Chapter 28: Bhīma’s Marriage to Hiḍimbā, the Birth of Ghaṭotkaca, and Vyāsa’s Guidance to the Pāṇḍavas
वैशम्पायन उवाच॥KUMB: १-१६७-०क्ष्॥
Vaiśampāyana said: (KUMB: 1-167-0क्ष्)
[PV-KDV:01_028_1]
सा तानेवापतत्तूर्णं भगिनी तस्य रक्षसः । अब्रुवाणा हिडिम्बा तु राक्षसी पाण्डवान्प्रति ॥KUMB: १-१६७-१॥
She, the sister of that Rakshasa, quickly approached them. But without saying anything to the Pandavas, the Rakshasi Hidimba… (KUMB: 1-167-1)
[PV-KDV:01_028_2]
अभिवाद्य ततः कुन्तीं धर्मराजं च पाण्डवम् । अभिपूज्य ततः सर्वान्भीमसेनमभाषत ॥KUMB: १-१६७-२॥
She then saluted Kunti and the Pandava king Yudhishthira, paid homage to them all, and addressed Bhimasena: (KUMB: 1-167-2)
[PV-KDV:01_028_3]
अहं ते दर्शादेव मन्मथस्य वशं गता । क्रूरं भ्रातृवचो हित्वा सा त्वामेवानिरुन्धती ॥KUMB: १-१६७-३॥
At the mere sight of you, I fell under the sway of love. Abandoning my brother’s cruel command and not opposing you... (KUMB: 1-167-3)
[PV-KDV:01_028_4]
राक्षसे रौद्रसङ्काशे तवापश्यं विचेष्टितम् । अहं शुश्रूषुरिच्छेयं तव गात्रं निषेवितुम् ॥KUMB: १-१६७-४॥
I saw how you dealt with the fearsome-looking Rakshasa. Eager to serve you, I long to enjoy your body. (KUMB: 1-167-4)
[PV-KDV:01_028_5]
भीमसेन उवाच॥KUMB: १-१६७-५क्ष्॥
Bhimasena said: (KUMB: 1-167-5क्ष्)
[PV-KDV:01_028_6]
स्मरन्ति वैरं रक्षांसि मायामाश्रित्य मोहिनीम् । हिडिम्बे व्रज पन्थानं त्वमिमं भ्रातृसेवितम् ॥KUMB: १-१६७-५॥
Rakshasas remember their enmity and resort to bewildering illusion. Hidimba, take this path trodden by your brother. (KUMB: 1-167-5)
[PV-KDV:01_028_7]
युधिष्ठिर उवाच॥KUMB: १-१६७-६क्ष्॥
Yudhishthira said: (KUMB: 1-167-6क्ष्)
[PV-KDV:01_028_8]
क्रुद्धोऽपि पुरुषव्याघ्र भीम मा स्म स्त्रियं वधीः । शरीरगुप्त्यभ्यधिकं धर्मं गोपाय पाण्डव ॥KUMB: १-१६७-६॥
Though you are angry, Bhima, tiger among men, do not kill a woman. O Pandava, uphold dharma even above the preservation of your own body. (KUMB: 1-167-6)
[PV-KDV:01_028_9]
वधाभिप्रायमायान्तमवधीस्त्वं महाबलम् । रक्षसस्तस्य भगिनी किं नः क्रुद्धा करिष्यति ॥KUMB: १-१६७-७॥
You killed that immensely powerful Rakshasa when he came intent on killing. What will his sister do to us in her anger? (KUMB: 1-167-7)
[PV-KDV:01_028_10]
वैशम्पायन उवाच॥KUMB: १-१६७-८क्ष्॥
Vaiśampāyana said: (KUMB: 1-167-8क्ष्)
[PV-KDV:01_028_11]
हिडिम्बा तु ततः कुन्तीमभिवाद्य कृताञ्जलिः । युधिष्ठिरं तु कौन्तेयमिदं वचनमब्रवीत् ॥KUMB: १-१६७-८॥
Then Hiḍimbā, having saluted Kuntī and Yudhiṣṭhira, the son of Kuntī, with joined hands, spoke these words: (KUMB: 1-167-8)
[PV-KDV:01_028_12]
आर्ये जानासि यद्दुःखमिह स्त्रीणामनङ्गजम् । तदिदं मामनुप्राप्तं भीमसेनकृते शुभे ॥KUMB: १-१६७-९॥
Noble lady, you know the anguish that women here suffer from love. That anguish has now come upon me because of Bhimasena, gracious lady. (KUMB: 1-167-9)
[PV-KDV:01_028_13]
सोढं तत्परमं दुःखं मया कालप्रतीक्षया । सोऽयमभ्यागतः कालो भविता मे सुखोदयः ॥KUMB: १-१६७-१०॥
I have endured that supreme anguish while awaiting the appointed time. Now that time has come, and happiness will dawn for me. (KUMB: 1-167-10)
[PV-KDV:01_028_14]
मया ह्युत्सृज्य सुहृदः स्वधर्मं स्वजनं तथा । वृतोऽयं पुरुषव्याघ्रस्तव पुत्रः पतिः शुभे ॥KUMB: १-१६७-११॥
For I abandoned my friends, my duty, and my own people, and chose your son, this tiger among men, as my husband, fair lady. (KUMB: 1-167-11)
[PV-KDV:01_028_15]
वीरेणाऽहं तथाऽनेन त्वया चापि यशस्विनी । प्रत्याख्याता न जीवामि सत्यमेतद्ब्रवीमि ते ॥KUMB: १-१६७-१२॥
Rejected in this way by this hero and by you as well, illustrious woman, I shall not live. I tell you this truly. (KUMB: 1-167-12)
[PV-KDV:01_028_16]
यदर्हसि कृपां कर्तुं मयि त्वं वरवर्णिनि । मत्वा मूढेति तन्मां त्वं भक्ता वाऽनुगतेति वा ॥KUMB: १-१६७-१३॥
Fair lady, if you see fit to show me compassion, then, whether you regard me as foolish, devoted to you, or your follower... (KUMB: 1-167-13)
[PV-KDV:01_028_17]
भर्त्राऽनेन महाभागे संयोजय सुतेन ह । समुपादाय गच्छेयं यथेष्टं देवरूपिणम् । पुनश्चैवानयिष्यामि विस्रम्भं कुरु मे शुभे ॥KUMB: १-१६७-१४॥
Noble lady, unite me with your son as my husband. Let me take this godlike man wherever I please; I shall bring him back again. Trust me, fair lady. (KUMB: 1-167-14)
[PV-KDV:01_028_18]
अहं हि समये लप्स्ये प्राग्भ्रातुरपर्वजनात् । ततः सोऽभ्यपतद्रात्रौ भीमसेनजिघांसया ॥KUMB: १-१६७-१५॥
For I shall obtain him at the appointed time, before my lawless brother does. Then, at night, he rushed forward, intent on killing Bhimasena. (KUMB: 1-167-15)
[PV-KDV:01_028_19]
यथायथा विक्रमते यथारिमधितिष्ठति । तथातथा समासाद्य पाण्डवं काममोहिता ॥KUMB: १-१६७-१६॥
The farther she advanced and the closer she came to her enemy, the more she was overcome by desire as she approached the Pandava. (KUMB: 1-167-16)
[PV-KDV:01_028_20]
न यातुधान्यहं त्वार्ये न चास्मि रजनीचरी । ईशा रक्षस्स्वसा ह्यस्मि राज्ञि सालकटङ्कटी ॥KUMB: १-१६७-१७॥
I am no demoness, noble lady, nor am I a night-roaming creature. I am powerful, for I am the Rakshasa’s sister, Śālakaṭaṅkaṭī, O queen. (KUMB: 1-167-17)
[PV-KDV:01_028_21]
पुत्रेण तव संयुक्ता युवतिर्देववर्णिनी । सर्वान्वोऽहमुपस्थास्ये पुरस्कृत्य वृकोदरम् ॥KUMB: १-१६७-१८॥
Once united with your son, I, a young woman of divine appearance, shall serve all of you, with Vrikodara foremost. (KUMB: 1-167-18)
[PV-KDV:01_028_22]
अप्रमत्ता प्रमत्तेषु शुश्रूषुरसकृत्त्वहम्.वृजिने तारयिष्यामि दासीवच्च नरर्षभाः ॥KUMB: १-१६७-१९॥
Ever vigilant when you are off guard and always eager to serve, I shall carry you through danger like a servant, O best of men. (KUMB: 1-167-19)
[PV-KDV:01_028_23]
पृष्ठेन वो वहिष्यामि विमानं सुकृतानिव । यूयं प्रसादं कुरुत भीमसेनो भजेत माम् ॥KUMB: १-१६७-२०॥
I shall carry you on my back as a celestial chariot carries the virtuous. Grant me this favor: let Bhimasena accept me. (KUMB: 1-167-20)
[PV-KDV:01_028_24]
एवं ब्रुवन्ती ह तथा प्रत्याख्याता क्रियां प्रति । भूम्यां दुष्कृतिनो लोकान्गमिष्येऽहं न संशयः ॥KUMB: १-१६७-२१॥
If, after speaking thus, I am refused in this matter, I shall surely go to the worlds of evildoers beneath the earth. (KUMB: 1-167-21)
[PV-KDV:01_028_25]
अहं हि मनसा ध्यात्वा सर्वं वेत्स्यामि सर्वदा.आपन्निस्तरणे प्राणान्धारयिष्ये न केनचित् ॥KUMB: १-१६७-२२॥
For by reflecting in my mind, I shall always understand everything. I shall preserve my life through this adversity without anyone’s help. (KUMB: 1-167-22)
[PV-KDV:01_028_26]
सर्वमावृत्य कर्तव्यं धर्मं समनुपश्यता । आपत्सु यो धारयति स वै धर्मविदुत्तमः ॥KUMB: १-१६७-२३॥
Taking everything into account, one who keeps dharma in view should act. Whoever preserves his life in times of distress is truly the foremost knower of dharma. (KUMB: 1-167-23)
[PV-KDV:01_028_27]
व्यसनं ह्येव धर्मस्य धर्मिणामापदुच्यते । पुम्यात्प्राणान्धारयति पुण्यं वै प्राणधारणम् ॥KUMB: १-१६७-२४॥
