I will not kill these men just yet; let them sleep at ease. But you, fool, who speak such disagreeable words—I will kill you today. (BORI: 01-141-15)
[PV-KDV:01_027_299]
पीत्वा तवासृग्गात्रेभ्यस्ततः पश्चादिमानपि । हनिष्यामि ततः पश्चादिमां विप्रियकारिणीम् ॥BORI: ०१-१४१-१६॥
pītvā tavāsr̥ggātrēbhyastataḥ paścādimānapi । haniṣyāmi tataḥ paścādimāṁ vipriyakāriṇīm ॥BORI: 01-141-16॥
After drinking the blood from your limbs, I will kill these too; after that, I will kill this woman who has wronged me. (BORI: 01-141-16)
[PV-KDV:01_027_300]
वैशम्पायन उवाच॥
vaiśampāyana uvāca॥
Vaiśampāyana said:
[PV-KDV:01_027_301]
एवमुक्त्वा ततो बाहुं प्रगृह्य पुरुषादकः । अभ्यधावत सङ्क्रुद्धो भीमसेनमरिंदमम् ॥BORI: ०१-१४१-१७॥
ēvamuktvā tatō bāhuṁ pragr̥hya puruṣādakaḥ । abhyadhāvata saṅkruddhō bhīmasēnamariṁdamam ॥BORI: 01-141-17॥
Having spoken thus, the man-eater raised his arm and, enraged, rushed at Bhimasena, the subduer of foes. (BORI: 01-141-17)
[PV-KDV:01_027_302]
तस्याभिपततस्तूर्णं भीमो भीमपराक्रमः । वेगेन प्रहृतं बाहुं निजग्राह हसन्निव ॥BORI: ०१-१४१-१८॥
tasyābhipatatastūrṇaṁ bhīmō bhīmaparākramaḥ । vēgēna prahr̥taṁ bāhuṁ nijagrāha hasanniva ॥BORI: 01-141-18॥
As he rushed swiftly upon him, Bhima, whose prowess was fearsome, caught the arm thrust at him with force, seeming to laugh. (BORI: 01-141-18)
[PV-KDV:01_027_303]
निगृह्य तं बलाद्भीमो विस्फुरन्तं चकर्ष ह । तस्माद्देशाद्धनूंष्यष्टौ सिंहः क्षुद्रमृगं यथा ॥BORI: ०१-१४१-१९॥
nigr̥hya taṁ balādbhīmō visphurantaṁ cakarṣa ha । tasmāddēśāddhanūṁṣyaṣṭau siṁhaḥ kṣudramr̥gaṁ yathā ॥BORI: 01-141-19॥
Seizing him by force, Bhima dragged him, struggling, eight bow-lengths from that spot, as a lion drags a small deer. (BORI: 01-141-19)
[PV-KDV:01_027_304]
ततः स राक्षसः क्रुद्धः पाण्डवेन बलाद्धृतः । भीमसेनं समालिङ्ग्य व्यनदद्भैरवं रवम् ॥BORI: ०१-१४१-२०॥
tataḥ sa rākṣasaḥ kruddhaḥ pāṇḍavēna balāddhr̥taḥ । bhīmasēnaṁ samāliṅgya vyanadadbhairavaṁ ravam ॥BORI: 01-141-20॥
Then the enraged Rakshasa, held fast by the Pandava, seized Bhimasena in an embrace and let out a terrifying roar. (BORI: 01-141-20)
[PV-KDV:01_027_305]
पुनर्भीमो बलादेनं विचकर्ष महाबलः । मा शब्दः सुखसुप्तानां भ्रातृणां मे भवेदिति ॥BORI: ०१-१४१-२१॥
punarbhīmō balādēnaṁ vicakarṣa mahābalaḥ । mā śabdaḥ sukhasuptānāṁ bhrātr̥ṇāṁ mē bhavēditi ॥BORI: 01-141-21॥
Then the mighty Bhima forcibly dragged him away again, thinking, “Let no sound disturb my brothers, who are sleeping peacefully.” (BORI: 01-141-21)
[PV-KDV:01_027_306]
अन्योन्यं तौ समासाद्य विचकर्षतुरोजसा । राक्षसो भीमसेनश्च विक्रमं चक्रतुः परम् ॥BORI: ०१-१४१-२२॥
anyōnyaṁ tau samāsādya vicakarṣaturōjasā । rākṣasō bhīmasēnaśca vikramaṁ cakratuḥ param ॥BORI: 01-141-22॥
The Rakshasa and Bhimasena grappled with each other and pulled with all their strength, displaying the utmost prowess. (BORI: 01-141-22)
[PV-KDV:01_027_307]
बभञ्जतुर्महावृक्षाँल्लताश्चाकर्षतुस्ततः । मत्ताविव सुसंरब्धौ वारणौ षष्टिहायनौ ॥BORI: ०१-१४१-२३॥
babhañjaturmahāvr̥kṣām̐llatāścākarṣatustataḥ । mattāviva susaṁrabdhau vāraṇau ṣaṣṭihāyanau ॥BORI: 01-141-23॥
They broke down great trees and then tore up creepers, raging like two rutting sixty-year-old elephants. (BORI: 01-141-23)
[PV-KDV:01_027_308]
तयोः शब्देन महता विबुद्धास्ते नरर्षभाः । सह मात्रा तु ददृशुर्हिडिम्बामग्रतः स्थिताम् ॥BORI: ०१-१४१-२४॥
tayōḥ śabdēna mahatā vibuddhāstē nararṣabhāḥ । saha mātrā tu dadr̥śurhiḍimbāmagrataḥ sthitām ॥BORI: 01-141-24॥
