Incredible Wisdom of Bharat!

Mahabharata - Aranyaka Parva (महाभारत - आरण्यकपर्वम्)

03.208

मार्कण्डेय उवाच॥

ब्रह्मणो यस्तृतीयस्तु पुत्रः कुरुकुलोद्वह। तस्यापवसुता भार्या प्रजास्तस्यापि मे शृणु ॥०३-२०८-१॥

बृहज्ज्योतिर्बृहत्कीर्तिर्बृहद्ब्रह्मा बृहन्मनाः। बृहन्मन्त्रो बृहद्भासस्तथा राजन्बृहस्पतिः ॥०३-२०८-२॥

प्रजासु तासु सर्वासु रूपेणाप्रतिमाभवत्। देवी भानुमती नाम प्रथमाङ्गिरसः सुता ॥०३-२०८-३॥

भूतानामेव सर्वेषां यस्यां रागस्तदाभवत्। रागाद्रागेति यामाहुर्द्वितीयाङ्गिरसः सुता ॥०३-२०८-४॥

यां कपर्दिसुतामाहुर्दृश्यादृश्येति देहिनः। तनुत्वात्सा सिनीवाली तृतीयाङ्गिरसः सुता ॥०३-२०८-५॥

पश्यत्यर्चिष्मती भाभिर्हविर्भिश्च हविष्मती। षष्ठीमङ्गिरसः कन्यां पुण्यामाहुर्हविष्मतीम् ॥०३-२०८-६॥

महामखेष्वाङ्गिरसी दीप्तिमत्सु महामती। महामतीति विख्याता सप्तमी कथ्यते सुता ॥०३-२०८-७॥

यां तु दृष्ट्वा भगवतीं जनः कुहुकुहायते। एकानंशेति यामाहुः कुहूमङ्गिरसः सुताम् ॥०३-२०८-८॥

ॐ असतो मा सद्गमय। तमसो मा ज्योतिर्गमय। मृत्योर्माऽमृतं गमय। ॐ शान्ति: शान्ति: शान्ति: ॥ - बृहदारण्यकोपनिषद् 1.3.28
"Ōm! Lead me from the unreal to the real, from darkness to light, and from death to immortality. Let there be peace, peace, and peace. Ōm!" - Brihadaranyaka Upanishad 1.3.28

Contact:
enquire@iwisdom.in