The disruption of dharma itself is said to be an emergency for the righteous. One sustains one’s life through merit, and sustaining life is indeed meritorious. (KUMB: 1-167-24)
[PV-KDV:01_028_28]
येन केनाचरेद्धर्मं तस्मिन्गर्हा न विद्यते । महतोऽत्र स्त्रियं कामाद्वाधितां त्राहि मामपि ॥KUMB: १-१६७-२५॥
One should uphold dharma by whatever means possible; there is no blame in doing so. Save me too, a woman afflicted here by intense desire. (KUMB: 1-167-25)
[PV-KDV:01_028_29]
धर्मार्थकाममोक्षेषु दयां कुर्वन्ति साधवः । तत्तु धर्ममिति प्राहुर्मुनयो धर्मवत्सलाः ॥KUMB: १-१६७-२६॥
Good people show compassion in matters concerning virtue, prosperity, pleasure, and liberation; sages devoted to virtue declare that compassion to be virtue. (KUMB: 1-167-26)
[PV-KDV:01_028_30]
दिव्यज्ञानेन जानामि व्यतीतानागतानहम् । तस्माद्वक्ष्यामि वः श्रेय आसन्नं सर उत्तमम् ॥KUMB: १-१६७-२७॥
Through divine knowledge I know the past and the future. Therefore I shall tell you what is best for you: an excellent lake is nearby. (KUMB: 1-167-27)
[PV-KDV:01_028_31]
अद्यासाद्य सरः स्नात्वा विश्रम्य च वनस्पतौ । श्वः प्रभाते महद्भूतं प्रादुर्भूतं जगत्पतिम् ॥KUMB: १-१६७-२८॥
After reaching the lake today, bathing, and resting beneath a tree, tomorrow at dawn the great being who has appeared, the lord of the world... (KUMB: 1-167-28)
[PV-KDV:01_028_32]
व्यासं कमलपत्राक्षं दृष्ट्वा शोकं विहास्यथ । धार्तराष्ट्राद्विवासं च दहनं वारणावते ॥KUMB: १-१६७-२९॥
When you see lotus-eyed Vyasa, you will cast off your grief. Your banishment by Dhritarashtra’s son and the burning at Varanavata… (KUMB: 1-167-29)
[PV-KDV:01_028_33]
त्राणं च विदुरात्तुभ्यं विदितं ज्ञानचक्षुषा । आवासे शालिहोत्रस्य स वो वासं विधास्यति ॥KUMB: १-१६७-३०॥
And your rescue by Vidura is known to him through his eye of knowledge. At Shalihotra’s dwelling, he will arrange lodging for you. (KUMB: 1-167-30)
[PV-KDV:01_028_34]
वर्षवातातपसहो ह्ययं पुण्यो वनस्पतिः । पीतमात्रे तु पानीये क्षुत्पिपासे विनश्यतः ॥KUMB: १-१६७-३१॥
For this sacred tree withstands rain, wind, and heat; and as soon as you drink the water, hunger and thirst disappear. (KUMB: 1-167-31)
[PV-KDV:01_028_35]
तपसा शालिहोत्रेण सरो वृक्षश्च निर्मितः । कादम्बाः सारसा हंसाः कुरर्यः कुररैः सह ॥KUMB: १-१६७-३२॥
The lake and the tree were created by Śālihotra through his austerities. Kadamba geese, sāras cranes, swans, and female ospreys together with the males… (KUMB: 1-167-32)
[PV-KDV:01_028_36]
रुवन्ति मधुरं गीतं गान्धर्वस्वनमिश्रितम्. ॥KUMB: १-१६७-३३॥
sing a sweet song mingled with the music of the Gandharvas. (KUMB: 1-167-33)
[PV-KDV:01_028_37]
वैशम्पायन उवाच । तस्यास्तद्वचनं श्रुत्वा कुन्ती वचनमब्रवीत् ॥KUMB: १-१६७-३३क्ष्॥
Vaiśampāyana said: Hearing her words, Kuntī spoke to... (KUMB: 1-167-33क्ष्)
[PV-KDV:01_028_38]
युधिष्ठिरं महाप्राज्ञं सर्वधर्मविशारदम्. ॥KUMB: १-१६७-३४॥
to the exceedingly wise Yudhishthira, thoroughly versed in every dharma. (KUMB: 1-167-34)
[PV-KDV:01_028_39]
कुन्त्युवाच । त्वं हि धर्मभृतां श्रेष्ठो मयोक्तं शृणु भारत ॥KUMB: १-१६७-३४क्ष्॥
Kunti said, “You are the foremost of those who uphold dharma. Hear what I have to say, descendant of Bharata.” (KUMB: 1-167-34क्ष्)
[PV-KDV:01_028_40]
राक्षस्येषा हि वाक्येन धर्मं वदति साधु वै । भावेन दुष्टा भीमं वै किं करिष्यति राक्षसी ॥KUMB: १-१६७-३५॥
This rakshasi is indeed speaking rightly about dharma. Wicked by nature though she is, what can she do to Bhima? (KUMB: 1-167-35)
[PV-KDV:01_028_41]
भजतां पाण्डवं वीरमपत्यार्थं यदीच्छसि. ॥KUMB: १-१६७-३६॥
If you wish, let her unite with the heroic Pandava for the sake of having a child. (KUMB: 1-167-36)
[PV-KDV:01_028_42]
युधिष्ठिर उवाच । एवमेतद्यथाऽऽत्थ त्वं हिडिम्बे नात्र संशयः ॥KUMB: १-१६७-३६क्ष्॥
Yudhishthira said, “It is exactly as you say, Hidimba; there is no doubt about it.” (KUMB: 1-167-36क्ष्)
[PV-KDV:01_028_43]
स्थातव्यं तु त्वया धर्मे यथा ब्रूयां सुमध्यमे । नित्यं कृताह्निका स्नाता कृतशौचा सुरूपिणी ॥KUMB: १-१६७-३७॥
But you must abide by the rule I shall lay down, fair-waisted one: each day, having performed your daily rites, bathed, and purified yourself, and looking beautiful… (KUMB: 1-167-37)
[PV-KDV:01_028_44]
स्नातं कृताह्निकं भद्रे कृतकौतुकमङ्गलम् । भीमसेनं भजेथास्त्वमुदिते वै दिवाकरे ॥KUMB: १-१६७-३८॥
Dear lady, when the sun has risen, you should join Bhimasena after he has bathed, performed his daily rites, and completed the auspicious ceremonies. (KUMB: 1-167-38)
[PV-KDV:01_028_45]
अहस्सु विहरानेन यथाकामं मनोजवा । अयं त्वानयितव्यस्ते भीमसेनः सदा निशि ॥KUMB: १-१६७-३९॥
By day, roam with him wherever you wish, O swift-as-thought one; but you must always bring this Bhimasena back at night. (KUMB: 1-167-39)
[PV-KDV:01_028_46]
प्राक्सन्ध्यातो विमोक्तव्यो रक्षितव्यश्च नित्यशः । एवं रमस्व भीमेन यावद्गर्भस्य वेदनम् ॥KUMB: १-१६७-४०॥
He must be released before twilight and protected at all times. Thus take your pleasure with Bhima until you know that you are pregnant. (KUMB: 1-167-40)
[PV-KDV:01_028_47]
एष ते समयो भद्रे शुश्रूषा चाप्रमत्तया । नित्यानुकूलया भूत्वा कर्तव्यं शोभनं त्वया ॥KUMB: १-१६७-४१॥
This is your obligation, fair lady: you must serve attentively and, always accommodating, do what is proper. (KUMB: 1-167-41)
[PV-KDV:01_028_48]
वैशम्पायन उवाच॥KUMB: १-१६८-०क्ष्॥
Vaiśampāyana said: (KUMB: 1-168-0क्ष्)
[PV-KDV:01_028_49]
युधिष्ठिरवचः श्रुत्वा कुन्तीमङ्गेऽधिरोप्य सा । भीमार्जुनान्तरगता यमाभ्यां च पुरस्कृता ॥KUMB: १-१६८-१॥
Having heard Yudhishthira’s words, she lifted Kunti onto her hip and, walking between Bhima and Arjuna with the twins before her… (KUMB: 1-168-1)
[PV-KDV:01_028_50]
तिर्यग्युधिष्ठिरे याति हिडिम्बा भीमगामिनी । शालिहोत्रसरो रम्यमाससाद जलार्थिनी ॥KUMB: १-१६८-२॥
As Yudhishthira proceeded alongside, Hidimba, accompanying Bhima, reached the lovely Lake Shalihotra in search of water. (KUMB: 1-168-2)
[PV-KDV:01_028_51]
वनस्पतितलं गत्वा परिमृज्य गृहं यथा । पाण्डवानां च वासं सा कृत्वा पर्णमयं तथा ॥KUMB: १-१६८-३॥
Going to the foot of a tree and sweeping it clean like a house, she made a dwelling of leaves for the Pandavas, and likewise… (KUMB: 1-168-3)
[PV-KDV:01_028_52]
आत्मनश्च तथा कुन्त्या एकोद्देशे चकार सा । पाण्डवास्तु ततः स्नात्वा शुद्धाः सन्ध्यामुपास्य च ॥KUMB: १-१६८-४॥
She did the same for herself and Kunti in a single place. Then the Pandavas bathed, purified themselves, and performed their twilight devotions… (KUMB: 1-168-4)
[PV-KDV:01_028_53]
तृषिताः क्षुत्पिपासार्ता जलमात्रेण वर्तयन् । शालिहोत्रस्ततो ज्ञात्वा क्षुधार्तान्पाण्डवांस्तदा ॥KUMB: १-१६८-५॥
Thirsty and tormented by hunger and thirst, they subsisted on water alone. Then Shalihotra, realizing that the Pandavas were afflicted by hunger... (KUMB: 1-168-5)