Awakened by the tremendous noise they made, those bulls among men, together with their mother, saw Hidimbā standing before them. (BORI: 01-141-24)
[PV-KDV:01_027_309]
हस्ते गृहीत्वा तद्रक्षो दूरमन्यत्र नीतवान् । पृच्छे गृहीत्वा तुण्डेन गरुडः पन्नगं यथा ॥KUMB: १-१६५-४६॥
hastē gr̥hītvā tadrakṣō dūramanyatra nītavān । pr̥cchē gr̥hītvā tuṇḍēna garuḍaḥ pannagaṁ yathā ॥KUMB: 1-165-46॥
Taking that Rakshasa by the hand, he led him far away to another place, as Garuda carries off a serpent after seizing it by the tail in his beak. (KUMB: 1-165-46)
[PV-SVO:01_027_310]
पादपानुद्धरन्तौ तावूरुवेगेन वेगितौ । स्फोटयन्तौ लताजालान्यूरुभ्यां गृह्य सर्वशः ॥KUMB: १-१६५-४९॥
pādapānuddharantau tāvūruvēgēna vēgitau । sphōṭayantau latājālānyūrubhyāṁ gr̥hya sarvaśaḥ ॥KUMB: 1-165-49॥
Those two rushed on with the force of their thighs, uprooting trees and seizing tangles of creepers between their thighs, tearing them apart on every side... (KUMB: 1-165-49)
[PV-SVO:01_027_311]
वित्रासयन्तौ तौ शब्दैः सर्वतो मृगपक्षिणः । बलेन बलिनौ मत्तावन्योन्यवधकाङ्क्षिणौ ॥KUMB: १-१६५-५०॥
vitrāsayantau tau śabdaiḥ sarvatō mr̥gapakṣiṇaḥ । balēna balinau mattāvanyōnyavadhakāṅkṣiṇau ॥KUMB: 1-165-50॥
terrifying all the beasts and birds around them with their roars, the two, immensely strong, frenzied, and eager to kill each other... (KUMB: 1-165-50)
[PV-SVO:01_027_312]
भीमराक्षसयोर्युद्धं तदाऽवर्तत दारुणम् । पुरा देवासुरे युद्धे वृत्रवासवयोरिव ॥KUMB: १-१६५-५१॥
bhīmarākṣasayōryuddhaṁ tadā’vartata dāruṇam । purā dēvāsurē yuddhē vr̥travāsavayōriva ॥KUMB: 1-165-51॥
Then a dreadful battle arose between Bhima and the Rakshasa, like the battle of old between Vritra and Vasava in the war of the gods and Asuras. (KUMB: 1-165-51)
[PV-SVO:01_027_313]
भङूक्त्वा वृक्षान्महाशाखांस्ताडयामासतुः क्रुधा । सालतालतमालाम्रवटार्जुनविभीतकान् ॥KUMB: १-१६५-५२॥
bhaṅūktvā vr̥kṣānmahāśākhāṁstāḍayāmāsatuḥ krudhā । sālatālatamālāmravaṭārjunavibhītakān ॥KUMB: 1-165-52॥
Breaking down great-branched trees—śālas, palms, tamālas, mangoes, banyans, arjunas, and vibhītakas—they struck each other furiously. (KUMB: 1-165-52)
[PV-SVO:01_027_314]
न्यग्रोधप्लक्षखर्जूरपनसानश्मकण्टकान् । एतानन्यान्महावृक्षानुत्खाय तरसाऽखिलान् ॥KUMB: १-१६५-५३॥
nyagrōdhaplakṣakharjūrapanasānaśmakaṇṭakān । ētānanyānmahāvr̥kṣānutkhāya tarasā’khilān ॥KUMB: 1-165-53॥
banyans, plaksha figs, date palms, jackfruit trees, and ashmakantaka trees. Having forcibly uprooted all these and other great trees... (KUMB: 1-165-53)
[PV-SVO:01_027_315]
उत्क्षिप्यान्योन्यरोषेण ताडयामासतू रणे । यदाऽभवद्वनं सर्वं निर्वृक्षं वृक्षसङ्कुलम् ॥KUMB: १-१६५-५४॥
utkṣipyānyōnyarōṣēṇa tāḍayāmāsatū raṇē । yadā’bhavadvanaṁ sarvaṁ nirvr̥kṣaṁ vr̥kṣasaṅkulam ॥KUMB: 1-165-54॥
In their fury at one another, they lifted them up and struck each other with them in battle. When the entire tree-filled forest had become treeless… (KUMB: 1-165-54)
[PV-SVO:01_027_316]
तदा शिलाश्च कुञ्जांश्च वृक्षान्कण्टकिनस्तथा । ततस्तौ गिरिशृङ्गाणि पर्वतांश्चाभ्रलेलिहान् ॥KUMB: १-१६५-५५॥
tadā śilāśca kuñjāṁśca vr̥kṣānkaṇṭakinastathā । tatastau giriśr̥ṅgāṇi parvatāṁścābhralēlihān ॥KUMB: 1-165-55॥
Then rocks, thickets, and thorny trees; thereafter, the two of them, mountain peaks and cloud-licking mountains... (KUMB: 1-165-55)
[PV-SVO:01_027_317]
शैलांश्च गण्डपाषाणानुत्खायादाय वैरिणौ । चिक्षेपतुरुपर्याजावन्योन्यं विजयेषिणौ ॥KUMB: १-१६५-५६॥
śailāṁśca gaṇḍapāṣāṇānutkhāyādāya vairiṇau । cikṣēpaturuparyājāvanyōnyaṁ vijayēṣiṇau ॥KUMB: 1-165-56॥