[PV-KDV:01_028_54]
मनसा चिन्तयामास पानीयं भोजनं महत् । ततस्ते पाण्डवाः सर्वे विश्रान्ताः पृथया सह ॥KUMB: १-१६८-६॥
He thought of abundant drink and food. Then all the Pandavas, having rested together with Pritha… (KUMB: 1-168-6)
[PV-KDV:01_028_55]
यथा जतुगृहे वृत्तं राक्षसेन कृतं च यत् । कृत्वा कथा बहुविधाः कथान्ते पाण्डुनन्दनम् ॥KUMB: १-१६८-७॥
After various discussions of what had happened in the house of lac and what the Rakshasa had done, at the end of the conversation, to Pāṇḍu’s son… (KUMB: 1-168-7)
[PV-KDV:01_028_56]
कुन्ती राजसुता वाक्यं भीमसेनमथाब्रवीत् । यथा पाण्डुस्तथा मान्यस्तव ज्येष्ठो युधिष्ठिरः ॥KUMB: १-१६८-८॥
Then Kunti, the king’s daughter, said to Bhimasena, “You must honor your elder brother Yudhishthira as you would Pandu.” (KUMB: 1-168-8)
[PV-KDV:01_028_57]
अहं धर्मविदाऽनेन मान्या गुरुतरा तव । तस्मात्पाण्डुहितार्थं मे युवराज हितं कुरु ॥KUMB: १-१६८-९॥
This knower of dharma honors me, and I am your superior. Therefore, young prince, for Pandu’s sake, do what is good for me. (KUMB: 1-168-9)
[PV-KDV:01_028_58]
निकृता धार्तराष्ट्रेण पापेनाकृतबुद्धिना । दुष्कृतस्य प्रतीकारं न पश्यामि वृकोदर ॥KUMB: १-१६८-१०॥
I have been wronged by the sinful, foolish son of Dhritarashtra. I see no redress for his evil deed, Vrikodara. (KUMB: 1-168-10)
[PV-KDV:01_028_59]
तस्मात्कतिपयाहेन योगक्षेमं भविष्यति । क्षेमं दुर्गमिमं वासं वत्स्याम हि यथा वयम् ॥KUMB: १-१६८-११॥
Therefore, in a few days our security will be assured, so that we may safely complete this difficult sojourn. (KUMB: 1-168-11)
[PV-KDV:01_028_60]
इदमन्यन्महदुःखं धर्मकृच्छ्रं वृकोदर । दृष्ट्वैव त्वां महाप्राज्ञ अनङ्गाभिप्रचोदिता ॥KUMB: १-१६८-१२॥
This is another great hardship, a dilemma of dharma, Vrikodara: at the very sight of you, most wise one, she was impelled by desire… (KUMB: 1-168-12)
[PV-KDV:01_028_61]
युधिष्ठिरं च मां चैव वरयामास धर्मतः । धर्मार्थं देहि पुत्रं त्वं स नः श्रेयः करिष्यति ॥KUMB: १-१६८-१३॥
She has duly made her request to both Yudhishthira and me. For the sake of dharma, give her a son; he will bring us good fortune. (KUMB: 1-168-13)
[PV-KDV:01_028_62]
प्रतिवाक्यं तु नेच्छामि आवयोर्वचनं कुरु. ॥KUMB: १-१६८-१४॥
But I will accept no refusal; do as the two of us ask. (KUMB: 1-168-14)
[PV-KDV:01_028_63]
वैशम्पायन उवाच । तथेति तत्प्रतिज्ञाय भीमसेनोऽब्रवीदिदम् ॥KUMB: १-१६८-१४क्ष्॥
Vaiśampāyana said: Having promised, “So be it,” Bhīmasena said this: (KUMB: 1-168-14क्ष्)
[PV-KDV:01_028_64]
शासनं ते करिष्यामि वेदशासनमित्यपि । समक्षं भ्रातृमध्ये तु तां चोवाच स राक्षसीम् ॥KUMB: १-१६८-१५॥
“I shall obey your command as I would a Vedic injunction.” Then, in the presence of his brothers, he addressed the Rakshasi: (KUMB: 1-168-15)
[PV-KDV:01_028_65]
शृणु राक्षसि सत्येन समयं ते वदाम्यहम्.यावत्कालेन भवति पुत्रस्योत्पादनं शुभे ॥KUMB: १-१६८-१६॥
Listen, Rākṣasī. I truthfully state my condition to you: however long it takes to beget a son, fair one... (KUMB: 1-168-16)
[PV-KDV:01_028_66]
तावत्कालं चरिष्यामि त्वया सह सुमध्यमे । विशेषतो मत्सकाशे मा प्रकाशय नीचताम् ॥KUMB: १-१६८-१७॥
Until then I will live with you, slender-waisted woman. Above all, do not display any baseness in my presence. (KUMB: 1-168-17)
[PV-KDV:01_028_67]
उत्तमस्त्रीगुणोपेता भजेथा वरवर्णिनि. ॥KUMB: १-१६८-१८॥
Conduct yourself as one endowed with the virtues of a noble woman, O fair-complexioned one. (KUMB: 1-168-18)
[PV-KDV:01_028_68]
वैशम्पायन उवाच । सा तथेति प्रतिज्ञाय हिडिम्बा राक्षसी तथा ॥KUMB: १-१६८-१८क्ष्॥
Vaiśampāyana said: “The Rākṣasī Hiḍimbā agreed, saying, ‘So be it,’ and then…” (KUMB: 1-168-18क्ष्)
[PV-KDV:01_028_69]
गताऽहनि निवेशेषु भोज्यं राजार्हमानयत् । सा कदाचिद्विहारार्थं हिडिम्बा कामरूपिणी ॥KUMB: १-१६८-१९॥
When the day was over, she brought food fit for a king to their resting places. Once, for recreation, the shape-shifting Hidimba… (KUMB: 1-168-19)
[PV-KDV:01_028_70]
भीमसेनमुपादाय ऊर्ध्वमाचक्रमं तदा । शैलशृङ्गेषु रम्येषु देवतायतनेषु च ॥KUMB: १-१६८-२०॥
Taking Bhimasena with her, she then rose aloft, amid lovely mountain peaks and sanctuaries of the gods... (KUMB: 1-168-20)
[PV-KDV:01_028_71]
मृगपक्षिविघृष्टेषु रमणीयेषु सर्वेषु । कृत्वा सा परमं रूपं सर्वाभरणभूषिता ॥KUMB: १-१६८-२१॥
In every delightful place frequented by deer and birds, having assumed a form of surpassing beauty and adorned herself with every ornament… (KUMB: 1-168-21)
[PV-OTH:01_028_72]
संजल्पन्ती सुमधुरं रमयामास पाण्डवम् । तथैव वनदुर्गेषु पर्वतद्रुमसानुषु ॥KUMB: १-१६८-२२॥
Speaking very sweetly, she delighted the Pandava, likewise in forest fastnesses and on mountain peaks and treetops… (KUMB: 1-168-22)
[PV-KDV:01_028_73]
सरस्तु रमणीयेषु पद्मोत्पलवनेषु च । नदीद्वीपप्रदेशेषु वैडूर्यसिकतेषु च ॥KUMB: १-१६८-२३॥
in delightful lakes, in groves of lotuses and water lilies, in regions of river islands, and on sands of beryl… (KUMB: 1-168-23)
[PV-OTH:01_028_74]
देवारण्येषु पुण्येषु तथा पर्वतसानुषु । सुतीर्थवनतोयासु तथा गिरिनदीषु च ॥KUMB: १-१६८-२४॥
in sacred groves of the gods, on mountain slopes, and in mountain rivers with fine fords, woods, and waters… (KUMB: 1-168-24)
[PV-OTH:01_028_75]
सागरस्य प्रदेशेषु भणिहेमयुतेषु च । गुह्यकानां निवासेषु कुलपर्वतसानुषु ॥KUMB: १-१६८-२५॥
in regions of the ocean rich in jewels and gold, in the dwellings of the Guhyakas, and on the slopes of the great mountains; (KUMB: 1-168-25)
[PV-OTH:01_028_76]
सर्वर्तुफलवृक्षेषु मानसेषु वनेषु च । बिभ्रती परमं रूपं रमयामास पाण्डवम् ॥KUMB: १-१६८-२६॥
Amid trees bearing fruit in every season and in the forests around Lake Mānasa, she displayed surpassing beauty and delighted the Pandava. (KUMB: 1-168-26)
[PV-KDV:01_028_77]
यथा सुमोदते स्वर्गे सुकृत्यप्सरसा सह । सुतरां परमप्रीतस्तथा रेमे महाद्युतिः ॥KUMB: १-१६८-२७॥
Just as a virtuous man delights greatly in heaven with an Apsaras, so the radiant hero, filled with the utmost joy, took his pleasure. (KUMB: 1-168-27)
[PV-OTH:01_028_78]
शुभं हि जघनं तस्याः सवर्णमणिमेखलम् । न ततर्प तदा मृद्गन्भीमसेनो मुहुर्मुहुः ॥KUMB: १-१६८-२८॥
Bhimasena could not get enough of repeatedly caressing her lovely hips, adorned with a girdle of gems of matching hue. (KUMB: 1-168-28)
[PV-OTH:01_028_79]
रमयन्ती ततो भीमं तत्रतत्र मनोजवा । सा रेमे तेन संहर्षात्तृप्यन्ती च मुहुर्मुहुः ॥KUMB: १-१६८-२९॥
Then, swift as thought, she delighted Bhima in one place after another; thrilled, she took her pleasure with him and was satisfied again and again. (KUMB: 1-168-29)
[PV-OTH:01_028_80]
अहस्सु रमयन्ती सा निशाकालेषु पाण्डवम् । आनीय वै स्वके गेहे दर्शयामास मातरम् ॥KUMB: १-१६८-३०॥
She entertained the Pandava during the day, and at night brought him home and presented him to his mother. (KUMB: 1-168-30)
[PV-KDV:01_028_81]
भ्रातृभिः सहितो नित्यं स्वपते पाण्डवस्तथा । कुन्त्याः परिचरन्ती सा तस्याः पार्श्वेवसन्निशां ॥KUMB: १-१६८-३१॥
The Pandava always slept with his brothers, spending the night by Kunti’s side while she attended upon Kunti. (KUMB: 1-168-31)
[PV-KDV:01_028_82]
कामांश्च मुखवासादीनानयिष्यति भोजनम् । तस्यां रात्र्यां व्यतीतायामाजगाम महाव्रतः ॥KUMB: १-१६८-३२॥
She would bring food and whatever else they desired, including mouth perfumes. When that night had passed, the man of great vows arrived… (KUMB: 1-168-32)
[PV-KDV:01_028_83]
पाराशर्यो महाप्राज्ञो दिव्यदर्शी महातपाः । तेऽभिवाद्य महात्मानं कृष्णद्वैपायनं शुभम् । तस्थुः प्राञ्जलयः सर्वे सस्नुषा चैव माधवी ॥KUMB: १-१६८-३३॥
Parāśara’s son, profoundly wise, possessed of divine vision, and mighty in austerity. They all, together with Mādhavī and her daughter-in-law, saluted the noble and blessed Kṛṣṇa Dvaipāyana and stood with palms joined. (KUMB: 1-168-33)
[PV-KDV:01_028_84]
श्रीव्यास उवाच॥KUMB: १-१६८-३४क्ष्॥
The venerable Vyasa said: (KUMB: 1-168-34क्ष्)
[PV-KDV:01_028_85]
मयेदं मनसा पूर्वं विदितं भरतर्षभाः । यथा स्थितैरधर्मेण धार्तराष्ट्रौर्विवासिताः ॥KUMB: १-१६८-३४॥
I knew beforehand in my mind, O bulls of Bharata’s line, that you would be exiled by the sons of Dhritarashtra, who acted unrighteously. (KUMB: 1-168-34)
[PV-KDV:01_028_86]
तद्विदित्वाऽस्मि संप्राप्तश्चिकीर्ष्वै परं हितम् । न विषादो हि वः कार्यः सर्वमेतत्सुखाय वः ॥KUMB: १-१६८-३५॥
Knowing this, I have come here, wishing to do you the greatest good. You must not despair, for all this is for your happiness. (KUMB: 1-168-35)
[PV-KDV:01_028_87]
सुहृद्वियोजनं कर्म पुराकृतमरिन्दमाः । तस्य सिद्धिरियं प्राप्ता मा शोचत परन्तपाः ॥KUMB: १-१६८-३६॥
O subduers of foes, an act committed in the past has brought about your separation from your friends. Its fruition has now come to pass; do not grieve, O scorches of foes. (KUMB: 1-168-36)
[PV-KDV:01_028_88]
समाप्ते दुष्कृते चैव यूयं ते वै न संशयः । स्वराष्ट्रे विहरिष्यन्तो भविष्यथ सबान्धवाः ॥KUMB: १-१६८-३७॥
Once that evil deed has run its course, you will undoubtedly live in your own kingdom together with your kinsmen. (KUMB: 1-168-37)
[PV-KDV:01_028_89]
दीनतो बालतश्चैव स्नेहं कुर्वन्ति बान्धवाः । तस्मादभ्यधिकः स्नेहो युष्मासु मम संप्रति ॥KUMB: १-१६८-३८॥
Kinsmen show affection out of compassion and toward children; therefore my affection for you is now all the greater. (KUMB: 1-168-38)
[PV-KDV:01_028_90]
स्नेहपूर्वं चिकीर्षामि हितं यत्तन्निबोधत । वसतेह प्रतिच्छन्ना ममागमनकाङ्क्षिणः ॥KUMB: १-१६८-३९॥
Hear what I wish to do for your good, out of affection. Remain here in hiding, awaiting my arrival. (KUMB: 1-168-39)
[PV-KDV:01_028_91]
एतद्वै शालिहोत्रस्य तपसा निर्मितं सरः । रमणीयमिदं तोयं क्षुत्पिपासाश्रमापहम् ॥KUMB: १-१६८-४०॥
This lake was created by Shalihotra through his austerities. Its delightful water dispels hunger, thirst, and fatigue. (KUMB: 1-168-40)
[PV-KDV:01_028_92]
कार्यार्थिनस्तु षण्मासान्विहरध्वं यथासुखम् ॥KUMB: १-१६८-४१॥
But since you have a task to accomplish, remain here at your ease for six months. (KUMB: 1-168-41)
[PV-KDV:01_028_93]
वैशम्पायन उवाच॥KUMB: १-१६८-४२क्ष्॥
Vaiśampāyana said: (KUMB: 1-168-42क्ष्)
[PV-KDV:01_028_94]
एवं स तान्समाश्वास्य व्यासः पार्थानरिन्दमान् । स्नेहाच्च संपरिष्वज्य कुन्तीमाश्वासयत्प्रभुः ॥KUMB: १-१६८-४२॥
Having thus reassured the Pāṇḍavas, those subduers of foes, the mighty Vyāsa embraced Kuntī affectionately and comforted her. (KUMB: 1-168-42)
[PV-KDV:01_028_95]
स्नुषे मा रोद मा रोदेत्येवं व्यासोऽब्रवीद्वचः । जीवपुत्रे सुतस्तेऽयं धर्मनित्यो युधिष्ठिरः ॥KUMB: १-१६८-४३॥
“Daughter-in-law, do not weep, do not weep,” Vyasa said. “O mother of living sons, this son of yours, Yudhishthira, is ever devoted to dharma…” (KUMB: 1-168-43)
[PV-PAN:01_028_96]
पृथिव्यां पार्थइवान्सर्वान्प्रशासिष्यति धर्मराट् । धर्मेण जित्वा पृथिवीमखिलां धर्मकृद्वशी ॥KUMB: १-१६८-४४॥
As a righteous king, he will govern all the rulers on earth; righteous and self-controlled, having conquered the entire earth through righteousness… (KUMB: 1-168-44)
[PV-PAN:01_028_97]
स्थापयित्वा वशे सर्वां सपर्वतवनां शुभाम् । भीमसेनार्जुनबलाद्भोक्ष्यत्ययमसंशयम् ॥KUMB: १-१६८-४५॥
Having brought the entire beautiful earth, with its mountains and forests, under his control, he will undoubtedly enjoy it through the might of Bhimasena and Arjuna. (KUMB: 1-168-45)
[PV-PAN:01_028_98]
पुत्रास्तव च माद्र्याश्च पञ्चैते लोकविश्रुताः । स्वराष्ट्रे विहरिष्यन्ति सुखं सुमनसस्तदा ॥KUMB: १-१६८-४६॥
These five sons of yours and Madri’s, renowned throughout the world, will then live happily and joyfully in their own kingdom. (KUMB: 1-168-46)
[PV-PAN:01_028_99]
यक्ष्यन्ति च नरव्याघ्रा विजित्य पृथिवीमिमाम् । राजसूयाश्वमेधाद्यैः क्रतुभिर्भूरिदक्षिणैः ॥KUMB: १-१६८-४७॥
After conquering this earth, those tigers among men will perform sacrifices such as the Rajasuya and the Ashvamedha, bestowing abundant sacrificial gifts. (KUMB: 1-168-47)
[PV-PAN:01_028_100]
अनुगृह्य सुहृद्वर्गं धनेन च सुखेन च । पितृपैतामहं राज्यमहारिष्यन्ति ते सुताः ॥KUMB: १-१६८-४८॥
After bestowing wealth and comfort on their circle of friends, your sons will take possession of the kingdom of their fathers and forefathers. (KUMB: 1-168-48)
[PV-PAN:01_028_101]
स्नुषा कमलपत्राक्षी नाम्ना कमलपालिका । वशवर्तिनी तु भीमस्य पुत्रमेषा जनिष्यति ॥KUMB: १-१६८-४९॥
Your lotus-petal-eyed daughter-in-law, named Kamalapālikā, who is obedient to Bhīma, will bear him a son. (KUMB: 1-168-49)
[PV-KDV:01_028_102]
तेन पुत्रेण कृच्छ्रेषु भविष्यथ च तारिताः । इह मासं प्रतीक्षध्वमागमिष्याम्यहं पुनः ॥KUMB: १-१६८-५०॥
Through that son you will be delivered from hardships. Wait here for a month; I shall return. (KUMB: 1-168-50)
[PV-KDV:01_028_103]
देशकालौ विदित्वैवं यास्यध्वं परमां मुदम् ॥KUMB: १-१६८-५१॥
Thus, knowing the proper place and time, you will attain supreme joy. (KUMB: 1-168-51)
[PV-KDV:01_028_104]
वैशम्पायन उवाच॥KUMB: १-१६८-५२क्ष्॥
Vaiśampāyana said: (KUMB: 1-168-52क्ष्)
[PV-KDV:01_028_105]
स तैः प्राञ्जलिभिः सर्वैस्तथेत्युक्तो जनाधिप । जगाम भगवान्व्यासो यथागतमृषिः प्रभुः ॥KUMB: १-१६८-५२॥
O king, when they all stood with joined palms and said, “So be it,” the blessed sage Vyasa, the mighty lord, departed as he had come. (KUMB: 1-168-52)
[PV-KDV:01_028_106]
वैशम्पायन उवाच॥KUMB: १-१६९-०क्ष्॥
Vaiśampāyana said: (KUMB: 1-169-0क्ष्)
[PV-KDV:01_028_107]
गते भगवति व्यासे पाण्डवा विगतज्वराः । ऊषुस्तत्र च षण्मासान्वटवृक्षे यथासुखम् ॥KUMB: १-१६९-१॥
After the blessed Vyasa had departed, the Pandavas, free from distress, lived there by the banyan tree for six months at their ease. (KUMB: 1-169-1)
[PV-KDV:01_028_108]
शाकमूलफलाहारास्तपः कुर्वन्ति पाण्डवाः । अनुज्ञाता महाराज ततः कमलपालिका ॥KUMB: १-१६९-२॥