The two foes, intent on victory, uprooted and seized mountains and massive boulders, and hurled them at one another in battle. (KUMB: 1-165-56)
[PV-SVO:01_027_318]
तद्वनं परितः पञ्चयोजनं निर्महीरुहम् । निर्लतागुल्मपाषाणं निर्मृगं चक्रतुर्भृशम् ॥KUMB: १-१६५-५७॥
tadvanaṁ paritaḥ pañcayōjanaṁ nirmahīruham । nirlatāgulmapāṣāṇaṁ nirmr̥gaṁ cakraturbhr̥śam ॥KUMB: 1-165-57॥
They utterly stripped the forest for five yojanas around of trees, vines, shrubs, rocks, and wild animals. (KUMB: 1-165-57)
[PV-SVO:01_027_319]
तयोर्युद्धेन राजेन्द्र तद्वनं भीमरक्षसोः । मुहूर्तेनाभवत्कूमर्पृष्ठवच्छ्लक्ष्णमव्ययम् ॥KUMB: १-१६५-५८॥
tayōryuddhēna rājēndra tadvanaṁ bhīmarakṣasōḥ । muhūrtēnābhavatkūmarpr̥ṣṭhavacchlakṣṇamavyayam ॥KUMB: 1-165-58॥
Through the battle between Bhima and the Rakshasa, O king of kings, that forest became in a moment smooth and unbroken, like the back of a tortoise. (KUMB: 1-165-58)
[PV-SVO:01_027_320]
ऊरुबाहुपरिक्लेशात्कर्षन्तावितरेतरम् । उत्कर्षन्तौ विकर्षन्तौ प्रकर्षन्तौ परस्परम् ॥KUMB: १-१६५-५९॥
ūrubāhupariklēśātkarṣantāvitarētaram । utkarṣantau vikarṣantau prakarṣantau parasparam ॥KUMB: 1-165-59॥
Straining their thighs and arms, they dragged at one another, pulling each other upward, apart, and forward… (KUMB: 1-165-59)
[PV-SVO:01_027_321]
तौ स्वनेन विना राजन्गर्जन्तौ च परस्परम् । पाषाणसंघट्टनिभैः प्रहारैरभिजघ्नतुः ॥KUMB: १-१६५-६०॥
tau svanēna vinā rājangarjantau ca parasparam । pāṣāṇasaṁghaṭṭanibhaiḥ prahārairabhijaghnatuḥ ॥KUMB: 1-165-60॥
The two, O king, roared soundlessly at each other and struck one another with blows like the collision of stones. (KUMB: 1-165-60)
[PV-SVO:01_027_322]
अन्योन्यं च समालिङ्ग्य विकर्षन्तौ परस्परम् । बाहुयुद्धमभूद्धोरं बलिवासवयोरिव । युद्धसंरम्भनिर्गच्छत्फूत्काररवनिस्वनम् ॥KUMB: १-१६५-६१॥
anyōnyaṁ ca samāliṅgya vikarṣantau parasparam । bāhuyuddhamabhūddhōraṁ balivāsavayōriva । yuddhasaṁrambhanirgacchatphūtkāraravanisvanam ॥KUMB: 1-165-61॥
As they grappled and pulled at each other, a terrible wrestling match arose, like that between Bali and Vasava, resounding with the snorting roars that burst from their battle fury. (KUMB: 1-165-61)
[PV-SVO:01_027_323]
वैशम्पायन उवाच॥
vaiśampāyana uvāca॥
Vaiśampāyana said:
[PV-KDV:01_027_324]
प्रबुद्धास्ते हिडिम्बाया रूपं दृष्ट्वातिमानुषम् । विस्मिताः पुरुषव्याघ्रा बभूवुः पृथया सह ॥BORI: ०१-१४२-१॥
prabuddhāstē hiḍimbāyā rūpaṁ dr̥ṣṭvātimānuṣam । vismitāḥ puruṣavyāghrā babhūvuḥ pr̥thayā saha ॥BORI: 01-142-1॥
Upon awakening and seeing Hidimbā’s superhuman beauty, those tigers among men were amazed, as was Prithā. (BORI: 01-142-1)
[PV-KDV:01_027_325]
ततः कुन्ती समीक्ष्यैनां विस्मिता रूपसम्पदा । उवाच मधुरं वाक्यं सान्त्वपूर्वमिदं शनैः ॥BORI: ०१-१४२-२॥
tataḥ kuntī samīkṣyaināṁ vismitā rūpasampadā । uvāca madhuraṁ vākyaṁ sāntvapūrvamidaṁ śanaiḥ ॥BORI: 01-142-2॥
Then Kunti, astonished by her beauty, looked at her and gently spoke these sweet words, first reassuring her: (BORI: 01-142-2)
[PV-KDV:01_027_326]
कस्य त्वं सुरगर्भाभे का चासि वरवर्णिनि । केन कार्येण सुश्रोणि कुतश्चागमनं तव ॥BORI: ०१-१४२-३॥
kasya tvaṁ suragarbhābhē kā cāsi varavarṇini । kēna kāryēṇa suśrōṇi kutaścāgamanaṁ tava ॥BORI: 01-142-3॥
Whose daughter are you, radiant as one born of a god, and who are you, lovely woman? What brings you here, fair-hipped one, and where have you come from? (BORI: 01-142-3)
[PV-KDV:01_027_327]
यदि वास्य वनस्यासि देवता यदि वाप्सराः । आचक्ष्व मम तत्सर्वं किमर्थं चेह तिष्ठसि ॥BORI: ०१-१४२-४॥