The Pandavas, subsisting on greens, roots, and fruits, practiced austerities. Then, with permission, O great king, Kamalapalika… (KUMB: 1-169-2)
[PV-KDV:01_028_109]
रमयन्ती सदा भीमं तत्रतत्र मनोजवा । दिव्याभरणवस्त्रा हि दिव्यस्रगनुलेपना ॥KUMB: १-१६९-३॥
swift as thought, always delighting Bhima from place to place, adorned with divine ornaments and garments, garlands, and unguents… (KUMB: 1-169-3)
[PV-KDV:01_028_110]
एवं भ्रातॄन्सप्त मासान्हिडिम्बाऽवासयद्वने । पाण्डवान्भीमसेनार्थे राक्षसी कामरूपिणी ॥KUMB: १-१६९-४॥
Thus, for Bhimasena’s sake, Hidimba—the shape-shifting rakshasi—lodged the Pandava brothers in the forest for seven months. (KUMB: 1-169-4)
[PV-KDV:01_028_111]
सुखं स विहरन्भीमस्तत्कालं पर्यणामयत् । ततोऽलभत सा गर्भं राक्षसी कामरूपिणी ॥KUMB: १-१६९-५॥
Bhima passed that time in happy enjoyment. Then the shape-shifting Rakshasi became pregnant. (KUMB: 1-169-5)
[PV-KDV:01_028_112]
अतृप्ता भीमसेनेन सप्तमासोपसंगता । प्रजज्ञे राक्षसी पुत्रं भीमसेनान्महाबलात् ॥KUMB: १-१६९-६॥
Still unsated by Bhimasena, after seven months the Rakshasi gave birth to a son by the mighty Bhimasena. (KUMB: 1-169-6)
[PV-KDV:01_028_113]
विरूपाक्षं महावक्त्रं शङ्कुकर्णं विभीषणम् । भीमरूपं सुताम्राक्षं तीक्ष्णदंष्ट्रं महारथम् ॥KUMB: १-१६९-७॥
misshapen-eyed, huge-mouthed, spike-eared, terrifying, fearsome in form, with bright copper-red eyes and sharp fangs, and a great chariot-warrior… (KUMB: 1-169-7)
[PV-PAX:01_028_114]
महेष्वासं महावीर्यं महासत्वं महाजवम् । महाकायं महाकालं महाग्रीवं महाभुजम् ॥KUMB: १-१६९-८॥
a great bowman, immensely valiant and strong, exceedingly swift, huge-bodied and very dark, with a massive neck and mighty arms… (KUMB: 1-169-8)
[PV-PAX:01_028_115]
अमानुषं मानुषजं भीमवेगमरिन्दमम् । पिशाचकानतीत्यान्यान्बभूवाति स मानुषान् ॥KUMB: १-१६९-९॥
superhuman though born of a human, terrifyingly swift and a subduer of foes. Surpassing the other Piśācas, he also surpassed human beings. (KUMB: 1-169-9)
[PV-KDV:01_028_116]
बालोऽपि विक्रमं प्राप्तो मानुषेषु विशांपते । सर्वास्त्रेषु वरो वीरः प्रकाममभवद्बली ॥KUMB: १-१६९-१०॥
Though still a child, he attained great prowess among men, O king. The hero became preeminent in the use of every weapon and immensely strong. (KUMB: 1-169-10)
[PV-KDV:01_028_117]
सद्यो हि गर्भं राक्षस्यो लभन्ते प्रसवन्ति च । कामरूपधराश्चैव भवन्ति बहुरूपिकाः ॥KUMB: १-१६९-११॥
For female Rakshasas conceive and give birth at once, and Rakshasas can assume forms at will and take on many shapes. (KUMB: 1-169-11)
[PV-KDV:01_028_118]
प्रणम्य विकचः पादावगृह्णात्स पितुस्तदा । मातुश्च परमेष्वासस्तौ च नामास्य चक्रतुः ॥KUMB: १-१६९-१२॥
The bald-headed, supreme archer bowed and clasped the feet of his father and mother. The two of them then gave him a name. (KUMB: 1-169-12)
[PV-KDV:01_028_119]
घटोहास्योत्कच इति माता तं प्रत्यभाषत । अभवत्तेन नामास्य घटोत्कच इति स्म ह ॥KUMB: १-१६९-१३॥
“His bald head is like a pot,” his mother said to him. From this he came to be named Ghatotkacha. (KUMB: 1-169-13)
[PV-KDV:01_028_120]
अनुरक्तश्च तानासीत्पाण्डवान्स घटोत्कचः । तेषां च दयितो नित्यमात्मनित्यो बभूव ह ॥KUMB: १-१६९-१४॥
Ghatotkacha was devoted to those Pandavas, and was always as dear to them as their own selves. (KUMB: 1-169-14)
[PV-KDV:01_028_121]
घटोत्कचो महाकायः पाण्डवान्पृथया सह । अभिवाद्य यथान्यायमब्रवीच्च प्रभाष्य तान् ॥KUMB: १-१६९-१५॥
After duly saluting the Pandavas and Pritha, the huge-bodied Ghatotkacha addressed them and said: (KUMB: 1-169-15)
[PV-KDV:01_028_122]
किं करोम्यहमार्याणां निःशङ्कं वदतानघाः । तं ब्रुवन्तं भैमसेनिं कुन्ती वचनमब्रवीत् ॥KUMB: १-१६९-१६॥
“What may I do for you, noble ones? Tell me without hesitation, O blameless ones.” As Bhīmasena’s son spoke thus, Kuntī said to him: (KUMB: 1-169-16)
[PV-KDV:01_028_123]
त्वं कुरूणां कुले जातः साक्षाद्भीमसमो ह्यसि । ज्येष्ठः पुत्रोसि पञ्चानां साहाय्यं कुरु पुत्रक ॥KUMB: १-१६९-१७॥
You were born into the Kuru line and are indeed the equal of Bhima himself. You are the eldest son of the five; come to their aid, my child. (KUMB: 1-169-17)
[PV-KDV:01_028_124]
वैशम्पायन उवाच॥KUMB: १-१६९-१८क्ष्॥
Vaiśampāyana said: (KUMB: 1-169-18क्ष्)
[PV-KDV:01_028_125]
पृथयाप्येवमुक्तस्तु प्रणम्यैव वचोऽब्रवीत् । यथा हि रावणो लोके इन्द्रजिच्च महाबलः । वर्ष्मवीर्यसमो लोके विशिष्टश्चाभवं नृषु ॥KUMB: १-१६९-१८॥
Thus addressed by Pritha, he bowed and said: “Like Rāvaṇa and mighty Indrajit, I have become their equal in stature and prowess in the world and preeminent among men…” (KUMB: 1-169-18)
[PV-PAX:01_028_126]
कृत्यकाल उपस्थास्ये पितॄनिति घटोत्कचः । आमन्त्र्य रक्षसां श्रेष्ठः प्रतस्थे चोत्तरां दिशम् ॥KUMB: १-१६९-१९॥
“When the time for action comes, I shall present myself before you, my fathers.” With these words, Ghaṭotkaca, foremost of the Rakshasas, took his leave and departed northward. (KUMB: 1-169-19)
[PV-KDV:01_028_127]
स हि सृष्टो भगवता शक्तिहेतोर्महात्मना । वर्णस्याप्रतिवीर्यस्य प्रतियोद्धा महारथः ॥KUMB: १-१६९-२०॥
For the great-souled Lord had created that mighty chariot-warrior for the sake of the spear, to oppose the class whose prowess was unrivalled. (KUMB: 1-169-20)
[PV-PAN:01_028_128]
भीम उवाच॥KUMB: १-१६९-२१क्ष्॥
Bhima said: (KUMB: 1-169-21क्ष्)
[PV-KDV:01_028_129]
सह वासो मया जीर्णस्त्वया कमलपालिके । पुनर्द्रक्ष्यसि राज्यस्थानित्यभाषत तां तदा ॥KUMB: १-१६९-२१॥
“Kamalapalika, I have now lived with you long enough. You will see us again when we are established in a kingdom,” he then told her. (KUMB: 1-169-21)
[PV-KDV:01_028_130]
हिडिम्बोवाच ॥KUMB: १-१६९-२२क्ष्॥
Hiḍimbā said: (KUMB: 1-169-22क्ष्)
[PV-KDV:01_028_131]
पदा मां संस्मरेः कान्त रिरंसू रहसि प्रभो । तदा तव वशं भूय आगन्तास्म्याशु भारत ॥KUMB: १-१६९-२२॥
When you think of me, my beloved lord, wishing to make love in private, I shall quickly come and place myself at your disposal, descendant of Bharata. (KUMB: 1-169-22)
[PV-KDV:01_028_132]
इत्युक्त्वा सा जगामाशु भावमासज्य पाण्डवे । हिडिम्बा समयं स्मृत्वा स्वां गतिं प्रत्यपद्यत ॥KUMB: १-१६९-२३॥
Having said this, she quickly departed, her heart set on the Pandava. Remembering the agreement, Hidimba went her own way. (KUMB: 1-169-23)
[PV-KDV:01_028_133]
वैशम्पायन उवाच॥KUMB: १-१७०-०क्ष्॥
Vaiśampāyana said: (KUMB: 1-170-0क्ष्)
[PV-KDV:01_028_134]
ततस्ते पाण्डवाः सर्वे शालिहोत्राश्रमे तदा । पूजितास्तेन वन्येन तमामन्त्र्य महामुनिम् ॥KUMB: १-१७०-१॥
Then all the Pandavas, having been honored in Śālihotra’s hermitage by that forest-dweller, took leave of him, the great sage, and… (KUMB: 1-170-1)
[PV-KDV:01_028_135]
जटाः कृत्वाऽऽत्मनः सर्वे वल्कलाजिनवाससः । कुन्त्या सह महात्मानो बिभ्रतस्तापसं वपुः ॥KUMB: १-१७०-२॥
All those noble men, together with Kunti, wore their hair in matted locks and dressed in bark and deerskins, bearing the appearance of ascetics… (KUMB: 1-170-2)
[PV-KDV:01_028_136]
ब्राह्मं वेदमधीयाना वेदाङ्गानि च सर्वशः । नीतिशास्त्रं च धर्मज्ञा न्यायज्ञानं च पाण्डवाः ॥KUMB: १-१७०-३॥
The Pandavas, versed in dharma, studying the sacred Veda, all the Vedāṅgas in full, the science of polity, and the science of logic… (KUMB: 1-170-3)
[PV-KDV:01_028_137]
शालिहोत्रप्रसादेन लब्ध्वा प्रीतिमवाप्य च । ते वनेन वनं गत्वा घ्नन्तो मृगगणान्बहून् । अपक्रम्य ययू राजंस्त्वरमाणा महारथाः ॥KUMB: १-१७०-४॥
Having acquired it through Śālihotra’s favor and found satisfaction, they went from forest to forest, killing many herds of deer. Then, O king, the great chariot-warriors departed and hurried onward. (KUMB: 1-170-4)
[PV-KDV:01_028_138]
मत्स्यांस्त्रिगर्तान्पाञ्चालान्कीचकानन्तरेण च । रमणीयान्वनोद्देशान्प्रेक्षमाणाः सरांसि च ॥KUMB: १-१७०-५॥
through the lands of the Matsyas, Trigartas, Panchalas, and Kichakas, gazing upon delightful stretches of forest and lakes... (KUMB: 1-170-5)
[PV-KDV:01_028_139]
क्वचिद्वहन्तो जननीं त्वरमाणा महारथाः । क्वचिच्छ्रान्ताश्च कान्तारे क्वचित्तिष्ठन्ति हर्षिताः ॥KUMB: १-१७०-६॥
At times the great chariot-warriors hurried along carrying their mother; at times, weary in the wilderness, they rested; and at times they stood rejoicing. (KUMB: 1-170-6)
[PV-KDV:01_028_140]
क्वचिच्छन्देन गच्छन्तस्ते जग्मुः प्रसभं पुनः । पथि द्वैपायन सर्वे ददृशुः स्वपितामहम् ॥KUMB: १-१७०-७॥
Sometimes they traveled at their leisure, and then again they pressed on rapidly. On the road, they all saw Dvaipayana, their grandfather. (KUMB: 1-170-7)
[PV-KDV:01_028_141]
तेऽभिवाद्य महात्मानं कृष्णद्वैपायनं तदा । तस्थुः प्राञ्जलयः सर्वे सह मात्रा परन्तपाः ॥KUMB: १-१७०-८॥
Then those scorcher of foes all saluted the great-souled Krishna Dvaipayana and stood before him with joined palms, together with their mother. (KUMB: 1-170-8)
[PV-KDV:01_028_142]
व्यास उवाच॥KUMB: १-१७०-९क्ष्॥
Vyasa said: (KUMB: 1-170-9क्ष्)
[PV-KDV:01_028_143]
तदाश्रमान्निर्गमनं मया ज्ञातं नरर्षभाः । घटोत्कचस्य चोत्पत्तिं ज्ञात्वा प्रीतिरवर्धत ॥KUMB: १-१७०-९॥
I learned of your departure from that hermitage, O bulls among men, and my joy grew when I learned of Ghaṭotkaca’s birth. (KUMB: 1-170-9)
[PV-KDV:01_028_144]
इदं नगरमभ्याशे रमणीयं निरामयम् । वसतेह प्रतिच्छन्ना ममागमनकाङ्क्षिणः ॥KUMB: १-१७०-१०॥
Nearby is a pleasant, salubrious city. Live there in disguise, awaiting my arrival. (KUMB: 1-170-10)
[PV-KDV:01_028_145]
वैशम्पायन उवाच॥KUMB: १-१७०-११क्ष्॥
Vaiśampāyana said: (KUMB: 1-170-11क्ष्)
[PV-PAN:01_028_146]
एवं स तान्समाश्वास्य व्यासः पार्तानरिन्दमान् । एकचक्रामभिगतां कुन्तीमाश्वासयत्प्रभुः ॥KUMB: १-१७०-११॥
After thus reassuring the Pārthas, those conquerors of foes, the lord Vyāsa reassured Kuntī, who had come to Ekacakrā. (KUMB: 1-170-11)
[PV-PAN:01_028_147]
श्रीव्यास उवाच॥KUMB: १-१७०-१२क्ष्॥
The venerable Vyasa said: (KUMB: 1-170-12क्ष्)
[PV-PAN:01_028_148]
कुर्यान्न केवलं धर्मं दुष्कृतं च तथान नरः । सुकृतं दुष्कृतं लोके न कर्ता नास्ति कश्चन ॥KUMB: १-१७०-१२॥
A man does not do only what is right, but also what is wrong; in this world there is no one who does not perform both good and evil deeds. (KUMB: 1-170-12)
[PV-PAN:01_028_149]
अवश्यं लभते कर्ता फलं वै पुण्यपापयोः । दुष्कृतस्य फलेनैव प्राप्तं व्यसनमुत्तमम् ॥KUMB: १-१७०-१३॥
A person inevitably reaps the fruits of both good and evil deeds. This great calamity has come solely as the fruit of an evil deed. (KUMB: 1-170-13)
[PV-PAN:01_028_150]
तस्मान्माधवि मानार्हे मा च शोके मनः कृथाः ॥KUMB: १-१७०-१४॥
Therefore, Madhavi, worthy of honor, do not give your mind over to grief. (KUMB: 1-170-14)
[PV-PAN:01_028_151]
वैशम्पायन उवाच । एवमुक्त्वा निवेश्यैनान्ब्राह्मणस्य निवेशने ॥KUMB: १-१७०-१४क्ष्॥
Vaiśampāyana said: Having spoken thus and settled them in the Brahmin’s dwelling... (KUMB: 1-170-14क्ष्)
[PV-KDV:01_028_152]
जगाम भगवान्व्यासो यताकाममृषिः प्रभुः ॥KUMB: १-१७०-१५॥
the blessed sage Vyasa, the mighty seer, departed at his pleasure. (KUMB: 1-170-15)
[PV-KDV:01_028_153]
सभीम उवाच॥
Bhima said:
[PV-SVO:01_028_154]
स्मरन्ति वैरं रक्षांसि मायामाश्रित्य मोहिनीम् । हिडिम्बे व्रज पन्थानं त्वं वै भ्रातृनिषेवितम् ॥BORI: ०१-१४३-१॥
Rakshasas bear grudges and resort to delusive magic. Hiḍimbā, you too follow the path taken by your brother. (BORI: 01-143-1)
[PV-SVO:01_028_155]
युधिष्ठिर उवाच॥
Yudhishthira said:
[PV-SVO:01_028_156]
क्रुद्धोऽपि पुरुषव्याघ्र भीम मा स्म स्त्रियं वधीः । शरीरगुप्त्याभ्यधिकं धर्मं गोपय पाण्डव ॥BORI: ०१-१४३-२॥
Though you are angry, tiger among men, Bhima, do not kill a woman. Pandava, protect dharma even more carefully than you protect your own body. (BORI: 01-143-2)
[PV-SVO:01_028_157]
वधाभिप्रायमायान्तमवधीस्त्वं महाबलम् । रक्षसस्तस्य भगिनी किं नः क्रुद्धा करिष्यति ॥BORI: ०१-१४३-३॥
You killed that immensely powerful one when he came intent on killing. What will the enraged sister of that Rakshasa do to us? (BORI: 01-143-3)
[PV-SVO:01_028_158]
वैशम्पायन उवाच॥
Vaiśampāyana said:
[PV-SVO:01_028_159]
हिडिम्बा तु ततः कुन्तीमभिवाद्य कृताञ्जलिः । युधिष्ठिरं च कौन्तेयमिदं वचनमब्रवीत् ॥BORI: ०१-१४३-४॥
Then Hiḍimbā respectfully greeted Kuntī with joined palms and addressed these words to Yudhiṣṭhira, the son of Kuntī: (BORI: 01-143-4)
[PV-SVO:01_028_160]
आर्ये जानासि यद्दुःखमिह स्त्रीणामनङ्गजम् । तदिदं मामनुप्राप्तं भीमसेनकृतं शुभे ॥BORI: ०१-१४३-५॥
Noble lady, you know the anguish that women here suffer from the god of love. That very anguish has now befallen me because of Bhimasena, gracious lady. (BORI: 01-143-5)
[PV-SVO:01_028_161]
सोढं तत्परमं दुःखं मया कालप्रतीक्षया । सोऽयमभ्यागतः कालो भविता मे सुखाय वै ॥BORI: ०१-१४३-६॥
I endured that supreme anguish while awaiting the right time. Now that time has come, and it will surely bring me happiness. (BORI: 01-143-6)
[PV-SVO:01_028_162]
मया ह्युत्सृज्य सुहृदः स्वधर्मं स्वजनं तथा । वृतोऽयं पुरुषव्याघ्रस्तव पुत्रः पतिः शुभे ॥BORI: ०१-१४३-७॥
For I abandoned my friends, my own duty, and my family, and chose this tiger among men—your son—as my husband, fair lady. (BORI: 01-143-7)
[PV-SVO:01_028_163]
वरेणापि तथानेन त्वया चापि यशस्विनि । तथा ब्रुवन्ती हि तदा प्रत्याख्याता क्रियां प्रति ॥BORI: ०१-१४३-८॥
Yet when I spoke in this way, O illustrious lady, I was rejected in the matter of marriage both by this bridegroom and by you. (BORI: 01-143-8)
[PV-SVO:01_028_164]
त्वं मां मूढेति वा मत्वा भक्ता वानुगतेति वा । भर्त्रानेन महाभागे संयोजय सुतेन ते ॥BORI: ०१-१४३-९॥
Whether you regard me as foolish, devoted, or obedient, O fortunate lady, unite me with this son of yours as my husband. (BORI: 01-143-9)
[PV-SVO:01_028_165]
तमुपादाय गच्छेयं यथेष्टं देवरूपिणम् । पुनश्चैवागमिष्यामि विश्रम्भं कुरु मे शुभे ॥BORI: ०१-१४३-१०॥