yadi vāsya vanasyāsi dēvatā yadi vāpsarāḥ । ācakṣva mama tatsarvaṁ kimarthaṁ cēha tiṣṭhasi ॥BORI: 01-142-4॥
Whether you are the deity of this forest or an Apsaras, tell me all about that, and why you are staying here. (BORI: 01-142-4)
[PV-KDV:01_027_328]
हिडिम्बोवाच॥
hiḍimbōvāca॥
Hiḍimba said:
[PV-KDV:01_027_329]
यदेतत्पश्यसि वनं नीलमेघनिभं महत् । निवासो राक्षसस्यैतद्धिडिम्बस्य ममैव च ॥BORI: ०१-१४२-५॥
yadētatpaśyasi vanaṁ nīlamēghanibhaṁ mahat । nivāsō rākṣasasyaitaddhiḍimbasya mamaiva ca ॥BORI: 01-142-5॥
This vast forest you see, dark as a blue-black cloud, is the dwelling place of the Rakshasa Hidimba—and mine as well. (BORI: 01-142-5)
[PV-KDV:01_027_330]
तस्य मां राक्षसेन्द्रस्य भगिनीं विद्धि भामिनि । भ्रात्रा सम्प्रेषितामार्ये त्वां सपुत्रां जिघांसता ॥BORI: ०१-१४२-६॥
tasya māṁ rākṣasēndrasya bhaginīṁ viddhi bhāmini । bhrātrā samprēṣitāmāryē tvāṁ saputrāṁ jighāṁsatā ॥BORI: 01-142-6॥
Know me, fair lady, as the sister of that lord of the Rakshasas. My brother, noble lady, has sent me, intending to kill you and your sons. (BORI: 01-142-6)
[PV-KDV:01_027_331]
क्रूरबुद्धेरहं तस्य वचनादागता इह । अद्राक्षं हेमवर्णाभं तव पुत्रं महौजसम् ॥BORI: ०१-१४२-७॥
krūrabuddhērahaṁ tasya vacanādāgatā iha । adrākṣaṁ hēmavarṇābhaṁ tava putraṁ mahaujasam ॥BORI: 01-142-7॥
I came here at the command of that cruel-minded one, and saw your mighty son, radiant as gold. (BORI: 01-142-7)
[PV-KDV:01_027_332]
ततोऽहं सर्वभूतानां भावे विचरता शुभे । चोदिता तव पुत्रस्य मन्मथेन वशानुगा ॥BORI: ०१-१४२-८॥
tatō’haṁ sarvabhūtānāṁ bhāvē vicaratā śubhē । cōditā tava putrasya manmathēna vaśānugā ॥BORI: 01-142-8॥
Then, fair lady, urged by desire for your son—the desire that moves in the hearts of all beings—I yielded to its sway. (BORI: 01-142-8)
[PV-KDV:01_027_333]
ततो वृतो मया भर्ता तव पुत्रो महाबलः । अपनेतुं च यतितो न चैव शकितो मया ॥BORI: ०१-१४२-९॥
tatō vr̥tō mayā bhartā tava putrō mahābalaḥ । apanētuṁ ca yatitō na caiva śakitō mayā ॥BORI: 01-142-9॥
Then I chose your mighty son as my husband. I tried to cast off this passion, but I could not. (BORI: 01-142-9)
[PV-KDV:01_027_334]
चिरायमाणां मां ज्ञात्वा ततः स पुरुषादकः । स्वयमेवागतो हन्तुमिमान्सर्वांस्तवात्मजान् ॥BORI: ०१-१४२-१०॥
cirāyamāṇāṁ māṁ jñātvā tataḥ sa puruṣādakaḥ । svayamēvāgatō hantumimānsarvāṁstavātmajān ॥BORI: 01-142-10॥
Then, realizing that I was taking too long, that man-eater came himself to kill all these sons of yours. (BORI: 01-142-10)
[PV-KDV:01_027_335]
स तेन मम कान्तेन तव पुत्रेण धीमता । बलादितो विनिष्पिष्य व्यपकृष्टो महात्मना ॥BORI: ०१-१४२-११॥
sa tēna mama kāntēna tava putrēṇa dhīmatā । balāditō viniṣpiṣya vyapakr̥ṣṭō mahātmanā ॥BORI: 01-142-11॥
My beloved—your wise and noble-hearted son—overpowered him by force and dragged him away from here. (BORI: 01-142-11)
[PV-KDV:01_027_336]
विकर्षन्तौ महावेगौ गर्जमानौ परस्परम् । पश्यध्वं युधि विक्रान्तावेतौ तौ नरराक्षसौ ॥BORI: ०१-१४२-१२॥
vikarṣantau mahāvēgau garjamānau parasparam । paśyadhvaṁ yudhi vikrāntāvētau tau nararākṣasau ॥BORI: 01-142-12॥
Behold these two—the man and the Rakshasa—dragging each other with tremendous force, roaring at one another, and fighting valiantly in battle. (BORI: 01-142-12)
[PV-KDV:01_027_337]
वैशम्पायन उवाच॥
vaiśampāyana uvāca॥
Vaiśampāyana said:
[PV-KDV:01_027_338]
तस्याः श्रुत्वैव वचनमुत्पपात युधिष्ठिरः । अर्जुनो नकुलश्चैव सहदेवश्च वीर्यवान् ॥BORI: ०१-१४२-१३॥
tasyāḥ śrutvaiva vacanamutpapāta yudhiṣṭhiraḥ । arjunō nakulaścaiva sahadēvaśca vīryavān ॥BORI: 01-142-13॥
As soon as they heard her words, Yudhishthira, Arjuna, Nakula, and the valiant Sahadeva sprang up. (BORI: 01-142-13)
[PV-KDV:01_027_339]
तौ ते ददृशुरासक्तौ विकर्षन्तौ परस्परम् । काङ्क्षमाणौ जयं चैव सिंहाविव रणोत्कटौ ॥BORI: ०१-१४२-१४॥
tau tē dadr̥śurāsaktau vikarṣantau parasparam । kāṅkṣamāṇau jayaṁ caiva siṁhāviva raṇōtkaṭau ॥BORI: 01-142-14॥
They saw the two locked together, dragging each other about and both longing for victory, like two lions fierce for battle. (BORI: 01-142-14)
[PV-KDV:01_027_340]
तावन्योन्यं समाश्लिष्य विकर्षन्तौ परस्परम् । दावाग्निधूमसदृशं चक्रतुः पार्थिवं रजः ॥BORI: ०१-१४२-१५॥
tāvanyōnyaṁ samāśliṣya vikarṣantau parasparam । dāvāgnidhūmasadr̥śaṁ cakratuḥ pārthivaṁ rajaḥ ॥BORI: 01-142-15॥
Locked in each other’s embrace and dragging one another about, the two raised a cloud of dust from the earth that resembled the smoke of a forest fire. (BORI: 01-142-15)
[PV-KDV:01_027_341]
वसुधारेणुसंवीतौ वसुधाधरसंनिभौ । विभ्राजेतां यथा शैलौ नीहारेणाभिसंवृतौ ॥BORI: ०१-१४२-१६॥
vasudhārēṇusaṁvītau vasudhādharasaṁnibhau । vibhrājētāṁ yathā śailau nīhārēṇābhisaṁvr̥tau ॥BORI: 01-142-16॥
Covered in the dust of the earth and resembling mountains, they shone like two peaks enveloped in mist. (BORI: 01-142-16)
[PV-KDV:01_027_342]
राक्षसेन तथा भीमं क्लिश्यमानं निरीक्ष्य तु । उवाचेदं वचः पार्थः प्रहसञ्शनकैरिव ॥BORI: ०१-१४२-१७॥
rākṣasēna tathā bhīmaṁ kliśyamānaṁ nirīkṣya tu । uvācēdaṁ vacaḥ pārthaḥ prahasañśanakairiva ॥BORI: 01-142-17॥
But seeing Bhima thus being tormented by the Rakshasa, Partha laughed softly and said: (BORI: 01-142-17)
[PV-PAX:01_027_343]
भीम मा भैर्महाबाहो न त्वां बुध्यामहे वयम् । समेतं भीमरूपेण प्रसुप्ताः श्रमकर्शिताः ॥BORI: ०१-१४२-१८॥
bhīma mā bhairmahābāhō na tvāṁ budhyāmahē vayam । samētaṁ bhīmarūpēṇa prasuptāḥ śramakarśitāḥ ॥BORI: 01-142-18॥
Do not be afraid, mighty-armed Bhima. Exhausted by fatigue and asleep, we did not realize that you were engaged with this fearsome creature. (BORI: 01-142-18)
[PV-PAX:01_027_344]
साहाय्येऽस्मि स्थितः पार्थ योधयिष्यामि राक्षसम् । नकुलः सहदेवश्च मातरं गोपयिष्यतः ॥BORI: ०१-१४२-१९॥
sāhāyyē’smi sthitaḥ pārtha yōdhayiṣyāmi rākṣasam । nakulaḥ sahadēvaśca mātaraṁ gōpayiṣyataḥ ॥BORI: 01-142-19॥
I stand ready to help, Partha. I will fight the Rakshasa, while Nakula and Sahadeva protect our mother. (BORI: 01-142-19)
[PV-PAX:01_027_345]
भीम उवाच॥
bhīma uvāca॥
Bhima said:
[PV-PAX:01_027_346]
उदासीनो निरीक्षस्व न कार्यः सम्भ्रमस्त्वया । न जात्वयं पुनर्जीवेन्मद्बाह्वन्तरमागतः ॥BORI: ०१-१४२-२०॥
udāsīnō nirīkṣasva na kāryaḥ sambhramastvayā । na jātvayaṁ punarjīvēnmadbāhvantaramāgataḥ ॥BORI: 01-142-20॥
Stand aside and watch calmly; you need not be alarmed. Now that he has come within my arms, he will never live again. (BORI: 01-142-20)
[PV-PAX:01_027_347]
अर्जुन उवाच॥
arjuna uvāca॥
Arjuna said:
[PV-PAX:01_027_348]
किमनेन चिरं भीम जीवता पापरक्षसा । गन्तव्यं न चिरं स्थातुमिह शक्यमरिंदम ॥BORI: ०१-१४२-२१॥
kimanēna ciraṁ bhīma jīvatā pāparakṣasā । gantavyaṁ na ciraṁ sthātumiha śakyamariṁdama ॥BORI: 01-142-21॥
Bhima, what is the point of this wicked Rakshasa living any longer? We must go; we cannot remain here long, subduer of foes. (BORI: 01-142-21)
[PV-PAX:01_027_349]
पुरा संरज्यते प्राची पुरा सन्ध्या प्रवर्तते । रौद्रे मुहूर्ते रक्षांसि प्रबलानि भवन्ति च ॥BORI: ०१-१४२-२२॥
purā saṁrajyatē prācī purā sandhyā pravartatē । raudrē muhūrtē rakṣāṁsi prabalāni bhavanti ca ॥BORI: 01-142-22॥