I shall take this godlike man with me and go wherever I please; then I shall return. Trust me, fair lady. (BORI: 01-143-10)
[PV-SVO:01_028_166]
अहं हि मनसा ध्याता सर्वान्नेष्यामि वः सदा । वृजिने तारयिष्यामि दुर्गेषु च नरर्षभान् ॥BORI: ०१-१४३-११॥
For whenever you think of me, I shall always carry you all; I shall see you, bulls among men, safely through adversity and difficult places. (BORI: 01-143-11)
[PV-SVO:01_028_167]
पृष्ठेन वो वहिष्यामि शीघ्रां गतिमभीप्सतः । यूयं प्रसादं कुरुत भीमसेनो भजेत माम् ॥BORI: ०१-१४३-१२॥
I will carry you on my back, since you desire to travel swiftly. Do me this favor: let Bhimasena ride upon me. (BORI: 01-143-12)
[PV-SVO:01_028_168]
आपदस्तरणे प्राणान्धारयेद्येन येन हि । सर्वमादृत्य कर्तव्यं तद्धर्ममनुवर्तता ॥BORI: ०१-१४३-१३॥
To overcome adversity, one should preserve one’s life by whatever means possible; one who follows dharma should carefully do whatever is necessary. (BORI: 01-143-13)
[PV-SVO:01_028_169]
आपत्सु यो धारयति ध्रमं धर्मविदुत्तमः । व्यसनं ह्येव धर्मस्य धर्मिणामापदुच्यते ॥BORI: ०१-१४३-१४॥
He who upholds dharma in times of calamity is the foremost knower of dharma; for the impairment of dharma itself is said to be a calamity for the righteous. (BORI: 01-143-14)
[PV-SVO:01_028_170]
पुण्यं प्राणान्धारयति पुण्यं प्राणदमुच्यते । येन येनाचरेद्धर्मं तस्मिन्गर्हा न विद्यते ॥BORI: ०१-१४३-१५॥
Merit sustains life and is said to be life-giving. Whatever means one uses to practice dharma, no blame attaches to it. (BORI: 01-143-15)
[PV-SVO:01_028_171]
युधिष्ठिर उवाच॥
Yudhishthira said:
[PV-SVO:01_028_172]
एवमेतद्यथात्थ त्वं हिडिम्बे नात्र संशयः । स्थातव्यं तु त्वया धर्मे यथा ब्रूयां सुमध्यमे ॥BORI: ०१-१४३-१६॥
What you have said is indeed so, Hiḍimbā; there is no doubt about it. But you must abide by this condition, fair-waisted woman, as I shall tell you: (BORI: 01-143-16)
[PV-SVO:01_028_173]
स्नातं कृताह्निकं भद्रे कृतकौतुकमङ्गलम् । भीमसेनं भजेथास्त्वं प्रागस्तगमनाद्रवेः ॥BORI: ०१-१४३-१७॥
Fair lady, once Bhimasena has bathed, performed his daily rites, and completed the auspicious ceremonies, you may be with him until sunset. (BORI: 01-143-17)
[PV-SVO:01_028_174]
अहःसु विहरानेन यथाकामं मनोजवा । अयं त्वानयितव्यस्ते भीमसेनः सदा निशि ॥BORI: ०१-१४३-१८॥
Roam with him during the day as you please, you who are swift as thought; but you must always bring Bhimasena back at night. (BORI: 01-143-18)
[PV-SVO:01_028_175]
वैशम्पायन उवाच॥
Vaiśampāyana said:
[PV-SVO:01_028_176]
तथेति तत्प्रतिज्ञाय हिडिम्बा राक्षसी तदा । भीमसेनमुपादाय ऊर्ध्वमाचक्रमे ततः ॥BORI: ०१-१४३-१९॥
Having promised, “So be it,” the Rakshasi Hidimba took Bhimasena with her and then rose into the air. (BORI: 01-143-19)
[PV-SVO:01_028_177]
शैलशृङ्गेषु रम्येषु देवतायतनेषु च । मृगपक्षिविघुष्टेषु रमणीयेषु सर्वदा ॥BORI: ०१-१४३-२०॥
On lovely mountain peaks and at shrines of the gods, in places always delightful and resounding with animals and birds... (BORI: 01-143-20)
[PV-SVO:01_028_178]
कृत्वा च परमं रूपं सर्वाभरणभूषिता । सञ्जल्पन्ती सुमधुरं रमयामास पाण्डवम् ॥BORI: ०१-१४३-२१॥
Assuming a supremely beautiful form, adorned with every ornament, she delighted the Pandava with her sweet conversation. (BORI: 01-143-21)
[PV-SVO:01_028_179]
तथैव वनदुर्गेषु पुष्पितद्रुमसानुषु । सरःसु रमणीयेषु पद्मोत्पलयुतेषु च ॥BORI: ०१-१४३-२२॥
Likewise, in forest fastnesses, on slopes covered with flowering trees, and by delightful lakes filled with lotuses and water lilies… (BORI: 01-143-22)
[PV-SVO:01_028_180]
नदीद्वीपप्रदेशेषु वैडूर्यसिकतासु च । सुतीर्थवनतोयासु तथा गिरिनदीषु च ॥BORI: ०१-१४३-२३॥
in river-island regions, on sands of beryl, and likewise in mountain rivers with excellent fords and forest waters... (BORI: 01-143-23)
[PV-SVO:01_028_181]
सगरस्य प्रदेशेषु मणिहेमचितेषु च । पत्तनेषु च रम्येषु महाशालवनेषु च ॥BORI: ०१-१४३-२४॥
in Sagara’s territories, adorned with jewels and gold; in delightful cities and forests of great śāla trees… (BORI: 01-143-24)
[PV-SVO:01_028_182]
देवारण्येषु पुण्येषु तथा पर्वतसानुषु । गुह्यकानां निवासेषु तापसायतनेषु च ॥BORI: ०१-१४३-२५॥
in the sacred forests of the gods, on mountain slopes, in the dwellings of the Guhyakas, and in ascetics’ hermitages... (BORI: 01-143-25)
[PV-SVO:01_028_183]
सर्वर्तुफलपुष्पेषु मानसेषु सरःसु च । बिभ्रती परमं रूपं रमयामास पाण्डवम् ॥BORI: ०१-१४३-२६॥
Amid fruits and flowers of every season and at the Mānasa lakes, she assumed a supremely beautiful form and delighted the Pandava. (BORI: 01-143-26)
[PV-SVO:01_028_184]
रमयन्ती तथा भीमं तत्र तत्र मनोजवा । प्रजज्ञे राक्षसी पुत्रं भीमसेनान्महाबलम् ॥BORI: ०१-१४३-२७॥
As she thus delighted Bhima in place after place, the thought-swift Rakshasi bore a son of immense strength by Bhimasena. (BORI: 01-143-27)
[PV-SVO:01_028_185]
विरूपाक्षं महावक्त्रं शङ्कुकर्णं विभीषणम् । भीमरूपं सुताम्रोष्ठं तीक्ष्णदंष्ट्रं महाबलम् ॥BORI: ०१-१४३-२८॥
misshapen-eyed, huge-mouthed, spike-eared, terrifying, fearsome in form, with copper-red lips and sharp fangs, and immensely strong... (BORI: 01-143-28)
[PV-SVO:01_028_186]
महेष्वासं महावीर्यं महासत्त्वं महाभुजम् । महाजवं महाकायं महामायमरिंदमम् ॥BORI: ०१-१४३-२९॥
a great archer of immense prowess and courage, mighty-armed, exceedingly swift, huge-bodied, possessed of great magical powers, and a subduer of foes; (BORI: 01-143-29)
[PV-SVO:01_028_187]
अमानुषं मानुषजं भीमवेगं महाबलम् । यः पिशाचानतीवान्यान्बभूवाति स मानुषान् ॥BORI: ०१-१४३-३०॥
a nonhuman born of a human, terrifyingly swift and immensely strong, who greatly surpassed the other Pisachas—and humans even more. (BORI: 01-143-30)
[PV-SVO:01_028_188]
बालोऽपि यौवनं प्राप्तो मानुषेषु विशां पते । सर्वास्त्रेषु परं वीरः प्रकर्षमगमद्बली ॥BORI: ०१-१४३-३१॥
Though still a child, he reached manhood, O lord of peoples; strong and heroic, he attained supreme proficiency in every weapon among humans. (BORI: 01-143-31)
[PV-SVO:01_028_189]
सद्यो हि गर्भं राक्षस्यो लभन्ते प्रसवन्ति च । कामरूपधराश्चैव भवन्ति बहुरूपिणः ॥BORI: ०१-१४३-३२॥
For Rakshasa women become pregnant and give birth at once, and their offspring can assume forms at will and take many shapes. (BORI: 01-143-32)
[PV-SVO:01_028_190]
प्रणम्य विकचः पादावगृह्णात्स पितुस्तदा । मातुश्च परमेष्वासस्तौ च नामास्य चक्रतुः ॥BORI: ०१-१४३-३३॥
Bowing down, the hairless great archer then clasped the feet of his father and mother, and the two gave him a name. (BORI: 01-143-33)
[PV-SVO:01_028_191]
घटभासोत्कच इति मातरं सोऽभ्यभाषत । अभवत्तेन नामास्य घटोत्कच इति स्म ह ॥BORI: ०१-१४३-३४॥
“My bald head looks like a pot,” he said to his mother. For that reason, his name came to be Ghatotkacha. (BORI: 01-143-34)
[PV-SVO:01_028_192]
अनुरक्तश्च तानासीत्पाण्डवान्स घटोत्कचः । तेषां च दयितो नित्यमात्मभूतो बभूव सः ॥BORI: ०१-१४३-३५॥