Before the eastern sky reddens, before twilight begins—for in that dread hour the Rakshasas become powerful. (BORI: 01-142-22)
[PV-PAX:01_027_350]
त्वरस्व भीम मा क्रीड जहि रक्षो विभीषणम् । पुरा विकुरुते मायां भुजयोः सारमर्पय ॥BORI: ०१-१४२-२३॥
tvarasva bhīma mā krīḍa jahi rakṣō vibhīṣaṇam । purā vikurutē māyāṁ bhujayōḥ sāramarpaya ॥BORI: 01-142-23॥
Hurry, Bhima! Do not toy with him. Slay the fearsome Rakshasa before he employs his magic; bring the full strength of your arms to bear. (BORI: 01-142-23)
[PV-PAX:01_027_351]
वैशम्पायन उवाच॥
vaiśampāyana uvāca॥
Vaiśampāyana said:
[PV-PAX:01_027_352]
अर्जुनेनैवमुक्तस्तु भीमो भीमस्य रक्षसः । उत्क्षिप्याभ्रामयद्देहं तूर्णं गुणशताधिकम् ॥BORI: ०१-१४२-२४॥
arjunēnaivamuktastu bhīmō bhīmasya rakṣasaḥ । utkṣipyābhrāmayaddēhaṁ tūrṇaṁ guṇaśatādhikam ॥BORI: 01-142-24॥
Thus addressed by Arjuna, Bhima lifted the fearsome Rakshasa’s body and swiftly whirled it around more than a hundred times. (BORI: 01-142-24)
[PV-PAX:01_027_353]
भीम उवाच॥
bhīma uvāca॥
Bhima said:
[PV-PAX:01_027_354]
वृथामांसैर्वृथा पुष्टो वृथा वृद्धो वृथामतिः । वृथामरणमर्हस्त्वं वृथाद्य न भविष्यसि ॥BORI: ०१-१४२-२५॥
vr̥thāmāṁsairvr̥thā puṣṭō vr̥thā vr̥ddhō vr̥thāmatiḥ । vr̥thāmaraṇamarhastvaṁ vr̥thādya na bhaviṣyasi ॥BORI: 01-142-25॥
Fattened for nothing on meat, grown old for nothing, and witless, you deserve a pointless death. Today you will no longer be useless. (BORI: 01-142-25)
[PV-PAX:01_027_355]
अर्जुन उवाच॥
arjuna uvāca॥
Arjuna said:
[PV-PAX:01_027_356]
अथ वा मन्यसे भारं त्वमिमं राक्षसं युधि । करोमि तव साहाय्यं शीघ्रमेव निहन्यताम् ॥BORI: ०१-१४२-२६॥
atha vā manyasē bhāraṁ tvamimaṁ rākṣasaṁ yudhi । karōmi tava sāhāyyaṁ śīghramēva nihanyatām ॥BORI: 01-142-26॥
Or, if you consider this Rakshasa too great a burden in battle, I will help you. Let him be slain at once. (BORI: 01-142-26)
[PV-PAX:01_027_357]
अथ वाप्यहमेवैनं हनिष्यामि वृकोदर । कृतकर्मा परिश्रान्तः साधु तावदुपारम ॥BORI: ०१-१४२-२७॥
atha vāpyahamēvainaṁ haniṣyāmi vr̥kōdara । kr̥takarmā pariśrāntaḥ sādhu tāvadupārama ॥BORI: 01-142-27॥
Or I myself will kill him, Vṛkodara. You have done your part and are exhausted; now please rest. (BORI: 01-142-27)
[PV-PAX:01_027_358]
वैशम्पायन उवाच॥
vaiśampāyana uvāca॥
Vaiśampāyana said:
[PV-PAX:01_027_359]
ततस्तस्याम्बुदाभस्य भीमो रोषात्तु रक्षसः । अत्क्षिप्याभ्रामयद्देहं तूर्णं शतगुणं तदा ॥KUMB: १-१६६-३१; NILA: ०१.१५४.०२५॥
tatastasyāmbudābhasya bhīmō rōṣāttu rakṣasaḥ । atkṣipyābhrāmayaddēhaṁ tūrṇaṁ śataguṇaṁ tadā ॥KUMB: 1-166-31; NILA: 01.154.025॥
Then, in his fury, Bhima lifted the body of that cloud-dark Rakshasa and swiftly whirled it around a hundred times. (KUMB: 1-166-31; NILA: 01.154.025)
[PV-KDV:01_027_360]
इति चोवाच संक्रुद्धो भ्रामयन्राक्षसीं तनुम् । भीमसेनो महाबाहुरभिगर्जन्मुहुर्मुहुः ॥KUMB: १-१६६-३२॥
iti cōvāca saṁkruddhō bhrāmayanrākṣasīṁ tanum । bhīmasēnō mahābāhurabhigarjanmuhurmuhuḥ ॥KUMB: 1-166-32॥
Enraged, mighty-armed Bhimasena spoke thus while whirling the demon’s body and roaring again and again: (KUMB: 1-166-32)
[PV-KDV:01_027_361]
क्षेममद्य करिष्यामि यथा वनमकण्टकम् । न पुनर्मानुषान्हत्वा भक्षयिष्यसि राक्षस ॥KUMB: १-१६६-३४; NILA: ०१.१५४.०२७॥
kṣēmamadya kariṣyāmi yathā vanamakaṇṭakam । na punarmānuṣānhatvā bhakṣayiṣyasi rākṣasa ॥KUMB: 1-166-34; NILA: 01.154.027॥
Today I shall make the forest safe and free of this menace. Never again, Rakshasa, will you kill and devour human beings. (KUMB: 1-166-34; NILA: 01.154.027)
[PV-KDV:01_027_362]
स मार्यमाणो भीमेन ननाद विपुलं स्वनम् । पूरयंस्तद्वनं सर्वं जलार्द्र इव दुन्दुभिः ॥BORI: ०१-१४२-२९॥
sa māryamāṇō bhīmēna nanāda vipulaṁ svanam । pūrayaṁstadvanaṁ sarvaṁ jalārdra iva dundubhiḥ ॥BORI: 01-142-29॥
As Bhima was killing him, he let out a tremendous roar that filled the entire forest, like a kettledrum wet with water. (BORI: 01-142-29)
[PV-KDV:01_027_363]
भुजाभ्यां योक्त्रयित्वा तं बलवान्पाण्डुनन्दनः । मध्ये भङ्क्त्वा स बलवान्हर्षयामास पाण्डवान् ॥BORI: ०१-१४२-३०॥
bhujābhyāṁ yōktrayitvā taṁ balavānpāṇḍunandanaḥ । madhyē bhaṅktvā sa balavānharṣayāmāsa pāṇḍavān ॥BORI: 01-142-30॥
The mighty son of Pandu seized him in his arms and broke him in two at the middle, delighting the Pandavas. (BORI: 01-142-30)
[PV-KDV:01_027_364]
हिडिम्बं निहतं दृष्ट्वा संहृष्टास्ते तरस्विनः । अपूजयन्नरव्याघ्रं भीमसेनमरिंदमम् ॥BORI: ०१-१४२-३१॥
hiḍimbaṁ nihataṁ dr̥ṣṭvā saṁhr̥ṣṭāstē tarasvinaḥ । apūjayannaravyāghraṁ bhīmasēnamariṁdamam ॥BORI: 01-142-31॥
Seeing Hidimba slain, those valiant men rejoiced and praised Bhimasena, the tiger among men and subduer of foes. (BORI: 01-142-31)
[PV-KDV:01_027_365]
अभिपूज्य महात्मानं भीमं भीमपराक्रमम् । पुनरेवार्जुनो वाक्यमुवाचेदं वृकोदरम् ॥BORI: ०१-१४२-३२॥
abhipūjya mahātmānaṁ bhīmaṁ bhīmaparākramam । punarēvārjunō vākyamuvācēdaṁ vr̥kōdaram ॥BORI: 01-142-32॥
After praising the great-souled Bhima for his fearsome valor, Arjuna again spoke these words to Vrikodara: (BORI: 01-142-32)
[PV-SVO:01_027_366]
नदूरे नगरं मन्ये वनादस्मादहं प्रभो । शीघ्रं गच्छाम भद्रं ते न नो विद्यात्सुयोधनः ॥BORI: ०१-१४२-३३॥
nadūrē nagaraṁ manyē vanādasmādahaṁ prabhō । śīghraṁ gacchāma bhadraṁ tē na nō vidyātsuyōdhanaḥ ॥BORI: 01-142-33॥
My lord, I do not think the city is far from this forest. Let us go quickly—may all be well with you—so that Suyodhana does not discover us. (BORI: 01-142-33)
[PV-SVO:01_027_367]
ततः सर्वे तथेत्युक्त्वा सह मात्रा परन्तपाः । प्रययुः पुरुषव्याघ्रा हिडिम्बा चैव राक्षसी ॥BORI: ०१-१४२-३४॥
tataḥ sarvē tathētyuktvā saha mātrā parantapāḥ । prayayuḥ puruṣavyāghrā hiḍimbā caiva rākṣasī ॥BORI: 01-142-34॥
Then they all said, “So be it,” and set out with their mother—the scorcher of foes, those tigers among men—and the Rakshasi Hidimba as well. (BORI: 01-142-34)
[PV-SVO:01_027_368]
तस्य तद्वचनं श्रुत्वा भीमसेनोऽत्यमर्षणः ॥BORI: ०१-१४२-२८A॥
tasya tadvacanaṁ śrutvā bhīmasēnō’tyamarṣaṇaḥ ॥BORI: 01-142-28A॥
Hearing those words of his, the fiercely wrathful Bhimasena (BORI: 01-142-28A)
[PV-SVO:01_027_369]
निष्पिष्यैनं बलाद्भूमौ पशुमारममारयत् ॥BORI: ०१-१४२-२८B॥
niṣpiṣyainaṁ balādbhūmau paśumāramamārayat ॥BORI: 01-142-28B॥
threw him violently to the ground and killed him like a beast. (BORI: 01-142-28B)
[PV-SVO:01_027_370]
भुजयोरन्तरं प्राप्तो भीमसेनस्य राक्षसः । अमृत्वा पार्थवीर्येण मृतो मा भूदिति ध्वनिः ॥KUMB: १-१६६-२१॥
bhujayōrantaraṁ prāptō bhīmasēnasya rākṣasaḥ । amr̥tvā pārthavīryēṇa mr̥tō mā bhūditi dhvaniḥ ॥KUMB: 1-166-21॥
The Rakshasa was caught between Bhimasena’s arms, and a cry arose: “May he not be dead through Partha’s prowess without having died!” (KUMB: 1-166-21)
[PV-SVO:01_027_371]
अयमस्मांस्तु नो हन्याज्जातु पार्थ राक्षसः । जीवन्तं न प्रमोक्ष्यामि मा भैषीर्भरतर्षभ ॥KUMB: १-१६६-२२॥
ayamasmāṁstu nō hanyājjātu pārtha rākṣasaḥ । jīvantaṁ na pramōkṣyāmi mā bhaiṣīrbharatarṣabha ॥KUMB: 1-166-22॥
This Rakshasa shall never kill us, Partha. I will not let him escape alive; do not be afraid, bull of the Bharatas. (KUMB: 1-166-22)
[PV-SVO:01_027_372]
पूर्वरात्रे प्रयुक्तोऽसि भीम क्रूरेण रक्षसा । क्षपा व्युष्टा न चेदानीं समाप्तोसीन्महारणः ॥KUMB: १-१६६-२३॥