Ghaṭotkaca was devoted to the Pāṇḍavas, and he was always dear to them, like one of their own. (BORI: 01-143-35)
[PV-SVO:01_028_193]
संवाससमयो जीर्ण इत्यभाषत तं ततः । हिडिम्बा समयं कृत्वा स्वां गतिं प्रत्यपद्यत ॥BORI: ०१-१४३-३६॥
Then Hiḍimbā said to him, “The appointed time for our life together has ended.” Having made an agreement, she went her own way. (BORI: 01-143-36)
[PV-SVO:01_028_194]
कृत्यकाल उपस्थास्ये पितृनिति घटोत्कचः । आमन्त्र्य राक्षसश्रेष्ठः प्रतस्थे चोत्तरां दिशम् ॥BORI: ०१-१४३-३७॥
“When the time for action comes, I shall present myself before my fathers,” said Ghaṭotkaca. Taking his leave, the foremost of the Rākṣasas then departed northward. (BORI: 01-143-37)
[PV-SVO:01_028_195]
स हि सृष्टो मघवता शक्तिहेतोर्महात्मना । कर्णस्याप्रतिवीर्यस्य विनाशाय महात्मनः ॥BORI: ०१-१४३-३८॥
For he had been created by the great-souled Maghavan, because of the spear, for the destruction of great-souled Karna, whose prowess was irresistible. (BORI: 01-143-38)
[PV-SVO:01_028_196]
वैशम्पायन उवाच॥
Vaiśampāyana said:
[PV-SVO:01_028_197]
ते वनेन वनं वीरा घ्नन्तो मृगगणान्बहून् । अपक्रम्य ययू राजंस्त्वरमाणा महारथाः ॥BORI: ०१-१४४-१॥
Those heroic great chariot-warriors, hastening through forest after forest and killing many herds of deer, departed and journeyed on, O king… (BORI: 01-144-1)
[PV-SVO:01_028_198]
मत्यांस्त्रिगर्तान्पाञ्चालान्कीचकानन्तरेण च । रमणीयान्वनोद्देशान्प्रेक्षमाणाः सरांसि च ॥BORI: ०१-१४४-२॥
passing through the Matsyas, Trigartas, Panchalas, and Kichakas, while gazing at delightful stretches of forest and lakes. (BORI: 01-144-2)
[PV-SVO:01_028_199]
जटाः कृत्वात्मनः सर्वे वल्कलाजिनवाससः । सह कुन्त्या महात्मानो बिभ्रतस्तापसं वपुः ॥BORI: ०१-१४४-३॥
All the great-souled men, together with Kunti, their hair in matted locks, clad in bark and deerskins, and bearing the appearance of ascetics... (BORI: 01-144-3)
[PV-SVO:01_028_200]
क्वचिद्वहन्तो जननीं त्वरमाणा महारथाः । क्वचिच्छन्देन गच्छन्तस्ते जग्मुः प्रसभं पुनः ॥BORI: ०१-१४४-४॥
At times the great chariot-warriors hurried along carrying their mother; at other times, traveling as they pleased, they again pressed swiftly onward. (BORI: 01-144-4)
[PV-SVO:01_028_201]
ब्राह्मं वेदमधीयाना वेदाङ्गानि च सर्वशः । नीतिशास्त्रं च धर्मज्ञा ददृशुस्ते पितामहम् ॥BORI: ०१-१४४-५॥
While studying the sacred Veda, all the Vedāṅgas in full, and the science of polity, they, who knew dharma, saw their grandfather. (BORI: 01-144-5)
[PV-SVO:01_028_202]
तेऽभिवाद्य महात्मानं कृष्णद्वैपायनं तदा । तस्थुः प्राञ्जलयः सर्वे सह मात्रा परन्तपाः ॥BORI: ०१-१४४-६॥
Then those scorcher-of-foes saluted the great-souled Kṛṣṇa Dvaipāyana and all stood with joined palms beside their mother. (BORI: 01-144-6)
[PV-SVO:01_028_203]
व्यास उवाच॥
Vyāsa said:
[PV-SVO:01_028_204]
मयेदं मनसा पूर्वं विदितं भरतर्षभाः । यथा स्थितैरधर्मेण धार्तराष्ट्रैर्विवासिताः ॥BORI: ०१-१४४-७॥
I had foreseen this, O foremost Bharatas: that you would be driven into exile by the sons of Dhritarashtra, who were committed to unrighteousness. (BORI: 01-144-7)
[PV-SVO:01_028_205]
तद्विदित्वास्मि सम्प्राप्तश्चिकीर्षुः परमं हितम् । न विषादोऽत्र कर्तव्यः सर्वमेतत्सुखाय वः ॥BORI: ०१-१४४-८॥
Knowing this, I have come here, wishing to do you the greatest good. You should not despair over this; all of it is for your happiness. (BORI: 01-144-8)
[PV-SVO:01_028_206]
समास्ते चैव मे सर्वे यूयं चैव न संशयः । दीनतो बालतश्चैव स्नेहं कुर्वन्ति बान्धवाः ॥BORI: ०१-१४४-९॥
They are all equal in my eyes, and so are all of you—there is no doubt. Kinsmen show affection out of concern for your helplessness and youth. (BORI: 01-144-9)
[PV-SVO:01_028_207]
तस्मादभ्यधिकः स्नेहो युष्मासु मम साम्प्रतम् । स्नेहपूर्वं चिकीर्षामि हितं वस्तन्निबोधत ॥BORI: ०१-१४४-१०॥
Therefore my affection for you is now all the greater. Out of affection, I wish to act for your welfare; hear what I have to say. (BORI: 01-144-10)
[PV-SVO:01_028_208]
इदं नगरमभ्याशे रमणीयं निरामयम् । वसतेह प्रतिच्छन्ना ममागमनकाङ्क्षिणः ॥BORI: ०१-१४४-११॥
A pleasant and safe town is nearby. Stay there in concealment, awaiting my arrival. (BORI: 01-144-11)
[PV-SVO:01_028_209]
वैशम्पायन उवाच॥
Vaiśampāyana said:
[PV-SVO:01_028_210]
एवं स तान्समाश्वास्य व्यासः पार्थानरिंदमान् । एकचक्रामभिगतः कुन्तीमाश्वासयत्प्रभुः ॥BORI: ०१-१४४-१२॥
Having thus reassured those foe-subduing sons of Pritha, the lord Vyasa went to Ekachakra and reassured Kunti. (BORI: 01-144-12)
[PV-SVO:01_028_211]
जीवपुत्रि सुतस्तेऽयं धर्मपुत्रो युधिष्ठिरः । पृथिव्यां पार्थिवान्सर्वान्प्रशासिष्यति धर्मराट् ॥BORI: ०१-१४४-१३॥
Your sons will live. This son of yours, Yudhishthira, the son of Dharma, will rule over all the kings on earth as a righteous sovereign. (BORI: 01-144-13)
[PV-SVO:01_028_212]
धर्मेण जित्वा पृथिवीमखिलां धर्मविद्वशी । भीमसेनार्जुनबलाद्भोक्ष्यत्ययमसंशयः ॥BORI: ०१-१४४-१४॥
Having conquered the entire earth through righteousness, this self-controlled knower of dharma will undoubtedly rule it by the might of Bhimasena and Arjuna. (BORI: 01-144-14)
[PV-SVO:01_028_213]
पुत्रास्तव च माद्र्याश्च सर्व एव महारथाः । स्वराष्ट्रे विहरिष्यन्ति सुखं सुमनसस्तदा ॥BORI: ०१-१४४-१५॥
Then all your sons and Madri’s, mighty chariot-warriors, will live happily and in good spirits in their own kingdom. (BORI: 01-144-15)
[PV-SVO:01_028_214]
यक्ष्यन्ति च नरव्याघ्रा विजित्य पृथिवीमिमाम् । राजसूयाश्वमेधाद्यैः क्रतुभिर्भूरिदक्षिणैः ॥BORI: ०१-१४४-१६॥
After conquering this earth, those tigers among men will perform sacrifices such as the Rājasūya and Aśvamedha, with abundant gifts to the priests. (BORI: 01-144-16)
[PV-SVO:01_028_215]
अनुगृह्य सुहृद्वर्गं धनेन च सुखेन च । पितृपैतामहं राज्यमिह भोक्ष्यन्ति ते सुताः ॥BORI: ०१-१४४-१७॥
Having provided their friends and allies with wealth and comforts, those sons of yours will enjoy here the kingdom inherited from their fathers and forefathers. (BORI: 01-144-17)
[PV-SVO:01_028_216]
एवमुक्त्वा निवेश्यैनान्ब्राह्मणस्य निवेशने । अब्रवीत्पार्थिवश्रेष्ठमृषिर्द्वैपायनस्तदा ॥BORI: ०१-१४४-१८॥
Having spoken thus and settled them in a Brahmin’s dwelling, the sage Dvaipayana then said to the foremost of kings: (BORI: 01-144-18)
[PV-SVO:01_028_217]
इह मां सम्प्रतीक्षध्वमागमिष्याम्यहं पुनः । देशकालौ विदित्वैव वेत्स्यध्वं परमां मुदम् ॥BORI: ०१-१४४-१९॥
Wait here for me. I shall return, and when the time and place are right, you will experience supreme joy. (BORI: 01-144-19)
[PV-SVO:01_028_218]
स तैः प्राञ्जलिभिः सर्वैस्तथेत्युक्तो नराधिप । जगाम भगवान्व्यासो यथाकाममृषिः प्रभुः ॥BORI: ०१-१४४-२०॥
When they had all respectfully replied, “So be it,” the venerable sage Vyasa, the mighty lord, departed at will, O king. (BORI: 01-144-20)
[PV-SVO:01_028_219]