pūrvarātrē prayuktō’si bhīma krūrēṇa rakṣasā । kṣapā vyuṣṭā na cēdānīṁ samāptōsīnmahāraṇaḥ ॥KUMB: 1-166-23॥
At the beginning of the night, Bhima, you were challenged by the cruel Rakshasa. The night has passed, and even now the great battle has not ended. (KUMB: 1-166-23)
[PV-SVO:01_027_373]
माहात्म्यमात्मनो वेत्थ नराणां हितकाम्यया । रक्षो जहि यथा शक्रः पुरा वृत्रं महाबलम् ॥KUMB: १-१६६-२७॥
māhātmyamātmanō vēttha narāṇāṁ hitakāmyayā । rakṣō jahi yathā śakraḥ purā vr̥traṁ mahābalam ॥KUMB: 1-166-27॥
You know your own might. For the welfare of men, slay the Rakshasa, as Shakra once slew the mighty Vritra. (KUMB: 1-166-27)
[PV-SVO:01_027_374]
अर्जुनेनैवमुक्तस्तु भीमो रोषाज्ज्वलन्निव । बलमाहारयामास यद्वायोर्जगतः क्षये ॥KUMB: १-१६६-३०; NILA: ०१.१५४.०२४॥
arjunēnaivamuktastu bhīmō rōṣājjvalanniva । balamāhārayāmāsa yadvāyōrjagataḥ kṣayē ॥KUMB: 1-166-30; NILA: 01.154.024॥
Thus addressed by Arjuna, Bhima, seeming to blaze with rage, summoned up the strength that Vayu wields at the destruction of the world. (KUMB: 1-166-30; NILA: 01.154.024)
[PV-SVO:01_027_375]
बाहुभ्यां योक्त्रयित्वा तं बलवान्पाण्डुनन्दनः । समुद्धाम्य शिरश्चास्य सग्रीवं तदपाहरत् ॥KUMB: १-१६६-३७॥
bāhubhyāṁ yōktrayitvā taṁ balavānpāṇḍunandanaḥ । samuddhāmya śiraścāsya sagrīvaṁ tadapāharat ॥KUMB: 1-166-37॥
The mighty son of Pandu pinioned him with both arms, then wrenched off his head together with his neck. (KUMB: 1-166-37)
[PV-SVO:01_027_376]
ततो भित्त्वा शिरश्चास्य सग्रीवं तदुदाक्षिपत् । तस्य निष्कर्णनयनं निर्जिह्वं रुधिरोक्षितम् ॥KUMB: १-१६६-३८॥
tatō bhittvā śiraścāsya sagrīvaṁ tadudākṣipat । tasya niṣkarṇanayanaṁ nirjihvaṁ rudhirōkṣitam ॥KUMB: 1-166-38॥
Then, after splitting his head together with the neck, he flung it aloft. His head, bereft of ears and eyes, tongueless and drenched in blood... (KUMB: 1-166-38)
[PV-SVO:01_027_377]
प्राविद्धं भीमसेनेन शिरो विदशनं बभौ । प्रसारितभुजोद्धृष्टो भिन्नमांसत्वगन्तरः ॥KUMB: १-१६६-३९॥
prāviddhaṁ bhīmasēnēna śirō vidaśanaṁ babhau । prasāritabhujōddhr̥ṣṭō bhinnamāṁsatvagantaraḥ ॥KUMB: 1-166-39॥
The toothless head, hurled by Bhimasena, was a striking sight. With arms outstretched, body raised, and flesh and skin split open... (KUMB: 1-166-39)
[PV-SVO:01_027_378]
कबन्धभूतस्तत्रासीद्दनुर्वज्रहतो तथा । हिडिम्बं निहतं दृष्ट्वा संहृष्टास्ते तरस्विनः ॥KUMB: १-१६६-४०॥
kabandhabhūtastatrāsīddanurvajrahatō tathā । hiḍimbaṁ nihataṁ dr̥ṣṭvā saṁhr̥ṣṭāstē tarasvinaḥ ॥KUMB: 1-166-40॥
He lay there reduced to a headless trunk, like Danu struck down by the thunderbolt. Seeing Hiḍimba slain, those mighty ones rejoiced. (KUMB: 1-166-40)
[PV-SVO:01_027_379]
हिडिम्बा सा च संप्रेक्ष्य निहतं राक्षसं रणे । अदृश्याश्चैव ये स्वस्स्थाः समेताः सर्षिचारणाः ॥KUMB: १-१६६-४१॥
hiḍimbā sā ca saṁprēkṣya nihataṁ rākṣasaṁ raṇē । adr̥śyāścaiva yē svassthāḥ samētāḥ sarṣicāraṇāḥ ॥KUMB: 1-166-41॥
And that Hidimba, seeing the Rakshasa slain in battle, and the invisible beings who dwelt in heaven, gathered together with the Rishis and Charanas… (KUMB: 1-166-41)
[PV-SVO:01_027_380]
पूजयन्ति स्म तं हृष्टाः साधुसाध्विति पाण्डवम् । भ्रातरश्चापि संहृष्टा युधिष्ठिरपुरोगमाः ॥KUMB: १-१६६-४२॥
pūjayanti sma taṁ hr̥ṣṭāḥ sādhusādhviti pāṇḍavam । bhrātaraścāpi saṁhr̥ṣṭā yudhiṣṭhirapurōgamāḥ ॥KUMB: 1-166-42॥
Joyfully they acclaimed that Pandava, crying, “Well done! Well done!” His brothers too, overjoyed and led by Yudhishthira… (KUMB: 1-166-42)
[PV-SVO:01_027_381]